Tag Archive | "Rwanda aid"

m_arashima ko yubakiwe ariko nanone agasaba ko yasanirwa kuko inzu yahawe iva

Nygatare: arashima ko yubakiwe ariko nanone agasaba ko yasanirwa kuko inzu yahawe iva

Tags: , , , , , , , , ,


Mu gihe Mirembe Jovia wo mu mudugudu wa Benishyaka akagali ka Rurenge ahangayikishijwe no kuba inzu aherutse guhabwa n’ubuyobozi imuvira, ubuyobozi bw’umurenge wa Rukomo nabwo bumwiJeJe ko iki kibazo kizakemuka byihutirwa kuko abayubatse bagifitanye amasezerano n’ubuyobozi.

Mirembe Jovia ni umunyarwanda watahutse avuye mu gihugu cya Tanzania mu mwaka wa 2009. Ageze Benishyaka ngo yabanje kwikodeshereza icumbi ariko bigeze aho abura amikoro agacumbikirwa n’abaturage. Nyuma ubuyobozi bwaje kumwubakira inzu ubu ayimazemo ukwezi kumwe. Ishakaje amategura yakorwaga mu gitaka kivanze n’isima. Ashima kuba yarabonye inzu yo kubamo ariko nanone akifuza ko yasakarwa bushya kuko imuvira kandi bishobora kuba ari amakosa yo gusakarwa nabi.

Mu kumumara impungenge ariko ubuyobozi bw’umurenge wa Rukomo buvuga ko iki kibazo bwakimenye kandi kizakemuka vuba. Uwishatse Ignace umunyamabanga nshingwabikorwa w’uwo murenge avuga ko bagifitanye amasezerano n’abafundi bayubatse bityo ngo bazaza gukosora iki kibazo cyo kuba iva.

Uretse inzu yo guturamo, Mirembe Jovia yanahawe hegitari imwe y’ubutaka yo guhingaho ndetse n’inka. Kuri ubu iyi nka irakamwa. Mirembe avuga ko yabanje kumera nabi bituma ibura umukamo kuko yayiragizaga atarabona aho aba. Kuva atangiye kuyitaho ubu ngo irakamwa litiro akayishyira mu gikoma abana bakanywa. Ngo yamukikije ubworo bwo kutagira amata.

m_arashima ko yubakiwe ariko nanone agasaba ko yasanirwa kuko inzu yahawe iva

Inka yahawe yamufashirije abana.

Mirembe Jovia ni umubyeyi w’abana 9, 3 ngo babana na banyira senge we abana na 6. Avuga ko nubwo yaje ntacyo afite ndetse anihebye kubera ubuzima butari bwiza, ubu ngo amaze kumererwa neza kandi ntiyifuza kwongera gusubira mu mahanga. Inzu yubakiwe ifite ibyumba 4, igikoni, ubuhunikiro bw’imyaka, ubwiherero n’aho gukarabira.

m_NYUMA Y’IMYAKA ACUMBIKA KAMATAMU YASHYIZE ABONA ICUMBI

NYUMA Y’IMYAKA ACUMBIKA KAMATAMU YASHYIZE ABONA ICUMBI

Tags: , , , , , , , , , ,


Nyuma y’igihe acumbikirwa n’abagiraneza kuri uyu wa 18 Mata,2014 umukecuru Kamatamu Beatha warokotse jenoside yabonye icumbi.

Umukecuru Kamatamu Beatha wahawe iyi nzu yabaga mu mudugudu wa Kinihira akagali ka Barija umurenge wa Nyagatare. Yacumbikirwaga n’abagira neza kuva inzu ya nyakatsi yabagamo yakurwaho igihe cyo guca nyakatsi. Avuga ko kuba abonye aho ashyira umusaya ubuzima bwe bugiye kurushaho kuba bwiza.

Kawesa Barack Abdallah asanzwe akora akazi ko gukinga ibirahure no  gusiga amarange. Ngo igitekerezo cyo kubakira utagira icumbi kimuzamo yahise agura ikibanza mu mudugudu wa Nshuli akagali ka Rutare umurenge wa Rwempasha. N’ubwo nawe ngo adafite amikoro yagerageje kucyubaka. Kuri we avuga ko gufasha bitagombera ubutunzi ahubwo ari umutima ukunda.

m_NYUMA Y’IMYAKA ACUMBIKA KAMATAMU YASHYIZE ABONA ICUMBI

Uhereye ibumoso Kawesa, Kamatamu wahawe inzu n’umugore wa Kawesa.

