Tag Archive | "development"

Ruhango: Akagari karemeye abatishoboye amatungo 88

Ruhango: Akagari karemeye abatishoboye amatungo 88

Tags: , , , , , , , ,


Ruhango: Akagari karemeye abatishoboye amatungo 88Abatuye akagari ka Nyakogo umurenge , mu kwishakamo ibisubizo, bafashe icyemezo cyo kujya baremerana, tariki 25/08/2015, bakaba baratanze amatungo 88.

Iki gikorwa kiba buri mwaka, aho abaturage b’akagari ka Nyakogo umurenge wa Kinihira akarere ka Ruhango, bicara bakareba bagenzi babobatishoboye bakabaremera. Iki gikorwa cyatangiye mu mwaka wa 2013, hakaba hamaze kuremerwa imiryango 128.

Ibi abaturage ngo bakabikora mu rwego rwo kwishakamo ibisubizo, bunganira gahunda yatangijwe na Perezida Paul Kagame, igamije koroza buri munyarwanda utishoboye.

Ruhango: Akagari karemeye abatishoboye amatungo 88

Iyi miryango 88, yaremewe muri uyu mwaka, 12 ikaba yahawe inka, naho 76 ihabwa ihene, igikorwa ubona ko gihuza aba baturage bagasabana bakiyumvanaomo

 

Umuyobozi w’akarere ka Ruhango Mbabazi Francois Xavier, wari waje kwirebera iki gikorwa, yashimye cyane abaturage b’aka kagari, ku bw’igitekerezo cyiza bagize kibahuza.

 

Agasaba ubuyobozi bw’akagari Kanyakogo, ko badakwiye kwihererena ibi byiza, ahubwo ko bakwiye guhaguruka bakanabiangiza abandi, kugirango uyu muco ukwire mu banyarwanda bose ndetse no ku Isi.

 

Mukamugemana Meresiyana wahawe inka, yagaragaje ko agiye gutera imbere akivana mu bukene yari amaranye igihe, kuko iyi nka igiye ku muha amata n’ifumbire agahinga akeza.

 

Umunyabanga nshingwabikorwa w’uyu murenge wa Kinihira Uwimana Ernest, akavuga ko iki gikorwa cyiza cyatangijwe n’aka kagari, ko bagiye kukigeza mu tundi tugari, mu rwego rwo kuraga abaturage umurage wa Perezida Kagame Paul, wo kwishakamo ibisubizo.

Ngoma: abafite ubumuga barasaba guhabwa agaciro

Ngoma: abafite ubumuga barasaba guhabwa agaciro

Tags: , , , , , , , , ,


Ngoma: abafite ubumuga barasaba guhabwa agaciro

Abafite ubumuga mu karere ka Ngoma barasaba abacuruzi kudafata ufite ubumuga nkuje gusabiriza igihe yinjiye mu iduka.

Karema Jean Claude,umugabo ufite ubumuga bw’amaguru,warangije kwiga kaminuza avuga kuri iki kibazo cy’abacuruzi bagifite imyumvire yo kubona ufite ubumuga nkuje kubasaba mbere yo kumubona nk’umukiriya nkuko bimubaho  iyo agiye  guhahira I Kigali.

Yagize ati ”Mpeurtse kujya I Kigali, akagali  kanjye bari kugasana  ngenda hasi, ninjiye mu iduka,nsanzemo umugore ampungira kure ngo nta kintu arabona haracyari mu gitondo. Nari ngiye kugura ibyo nashakaga byageze aho ampa igiceri cya 10Frs yibaza ko nje gusabiriza.”

Karema akomeza avuga ko byamubabaje cyane kubona hakiri abantu bakibona umuntu ufite ubumuga nk’uje kubasabiriza nkaho bo batabasha kwiteza imbere.Ngo byarangiye wamugore uwo yabonagamo usabiriza amubereye umukiriya ukomeye kuko yaguze byinshi byarimo ibyo uyu mugabo yagombaga kwifashisha mu bukwe bwe yakoze mu  kwezi kwa Karindwi 2015.

