Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

The administration of Nyanza District have initiated a program of making people with disabilities become independent and be able to support themselves without relying on the alms given to them through begging  as what has been the matter.

People with disabilities in training

This program will bring together people with disabilities by forming cooperatives and advocate for them as Emmanuel Karabayinga the official in charge of issues of people with disabilities in Nyanza district explained.

“In Nyanza district, we have already formed 12 cooperatives for people with disabilities, some of them have been advocated for and they already got funds to help them support themselves” says Emmanuel Karabayinga.

‘COCUNYA’, ‘Abakundana Rwabicuma’ and ‘Abadahemukirana ba Mukingo’ cooperatives among the 12 cooperatives for people with disabilities have already been sponsored. Since the beginning of 2013, these 3 cooperatives have been given Rwf6.1million as a supporting fund.

Apart from finding these cooperatives financial support to be able to support them, people with disabilities are trained to increase their capabilities especially in management of cooperatives and in other different skills depending on each individual’s capacities.

Ubuyobozi bw’akarere ka Nyanza bwatangiye uburyo bwo kwegera abafite ubumuga kugira ngo bafashwe kwifasha bityo bibarinde umuco wo gusabiriza nk’uko byagiye biranga bamwe muri bo mu gihe cyo ha mbere.

Bumwe muri ubwo buryo bwo kubafasha bwakoreshejwe ni ukubabumbira mu makoperative bakabegeranya kugira ngo byorohe kubakorera ubuvugizi ariko bari ahantu hamwe hazwi babarizwa nk’uko Karabayinga Emmanuel umukozi w’akarere ka Nyanza ushinzwe gukurikirana ibibazo byabo abitangaza.

Amwe mu mahugurwa bahawe yo kubafasha kwifasha

Mu kiganiro yasobanuye  ko hamaze gukorwa byinshi bigamije kuzamura imibereho myiza n’ubukungu bw’abafite ubumuga. Abivuga atya: “ Ubu mu karere ka Nyanza twatangiye amakoperative 12 yibumbiwemo abafite ubumuga ndetse amwe muri yo yakorewe ubuvugizi abona inkunga yo kubafasha kwifasha”

Nk’uko akomeza  abitangaza amwe mu makoperative yamaze kubona ubufasha mu karere ka Nyanza harimo iyitwa COCUNYA, Abakundana Rwabicuma n’Abadahemukirana ba Mukingo.

Karabayinga Emmanuel avuga ko ayo makoperative amaze guhabwa miliyoni 6 n’ibihumbi 100 kuva mu ntangiriro z’umwaka wa 2013.

Uretse kubashakira iyo nkunga yo kubafasha kwifasha, banahabwa amahugurwa yo kubongerera ubushobozi mu birebana n’imicungire y’amakoperative.

Ibi kandi bijyana no kubaha amahugurwa yo kubaka ubushobozi bwa komite zabo bibumbiyemo hakurikijwe ibyo bafitiye  ubushobozi bwo kwishoboza.

Munama yahuje guverineri w’intara y’Iburengerazuba Kabahizi Celestin, abaturage n’abayobozi bo mu murenge wa Ngororero mu karere ka Ngororero, guverineri Kabahizi yihanangirije abayobozi b’inzego z’ibanze kutongera kwishyuza amafaranga ya MUSA (Mutuelle de Sante), hakoreshejwe ingufu zidateganywa n’amategeko.

Guverineri kabahizi yihanangirije abayobozi kudahutaza abaturage

Muri iyo nama abaturage bo mu murenge wa Ngororero bafashe ijambo maze babwira umuyobozi w’intara ko abayobozi babo baza kubaka amafaranga y’ubwisungane mukwivuza bayabura cyangwa basanze ba nyir’urugo badahari bagatwara amatungo yabo kubayafite.

