Bahoneza - Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali » Imiturire

Musanze – Hari abanga kwimuka mu bice byakwibasirwa n’ibiza bagirango bazishyurwe

admin — Fri, 17 May 2013 07:42:21 +0000

Bamwe mu batuye akarere ka Musanze, baba banga kwimuka mu bice bishobora kwibasirwa ku buryo bworoshye n’ibiza (Hi risk zone), bakeka ko bazishyurwa kugirango bahave, cyane ko haba ari mu masambu yabo barazwe n’ababyeyi.
Ibi bikaba ari ibivugwa n’umuyobozi w’akarere ka Musanze, nyuma yo kubona ko hari umubare munini w’abantu bagituye muri bene utwo duce, nyamara gahunda yo kubatuza neza imaze igihe iriho.
Mpembyemungu Winifrida, umuyobozi w’akarere ka Musanze, avuga ko kugeza ubu hari imiryango igera kuri 428 igituye ahantu hashobora kwibasirwa cyane n’ibiza. Cyakora ngo barateganya kuganira n’inzego z’ibanze ngo haboneke umubare nyawo w’abakeneye gutuzwa.
Ati: “Hari ikibazo cy’abantu banga kwimuka, kugirango bazimurwe ari uko bahawe amafaranga. Ibi bituma hari umubare munini w’abagituye aha hantu, gusa turi gushakira umuti iki kibazo”.
Umwe mu miti y’iki kibazo, harimo kuganira n’abayobozi ku midugudu no kutugari, kugirango bagaragaze neza abagituye aho hantu ku mpamvu zumvikana. Iyi gahunda niyo yaganiriweho n’abayobozi batandukanye kuri uyu wa gatatu tariki 15/05/2013 mu murenge wa Kinigi akarere ka Musanze.
Nko mu murenge wa Kinigi, byagaragaye ko mu miryango 48 yari kurutonde, 18 gusa ariyo ifite impamvu zumvikana. Bityo hakaba hari ikizere cy’uko imibare izagabanuka bituma n’uburyo bwo gukemura iki kibazo bwihuta.

Rulindo : ubuyobozi bwiyemeje gufasha abaturage bahuye n’ibiza kubona aho gutura .

admin — Tue, 14 May 2013 07:17:36 +0000

Ubuyobozi bw’akarere ka Rulindo, bugiye gufasha abaturage bahuye n’ibiza kwimuka bagatuzwa ahagenwe ku midugudu, kimwe n’abandi bumva bakwimuka aho batuye kubera impungenge baba bahafitiye.

kubera ikibazo cy’imisozi aka karere gatuyemo, abaturage bose barasabwa kuba maso no kumenya ahantu hose haba hari ikibazo mu bijyanye n’imiturire. Ni muri urwo rwego ubuyobozi busaba abaturage kumenya no kwerekana ahantu hose haba haturuka amazi y’ibisure.

Ayo mazi ngo usanga akenshi aturuka mu misozi ,agasohokera hagati mu butaka.

Aya mazi ashobora gusenya no guhanantura imisozi n’amazu aho usanga n’amazu yitwa ngo yubatse ahakwiye guturwa ashobora kuba yatwarwa, cyane cyane nko mu midugudu. N’ubwo abaturage basabwa kwimuka bagatura ku midugudu,ngo ntibyatuma birara,kuko naho ibisure byahagera.

ubuyobozi bw’aka Karere bukaba buvuga ko abaturage bose batuye ahantu hadakwiranye no guturwa bakwimukira mu midugudu.

Gusa ariko n’ubwo umuyobozi w’aka karere Kangwagye Justus,asaba abaturage bose bagomba kwimuka ko bakwimuka vuba na bwangu ,abaturage bo baravuga ko kuri ubu ikibanza kibona umugabo kigasiba undi, kubera ko muri iki gihe baturage bakeneye ibibanza ari benshi.

