Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Uburyobwokwishyirahamweabaturagebagakusanyirizahamweamafarangayaburimuntubikozweburimunsicyangwarimwe mu cyumwerubitewen’ubushobozibwaburiwesebumenyerewekuizinary’ibiminaburagendaburushahogutangirwaubuhamyabwizakobwafashiheabatari bake kwivana mu bukenebukabijebarimomberey’ukobagiraicyogitekerezocyokwishyirahamwe.

Ibiminabirimogufashaabaturagekwitezaimbere mu biceby’icyaro

Mu biceby’icyaroby’akarereka Nyanza ibyobiminabikundaguteranaahanini mu mperaz’icyumweruahoahenshiusangaaribyoabaturagebahugiyemo mu mashyambacyangwahafiy’inziranyabagendwaz’abanyamagurucyangwaku biro by’utugalitumwenatumwe two mu biturage.

Ikikwerekakoabaturageariibiminabahugiyemon’ukoubasanganaamafarangay’ibikoroton’inotibariahantuhatujeakenshibafiteumwanditsehagatimuriboakabaarinaweubaubayoboyemuriicyogikorwacyogukusanyaimisanzu.

Ababa muriibyobiminabavugakobateranankarimwe mu cyumwerubakagiraumubarew’amafarangarunakabemeranyagutangahanyumabakabikorera tombola kugirangohamenyekaneuzabanzagufatambereamafarangandetsen’uzaherukaabandiarikoahoumwemuriboagaragajeikibazokihutirwakimusabakuyabonamberemu buryobwihutirwahariuwigomwaakamuhaumwanya we wageraagafataayoyagombagagufata.

Ahenshimuriibyobiminabagiraayobisigarizabakayashyira mu isandukuy’ubwizigamendetseakabaarinayoashyirwamoamandeyaciwekubagizeubukererwe maze isandukuikarushahokwiyongeramoamafaranga.  Iyo igihebihayegishizentan’umweusigayeadahaweamafarangabagenzi be yasandukabayimenahasiamafarangaavuyemoyosebakayagabanakuburyobungana.

Icyerekanakoibiminabifatiyeruniniabaturagendetsebyebereyeabatari bake umusemburowokwitezaimberen’ukoijamboubukireariryousangaariyonteron’inyikirizobyabamwe mu bagizeibyobiminabyokwitezaimberebibonekahenshi mu biceby’icyaro.

Mu muduguduwaKabuzuru mu kagalikaKibinja mu murengewaBusasamana mu karereka Nyanza nihamweusangaibyobimina.  Umwebotwasanzemuriibyobiminakugicamunsicyatariki 28/07/2012 witwaMurekatete Olive yatangajekokuberaibyizaasanga mu biminaubuabarizwa mu miryango 3 yabyoitandukanyekandiyosenikoayitangamoamafrangaburicyumwerunk’ukoabivuga.

Urebyeibyouwomugoreakorantibishamajekukoavugakoyicururizainyanyakumuhandahanyumainyunguabonyeakayijyana mu yindimiryangokuyibasaranganya.

Abajijwenibahariigihecyageraagasabaumunyuahitaakwamaganirakureagiraati: “ rekarekasinasabaumunyucyangwangompozeintonganyakumugabowanjyemusabaigitengekukobyosendabyigurirakumafarangayanjyendetsengasaguranayonkoresha mu rugorwanjye mu byangombwabitandukanye.

Agiraati: “ Ubuntan’umuturagenaguzaamafarangakukoiyonyakeneyenyaguzamuriuyumuryangonkazabungukiraakazajya mu isandukukandiiyoumwakaushizeyoseturayagabanatukaringanizaharimonay’inyungunabungukiye”

HabimanaRamazanukuriyeabibumbiye mu kiminacyo mu muduguduwaKabuzuruavugakouburyobwokwishyirahamwebumazekubatezaimberekuburyobugaragara.

Ati: “ Ububamwemuritwebaguzeamasambu, boroyeamatungomagufinamuntumuritweutangirwaubwisungane mu kwivuzanaletangon’ukoariumutindinyakujyambeseurembyeicyerekezo 2020 bavugatwatangiyekugikozahoimitwey’intoki”

Ibiminausangaariihurirorugizwen’abantubagerakuri 20 cyangwabarenzeuwomubarebose baba bariyemejekugiraumubarew’amafarangarunakabatangakugirangoabafashekwitezaimbere mu miberehomyizan’ubukungu.