Twagirayezu Emmanuel uyobora Ibuka mu karere ka Nyagatare ashima iki gikorwa bityo agashishikariza n’abandi bafite amikoro gufasha mu gukemura ibibazo byasizwe na jenoside.

Kawesa avuga ko yubaka iyi nzu atari azi ugomba kuyibamo uretse ko ngo yagombaga kuba nta cumbi afite. Mu kubona uyu Kamatamu yifashishije ibuka mu karere ka Nyagatare. Uyu kamatamu akaba yasabwe gukura kuri iyi nzu ikimenyetso cy’urukundo aho gutangira kuyishakira abaguzi ngo aha yabonye ahandi heza. Iyi nzu Kawesa ayihaye Kamatamu nyamara itorero ry’abangirikani mu mudugudu wa Nshuli ryamuhaga amafaranga y’u Rwanda miliyoni 2 n’ibihumbi Magana 6 kuko yegeranye n’ikibanza cy’urusengero rw’iri torero. Ni inzu ifite ibyuma 3, igikoni, ubukarabiro n’ubwiherero. Ubuyobozi bbw’umurenge wa Nyagatare bukaba bwizeje uyu Kamatamu inkunga yo kwimukira mu nzu ye.

Rulindo: bamwe mu baturage barasaba ko bajya bamenyeshwa icyo inkunga iba yatanzwe yakoreshejwe.

Rulindo: bamwe mu baturage barasaba ko bajya bamenyeshwa icyo inkunga iba yatanzwe yakoreshejwe.

Tags: , , , , , , ,


Rulindo: bamwe mu baturage  barasaba ko bajya bamenyeshwa icyo inkunga iba yatanzwe yakoreshejwe.

Bamwe mu baturage bo mu karere ka Rulindo mu gihe cyo kwibuka jenoside yakorewe abatutsi bagenda bakusanya inkunga zitandukanye mu rwego rwo gukomeza gufasha abasizwe iheruheru na jenoside yakorewe abatutsi mu Rwanda.

Ni muri urwo rwego hatangwa inkunga zitandukanye cyane cyane ziba zigizwe n’amafranga, Gusa ariko bamwe mu baturage bakunze kuvuga ko iyo batanze imfashanyo yo gufasha abacitse ku icumu batishoboye,ngo batajya bamenyeshwa icyo inkunga baba batanze ikoreshwa.

Tariki 10/4/2014 , Umuturage umwe mu batarashatse kwivuga amazina aganira yagize ati ”Nk’ubu ni kenshi dukusanya inkunga zigizwe n’amafaranga akenshi zo gukomeza gufasha no gushyigikira abavandimwe basizwe iheruheru na jenoside yakorewe abatutsi, ariko duheruka tuyatanga ntitumenya niba ayo mafaranga aba yakoreshejwe cyangwa yarahawe abo twayageneye.”

Uyu muturage akomeza asaba ko nk’ubuyobozi buba bwakusanyije iyo nkunga ,ngo buba bukwiye no kumenyesha abayitanze ibyo yakoze n’uburyo yakoreshejwe ,ngo kuko bituma abantu bagira icyizere ko inkunga batanze koko yageze kubo igenewe, bityo n’ubutaha bakongera bakagira icyo batanga mu rwego rwo gufasha abarokotse batishoboye.

Nyanza: Abakozi ba Volcano Express bafashe mu mugongo uwarokotse Jenoside

Nyanza: Abakozi ba Volcano Express bafashe mu mugongo uwarokotse Jenoside

Tags: , , , , , , ,


Abakozi ba Volcano Express bakorera mu mujyi wa Nyanza kuri iki cyumweru tariki 13/04/2014 basuye ndetse bafata mu mugongo umwe mu bakecuru barokotse jenoside yakorewe abatutsi muri Mata 1994 wasigaye ari inshike.

