Tag Archive | "Rwanda aid"

m_LISP staff aid Tanzania returnees42

Nyagatare: LISP staff aid Tanzania returnees

Tags: , , , , , , , , , , ,


Employees of Livestock Infrastructure Support Program (LISP) donated clothes and food stuffs all worth Rwf2m to 29 households of Rwandans evicted from Tanzania.

m_LISP staff aid Tanzania returnees

Each of the 29 families received food stuffs and clothes

The items given to returnees included: maize flour, beans, cooking oil, salt and clothings all worth Rwf2 million to the 29 families of Rwandan returnees.

“We found it necessary to render a helping hand to our fellow Rwandans and returnees.  We thought about helping the Tanzania evictees basing on their different needs” explained Jean Baptiste Rwigema, the coordinator of LISP project.

m_LISP staff aid Tanzania returnees41

“I realized Rwandans have compassion for each other, we have been taken care of ever since we came and we are grateful for that,” said Enock Rutagonya, on behalf other returnees.

The Nyagatare district mayor, Fred Atuhe Sabiti asked the Rwandan returnees to work hard and impact their social welfare.

m_LISP staff aid Tanzania returnees42

The 29 families are temporally shelter here waiting to have their houses which are under construction soon

The mayor called upon the youth to find work to be able to plan for their lives and live well knowing the support offered to them could stop anytime.

The 29 families were temporally given shelter a waiting to have their houses which are under construction soon

LISP’s goal is to create an enabling environment to stimulate the development of a modern livestock industry in Rwanda through value addition.

The program aims at increasing access to markets in order to encourage diversification of the economy in terms of sustaining growth, creating jobs and alleviating poverty.

Abagororwa ngo bakwiye gufatwa nk’abataratawe kuko nabo ari abanyarwanda.2

Muhanga : Abagororwa ngo bakwiye gufatwa nk’abataratawe kuko nabo ari abanyarwanda.

Tags: , , , , , , , , , ,


Abagororwa ngo bakwiye gufatwa nk’abataratawe kuko nabo ari abanyarwanda. Abagororwa ngo bakwiye gufatwa nk’abataratawe kuko nabo ari abanyarwanda.1 Abagororwa ngo bakwiye gufatwa nk’abataratawe kuko nabo ari abanyarwanda.2

Nyuma y’uko gereza ya Muhanga ifashwe n’inkongi y’umuriro ibyumba by’abagabo bigakongoka, nta gikoresho na kimwe basigaranye cyabafasha mu buzima uyu munsi.

Ni nayo mpamvu itsinda ry’abagore b’ibyiringiro bo mu karere ka Muhanga bagize igitekerezo cyo kubashyikiriza inkunga irimo imyenda n’amasabune kugirango abakennye cyane muri iyi gereza batakigira utwambaro babashe kubona icyo bambara.

Umuyobozi w’abagore b’ibyiringiro mu karere ka Muhanga Mme Nyinawumuntu Jacqueline, avuga ko impamvu yatumye basura gereza bakanayigenera inkunga, ari uko gereza bayifata nk’urugo rw’abaturanyi, agira ati, « gereza ni urugo rumwe mu baturanyi kandi harimo n’abagore, kandi bagize ibyago byo guhisha ibikoresho byabo ariyo mpamvu twahisemo kubegera kuko nyuma yo gufungwa, bazasubira mu buzima busanzwe kandi bakeneye kujyana ibyiringiro mu bundi buzima ».

Abagore by’ibyiringiro ngo bafite mu ndangagaciro zabo guhumuriza abari mu kaga n’ibibazo ari nayo mpamvu bahamya ko kuba hafi y’umuntu ufunze, byamufasha gukomera no kwiyunga n’imana na bagenzi babo, ndetse no kurema ibyiringiro mu miryango.

Aba bagore bagera kuri 85 bahamya ko bashingiye ku mpano bageneye aba bafunze ngo idahagije bakaboneraho no gushishikariza abandi bifite n’ibigo kujya bazirikana imfungwa n’abagororwa kuko baba bafite ibibazo byinshi kandi bamwe muri bo batishoboye.