Ifoto: Bamwe mu baretse umwuga w'uburaya muri Karongi

Ubushakashatsi bwashyizwe ahagaragara na Faith Victory Association buratangaza ko kureka umwuga w’uburaya burundu bidashoboka na buhoro. Umwe mubakoze ubwo bushakashatsi Rurenge Alain, akaba n’umwarimu mu ishuli rikuru ry’ubuvuzi (KHI) yasobanuye ko umwuga w’uburaya ari wo mwuga wabayeho mbere y’indi, kandi ko no muri bibiliya buvugwamo. Igishoboka ahubwo ngo ni ukugabanya ingaruka buteza.

Ibi ni ibyasobanuwe kuri uyu wa 13/6/2012 mu nama yabereye ku cyicaro cy’Intara y’Iburengerazuba, inama yari igamije kugaragaza ibyavuye mu bushakashatsi bwa Faith Victory Association ifatanyije na RBC-IHDP (CNLS yak era), Global Fund na Rwanda National Ethic Committee. Ubwo bushakashatsi bwakozwe ku bantu 1500 bakora umwuga w’uburaya bagendeye ku mibereho, ubuzima, ihohoterwa n’uburenganzira bwabo mu turere twose  tugize Intara y’Iburengerazuba. Abantu 1345 ni bo bashoboye gusubiza ibibazo bishingiye kuri izo ngingo 4.

Umunyamabanga nshingwabikorwa w’Intara Jabo Paul yashimye Faith Victory Assocition igitekerezo yagize cyo gukora ubushakashatsi no kuza kubugeza kubo bureba barimo abayobozi ndetse na bamwe mu bakora cyangwa baretse umwuga w’uburaya dore ko nabo bari batumiwe muri iyo nama. Nk’uko ubushakashatsi bwabigaragaje, Intara y’Iburengerazuba iza ku mwanya wa 2 mu kugira abakora uburaya benshi mu Rwanda, ibanzirizwa n’Intara y’Amajyepfo. Ikibabaje kandi nk’uko Jabo akomeza abivuga, Uburengerazuba buza ku mwanya wa mbere mu bukene, igakurikirwa n’Amajyepfo.

Ubushakashatsi bwanashyize ahagaragara bimwe mu bibazo bikomeye abakora uburaya bahura na byo harimo ihohoterwa, gukubitwa n’abakiliya babo, kwandura SIDA, gufungwa n’inzego z’umutekano rimwe na rimwe bakanamburwa ibyabo.

Abaretse umwuga w’uburaya bo mu karere ka Karongi bari batumiwe mu nama bashimye cyane kuba baratumiwe bagahabwa umwanya wo kuvuga icyo batekereza. Uwitwa Nyirarukundo Immaculée ubu usigaye akora umurimo wo gucuruza isambaza yatangarije Kigali Today ko nubwo atarabasha kwiteza imbere ku buryo bugaragara ariko byibuze afite ubuzima bumuhesha icyubahiro kurusha mbere akiri indaya:

“Mbere nkikora uburaya narasuzugurwaga cyane ugasanga abagabo barankubitira mu kabari cyangwa no mu rugo iwanjye kandi mfite abana bikabababaza. Ubu kuva aho ntangiye gucuruza isambaza mbasha gutunga urugo, nkanarihira musaza wanjye amafaranga y’ishuli kubera ko nta babyeyi dusigaranye”

Nyirarukundo yongeraho ko afite n’ikibanza ariko cyamunaniye kucyubaka kubera amikoro akiri make. Iki kibazo agisangiye n’abandi bagenzi be bavuga ko imwe mu mpamvu ituma ntacyo bageraho ari ukubera ko bahabwa akato, n’ugize icyo ashaka kwikorera bagakomeza kumubonamo uburaya bityo bigatuma bacika intege.