Nyuma y’uko iyi nvura ihitanye uyu mubare utari muke w’abantu,Ubuyobozi bw’Akarere bukaba bwarafashe ingamba z’uko abaturage bose batuye ku misozi y’ibihanamanga bagomba kwimuka bagatura ku midugudu,gusa ikibazo kikaba ari uburyo hakorwa igurana ry’ubutaka ku baturage.

Kuri iki kibazo kijyanye n’ingurane umuyobozi w’akarere ka Rulindo akaba avuga ko hagiye kubaho kunvikanisha abaturage bagomba kwimuka n’abagomba kuguranira bagenzi bagenzi bityo ikibazo kigakemuka.

Yagize ati “Abaturage bazaguranira bagenzi babo nabo bature aheza kuko niko gahunda imeze,naho ku birebana n’ingurane hagati yabo ubuyobozi buzabibafashamo,kuko barasa nk’abagorana.”

Uyu muyobozi kandi agira inama abaturage y,uko bashobora no kuba bakwiteranya ubwabo bakaba bagura ubutaka bwa Leta,bityo bakaba babuturamo nta nkomyi.

Imiturire mibi ya bamwe mu batuye akarere ka Rulindo, ikaba yarabaye imwe mu mpamvu zatumye abantu bagera ku 10 bapfa mu Mirenge itandukanye bazize invura idasanzwe yaguye muri aka karere.

MAMBA: Ababana n’ubumuga bamenye ko bashoboye

admin — Tue, 14 May 2013 07:15:52 +0000

Koperative KOIMA y’abafite ubumuga mu murenge wa Mamba ho mu karere ka Gisagara irishimira, aho igeze uyu munsi, ndetse ikanatangaza ko yiteguye gufatanya n’umuryango nyarwanda ku bw’umwihariko n’abatuye akarere ka Gisagara kurwanya ubukene no guharanira kwigira.

Iyi koperative ibumbiye hamwe abafite ubumuga bagera kuri 415, ibikorwa byayo bikaba ubworozi bw’ingurube, abayigize bavuga ko bamaze kwigirira icyizere kandi ko banabonye ko bashoboye bityo bakaba bahamya ko badateze na rimwe gusubira inyuma. Ibi babitangaje ubwo bari mu muhango wo kwizihiza umunsi mukuru w’abafite ubumuga muri iki cyumweru.

Ikindi kandi kibaha imbaraga uyu munsi ngo ni uko nta kikibashikamiye, ntawe ukibafata nk’abadashoboye, bahawe ijambo n’ubwisanzure ntaho bahezwa nko mugihe cyashize aho baterwaga ipfunwe no kuba hagati y’abandi bantu bagahitamo kwiheza.

Gahongayire Marie Grâce uhagarariye iyi koperative ati « Uyu munsi ntitugihezwa, ntitukitwa abahehejwe inyuma n’amateka, niyo mpamvu tiyemeje gukora tukazamuka kuko turashoboye »

Mu ijambo rye Umunyamabanga Nshingwabikorwa w’Umurenge wa Mamba Nyirimanzi Gilbert yongeye gushimangira ko abafite ubumuga ari abantu nk’abandi bafite uburenganzira n’inshingano nk’iz’abandi benegihugu. Ati: “twese dutandukanira ku ntege, ubushobozi n’ubumenyi, buri wese akwiye kurenga uko abandi bamubona kandi bamuha amazina atamukwiye agakora ashishikaye, akiteza imbere kandi akagirira igihugu cye akamaro”

Bwana Elysee Bakundukize Umuhuzabikorwa w’inama y’igihugu y’abafite ubumuga mu karere ka Gisagara, garuka ku mateka n’imibereho yaranze abafite ubumuga, agaragaza impinduka zagiye zibaho kuva Jenoside yakorewe abatutsi muri 1994 yarangira, aho yibukije ko ubu abafite ubumuga bahagarariwe kugeza ku rwego rw’igihugu,avuga ko ayo mahirwe bafite bakwiye kuyabyaza umusaruro biyubakira igihugu, akomeje cyane yongeye gusaba abafite ubumuga kutiheza, kwigunga no kwiyima ijambo kandi byose ari uburenganzira bwabo, abashishikariza kugira uruhare mu bikorwa bashoboye byubaka igihugu, bagatanga ibitekerezo byubaka, batirengagije no kubahiriza izindi nshingano z’umwenegihugu, yashimye byimazeyo ubuyobozi bwa Koperative yabo ndetse abasezeranya ubuvugizi igihe cyose.

