Ibi aba baturage bakaba barabitangaje kuri uyu wa kane tariki 16/05/2013, ubwo batahaga ku mugaragaro ibiro by’akagali kabo, byuzuye bitwaye amafaranga y’u Rwanda angana na miliyoni 12.

Gafishi Sebahagarara, ushinzwe imiyoborere myiza, yashimiye abaturage bagize uruhare kugirango ibi biro byuzure, batanga inkunga y’umuganda, naho akarere kagatanga ibikoresho, birimo amabati, amatafari, amafaranga yo guhemba abakozi n’ibindi.

Yababwiye kandi ko iki gikorwa ari kimwe mu bigaragaza ukwigira, aba baturage bamaze kugira ibyabo, abasaba gukomereza aho kuko inzira ikiri ndende, kugirango abanyarwanda bageze igihugu aho bifuza ko kigomba kuba kiri mu myaka iri imbere.

Sebashotsi Jean Paul, umunyamabanga nshingwabikorwa w’umurenge wa Musanze, avuga ko iki ari igikorwa cya kabiri cy’iterambere mu bijyanye n’inyubako zikorerwamo imirimo rusange umurenge ayoboye ubashije kugeraho, kuko umwaka ushize bujuje ibiro bya SACCO.

Akagali ka Gakoro, ni kamwe mu tugali 16 akarere ka Musanze kahize kubaka muri uyu mwaka, kakaba gahize utundi kuko ariko ka mbere kuzuye. Abaturage basabwe gukomeza ubufatanye n’inzego bwite za leta kugirango babashe kugera ku byo biyemeje.

Abagenerwabikorwa ba VUP bo mu Murenge wa Huye ho mu Karere ka Huye bari mu cyiciro cya mbere n’icya kabiri cy’ubudehe, bagenerwa inkunga y’ingoboka, bashinze koperative yitwa Imanishimwe. Ibikorwa by’iyi koperative byatangijwe ku mugaragaro kuwa 15 Gicurasi, 2013.
Ferederiko Nzeyimana, perezida w’iyi koperative, avuga Imanishimwe igizwe n’abagenerwabikorwa ba VUP 405, ikaba yaratangiye gukora mu Ukuboza 2012. Buri wese yatanze amafaranga ibihumbi 10 avuye mu nkunga basanzwe bagenerwa, nuko bayaranguza ibishyimbo.
Yagize ati “n’ubwo ari bwo tugitangira, dufite icyizere cy’uko koperative yacu hari aho izatugeza. Twatangije amafaranga miliyoni eshatu n’ibihumbi 680. Twaranguye ibishyimbo bigura amafaranga 330 kuri mironko, none ubungubu mironko iragura 500, kandi turateganya gutegereza gato ku buryo tuzabigurisha bisigaye bihenze kurushaho.”
Ferederiko kandi atekereza ko inyungu bazakura muri ibi bishyimbo izaba irenga miriyoni imwe n’ibihumbi 200. Ayo mafaranga nibamara kuyabona, bazayegeranya n’andi mafaranga y’ingoboka bazahabwa muri iyi minsi, hanyuma bubakemo amazu yo gucumbikamo ahitwa i Sovu.
Impamvu ngo batekereje kubaka aya mazu i Sovu, ni uko ari ho Akarere ka Huye kari kwimurira inganda ndetse n’abanyamyuga itandukanye nk’iy’ubucuzi, ububaji, … baratekereza ko abazaza gukorera muri aka gace bazacumbika mu mazu yabo, bakabasha kubona amafaranga.
Ku bijyanye n’ingano y’inkunga y’ingoboka aba bagenerwabikorwa bategereje, Hakizimana Benigne, umukozi ushinzwe VUP mu Murenge wa Huye, avuga ko atari amafaranga makeya kuko azaba agera kuri miriyoni 17.
Yagize ati “amafaranga abagenerwabikorwa bategereje ni ay’amezi atanu. Naza, buri wese azahabwa 30% by’amafaranga yagenewe kugira ngo abashe kuyikenuza mu rugo, hanyuma 70% asigaye ni yo azavamo ziriya miriyoni 17 navugaga.”
Abanyamuryango ba koperative Imanishimwe bishimiye iki gitekerezo cyo kubafasha kwibumbira muri koperative, kuko ngo izababashisha kubona igikorwa bakuraho amafaranga igihe bazaba batakigenerwa inkunga.
Umukecuru uri mu kigero cy’imyaka 80, abajijwe icyo atekereza kuri koperative Imanishimwe abereye umunyamuryango yagize ati “iyi koterative (koperative) ndayishima, nkashima na Kagame … Paul Kagame uhora azarikana icyazamura n’abakene. Njyewe izamfasha ndayizeye pe! “
Umubyeyi bigaragara ko akiri mutoya (ari mu kigero cy’imyaka 25) wari waje aherekeje umubyeyi we ufite imyaka 90 we yagize ati “Iyi koperative izaduteza imbere. Kuko ntabwo twari twifite nyine, ariko ubu noneho dufite icyerekezo cy’imbere yacu heza.”

