Tag Archive | "development"

Gatsibo: Abakoranye n'umushinga wa RSSP barinubira amafaranga batahembwe

Gatsibo: Abakoranye n’umushinga wa RSSP barinubira amafaranga batahembwe

Tags: , , , , , , , , ,


Gatsibo: Abakoranye n'umushinga wa RSSP barinubira amafaranga batahembwe

Abaturage mu mirimo yo gutera urubingo n’ibyatsi ku muyoboro uzifashishwa mu kuhira umuceri

Abaturage bo mu murenge wa Gatsibo bakoranye n’Umushinga wa RSSP, barinubira kuba batarahembwe amafaranga bemeranyijwe mu masezerano bagiranye n’uwo mushinga.

Aba baturage bavuga ko bajya gutangira akazi bari basezeranyijwe umubyizi w’amafaranga 1500, bajya guhembwa kuri Sacco banyuzamo imishahara yabo bagahembwa amafaranga 1000 gusa.

Ngarambe Gracien, ni umwe mu bo twasanze ku cyicaro cy’Umurage Sacco Mugera kuri uyu 14 Mutarama 2015, avuga ko we na bagenzi be bakoranye mu kazi ko gutera ibyatsi n’urubingo ku muyoboro munini uzamena amazi mu gishanga cy’umuceri, ngo icyababaje ari uko rwiyemezamirimo amafaranga yabijeje atariyo yabahaye.

Ati:” Kuba twarakoze tuziko turimo gukorera amafaranga 1500 twagera kuri banki tugasanga ari amafaranga 1000, biratubabaje cyane kuko iyo tubimenyeshwa mbere ntacyo byari kuba bitwaye, hari n’ababuze imibyizi yabo bari bafite imibyizi 10 bagahembwa 3.”

iki kibazo kandi aba baturage banagaragaza ko kije gishamikiye, ku kuba badahemberwa igihe amagfaranga akaza atinze n’aho abonekeye waba ufite imibyizi iri munsi ya 12 ntubone amafaranga, kubera umugabane shingiro wa banki bakorana nayo.

Ubuyobozi bwa Sacco Mugera, buvuga ko umugabane shingiro w’umunyamuryango wari 12,000, ngo uwabaga atayujuje mu gatabo ntiyabashaga kubona amafaranga ngo kuko byari amabwiriza ya banki nkuru y’Igihugu.

Umuhuzabikorwa w’Umushinga RSSP mu murenge wa Gatsibo Maniriho Damien, asobanura ku bijyanye n’ibibazo aba baturage bafite, yavuze ko icyo kibazo bari kucyigaho bafatanyije n’icyigo cy’imari aba baturage bahemberwamo.

Yagize ati:” Ni ibibazo biri hagati y’abakozi bacu n’icyigo cy’imari babereye abanyamuryango, kuko twebwe ku ruhande rw’umushinga tubahemba amafaranga yanditse mu masezerano twagiranye bajya gutanira imirimo ariyo angana na 1500 ku mubyizi.”

Aba baturage bakorera muri uyu mushinga bakora akazi ko gutera ibyatsi ku muyoboro uzamena amazi mu gishanga cy’umuceri cya saKanyonyomba, bakaba bose hamwe bagera kuri 757.

Abashigajwe inyuma n’amateka

Abasigajwe inyuma n’amateka bashinjwa kwisenyera amazu batujwemo

Tags: , , , , , ,


Amazu yasakambuwe

Amazu yasakambuwe

N’ubwo bo batabyemera, abasigajwe inyuma n’amateka mu Murenge wa Rubengera, Akarere ka Karongi barashinjwa kwisenyera amazu baba bahawe yo kubamo.

Iyo ugeze mu Mudugudu wa  Kabuga, Akagari ka Bubazi, Umurenge wa Rubengera, ugera ku nzu zegeranye bigaragara ko zari zikomeye, ariko kugeza ubu hafi ya zose zitagifite amabati, ibice bikiriho amabati nabyo yarashwanyutse kubera umwotsi wo kuzitekamo, izindi nazo ibikuta bimwe byaraguye,  zituyemo imiryango igera kuri 12 y’abasigajwe inyuma n’amateka.

