Tag Archive | "health"

Ruhango: Numva ntafite ukuguru kumwe kuko mfite igihugu – Uwamugariye ku rugamba

Ruhango: Numva ntafite ukuguru kumwe kuko mfite igihugu – Uwamugariye ku rugamba

Tags: , , , , , , , , , , ,


Ruhango: Numva ntafite ukuguru kumwe kuko mfite igihugu – Uwamugariye ku rugamba

Ntukabumwe Martin, wamugariye ku rugamba aravuga ko nubwo yacitse ukugura atabyicuza kuko icyo yaharaniraga yakigezeho.

Akemeza neza ko kuri we yumva ataracitse ukuguru kuko afite igihugu cye kimukunda kandi kikamwitaho umunsi ku wundi.

Martin yarwanye urugamba rwo kubohora igihugu, nyuma aza no kujya muri Congo mu mwaka wa 2000, mu gikorwa cyo gucyura impunzi ari naho yaje kurasirwa mu kwezi kwa Karindwi.

Kuri we rero kuba yararashwe agacika ukuguru, yumva ntacyo bimutwaye kuko icyo yaharaniraga cyagezweho, igihugu kikaba gihagaze neza mu iterambere.

Uyu mugabo utuye mu kagari ka Rwoga umurenge wa Ruhango akarere ka Ruhango, asaba wuri muntu wese cyane cyane abakiri bato gukunda igihugu, kuko iyo umuntu ashaka kubaho neza ngo akunda igihugu.

Avuga ko nubwo afite ubu bumuga, yumva igihe cyose azakomeza guharanira akanarwanirira igihugu cye, akirinda uwo ariwe wese washaka kugisubiza mu icuraburindi.

Agaya cyane abantu bahunga igihugu, ababwira ko nta muntu wese wabaho neza ari mu gihugu cy’abandi, ahubwa akabasaba ko bataha bagafatanya n’abandi gukomeza inzira yo kwiyubakira igihugu.

Martin, kuri ubu afite umugore n’abana barindwi, Leta yaramwubakiye akaba ashimira cyane umukuru w’igihugu, aho yakuye u Rwanda n’aho arugejeje. Kimwe n’abandi banyarwanda, nawe akifuza ko Perezida Paul Kagame yakomeza kuyobora abanyarwanda kugirango agree ku ntego yiyemeje.

Huye: Abamotari bagize koperative CIM bamuritse inzu basaniye Mukabutera, baranamuremera

Tags: , , , , , , , ,


Abamotari bimbumbiye muri Cooperative Intambwe Motards (CIM), bakorera mu Karere ka Huye, kuri uyu wa 8/7/2015 bamurikiye Christine Mukarubuga inzu ye bamusaniye, iri mu Mudugudu wa Shuni, Akagari ka Muyogoro, Umurenge wa Huye, Banamuremeye.

Inzu ya Mukabutera yari yarayubakiwe n’umuganda. Yubakishije ibiti, kandi yari iteye icyondo ariko nticyasubirizwa. Abamotari bayiteye umucanga na sima, ndetse banayishyiraho amadirishya arimo ibirahure.

Mu gikorwa cyo kumuremera bamukoreye kuri uyu wa 8/7, bamuhaye matora iringaniye, agafuka k’umuceri n’aka kawunga, amavuta yo guteka ndetse n’amasabune.

Ntibwari ubwa mbere kandi bamuremera, kuko ngo n’umunsi wa mbere baje kumuha umuganda na bwo baramuremeye. Uhagarariye umunyamabanga nshingwabikorwa w’Umurenge wa Huye utarashyirwaho, Faustin Bizimana, ati “baje baje kumwubakira, ariko basanga nta cyo kurya kiri mu nzu, ni uko begeranya amafaranga barakimusigira.”

Icyo gihe mu byo bamuhaye harimo akawunga, amavuta yo guteka, amasabune, amavuta yo kwisiga na peterori. Mukarubuga ati “uwo munsi babinsigira twari buburare kuko nta kintu na gito cyari mu nzu. Ako kawunga rwose karadufashije kuko iminsi yakurikiyeho yabaye mihire, nta nzara nk’iyo duhorana.”

N’akajwi gatoya yisanganiwe, ariko kavanze n’ikiniga yari atewe n’ibyishimo, Mukabutera amaze kumurikirwa inzu no kuremerwa yagize ati “Kuva nabona aba bamotari iwanjye baje kumpa umuganda, numva ntazi uko meze. Niyumvamo ibinezaneza bisa n’ibinsimbagiza.”

