Posted on 26 February 2012
Tags: abacitse, abaturage, cyo, gikorwa, icumu, igikorwa, Jenoside, Muko, murenge, Rwanda genocide survivors, rwanda Gicumbi, Rwanda Girinka, ubuyobozi
Abaturage bitabiriye icyo gikorwa
Ubuyobozi bw’umurenge wa Muko mu karere ka Gicumbi, tariki 23/02/2012, bwakoze igikorwa cyo kujonjora abacitse ku icumu rya Jenoside batishoboye bazahabwa inka muri gahunda ya girinka munyarwanda.
Iki gikorwa bagifashijwemo n’ubuyobozi bw’umuryango urengera abacitse ku icumu rya Jenoside yakorewe abatutsi mu Rwanda bo mu murenge no mu tugari ndetse n’abaturage kuko aribo babazi neza; nk’uko byasobanuwe n’ushinzwe imibereho myiza mu murenge wa Muko, Nzabandora Fabien.
Uretse kujonjora abatishoboye, hanakozwe igikorwa cyo gutora komite nshya y’abacitse ku icumu yo mu murenge wa Muko.
Dusengimana Vanancie n’umupfakazi wabuze umugabo n’abana ndetse n’abavandimwe be muri Jenoside aravuga ko naramuka ahawe inka bizatuma abasha kwiteza imbere dore ko yarabayeho mu buzima bugoranye.
Posted on 26 February 2012
Tags: Abahawe, bafite, bahawe, bishimiye, igikorwa, imirire, inkoko, mibi, nyabihu, Rwanda chickens, Rwanda helping the poor, Rwanda Nyabihu, Rwanda social welfare, yabo
Abahawe inkoko bishimiye igikorwa bakorewe
Abantu bagera kuri 40 bo mu Murenge wa Jenda mu karere ka Nyabihu bafite ikibazo cy’imirire mibi bahawe inkoko, tariki 24/02/2012, kugira ngo zijye zibafasha kurwanya imirire mibi mu miryango yabo. Amagi zizajya zitera bazajya bayakoresha mu kunoza imirire yabo.
Abahawe ayo matungo bishimiye cyane igikorwa bakorewe banavuga ko bagiye kwita ku nkoko bahawe bakurikije amabwiriza veterineri w’akarere ka Nyabihu, Shingiro Eugene, yari amaze kubatangariza mu itangwa ry’ayo matungo.
Ushinzwe imibereho myiza mu murenge wa Jenda yasabye abaturage gufata neza amatungo bahawe no kuyabyaza umusaruro mu rwego rwo kuzamura imibereho yabo.
Ibikorwa byo kurwanya imirire mibi hirya no hino muri Nyabihu bikomeje hatangwa amata ku bana bafite iyo mirire ariko hanakorwa ibikorwa byo kuyirwanya hatangwa inama ku miryango ifite icyo kibazo cy’imirire mibi.
Ikibazo cy’imirire mibi ni kimwe mu bibazo byitaweho cyane mu gukemurwa mu karere ka Nyabihu. Bumwe mu buryo bukoreshwa harimo guha amata abana bafite icyo kibazo cy’imirire mibi, kwigisha uburyo hategurwa indyo yuzuye, guha amatungo imiryango ifite ibibazo by’imirire mibi n’ibindi.