Bamwe mu bacuruzi bo mu karere ka ngoma nabo bemera ko inshuro nyinshi iyo babonye ufite ubumuga yinjiye mu iduka bibaza ko aje kubasaba,gusa ngo  siko buri gihe bigenda nubwo biba gake ahri ubwo ngo bagura.

Ahishakiye Ahmed,ucururiza mu mugi wa Kibungo,yagize ati” Mbere yuko mubonamo umukiriya mbaza kumubonamo uje kunsaba iyo yinjiye. Bimbaho ariko hari ubwo ujya kubona ukabona araguze.”

Ahishakiye yongeraho ko akenshi biterwa nuko aje yambaye cyangwa uko aje yitwaye bituma yamubonamo gusabiriza cyane.

Kurundi ruhande umucuruzi ukorera ahitwa Rond-point, we avuga ko atihutira gukeka umuntu mbere yo kumubaza icyo akeneye ngo amenye niba asaba cyangwa ashaka kugura. Uyu mucuruzi asaba na bagenzi be ko bakwirinda kubona umuntu wese ufite ubumuga nk’uje kubasaba ahubwo bajya bitonda bakamenya ikigenza umuntu.

Gusabiriza byagiye biranga abafite ubumuga mu bihe byashize ariko ubu bemeza ko kubera politike ya leta isaba umuntu kwigira ndetse n’ubushobozi bagenda bahabwa binyuze mu makoperative bibumbiramo ,umuco wo gusabiriza ku bafite ubumuga ugenda ucika.

Ngororero : Hari abavuga ko bagihohoterwa iyo bakwa mitiweli

Ngororero : Hari abavuga ko bagihohoterwa iyo bakwa mitiweli

Tags: , , , , , , ,


Optimism as social protection cluster gets more funding

Bamwe mu batuye akarere ka Ngororero bivuriza ku bwisungane mu kwivuza bavuga ko bagihohoterwa bakwa ku ngufu amafaranga y’ubwisungane mu kwivuza.

Aba baturage bavuga ko abayobozi b’inzego zibanze zibaka ku ngufu amafaranga y’ubwisungane mu kwivuza ndetse abatayatanze hagafatirwa imitungo yabo cyane cyane amatungo maremare n’amagufi. Sembebe Yeremie, utuye mu kagali ka Nganzo umudugudu wa Murehemu murenge wa Muhanda, avuga ko mu murenge wabo bacyakwa amafaranga kuri ubwo buryo.

Mu gihe mu Rwanda batangiye umwaka mushya w’ubwisungane mu kwivuza, aba baturage bavuga ko abayobozi babaka amafaranga igitaraganya kandi igihe cyo kuyatanga kitararangira, nkuko umusaza witwa Hishamunda nawe wo mu murenge wa Muhanda abivuga.

Bavuga ko mu kwaka ayo mafaranga, ba gitifu b’utugali, abayobozi b’imidugudu hamwe n’abashinzwe umutekano (DASO) ngo babafatira amatungo kandi atariko itegeko ribiteganya. Ahandi hakunze kuvugwa iki kibazo ni mu murenge wa Ngororero mu kagali ka Torero, aho bamwe mubahatuye bavuga ko bahungabanywa bakwa ayo mafaranga.

Umugore witwa nyirakobwa Beatrice avuga ko yambuwe ihene kandi yemera gushaka amafaranga akazayatanga yayabonye. Avuga ko atumva impamvu abayobozi bafatira ibye kandi ariwe ufite inyota yo kwivuza.

Umuyobozi w’akarere ka Ngororero ruboneza Gedeon we avuga ko hari amabwiriza agenga uburyo imisanzu y’ubwisungane mu kwivuza yakirwa kandi ko nta muyobozi wemerewe guhutaza abaturage cyangwa gufatira imitungo yabo.