Abashigajwe inyuma n’amateka

Abashigajwe inyuma n’amateka

Izi nzu bazicumbikwemo nyuma y’uko izo bari barubakiwe n’ubuyobozi nazo zisenyutse aho bavuga ko zasenywe n’umuyaga, ariko abaturanyi babo bakavuga ko aribo bazisenyeye.

Ku ruhande rwabo, aba basigajwe inyuma n’amateka bakubwira ko bacumbikiwe mu nzu zisanzwe zisenyutse bakaba bakeneye kubakirwa aho bari basanzwe batuye mbere.

Nyiraruzinduko Donathile umwe basigajwe inyuma n’amateka utuye  muri Kabuga ati:” Inzu yanjye ya mbere yaraguye abayobozi batuzana hano, ariko naho dufite ibibazo, urabona ko byatangiye kugwa, iyo imvura iguye tubura aho tujya tukanyagirwa.”

Banyumvire Aminadabu uhagarariye imiryango y’abasigajwe inyuma n’amateka muri ako Kagari ati:” N’iri cumbi ntirimeze neza, kandi ntidushimishijwe no kubaho ducumbkiwe, ahubwo bongere batwubakire aho twari dutuye.”

Habinshuti Edouard umwe mu baturanyi ati:” Abasigajwe inyuma n’amateka nibo ubwabo bagiye bisenyera, iza mbere bubakiwe barazisenye na ziriya bari bacumbikiwemo barazisenya.”

Kuba aba basagajwe inyuma n’amateka baba bagira uruhare mu kwisenyera binemezwa n’ubuyobozi bw’Akarere ka Karongi aho bwemeza ko ubu ingufu zigomba gushyirwa mu guhindura imyumvire yabo.

Ndayisaba Francois, Umuyobozi w’Akarere ka Karongi ati:” Birasaba gushyira ingufu mu kuzamura imyumvire, kuko hari abagiye bisenyera, hari abo duha inka, amata yose bakayagurisha, abarwara ntibajye kwivuza, kandi hari abamaze guhinduka.”

Kwangiza ibikorwa bigamije guhindura ubuzima bwabo ku basigajwe inyuma n’amateka batuye muri aka Karere si ku mazu gusa bigaragarira, kuko usanga bamwe n’izitiramibu bahawe aho kuziryamamo bazisasira, abahawe amatungo cyangwa se n’ibindi bikoresho bakabigurisha.

 

Rulindo: Abayobozi basabwe kwirinda ruswa n’ikimenyane bigaragara mu kubaka.

Rulindo: Abayobozi basabwe kwirinda ruswa n’ikimenyane bigaragara mu kubaka.

Tags: , , , , , , , , , , , ,


Rulindo: Abayobozi basabwe kwirinda ruswa n’ikimenyane bigaragara mu kubaka.

Umuyobozi w’ishami ry’imiturire mu Kigo cy’Igihugu gishinzwe imiturire Kampayana Augustin

Mu kwihutisha iterambere ry’Igihugu, Leta y’Urwanda yashyizeho gahunda yo gutuza abantu mu midugudu.

Nkuko bitangazwa n’umuyobozi  w’ishami ry’imiturire mu Kigo cy’Igihugu gishinzwe imiturire (Rwanda Housing Authority) Kampayana Augustin,  avuga ko abayobozi bamwe bakingira ikibaba abaturage bayobora.

Bamwe mu baturage hirya no hino mu gihugu bubaka ahatemewe, hatakaswe imidugudu cyane cyane iyo bahaye abayobozi ruswa cyangwa ari bene wabo kugirango batiteranya.

Ibyo bikagira ingaruka kuri abo baturage ubwabo, ndetse n’abana babo kuko bituma bajya ku ishuri bakoze ingendo ndende, rimwe na rimwe bikabaca intege bakava mu ishuri; umurwayi yaba arembye akaba yagera ku ivuriro yanegekaye cyangwa bikaba byamuviramo urupfu, kuko akenshi amavuriro aba abari kure, n’izindi ngaruka mbi nyinshi zibageraho.