Yunzemo ati “sinari nzi ko najye nagira unyitaho. Ndabishimira Imana nkanabishimira n’aba bamotari. Imana izabahe umutima wo gufasha n’abandi bameze nkanjye.”

Ikindi, ngo kuva aho yaboneye baje kumufasha yumva atakiri umupfakazi kuko afite abamwitaho benshi. Ati “singifite abana babiri gusa nasigiwe n’umugabo wanjye, ubu umuryango wanjye waragutse.”

Ubundi, Christine Mukabutera ni umupfakazi wa jenoside w’umukene. Avuga ko atagira n’aho ahinga, kuko ngo isambu yasigiwe n’umugabo yayambuwe n’abayobozi bo hasi, igahabwa umuntu wari warahunze kera. Ngo nta na mituweri agira, kuko atabasha kuyirihira.

Batangiye bazi ko ari umuganda baje gutanga

Ubwo abamotari bazaga kumuha umuganda bwa mbere ntiyari ahari. Ntibari banamuteguje. Yatunguwe no gusanga abamotari benshi bari iwe bari guhoma inzu ye.

Jean Chrisostome Habimana, ukuriye CIM, avuga iki gikorwa bagishishikarijwe n’umuryango Humura Rwanda : koperative ayobora yiyemeje kuremera uwarokotse jenoside, naho koperative yindi y’abamotari bo mu mujyi wa Butare yitwa COTAMOHU igira uruhare mu koza imibiri y’abazize jenoside yari ishyinguye ahitwa i Rukira ho mu Murenge wa Huye, yagombaga ariko kwimurirwa mu rwibutso rwa jenoside rwahubatswe.

Ngo barangirwa kwa Mukabutera rero, bibwiraga ko bazamuha umuganda, ariko bahageze, barebye uko inzu yabagamo yari imeze, basanga yazagororwa ndetse ikanagirwa nziza n’umufundi. Biyemeje rero gutanga amafaranga ibihumbi bitatu kuri buri munyamuryango, none ubu yuzuye ibatwaye miriyoni n’ibihumbi 317.

Habimana ati « ni uko tutabitekereje mbere, ariko iyo tuza gusenya iriya nzu tukabumba amatafari twari kumwubakira inziza kurusha. »

Igikorwa cyabo ngo ntikirangiriye aha : biyemeje no kuzamutunganyiriza ubwiherero ubu butameze neza, ndetse bakanamwubakira igikoni n’urugo. Bafatanyije kandi n’abandi bafatanyabikorwa bo mu Karere ka Huye, ngo bazamuha n’inka.

Nyagatare: 7 bakomerekeye ku rugamba bahawe inkunga y’ibiribwa

Nyagatare: 7 bakomerekeye ku rugamba bahawe inkunga y’ibiribwa

Tags: , , , , , , , , , ,


Nyagatare: 7 bakomerekeye ku rugamba bahawe inkunga y’ibiribwa

Bamwe mu bakomerekeye ku rugamba rwo kwibohora.

Kuri uyu wa 04 Nyakanga mu kwizihuza isaburkuru y’imyaka 21 igihugu kibohowe, mu mudugudu wa Rutaraka akagari ka Rutaraka umurenge wa Nyagatare, imiryango 7 y’abasirikare bakomerekeye ku rugamba yashyikirijwe inkunga y’ibiribwa ingana n’ibihumbi Magana abiri mirongo itandatu na bibiri Magana atanu (262.500frs) igizwe n’ibishyimbo ndetse n’amavuta yo guteka.

Nyagatare: 7 bakomerekeye ku rugamba bahawe inkunga y’ibiribwa

Umuyobozi w’akarere ashyikiriza abamugariye ku rugamba inkunga.

Ibi birori byatangijwe n’akarasisi k’abamotari kahereye muri santere ya Ryabega kugera mu mudugudu wa Rutaraka, gaherekeza isiganwa ry’amagare ryahereye mu mudugudu wa Rutaraka abasiganwa berekeza mu mujyi wa Nyagatare bakomereza Ryabega bagaruka aho bahagurukiye ibirometero hafi 30. 5 bambere bose bagabanye amafaranga ibihumbi mirongo 50 yatanzwe n’akagari. Hakuriyeho gushyikiriza imiryango 7 abasirikare bamugariye ku rugamba inkunga y’ibiribwa ibishyimbo buri wese ibiro 110 n’amavuta yo guteka litiro 3 kuri buri wese.