Ngamba: Abafite ubumuga bahangayikishijwe n’uko badindiye mu iterambere

Ngamba: Abafite ubumuga bahangayikishijwe n’uko badindiye mu iterambere

Tags: , , , , , , ,


Ngamba: Abafite ubumuga bahangayikishijwe n’uko badindiye mu iterambere

Bamwe mu bafite ubumuga bo mu murenge wa Ngamba mu karere ka Kamonyi, batangaza ko badindiye mu iterambere bitewe n’uko batabona ku nkunga Leta igenera abatishoboye. Barasaba ko bafashwa kubona igishoro cyo kwikorera imishinga bakareka gukomeza gutega amaboko

Uzamushaka Stephanie, ufite ubumuga bw’uruhande rudakora, atuye mu mudugudu wa karangara, akagari ka kazirabonde, umurenge Ngamba. Avuga kuba ntacyo ashoboye gukora bitera umuryango we w’abana batatu kubaho mu bukene bukabije.

Uretse abavandimwe n’abagira neza bamuha ibimutunga, uyu mubyeyi yifuza ko yahabwa igishoro cyo gutangiza umushinga w’ubucuruzi kuko ngo nubwo amugaye  ingingo, afite umutwe utekereza. Ati”mbonye nk’uwampa uddufaranga mu ntonki nkareba umwana akandangurira, ntago nazongera gusabiriza ubwisungane mu kwivuza”.

Uwimbabazi Pierre, Utuye mu mudugudu wa Gahinga, akagari Marembo, mu murenge wa Ngamba, nawe nta murimo abasha gukora, ahubwo umuryango we ugizwe n’abantu barindwi utunzwe n’umugore we. Uyu nawe ahamya ko aramutse ahawe ubufasha, umugore we yabukoresha nk’igishoro cyo gukora umushinga uteza urugo rwabo imbere.

Ngamba: Abafite ubumuga bahangayikishijwe n’uko badindiye mu iterambere

Avuga ku nzitizi zituma abafite ubumuga badindira mu iterambere, Ntwari Antoine, umukozi w’urugaga rw’imiryango y’abantu bafite ubumuga, ngo asanga imbogamizi zituruka ku mateka y’ibihe banyuzemo ntibabashije kwiga, bikaba byaratumye bagira ubukungu buri inyuma ndetse n’imbaraga nkeya zitewe n’ubumuga bafite.

Twagirumukiza Jean De Dieu, umukozi w’akarere ka Kamonyi, ushinzwe kwinjiza abafite ubumuga muri Gahunda za leta, atangaza ko hari gahunda nyinshi abatishoboye bafashirizwamo kandi n’abafite ubumuga badahezwamo.

Ngo mu gihe inteko rusange y’abaturage yabatoranyije bashobora kujya mu baterwa inkunga muri VUP. Ati “VUP iyo ije mu murenge ntishobora guheza abantu bafite ubumuga”. Yongera ho ko abafite ubumuga bafite umwihariko w’amakoperative abiri muri buri murenge, ubuyobozi bakaba bubafashirizamo kubaka ubushobozi no kwiteza imbere. Ngo ubuyobozi butera inkunga amakoperative abiri buri mwaka.

Gisagara: Abahejejwe inyuma n’amateka barasaba gukomeza kwegerwa

Gisagara: Abahejejwe inyuma n’amateka barasaba gukomeza kwegerwa

Tags: , , , , , , , ,


Gisagara: Abahejejwe inyuma n’amateka barasaba gukomeza kwegerwa 

Bamwe mu bahejejwe inyuma n’amateka bo mu karere ka Gisagara bavuga ko kwegerana n’abandi banyarwanda bakibumbira mu matsinda byabateje imbere, bakaba bashima kuba bafashwa gutera imbere kandi bakavuga ko bagifite urugendo bityo bagasaba gukomeza kwegerwa.

Tariki ya 9 Kanama buri mwaka hizihizwa umunsi mpuzamahanga w’abahejejwe inyuma n’amateka.

Bamwe mu bahejejwe inyuma n’amateka bo mu mirenge ya Save, Kibirizi na Gishubi ho mu karere ka Gisagara bavuga ko nyuma yo kwibumbira mu mashyirahamwe bamaze kubona impinduka mu buzima bwabo.

Ibi abahejejwe inyuma n’amateka bahamya ko babikesha ubuyobozi bwiza bafite.

Nyanzira Jeanne ni umwe mu bahejejwe inyuma n’amateka bo mu murenge wa Gishubi. We avuga ko mbere banenwaga, ntihagire umuturage wifuza gusangira nabo ibi bigatuma batagera ahabaye ibirori mu bandi baturage, none ubu ngo nta tandukaniro akibona hati yabo.

