Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

About 70 single teen mothers in Ngororero district, Western Province of Rwanda have priased local authorities for the life time skills they are being taught.

District authorities in partnership with development partners have helped these mothers to acquire skills such as sawing and plaiting hair and others which they say are a lifetime asset for them.

The women who are currently getting training from Gatumba cell in Ngororero say that it has helped them get out of the shell.

They say that before they feared meeting with other people, but now they meet and learn skills and this helps them accept themselves and to love their children and yet they used to see them as a burden before enrolling in the learning program.

They are helped to learn these skills by Agency Françoise de Development, a French NGO that supports development projects. The training spans six months after which beneficiaries are given materials to start their own businesses.

Apart from the skills, the women are also taught birth control methods to avoid giving birth when they are not ready again which they too transfer to other teens in their localities

Umuyobozi w’akarere ka Kayonza, Mugabo John, avuga ko uretse kuba gukina urusimbi bituma abarukina batabona umwanya wo gukora kugira ngo biteze imbere, binateza umutekano muke mu baturage. Avuga ko gukina urusimbi bimaze kuba nk’umuco mu mirenge itandukanye igize aka karere.

Mugabo yagize ati “Usanga umugabo akina urusimbi agashyiraho amafaranga yose bakayarya, abana bakabura icyo kurya. Iyo amafaranga ashize, hari abashyiraho n’imyenda bambaye, yewe ugasanga hari n’abashyiraho umugore n’abana, iyo bamaze kubatwara ibintu byose.”

Umuyobozi w’akarere ka Kayonza avuga ko ibi biteza umutekano muke haba hagati y’abakina urusimbi ndetse no mu miryango ya bo, ndetse bikaba bitoroha ko bagera ku iterambere kuko umwanya wose bawumara bakina urusimbi aho kujya mu mirimo yabateza imbere.

Umuyobozi w’akarere ka Kayonza asaba ko abayobozi mu byiciro bitandukanye gufatanya mu guhashya umukino w’urusimbi kuko utera ubunebwe mu baturage ntibabashe gukora uko bikwiye. Abakina urusimbi ngo bakunze kugaragara mu murenge wa Kabarondo.

Abacitse ku icumu rya Jenoside batishoboye bagera kuri 70 bo mu karere ka Nyamasheke bagiye guhabwa inka mu rwego rwo kubafasha kwiteza imbere.

Ndayizeye Emmanuel, umukozi ushinzwe imibereho myiza no kwita kubatishoboye mu karere ka Nyamasheke, avuga ko abazahabwa inka ari abazemezwa ko bazahabwa inkunga y’ingoboka n’ikigega cyagenewe gutera inkunga abacitse ku icumu batishoboye (FARG). Igikorwa cyo kwemeza abazazibona giteganyijwe mu minsi ya vuba.

Ndayizeye avuga ko inka bazahabwa zizaba ari imvange ku buryo zizatanga umusaruro kubazazihabwa. Uretse kuba bazagenerwa izi nka, bazanafashwa kuzitegura mu kubaka ibiraro ndetse no gutera ubwatsi.

Ndayizeye avuga ko abazahabwa izi nka bagomba kwitegura ko umwaka utaha bazava ku rutonde rw’abazahabwa inkunga y’ingoboka. Ndayizeye yavuze ko umuntu atahabwa inka ngo ayimarane umwaka abe akiri mu bagomba guhabwa iyo nkunga y’ingoboka.

Abanyamuryango ba koperative Dukundumurimo yo mu karere ka Kirehe bemeza ko kujya muri iyi koperative byabagiriye akamaro cyane mu kwiteza imbere.

Ibi babyemeje mu nama yahuje abanyamuryango ba Dukundumurimo, tariki 22/12/2011, mu rwego rwo kureba ibitaragenze neza muri uyu mwaka ushize kugirango bizakosorwe mu mwaka utaha wa 2012.

Ildephonse Murengerantwari, umuyobozi w’iyi koperative, avuga ko ibafasha mu buzima bwabo bwa buri munsi kuko abenshi bayirimo bibarinda ubuzererezi no kuba bakwiba kuko ariko bo bihangiye umurimo.  Avuga ko ubu bose bamaze gutanga ubwisungane mu kwivuza kuko ngo buri mu nyamuryango wabo wese bamutangira ubwisungane mu kwivuza (mutuelle de santé).

Innocent Utazirubanda, umwe mu banyamuryango ba Dukundumurimo,  avuga ko iyi koperative yamufashije byinshi kuko ngo kugeza ubu afite umugore n’abana kandi yubatse n’inzu abikehsa akazi k’ubunyonzi.

