Tag Archive | "genocide"

Barashinja rwiyemezamirimo gusondeka amazu none akaba agiye kubagwaho

Barashinja rwiyemezamirimo gusondeka amazu none akaba agiye kubagwaho

Tags: , , , , , , , ,


Barashinja rwiyemezamirimo gusondeka amazu none akaba agiye kubagwaho

Inzu zatangiye guhomoka

Abarokotse Jenoside yakorewe abatutsi mu 1994 batuye mu mudugudu wa Kamatana barashinja rwiyemezamirimo gusondeka amazu yabo none akaba agiye kubagwaho.

Uyu mudugudu wubatse mu kagali ka Murama mu murenge wa Nyamata mu karere ka Bugesera ukaba ugizwe n’amazu 19.

Aba baturage baravuga ko uburyo amazu bubakiwe mu mwaka wa 2008, kuri ubu ari gusenyuka bitewe n’uko yubatswe nabi.

Igishushanyombonera cy’uko aya mazu yagombaga kubakwa Kigali Today ifitiye kopi, igaragaza ko Fondation yayo yagombaga kuba yubatswe n’amabuye, nyamara yubakishijwe amatafari nk’uko bivugwa na Mukarumanzi Dancile umwe mubatuye aho.

Barashinja rwiyemezamirimo gusondeka amazu none akaba agiye kubagwaho

Amabati yashyizeho amabuye kugirango ataguruka

Agira ati “muri buri rugo hari ikirundo cy’amabuye yagombaga kubakishwa fondation, inzugi zagombaga kuba Metalique nyamara akingishijwe inzugi z’ibiti ndetse imbere ntibigeze bashyiraho uburyo bwo gukinga, ikindi ni uko ibikoni, ubwogero n’ubwiherero bidakinze kandi bikaba bitanafite Pavement”.

Aba baturage barasaba ubuyobozi kubafasha mu gucyemura iki kibazo, dore ko bavuga ko nta bushobozi bafite ; ikindi bamwe muri bo bakaba bafite ubumuga batewe na Jenoside.

Undi utarashatse ko amazina ye atanganzwa agira ati “ ubu amazu yarasataguritse amazi yinjira munzu iyo imvura igiye, baduhaye amazu batwikiza none akaba agiye kutugwaho”.

Kuri iki kibazo umunyamabanga wa Leta muri minisiteri y’ubutegetsi bw’igihugu ushinzwe imibereho myiza y’abaturage Dr Alivera Mukabaramba, avuga ko ari ikibazo kigaragara mu turere dutandukanye tw’u Rwanda; gusa ariko ngo inzego zitandukanye zirimo n’ikigega gishinzwe gutera inkunga abarokotse Jenoside yakorewe abatutsi FARG, zamaze gukora urutonde rw’amazu agomba gusanwa n’agomba kubakwa bundi bushya ; aho abizeza ko mu mwaka wa 2018 kizaba cyarangiye burundu.

Agira ati “ amazu yarabaruwe ndetse akorerwa n’ingengo y’imari ingana na miliyari 27 z’amafaranga y’u Rwanda, ntitwayabonera rimwe ariko mu mwaka ibiri amazu yose abaza amaze kubakwa ndetse andi asanwe”.

Aba baturage bakaba basaba ko batabarwa maze amazu amwe agiye kubagwaho agasanwa byihutirwa.

Yishimira uko ubuyobozi bwita ku baturage nyuma y’ibyabaye

Yishimira uko ubuyobozi bwita ku baturage nyuma y’ibyabaye

Tags: , , , , , , ,


Yishimira uko ubuyobozi bwita ku baturage nyuma y’ibyabaye

Mukamusoni Damarisi utuye mu murenge wa Bweramana, yishimira ko nyuma y’ibyabaye mu 1994, ubuyobozi bushishikajwe no guteza imbere ubuzima bw’abaturage.

Uyu mukecuru akaba  yaravuze ibi ubwo tariki 8/11/2015, ubwo abayobozi b’umurenge wa Bweramana bari kumwe n’abakuru  b’imidugudu ya Rusororo na Karambo mu Kagali ka Murama basuraga abakecuru batandatu barokotse Jenoside yakorewe abatutsi mu 1994 batishoboye bo muri ako Kagali kugira ngo babaganirize, banabashyikirize inkunga bagenewe n’abaturage mu rwego rwo kubaremera.