Ati “Mbere se ugirango twageraga aho abantu bari? Twaragendaga tukaba mu nkono zacu, aho uciye bakakwinuka ukagirango ntituri abantu, none umubyeyi Kagame yaduhaye ijambo, turoroye twambara n’inkweto”

Nyuma yo kugenda bavanwa muri ntuye nabi, aba bahejejwe inyuma n’amateka, bavuga ko bagiye bajya mu matsinda y’ubwizigame bava mu bwigunge no mu bukene, ubuzima bwabo bukaba bwarahindutse.

Gloriose Mukamasabo ati “Ubu tubona mituweri, natwe tubasha kwigurira umwambaro tugacya kandi ntawe ukitunena”

Bamwe muri aba baturage batuye mu murenge wa Save bo bavuga ko ubu ikibazo basigaranye ari uko batagira amasambu bahinga. Kimonyo Innocent umunyamabanga nshingwabikorwa wa Save ariko avuga ko bazahahabwa vuba.

Ati Muri iki gihe cy’ihinga tugiye gutangira, bazagenda bahabwa amaparisera mu bishanga nabo bahinge, kandi tunasaba abaturage bose gukomeza kubaba hafi nabo bakazamuka”

Umunsi mpuzamahanga w’abahejejwe inyuma n’amateka washyizweho n’umuryango w’abibumbye  mu mwaka w’1994 mu rwego rwo gukemura ibibazo by’aba baturage ukaba wizihizwa buri tariki ya 09 Kanama.

Gisagara: Musha bamwe mu bakoze muri VUP bifuza ko yahoraho

Gisagara: Musha bamwe mu bakoze muri VUP bifuza ko yahoraho

Tags: , , , , , , , , , , ,


Gisagara: Musha bamwe mu bakoze muri VUP bifuza ko yahoraho

Bamwe mu baturage bo mu murenge wa Musha bagiye bahabwa imirimo mu bikorwa bya VUP bavuga ko byagiye bibabafasha kwizamura mu buzima bwabo ndetse bakanifuza ko ibi bikorwa byahoraho.

Ibikorwa bya VUP bifasha abaturage kubona imirimo, mu murenge wa Musha byagiye byibanda ku gukora imihanda, kubaka amashuri n’ibindi. Abagiye babonamo imirimo bakaba bavuga ko babashije kujya birihira ubwisungane mu kwivuza, abandi bakuramo amatungo magufi.

Rwajekare Venuste umwe muri aba baturage ati “Ibkorwa bya VUP byamfashije kubona ihene 4 mu rugo kandi mbere ntacyo nagiraga, nta muhangayiko wa mituweri nkigira nks mbere cyangwa ngo mbe nananirwa kwigaburira”

N’ubwo aba baturage bavuga ko bajyaga bahura n’imbogamizi yo kudahemberwa igihe, ngo si kimwe no kubaho udafite aho wakora umurimo ushobora kuguteza imbere.

Uwimana Josephine umwe mu bahawe imirimo muri VUP avuga ko bishoboka ko uyu munsi yari kuba nawe ari mu bantu basabiriza kuko mbere yo kubona akazi muri VUP yari atunzwe no guca inshuro, hakaba ubwo bwije ntacyo aronse akaburara. Kuri we ngo izi gahunda zagakwiye kubaho ubutarangira.

Ati “Nari nangaye ntagira umurimo kandi nkeneye kugaburira abana mfite 2, rimwe na rimwe nkabibura neza, ariko kuva natangira gukora muri VUP mu mwaka wa 2012 nahise ntangira no gusa neza kuko nta nzara nari ngihura nayo cyangwa ngo tuzahazwe n’indwara twabuze kivuza”

Aba baturage bo mu murenge wa Musha icyo bavuga bose ni uko iyi mirimo bahawe ndetse abandi bagahabwa inkunga y’ingoboka binyue muri VUP, byagie aho bibakura bakaba bifuza ko izi gahunda zakomeza kuko buri gihe haba hari abazikeneye.