Nyuma yo ku murika ubwo bushakashatsi, ubuyobozi bw’Intara, abashinzwe umutekano, abayobozi b’uturere bungirije bashinzwe imibereho myiza y’abaturage ndetse n’abaretse umwuga w’uburaya bafashe imyanzuro ko inzego zose zirebwa n’ikibazo zigiye guhaguruka zigatahiriza umugozi umwe, abakora uburaya bagashishikarizwa kubuvamo bagatekereza ibindi byo gukora kuko nk’uko Jabo Paul yasoje abivuga, ntibagomba kumva ko bagomba kubeshwaho n’impuhwe z’abandi kandi leta ntizigera ivuga ngo igiye gushyiraho ingengo y’imari yo gufasha abantu kuva mu buraya, ahubwo bo ubwabo bagomba kubyibwiriza bagashaka ukundi babaho, leta ikaza ibunganira.

Zimwe mu nka zorojwe abaturage

Umuryango Nyafurika w’Ivugabutumwa AEE Rwanda, ishami rya Bugesera, kuri uyu wa 11/6/2012 woroje inka n’ihene, imiryango ikennye igera ku 150, bibumbiye mu matsinda yo kwiteza imbere bo mu murenge wa Ririma mu karere ka Bugesera.

Muhongeyiteto Jeanne ni umwe mu batejwe imbere n’umuryango Nyafurika w’Ivugabutumwa akaba yahawe inka ije ikurikira ihene yahawe mbere, yavuze ko intego iyo mpuzamatsinda ifite ari ugutera imbere ejo hagakomeza kuba heza.

Abagore bari babukereye

Ati “tugitangira amatsinda twumvaga bitazashoboka ariko tubifashijwemo n’uyu muryango twabashije kwigeza kuri byinshi mu buhinzi, ubworozi bw’amatungo atandukanye, kugurirana matelas zo kuryamira muri gahunda ya Sasa neza, kwizigama no kugurizanya, ndetse ubu tukaba tumaze kugeza kuri miliyoni 38 z’amafaranga y’u Rwanda y’ubwizigame mu murenge SACCO”.

Umuhuzabikorwa w’umuryango AEE mu karere ka Bugesera Cyomuhangi Wereny avuga ko gufasha abo bagore bibumbiye mu mpuzamatsinda Ejo Heza iwacu, byakomotse kuri gahunda yo kurwanya nyakatsi, ubwo Leta y’u Rwanda yafatanga icyemezo cyo kubuza abantu gutura muri nyakatsi, maze umuryango Eva Ministy w’Abaholandi ugasanga abo bantu bagomba gufashwa kubona amazu.

Ati “ ku ikubitiro twubatse amazu atanu, habonetse ubushobozi bubakira abandi  batanu bo mu kagari ka Kabeza, ariko tunabashakira uburyo babonerwa amatungo, ngo biteze imbere”.

Ibyo bikorwa byose binyuzwa mu muryango Nyafurika w’Ivugabutumwa, dore ko nawo ugendera muri iyo nzira yo kuzamura imibereho y’abaturage nk’uko Cyomuhangi abivuga.

Umuyobozi wungirije w’akarere ka Bugesera ushinzwe ubukungu, Rukundo Julius yavuze ko abahawe ayo matungo bo mu kagari ka Kabeza bafite inshingano zo guteza imbere imibereho ya bo n’ubukungu aho batuye.

Abahawe ayo matungo buri wese yasabwe kuba ijisho rya mugenzi we mu kuyafata neza, kugira ngo azakwire maze agere kuri benshi borozanya. Hatanzwe ihene 180 n’inka 60 z’inyarwanda, hakurikijwe ibyifuzo by’abagenerwabikorwa kuko kuri ubu nizo babasha korora.

Izo nka ariko ngo zizagenda zivugururwa kugira ngo zizagere ubwo zitanga umukamo ushimishije.

Mu rwego rwo kugera ikirenge mu cy’umukuru w’igihugu Paul Kagame watangije gahunda yo koroza inka imiryango itishoboye binyuze buryo bwiswe  Gira inka Munyarwanda, abarimu bo mu bigo by’amashuli abanza byo mu murenge wa Nyagisozi mu karere ka Nyanza batanze inka ku miryango itishoboye tariki 7/06/2012.

Inka bazishyikirijwe n’ubuyobozi bw’umurenge wa Nyagisozi

Icyo gikorwa cyabereye ku kibuga cy’umupira w’amaguru cy’umurenge wa Nyagisozi ubwo imiryango itishoboye yo muri uwo murenge yagabirwaga inka 4 zifite amaraso y’inzungu kuri buri muryango. 