Umuyobozi w’akarere ka Muhanga Yvone Mutakwasuku na we uri muri aba bago b’ibyiringiro ariko akaba anayoboye akarere, avuga ko akurikije ubuhamya bw’umwe mu bafunzwe imyaka 15 akaza gufungurwa akabasha kwiteza imbere, bishoboka ko n’abandi bafunze bakwigirira icyizere bakarushaho gukomera kuko nyuma y’ubuzima barimo ngo bazasohoka kandi babasha kwiteza imbere.

Ibi ariko ngo bazabigeraho nibemera guhinduka kurusha kwikomeraho.

m_Umunyarwanda muzima ni ufasha abari mu kaga

Nyagatare: Umunyarwanda muzima ni ufasha abari mu kaga

Tags: , , , , , , , , , , ,


Nyagatare Umunyarwanda muzima ni ufasha abari mu kaga

Inkunga bahawe yiganjemo ibiribwa ( Akawunga n’ibishyimbo).

Nyagatare Umunyarwanda muzima ni ufasha abari mu kaga2

Umwe mu banyarwanda birukanywe Tanzaniya ashyikirizwa ibiribwa.

Umuco wo gufashanya wahozeho kera kandi ukwiye gutozwa n’abakiri bato. Ibi ni ibyagarutsweho kuri uyu wa 27 Nzeli ubwo abakozi b’umushinga LISP ukorera muri minisiteri y’ubuhinzi n’ubworozi bagezaga inkunga y’ibiribwa n’imyambaro ku banyarwanda birukanywe mu gihugu  cya Tanzania bari mu murenge wa Rwempasha.

Iyi nkunga yatanzwe igizwe ahanini ni ibiribwa ifite agaciro k’amafaranga y’u Rwanda miliyoni 2. Yakusanyijwe n’abakozi b’umushinga LISP-MINAGRI. Iyi nkunga igenewe abanyarwanda birukanywe Tanzaniya batuye mu murenge wa Rwempasha bagize imiryango 29.

Nk’uko byasobanuwe na Rwigema Jean Baptiste umuhuzabikorwa w’umushinga LISP ngo iki gikorwa bagitekereje nyuma yo kubona ko ubuzima aba banyarwanda babamo atari bwiza. Uretse n’ibyo ariko ngo umuco wo gufashanya wahoze mu banyarwanda kandi ukwiye gutozwa n’abakiri bato.

Rutagonya Enock uhagarariye abanyarwanda birukanywe mu gihugu cya Tanzania bari mu murenge wa Rwempasha avuga ko yasanze abanyarwanda bagira urukundo kuko kuva bakigera mu Rwanda bitaweho mu buryo bugaragara ,akaba ashimira abakomeza kubafasha mu buryo butandukanye.

Nyagatare Umunyarwanda muzima ni ufasha abari mu kaga3

Bamwe mu banyarwanda birukanywe Tanzaniya bari Rwempasha.

Umuyobozi w’akarere ka Nyagatare Atuhe Sabiti Fred we asaba aba banyarwanda birukanywe mu gihugu cya Tanzania kugira uruhare mu gutuma imibereho yabo irushaho kuba myiza baharanira kwigira. Kuri we ngo usibye abakuze ariko ngo abakiri bato batangira bagashakisha akazi kabatunga bo n’imiryango yabo. Ngo hari igihe inkunga ishobora kubura cyangwa ikaboneka itinze.

m_Umunyarwanda muzima ni ufasha abari mu kaga

Iyi miryango irimo kubakirwa ahandi ikava muri aya mabati.

Umushinga LISP usanzwe ukora ibikorwa bijyanye no  gukwirakwiza amazi mu nzuri z’abaturage.  Ibi bikorwa bikaba binyura no mu murenge wa Rwempasha. Ibiribwa byatanzwe muri rusange ni ibiro 1145 by’akawunga n’ibindi nk’ibyo by’ibishyimbo. Buri muryango kandi wanagenewe amavuta yo guteka litiro 5, umunyu, imyambaro irimo ibitenge ku badamu n’indi isanzwe yakwambarwa n’abagabo byose bifite agaciro ka miliyoni 2.