Murwego rwo gukomeza gahunda yo kuzamurana mu babana n’ubumuga, habayeho no koroza ababana abadafite amatungo, bahabwa amatungo magufi.

Imijyi yashyizwe ku rwego rwa kabiri izabasha kuzamuka nk’uko Kigali iri kuzamuka

admin — Thu, 09 May 2013 08:15:59 +0000

, Umuyobozi w’akarere ka Muhanga Yvonne Mutakwasuku, kamwe mu turere dufite imijyi yatoranijwe kuzajya ku rwego rwa kabiri, atangaza ko iyi gahunda izazamura imijyi yabo ku buryo bugaragara.

Imijyi yamaze gutoramywa kugirango izamurwe ku buryo bugaragara nk’uko ubu umujyi wa Kigali uri kuzamuka, harimo umujyi w’akarere ka Huye, Muhanga, Rusizi, Rubavu, Musanze na Nyagatare.

Mutakwasuku avuga ko bishimira ko umujyi wabo nawo washyizwe kuri uru rwego kuko ngo bizazamura imibereho y’abaturage babo kuko ngo hari imirimo mishya izahangwa mu mujyi bityo ngo abenshi bakazava mu buhinzi ari benshi kuko ubutaka bwo guhingaho bwabaye buto by’umwihariko ubwo muri aka karere bukaba bukunze guhura n’ikibazo cy’inkangu kubera ubuhaname bwabwo.

Uyu mujyi nukomeza kwaguka bikaba bizafasha kandi kubona ibikorwa remezo byinshi kandi ahantu henshi muri uyu mujyi cyane ko uri mu mijyi irangwamo ibikorwa remezo bike by’umwihariko imihanda.

Uyu muyobozi yerekana ko umujyi wabo numara gukura cyangwa ngo nugenda ukura gahoro gahoro bizafasha abaturage gukura mu myumvire yabo.

Mutakwasuku avuga kandi ko icyatumye aka karere gatoramywa ari uko kamaze kwerekana ko umujyi wako uri kugenda ukura ku buryo bugaragara, ndetse banarebye uruhare rw’abikorera mu iterambere n’ubushake bw’abaturage bahatuye ndetse hakaba hanagaragara n’ubundi buryo abantu bashamikiraho kugirango hubakwe iterambere ry’umujyi.

Imijyi yashyizwe ku rwego rwa kabiri izabasha kuzamuka nk’uko Kigali iri kuzamuka

admin — Wed, 08 May 2013 07:12:47 +0000

Umuyobozi w’akarere ka Muhanga Yvonne Mutakwasuku, kamwe mu turere dufite imijyi yatoranijwe kuzajya ku rwego rwa kabiri, atangaza ko iyi gahunda izazamura imijyi yabo ku buryo bugaragara.

Imijyi yamaze gutoramywa kugirango izamurwe ku buryo bugaragara nk’uko ubu umujyi wa Kigali uri kuzamuka, harimo umujyi w’akarere ka Huye, Muhanga, Rusizi, Rubavu, Musanze na Nyagatare.

Uyu mujyi nukomeza kwaguka bikaba bizafasha kandi kubona ibikorwa remezo byinshi kandi ahantu henshi muri uyu mujyi cyane ko uri mu mijyi irangwamo ibikorwa remezo bike by’umwihariko imihanda.

Uyu muyobozi yerekana ko umujyi wabo numara gukura cyangwa ngo nugenda ukura gahoro gahoro bizafasha abaturage gukura mu myumvire yabo.