Kampayana akomeza avuga ko gutura nabi bidindiza iterambere ry’abaturage batuye nabi mu manegeka cyangwa se abatuye batatanye kuko bigorana kubagezaho ibikorwa remezo.

Gutura mu midugudu bituma abantu basangira ubumenyi, buri muntu akigira ibikorwa by’iterambere kuri mugenzi we, bakiga kubaho neza ntibasigare inyuma; kandi ibikorwa remezo bikabageraho ku buryo bworoshye.

Abaturage barashishikarizwa gutura mu midugudu kugirango nabo bagerweho n’ibikorwa by’iterambere vuba nk’abandi; kandi abayobozi babifite mu nshingano zabo  barasabwa kubishyiramo umwete n’imbaraga, abaturage bakihutira gutura mu midugudu.

Abayobozi bazakomeza kugaragaraho imyitwarire itari myiza yo kwakira ruswa bafasha abaturage gutura nabi, ko bazafatirwa ingamba.

m_2

Barishimira ko basigaye bajya mu bandi ntibabanene

Tags: , , , , , ,


Barishimira ko basigaye bajya mu bandi ntibabanene

Abahejwe inyuma n’amateka bo mu karere ka Burera batangaza ko bishimira uburyo basigaye bajya aho abandi ntihagire ubanena.

Aba bahejwe inyuma n’amateka bavuga ko mbere ntawabegeraga kuko abantu bavugaga ko banuka. Niyo bajyaga gusaba ibiryo mu rugo runaka ngo ntibabaheraga ku isahani nk’iz’abandi. Ngo babaheraga ku zabo zitogeje, bahishaga kure.

m_2

Ubwo ku wa gatanu tariki ya 16 Ukwakira 2015, umuryango utabara imbabare Croix Rouge, usanzwe ubafasha, wabahurizaga hamwe, bagakora amarushanwa yo kuririmba no kubyina, bagaragaje ibyishimo kuba bateraniye aho abandi bari batanenwa.

Nyiransabimana Natalie, umwe muri bo, agira ati “Ndishimye! Icyatumye nishina ni uko mwaduteranyirije hano…ubu ntabwo tukitinya rwose! Impamvu tutikinya ni uko uri kubona ko twasobanutse…uri kubona ko ubu turi gutinyuka kubazamo. (Mbere) Twabonaga abantu tukabatinya! Twabonaga tudasa nabo kubera kwifata nabi.”

Aba bahejwe inyuma n’amateka bakomeza bashimira uburyo bakuwe mu mashyamba. Aho baga muri nyakatsi batunzwe n’inyama z’inyamaswa bahigaga ndetse n’ubuki bw’ubuhura. Ku bufatanye bw’akarere ka Burera na Croix Rouge, bashyizwe hamwe mu midugudu, batuzwa mu nzu z’amabati.

Pierre Karadoga avuga ko ikibazo basigaranye ari icyo kubura aho bahinga ngo babone ikibatunga. Ahamya ko aho batuye ubutaka buhari ari ubwubatsemo inzu batuyemo ndetse n’ubwiherero gusa.

Agira ati “Ibyo kurya nabyo tuzabibona baduteye inkunga y’imbuto yo guhinga, akarima…bamwe ni uguca inshuro mu Bugande, uwagiye mu gitondo agataha saa kumi n’ebyiri aribwo acyuye ibyo kurya.”

Mukabarisa Felicité, umuhuzabikorwa w’umuryango Croix Rouge mu karere ka Burera n’aka Musanze, avuga ko umushinga wo gufasha abo bahejwe inyuma n’amateka ugikomeje.

Ahamya ko hari abo mu mirenge ya Gahunga na Butaro yo mu karere ka Burera baguriwe imirima. Abandi bo mu yindi mirenge nibo batahiwe.