Yishimira uko ubuyobozi bwita ku baturage nyuma y’ibyabaye

Iyi nkunga ikaba ari imyambaro igizwe n’ibitenge byo gukenyera hamwe n’ishati kuri buri muntu. Umwe muri abo bakecuru kandi yasaniwe igisenge cy’inzu cyari cyarangiritse ku buryo yavirwaga cyane, undi afashwa kugeza umuriro mu nzu ye.

Mukamumsoni Damarisi, wafashijwe kugeza umuriro mu rugo rwe. Ashima ubufasha yahawe, akanashima cyane uburyo ubuyobozi bwita ku batishoboye binyuze muri gahunda zinyuranye bwashyizeho.

Mukamusoni Emilienne yasaniwe igisenge cy’inzu ye. Nk’uko abivuga,  ngo iyo imvura yagwaga inzu yaravaga cyane ku buryo mu nzu  hose harekaga amazi ku buryo atabashaga kubona aho akinga umusaya.

Mukamusoni, ngo ibi byose bifite umuzi mu miyoborere myiza bakesha Leta. Akaba asaba abantu bose kugira umutima ukunda, no kunganira Leta mu gukemura ibibazo by’abatishoboye b’abanyantege nke bakiri benshi.

Rwema Justin ni umukuru w’umudugudu wa Karambo, ashishikariza abantu bose kugira umutima wo gufasha abatishoboye. By’umwihariko asaba abayobozi kubishishikariza abo bayobora, agahamya ko abaturage baba biteguye gushyira mu bikorwa ibyo babwirijwe n’abayobozi.

Ubufasha aba bakecuru bahawe bwavuye mu nkunga yakusanyijwe n’abatuye muri iyo midugudu yombi  mu gihe cyo kwibuka ku nshuro ya 21 abazize Jenoside yakorewe abatutsi mu 1994. Kandi ngo gutegura ibyo babafashishije bikaba byarashingiye ku byifuzo by’abo bakecuru.

m_5

Nyabihu: Uyu mwaka hazasanurwa amazu 10 y’abacitse ku icumu

Tags: , , , , , , , ,


Mu gihe habaruwe amazu 49 y’abacitse ku icumu rya Jenoside akeneye gusanwa mu karere ka Nyabihu, uyu mwaka hazasanwa amazu 10.

m_5

Juru Anastase avuga ko gusanurira amazu abacitse ku icumu ari igikorwa cy’ingenzi mu mibereho yabo

Juru Anastase uhagarariye IBUKA mu karere ka Nyabihu avuga ko habaruwe amazu 49 akeneye gusanwa, gusa ngo hari andi agenda asaza ku buryo umubare w’akeneye gusanwa yagera kuri 60.

Yagize ati “ubundi hari amazu yari yarabaruwe agera kuri 49 ariko hari andi yongeye kujya yiyongera agenda asaza,mbese wafata nko muri 60.”

Akomeza avuga ko ikibazo cyo gusanurira abacitse ku icumu amazu, icy’imanza zitararangizwa ndetse no gufasha abapfakazi b’inshike biramutse bikemutse abacitse ku icumu rya Jenoside mu karere ka Nyabihu barushaho kugenda bagira imibereho myiza.

Sahunkuye Alexandre,umuyobozi w’akarere ka Nyabihu wungirije ushinzwe imibereho myiza y’abaturage avuga ko iki kibazo cyo gusanurirwa amazu bakitayeho cyane ku buryo buri mwaka hari amazu y’abacitse ku icumu agomba gusanurwa.

Yagize ati “buri mwaka tugira amazu tugomba gusanura y’abacitse ku icumu. Murabizi amazu yubatswe nyuma ya Jenoside hakoreshejwe umuganda cyangwa se hakoreshejwe ba rwiyemezamirimo badasobanutse amazu bayubaka nabi none uyu munsi amwe n’amwe usanga amaze gusaza.”

Akomeza agira ati “twafashe gahunda rero,twari dufite imiryango 49 twagombaga gusanurira. Umwaka ubanziriza ushize twasanuye amazu umunani,umwaka ushize nabwo dusanura umunani,uyu mwaka tuzasanura amazu icumi kandi murabonako iyo tumaze kuyasanura aba ari amazu meza asobanutse.”