 

m_Vision Umurenge Program pushes for social-economic development

Nyamasheke: Vision Umurenge Program pushes for social-economic development

Tags: , , , , , , , ,


Residents of Jarama cell of Gihombo sector in Nyamasheke district have extolled Umurenge Vision Program (VUP) for being an answer to social and economic development.

Gihombo sector was one of the poorest sectors and that’s why it was given the first priority when VUP started. At that time, many residents were below poverty line but today many have achieved social development not to talk of accessing the loans, make profits and pay back in time.

“I am more optimistic and I am looking forward to more happy years that I did not get to enjoy due to the excruciating pain I lived in,” Chadrack Kajabo, 73, resident of Jarama cell of Gihombo explained

m_Vision Umurenge Program pushes for social-economic development

The beneficiaries of VUP direct support funds in a meeting with the district mayor

With the direct support money Kajabo receives monthly, he has built a house and owns a cow for daily milk and manure to boost his crops.

The many beneficiaries of VUP direct support formed groups and created projects that provide them income and today many residents are a decent lives.

Jean Baptiste Habyarimana, the mayor of Nyamasheke district argued beneficiaries of VUP to make use of the support they receive and develop themselves and never to go back the life of poverty they lived in before.

“Those of you who asked for loans, be trustworthy and pay back on the specified conditions so those who haven’t received could get the benefits you’re enjoying today,” explained the mayor.

The mayor noted that VUP programs operates in all sectors of Nyamasheke district.

Poor people with physical strength are employed in social works; the vulnerable receive a monthly allowance of direct support and those who form groups are given loans to invest in developmental projects.

 

 

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania2

Ruhango: Urubyiruko rwa RPF rwakoze umuganda wo gutunganya amazu y’abirukanywe muri Tanzania

Tags: , , , , , , , , ,


m_Urubyiruko rwa RPF rwakoze umuganda wo gutunganya amazu y’abirukanywe muri Tanzania

Urubyiruko ruzajya rukora imirimo nk’iyi buri gihembwe

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania1

Urubyiruko rwa RPF rurimo gusubiriza amazu y’abirukanywe Tanzania

Urubyiruko rugize urugaga rw’umuryango wa RPF-Inkotonyi mu karere ka Ruhango, kuri uyu wa Gatatu tariki ya 17/09/2014, rwifatanyije n’abaturage b’umurenge wa Mwendo mu kagari ka Kebero mu muganda wo gutunganya amazu y’Abanyarwanda birikanywe mu gihugu cya Tanzaniya.

Uyu muganda waranzwe na morale nyinshi wabonaga abawitabiriye bakorana umurava, bakavuga bishimishije kubona amaboko y’urubyiruko aza mu bikorwa nk’ibi bitakunze kuranga urubyiruko rwa mbere ya Jenoside.

Uhagarariye urubyiruko rwa RPF mu karere ka Ruhango, Bashima Hussein, avuga ko umuganda nk’uyu uzajya ukorwa buri gihembwe, mu rwego rwo gukomeza kwishakamo ibisubizo nk’urubyiruko hadategerejwe impano z’ahandi.

Rubanda Alex umwe mu birukanywe muri Tanzania, ari mu bubakirwa inzu muri uyu murenge wa Ntongwe, yavuze ko yishimye cyane kubana ukuntu iby’iciro by’abantu byose bikomeje kubitaho cyane.

Ati “twageze hano ababyeyi, abana, abayobozi, n’abandi batwereka urukundo koko. Ariko noneho ubu biraturenze kubona abasore n’inkumi zifata zikaza kutwubakira, rwose twishimiye uko u Rwanda rwacu rurimo gutera imbere”.

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania2

Nyuma y’umuganda urubyiruko rwicaye ruganira ku ndangagaciro

Mbarushimana Jean Claude ushinzwe imibereho myiza mu kagari ka Kebero, ari naho uru rubyiruko rwakoze uyu muganda, yavuze ko urubyiruko rwa RPF ari imbaraga z’igihugu, bityo kuba rwitabira ibikorwa by’iterambere ry’igihugu aribyo kwishimira.

