Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Inzego z’ubuyobozi zitandukanye mu murenge wa Kanjongo ziratangaza ko zahagurukiye kurwanya ikibazo cy’ubuzererezi gikunze kugaragara muri uyu murenge ugenda ugeramo ibikorwa by’iterambere bitandukanye.

Izi ngamba zikomeye zo kurwanya ubuzererezi zikaba zifashwe mu rwego rwo gukumira ko uyu murenge ugenda utera imbere wazaba indiri y’inzererezi mu karere ka Nyamasheke.

Umurenge wa Kanjongo wo mu karere  ka Nyamasheke ni umurenge bigaragara ko ko ari uw’Umujyi muri aka karere ka Nyamasheke, ahanini kagizwe n’ibice by’icyaro.

Ubusanzwe uyu murenge ugaragaramo centre y’ubucuruzi ya Tyazo, ukabamo Ibitaro bya Kibogora, Kaminuza ya Kibogora ndetse n’uruhurirane rw’amabanki n’ibigo by’imari, bigaragara ko agenda asanganira aka gace umunsi ku munsi.

Kuri ibi hiyongeraho umuhanda wa kaburimbo umaze kugera muri uyu murenge wa Kanjongo kandi uko bigaragara ukaba ari umuhanda nyabagendwa.

Mu karere ka Nyamasheke, nta watinya kuvuga ko uyu murenge ari wo uri ku isonga mu kugira ibikorwa by’iterambere ugereranyije n’indi mirenge yo muri aka karere k’icyaro.

Kuba ibi bikorwa by’iterambere bigenda bisanganira uyu murenge, bituma n’abaza kuhashaka imirimo biyongera. Aha kandi ni na ho abandi bantu batagira imirimo bashobora guhera bahaza kugira ngo bahashakishe imirimo nk’agace bigaragara ko kagenda kaba umujyi. Nk’uko bikunze kugaragara mu mijyi itandukanye, ahabaye umujyi hakunze kugwira n’inzererezi.

Iki kibazo cy’inzererezi kikaba giteye impungenge akarere ka Nyamasheke ku buryo kigomba gushakirwa ingamba amazi atararenga inkombe.

Mu nama yahuje umuyobozi w’akarere ka Nyamasheke wungirije ushinzwe imibereho myiza y’abaturage Madame Gatete Catherine, hamwe n’abayobozi b’utugari n’imidugudu byo mu murenge wa Kanjongo, tariki ya 11/01/2013 yabibukije ko ibikorwa by’iterambere bigenda bigera muri uyu murenge bidakwiriye kuba intandaro y’ubuzererezi ahubwo ko bakwiriye gufata iya mbere kugira ngo bakumire ko byazabaho.

Abayobozi batandukanye bo muri uyu murenge na bo bemeza ko hakwiriye gufatwa ingamba zikarishye by’umwihariko bagenzura abantu binjira muri uyu murenge batahasanzwe.

Nk’umurenge ugenda ukura mu iterambere, abayobozi basanga umuntu wajya ugaragaza ko ahafite akazi atafatwa nk’inzererezi, ariko kandi ngo bagiye gushyiraho ingamba zo kuzajya baka icyangombwa abinjiye muri uyu murenge cyerekana aho baturutse n’ikibagenza kandi kikaba kiriho umukono na kashe y’akagari bakomokaho.

Kurwanya ubuzererezi muri aka gace, ubuyobozi buvuga ko byagabanya ikibazo cy’abantu birirwa ku muhanda nta cyo bakora kandi bikaba n’inzira yo kubungabunga umutekano w’abantu n’ibyabo muri uyu murenge kuko igice cy’inini cy’abagize izo nzererezi, ubuyobozi buvuga ko ari bo bashobora kwiba ibya rubanda.

Uyu ni umwe mu myanzuro yafatiwe mu mwiherero wahuje Umukozi w’Akarere ushinzwe imibereho Myiza y’abaturage Mudahogora Violette n’abakozi b’imirenge bashinzwe imibereho myiza y’abaturage n’abakozi bashinzwe amakoperative mu mirenge hagamijwe ubufatanye mu gikorwa cyo kuzamura imibereho myiza y’abatishoboye.