Abenshi muri abo baturage bavuga ko bafiriwe amatungo ngo ntiyari ayabo ahubwo ni ayo baragijwe, kuburyo banyirayo bajya kuyagombora batanze amafaranga ngo yitwa ay’umushumba, kandi batarabaragije.

Guverineri kabahizi akaba yabwiye abayobozi b’akarere n’abandi bakorana munzego zo hasi ko ibyo bitemewe, hakaba hagomba gukoreshwa uburyo buteganywa n’itegeko rigenda ubwisungane mukwivuza.

Abayobozi bo mumirenge, utugari n’imidugudu nabo bakaba bagaragaza impungenge z’uko hari abaturage banga gutanga amafaranga kubushake ndetse hakaba n’abagandisha abandi muri iyo gahunda. Umuyobozi w’Intara y’Iburengerazuba akaba yasabye abo bayobozi kwifashisha amategeko, asaba n’abaturage kwishyura ubwisungane mukwivuza kuko aribo bifitiye inyungu.

Uyu mwana bakunze kwita sagatwa afite imyaka 13 ariko ntiwabimenya
Amaze imyaka irenga ibili yarataye iwabo

Uko umujyi wa Kibuye ugenda ukura ni ko abana b’inzererezi bagenda barushaho kuwugaragaramo, ariko ubuyobozi buravuga ko iki kibazo buzakigaho kuri uyu wa kabili mu nama yaguye y’umutekano y’akarere ka Karongi kuko nabwo bwemera ko gikabije.

Abana b’inzererezi n’ubwo bataraba benshi mujyi wa Kibuye, usanga bateye ikibazo kubera ko basabiriza abahisi n’abagenzi bigatuma abantu bahagenda binuba. Hari n’igihe bo ubwabo birwanira ugasanga bateje umutekano muke w’aho bari.

Inzererezi zikunze kwibanda ahategerwa imodoka zijya cyangwa ziva Kigali (Impala & Capital) kuko ari ho hakunze guhurira abantu benshi barimo n’abanyamahanga bigatuma abantu binuba kuko babatesha umutwe babiruka inyuma babaka amafaranga.

Umunyamabanga nshingwabikorwa w’umurenge wa Bwishyura aho umujyi wa Kibuye ubarizwa (Niyonsaba Cyriaque) yavuze ko ejo kuwa kabili (05-02-2013) iki kibazo kiri ku murongo w’ibizigirwa mu nama y’umutekano yaguye y’akarere.

Abana b’inzererezi bemeye kuganira natwe bavuga ko bataye iwabo kubera ubukene. Umwe muri bo bakunze kwita Sagatwa kubera ko akomoka ku bahejwe inyuma n’amateka, nta se afite ariko afite nyina n’abavandimwe.

Se akiriho bajyaga bazererana mu mujyi bavuza iningiri bakanaririmba, bacinya n’akadiho (intwatwa) bakabasha gukorera amafaranga. Ariko aho se atabarukiye, nko mu myaka ibili ishize, uwo Sagatwa w’imyaka 13 y’amavuko – nubwo utayimukekera -  yahise yibera inzererezi na n’ubu.

Amaze imyaka ibili yibera mu mujyi n’abandi bagenzi be batanu badatana. Usanga kenshi birarira mu mazu ataruzura, bwacya bakirirwa bazerera umujyi basaba umuhisi n’umugenzi. Ubuzima bwabo muri rusange ni nk’ubw’inyoni yaritse ku nzira kuko nk’uko babyivugira, hari igihe bamara n’iminsi itatu nta giceri babonye.

Kuryama nabyo ni ubufindo dore ko barara ku makarito bakiyorosa amagunira mu gihe abandi bana bo mu kigero cyabo baba bari iwabo baryamye heza bariye, kandi bakajya no kwiga. Iyo ubabajije bakubwira ko badashobora gusubira iwabo kuko ngo iyo bagezeyo abafite ba se barabirukankana n’inkoni ngo nibasubire iyo baturutse.