Bugingo Gerald umwe mu bahawe iyi nkunga avuga ko yabashimishije cyane kuko abayibahaye babereye amaso, amaboko n’izindi ngingo z’umubiri bo badafite. “ Batubereye amaso tudafite, amaboko tudafite n’izindi ngingo z’umubiri twabuze. Ibi nkeka aribyo byatumye badutekerezaho kuduha iyi nkunga, twayishimiye cyane.”  Bugingo.

Nyagatare: 7 bakomerekeye ku rugamba bahawe inkunga y’ibiribwa

Umuyobozi w’akarere na DPC batangiza isiganwa ry’amagare.

Atuhe Sabiti Fred umuyobozi w’akarere ka Nyagatare wifatanije n’abaturage b’akagari ka Rutaraka muri ibi birori nawe yashimye umutima w’urukundo w’abaturage ndetse abashishikariza gukomeza uwo muco. Uku ngo niko kwigira nyako aho umuturage yihaza agasagurira isoko ndetse akanibuka ko hari mugenzi we ubabaye akwiye gufasha.

Nyagatare: 7 bakomerekeye ku rugamba bahawe inkunga y’ibiribwa

Abatishoboye 3 nabo borojwe inka.

Uretse inkunga yahawe abakomerekeye ku rugamba yose hamwe ingana n’ibihumbi 262500, abaturage 3 batishoboye nabo borojwe inka. Umuyobozi w’akarere ka Nyagatare akaba yasabye abaturage gusigasira ibimaze kugerwaho aho anemeza ko kwibohora nyako ari ukwiteza imbere kandi ikaba ari nayo ntego ya leta.

Kutagira imyambaro yabugenewe ngo ntacyo bibatwaye kandi binjira munsi y’umusozi.

Nyagatare: Abakozi bo mu birombe ntibazi agaciro ko kugira imyambaro ibarinda impanuka

Tags: , , , , , , ,


Abakora mu kirombe cy’amabuye ntibazi agaciro ko kwikingira impanuka

Abakora mu kirombe cy’amabuye ntibazi agaciro ko kwikingira impanuka

Mu gihe bamwe mu bakozi bakora imirimo yo gucukura no guhonda amabuye mu mudugudu wa Ruhuha ya kabiri akagari ka Bushoga umurenge wa Nyagatare bavuga ko kuba nta myambaro yabugenewe yabarinda  impanuka bafite ntacyo bibatwaye, ubugenzuzi bw’umurimo mu karere ka Nyagatare buvuga ko ibyo bitemewe na gato.

Nzabonimpa Fidele, umwe mu bacukura bakanahonda amabuye muri iki kirombe, avuga ko n’ubwo bakora akazi bazi ko igihe icyo ari cyo cyose bashobora guhura n’impanuka ariko nta myambaro yabugenewe bagira ngo kubera ko abakoresha babo batari babibagurira.

Kutagira imyambaro yabugenewe ngo ntacyo bibatwaye kandi binjira munsi y’umusozi.

Kutagira imyambaro yabugenewe ngo ntacyo bibatwaye kandi binjira munsi y’umusozi.

Gusa mu mvugo y’aba bakozi usanga batazi akamaro ko kwikingira impanuka. Basirikare Jean Paul avuga ko kuba badafite imyambaro yagenewe abantu bakora mu birombe by’amabuye ari uko bagitangira gukora aka kazi ndetse akanemeza ko ntacyo bibatwaye kuko batari bajya munsi y’ubutaka.

Nkundimana Obess umugenzuzi w’umurimo mu karere ka Nyagatare avuga ko iki kibazo batari bakizi ariko akemeza ko itegeko ry’umurimo riteganya uburyo abakozi barindwa impanuka zakomoka ku murimo bakora. Ngo bagiye gufatanya n’inzego z’ibanze kugira ngo bakemure iki kibazo mu buryo bwihutirwa.