Amarushanwa yo kuririmba ndetse no kubyina yahurijwemo abahejwe inyuma n’amateka bo mu karere ka Burera yateguwe mu rwego rwo kubereka ko ari Abanyarwanda nk’abandi. Bityo nabo bakareka kwiheza.

Abasigajwe inyuma n’amateka bahawe amazu meza

Nyaruguru: Imfashanyo zihabwa abahejwe n’amateka ntizivugwaho rumwe

Tags: , , , , ,


Abasigajwe inyuma n’amateka bahawe uburyo bwo kubumba kijyambere

Abasigajwe inyuma n’amateka bahawe uburyo bwo kubumba kijyambere

 Bamwe mu baturanyi b’imiryango y’abahejwe n’amateka bo mu karere ka Nyaruguru ntibavuga rumwe nabo ndetse n’ubuyobozi ku gufashwa kwabo.

Umuyobozi w’akarere habitegeko

Umuyobozi w’akarere habitegeko

Abaturage bavuga ko kuva kera imfashanyo yose ibonetse mu kuyiha abaturage ngo haherwa ku miryango y’abahejwe n’amateka bikavugwa ko aribo bakene kurusha abandi, nyamara ngo no muribo harimo imiryango ikennye kurenza abahejwe n’amateka.

Abasigajwe inyuma n’amateka bahawe amazu meza

Abasigajwe inyuma n’amateka bahawe amazu meza

Umusaza Muhitira Camille atuye mu mudugudu wa Gitara,mu kagari ka Coko mu murenge wa Cyahinda.

Abaturege benshi mu batuye muri uyu mudugudu wa Gitara, ni abagize imiryango y’abahejwe n’amateka.

Muhitira avuga ko buri gihe iyo hagize imfashanyo iboneka, ubuyobozi buyitanga buhereye kuri iyo miryango y’abahejwe n’amateka, nyamara kandi ngo no mu yindi miryango haba harimo abakene bari inyuma y’abo bahejwe n’amateka.

Agira ati:”Iwacu abahejwe n’amateka nibo bubakiwe amazu meza. Iyo bajya gutanga imfashanyo, iteka nibo baheraho kandi no muri twe harimo batishoboye”.

Bamwe mu bahahejwe n’amateka banamaze igihe kinini bahabwa inkunga zinyuranye nabo bemeza ko ntaho baragera, bakemeza ko aribo bakwiye kujya bahora bafashwa.

Karambizi Innocent wo mu murenge wa Rusenge avuga ko n’ubwo bahabwa ubufasha ngo ubushobozi bwabo bukiri hasi kuburyo ngo bagikeneye gukomeza gusindagizwa.

Ati:”Nk’izi nzu twubakiwe zimwe bazisize zidakinze. Bakatubwira ngo tuzajye kuzana inzugi ubundi tuzishyireho kandi kubera ubukene ntitwabasha kubona amafaranga ahemba umufundi”.

Ukurikije uburyo aba bahejwe n’amateka bavuga ubukene bwabo, watekereza ko nta muryango wo mu bahejwe n’amateka ujya uva mu cyiciro cyo hasi mu budehe ngo ujye mu cyisumbuyeho.

Umuyobozi w’akarere ka Nyaruguru Habitegeko Francois avuga ko iyi miryango ijya izamuka mu ntera, ariko ngo ntibigaragare kuko iba iva ahantu kure, akanavuga ko yaba ariyo mpamvu abaturanyi babo babyita guhora bafashwa bonyine.

Mu kuzamua imibereho y’abahejwe n’amateka muri Nyaruguru, abatuye mu murenge wa Cyahinda batangiye gukorerwa imishinga ibakura ku bubumbyi bwa gakondo bakabumba kijyambere, ndetse banashyirirwaho itorero bigiramo indangagaciro zibafasha guhindura imyumvire.

 

Abana babana n’ubumuga bakeneye gufashwa

Huye: Imiryango ifite abana bamugaye ikwiye gufashwa

Tags: , , , , , , , ,


Abana babana n’ubumuga bakeneye gufashwa

Abana babana n’ubumuga bakeneye gufashwa

Abahagarariye abafite ubumuga bo mu Murenge wa Huye bavuga ko imiryango ifite abana bamugaye itabasha kwiteza imbere nk’itabafite, ikaba ikwiye gufashwa.

