Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Abashinzwe imibereho myiza ku mirenge no ku tugari tw’Akarere ka Nyabihu basabwe gukusanya amakuru ku birebana n’amazu yubakiwe abacitse ku icumu n’abandi bakene ngo azakosorwe ibibazo azaba afite.

Mu nama igamije kubarura amazu y’abacitse ku icumu n’abandi batishoboye yubatswe kuva mu mwaka w’1996-2007 yabereye mu karere ka Nyabihu kuri uyu wa 23/05/2012 ,Gihana Regis umukozi muri FARG ushinzwe amacumbi,yatangarije abashinzwe imibereho myiza y’abaturage ku mirenge,ku kagari no ku rwego rw’akarere ka Nyabihu ko ikigamije mu ibarura ry’amazu yubakiwe abacitse ku icumu n’ abatishobyoye muri buri ntara ,ari ukugirango hasuzumwe ibibazo ayo mazu afite  ,ibikeneye gukorwa kuri ayo mazu ngo abe yuzuye bityo ba nyirayo bayabemo nta bibazo byo kuvirwa,impungenge ko yasenyuka n’ibindi bafite.

Gihana Regis ushinzwe amacumbi muri FARG avuga ko gahunda yo gusana amazu no gukosora ibibazo azaba afite bizatangirana n’ingengo y’imari y’umwaka utaha wa 2013

Gihana Regis,ushinzwe amacumbi muri FARG yakomeje avuga ko ,gukora iri genzura ry’amazu muri buri Ntara zigize u Rwanda ari icyifuzo cyasabwe na SENA y’ u Rwanda, igasaba Guverinoma ko yasuzuma amazu y’abubakiwe batishobye, barimo abacitse ku icumu rya Jenoside, abimuwe Tanzaniya, n’abandi bubakiwe batishoboye kugira ngo abashinzwe imibereho myiza y’abaturage ku tugari no ku mirenge ayo mazu agiye aherereye mo bakurikirane ayo mazu yagiye yubakwa kera, ibibazo afite, imibereho ya ba nyirayo, icyo bayakozeho nk’abagenerwabikorwa, n’ibindi bibazo ayo mazu yaba afite kugirango ayo makuru yose akusanywe, amazu akeneye gusanwa asanwe, akeneye gusakarwa asakarwe, ayasenyutse abe yakubakwa ,afite ibindi bibazo bikosorwe bityo abayatuyemo bayabemo nta kibazo afite kandi nta mbogamizi bibateye.

Iki gikorwa kikaba kizakorwa mu Ntara zose z’igihugu,kikaba cyaratangiriye mu Ntara y’I Burasirazuba ,kuri uyu wa 23/05/2012 kikaba cyakomereje mu Ntara y’I Burengerazuba aho abashinzwe imibereho myiza y’abaturage bo mu tugari n’imirenge igize akarere ka Nyabihu,basabwe kubarura no gukusanya amakuru akenewe kuri ayo mazu, bakaba bayagejeje ku babishinzwe mu minsi itarenze 3 uhereye kuwa 24/05/2012. Nyuma y’ibarura mu Ntara y’I Burengerazuba, iki gikorwa kikazakomereza mu Ntara y’amajyepfo, nyuma mu y’Amajyaruguru nk’uko Gihana Regis yakomeje abitangaza.

Kugira ngo ibikorwa byo kubarura aya mazu n’ibibazo afite bigende neza, inzego z’umutekano nka Police, Ingabo, ubuyobozi bw’akarere bushinzwe imibereho myiza, uhagarariye IBUKA mu karere, n’ubuyobozi muri rusange bukaba bwiyambajwe mu gukora isuzuma ry’amakuru azajya aba yatanzwe n’abashinzwe gukusanya amakuru y’ayo mazu ku rwego rw’utugari n’imirenge. Bikaba biteganijwe ko igikorwa cyo gusana no gukemura ibibazo bazasanga kuri ayo mazu kizatangirana n’ingeno y’imari y’umwaka utaha nk’uko Gihana Regis yabigarutseho.

Inka 9 nizo zahawe abacitse ku icumu rya Jenoside batishoboye

Mu rwego rwo gufasha Abanyarwanda kwikura mu bukene,kugira imirire myiza no kwizamura muri rusange;inka 9 zatanzwe na FARG” Ikigega gitera inkunga abacitse ku icumu rya Jenoside” mu mirenge ya Mukamira ndetse na Kintobo zihabwa abacitse ku icumu rya Jenoside batishoboye kuri uyu wa 17/05/2012.