Ntitwabashije kubona rwiyemezamirimo ucunga iki kirombe ngo agire icyo abivugaho gusa bamwe mu bakoresha abandi bakozi batubwiye ko iki kibazo bakiganiriyeho n’abakozi kandi biteguye kugikemura n’ubwo nta gihe batugaragarije kizaba cyakemuriwe. Abakozi bakora muri iki kirombe barenga 50. Nta mushahara w’ukwezi bagira ahubwo uwujuje imodoka amabuye ahonze ahabwa amafaranga y’u Rwanda ibihumbi 35.

 

Abaturiye ibiyaga barasabwa kutohereza abana bonyine kuvoma mu biyaga

Ngoma: Abaturiye ibiyaga barasabwa kutohereza abana bonyine kuvoma mu biyaga

Tags: , , , , , , , , , ,


Abaturiye ibiyaga barasabwa kutohereza abana bonyine kuvoma mu biyaga

Nyuma y’aho hagaragariye ikibazo cy’abana bato bagwa mu biyaga bagapfa bagiye kuvoma , ubuyobozi bw’umurenge wa Sake umwe mu mirenge ituriye ibiyaga bya Sake ,Mugesera na Birira biri mu karere ka Ngoma,arasaba ababyeyi gucika ku ngeso yo kohereza abana  kuvoma ku biyaga bonyine.

Mu gihe cy’imyaka ibiri harabarurwa abana bane baguye mu kiyaga bagiye kuvoma barimo babiri bavukanaga.

Ababyeyi baturiye ikiyaga cya Sake  twaganiriye bavuga ko iyo bohereje abana kuvoma basigarana impungenge ariko kuko ntakundi babigira  bakabashyira mu maboko y’Imana ngo ibarinde.

Abaturiye iki kiyaga avuga ko abamaze kugwamo bagapfa barenga bane  hatarimo abana ,ariko ubuyobozi bw’umurenge buvuga ko hari  nabo basangamo bapfuye batazi icyabishe  kuburyo batakwemeza ko baba baguyemo baje kuvoma.

Umwe mu babyeyi  yagize ati” Ni uko ntakundi tubayeho, tubonye  abana batangiye kujya bagwamo bagapfa, twagize ikibazo kuburyo n’iyo umwana umwoherejeyo kuvoma usigara umutima udatuje wagira Imana ukabona agarutse amahoro.”

Ubuyobozi buvuga kandi ko mu rwego rwo gukemura iki kibazo, bwatangiye kwegereza aba baturage amazi meza,nubwo hagishakishwa ubushobozi kugirango bagerweho bose kuko  amaze kugera ku gice kimwe hasigaye igice cyegereye  ikiyaga batarabona amazi meza ngo bareke kuvoma mu biyaga.

Nyamihana Philippe,umuyobozi w’umurenge wa Sake ubarizwamo iki kiyaga cya Sake,asaba abaturage ko mu gihe amazi atari yabegerezwa,bagomba kwitwararika birinda kohereza abana bonyine  kuvoma ku kiyaga ,ahubwo bajya bajyana n’umuntu mukuru.

Yagize ati” Duhora tubikangurira ababyeyi ko badakwiye kohereza umwana muto kuvoma ku kiyaga wenyine atari n’umuntu mukuru. Byagaragaye ko  abana bato hari ubwo bagerayo bagakinira mu mazi kuko baba bari bonyine ntawababuza bakaba bahagirira ibibazo byo kugwamo bagapfa.”

Uretse kuba hari abagwa mu kiyaga ari abana bato bagiye kuvoma,muri aka karere nko mu murenge wa Rukumberi mu kiyaga cya Birira,havugwamo ingona  zijya zica abagiye kuvoma  atari abana gusa.Hari umunyeshuri uherutse kkwicwa n’ingona  mu myaka yavuba wigaga kuri GS Rwintashya yitegura gukora ikizamini cya Tronc –commun  agiye kuvoma iramurya arapfa.

Akarere ka Ngoma gaherutse kwizeza abaturage baturiye hafi y’ibiyaga gukora ubuvugizi ngo babe bakegerezwa amazi meza bareke kuvoma mu biyaga biba bishobora no kubavutsa ubuzima.

Nyamagabe: Bamwe mu bafite ubumuga ntibahabwa serivisi nziza

Nyamagabe: Bamwe mu bafite ubumuga ntibahabwa serivisi nziza

Tags: , , , , , , , , , , ,


Nyamagabe: Bamwe mu bafite ubumuga ntibahabwa serivisi nziza

 Bamwe mu bafite ubumuga butandukanye usanga badahabwa serivisi nziza, iyo bagana mu tugari cyangwa se mu mirenge ndetse no kwa muganga aho usanga batitaweho ntibanakirwa neza nk’abandi bantu basanzwe.