Umwe muri bagenzi ba sagatwa avuga ko yabanaga na sekuru na nyirakuru kuva se yakwitaba Imana kandi nyina nta bushobozi afite bwo ku murera n’abandi bavandimwe be. We ngo yahunze kwa sekuru kubera ko bakunda gusinda bataha bakamukubita.

Iyo usesenguye usanga ari ikibazo ahanini kireba ababyeyi, kubera ko mu karere ka Karongi hakiri ikibazo cyo kutaringaniza imbyaro n’ubwo ubuyobozi budasiba kubibakangurira.

Ubuyobozi bw’akarere ka Karongi bwagerageje no kubaka ikigo cyakira bene abo bana bakitabwaho, ababyeyi nabo bagahugurwa, bakagirwa n’inama, uwo basanze atishoboye akamenyekana agafashwa n’abana batiga bakajyanwa mu mashuli.

Ikibabaje ariko nuko hari amakuru avuga ko mu minsi ishize hari abana 40 batorotse icyo kigo bakongera bagasubira mu muhanda. Iyo ubabajije bakubwira ko mu muhanda ari ho heza kuko babona amafaranga yo kugura ibyo batabona iwabo cyangwa muri icyo kigo. Ibyo bavuga batabona iwabo nta bindi ni amandazi, capati, ibyasigaye mu maresitora abibahera ubuntu, ndetse n’itabi kuri bamwe.

Nubwo abo mu mujyi wa Kibuye benshi bakiri bato, ariko iyo ubasanze barwana hagati yabo ubona biteye impungenge kuko nta n’umuntu ubasha kubakiranura ngo bemere. Ntibatinya no guterana amabuye kandi bakayatera batishinze ababari iruhande wagira ngo ugiye gukomakoma bakaguhindukirana.

Ni ikibazo cy’ingorabahizi kuko niba abana badashaka gusubizwa iwabo kandi bakanatoroka ikigo cyabubakiwe, leta iracyafite akazi katoroshye dore ko mu mijyi myinshi yitwa ko yateye imbere ntaho inzererezi zitaba. Henshi ndetse baba ari abantu bakuru bakora ubugizi bwa nabi batega abantu n’ibyuma bakacuza utwabo n’ushatse kwirwanaho akaba yahasiga ubuzima. Igihe kirageze ngo ubuyobozi bushakishe umuti urambye w’ikibazo amazi atararenga inkombe.

Ingeso yo kwirirwa mu myanda bashakamo ibintu bitandukanye nk’amacupa ya parasitiki (plastic) ibikoresho by’ibyuma bizwi ku izina ry’ Injyamani ndetse n’utundi tuntu utaretse n’ibiribwa byajugunywe ikomeje kugenda ikura hirya no hino cyane cyane kubana bakiri bato.

Kuri ubu, iyo ngeso yo kwirirwa mumyanda ikaba isa n’iyabaye umuco kubana ndetse n’abanyeshuli ngo baba bashakisha aho bakura amafaranga nyamara bahakura ingaruka zikomeye zirimo indwara zitandukanye.

Nyamara umuti wafasha guca iyo ngeso itajyanye n’igihe abana b’abanyarwanda bagezemo usanga waboneka mungo cyangwa mubigo bitandukanye harimo n’amasoko. Kuri ubu, hari ba rwiyemezamirimo batwara imyanda kuburyo bwizewe kandi bakayijyana ahantu hizewe yamaze no kuvangurwa kuburyo abatuye mumijyi bayobotse abo bantu byaba igisubizo.

Ikindi ni uko ibigo binini bikwiye kugira gahunda yo gufata imyanda yabyo no nkuko bikorwa mubitaro n’ibigonderabuzima, cyangwase bakubakira neza ahantu bayimena kuburyo umuntu adapfa kuhinjira, ariko ibi usanga byarananiranye cyane cyane mumasoko.