Yongeraho ko FARG ifitanye amasezerano n’inkeragutabara mu rwego rw’igihugu mu gusanura aya mazu y’abacitse ku icumu,ku buryo n’azasanurwa uyu mwaka arizo zizabikora.Akomeza avuga ko amafaranga yo kubikora ahari kandi ko bizakorwa vuba.

Mu gihe mu mibereho rusange ya muntu akenera aho kuba kandi hamunogeye,gusanirwa amazu ashaje ku bacitse ku icumu bakaba basanga ari igikorwa kiza cyarushaho kuzamura imibereho yabo.

Rugerero: uwacitse ku icumu yahawe inka ashumbushijwe

Rugerero: uwacitse ku icumu yahawe inka ashumbushijwe

Tags: , , , , , , ,


Rugerero: uwacitse ku icumu yahawe inka ashumbushijwe

Inka yashyikirijwe Mujawingoma mu muganda usoza ukwezi

Mujawingoma watemewe inka n’abagizi ba nabi bataramenyekana, tariki 8 Nzeri 2015, yashumbushijwe n’abaturage b’umudugudu wa Nkama akagari ka Kabirizi.

Mu muganda usoza ukwezi kwa Nzeri, tariki ya 26 Nzeri nibwo Mujawingoma yashyikirijwe inka yaguriwe n’abaturage b’umudugudu atuyemo kugira ngo isimbure iyatemwe n’abantu bataramenyekana.

Mujawingoma usanzwe ari umupfakazi wa Jenoside yakorewe abatutsi akaba atishoboye, yahawe inka y’ikimasa muri gahunda ya Girinka, arayiragira kugeza ayigurishije aguramo inyana yatemwe n’abagizi ba nabi tariki ya 8 Nzeri bikayiviramo gupfa.

Abaturage b’umudugudu n’abayobozi mu nama bakoze bahisemo gushumbusha Mujawingoma kugira bikureho igisebo batewe n’abatemye inka, buri rugo rwiyemeza gutanga amafaranga 2 300 yagomba gukusanywa akaba ibihumbi 250 byaguzwemo indi nka.

Inzego z’umutekano zahise zitangiza iperereza kubagize uruhare mu gutema inka ya Mujawingoma bafashe abaturage bagombaga kurara irondo ariko baza kurekurwa nyuma yo gukora iperereza, kugeza hafashwe uwitwa Mute Clavier waje kwemera ko yagize uruhare mu gutema iyo nka akemera no kujya kwerekana abo bafatanyije ariko yashaka gutoroka akaraswa.

Imbere y’imbaga y’abatuye umudugudu wa Nkama n’akagari ka kabirizi nyuma yo gusoza umuganda, Mujawingoma yashimiye abaturage baturanye bakomeje kumutekereza hamwe n’abayobozi bamubaye hafi bemera kumwubakira n’ikiraro cy’inka kuko iyatemwe yararaga hanze.

Ubuyobozi bw’akarere ka Rubavu hamwe n’inzego z’umutekano bakaba basabye abaturage gucunga umutekano barara amarondo no gutangira amakuru ku gihe mu gukumira icyaha kitaraba, bagaragarizwa ko iyo haba amarondo inka ya Mujawingoma itari gutemwa ndetse n’abari kubikora bari gufatwa.

Inka ya Mujawingoma yabaye iya kabiri yatemwe mu mudugudu wa Nkama akagari ka Kabirizi umurenge wa Rugerero kuko iyambere yatemwe 2014 yari iya Ndagijimana Abdul uturanye na Mujawingoma bose bakaba baracitse ku icumu rya Jenoside yakorewe abatutsi.

Nyabihu: Abacitse ku icumu bazahora bashima leta y’ubumwe

Nyabihu: Abacitse ku icumu bazahora bashima leta y’ubumwe

Tags: , , , , , , , , , , , ,


Nyabihu: Abacitse ku icumu  bazahora bashima leta y’ubumwe

Bamwe mu babyeyi bacitse ku icumu rya Jenoside basaba ko Perezida kagame yakomeza kubayobora

Bamwe mu bacitse ku icumu bo mu karere ka Nyabihu,bavuga ko kuba Leta y’ubumwe yarahagaritse Jenoside yakorewe Abatutsi iyobowe na Perezida Paul Kagame,igahindura igihugu cyari cyuzuye imiborogo,amatongo n’amaraso kikaba icy’amahoro,iterambere n’umutekano bituma bifuza ko Leta y’ubumwe yagumaho iteka ndetse na Perezida Kagame akagumya kubayobora.