Nyamagabe: Bamwe mu bafite ubumuga ntibahabwa serivisi nziza

Kuri uyu wa 3 Ukuboza 2014, umunsi hizihizwa, umunsi mpuzamahanga w’abafite ubumuga, bamwe mu bafite ubumuga badutangarije ko, bitewe n’uko bafite ubumuga runaka batabasha guhabwa serivise neza uko bikwiye.

Nyamagabe: Bamwe mu bafite ubumuga ntibahabwa serivisi nziza

Emmanuel Kwizera umwe mubafite ubumuga bwo kubura urugingo aravuga ko usanga abo bagana batabaha serivisi zihuse ugasanga basiragira mu nzira.

Yagize ati: “ukuntu baba batubwira tugiye kwaka nk’ubufasha, ubufasha barabuduha ariko ntago bahita babuduha ako kamwanya, kimwe n’uko bakubwira ngo genda uzagaruke ukageraho ukarambirwa.”

Vestine Nyirahabimana ufite ubumuga bwo kutabona nawe yagize ati: “nubwo leta ishyira ingufu mu bantu bashinzwe gutanga serivisi ngo bazitange neza hari abantu baba babyakira n’abatabyakira kuko abantu ntibakira ibintu kimwe hari aho ugera bakaguha serivisi neza ahandi ntibayiguhe neza, hari abahohoterwa byo birumvikana.”

Umuyobozi w’akarere ka Nyamagabe, Bwana Philbert Mugisha  aravugako hatangijwe ubukangurambaga mu bayobozi b’ibanze bwo gutanga serivisi zinoze batinubira abafite ubumuga.

Yagize ati: “ni ugushishikariza buri wese utanga serivisi, inzego z’ibanze, kwa muganga ndetse no mu mashuli, kudaheza cyangwa guha akato ufite ubumuga cyangwa no kuba wanamwinuba, ibyo ngibyo n’imyumvire yo hasi, muri serivisi za leta ndetse no mu bikorera n’ukurushaho ubukanguramba.”

Ubukangurambaga bukaba buzakomeza gukorwa hirya no hino mu karere ka Nyamagabe cyane cyane harwanywa ihohoterwa rikorerwa abafite ubumuga ndetse no kubakirana umwihariko kubera ubumuga baba bafite kugira ngo batazumva bahejwe muri sosiyete nyarwanda.

 

Ubuyobozi buzakomeza kuba hafi abafite ubumuga

Rusizi: Amikoro macye n’ imwe mu mbogamizi kubafite ubumuga

Tags: , , , , , , , , , ,


Abafite ubumuga bagaragaje imbogamizi bagihura nazo

Abafite ubumuga bagaragaje imbogamizi bagihura nazo

Abafite ubumuga butandukanye bo mu karere ka Rusizi bavuga ko n’ubwo bafite ubushake  mu kwiteza imbere bagihura n’inzitizi zirimo ubushobozi bucye bwo kutabasha kwikorera imishinga migufi ijyanye n’imbaraga zabo , ibyo kandi bikajyana n’imyumvire ya bamwe mubabyeyi bagiheza abana mu rugo ntibagane ishuri ndetse no kutagira ibigo byigisha imyuga bibegereye.

Abafite ubumuga bagaragaje imbogamizi bagihura nazo

Abafite ubumuga bagaragaje imbogamizi bagihura nazo

Ibyo ni bimwe mubyo abafite ubumuga bo mu karere bavugiye mu muhango wo kwizihiza icyumweru cyahariwe kuzirikana kubafite ubumuga ku wa 03/12/2014, haba ku rwego rw’isi no mu Rwanda kubw’umwihariko kuko ruzirikana icyo cyiciro cyabo baturage kimwe n’abandi banyarwanda bose muri rusange ari nayo mpamvu inzego z’ubuyobozi zitandukanye zifatanyije nabo kwishimira umunsi wabo.

Ubuyobozi buzakomeza kuba hafi abafite ubumuga

Ubuyobozi buzakomeza kuba hafi abafite ubumuga

Ubuyobozi buhagarariye abafite ubumuga mu ntara y’iburengerazuba bwo butangaza ko hazakomeza ubukangurambaga mu nzego zose, cyane cyane  mu turere kugirango haboneke amikoro yo gufasha abaturage mu mishinga migufi baba bakorera mu makoperative bibumbiyemo.