Uretse iyi mirimo ihemberwa ihabwa abaturage, n’iyi nkunga ihabwa abatishoboye, VUP cyangwa se ibikorwa bigamije guteza imbere umurenge hagendewe mu bikubiye mu cyerecyezo 2020, igira n’indi gahunda iha abaturage bafite imishinga y’iterambere inguzanyo bagenda bishyura buhoro buhoro.

Gisagara: Kuryama heza bagezeho babikesha ubuyobozi bwiza

Gisagara: Kuryama heza bagezeho babikesha ubuyobozi bwiza

Tags: , , , , , , , , ,


Gisagara: Kuryama heza bagezeho babikesha ubuyobozi bwiza

Bamwe mu bakecuru bo mu murenge wa Mamba, akagari ka Muyaga bavuga ko nyuma y’imyaka myinshi baryama ku byatsi bakiyorosa ibirago; ubu bagiye kujya baryama kuri matelas biyorose n’ibiringiti ngo  bakaba babikesha ubuyobozi bwiza.

Abakecuru n’abasaza bo mu kagari ka Muyaga umurenge wa Mamba mu karere ka Gisagara, bahabwa inkunga y’ingoboka  barashima igikorwa cyo guhabwa matola n’ibiringiti bakorewe mu minsi ishize, bakavuga ko mbere baryamaga mu buryo butabereye umuntu.

Bati “turashimira perezida Kagame watugejeje ku buyobozi bwiza n’iterambere natwe tukaba tugezze ku kuryama kuri matola, twaryamaga ku byatsi n’imisambi”

Aba babyeyi bageze mu zabukuru bavuga ko bahuraga n’ingaruka zo kuryama habi, aho baribwaga n’imbaragasa ndetse bakanakuramo imvune zitandukanye, ibi riko ngo ntaho bazongera guhurira nabyo.

Gisagara: Kuryama heza bagezeho babikesha ubuyobozi bwiza

Umukecuru Mukaruziga ati “Ku myaka 89 mfite nari ntararyama kuri matola na rimwe none nanjye nkize imbaragasa n’imvune zo kuryama ku kirago, ubu se hari ubuyobozi bwiza burenze ubwo?”

Ubuyobozi bw’umurenge wa Mamba buvuga ko gufasha aba bakecuru biza muri gahunda ya VUP mu gashami gafasha abantu bari mu zabukuru batishoboye.

Aba bantu batishoboye bahabwa amafaranga bakibumbira mu makoperative, ari naho haturutse izi  matela n’ ibi biringiti bahawe.

Léandre Karekezi umuyobozi w’akarere ka Gisagara nawe ahamya ko umuyobozi mwiza atari ubanza kwigwizaho ibyiza, ko ahubwo ari menya akanareba ko abo ayobora babayeho neza.

Ati “Ubu hari benshi muri aba baturage bari barengeje imyaka 70 batararyama kuri matola, none se icyo gihe cyose nta buyobozi bwabagaho?Gusa birashoboka ko mbere y’imyaka 21 ishize, habagaho ubuyobozi bwireba gusa ntiburebe abo buyobora, iyi niyo mibereho myiza rero iha agaciro buri munyarwanda”

Aba basaza n’abakecuru  bageze mu zabukuru 202 bashyikirijwe matola n’ibiringiti ubusanzwe bahabwa inkunga y’ingobo (direct support) ibafasha kwifasha mu byo bakeneye ndetse ikabashyikiriza n’igikorwa cyiza nk’iki cyo kuryama heza.

Abasigajwe inyuma n’amateka nabo bibohoye ingoyi yo kudahabwa agaciro

Nyamagabe: Abasigajwe inyuma n’amateka nabo bibohoye ingoyi yo kudahabwa agaciro

Tags: , , , , ,


Abasigajwe inyuma n’amateka nabo bibohoye ingoyi yo kuba mu bihe byashize batarahabwaga agaciro, ugasanga basubizwa inyuma kubera ivangura no kudaha ikiremwamuntu uburenganzira bungana.