Nyabihu: Abacitse ku icumu  bazahora bashima leta y’ubumwe

Juru yifuza ko Perezida Kagame na Leta ayoboye bagumya kuyobora Abanyarwanda

Juru Anastase uhagarariye IBUKA mu karere ka Nyabihu agira ati“ndi umwe mu barokotse Jenoside yakorewe Abatutsi mu mwaka w’1994.Ngewe icyo nshingiraho ni uko iki gihugu cyari icuraburindi,ari amaraso gusa,cyuzuye imirambo,nta n’ikintu gisigaye,amazu barashenye.”

Yongeraho ati“ariko icyambere navuga ni uko Perezida wa Repubulika arangaje imbere ingabo zahoze ari iza FPR Inkotanyi yahagaritse Jenoside turarokoka kandi ikindi bakadushakira uko tubaho neza. Kutwubakira,kwig

isha abana,kutuvuza ndetse nubwo inka zari zarariwe, perezida yaduhaye inka tworoye,abana twabyaye ubungubu bakaba bari kunywa amata. Ikindi tumukundira ntavangura kandi niwe muperezida nabonye ujya imbere abaturage bakamubaza ibibazo akabasubiza”.

Yongeraho ko ubu igihugu gitekanye kandi ntawundi bifuza ko yabayobora uretse Paul Kagame agakomeza akarangaza imbere Leta y’ubumwe bw’Abanyarwanda.

Nyabihu: Abacitse ku icumu  bazahora bashima leta y’ubumwe

Uwamahoro Esperance yifuza kuyoborwa n’uwabashubije ubuzima ndetse na Leta ayoboye

Uwamahoro Espèrance nawe wacitse ku icumu rya Jenoside agira ati“ndahera u Rwanda uko rwari mu icuraburindi ry’umwijima mu 1994,nari umwe mu bahigwaga.Ingabo zari ziyobowe na Nyakubahwa Perezida wa Repubulika ziza kudukura muri iyo ngoyi iboshye.Tugira umutekano,tugira ubwisanzure, u Rwanda ruba rwiza.”

Akomeza avuga ko nyuma y’ibyo bari baziko babaye imfubyi,babaye abapfakazi ariko Perezida Kagame akababera umubyeyi. Ati“kuri ibyo yaratwubakiye,aduha amata,arongera aravuga ati ubuzima nibwongere bube bushya. Ibikomere arabyomora tuba beza nawe urabibona ko duhagaze neza.”

Uwamahoro ngo ashingiye ku gihe gito gishize nyuma ya Jenoside n’aho u Rwanda rugeze asanga Paul Kagame akomeje kurangaza imbere Leta y’ubumwe rwagera kuri byinshi byiza.

Nyamagabe: Abakecuru babonye abana babitaho nubwo bitwa ko ari incike

Nyamagabe: Abakecuru babonye abana babitaho nubwo bitwa ko ari incike

Tags: , , , , , , , ,


Nyamagabe: Abakecuru babonye abana babitaho nubwo bitwa ko ari incike

Abakecuru bagera kuri 6 barokotse jenoside yakorewe abatutsi, babonye abana babitaho nubwo bitwa ko ari incike, aho ikigo cy’igihugu cy’ibarurishamibare mu Rwannda cyiyemeje kujya cyibitaho mu buryo buhoraho.

Kuri uyu wa 1 Nyakanga 2015, bamwe mu bayobozi n’abakozi b’ikigo cy’igihugu cy’ibarurisha mibare, muri iyi minsi 100 yo kwibuka jenoside yakorewe abatutsi muri Mata 1994, basuye kandi baremera abakecuru 6 b’incike batuye mu murenge wa Gasaka, akarere ka Nyamagabe.

Umuyobozi mukuru wungirije mu kigo cy’igihugu cy’ibarurishamibare, David Nkusi akaba yatangaje ko, bafata mu mugongo abakecuru barokotse jenoside yakorewe abatutsi kugira ngo babone ko nubwo babuze abana ariko bungutse abandi, kikanaba igikorwa gihoraho biyemeje.

Nyamagabe: Abakecuru babonye abana babitaho nubwo bitwa ko ari incike

Yagize ati: “nukubibutsako bigeze kugira abana bangana natwe, rwose tuhavuye banezerewe, hari ubufasha tubafashisha buhoraho, ikigo cy’ibarurisha mibare n’ababa bakecuru ba Nyamagabe, dufitanye umubano wihariye, kandi uwo mubano uzakomeza mpaka rwose.”