Imiryango yahawe inka yacinye umudiho karahava

Umuyobozi w’umurenge wa Nyagisozi Mutabaruka Paulin yavuze ko icyo gikorwa cyakozwe nabo barimu bakagabira inka abatishoboye ari inkingi ikomeye yo kurwanya ubukene no guteza umunyarwanda imbere nk’uko biri mu ntego ya leta y’ubumwe bw’abanyarwanda.

Yagize ati: “ Iyi gahunda yatangijwe na Nyakubahwa Perezida wa Repubulika y’u Rwanda none natwe ubu tugeze ikirenge mu cye”

Aha yanyujijemo agira ati: “ Abaturage b’umurenge wa Nyagisozi, akarere kacu ka Nyanza n’igihugu cyose muri rusange turasobanutse!!!!!!”

Abaturage n’abarimu b’ibigo by’amashuli abarizwa mu murenge wa Nyagisozi babyakiranye amashyi y’urufaya bati turi intore zatorewe gukeza igitaramo tukaba rudasumbwa mu ndongozi mu magambo yabo yasaga nk’icyivugo bahuriyeho.

Mukankaka Jacqueline umwe barojwe inka akaba yarasigajwe inyuma n’amateka yishimiye ko iyo nka yahawe igiye kumufasha kurwanya imirire mibi ndetse no kubona ifumbire yo gufumbira munsi y’urugo rwe.

Yashimye umukuru w’igihugu watangije ku mugaragaro gahunda ya Gira inka munyarwanda kuri buri muryango itishoboye.

Ati: “Iyi gahunda ntawe irobanura kandi yaziye igihe kuko ubu abana bacu ntibakibasiwe n’indwara z’imirire mibi nk’uko byari bimeze mbere y’iki gikorwa”

Guverineri w’Intara y’Iburasirazuba Uwamariya Odetta

Guverineri w’Intara y’Iburasirazuba arahamagarira ababyeyi n’abafite abana barera bose mu Rwanda kudahirahira ngo bagire umwana n’umwe babuza amahirwe yo kwiga mu burezi bwa bose leta y’u Rwanda yasakaje ku benegihugu bose. Uyu muyobozi arasaba kandi inzego zose gukurikirana uwaba atubahiriza aya mabwiriza akayasobanurirwa by’umwihariko, ndetse ngo utabyubahirije akagenerwa ibihano.

Ibi guverineri Uwamariya Odetta uyobora Intara y’Iburasirazuba yongeye kubishimangira mu ijambo yavugiye mu nteko y’Intara y’Iburasirazuba yabaye mu mpera z’icyumweru gishize, aho yahamagariye abayobozi ku nzego zose zigize Intara y’Iburasirazuba gukora ku buryo uburezi bw’ibanze bwa bose bugera ku gipimo cya 100% mu Burasirazuba, ndetse bigashishikarizwa n’ab’ahandi mu gihugu.

Guverineri Uwamariya yagize ati “Ubu kwiga mu Rwanda ni uburenganzira bwa buri wese, ntabwo bikiri umwihariko wa bamwe nk’igihe cya leta zabanje kuyobora u Rwanda.Ni uburenganzira bukomeye kandi ku buryo utabwubahiriza wese akwiye kubihanirwa, akaba ariyo mpamvu abayobozi ku nzego zose dukwiye kubisobanurira abaturage kandi tugacunga neza ko byubahirizwa.”

Uyu muyobozi avuga ko yasabye abayobozi b’Uturere twose mu Burasirazuba kugena ibihano ku rwego rwa buri Karere bizajya bihabwa ababyeyi n’abandi bose bagira uruhare mu gutuma hagira umwana n’umwe utajya mu ishuri kandi buri munsi.

Aha guverineri w’Iburasirazuba yikomye cyane cyane ababyeyi n’abafite ibirombe bicukurwamo amabuye y’agaciro muri iyo Ntara kuko ari bo bagira uruhare mu gutuma abana bose batitabira ishuri uko bikwiye.

Ngo hari ababyeyi bamwe badacyaha abana babo igihe baba bashutswe n’akazi k’intica ntikize kabineka mu birombe by’amabuye y’agaciro, hakaba n’abakoresha abana muri ibyo birombe dore ko babahemba udufaranga duke kandi bakabakoresha imirimo ivunanye.