Mu byiciro by’abatishoboye harimo; abarokotse jenoside, Abahejwe n’amateka, Ababana n’ubumuga, Abasheshe akanguhe, Abahungutse, Abahuye n’ibiza, Abatishoboye basanzwe (nk’abantu babyarira iwabo, abacuruza imibiri yabo ugasanga bafite abana benshi, Abarwayi n’abandi).   Barebeye hamwe ibikorwa biteganyirizwa gukorerwa abatishoboye mu mirenge ku buryo bukurikira:

Mumurenge wa  Bwira hateganywa kubagurira amatungo magufi urugero  nka SUMBIRIGI,  kubabumbira mu mashyirahamwe hakurikijwe ibyiciro no  kububakira uturima tw’igikoni; hakaba hateganwa no kubabakira amacumbi. Muri gatumba kubaka amazu 5 y’abatishoboye hagakoreshwa amabati y’amakura; Kubabumbira mu makoperative cyane abana bibana n’abapfakazi; Gufasha ababana n’ubumuga;Kubakira ubwiherero abahejwe inyuma n’amateka; Gushishikariza abana b’abahejwe n’amateka kwitabira ishuri

Mu murenge wa Hindiro ho bazaha imiryango 83 amatungo magufi; Gufasha imiryango 700;  Kubaka amzu 7 y’abatisjhoboye; Gukurikirana ingurube zahawe abapfakazi kugira ngo bose zizabagereho. Kabaya bazatanga akazi ku bantu 200; Kubaka amazu 3; Gutanga amtungo magufi; Gutanga inka muri gahunda ya girinka; Kwibumbira mu makopretive; Kubaka uturima tw’ igikoni;Guhindura imyumvire.

Muri Kageyo bazubaka ubwiherero; Kubashyira mu ishirahamwe; Koroza abahejwe n’amateka amatungo magufi. Kavumu bazoroza abatishoboye; Kubaka uturima tw’igikoni; Kubaka ibikoni 5 by’amazu y’abatishoboye 5; Kubaka amazu 2 y’abatishoboye;Gutanga akazi.

Matyazo, Kubashyira mu makoperative( abakobwa babyariye iwabo….);  Gutanga akazi; Kubahuza n’abafatanyabikorwa batandukanye( ACD); Kubaka amazu 26 y’abantu batayafite; Koroza imiryango y’abatishoboye amatungo

Muhororo,  kubashyira muri  VUP; Gutanga akazi biturutse ku mafaranga y’ingoboka biturutse mu bimina ; Koperative y’ababana n’ubumuga; Kubaka inzu 1 y’umuntu utishoboye; Gushyiraho amakoperative 3 imwe igizwe n’abantu 20 mu tugari 3 kugira ngo bazivane mu bukene ; Kubaka inzu imwe muri buri kagari; Gushishikariza abaturage kwitabira SACCO kugira ngo baguzemo amafaranga babone uko biteza imbere

Muhanda,  kubakira imiryango 18 y’abahejwe n’amateka ; Guha akazi abatishoboye 200  muri gahaunda ya VUP; Koroza imiryango y’abatishoboye binyuze muri gahunda yo kuzitura; Kubaka uturima tw’igikoni

Ndaro, guha akazi abantu 800 binyuze muri VUP; Gufasha abasheshe akanguhe 150 muri gahunda ya VUP; Kubakira imiryango 17 y’abatishoboye no kubub akira ubwmiherero; Gushyira abahejwe n’amateka mu makoperative ; Gukorera ubukwe imiryango y’abahejwe n’amateka  ku miryango izasezerana

Ngororero,  Kububakira amazu 7;  Kuzitura amatungo magufi; Gushyiraho kopertive 2 imwe y’abahejwe n’amateka n’ ababana n’ ubumuga ;Guha akazi abantu 600 binyuze muri gahunda ya HIMO

Nyanjye kuzamura imiryan go y’abatishoboye ikaza mu midugudu; Kubakira abahejwe n’amateka imiryango 2,Kubakira umupfakazi 1; Gutanga amatungo magufi biturutse mu misanzu ivuye mu baturage ;Gahunda ya Sasa neza kugura amatela 70; Gushyiraho amakopretive y’abahejwe n’ amteka n’Abana n’ubwandu

Naho mu murenge wa Sovu bazashyiraho amashyirhamwe 3 y’abakora umwuga w’ uburaya, aya abacitse ku icumu n’Abahejwe n’ amateka ; Kububakira amazu (haracyakorwa identification); Guha akazi  abantu 400 binyuze muri gahinda ya HIMO; Gukora uturima tw’igikoni.

Abari mu mwiherero basabwe kugaragaza vuba Imishinga ya za  koperative z’urubyiruko kugirango ihabwe inkunga kuko hari miliyoni makumyabiri (20,000,000) zizahabwa amakoperative y’urubyiruko.

Umuyobozi w’akarere wungirije ushinzwe imibereho myiza Nyiraneza Clothide waje gusoza umwiherero yibukije abashinzwe imibereho myiza mu mirenge ko ibyo bakora bigomba kugaragarira mu mpinduka y’imiberereho myiza y’abaturage cyane cyane abatishoboye. Yabasabye kuzashyira mubikorwa intego bihaye yo kuvana abatishoboye mu kiciro barimo ubu bakagera ku mibereho myiza nk’abandi bagenzi babo.