Mu murenge wa Mukamira hatanzwe inka 6 naho mu wa Kintobo hatangwa inka 3 nk’uko Rwamucyo Francois ushinzwe imibereho myiza y’abaturage muri Nyabihu yabidutangarije. Abahawe inka bakaba barasabwe kuzifata neza” kuzororera mu biraro, kuziha ubwatsi, kuzivuza igihe zarwaye n’ibindi”; bakazaharanira ko zatanga umusaruro zitegerejweho, bityo nabo bakazaziturira bagenzi babo.

Abategarugori bo mu karere ka Gisagara baributswa ko ari bo bagomba gukemura ikibazo cy’imirire mibi kirangwa mu ngo zabo kuko n’ubundi ari bo bita ku mirire y’imiryango yabo.

Abagore bo mu mashyirahamwe atandukanye muri Gisagara

Bizwi ko mu muryango nyarwanda ari umugore umenya ibyo mu rugo cyane cyane ibijyanye n’imirire akaba ariyo mpamvu ari nabo bigarukaho iyo barwaje bwaki cyangwa izindi ndwara zose zishobora guterwa n’imirire mibi.

Umuyobozi w’akarere wungirije ushinzwe imibereho myiza Donatille Uwingabiye aramenyesha abategarugori b’aka karere bose ko igikoni cy’umudugudu bashyiriweho atari icy’umurimbo kandi ko ibyo bahigira atariho bagomba kubisiga ko ahubwo ari ibigomba kubafasha iwabo mu ngo.

Arabibutsa kandi ko imirire mibi bitavuga gusa indyo itarimo intungamubiri gusa ko ahubwo ko n’isuku iri mu byo baba babwirwa kandi ko isuku nke nayo iri mu bitera indwara.

Barasabwa rero kujya bagira isuku mu bikoni byabo ndetse bakanibuka buri gihe gusukura ibiribwa bategura n’ibyo babigaburamo bikoga bikanahanagurwa neza .

Aba bategarugori byagaragayeho ko bakunda gukora imirimo y’urugo bakita ku miryango yabo ariko bo bakiyibagirwa barasabwa kujya nabo bita ku magara yabo cyane cyane ko bizwi ko amagara y’umugore iyo atitaweho neza bahura n’ibibazo byinshi.

Imirire myiza rero izagerwaho bihereye ku isuku ku bantu n’ibintu ndetse hatibagiwe amafunguro afite ibitunga umubiri nyabyo.

Mu muganda w’impera z’ukwezi kwa Mutarama 2012, mu karere ka Musanze, murenge wa Cyuve, mu kagali ka Cyanya, hahomwe amazu 14 abadepite bubakiye abatishoboye ndetse banashyikiriza abandi baturage batishoboye inka 14 zizabafasha kuryanya imirire mibi.

Abaturage bashimye ibikorwa by’abadepite byegera abaturage kandi bagahura nabo mu kubafasha kuzamura imibereho. Abo baturage bavuga ko guhura n’intumwa za rubanda mu bikorwa by’umuganda bituma baganira bakungurana ibitekerezo bikorohera n’intumwa za rubanda gutumikira abaturage no kubahwitura.

Abaturage bashima Perezida Kagame wazanye gahunda yo kurwanya ubukene abaturage babigizemo uruhare bihutisha iterambere.

Kabalisa Evariste, Vice Perezida w’inteko ishinga amategeko umutwe w’abadepite, yavuze ko inka zatanzwe zaguzwe n’abadepite mu kwifatanya n’abaturage kubageza ku iterambere n’imibereho myiza kandi gahunda yabo ikaba ijyanye no kurwanya imirire mibi no gufasha abaturage kugira imibereho myiza.

Mu biganiro bya nyuma y’umuganda, abana bahawe amata mu rwego rwo kurwanya imirire mibi. Minisitiri w’ibikorwaremezo, Eng. Nsengiyumva Albert, yashishikarije ababyeyi kumva ishingano bafite mu kwita ku mirire myiza y’abana bahabwa indyo yuze kugira ngo bakure neza kandi bashobore no gutekereza neza.

Minisitiri Nsengiyumva yibukije ababyeyi ko imirire mibi itadindiza umwana mu gukura gusa ahubwo ko inadindiza umwana mu mitekerereze. Aha yavuze ko mu Rwanda imirire mibi idaterwa n’ibura ry’ibiryo ahubwo ko ari umubenyi bucye bw’ababyeyi.

Umurenge wa Cyuve ni umwe mu mirenge year cyane ariko ugaragaramo ikibazo cy’imirire mibi. Mu mwaka wa 2011uyu murenge wagaragayemo umubare munini w’abana bafite ikibazi cy’imirire mibi.