Bimenyimana Remy ni umwe mubafite ubumuga bwo kutabona avuga ko bagihura na zimwe mu mbogamizi zirimo amikoro adahagije mu mishinga yabo y’iterambere kuko hari igihe bayitangiza ariko ikadindira kubera kubura ibikoresho bitewe n’ubushobozi bucye. kutagira aho bakorera  n’ibindi nk’uko bagiye babigaragaza, abafite ubumuga kandi bavuga ko bifuza ko Leta yabatekerezaho kuri gahunda ya gira inka kugirango nabo zibagereho bityo babashe gutera imbere.

Nubwo hari ibyo abafite ubumuga bo mu karere ka Rusizi batarageraho ngo hari ibyo bashimira Leta y’URwanda kuko n’intambwe bamaze gutera ariyo bayikesha kuko ntazindi Leta zigeze zibatekerezaho.

Ku ruhande rw’ubuyobozi bwabo ku rwego rw’intara y’iburengerazuba Kabanda Manzi Olivier umukozi ushinzwe imiyoborere myiza muri komite y’abafite ubumuga avuga ko hakozwe byinshi bigamije guteza imbere abafite ubumuga birimo amategeko arengera iki cyiciro ariko kandi ngo urugendo ruracyari rurerure .

Ni muri urwo rwego hagomba gukomeza ubukangurambaga ku nzego za Leta ndetse n’abandi bafatanyabikorwa mukuzamura amikoro yabo nk’uko Kabanda Manzi Olivier abivuga, anasaba itangazamakuru ritandukanye kubafasha kubakorera ubuvugizi kugirango imbogamizi bagihura nazo zirangire.

Icyiciro cy’abafite ubumuga cyakunze  guhura n’ihohoterwa ndetse n’ihezwa rya hato na hato ariko magingo aya kubufatanye n’inzego zose bigenda bicika n’ubwo urugamba rwo kubirwanya rugikomeje.

Imwe mu mishinga mito mito abafite ubumuga  bagenda bakora harimo ubworozi, ubudozi, ubuhinzi ndetse n’imyuga .

 

Imyembe ifitiye umubiri akamaro

Umwembe ukungahaye ku ntungamubiri zifitiye umubiri akamaro

Tags: , , , , , ,


Imyembe ifitiye umubiri akamaro

Imyembe ifitiye umubiri akamaro

Umwembe ni urubuto rufitiye umubiri akamaro kuko ukungahaye kuri vitamin C ikenerwa mu gukora poroteyini z’ingenzi ku menyo, imikaya, amagufwa, imiyoboro y’amaraso, mu gukiza ibisebe, ikanagira uruhare mu gukora indurwe y’umwijima kandi ikanafasha mu ikoreshwa ry’umunyu ngugu wa fer wongera amaraso mu mubiri.

Umwe mubakozi bo mukigo mbonezamirire cya Rutare mu karere ka Gicumbi Umurerwa Anisie twaganiriye tariki 23/5/2014 atangaza ko mubyo bigisha ababyeyi byo guha abana ibintu bibafasha mu biryo by’imfashabere babwira ababyeyi no guha abana umwembe ni urubuto ruribwa n’abantu benshi kandi ukize ku ntungamubiri zitandukanye umubiri w’umuntu ukenera, cyane cyane kuri vitamine A na C ariko hanabonekamo vitamine B.

Avuga ko vitamini C igira uruhare mu mikurire y’imikaya, ikingira umubiri indwara y’inzira z’ubuhumekero nka asima indwara z’impiswi, macinya, gusukura amaraso na kanseri.

Iyo vitamine kandi ibonekamo ku gipimo cya miligarama 22 na 100. Amazi y’igishishwa cyayo kuyogesha mu kanwa bikingira indwara zimwe na zimwe zo mu kanwa, amazi y’ibibabi n’igishishwa bibijije bikavura impiswi, mu gihe ibibabi by’imyembe bikiri bito bitapfunwe nabyo bivura impiswi.

Umwembe kandi na none ufitiye umubiri akamaro kuko ukungahaye kuri vitamine A ikenerwa mu kurwanya indwara z’ubuhumyi, igabanya kuba umuntu yafatwa n’indwara ya kanseri cyane cyane iy’impyiko, mu kanwa, ibere, mu mihogo n’izibasira  inzira z’ubuhumekero.