Ababyeyi n’abandi bantu bakuru batuye mumijyi aho iyi ngeso igaragara kurusha mucyaro, bagombye kujya babaza abana babo aho bakuye ibikoresho bazanye cyangwa amafaranga igihe babigurishije, kandi ingeso abantu bakuru bafite yo gutanga uducupa tw’amazi kubana bato batubasabye nayo igahagarara naho ubundi ingamba Leta yafashe yo kugabanya indwara ziterwa n’umwanda yakomeza kubangamirwa.

Buri munyarwanda arakangurirwa  kwamagana akato kagirirwa abafite ubumuga kuko bafite ubushobozi nk’abandi. Ibi byavuzwe  na minisitiri w’umutekano mu gihugu Mussa Fazil Harerimana,  mu muhango wo kwizihiza umunsi mpuzamahanga wahariwe kwita ku bafite ubumuga mu karere ka Gisagara mu murenge wa Nyanza.

Minisitiri w’umutekano mu gihugu Sheikh Mussa Fazil Harerimana, asura Gisagara

Hasozwa iminsi16 yahariwe kwita ku bikorwa byo kuzirikana abafite ubumuga mu karere ka Gisagara , hizihijwe n’umunsi mpuzamahanga wahariwe kwita kubafite ubumuga. Uyu muhango wabimburiwe n’igikorwa cy’umuganda rusange abaturage bafatanije n’abafite ubumuga, hahingwa ubuso bwa hegitari 5 zizahingwaho soya, hacukurwa n’imirwanyasuri kuri hegitari 5.

Abafite ubumuga bahawe umwanya wo kugaragaza ibikorwa by’indashyikirwa amakoperative yabo yagezeho ndetse n’ impano bafite.  Umwe mu bafite ubumuga ,umukecuru Anna unafite abana bafite ubumuga arera,yatanze ubuhamya  bw’imibereho y’abafite ubumuga mu gihe cyo hambere mu Rwanda ,avuga ko bari barahejwe koko. Yashimye leta y’ubumwe bw’abanyarwanda uburyo yahaye abafite ubumuga agaciro, bakaba bumva ko ari bantu bashoboye nk’abandi ,mu gihe mbere bitabagaho.

Ati “Mbere nta wigaga, none ubu twahawe ijambo twicarana n’ibikomangoma, jye ndashimira Leta y’ubumwe yaduhaye ijambo”

Nubwo hishimirwa agaciro bahawe hakaba hari n’amategeko abarengera, abafite ubumuga basanga hakiri imbogamizi ngo bagere kubyo bifuza. Muri zo hari ibikoresho byabugenewe bibafasha mu burezi bikiri bike,kubona insimburangingo ku buryo bworoshye, kugera mu nyubako zimwe na zimwe bifuzamo servisi, n’ibindi.  Perezida w’inama y’igihugu y’abafite ubumuga Rusiha Gaston, avuga ko amategeko abarengera asobanutse, ngo ariko igisigaye ni imyumvire y’abantu ku gira ngo bayashyire nu bikorwa uko bikwiye. Ngo hazakomeza gukorwa ubuvugizi kugira ngo buri wese yumve ko abafite ubumuga bafite ubushobozi nk’ubw’abandi.

Minisitiri w’umutekano mu gihugu Sheikh Mussa Fazil Harerimana wari umushyitsi mukuru muri uyu muhango, yashimiye akarere ka Gisagara uruhare rukomeye kagira mu guha agaciro n’ubushobozi abafite ubumuga maze nabo bagahesha ishema akarere. Yavuze ko mu bibazo bagaragaje hazakomeza gukorwa ubuvugizi ngo bikemuke, asaba buri wese kwamagana akato gakorerwa abafite ubumuga.

Ati “Ndasaba buri munyarwanda kwamagana akato gakorerwa abafite ubumuga, hari ababaheza mu bintu bitandukanye ariko bagomba kumva ko uwaturemye twese ari umwe, nabo barashoboye kandi ni abantu nk’abandi.”