Agasaba urundi rubyiruko kurebera kuri uru, ruharanira icyateza imbere igihugu cyabo. Mu mirimo yakozwe n’uru rubyiruko harimo gusubiriza amazu yubatswe n’ubuyobozi, kubaka imisarane, ibikoni n’ibindi.

 

m_Abirukanywe muri Tanzaniya bashima leta y’u Rwanda uburyo yubaha abanyamahanga

Rwinkwavu: Abirukanywe muri Tanzaniya bashima leta y’u Rwanda uburyo yubaha abanyamahanga

Tags: , , , , , , , , , ,


m_Abirukanywe muri Tanzaniya bashima leta y’u Rwanda uburyo yubaha abanyamahanga

Sagatwa, umunyarwanda wirukanywe muri tanzaniya

Abanyarwanda birukanywe muri Tanzaniya bagatuzwa mu murenge wa Rwinkwavu mu karere ka Kayonza ngo bishimira uburyo bakiriwe kuva bageze mu Rwanda, by’umwihariko bagashima leta y’u Rwanda ko itihimuye ku ya Tanzaniya ngo na yo yirukane Abanyatanzaniya mu Rwanda.

Abo twavuganye bavuga ko batunguwe n’uburyo bakiriwe bakanitabwaho mu buryo bunyuranye kandi bari bamaze igihe kinini bataba mu Rwanda, ndetse banirukanwa bagataha imbokoboko nyuma yo kwamburwa imitungo ya bo yose nk’uko Sagatwa Firipo watujwe mu murenge wa Rwinkwavu abivuga.

Ati “Kuva tugeze ino twakiriwe neza uhereye mu nkambi aho twari turi. Tugeze muri uyu murenge na wo udufata neza, abaterankunga hari ubwo batugemurira ibyo kurya, leta iradutangira mitiweri, twumva dushima leta y’u Rwanda. Twari tuzi ngo tuzapfa kuko twaje tutagira namba none tugenda tubona abaterankunga bakatugaburira bakadufata neza cyane”

Mu batanze ubufasha ku Banyarwanda birukanywe muri TZ bagatuzwa mu mu murenge wa Rwinkwavu harimo n’abanyeshuri biga mu mashuri makuru na za kaminuza bo mu karere ka Kayonza. Abo banyeshuri babumbye amatafari yo kubakisha amazu azatuzwamo iyo miryango igera ku munani, kikaba ngo ari igikorwa batekereje gukora mu rwego rwo gutanga umusanzu wa bo mu kubaka igihugu.

Gusa abo banyeshuri banenga bagenzi ba bo bamara kugera muri kaminuza bakumva ko babaye abantu bakomeye ntibongere kwikoza abo basize mu cyaro, bakavuga ko abakora bene ibyo bafite ikibazo cy’imyumvire nk’uko Jean Claude Niyonzima abivuga.

Ati “Kwiga ntabwo bisobanuye kwikora mu mifuka cyangwa kumva ko ukomeye, ahubwo gukomera nyir’izina ni ukugira igikorwa ugaragaza cyo gufasha abakomeye n’abari mu kaga. Naho kuvuga ko ukomeye mu magambo gusa nta cyo byaba bimaze”

Abanyarwanda birukanywe muri Tanzaniya bashima leta y’u Rwanda kuko itihimuye ku ya Tanzaniya ngo yirukane Abanyatanzaniya baba mu Rwanda, ari na byo bigaragaza itandukaniro hagati y’izo leta zombi nk’uko Sagatwa akomeza abivuga.

Mu banyarwanda birukanywe muri Tanzaniya harimo abari bamazeyo imyaka isaga 30, ku buryo bamwe bari baratuye banahafite imiryango yagutse, ariko ubwo leta y’icyo gihugu yafataga icyemezo cyo kubirukana benshi birukanywe shishi itabona ntibemererwa no gutahana imitungo ya bo cyangwa ngo bayigurishe.