Uyu mukecuru witwa Mukantaganda Brigitte utuye mu mudugudu wa Kigarama mu kagali ka Nyanza mu murenge wa Busasamana mu karere ka Nyanza warokotse jenoside yakorewe abatutsi muri Mata 1994 kuri ubu arembeye iwe mu rugo kubera uburwayi, akaba yasuwe n’abakozi ba Volcano Express mu rwego rwo kugira ngo bamufate mu mugongo.

Nyanza: Abakozi ba Volcano Express bafashe mu mugongo uwarokotse Jenoside

Abakozi ba Volcano express ubwo bari berekeje kumusura

Iki gitekerezo cyo kumusura ndetse no kumufata mu mugongo abakozi ba Volcano Express mu mujyi wa Nyanza bakigize nyuma yo kwisunga ubuyobozi bw’inzego z’ibanze zikabatangariza ko hari umukecuru warokotse jenoside ndetse akaba arembeye iwe mu rugo.

Munyanshongore Moussa uhagarariye Sosiyete ya Volcano Express avuga ko ibyo byatumye bishakamo ubushobozi buri wese agatanga uko yifite kugira ngo bamusure kandi hari icyo bamujyaniye.

Ati: “Iki ni igikorwa cyateguwe n’abakozi ba Volcano Express bakorera hano mu mujyi wa Nyanza kugira ngo natwe muri iki gihe cyo kwibuka tugire icyo twakorera umwe mu barokotse jenoside yakorewe abatutsi ubabaye kurusha abandi”

Ngo ubusanzwe iki gikorwa cyari gisanzwe gikorwa n’abakozi ba Volcano Express ariko kigategurwa mu rwego rw’ubuyobozi bukuru bwayo nk’uko Munyanshongore Moussa yakomeje abitangaza.

Yagize ati: “ Twe twasanze hano mu mujyi wa Nyanza natwe twagira uwo dusura ndetse tukamufata mu mugongo”

Mukantaganda Brigitte ukomeje kurembera iwe mu rugo yihanganye agira icyo avuga kuri icyo gikorwa yakorewe n’abakozi ba Volcano bakorera mu Mujyi wa Nyanza.

Bimwe mu byo uyu mukecuru yazaniwe n’abakozi ba Volcano birimo ibiribwa bitandukanye ndetse n’amafaranga yo kuzifashisha mu buzima bwe bwa buri munsi.

Nyanza: Abakozi ba Volcano Express bafashe mu mugongo uwarokotse Jenoside

 

Abakozi ba Volcano express ubwo bari berekeje kumusura

Mu magambo ye bwite, uyu mukecuru ariko yumvikanamo ko arembye cyane yagize ati: “ Rwose nishimiye iki gikorwa nkorewe kinyongereye intege”

Uyu mukecuru warokotse jenoside yakorewe abatutsi muri Mata 1994 abayeho mu buzima butamworoheye kuko kugeza n’ubu imyaka 20 ishize atarubakirwa ndetse n’ikibazo cy’uburwayi kikubisemo byose bimubera insobe ariko ubuyobozi bw’akagali ka Nyanza atuyemo buravuga ko bwamaze kumushyira ku rutonde rw’abarokotse jenoside bagiye kuzubakirwa mu gihe cya vuba.

Rubengera: Biyemeje gukemura ibabazo by’abacitse ku icumu rya Jenoside batishoboye babafasha kwifasha

Rubengera: Biyemeje gukemura ibabazo by’abacitse ku icumu rya Jenoside batishoboye babafasha kwifasha

Tags: , , , , , , ,


Ubwo basozaga icyumweru cyo Kwibuka ku nshuro ya 20 Jenoside yakorewe abatutsi, ubuyobozi bw’Umurenge wa Rubengera mu Karere ka Karongi bwasabye abaturage batuye muri uwo murenge gutekereza ku gikorwa cyo gufasha abacitse ku icumu rya Jenoside batishoboye ku buryo burambye  aho guhora babaha ibizajya bituma buri gihe bahora bakeneye gufashwa.