Abasigajwe inyuma n’amateka nabo bibohoye ingoyi yo kudahabwa agaciro

Kuwa 4 Nyakanga 2015, abasigajwe inyuma n’amateka bo mu mudugudu wa Nyarusange, akagari ka Nyamugari, umurenge wa Gasaka, barishimira ko nyuma y’uko U Rwanda rwibohoye, nabo babohotse bakaba bafite uburenganzira nk’abandi banyarwanda bose.

Bamwe mu basigajwe inyuma n’amateka batangaza ko bavanywe mu bwigunge, bakaba bafashwa kandi nabo bakagira uruhare mu kwiteza imbere no muguteza igihugu cyabo imbere.

Uwitwa Donata Izagukiza aravuga ko mbere ntaho babashaga kujya ngo bakirwe, ugasanga nta jambo bafite n’ubuyobozi butabitayeho.

Aragira ati: “ubundi kera twaniganwaga ijambo, ntitubashe kubyarira kwa muganga, ntitubone mutuweli, ariko ubu icyo nshima leta y’ubumwe njya kwa muganga bakanyakira bakamvura, aho ngeze niba mfite ikibazo nkijyana mu buyobozi bakanyakirana ubwuzu sinsubizwe inyuma”

Uwitwa Lucie Mukabera aravuga ko aho U Rwanda rwibohoye rukava mu mateka mabi y’ivangura rwagize imiyoborere myiza nabo bakaba bafite umutekano.

Aragira ati: “mbona kwibohora byarazanye umutekano, ndakaraba nkacya, nkajya mu bandi ntibansubize inyuma, abana bacu bajya mu mashuri bakiga rya vangura ntarikirimo, ibyo mbishimira imiyoborere myiza kuko ubu numwana wanjye yabonye umushinga umufasha.”

Aba basigajwe inyuma n’amateka bakaba bishimiye umunsi wo kwibohora ku nshuro ya 21, mu mbyino zitandukanye aho benshi muri bo bagize n’itorero ry’umudugudu ryasusurukije abitabiriye ibiganiro byo Kwibohora.

Akarere nako kakaba gashyira ingufu mu gufasha abasigajwe inyuma n’amateka kabatuza ku midugudu kandi kabashishikariza kkwibumbira mu makoperative akora umwuga wo kubumba kugira ngo nabo bakomeze gutera imbere.

 

Ngororero : Abize ngo nibo bashuka abaturage kwiba amafaranga ya VUP

Tags: , , , , , , , , ,


Nyuma y’uko itsinda ryashyizweho ku rwego rw’akarere ngo ricukumbure ibibazo bigaragara mu ikoreshwa ry’amafranga ya VUP mu karere ka Ngororero cyane cyane inguzanyo zihabwa abashaka gukora imishinga iciriritse, byagaragaye ko abantu bajijutse (bize byibura amashuli yisumbuye) ngo nibo bashuka abaturage mu kunyereza amafaranga bahabwa.

Icyemezo cyo gukora ubwo bucukumbuzi cyafashwe nyuma yo kubona ko imishinga yahawe amafaranga y’inguzanyo yari baringa (itabayeho), cyangwa ikaba yari igizwe n’abantu batabaho. Mu ntangiriro z’uyu mwaka, umukozi wa VUP ku rwegor w’akarere ka Ngororero Ndayisenga Simon, yari yagaragarije ubuyobozi ko imishinga 455 ku 2303 ariyo yakoresheje amafaranga icyo yagenewe.

Iyi mishinga ngo ni nayo ba nyirayo bari barabashije kwishyura cyangwa bageragezaga kwishyura amafaranga bagurijwe, aho hishyuwe miliyoni 300 mu zirenga 800 zari zimaze gutangwa. Icyo gihe hagaragaye bamwe mu bayobozi b’inzego zibanze nko mu tugari cyangwa abafite indi myanya y’ubuyobozi bagiye biyitirira imishinga itabaho kugira ngo babone ayo mafaranga.

Perezida wa Njyanama Bigenimana (ibumoso) na meya ruboneza ngo ntibazihanganira abanyereje amafaranga ya VUP biganjemo abize

Icukumbura ryakozwe mu kwezi kwa Mata 2015, bwagaragaje ko koko abize bafite uruhare mu gutuma abaturage badakoresha amafaranga bahawe uko bikwiye cyangwase ntibayishyure. Amakuru atugeraho ni uko imyinshi muri iyo mishinga itarakoze ibyo yaherewe amafaranga irimo abantu bize ndetse ngo ni nabo bayiyoboye.