Improving people’s lifestyles through sleeping well will entice people to work harder to get to development and better social lives.

The affected residents of Kigembe sector in Gisagara district are grateful for the mattresses they were given slightly after getting into new and better houses.

According to Donatille Uwingabiye, the vice mayor for social affairs in Gisagara district, giving mattresses to the poor local people is one of the ways to make them realize that they need to work hard and develop as well as having better social welfare.

“We have already eradicated grass thatched houses in this sector and grasses made beds are also being eradicated. People will sleep well in good houses, this will encourage them to live well and think well about what will develop them” says the vice mayor.

People are not only being given mattresses only, but after getting good houses and good beds, they have to develop explained Franҫois Hakizimana the coordinator of VUP. This is why the money that remained after buying mattresses will be used to buy livestock for each family to own one.

All the people in Kigembe sector that were supposed to get mattresses have so far been provided for. This is one more performance contract realized.

 Abatuye umurenge wa Kigembe ho mu karere ka Gisagara, nyuma yo gutuzwa neza ubu barishimira gahunda ya dusasirane itumye babona matola, aho imiryango yabaruwe itishoboye igera ku 184 yashyikirijwe matola ikaba igiye kujya iryama heza kandi mu mazu meza.

Nkuko twabitangarijwe n’umuyobozi w’akarere ka GISAGARA wungirije ushinzwe imibereho myiza y’abaturage, UWINGABIYE DONATILLE, guha matela aba baturage bizababera imwe mu nzira zizabafasha gutekereza neza ku byabateza imbere. Ngo ibyo kandi bizatuma bagera ku iterambere rirambye rijyanye n’imibereho myiza yabo.

Ati “Ubu tumaze guca nyakatsi hose kuko iyo ku mazu yo yarangiye kera ntikivugwa ku buririri naho iraciwe muri uyu murenge, abaturage baryamye heza kandi mu mazu meza, ibi bikaba bizajya bibafasha gutekereza neza ibyabateza imbere kuko umuntu uri heza anatakereza neza”

Si izi matola gusa bahabwa rero nk’uko Hakizimana Franҫois uhagarariye ibikorwa bya VUP muri Kigembe abivuga, kuko nyuma yo gutuza hezwa no kuryama heza aba baturage bagomba no kwikenura ariyo mpamvu amafaranga yasigaye bagurirwa matola azavamo amatungo buri rugo rukabona itungo.

Abaturage bahawe izi matela nabo bishimiye cyane iki gikorwa kuko bagiye gukomeza kugira imibereho myiza. Mukamana Mariya aravuga ko mbere yajyaga aryama nabi akabyukana amavunane ariko ubu ngo ntibizongera.