Image : Ibiryo birimo urusenda

Hari igihe umuntu ateka ibyo kurya, ugasanga ashyizemo urusenda rwinshi atabishaka. Ese icyo gihe wabigenza ute? Hari abashoberwa bakabimena cyangwa bakongeramo amazi, ariko burya hari uburyo bwinshi bwo kugabanya urusenda mu biribwa.

Gukoresha Indimu

Image : Indimu

Dusanzwe tuzi ko indimu ikoreshwa muri salade, cyangwa ikavangwa n’ibinyobwa (umutobe w’imbuto, fanta, inzoga zikaze nka za whisky n’izindi. Ariko rero indimu ifite n’akandi kamaro abantu benshi batari bazi:

Kugabanya urusenda mu mafunguro

Iyo washyize urusenda rwinshi mu isosi bikugwiririye, wikwihutira kwangiza umuteko wawe ujya kuwumena cyangwa wongeramo amazi adahiye. Ahubwo fata indimu uyikatemo ibice bibili, ubundi uyikamure hanyuma ya mazi yayo uyasuke mu isupu/isosi, ubukana bw’urusenda buzahita bugabanuka kandi igire n’impumuro nziza kuko n’ubusanzwe indimu ikoreshwa mu guteka.

 Amazi y’Inanasi na Yaourt

Ushobora kandi no gukoresha amazi y’inanasi kubera ko ibamo isukari kandi isukari na za acide bita Citric acids / acides citriques) zifite umwihariko wo kurwanya ubukana bw’urusenda. Udahise ubona indimu cyangwa inanasi, ushobora no kuminjira agasukari gake mu biribwa birimo urusenda rwinshi.

Hari n’abashyiramo yaourt cyangwa ibindi bikomoka ku mata ugasanga bimeze nk’ikivuguto. Amavuta cyangwa ibinure biba muri byo biragenda bikibasira rwa rusenda rugatakaza ubukana. Inama nziza ariko ni ugukoresha yaourt itarimo ibinure/amavuta kugira ngo urye indyo iboneye.

Niba ari intongo y’inyama cyangwa isamake irimo urusenda rwinshi, bakugira inama yo gukoresha ubwoko bwa yaourt ikoreshwa nk’isosi iba ivanze na concombre n’ibindi birungo bita mint.

Gusomeza amata cyangwa umutobe

Igihe watetse amafunguro arimo urusenda rwinshi, ushobora gusomeza n’amata akonje cyangwa umutobe ukonje w’indimu. Salade y’imboga n’imbuto nabyo bifasha umuntu urimo koribwa n’urusenda mu kanwa.

Nyabihu Genocide Orphans giving testimonies

The 1994 Genocide against Tutsis left so many problems to the Rwandan society, after they massacred more than a million people, living thousands of Orphans whose parents’ homes had also been demolished.

Nyabihu district is also among many other districts of Rwanda that faced with such Genocide repercussions.

Ibuka representative in Nyabihu, Anastase Juru said that there are a number of projects that are currently under way to support such orphans.

One of the activities is building a home to 7 homeless Orphans, 4 girls and 3 boys whose parents were brutally murdered in the mayhem that occurred in the land of a thousand hills back in the year 1994.

The 7 Orphans who once resided at APEREL School later lived in a government rent house till today, but the Ibuka representative promises them to own in house of their own this time.

Nyabihu residents have also had a hand in contributing to support of such Genocide survivors as they contributed 12 Million Rwandan francs to such projects.

The Ibuka representative ended his remarks by thanking Itorero for their support and Nyabihu residents for their continued partnership in supporting Genocide victims.

L’ancien emplacement de la coopérative Noza

Les ex membres de la coopérative NOVA qui produisait de l’huile a partir des tournesols aspirent que les poursuites judicaires soient effectuées aux membres impliqués dans la faillite de leur coopérative.

Cette ancienne coopérative avait ses activités dans le secteur de Kinazi, district de Huye. Une partie des anciens membres de cette coopérative déclare que les activités de NOVA se sont détériorées à partir de 2007.

Les habitants de ce secteur affirment qu’au cours d’une période de 3 ans, les finances de cette coopérative étaient en déficit. D’après leurs informations, les sommes d’argent ont été dilapidées par les responsables de NOVA.

Mukamuliza Saverina, une des ex membres, atteste : «  Nous n’avions jamais eu un pouvoir de parole. Ils prenaient notre argent petit à petit jusqu’à ce qu’elle soit en dépôt de bilan ».