Muri uyu muhango wo gusoza iminsi 16 yahariwe kwita kubafite ubumuga, wabaye n’umwanya wo kwishimira ibikombe byatwawe n’ikipe y’abafite ubumuga ya sitball mu mwaka ushize.

Kuri iki cyumweru tariki ya 20 z’ukwezi kwa mbere /2013, mu karere ka Rulindo bizihije umunsi mpuzamahanga w’ababana n’ubumuga .

Imihango yo kwizihiza uyu munsi ikaba yabereye mu murenge wa Cyinzuzi, aho abayobozi mu nzego zitandukanye zigize akarere bateranye ,bakaganiriza, ndetse bakanasabana n’ababana n’ubumuga butandukanye.

Nk’uko byagiye bigarukwaho n’abavuze amajambo bose, ngo   abamugaye ntibagomba kwiheba no kwivangura mu bandi, kuko nabo ari abantu bashobora gukora nk’iby’abandi bantu batabana n’ubumuga bashobora gukora.

Ni muri urwo rwego, abamugaye babwiwe ko bagomba  kwitabira gahunda za leta zose nk’abandi banyarwanda, hakurikijwe ubushobozi bwabo.

Muri ibi birori abamugaye bakaba bakinnye umukino bakina bicaye wa volley ball, aho amakipe yombi yari ahanganye yabashije kwerekana ubushobozi bwayo.

Umushyitsi mukuru wari muri ibi birori, Rusiha Gaston, akaba n’umuhuzabikorwa w’inama y’igihugu y’abantu babana n’ubumuga mu Rwanda,yabwiye abamugaye ko bagomba kwegerana bakishakira icyabateza mbere.yababwiye kandi ko n’igihugu kibazirikana.

Yagize ati ”Leta irabazirikana ibyo bigaragarira mu bikorwa byiza ibakorera, bikagaragarira mu gaciro muhabwa  kangana n’akanbandi banyarwanda. Muzi neza ukuntu leta ya mbere itigeraga iha agaciro abamugaye mu gihe cya mbere ya jenoside.”

Rusiha kandi yakomeje abwira ababana n’ubumuga ko hari byinshi bashoboye, ko igihugu kibatezeho byinshi, haba mu bitekerezo ndetse no mu bikorwa. Bityo ngo ntibagomba guheranwa n’ubumuga, ahubwo bagomba gukora kugira ngo biteze imbere.

Umuyobozi w’akarere ka Rulindo Kangwagye Justus nawe yashimiye abamugaye babashije kwiteza imbere .

Yagize ati ”ndashima cyane ababana n’ubumuga babashije kwiteza imbere ,bakora ibintu bitandukanye byababyariye inyungu. Ababana n’ubumuga namwe muri abantu nk’abandi kandi mukeneye kubaho neza. nimugerageza leta nayo izababa hafi kandi byose bizagenda neza.”

Muri ibi birori abamugaye bakaba bamurikiye abari aho ibikorwa byabo, birimo ibijyanye n’ubuhinzi hamwe n’ubudozi.

Umunsi mpuzamahanga w’abamugaye watangiye kwizihizwa mu mwaka w’1992 ku isi hose. Mu Rwanda watangiye kwizihizwa mu mwaka w’2004. Ku rwego rw’igihugu uyu munsi mpuzamahanga w’abamugaye wizihijwe tariki ya 3 ukuboza, 2012.

Naho ku rwego rw’akarere ka Rulindo, uyu munsi ukaba wizihijwe tariki ya 20/1/2013.

After the 1994 genocide against the Tutsis  left  massive dead, disabled, crushed and lonely, while some  survivors were left with scars and trauma   especially women and young girls who were raped. It has been learnt that some of those victims need urgent medical care.

Jeanne Marie Claudine Umurisa, survivors representative in Bushoki Sector

 Some of the survivors who were affected so negatively developed chronic diseases and most of them need medical attention especially since the available medical services have been given to those with physical illness unlike those with illness not seen physically as Jeanne Marie Claudine Umurisa the representative of genocide survivors in Bushoki sector in Rulindo district explained.