Umurenge wa kigembe kuri ubu uratangaza ko abo wari warabaruye bose ngo bahabwe isaso, bamaze guhabwa matola ntawacikanywe.

Ibi byahuriweho n’ubuyobozi bwa Police n’akarere ka Nyagatare kuri uyu wa 8/5/2013 mu gikorwa cyo kumena ibiyobyabwenge byafatiwe mu mirenge itandukanye y’aka karere.

Nk’uko bitangazwa n’ubuyobozi bw’akarere ka Nyagatare ngo ibiyobyabwenge ni byo biza imbere mu mpamvu z’uguhungabana k’umutekano.

Gusa ariko ngo uruhare rwa buri rwego kugeza ku muturage ni rwo rukenewe kugira ngo iki kibazo gicyemuke. Ibi ni ibitangwazwa na Atuhe Sabiti Fred umuyobozi w’aka karere, anashingiye ku ngaruka bigira haba ku mutekano, ubukungu n’ubuzima bw’abaturage.

Icyakora hagamijwe gucyemura iki kibazo ku buryo burambye hatangiye ibiganiro hagati y’u Rwanda na Uganda, kuko kugeza ubu imwe mu mbogamizi ziri ku rugamba rwo kurwanya ibiyobyabwenge ari uko muri iki gihugu hari inzoga zitabarwa mu ibiyobyabwenge kandi ari ho byinhsi bituruka.

Ubuyobozi bwa Police mu karere ka Nyagatare butangaza ko mu gukumira ukwinjira kw’ibiyobyabwenge mu karere ka Nyagatare ingamba zikaze zikwiye gufatwa mu mirenge ihana imbibi n’igihugu cya Uganda by’umwihariko ahantu bigaragara ko bigoye kugenzura ibyinjira mu Rwanda.

Ni byo byasobanuwe na Superitendant Eric Mutsinzi umuyobozi wa police mu karere ka Nyagatare.

Ibiyobyabwenge byamenwe ni litiro 180 za kanyanga y’insukano na toni 2 n’ibiro 900 za Chief warage n’izindi nzoga zo mu masachet kimwe n’ibiro bibiri by’urumogi.

The remembrance event was held on May 2^nd because the eight victims were killed on May 2^nd 1994.

Emmanuel Ahishakiye, Director of Muhororo hospital asserts that employees will try all possible ways to care for the families of the genocide victims as a way of honoring the victims.

The event was marked by donating a cow to Francine Murekatete, a widow of one of the Muhororo genocide victims.

In addition, Rwf200000 was raised to take care of Kibirira memorial site   where the bodies of the victims are laid to rest.

Clotilde Nyiraneza, vice-mayor for social affairs in Ngororero district commended the government of Rwanda for improving the welfare of genocide survivors.

AERG Impuhwe yo mu murenge wa Kansi

 Abanyeshuri barokotse Jenoside yakorewe abatutsi mu 1994 bo mu Murenge wa Kansi ho mu Karere ka Gisagara  bavuga ko AERG bashinze nk’ihuriro ribafsha mu buzima bwabo bwa buri munsi kuko baganira bakanagirana inama, ufite ibibazo agahumurizwa kandi bashakira ibisubizo hamwe.

AERG Impuhwe yo mu murenge wa Kansi ishingwa abanyamuryango bayo ngo bifuzaga mbere na mbere aho bazajya bahurira bakaganira mu rwego rwo gukemura ibibazo bagira, gukurikirana imyitwarire n’uburere by’abana birera, kuba babona ubufasha ku buryo bworoshye. Aba banyeshuri bavuga ko bahura n’ibibazo bitandukanye birimo uubukene, ihungabana, kwigunga n’ibindi cyane cyane ku bana bibana, iyi AERG rero ikaba byibura ibafasha kubona ko batari bonyine.