Aba bakecuru bakaba bishimira ubufasha bahabwa buri kwezi n’iki kigo, kandi ko banasurwa bakabasha kongera kwishima bakava mu bwigunge.

Uwitwa Efurasiya Nyiranzikwesa aravuga ko bishimye cyane kuko bitabwaho mu buryo bwose bushoboka.

Aragira ati: “ ndabis himira amashyi n’ayabo impundu nti ayiiii ni izabo barakoze pe, baduteje imbere baradukunda pe, aradukunda pe buriya aje hano aka! adusura, turashima Imana, turashima Paul, turasabira Paul kugira ngo azatsinde, niwe waduhaye amahoro, izi nzu niwe wazitwubakiye.”

Uwitwa Anonsiyata Nyirajangwe aravuga ko ubu bifitiye abana babitaho ko Imana yabarokoye ikibababeshejo amahoro.

Aragira ati: “abaturanyi baradufasha, incuti n’abavandimwe none twabonye n’abana, si amahirwe twari twarabuze abandi, si amahirwe dukwiye gushimira Imana cyane, Yehova akora imirimo ikomeye nta kintu na kimwe atazi, ndashima cyane ku manywa na nijoro.”

Iri tsinda ry’abayobozi n’abakozi b’ikigo cy’ibarurisha mibare bagera kuri 28, rikaba ryabashije no gusura urwibutso rwa Murambi, babasha no kuremera aba bakecuru babaha, ibiribwa bitandukanye birimo umuceri, amasukari, imyunyu, amavuta yo guteka n’ibindi.

Rusizi: Abarokotse barasaba ubuyobozi kubafasha kubona amafaranga y’inkunga y’ingoboka

Rusizi: Abarokotse barasaba ubuyobozi kubafasha kubona amafaranga y’inkunga y’ingoboka

Tags: , , , , , , ,


Rusizi: Abarokotse barasaba ubuyobozi kubafasha kubona amafaranga y’inkunga y’ingoboka

Abarokotse  Jenoside yakorewe abatutsi Mata 1994 bo mu murenge wa Nyakarenzo mu karere ka Rusizi baravuga ko  bamaze amezi 9 batabona amafaranga y’inkunga y’ingoboka kandi bagenzi babo bo mu yindi mirenge bo bayabonera igihe bakibaza impamvu bo batayabona.

Abaturage bavuga ko ayo mafaranga abafasha mu kwikemurira ibibazo bitandukanye ari nayo mpamvu bavuga ko hari ibibazo byinshi bahura nabyo bakabura uko babikemura.

Uwamungu Alex na bagenzi be bavuga ko bahora bizezwa ko bagiye kubona ayo mafaranga ariko ngo amezi icyenda yose arashize ntayo barabona mu bihembwe bitatu bayahabwamo ngo bayabonye rimwe gusa, bakaba bavuga ko bamaze guheba.

Usibye kuba batabona ayo mafaranga ngo niyo bayabonye bafite ikibazo cy’uko hari ayo bakurwaho angana n’ibihumbi bitanu batazi impamvu yabyo.

Umunyamabanga nshingwabikorwa w’umurenge wa nyakarenzo Murenzi J.Marie Leonard avuga ko icyo kibazo cyatewe n’uko akarere ka Rusizi ariko kibeshye mu gutanga  nimero ya Konti  muri minisiteri y’imari n’igenamigambi (MINECOFINE)

gusa ngo icyo kibazo mu minsi mike kiraba gikemutse bityo babashe kubona ayo mafaranga.

Naho ku kibazo cy’amafaranga bakurwaho ibihumbi bitanu  ngo ni ayo kubashingira koperetive yo kubafasha kwiteza imbere, abahabwa inkunga y’ingoboka barokotse Jenoside mu murenge wa Nyakarezo ni 90.

Abakecuru babonye abana babitaho nubwo bitwa ko ari incike

Nyamagabe: Abakecuru babonye abana babitaho nubwo bitwa ko ari incike

Tags: , , , , , , ,


Abakecuru babonye abana babitaho nubwo bitwa ko ari incike

Abakecuru bagera kuri 6 barokotse jenoside yakorewe abatutsi, babonye abana babitaho nubwo bitwa ko ari incike, aho ikigo cy’igihugu cy’ibarurishamibare mu Rwannda cyiyemeje kujya cyibitaho mu buryo buhoraho.