Uretse vitamini A hari n’izindi zifasha mu gutuma habaho kwiyuburura k’umubiri , ingirangingo zishaje zigasimburwa n’izindi, vitamini E na B ibonekamo ibyiciro bya B1,B2 iboneka ku bagore gusa , hanabonekamo vitamine B6, ituma umwuka mwiza (oxygène) ugera mu bice byose by’umubiri.

Vitamine A ibonekamo ku bagore gusa, ikaba irinda indwara kandi ikagira uruhare mu gukura k’umwana ugitwitwe kimwe no kwibaruka, ikomera ry’amagufwa n’ubuzima bw’ingirangingo.

Vitamine inaba mu myembe, muri karoti, mu ibijumba, mu ishu, muri epinari, mu ipapayi,…Imyembe inakungahaye ku munyungugu witwa potasiyumu ugira uruhare mu kwikanya no kwikanyura kw’imitsi, umutima, impyiko , kuzana n’umunaniro.

m_Kutamenya kwiyitaho kuri bamwe mu baturage biterwa n’imyunvire ikiri hasi

Kutamenya kwiyitaho kuri bamwe mu baturage biterwa n’imyunvire ikiri hasi.

Tags: , , , , , , ,


m_Kutamenya kwiyitaho kuri bamwe mu baturage biterwa n’imyunvire ikiri hasi

Bamwe mu baturage ngo bigaragara ko bagifite imyunvire iri hasi, haba mu kugira isuku ,kumenya gutegura indyo yuzuye, kimwe no mu kumenya gahunda bahitamo mu kuboneza urubyaro.

Ibi kandi ngo bifite ingaruka zitari nziza ku buzima bwabo, mu gihe ngo babishyizemo umwete bashobora guhindura iyi myunvire, bikabafasha gutera imbere mu buzima bwabo.

Nk’uko bitangazwa na bamwe mu bajyanama b’ubuzima mu murenge wa Rukozo, ho mu karere ka Rulindo ngo abaturage baracyafite imyunvire iri hasi ku bijyanye no kwita ku buzima bwabo.

Akaba ari muri urwo rwego bakomeje guhabwa amahugurwa mu gukangurira abaturage bashinzwe kurushaho guhindura imyunvire ku birebana n’ubryo bafata neza ubuzima bwabo.

kuri uyu wa kabiri tariki ya 15 aba bajyanama bo mu murenge wa Rukozo bakaba bahawe amahuguwe ku byo bagomba gutoza abaturage bashinzwe.

Nyuma y’aya mahugurwa abajyanama b’ubuzima bakaba batangaje ko basanga kuba abaturage babo batabasha kwiteza imbere mu kugira ubuzima bwiza,harimo no kuba bagifite imyunvire iri hasi.

Ikitegetse Beatrice umujyanama w’ubuzima mu kagari ka buraro,umudugudu wa Murwa,avuga ko kuba abaturage batabasha kwiyitaho nk’uko bikwiye ahanini ari imyunvire ikiri hasi,ikindi ngo ni ubushobozi bwa bamwe mu baturage buba ari buke,bityo bigatuma batabasha kwiyitaho nk’uko bisabwa.

Yagize ati”kuba umuturage yabasha kwitegurira indyo yuzuye,ntibisaba ibintu bihambaye, kuba yakwikorera isuku ku mubiri n’ibyo yambaye,nabyo si ikintu kigomba ishuri,ahubwo ni uko akenshi bunva ko nta cyo bivuze.Ibyo bigaragaza ko imyunvire yabo itarakura,birasaba ko turushaho kubegera mu ngo zabo tukabahugura uburyo bakwita ku buzima bwabo.”

Munyaneza Faustin, avuga ko nyuma y’aya mahugurwa ahawe yo kwigisha abantu uko bafata neza ubuzima bwabo bagira isuku kandi bategura indyo yuzuye,agiye kujya ajya muri buri rugo,kandi ngo hari byinshi bizahinduka.

Kuba kandi imyunvire ya bamwe mu baturage izahinduka byemezwa n’umunyamabanga nshingwabikorwa w’umurenge wa Rukozo,Musabyimana Ferdinand.