Ingabire Chantal Umwe muri aba bana avuga ko mbere atajyaga yishima ngo aseke kubera kuba wenyine, agahora yumva ubuzima bubishye nta cyiza abona, ariko nyuma yinjiye muri uyu muryango  abasha kubona ko atari wenyine, kandi ko hari n’abandi bafite ibibazo nk’ibye bagerageza kubaho nawe bimuha ucyizere.

MWITAKUZE Janvier ni Perezida wa AERG IMPUHWE, atangaza ko uko iminsi igenda ishira bagenda babona akamaro ko kuba muri AERG kuko ngo si ukwiyubaka mu mitima gusa kuko batangiye no kujya batekereza imishinga yazabate imbere, bakagirana inama ndetse bakiga no kwizigamira.

Ati “Uyu munsi dufite abana benshi bagiye mu makoperative y’urubyiruko atandukanye kandi ubunako afite umwete wo gukora, natwe hano ubu tugira umusanzu muto muto dutanga, uzakura dushake icyo dukora kandi unadufasha kuba twakemurira ikibazo umwe muri twe aramutse akigize”

Umunyamabanga Nshingwabikorwa w’umurege wa Kansi Bwana RUTABURINGOGA Jérome, ahamagarira aba bana kuba abagabo, bagakuza ingeso nziza zizirana no kwiyandarika, bakita ku kwiha agaciro baharanira kwigira no kwiyubaka. Yabasezeranyije kandi ko umurenge uzababa hafi uko ushoboye ndetse abemerera n’inka zo korora.

AERG Impuhwe igizwe n’imiryango (familles) ine ikaba yemerewe inka 4 imwe kuri buri muryango.

]]> http://www.bahoneza.com/gisagara-kansi-abana-bari-muri-aerg-ibafasha-kwiyubaka/feed/ 0 http://www.bahoneza.com/muhororo-bibutse-abari-abakozi-bibitaro-bya-muhororo-bishwe-muri-jenoside/ http://www.bahoneza.com/muhororo-bibutse-abari-abakozi-bibitaro-bya-muhororo-bishwe-muri-jenoside/#comments Sat, 04 May 2013 18:28:25 +0000 admin http://www.bahoneza.com/?p=9552 Kuwa 2 Gicurasi uyu mwaka wa 2013, abayobozi , abakozi, abaturage hamwe n’abafite ababo bari abakozi b’ibitaro bya Muhororo bishwe muri Jenoside yakorewe abatutsi muri Mata 1994 bibutse kunshuro ya 19 abantu 8 bahiciwe.

Ahishakiye Emmanuel, Umuyobozi w’ibitaro bya Muhororo yavuze ko abakozi b’ibitaro bazakora uko bashoboye bagakomeza kwita kubarokotse bo mumiryango y’abari abakozi b’ibyo bitaro.

Abakozi b’ibitaro bya Muhororo biyemeje kwita kurwibutso rwa Kibirira

Icyo gikorwa kikaba cyarashimangiwe haremerwa umugore witwa Murekatete Francine ufite umugabo we wibiciwe muri ibyo bitaro, akaba yarahawe inka yo korora, ndetse hanatangwa umusanzu ungana n’amafaranga ibihumbi 200 wo kwita kurwibutso rwa Kibirira rushyinguye mo imibiri y’abo bantu.

Umuyobozi w’akarere ka Ngororero wungirije ushinzwe imibereho myiza Nyiraneza Clotilde akaba yarashimiye Leta y’u Rwanda ko umutekano w’abacitse kwicumu umeze neza kandi ubu ibitaro byiciwe mo abantu  bikoreshwa mukuvura abababaye. Ku itariki ya 2 Gicurasi, nibwo abo bakozi 8 biciwe mubitaro bya Muhororo.

Abakozi 25 ba hotel Virunga ikorera mu karere ka Musanze, kuri uyu wa gatanu tariki 03/05/2013 bibutse jenoside yakorewe abatutsi mu rwego rwo gufata mu mugongo abayirokotse.