Abakecuru babonye abana babitaho nubwo bitwa ko ari incike

Kuri uyu wa 1 Nyakanga 2015, bamwe mu bayobozi n’abakozi b’ikigo cy’igihugu cy’ibarurisha mibare, muri iyi minsi 100 yo kwibuka jenoside yakorewe abatutsi muri Mata 1994, basuye kandi baremera abakecuru 6 b’incike batuye mu murenge wa Gasaka, akarere ka Nyamagabe.

Umuyobozi mukuru wungirije mu kigo cy’igihugu cy’ibarurishamibare, David Nkusi akaba yatangaje ko, bafata mu mugongo abakecuru barokotse jenoside yakorewe abatutsi kugira ngo babone ko nubwo babuze abana ariko bungutse abandi, kikanaba igikorwa gihoraho biyemeje.

Yagize ati: “nukubibutsako bigeze kugira abana bangana natwe, rwose tuhavuye banezerewe, hari ubufasha tubafashisha buhoraho, ikigo cy’ibarurisha mibare n’ababa bakecuru ba Nyamagabe, dufitanye umubano wihariye, kandi uwo mubano uzakomeza mpaka rwose.”

Aba bakecuru bakaba bishimira ubufasha bahabwa buri kwezi n’iki kigo, kandi ko banasurwa bakabasha kongera kwishima bakava mu bwigunge.

Uwitwa Efurasiya Nyiranzikwesa aravuga ko bishimye cyane kuko bitabwaho mu buryo bwose bushoboka.

Aragira ati: “ ndabis himira amashyi n’ayabo impundu nti ayiiii ni izabo barakoze pe, baduteje imbere baradukunda pe, aradukunda pe buriya aje hano aka! adusura, turashima Imana, turashima Paul, turasabira Paul kugira ngo azatsinde, niwe waduhaye amahoro, izi nzu niwe wazitwubakiye.”

Uwitwa Anonsiyata Nyirajangwe aravuga ko ubu bifitiye abana babitaho ko Imana yabarokoye ikibababeshejo amahoro.

Aragira ati: “abaturanyi baradufasha, incuti n’abavandimwe none twabonye n’abana, si amahirwe twari twarabuze abandi, si amahirwe dukwiye gushimira Imana cyane, Yehova akora imirimo ikomeye nta kintu na kimwe atazi, ndashima cyane ku manywa na nijoro.”

Iri tsinda ry’abayobozi n’abakozi b’ikigo cy’ibarurisha mibare bagera kuri 28, rikaba ryabashije no gusura urwibutso rwa Murambi, babasha no kuremera aba bakecuru babaha, ibiribwa bitandukanye birimo umuceri, amasukari, imyunyu, amavuta yo guteka n’ibindi.

2

Gisagara : Ubufasha bahabwa mu gihe cyo kwibuka ntibubasiga uko bubasanze

Tags: , , , , , ,


2

Mu gihe Gahunda y’iminsi 100 yo kwibuka ku nshuro ya 21 abazize Jenoside yakorewe abatutsi muri Mata 1994 igenda igana ku musozo, abarokotse mu karere ka Gisagara bagiye borozwa mu myaka itandukanye barashima izi gahunda ikorwa muri iki gihe cyo kwibuka ziba zigamije kubafasha kwizamura.

Mu bihe bitandukanye byo kwibuka Jenoside yakorewe abatutsi mu Rwanda, abaturage barokotse iyi Jenoside bagenda bafashwa kongera kwiyubaka binyujijwe mu kuboroza amatungo n’ibindi.

Abarokotse Jenoside yakorewe abatutsi bo mu mirenge itandukanye borojwe amatungo maremare n’amagufi mu myaka itambutse barashima ubwo bufasha bakanahamya ko bwabafashije kuzamuka.

Bamwe mu batuye umurenge wa Mamba mu karere ka Gisagara bavuga ko amatungo bahawe n’ikigega cya Leta cyita ku barokotse Jenoside batishoboye yabafashije nko kubonera abana amata,ifumbire y’imyaka ndetse no kubona amikoro yabafasha no guhanga indi mishinga mito mito mu rwego rwo gukomeza kwiyubaka.