Nyuma yo kuzenguruka imirenge yose igize akarere ka ngororero dore ko ubu VUP ikorera muri aka karere kose, umuyobozi w’akarere ka Ngororero avuga ko abagaragaweho amakosa batangiye kuryozwaibyo bakoze kandi ngo amafaranga ya Leta yose agomba kugaruzwa akagurizwa abandi nkuko biteganyijwe.

Avuga kandi ko hari n’abashobora kuzashyikirizwa inkiko igihe byagaragara ko binangiye kwishyura amafaranga banyereje. Ntabwo turabasha kubona urutonde rw’abantu bizebivugwa ko bashuka abaturage kunyereza ayo mafaranga, ariko perezida w’inama njyanama y’aka karere Emmanuel Bigenimana nawe yemeza ko abantu nkabo bahari kandi bagiy gukurikiranwa.

Nyamagabe: Abasigajwe inyuma n’amateka nabo bibohoye ingoyi yo kudahabwa agaciro

Nyamagabe: Abasigajwe inyuma n’amateka nabo bibohoye ingoyi yo kudahabwa agaciro

Tags: , , , , , , , , , ,


Nyamagabe: Abasigajwe inyuma n’amateka nabo bibohoye ingoyi yo kudahabwa agaciro

Abasigajwe inyuma n’amateka nabo bibohoye ingoyi yo kuba mu bihe byashize batarahabwaga agaciro, ugasanga basubizwa inyuma kubera ivangura no kudaha ikiremwamuntu uburenganzira bungana.

Kuri uyu wa 4 Nyakanga 2015, abasigajwe inyuma n’amateka bo mu mudugudu wa Nyarusange, akagari ka Nyamugari, umurenge wa Gasaka, barishimira ko nyuma y’uko U Rwanda rwibohoye, nabo babohotse bakaba bafite uburenganzira nk’abandi banyarwanda bose.

Bamwe mu basigajwe inyuma n’amateka batangaza ko bavanywe mu bwigunge, bakaba bafashwa kandi nabo bakagira uruhare mu kwiteza imbere no muguteza igihugu cyabo imbere.

Uwitwa Donata Izagukiza aravuga ko mbere ntaho babashaga kujya ngo bakirwe, ugasanga nta jambo bafite n’ubuyobozi butabitayeho.

Aragira ati: “ubundi kera twaniganwaga ijambo, ntitubashe kubyarira kwa muganga, ntitubone mutuweli, ariko ubu icyo nshima leta y’ubumwe njya kwa muganga bakanyakira bakamvura, aho ngeze niba mfite ikibazo nkijyana mu buyobozi bakanyakirana ubwuzu sinsubizwe inyuma”

Uwitwa Lucie Mukabera aravuga ko aho U Rwanda rwibohoye rukava mu mateka mabi y’ivangura rwagize imiyoborere myiza nabo bakaba bafite umutekano.

Nyamagabe: Abasigajwe inyuma n’amateka nabo bibohoye ingoyi yo kudahabwa agaciro

Aragira ati: “mbona kwibohora byarazanye umutekano, ndakaraba nkacya, nkajya mu bandi ntibansubize inyuma, abana bacu bajya mu mashuri bakiga rya vangura ntarikirimo, ibyo mbishimira imiyoborere myiza kuko ubu numwana wanjye yabonye umushinga umufasha.”

Aba basigajwe inyuma n’amateka bakaba bishimiye umunsi wo kwibohora ku nshuro ya 21, mu mbyino zitandukanye aho benshi muri bo bagize n’itorero ry’umudugudu ryasusurukije abitabiriye ibiganiro byo Kwibohora.

Akarere nako kakaba gashyira ingufu mu gufasha abasigajwe inyuma n’amateka kabatuza ku midugudu kandi kabashishikariza kkwibumbira mu makoperative akora umwuga wo kubumba kugira ngo nabo bakomeze gutera imbere.