 

m_Ishuli rya ESPANYA ryoroje inka umunyeshuli wagizwe imfubyi na Jenoside3

Nyanza: Ishuli rya ESPANYA ryoroje inka umunyeshuli wagizwe imfubyi na Jenoside

Tags: , , , , , , , , ,


m_Ishuli rya ESPANYA ryoroje inka umunyeshuli wagizwe imfubyi na Jenoside

Inka yorojwe umunyeshuli Mujawimana Eugenie

Ku gicamunsi cyo kuri uyu wa 02/07/2014 ishuli ryisumbuye rya ESPANYA riri mu karere ka Nyanza ryoroje inka umunyeshuli w’iki kigo wagizwe imfubyi na Jenoside yakorewe abatutsi muri Mata 1994 akaba na nyina umubyara bari basigaranye nawe aherutse kwitaba Imana mu minsi ishize.  

Uyu Mujawimana Eugenie wagabiwe iyi nka atuye mu mudugudu wa Rwesero mu kagali ka Rwesero mu murenge wa Busasamana mu karere ka Nyanza.

m_Ishuli rya ESPANYA ryoroje inka umunyeshuli wagizwe imfubyi na Jenoside1

Mujawamariya yishimira inka yorojwe

Igikorwa cyo guhitamo koroza inka uyu munyeshuli wiga mu mwaka wa gatandatu mu ishami ry’ibaruramali n’icungamutungo mu ishuli ryisumbuye rya ESPANYA cyagizwe n’abarimu b’iki kigo biyemeza kugira icyo bigomwa ku mushahara wabo kugira ngo bagire ubufasha baha umwe mu bana bigisha ubabaye kurusha abandi.

Uyu Mujawimana Eugenie niwe bose bahurijeho nyuma y’uko yari asanzwe yaragizwe imfubyi na Jenoside yakorewe abatutsi muri Mata 1994 ndetse na nyina bari basigaranye akaba aherutse kwitaba Imana agasigara ari imfubyi ku babyeyi bombi.

m_Ishuli rya ESPANYA ryoroje inka umunyeshuli wagizwe imfubyi na Jenoside2

Abarimu n’abanyeshuli ba ESPANYA ubwo bari bamaze kumusura iwe mu rugo

Umuyobozi w’ikigo cy’ishuli ryisumbuye rya ESPANYA Bwana Mudahinyuka Narcisse yavuze ko iki gikorwa cyo gufata mu mugongo imwe mu miryango y’abarokotse jenoside yakorewe abatutsi muri Mata basanzwe bagikora buri mwaka.

Yagize ati: “Uyu mwaka wa 2014 twasanze tugomba kuremera umwe mu banyeshuli bacu wari usanzwe ari imfubyi ya jenoside turera ariko mu minsi mike ishize akaba na nyina yari asigaranye aherutse kwitaba Imana ubu akaba ari nyakamwe”

“Ntabwo twigisha gusa ahubwo turanareba mu barimi bacu cyangwa mu bana turera ufite ikibazo tukimufashamo tukamufata mu mugongo tumugaragariza urukundo”- Mudahinyuka Narcisse

Umuyobozi wungirije uhagarariye ishuli rya ESPANYA imbere y’amategeko Bwana Murekezi Olivier yavuze ko uyu muco wo gutanga inka bawukura ku mukuru w’Igihugu Paul Kagame ngo cyane cyane kuri gahunda ye yatangije yiswe “ Gira inka munyarwanda”

Yakomeje avuga ko ishuli rya ESPANYA ahagarariye ryashinzwe n’ababyeyi ngo niyo mpamvu aho batari bafite  inshingano zo kuhababera bakita kubo basize nk’abana b’imfubyi baba bahuye n’ibibazo bitandukanye byo mu buzima busanzwe.

m_Ishuli rya ESPANYA ryoroje inka umunyeshuli wagizwe imfubyi na Jenoside3

Umwe mu bana bigana na Mujawimana Eugenie niwe wamufashije gucanira iyo nka

Uyu Mujawimana Eugenie warojwe iyi nka ndetse akanubakirwa n’ikiraro cyayo cya Kijyambere yishimiye abagize komite nyobozi w’iri shuli rya ESPANYA yigaho avuga ko bagerageje kumuba hafi bamwihanganisha mu gihe yari amaze kubura umubyeyi we yari asigaranye nyuma ya jenoside.