Nyabihu finds accommodation solution for genocide survivors

admin — Sat, 04 May 2013 18:19:48 +0000

About 420 houses have been constructed for the vulnerable and poor genocide survivors in Nyabihu district and 9 houses are yet to be constructed for those who are still renting and squatters explains Anastase Juru the coordinator of IBUKA in Nyabihu district.

Anastase Juru says that if the 9 houses are constructed and the 100 houses that are in deplorable state can be renovated, the problem of lack of decent accommodation would be completely solved.

Twahirwa Abdoulatif, Mayor of Nyabihu District

Abdoulatif Twahirwa the mayor of Nyabihu district says the 9 houses that need to be constructed will be constructed by the end of the next economic year and even the houses that need to be renovated to solve the accommodation issue of genocide survivors over and done with.

“Compared to where we are coming from, I can proudly say that genocide survivors are moving towards better lifestyles and social welfares’ says the mayor. He went on to say that as the leaders, they will keep on supporting the genocide survivors for them to get better lives, get to development and become self reliant.

In the meeting that convened on Tuesday the 30^th.April.2013, the issues of accommodation houses that need to be renovated were discussed extensively and it was agreed that it will be dealt with the money collected from people as the support for genocide survivors during the Memorial Week.

Nyabihu: About 300 people shifted from High risk zones

admin — Sat, 04 May 2013 18:11:26 +0000

Because of the nature of Nyabihu district, this district faces natural calamities which do come with serious effects to the residents of the area.

This district is situated in very high hills with 12 sector among which 8 are on extremely high hills with very soft soil which may lead to very bad effects in case of any calamities.

Some of the effects may include soil erosion and landslides which most times damage people’s property and roads, hence a need to take on different strategies that can help prevent such calamities.

“Among the many strategies taken is environmental protection and prevention of soil erosion where every individual was called upon to practice and take on such”, as said by the mayor of the district Abdoulatif Twahirwa.

“Here, people are advised to plant trees, dig holes for water from their homes, dig terraces among others”, added on Twahirwa.

The mayor added on saying that people are still advised to move from places that are badly affected by calamities [High risk zones] to safer places.

“About 300 residents have been moved to other place with 680 remaining”, explained the mayor.

He therefore called on residents of the district to take on all these strategies so that they can be able to prevent any sort of natural calamities in the district.

Nyabihu: Ikibazo cy’amazu 9 y’Abacitse ku icumu kizaba cyacyemutse bitarenze umwaka utaha

admin — Fri, 03 May 2013 08:11:29 +0000

Juru Anastase uhagarariye IBUKA mu karere ka Nyabihu avuga ko hakiri imiryango 9 itarubakirwa n’amazu 100 akeneye gusanwa

Mu karere ka Nyabihu,amazu agera kuri 420 niyo amaze kubakirwa abacitse ku icumu rya Jenoside batishoboye nk’uko Juru Anastase uhagarariye IBUKA muri aka karere yabidutangarije.

Uretse aya mazu 420 yubatswe,Juru avuga ko hasigaye amazu 9 agomba kubakirwa abasigaye batubakiwe ubu bakodesha abandi bakaba bacumbikiwe.

Juru avuga ko mu mazu yubakiwe abacitse ku icumu rya Jenoside,nyuma y’aho mu cyunamo cy’umwaka ushize hasanwe amazu 8,hacyiri andi mazu agera ku 100 akeneye gusanwa. Kuri we asanga amazu 9 atarubakwa aramutse yubatswe ndetse n’andi 100 akeneye gusanwa akabikorerwa,ikibazo cy’amacumbi ku bacitse ku icumu cyaba gikemutse.

Kuri iki kibazo cy’amazu y’imiryango 9 atarubakwa,umuyobozi w’akarere ka Nyabihu Twahirwa Abdoulatif akaba avuga ko mu mwaka utaha nabo bazaba bubakiwe ikibazo kigakemuka burundu. Yongeraho ko ugereranije n’ibihe byabanje ,abacitse ku icumu rya Jenoside bagenda barushaho kugira imibereho myiza cyane.

Abdoulatif,avuga ko nk’ubuyobozi, bazakomeza kubitaho kugira ngo barusheho kugira ubuzima bwiza,batere imbere kandi barusheho kwigira.