Valentine Muhawenimana, umuhuzabikorwa wungirije w’inama y’igihugu y’abafite ubumuga mu Murenge wa Huye, agaragaza ibibazo by’abo akuriye agira ati “imiryango ifite abana bafite ubumuga ntibasha gutera imbere, bahora mu bukene kubera guhora bavuza.”

Akomeza agira ati “ubuvuzi bw’abo bana buragora kandi bukanahenda. Abenshi baba bafata imiti igihe cyose, abandi bagahora bakorerwa kine [ni ukuvuga kugororwa ingingo] ku buryo ababyeyi babo batabasha kubona uburyo n’umwanya bihagije byo kugira ngo bikure mu bukene.”

Ubukene rero ngo usanga bwarabaye akarande muri bene iyo miryango, ku buryo hari n’abananirwa kwitangira amafaranga y’ubwishingizi mu kwivuza.

Muhawenima ati “hari abo usanga barashyizwe mu cyiciro cya gatatu cy’ubudehe, ariko wareba ubushobozi ugasanga ntabwo. Icyo gihe dukora mu musanzu wa koperative y’abafite ubumuga tukazibarihira, ariko Leta yagakwiye kubitaho kuko usanga abadafite ubumuga ari bo bari mu byiciro bifashwa kandi bashoboye gukora.”

Uretse kwivuza bigora kubera ubukene, ngo n’amashuri y’abafite ubumuga arahenda. Usanga rero hari abatajyanwa mu ishuri kubera amikoro make y’ababyeyi.

Ku cyifuzo cyo kuba imiryango irimo abana bafite ubumuga ikwiye gushyirwa mu byiciro bigenerwa mituweri, Christine Niwemugeni, umuyobozi w’Akarere ka Huye wungirije ushinzwe imibereho myiza, agira ati “ntabwo abafite ubumuga bose bashyirwa mu cyiciro cya mbere cy’ubudehe ngo bakunde bavuzwe na Leta. Byaba ari ukwica igenamigambi ry’igihugu.”

Icyakora, ngo nk’uko n’ubundi abafite ubumuga bagenerwa ubufasha bwihariye, ni bwo buryo bazakomeza kubafashamo.

 

 

Abayobozi barasabwa kuba icyitegererezo kubo bayobora

Gakenke: Abayobozi barasabwa kuba icyitegererezo kubo bayobora

Tags: , , , , , , , ,


Abayobozi barasabwa kuba icyitegererezo kubo bayobora

Abayobozi b’inzego z’ibanze mu karere ka Gakenke barasabwa kuba icyitegererezo kubo bayobora kugirango babarebereho kuko bidashoboka ko bakora ibyo badakora

Babisabwe na minisitiri w’ubutegetsi bw’igihugu Kaboneka Francis kuri uyu wa 04/11/2015 ubwo yagiranaga ibiganiro n’abayobozi b’akarere ka Gakenke kuva ku rwego rw’umudugudu kugera ku karere bareberahamwe uburyo barushaho kwiteza imbere.

Abayobozi barasabwa kuba icyitegererezo kubo bayobora

Minisitiri Kaboneka avuga ko abayobozi bakwiye kubera urugero rwiza abaturage kuko umuntu adashobora kujya gutokora igitotsi kiri mu jisho rya mugenzi we mugihe irye ibitotsi byuzuyemo, bityo agasanga umuyobozi akwiye kuba intangarugero kubyo yifuza ko abaturage bakora

Ati “banza witokore, uze gutokora undi. Bivuga ngo icyo ujya kwigisha bariya baturage barakurora, banza ugikore kuko ntuzajya kubwira abaturage ngo nimugire isuku wowe karabaye, ntuzajya kubwira abaturage ngo mwirarana n’amatungo abana bawe bararana n’ibyana by’ingurube. Kuyobora rero haricyo bisaba, birasaba kwitanga, bigasaba kuba icyitegererezo kubo uyobora”