Yagize ati: “Nanywaga amata ariko nyaguze nkabona ifumbire y’akarima k’igikoni ariko nyiguze ku baturanyi ariko iyi nka mpawe  n’abarimu banjye b’ishuli nigaho imbereye igisubizo cy’ibibazo byose nari mfite muri uru rugo”

Nk’uko uyu mwana w’umunyeshuli yakomeje abisobanura ngo iyi nka yorojwe kuri we ni ikimenyetso cy’imiyoborere myiza ndetse kikaba n’igihango gikomeye yagiranye n’ubuyobozi bw’ishuli rya ESPANYA.

 

m_Ibitaro bya kibogora byashyikirije utishoboye inzu byamwubakiye1

Nyamasheke: Ibitaro bya kibogora byashyikirije utishoboye inzu byamwubakiye

Tags: , , , , , , ,


m_Ibitaro bya kibogora byashyikirije utishoboye inzu byamwubakiye

Gatoya Antoine n’umuryango we babaga hafi y’umugezi wa karundura,mu mudugudu wa kirambo, akagari ka kigoya mu murenge wa kanjongo ahantu hahanamye ku buryo mu gihe cy’imvura amazi yinjiraga mu nzu, ndetse imvura yaba itaguye bikaba byitezwe ko inzu babagamo ishobora kubahirimiraho umunsi ku munsi.

m_Ibitaro bya kibogora byashyikirije utishoboye inzu byamwubakiye1

Gatoya Antoine ni umugabo ubana n’ubumuga bwo kutumva ndetse n’akaba nta gatege akifitiye bitewe n’izabukuru abana n’umugore we witwa Mariya Nyirabagema.

Nyirabagema avuga ko babagaho babara iminsi, iyo umunsi wirirwaga ntibari bazi ko uri bwirirwe kuko babaga bizeye ko umuvu ushobora kubatwara, avuga ko we n’umugabo we bari baramaze kwiragiza Imana bayisaba gupfa neza kuko bumvaga habura isaha yo gupfa gusa.

Yagize ati “nashatse guhunga ngo mve hano ariko umugabo aranga ngo n’ubundi arashaje arabura izuba rimwe, nanjye nanga kumuta turaguma, gusa twabaga twiteze ko isaha n’isaha umuvu udutwara tugaheruka ubwo, ariko Imana yumvise amasengesho yacu turishimye”.

Umuyobozi w’ibitaro bya Kibogora, Dr Nsabimana Damien  yavuze ko Gatoya yabaga mu nzu igayitse idakomeye kandi ituye ku ruzi,kandi akaba nta bandi bantu bashoboraga kumufasha cyane ko afite abana batishoboye harimo n’ufite ubumuga, uko imvura yagwaga umuryango warimukaga, kumugumisha aho hantu byari  gutuma atakaza ubuzima bituma biyemeza ku mufasha muri gahunda yabo yo gufasha abakene cyane cyane muri gahunda iba ku bitaro yo kwita ku basaza n’abakecuru batakigira kivurira.

Yagize ati “iyi ni gahunda yacu yo gufasha abakene n’abasaza tukagira abantu babasanga mu ngo bakabafasha, twasanze uyu muryango ukennye kandi utagira aho uba tuzashiduka amazi yawutwaye turabafasha kandi turishimira ko babonye ubuzima”.

Umunyamabanga nshingwabikorwa w’umurenge wa Kanjongo, Kamali Aime Fabien, yavuze ko mu gihe u Rwanda rwitegura umunsi mukuru wo kwibihora, avuga ko kwibohora atari ukwibohora ingoma y’igitugu n’amasasu gusa, ko ahubwo ari n’ igihe cyo kwibohora ubukene,kutagira ubumuntu no kutagira urukundo abannyagihugu bagaharinira igihugu kikagana aheza.