Nk’uko byatangajwe na Munyankusi Jean Damascene wari uhagarariye hotel Virunga muri iki gikorwa, ngo ubuzima bwabo ni ubwo kwakira ababagana, akenshi baba bishimye nabo bakabafasha kwishima babagezaho serivisi za hotel. Kuri uyu munsi rero ngo bashyize hasi ubwo buzima basanzwemo bifatanya n’ababuze ababo muri jenoside.

Ubwo bari bamaze gusura urwibutso rwa Muhoza ndetse no kurushyiraho indabo, aba bakozi berekeje mu kagali ka Mpenge, umurenge wa Muhoza baremera umuntu umwe bamushyiriye ibikoresho bitandukanye birimo matela, ibyo kurya ndetse n’amafaranga mu rwego rwo kumutera inkunga nk’uwarokotse jenoside.

Akimanzi Felix ushinzwe uburezi mu murenge wa Muhoza, yashimye iki gikorwa cy’abakozi ba hotel Virunga, avuga ko aribo ba mbere bafashe umwanya wo kwibuka jenoside nk’abikorera ku nshuro ya 19, aboneraho gusaba abandi bikorera kubafatiraho urugero.

Nshizirungu Aimable, uhagarariye IBUKA mu murenge wa Muhoza, yavuze ko inkunga z’ibintu n’ubwo ziba zikenewe atarizo za mbere ziba zifuzwa mu gihe nk’iki kiba kibakomereye, ashimira abakozi ba hotel Virunga ku bw’igikorwa cyiza bakoze.

Nyirahabimana Sophie hagati ashimirwa uruhare umugabo yagize mu kurwana kubicwaga mu 1994

Abakozi b’ikigo Nderabuzima cya Mbuye bibukiye Jenoside yakorewe Abatutsi ku rwibutso rushyinguyemo imibiri igera ku bihumbi 16, muri uyu muhango bakaba bashimiye umupfakazi Nyirahabineza Sophie kubera ubutwari umugabo we yagize ashaka gutabara Abatutsi bahigwagwa.

Ngarukiyinka Frederic umugabo wa Nyirahabineza Sophie kubera ko atahigwaga, ubwo ubwicanyi ku batutsi bwatangiraga i Mbuye yarahagurutse agerageza kurengera no gutabara abicwaga kugeza ubwo Interahamwe zimwishe zimuziza kudafatanya nazo no kuzirwanya.

Umupfakazi yasize, nubwo asanzwe afashwa kimwe n’abandi, muri uyu muhango wo kwibuka wabaye tariki ya 26/04/2013 yahawe ihene yo kororana n’inka ze, nk’ikimenyetso cy’uko abarokotse i Mbuye bazirikana ubutwari bw’umugabo we wishwe.

Mukarukundo Jeanne d’Arc warokokeye i Mbuye akaba akora kuri icyo kigo Nderabuzima yatanze ubuhamya bw’inzira y’umusaraba yanyuzemo akagira amahirwe akarokoka, ubu akaba yubatse afite abana babiri kandi afite icyizere cy’ejo hazaza kiganisha mu kwigira.

Habimana Eugene umuyobozi w’agateganyo muri icyo kigo nderabuzima cya Mbuye we mu ijambo rye yavuze ko kwibuka gusa bidahagije ahubwo binakwiye ko abanyarwanda bibuka baremera abacitse ku icumu batishoboye banashimira ababikwiye nka Nyirahabineza.

Nsengiyumva Jean Bosco wari uhagarariye Ministeri y’Ubuzima muri uyu muhango yashimiye abakozi b’ikigo nderabuzima cya Mbuye kuri iki gikorwa bateguye, avuga ko intego yo kwigira igomba kugerwaho kuko iyo umuntu yishoboye ntawaza ngo amuyobye nkuko byakozwe mbere bikageza kuri Jenoside yakorewe Abatutsi.