Abayobozi barasabwa kuba icyitegererezo kubo bayobora

Minisitiri Kaboneka avuga ko mugihe abayobozi bazaba intangarugero kubo bayobora nta kabuza ko nabo bazashaka gutera ikirenge mucy’abayobozi babo kuko bazaba barimo gutanga urugero rwiza, gusa ariko ngo biragoranye kuba umuturage yakwumvishwa gukora ibitandukanye nibyo abona umuyobozi we akora

Abayobozi barasabwa kuba icyitegererezo kubo bayobora

Umuyobozi w’akarere ka Gakenke Nzamwita Deogratias, asobanura ko impanuro bahawe na minisitiri bagiye kuzigenderaho kuko hari byinshi zishobora gutuma bihinduka hakabaho n’impinduka mu mikorere yarisanzwe

Ati “impanuro minisitiri yaduhaye iya mbere nuko abayobozi tugomba kuba intangarugero kugirango abaturage bakore ibyo twaberetse ariko natwe bakabona ko twabaye intangarugero, icya kabiri n’imikoranire myiza irimo gukorana ubwuzuzanye hagamijwe kugirango abantu bagere ku musaruro,nkaba numva ari impanuro turi buze kugenderaho kandi ziribuze gutuma hari byinshi bihinduka”

Nyirambarushomana Agrippine n’umukuru w’umudugudu wa Gishyinguro mu murenge wa Gakenke, avuga ko nyuma y’ibiganiro na minisitiri w’ubutegetsi bw’igihugu ingamba batahanye aruko bagiye gushishikariza abaturage guhindura imyumvire n’imikorere kugirango bagere kw’iterambere

Ati “ku giti cyanjye ngomba kuba intangarugero, nkaba bandebereho muri gahunda zose za leta kandi nkazubahiriza nibura 100%”.

 

Gicumbi – Guha agaciro abafite ubumuga byatumye biteza imbere

Gicumbi – Guha agaciro abafite ubumuga byatumye biteza imbere

Tags: , , , , , , , ,


Gicumbi – Guha agaciro abafite ubumuga byatumye biteza imbere

Ibi babitangaje tariki ya 16/ 10/2015 aho bishimira ibikorwa by’iterambere bamaze kugeraho babikesha ubuyobozi bwiza budaheza bwabafashije gukora nk’abandi bakiteza imbere.

Munyensanga Aloys afite ubumuga amaranye imyaka 17 bw’ukuguru atangaza ko mbere nta kintu yabashaga kwikorera cya muteza imbere ariko reta y’u Rwanda yamwitayeho ikamuha inyunganirangingo atangira ibikorwa byo guhinga n’ibikorwa byo korora.

Akimara kumugara abo mu muryango we batangiye kumubonamo umuntu utagize icyo abamariye ariko nyuma yo gufashwa akavurwa ndetse agahabwa imbago zo kugenderaho abasha gukora imirimo irimo ubuhinzi n’ubworozi.

Gicumbi – Guha agaciro abafite ubumuga byatumye biteza imbere

Abafite ubumuga bo mu karere ka Gicumbi bashima leta yabahaye agaciro ikanabafasha mu bikorwa byo kubateza imbere nk’abandi banyarwanda bose.

Munyensanga akora n’ubucuruzi buciriritse aho arangura imyaka n’abaturage akayijyana kurema ayandi masoko mato inyungu akuyemo akayitungisha urugo rwe.

Kuba leta y’u Rwanda yaritaye kubafite ubumuga ndetse ikanabaha agaciro byemezwa na Twagirumukiza Emmanuel uhagarariye abafite ubumuga mu ntara y’Amajyaruguru ukora muri Raburatwari (laboratoire) mu kigo nderabuzima cya Muhondo giherereye mu murenge wa Kajyeyo uvuga ko abafite ubumuga bahawe agaciro nk’abandi banyarwanda.