Yagize ati “nyuma y’imyaka u Rwanda rwibohoye igitugu n’urwango, ni igihe cyo kwibohora ubukene abari ahantu habi bakahava tukaganisha igihugu cyacu ahantu heza, intambwe twigejejeho ni ndende ariko turacyakeneye gutera imbere , imyumvire myiza iganisha ku majyambere y’igihugu cyacu niko kwibohora”.

 Gatoya n’umuryango we bubakiwe inzu , ubwiherero n’ibikoni byayo bifite agaciro gasaga miriyoni 2 n’ibihumbi bisaga 600 by’amafaranga y’u Rwanda.

m_Gahunda ya girinka munyarwanda  yafashije abakene kwibohora ingoyi y’ubukene

Ngoma: Gahunda ya girinka munyarwanda yafashije abakene kwibohora ingoyi y’ubukene

Tags: , , , , , , , , , ,


m_Gahunda ya girinka munyarwanda  yafashije abakene kwibohora ingoyi y’ubukene

Abatuye akarere ka Ngoma bashima leta y’ubumwe bw’abanyarwanda ko yita cyane  kubaturage bayo ndetse  ikanashyiraho gahunda zizamura ababa bakiri mu bukene,nkuko byagenze perezida w’u Rwanda Paul Kagame , atangiza gahunda ya “girinka munyarwanda.”

Bamwe mu bavuganye n’itangazamakuru bavuga ko inka zatanzwe na Perezida wa Republika zafashije abazihawe bakennye mu kubona ifumbire umusaruro w’ubuhinzi bwabo uratubuka ndetse n’amata basagurira isoko bituma biteza imbere bava mu bukene.

Ngirababo Jean Baptiste, umuturage utuye mu  murenge wa Kazo avuga ko we icyo yishimira mu myaka 20 u Rwanda rumaze rwibohoye, ari uko yabonye leta nziza ifite imiyoborere myiza kandi ikunda abaturage bose n’abakene ibateza imbere ,bitandukanye na mbere.

Yagize ati” Ubu kubera gahunda ya Girinka munyarwanda abakene bari kwiteza imbere ,bitandukanye na  mbere yo kwibohora,ubu hari imiyoborere myiza yita ku baturage. Abakecuru batishoboye  bahabwa amafaranga, ni byinshi.”

Umwe mu bahawe izi nka muri gahunda ya girinka munyarwanda, utuye  mu kagali ka Gahurire ahitwa Rugenge mu murenge wa Kazo, ubwo yasurwaga n’inzego z’umurenge nyuma y’umwaka umwe ahawe inka, basanze ubuzima bwe bwarahindutse kuko basanze iyo nka yarabyaye anywa amata kandi  aneza cyane imyaka kuko akoresha ifumbire.

Abaturage benshi batuye akarere ka Ngoma batunzwe n’ubuhinzi, aho usanga bakenera cyane ifumbire kugirango umusaruro wabo ube mwiza. Ku bakene ntibabashaga kuyibona kuko utoroye inka ayigura bo babura amafaranga bagahingiraho ntibyere bigatuma ubukene bukomeza. Ubu barashima Perezida Kagame waboroje muri girinka.

Mu karere  ka Ngoma kose hamaze gutangwa inka 5,448 muri gahunda ya girinka mu nyarwanda yatangijwe na Perezida wa republika y’u Rwanda Paul Kagame mu  mwaka wa 2006.