Avuga ko nyuma y’aya mahugurwa abajyanama b’ubuzima bamenye byinshi,ngo nabo bakaba bagiye kwegera abaturage bakabigisha,bityo  bakazafasha abaturage nk’uko basanzwe babikora.

Imiryango ikennye iri gufashwa kurwanya imirire mibi

Burera: Imiryango ikennye iri gufashwa kurwanya imirire mibi

Tags: , , , , , , , , , ,


Imiryango ikennye iri gufashwa kurwanya imirire mibi

Bamwe mu baturage bo mu karere ka Burera bafite imiryango ikennye, igaragara mo ikibazo cy’imirire mibi bari gufashwa, bahabwa amatungo magufi ndetse banasobanurirwa uburyo bagomba kwirinda icyo cyibazo bahinga akarima k’igikoni.

Partners In Health: Inshuti Mu Buzima, ibinyujije muri porogaramu yayo yo kwihaza mu biribwa (Food Security) niyo ifasha iyo miryango y’abatishoboye bari mo abafite ubwandu bw’agakoko gatera SIDA.

Tariki ya 05/06 ndetse na tariki 07/06/2013, imiryango igera kuri 30 yahawe intama indi nayo ihabwa ibikoresho byo kubafasha mu buhinzi kugira ngo bazabone uko bahinga imboga mu mibande ndetse no mu karima k’igikoni.

Nzabonimpa Ezechiel, umwe muri abo baturage, uturuka mu murenge wa Butaro, avuga ko intama yahawe izatuma abona ifumbire yo gufumbiza akarima k’gikoni ke bityo ahangane n’imirire mibi.

Agira ati “Iyi ntama izamfasha ku gafumbire, nyabuneka rwose ngize n’amahirwe yabyara nkoroza n’undi muntu mugenzi wanjye. Kandi nkabona n’imboga n’imirire ikiyongera n’abana bakarya.”

Imiryango ikennye iri gufashwa kurwanya imirire mibi 2

Undi muturage witwa Uwihoreye Sylverie avuga ko Partners In Helth yatumye abasha kurwanya imirire mibi kuburyo ngo yamenye guhinga akarima k’igikoni, aho yeza imboga akazirya ndetse akazigurisha akabasha kubona icyo azirisha.

Akomeza avuga ko kuba yahawe intama bizatuma abona ifumbire nyinshi bitume ahinga n’imboga nyinshi.

Agira ati “Nta fumbire nari mfite ihagije. Nari ndagiye intama y’umuturage, undi wo hirya ngo mbone ifumbire. Ariko Imana ikoresheje abo yaremye bampaye intama kandi nabo ibongerere, ibakubire karindwi.”

Abo baturage bafashijwe bavuga ko ibyo bahawe bazabifata neza kugira ngo bikomeze bigabanye imirire mibi mu miryango yabo.

Kuva mu bukene

Nsabuwera Vincent, ushinzwe porogaramu yo kwihaza mu biribwa muri Partners In Helth, avuga ko abo baturage bafashije baba baragiye kwivuza bikagaragara ko bafite ikibazo cy’imirire mibi.

Akomeza avuga ko Partners In Helth yabegereye ikabafasha, igera no mu miryango yabo kugira ngo barwanye igitera abo baturage uburwayi buturuka ku mirire mibi, aho bigishijwe guhinga imboga, zo muti woroshye wo kurwanya iyo mirire mibi.

Nsabuwera akomeza avuga ko intama bahaye abo baturage ari izo kubafasha muri ubwo buhinzi bwabo ndetse no kubafasha kuva mu bukene.

Agira ati “Izi ntama twabahaye ni ukugira ngo babashe kubona agafumbire, babashe no kongera umusaruro w’ubuhinzi bafite mungo zabo…imizi y’ubukene ni nayo soko y’indwara zose. Umuntu atariye ejo ejobundi indwara izo arizo zose ziramuhirika.”

Akomeza avuga ko iyi progaramu yo gufasha abaturage kurwanya imirire mibi izakomeza, ikagera no mu yindi miryango yo hirya no hino mu karere ka Burera.

Ubuyobozi bw’akarere ka Burera buhora bushishikariza abatuye ako karere kurwanya imirire mibi, aho basabwa kugira akarima k’igikoni mu ngo zabo. Gusa ariko iyo utembereye mu miryango imwe n’imwe yo muri ako karere usanga nta turima tw’igikoni tuharangwa.


 

Related sites

jaguar cars jaguar, jeep, kia