Yagize ati “ mbere iyo umubyeyi yabyaraga umwana ufite ubumuga yumva yagushije ishyano ariko ubu turiga, turacuruza turi abaganga turi abantu bakomeye”.

Gicumbi – Guha agaciro abafite ubumuga byatumye biteza imbere

Atangaza ko nubwo afite ubumuga akora imirimo nk’iyabantu batamugaye.

Ibikorwa byerekana kudahezwa muri sosiyete birimo kwiga, gukora imirimo itandukanye, irimo ubucuruzi, ubudozi ubuhinzi n’ubworozi.

Kubabyeyi babyaye abana bafite ubumuga nabo bishimira ibikorwa reta ibakorera birimo kubaha amagare yo kugenderamo nk’uko Ndayizeye Anastase abitangaza.

Umwana we w’imyaka 19 atarabona igare ryo ku mwicazamo wasangaga bibagora kumugeza hanze ariko nyuma y’ubufasha butandukanye babonye bwo kwita kuri uwo mwana byatumye nabo babasha kugira imirimo y’urugo bikorera.

Ibi kandi byose byajyanye no gukangurira ababyeyi babyaye abana bafite ubumuga kubagaragaza bakabururwa bagashyirwa mu byiciro kugirango bafashwe nk’abandi.

Ikindi bishimira n’uko bakuriweho amazina abapfobya nk’ikimuga, igipfamatwi, impumyi, n’ikiragi, ibirema.

1

Barishimira ko basigaye bajya mu bandi ntibabanene

Tags: , , , , , ,


1

Abahejwe inyuma n’amateka bo mu karere ka Burera batangaza ko bishimira uburyo basigaye bajya aho abandi ntihagire ubanena.

Aba bahejwe inyuma n’amateka bavuga ko mbere ntawabegeraga kuko abantu bavugaga ko banuka. Niyo bajyaga gusaba ibiryo mu rugo runaka ngo ntibabaheraga ku isahani nk’iz’abandi. Ngo babaheraga ku zabo zitogeje, bahishaga kure.

Ubwo ku wa gatanu tariki ya 16 Ukwakira 2015, umuryango utabara imbabare Croix Rouge, usanzwe ubafasha, wabahurizaga hamwe, bagakora amarushanwa yo kuririmba no kubyina, bagaragaje ibyishimo kuba bateraniye aho abandi bari batanenwa.

Nyiransabimana Natalie, umwe muri bo, agira ati “Ndishimye! Icyatumye nishina ni uko mwaduteranyirije hano…ubu ntabwo tukitinya rwose! Impamvu tutikinya ni uko uri kubona ko twasobanutse…uri kubona ko ubu turi gutinyuka kubazamo. (Mbere) Twabonaga abantu tukabatinya! Twabonaga tudasa nabo kubera kwifata nabi.”

Aba bahejwe inyuma n’amateka bakomeza bashimira uburyo bakuwe mu mashyamba. Aho baga muri nyakatsi batunzwe n’inyama z’inyamaswa bahigaga ndetse n’ubuki bw’ubuhura. Ku bufatanye bw’akarere ka Burera na Croix Rouge, bashyizwe hamwe mu midugudu, batuzwa mu nzu z’amabati.

Pierre Karadoga avuga ko ikibazo basigaranye ari icyo kubura aho bahinga ngo babone ikibatunga. Ahamya ko aho batuye ubutaka buhari ari ubwubatsemo inzu batuyemo ndetse n’ubwiherero gusa.

Agira ati “Ibyo kurya nabyo tuzabibona baduteye inkunga y’imbuto yo guhinga, akarima…bamwe ni uguca inshuro mu Bugande, uwagiye mu gitondo agataha saa kumi n’ebyiri aribwo acyuye ibyo kurya.”

Mukabarisa Felicité, umuhuzabikorwa w’umuryango Croix Rouge mu karere ka Burera n’aka Musanze, avuga ko umushinga wo gufasha abo bahejwe inyuma n’amateka ugikomeje.