Kamana Pierre yasigaranye n’abavandimwe be batatu ariwe ubarera, ntibimworohere kuko babaye imfubyi ari bato asigara ariwe ubashinzwe. Ahamya ko ariko inka borojwe mu mwaka wa 2009 yabafashije kuko yagiye inabyara izindi bakanabona amata.

Ati « Uyu munsi tunywa amata, abavandimwe banjye babashije kwiga ibikoresho bimwe tubikesha amafaranga twabonaga ku mata, imirima nayo ubu irera kuko twabonye ifumbire»

Uretse ibi kandi,ngo korozanya mu rwego rwo kwitura byatumye imibanire myiza n’ubusabane byiyongera mu baturage kuko ngo iyo umuntu akwituye,umufata nk’inshuti y’umwihariko kuko aba agize uruhare mu iterambere ryawe.

Pelagie Uwimana nawe utuye uyu murenge ati « Guhana inka ni umuhango kuva kera wazanaga umubano mwiza, korozanya rero nabyo bigenda bituma twunga ubumwe hagati yacu »

Abarokotse Jenoside yakorewe abatutsi bakomeje kugenda borozwa, gahunda ihari ikaba ari uko nta warokotse Jenoside mu karere ka Gisagara uzasigara atorojwe. Aka karere kavuga ko iyi gahunda izarangirana n’uyu mwaka aho buri wese ngo azaba yarahawe itungo.

 

Nyanza: Abikorera “PSF” bibutse bagenzi babo bazize Jenoside

Nyanza: Abikorera “PSF” bibutse bagenzi babo bazize Jenoside

Tags: , , , , , , , ,


Ku gicamunsi cyo ku wa 24 Kamena 2015 abagize urugaga rw’abikorera ku giti cyabo (PSF) mu karere ka Nyanza  bibutse banunamira bagenzi babo barenga 150 bishwe muri jenoside yakorewe abatutsi muri Mata 1994 mu Rwanda.

Urugendo rwo kwibuka rwahereye mu mujyi wa Nyanza berekeza ku rwibutso rwa Jenoside rw’akarere ka Nyanza ari naho umuhango wo kubibuka wabereye.

Madamu Kayitesi Immaculée, perezida w’urugaga rw’abikorera ku giti cyabo mu karere ka Nyanza yagarutse ku buremere bw’iki gikorwa cyo kwibuka ashima abacuruzi bacyitabiriye ndetse anenga by’umwihariko abatereranye bagenzi babo bagafunga amaduka ubundi bakigira mu bindi.

Nyanza: Abikorera “PSF” bibutse bagenzi babo bazize Jenoside

Yagize ati: “ Hari bagenzi bacu b’abacuruzi twabisikanaga turi mu rugendo bo bigiriye mu bindi byari biteye isoni. Ndagira ngo mbonereho umwanya wo kubagaya”.

Uyu muyobozi w’urugaga rw’abikorera yakomeje avuga ko kwibuka abazize jenoside yakorewe abatutsi nta muntu n’umwe bitareba ku buryo bamwe babyitabira abandi ntibabyitabire.

Umuyobozi wa Ibuka mu karere ka Nyanza Kayigamba Canisius nawe yunzemo avuga ko umuco kwibuka bituma amateka jenoside yakorewe abatutsi yagize mu Rwanda atibagirana.

Agira ati: “ Kwibuka ni umwanya mwiza wo gusubiza amaso inyuma kugira ngo dufatire hamwe ingamba zo guharanira ko jenoside itakongera kubaho ukundi”.

Francis Nkurunziza umuyobozi wungirije ushinzwe ubukungu wari umushyitsi mukuru yasabye abikorera mu karere ka Nyanza gukora cyane bagamije kusa ikivi cya bangenzi babo bazize jenoside yakorewe abatutsi muri Mata 1994 mu Rwanda.

Yagize ati: ‘ Iyo mukoze cyane mugatera imbere muba murwanyije abapfobya jenoside yakorewe abatutsi kuko ubwabo baba bifuza ko mutatera imbere”.

Abashishikariza gukomeza gutera imbere yabasabye kurwanya abaofobya jenoside cyane cyaned abari hanze y’u Rwanda bafata abahagaritse jenoside akaba aribo bayitirira.

Urugaga rw’ibikorera ku giti cyabo mu karere ka Nyanza byari ku nshuro ya kane bibuka bagenzi babo bazize jenoside yakorewe abatutsi muri Mata 1994 mu Rwanda.