Mu nama yateranye kuri uyu wa 30 Mata,ikibazo cy’amazu akeneye gusanwa nacyo kikaba cyaravuzweho,aho kizitabwaho ku mafaranga yabonetse ku nkunga abaturage batanze bafasha bagenzi babo bacitse ku icumu rya Jenoside batishoboye mu cyumweru cy’icyunamo cy’uyu mwaka.

Uburasirazuba: Komite zishinzwe imiturire zakoze urugendo shuri mu midugudu y’icyitegererezo ya Nyagatovu na Kitazigurwa

admin — Thu, 02 May 2013 08:10:25 +0000

Abagize komite zishinzwe imiturire mu turere twose tw’intara y’uburasirazuba, n’abayobozi b’uturere bungirije bashinzwe ubukungu bakoreye urugendo shuri mu midugudu y’icyitegererezo ya Nyagatovu mu karere ka Kayonza na Kitazigurwa mu karere ka Rwamagana.

Urwo rugendo shuri rwateguwe mu rwego rwo kureba uburyo imidugudu ya Nyagatovu na Kitazigurwa yatunganyijwe, kugira ngo hazubakwe indi midugudu mu turere mu rwego rwo kurushaho kunoza imiturire, nk’uko byavuzwe na Mugabo Emmanuel ushinzwe ubukangurambaga bw’imiturire y’icyaro muri minisiteri y’ubutegetsi bw’igihugu.

Si ngombwa ko imidugudu izubakwa mu turere igomba kuba iteye kimwe n’imidugudu ya Nyagatovu na Kitazigurwa, kuko imidugudu yo mu turere izubakwa hakurikijwe imiterere ya buri karere. Ikigamijwe ngo ni ukureba uburyo imidugudu itunganywa no kureba uburyo ifasha abayituyemo kugera ku iterambere ryihuse ugereranyije n’abatuye batatanye.

Hateganyijwe izindi ngendo shuri nk’uru zizakorwa mu zindi ntara kugira ngo imiturire yo mu Rwanda irusheho kunozwa. Ibyo ngo ni byo bizatuma u Rwanda rurushaho kugera ku iterambere rirambye, bikaba na bumwe mu buryo bwo gushyira mu bikorwa intego za gahunda ya kabiri y’imbaturabukungu aho u Rwanda rushyize imbere kuzamura imibereho myiza y’abaturage.

Imiturire ni inkingi y’iterambere kuko imiturire myiza iteza imbere imibereho myiza y’abaturage nk’uko Mugabo Emmanuel yakomeje abishimangira. Yongereyeho ko imiturire myiza igomba kurenga kubona icumbi ryiza, ikanashingira ku buhinzi n’ubworozi n’indi myuga yihutisha iterambere ry’abaturage.

Imiturire yo mu midugudu ngo yihutisha iterambere nk’uko Enock Byabashayija ushinzwe umushinga IDP (Intergrated Development Project) wubaka iyo midugudu yombi yabisobanuriye abashinzwe imiturire n’abayobozi b’uturere bungirije bashinzwe ubukungu mu ntara y’uburasirazuba.

Yavuze ko byonyine kuba bororera mu kiraro rusange bituma buzuzanya muri byose, bakabasha gukoresha ingufu za biyogazi (biogas), bakabona ifumbire ku buryo bworoshye, ariko by’umwihariko bikorohera muganga w’amatungo gukurikirana inka z’abatuye mu mudugudu bose kuko azikurikirana ziri hamwe.

Yanavuze kwimurira abaturage muri iyo midugudu bigitangira abaturage basobanuriwe neza akamaro ko gutura mu midugudu ntibabyumva neza, ku buryo byabaye nko kubinginga. Ubu ngo hari ikibazo cy’uko abaturage bose batuye mu nkengero z’iyo midugudu bifuza kuyimurirwamo nyuma yo kubona ibyiza bya yo, ariko haracyashakishwa ubushobozi nk’uko Byabashayija akomeza abivuga.