Uretse gahunda ya girinka abaturage bishimira, ngo  mu myaka 20 ishize u Rwanda rwibohoye ,bishimira ko buri muntu wese afite ijambo yaba abagabo ndetse n’abagore kuko ubu nabo bagize uruhare runini mu buyobozi mugihe mbere yo kwibohora wasangaga  batarahabwaga iyo myanya nk’ubu.

m_Barishimira uburyo gahunda ya girinka yababohoye ubukene

Gakenke: Barishimira uburyo gahunda ya girinka yababohoye ubukene

Tags: , , , , , , ,


Bamwe mubaturage bo mu Karere ka Gakenke bagabiwe inka muri gahunda ya girinka bemeza ko inka bagabiwe zabafashije kwibohora ubukene bwari bubugarije kandi bakaba hari byinshi bamaze kwigezaho babikesha inka bagabiwe.

 m_Barishimira uburyo gahunda ya girinka yababohoye ubukene

Uretse kuba babona umukamo ushimishije banemeza ko nta muntu ukibura agafumbire nkuko byabagendekeraga mbere yo kworozwa kandi bakaba batanakirembera mu ngo zabo kubera ko babuze ayo kwishyura mituweri.

Josephine Nyirakadori wo mu Kagari ka Rusagara mu Murenge wa Gakenke, avuga ko inka yagabiwe yamukuye mubukene kuko asigaye ashobora kwikorera ibyo atashoboraga gukora.

Ati “ bamaze kungabira iyi nka narayoroye irabyara mbona amata, ndahinga nkeza neza ntakibazo kuburyo nashoboye no kwisakarira inzu yanjye n’ibindi bijyanye na mituweri ntibikiri ikibazo kuri njye”.

Gusa ariko nubwo Nyirakadori yibohoye ubukene, yemeza ko mbere yo kugabirwa yari abayeho nabi cyane kuburyo yarwaraga akabura nuko yivuza kubera kubura amikoro

Ati “ twari tubayeho nabi rwose cyane kuburyo twarwaraga tukabura n’uburyo twivuza, tugahinga ntitweze kuberako twahinze tudafumbiye gusa byose byarakemutse kuko ubu twambara tukaberwa natwe tukajya mubandi”.

Nyirakadori yongeraho ko barimo kwibohora ubukene bwari bwarabokamye kuko nuwo yagabiye asigaye ameze neza mugihe mbere yo kumugabira yarafite abana bashobora no kurwara bwaki gusa byose bikaba byaracemutse.

Augustine Havugimana wo mu Kagari ka Kagoma mu murenge wa Gakenke nawe yemeza ko gahunda ya girinka yajye ije kubavana mubwigunge bari baratewe n’ubucene kandi ikaba ifite naho imaze kugeza abagabiwe nawe arimo

Ati “ gahunda ya girinka yajye ije kurwanaho abantu bafite ubucene kuburyo abagabiwe bose bamaze kwitezimbere muri byose, aho babasha kubona umusaruro bigatuma bakorana n’amabanki”.

Havugimana avuga ko ntawabura gushimira umukuru w’igihugu uburyo abazirikanamo kugeza naho yabahaye inka zikaba zirimo kubakamirwa hamwe n’imiryango yabo ntakibazo.

Ferdinand Mwumvaneza n’umukozi w’akarere ka Gakenke ufite ubworozi munshingano ze avuga ko iyigahunda yatangiye muri 2007 muri kano karere kandi inka abaturage bagabiwe zikaba zaratumye bava kurwego ruri hasi bakaba bageze kurwego rushimishije.

Ati “ hari abatarabashaga kwishurira amashuri abana babo ariko nanone hari n’abatarabashaga kurya neza byongereye imirire kuburyo abana bari bafite ibibazo by’imirire mibi ubungubu byacemutse babikesha iyi gahunda”.

Mwumvaneza akomeza avuga ko bitemerewe ko umuntu wagabiwe inka yagira igihe ugasanga nta nka afite murugo rwe

Ati “ niba uhawe inka ikaba yabyara igakomokaho izindi nyinshi wemerewe wenda kuba wayigurisha ariko kuburyo murugo iwawe hasigara inka”.

Kuva iyi gahunda ya girinka yatangira mu karere ka Gakenke imiryango igera kuri 8552niyo imaze kugabirwa kandi iyi gahunda ikaba igikomeza nokuyindi miryango itaragabirwa kugirango nabo zizabafashe kwitezimbere.

Related sites

jaguar cars jaguar, jeep, kia