“I do not want to say that our members are not medically cared for but there are those who are have never been given the attention they deserve. Some of the women who were raped during the genocide have not been cared for as they should especially those without physical wounds.” Umurisa was quoted to say.

“I was raped by men I cannot tell how many, they tore me inside and infected me with HIV/AIDS, I am now disabled and cannot do anything on my own, I get ARV’s for AIDS but I am suffering very much,” said one of the survivors who preferred anonymity.

She went on to say that she deserves special treatment of which she cannot provide for herself because of her financial situation.

Though most of the genocide survivors are still facing the effects of the tragic massacre of the 1994, the genocide survivors in general appreciate the government of Rwanda for being considerate and putting their needs first everyday for the last 18 years.

They say that a lot have changed in their lives, socially, economically and physically for the last 18 years, things they never thought were possible.

The examples of such things include Unity and Reconciliation program which enabled them to forgive and leave with people who perpetrated genocide against them, forming cooperatives to get closer to each other and being able to work towards development.

Nyuma ya jenoside yakorewe abatutsi mu  mwaka w’1994,hari bamwe mu barokotse iyi jenoside basanze barandujwe indwara zimwe na zimwe ,cyane cyane abadamu bagiye bafatwa ku ngufu,hari n’abandi bafite ibikomere bitandukanye byaya ibigaragara n’ibitagaragara.

Aba badamu bagiye bahura n’ibi bibazo, bavuga ko bakeneye kuvuzwa ,ngo kuko usanga n’ubuvuzi bubonetse buhabwa cyane cyane abafite uburwayi bugaragara bw’inyuma,naho abafite ubumuga bwo mu mubiri imbere ntibitabweho kandi nabo bakeneye ubufasha .

Nyamara ariko ngo ubuvuzi buraboneka n’ubwo budahagije ,kuko hari bamwe muri bo bavujwe .

Ariko cyane cyane ngo n’iyo bubonetse  buhabwa babandi bafite uburwayi bugaragara inyuma nk’uko bivugwa na Umurisa Jeanne Marie Claudine,uhagarariye abacitse ku icumu mu murenge wa Bushoki,ni mu karere ka Rulindo.

Yagize ati ”mu by’ukuri sinavuga ko abanyamuryango bacu batavuzwa ,ariko hari abantu batajya bitabwaho nk’uko bikwiye, abadamu bafashwe ku ngufu mu gihe cya jenoside ntibahabwa ubuvuzi buhagije. Abavuzwa ni  abafite ibikomere byo ku mubiri, nyamara abafite uburwayi bw’imbere nabo barababaje.”

Umudamu umwe utarashatse kwivuga, avuga ko ku bwe yumvaga ari we bakagombye guheraho bavuza ngo kuko ababaye cyane.

Yagize ati”jye nafashwe ku ngufu n’abagabo ntazi umubare .baranyangije mu nda bananteye sida ku buryo ubu ndi ikimuga kidashobora kugira icyo kimarira. mbona abavuzwa cyane cyane ari abafite ubumuga bw’inyuma. ubu nfata imiti ya sida nk’abandi bose ariko nyamara ndababaye kubarusha.”

Akomeza avuga ko yunva yahabwa ubuvuzi budasanzwe kuri ubu burwayi,ngo kandi ku bwe ntiyabasha kubyikorera kuko nta mikoro.

Ariko n’ubwo bafite ibibazo byinshi birimo n’iby’uburwayi ngo ntibabura gushimira Leta y’u Rwanda idahwema kubagaragariza ko ibitayeho umunsi ku munsi.

Bavuga ko nyuma y’iyi myaka 18 jenoside yakorewe abatutsi ibaye hari byinshi bimaze guhinduka mu buzima bwabo batakekaga ko byashoboka.