Ahamya ko hari abo mu mirenge ya Gahunga na Butaro yo mu karere ka Burera baguriwe imirima. Abandi bo mu yindi mirenge nibo batahiwe.

Amarushanwa yo kuririmba ndetse no kubyina yahurijwemo abahejwe inyuma n’amateka bo mu karere ka Burera yateguwe mu rwego rwo kubereka ko ari Abanyarwanda nk’abandi. Bityo nabo bakareka kwiheza.

Umunyamabanga wa Leta Germaine Kamayirese mu munsi wo kwizihiza imiturire Rubavu

Buri mudugudu ugomba kugira umwanya rusange w’abaturage

Tags: , , , , , , , ,


Umusozi wa Rubavu wari utuweho n’abari mu manegeka barahakuwe haba Nyaburanga

Umusozi wa Rubavu wari utuweho n’abari mu manegeka barahakuwe haba Nyaburanga

Abategura aho gutuza abaturage barasabwa guteganya umwanya rusange wo kwisanzura, Minisitiri Kamayirese yabitangaje tariki 7/10/2015 mu kwizihiza umunsi mpuzamahanga wahariwe imiturire.

Umunsi mpuzamahanga wahariwe imiturire ku isi wizihijwe mu Rwanda ku nshuro ya 18 mu karere ka Rubavu, ukaba usaba ko hagenwa umwanya rusange kuri bose.

Umunyamabanga wa Leta Germaine Kamayirese mu munsi wo kwizihiza imiturire Rubavu

Umunyamabanga wa Leta Germaine Kamayirese mu munsi wo kwizihiza imiturire Rubavu

Umunyamabanga wa Leta muri Minisitere y’ibikorwa remezo ushinzwe amazi, isuku n’isukura Germaine Kamayirese, avuga ko abashyira mu bikorwa ibishushanyo mbonera bagomba kubahiriza ubuso rusange.

“u Rwanda ruri mu bihugu bituwe cyane muri Afurika, dukomeje kubaka uko twishakiye byazarangira tudafite aho gukorera. Dukwiye gutura twegeranye turondereza ubutaka, naho aho kwisanzurira tukagira aho duhurira rusange.”

Iyi gahunda yo kugira umwanya rusange kubatuye mu midugudu ngo yatangiye gushyirwa mu bikorwa. Akarere ka Rubavu gatuwe cyane nyuma y’umujyi wa Kigali ngo gafite aho kwisanzurira ariko bigomba no gushyirwa mu tundi turere.

Inkengero z’ikiyaga cya Kivu hamwe n’umusozi wa Rubavu wimuweho abari batuye mu manegeka niho hari ubuso bwo kwisanzura; baganira no kuruhaka.

Germaine Kamayirese akaba avuga ko basaba abashyira ibishushanyo mbonera mu bikorwa bagomba kujya bagena uyu mwanya kuko mu kubitegura uyu mwanya wateganyijwe.

Kampayana Augustin umuyobozi w’ikigo cy’igihugu gishinzwe imiturire mu Rwanda, avuga ko mu bishushanyo mbonera bateganya ko ahantu hatuzwa abantu 200 hagira umwanya rusange nk’ibibuga byo gukiniramo naho guhurira n’abantu benshi.

Umuyobozi w’akarere ka Rubavu Sinamenye Jeremie avuga ko nubwo mu karere ka Rubavu bafite umwanya rusange ku nkengero z’ikivu abaturage ntibitabira kuwukoresha uko bikwiye.

Kuba inkengero z’ikiyaga cya Kivu zidakoresha uko bikwiye bituma ubusitani bwo ku musozi wa Rubavu bwateguwe budakoreshwa kuko ababurinze batemerera abantu kubusura. Ubuyobozi bw’akarere bukavuga ko hagomba kujyaho amabwiriza yo kuhakoresha.

Minisitere y’ibikorwa remezo, ivuga ko ubuso bwo kubaka bugomba kuba buto kububaka bashaka umwanya rusange bakajya bakoresha ubuso buba barateganyijwe.

Related sites

jaguar cars jaguar, jeep, kia