Abari mu rugendo shuri bashimye uburyo iyo midugudu iteye gusa basigarana imbogamizi y’uko bigoye kubaka umudugudu uri ku rwego rw’iya Nyagatovu na Kitazigurwa nta yindi nkunga umuntu afite.

Abaturage bimurirwa muri iyo midugudu ni abari basanzwe batuye nabi. Umuturage wubakiwe mu mudugudu asabwa kwishakira ikibanza haba mu buryo bw’ingurane y’ubutaka cyangwa akakigura mu mudugudu, ubundi akubakirwa inzu n’umushinga wa IDP.

Abubakiwe mu midugudu ya Nyagatovu na Kitazigurwa bahawe ibyangombwa by’amazu ya bo ariko ntibemerewe kuyagurisha

admin — Thu, 02 May 2013 08:05:25 +0000

Abaturage batujwe mu midugudu y’icyitegererezo ya Nyagatovu mu karere ka Kayonza na Kitazigurwa mu karere ka Rwamagana bahawe ibyangombwa by’amazu ya bo ariko nta n’umwe muri bo wemerewe kugurisha inzu ye.

Iyo midugudu ituzwamo abaturage bari batuye nabi. Kugira ngo umuturage atuzwe muri umwe muri iyo midugudu asabwa kwishakira ikibanza mu mudugudu haba ku buryo bwo kugurana ubutaka n’umuntu ubufite mu mudugudu, cyangwa mu buryo bwo kubugura, nk’uko bivugwa na Enock Byabashayija ushinzwe umushinga wa IDP ari na wo wubakira abo baturage.

Byabashayija akomeza avuga ko abo baturage bahabwa ibyangomba by’amazu ya bo kugira ngo haramutse hagize umuturage ukeneye inguzanyo abe ashobora kugwatiriza iyo nzu muri banki. Yongeraho ko kuba abaturage batemerewe kugurisha izo nzu ari uko byagaragaye ko hari aho umuturage yubaga ari kubakirwa inzu mu gihe itaruzura akaba ari kuyishakira umukiriya uzayigura.

Ati “Mu mudugudu wa Kitazigurwa twagiye duhura n’ibyo bibazo ugasanga umuturage yamaze kumvikana n’umuntu uzamugurira inzu ye ndetse akanamuha n’amafaranga ya vansi (avance) kandi inzu itaruzura”

Niba umuturage yarubakiwe inzu kugira ngo atuzwe neza akarenga akayigurisha, ntacyo umushinga wa IDP waba uri gukora kandi ugamije ko abaturage batuzwa neza nk’uko Byabashayija akomeza abisobanura.

Abaturage ntibemerewe kugurisha amazu ariko bemerewe kuyagwatiriza muri banki

Ubwo abayobozi bashinzwe imiturire n’abayobozi b’uturere bungirije bashinzwe ubukungu basuraga imidugudu ya Nyagatovu na Kitazigurwa tariki 29/04/2013, bibajije ukuntu babuza umuturage kugurisha inzu ye nyamara bakamuha uburenganzira bwo kuyigwatiriza muri banki.

Kwemerera umuturage kugwatiriza inzu muri banki bisa no kumwemerera kuyigurisha kuko aramutse abuze ayo kwishyura banki yahita iteza iyo nzu nk’uko umuyobozi w’akarere ka Gatsibo wungirije ushinzwe ubukungu, Isae Habarurema yabivuze.

Umuyobozi w’akarere ka Kayonza wungirije ushinzwe ubukungu Sikubwabo Benoit, yavuze ko nta ngero z’abantu bajya gufata inguzanyo muri banki ziragaragara ku buryo izo mpungenge zabho. Yanavuze ko abaturage batujwe muri iyo midugudu bagiye babumbirwa mu matsinda ku buryo nibura buri muturage abasha kubona amafaranga 500 buri munsi, ibyo bikaba bitapfa gutuma hari uhura n’ikibazo cy’uko inzu ye yatezwa cyamunara.