Un autre ancien membre, Nzamurambaho Callixte, affirme que NOVA lui doit une somme de 80 000frs. Il confirme qu’il n’a point retiré des sommes d’argent dans cette coopérative. Il se souvient qu’une fois cette coopérative avait organisé une fête en l’honneur de ses membres.

Les autorités du secteur de Kinazi confirment que ce problème de NOVA a été soumis par leurs soins aux autorités de cette coopérative sans qu’une solution ne puisse être trouvée. Ces autorités considèrent que les efforts sont consentis pour qu’une rencontre puisse réunir tous les membres de cette ancienne coopérative.

Migabo Vitar, le secrétaire exécutif de ce secteur, a ainsi déclare : « Ce que le secteur met en œuvre, nous voulons réunir tous les membres pour  chercher voies et moyens de démasquer les responsables de la faillite de cette coopérative ».

Les autorités de ce secteur conseillent aux membres de cette coopérative de ne plus importer les tournesols provenant de la Tanzanie si NOVA est remise en marche. Car ces tournesols coutent cher, par conséquent, ils persuadent ces membres de meuler les aliments du cheptel.

Photo: Karoti zogeje neza

Karoti ni imboga zera hafi ya hose ku isi kandi ibyiza byazo ni ntagereranywa. Karoti ziribwa ari mbisi, zihiye cyangwa se zitetse kuburyo zidashya cyane kandi akamaro kazo gahora ari kakandi.

Hari abakunda kuzivanga n’izindi mboga bakazirya muri salade zivanze n’indimu cyangwa vinaigre, ariko karoti ishobora no kuribwa ikiva mu murima umuntu akabanza akayoza mu mazi meza akonje ubundi akayihekenya nta mususu. Usanga henshi ku isi abana ari bo bakunda kuzihekenya kubera ukuntu basanzwe bakunda guhekenya utuntu dukocoka. Ariko n’abantu bakuru ntizibagwa nabi.

Karoti kandi zikorwamo umutobe utagira uko usa kubera ko ubwazo zifitemo isukari y’umwimerere. Kugira ngo umuntu umwe akore umutobe umuhagije akenera byibuze karoti 5 nini bidakabije. Iyo zivanzwe n’umutobe w’amacunga cyangwa pomme/apple iyo mvange itanga umutobe w’akataraboneka ufite intungamubiri nyinshi kandi udafite ingaruka mbi mu mubiri kuko uba ufite isukari y’umwimerere.

Hari n’abakunda gukata karoti mo ibice binini zihagaze bakazitogosa mu mazi kuburyo zoroha bakongeramo akunyu gake nabwo ziba ziryoshye kandi zifite intungamubiri zazo. Ushobora kongeramo utundi tuboga nka peresile na sereri kugira ngo bigire impumuro nziza. Hari uburyo bwinshi bwo kurya karoti, ariko ik’ingenzi ni ukumenya ko karoti ari imboga zifitiye umubiri wacu akamaro kanini uko zaribwa kose.

Dore bimwe mu byo karoti zimariye umubiri wacu

Karoti zifasha umubiri guhorana imbaraga cyane cyane zikagira akamaro ku maso, ku ruhu, ku magufa. Zinafatiye runini umutima n’imikaya y’umubiri kandi zikanayungurura amaraso.

Photo: Amabara atandukanye ya karoti

 
Karoti zigira amabara atandukanye nk’uko bigaragara ku ifoto, ariko mu Rwanda tugira izisa na orange gusa.

Ngako akamaro ka karoti, ababyeyi nituzigaburire abana bacu, abakuru kandi nabo ntitukazirenganize kuko umuntu akenera kugira ubuzima bwiza igihe cyose agihumeka. Twikuremo ya myumvire ivuga ko abana ari bo bonyine bakeneye indyo yubaka umubili, cyangwa se ngo imboga ni izo kujyana ku isoko ubundi tukirira ibijumba n’ibishyimbo gusa.

Ikindi kandi karoti zera henshi mu Rwanda kandi ntizihenda. Umufungo umwe (karoti 4-6) ugura amafaranga 100 kubadandaza ariko ugiye aho zera cyane (Gisenyi na Ruhengeri), ibase yose igura hagati ya 800-1000 FRW.