Abari muri iyi koperative kandi bafasha abantu batandukanye kuko mu minsi ishize bubakiye umuturage wagushije inzu bakayimuhomera.

Dukundumurimo ni koperative y’abanyozi ikorera kuri site ya Nyakarambi mu murenge wa Kigina. Iyi koperative igiye kumara igihe kigera ku mwaka bayishinze.

Rumwe mu rubyiruko rwo mu karere ka Burera ruratangaza ko rwiyemeje kujya ruhurira hamwe mu rwego rwo kwiga kuri ejo hazaza harwo.

Urwo rubyiruko ruvuga ko rwagize icyo gitekerezo kugira ngo urubyiruko rutandukanye ruturuka muri ako karere ruhure rumenyane maze rwiteze imbere.

Murindahabi Noel, uhagarariye urwo rubyiruko, agira ati “buri cyumweru duhura ku wa kabiri no ku wa gatanu tugakora ibintu bitandukanye birimo kuririmba, gukina imikino itandukanye ndetse n’amakinamico”.  Akomeza avuga ko kuba bahura bakaganira byatumye bava mu bwigunge. Ngo buri wese amenya ikibazo mu genzi we yaba afite ku buryo bafashanya.

Murindahabi avuga ko bajya bagira umunsi bakereka abantu batandukanye ibyo bamaze kugera ho. Agira ati “ hari igihe dutegura umunsi ubundi tugakora ibirori twatumiye urundi rubyiruko ndetse n’ababyeyi tukabereka ibikorwa byacu”. Avuga ko banungurana ibitekerezo ku buryo bwo kwirinda SIDA n’izindi ndwara.

Murindahabi yongera ho ko buri cyumweru umunyamuryango atanga amafaranga y’u Rwanda 100 kandi Maison Des Jeunes Kimisagara nayo irabafasha.

Agira ati “iyo dukeneye imipira yo gukina n’ibindi bikoresho bitandukanye barabiduha, hari n’igihe baza kudusura”.

Uhagararriye urwo tubyiruko avuga ko bafite ikibazo cyo kubona inzu yo gukoreramo. Abisobanura mu magambo akurikira: “Nk’ubu nta hantu tugira dukorera. Kugira ngo dukore ni ukubanza gutira amashuri nayo hari igihe tuyabura”.

Urubyiruko rwishyize hamwe rugera kuri mirongo itatu; rufite imyaka 20 gusubiza hejuru. Urwo rubyiruko ruturuka mu mirenge itandukanye yo muri Burera irimo Cyanika na Kagogo.

Ingurube ni itungo ryororka vuba rigakenura nyiraryo

Abagenerwabikorwa 64 b’umuryango Bamporeze bo mu karere ka Ngororero,tariki 16/12/2011, bashyikirijwe ingurube 64 zo kubafasha kwikura mu bukene.

Uyu muryango wari usanzwe ubigisha kuboneza imirire bakoresha imboga zo ku turima tw’igikoni no kwizigama mu bimina bijyanye n’ubushobozi bwabo.

Umuhuzabikorwa wa Bamporeze, Munyagashubi Jean Damascène, yasabye abahawe izo ngurube kuzitaho no kuzibyaza umusaruro nibura  buri wese  akabasha kubona inka ikomotse ku bworozi bw’ingurube.

Agoronome w’umurenge wa Hindiro,  Dushimimana Déogratias, washimye icyo gikorwa cyiza  cya Bamporeze cyo gufasha abatishoboye kwivana mu bukene ; anizeza ubufatanye n’abagenerwabikorwa mu kwita kuri ayo matungo.

Musabirema Anathalie, mu izina ry’abandi bagenerwabikorwa, yashimiye umuterankunga  Bamporeze mu muvugo mwiza, arata ibyiza yabagejejeho, asoza abizeza  kubibungabunga no kubibyaza umusaruro ukwiye.

Abanyamuryango ba Bamporeze bahawe ingurube bibumbiye mu matsinda ane ariyo : Twizamure na Twitezimbere yo mu kagari ka Rugendabari ; ndetse na Twibumbirehamwe na Tujyimbere yo mu kagari ka Marantima.

Bamporeze ni umuryango nyarwanda utagengwa na Leta ufite gufasha abatishoboye cyane cyane imfubyi n’abapfakazi bayoboye ingo mu nshingano zawo; ufite icyicaro i Kigali.