Aha batanga urugero bavuga ko ubumwe n’ubwiyunge bwabafashije ngo kuko begereye bagenzi babo mu mashyirahamwe ,bakabasha gukora no kwiteza imbere,ibyo ngo bikaba bituma badaheranwa n’agahinda.

Kugira ubumuga ntibivuga kudashobora kuko abafite ubumuga bitaweho uko bikwiye barushaho kwerekana ubushobozi bwabo. Ubu ni bumwe mu butumwa bw’umunyamabanga nshingwabikorwa  mu nama y’igihugu y’abantu bafite ubumuga, Ndayisaba Emmanuel, mu muhango wo gutangiza iminsi 16 yahariwe kwita ku bantu bafite ubumuga mu karere ka Gisagara. Iki gikorwa cyatangirijwe mu Murenge wa Muganza.

Umunyabanganshingwabikorwa w’inama y’igihugu y’abantu bafite ubumuga Ndayisaba Emmanuel

Mu rwego rwo gukomeza gushyigikira abantu bafite ubumuga, hatangizwa iyi minsi 16, abaturage b’umurenge wa Muganza bafatanije n’abafite ubumuga bakoze umuganda rusange bahinga igihingwa cy’imyumbati. Ibi byashimishije aba bafite ubumuga kuko ngo kwibona hamwe n’abandi bantu badafite ubumuga bibaha kwibona muri sosiyete bakumva badahejwe. Insanganyamatsiko y’iyi minsi 16 yo kwita ku bantu bafite ubumuga igira iti “ Dukureho inzitizi twubake sosiyeti buri wese afitemo uruhare”.

Mukurarinda Pascal umwe muri aba bafite ubumuga aragira ati “Burya ikintu cya mbere kiduca integer kikadusubiza inyuma ni ukubona abantu baduha akato, bakadufata nk’imburamumaro. Ariko iyo umuntu adusanze akatwereka ko natwe turi abantu bitwongerera icyizere kandi bikanaduha imbaraga kuko niba umuntu adafite akaguru, afite akaboko arakora, ashobora no kutagira amaguru n’amaboko ariko umutwe ukaba ukora”.

Muri  iyi minsi 16 yahariwe kwita ku bantu bafite ubumuga, mu bikorwa biteganijwe, byibanda ku iterambere ry’abantu bafite ubumuga,bagahabwa umwanya wo kugaragaza ubushobozi bafite no gukomeza ubukangurambaga, kubagitekereza ko badashoboye, imyumvire igahinduka. Umuyobozi w’akarere ka Gisagara Léandre Karekezi, yatangaje ko hari  intambwe nziza bamaze gutera, kandi bazarushaho kubatinyura igihe cyose,bakumva ko ari abanyarwanda nk’abandi. Yaboneyeho anasaba abanyarwanda baba bagifite imyumvire iheza abantu bafite ubumuga ko bayikuramo ahubwo bakabafasha kwiyubaka.

Umunyabanganshingwabikorwa w’inama y’igihugu y’abantu bafite ubumuga Ndayisaba Emmanuel, arashima akarere ka Gisagara Kadahwema kugaragaza uruhare rwako mu kwita kubafite ubumuga. Yatangaje ko abafite ubumuga ari bantu nk’abandi kandi  bashoboye.

Bwana Ndayisaba Emmanuel ati “Kubaho umuntu afite ubumuga ntibivuga ko adashoboye, gusa icyiza kigaragara ni uko abantu bagenda babyumva, ubu abana bafite ubumuga bariga mbere barahezwaga mu nzu kuko babifataga nk’igisebo, ariko mu byo Leta y’ubumwe yakoze harimo no guha abafite ubumuga ijambo kugirango biyumve ko nabo aria bantu nk’abandi, banagaragaze ko bashoboye kandi barashoboye koko”.

Mu itangizwa ry’ibi bikorwa bizamara iminsi 16, abafite ubumuga 4 borojwe inka zizabafasha kwiteza imbere.