Rubengera: Biyemeje gukemura ibabazo by’abacitse ku icumu rya Jenoside batishoboye babafasha kwifasha

Abitabiriye gusoza icyunamo muri rubengera

Asaba abo baturage kumva akaga kagwiririye aba bacitse ku icumu rya Jenoside batishoboye, Umuyobozi w’Umurenge wa Rubengera, ….., yasabye buri wese kwishyira mu mwanya wabo maze akibaza uko yaba ameze mu gihe byaba ari we byabayeho. Akaba yahereyeho ahita atangiza igikorwa cyo gukusanya inkunga (Fundraising) cyavuyemo amafaranga abarirwa muri miliyoni n’ibihumbi magana atatu yakusanyijwe gusa mu muhango wo gusoza icyumweru cyo kwibuka ku nshuro ya 20 Jenoside yakorewe abatutsi. Aya mafaranga akaba yaje asanga andi abarirwa muri miliyoni imwe n’ibihumbi magana atandatu yakusanyijwe muri iki cyumweru cy’icyunamo mu tugari dutandukanye tugize Umurenge wa Rubengera.

Uretse inkunga yatanzwe mu mafaranga (cash) harimo abagiye batanga amatungo, amabati, abemeye kubakira amazu abacitse ku icumu rya Jenoside badafite aho baba ndetse n’abemeye gukoresha amaboko yabo mu bikorwa byo kububakira. Mu nkunga zatanzwe hakaba harimo izagiye zihabwa bamwe mu bacitse ku icumu rya Jenoside ku giti cyabo aho umuntu yahagurukaga akavuga ati “Njyewe nemereye kanaka iki n’iki” hakaba n’izatanzwe muri rusange.

N’ubwo bigaragara ko amafaranga yatanzwe asa n’atubutsemo gato ariko, wabonaga abayatanze cyane cyane abahagarariye amadini bari bagifite akangononwa kuko ngo ituro ryo kuri uyu wa 13 Mata 2014 ari ryo ryari ryagenewe iki gikorwa cyo gufasha abacitse ku icumu rya Jenoside batishoboye. Abenshi muri bo bakaba bavugaga ko biteguye gukora ibirenzeho kuko ngo kuri uyu munsi batari babonye abayoboke benshi bitewe n’uko bari bazindutse bajya kwitabira igikorwa cyo gusoza icyumwe cyo kwibuka ku nshuro ya 20 Jenoside yakorewe abatutsi.

Umuyobozi w’Umurenge wa Rubengera akaba yavuze ko amafaranga yaturutse muri izo nkunga zatanzwe muri Rusange asashyirwa kuri konti y’Umurenge ifasha abacitse ku icumu rya Jenoside nk’uko biteganywa n’imyanzuro y’Inama y’Umutekano Yaguye y’Intara y’Uburengerazuba yo ku wa 4 Mata 2014.  Ibyemezo by’iyi nama y’umutekano yaguye biteganya ko ayo mafaranga azajya asohoka kuri konti agiye mu bikorwa biteza imbere abacitse ku icumu rya Jenoside batishoboye byumvikanyweho n’ubuyobozi bwa Leta buhagarariwe n’umunyamabanga Nshingwabikorwa w’umurenge ndetse n’inzego zigarariye abacitse ku icumu rya Jenoside zirimo uhagarariye Ibuka ndetse n’uhagarariye AVEGA.

Mu Murenge wa Rubengera hanatangiye gutekerezwa kuri bimwe mu bikorwa aya mafaranga yazakoreshwa aho batangiye gutekereza ku guteza imbere abatangiye ibitekerezo by’imishinga iciriritse irimo uy’ubucuruzi, ubworozi ndetse n’imyuga.

m_kwibuka byajyanye no gukusanya inkunga yo gufasha abacitse ku icumu rya Jonoside batishoboye

Rubavu: kwibuka byajyanye no gukusanya inkunga yo gufasha abacitse ku icumu rya Jonoside batishoboye

Tags: , , , , , , , , ,


m_kwibuka byajyanye no gukusanya inkunga yo gufasha abacitse ku icumu rya Jonoside batishoboye

Mu gikorwa cyo gukusanya inkunga yo gufasha abacitse ku icumu batishoboye

Mu karere ka Rubavu igikorwa cyo kwibuka Jenoside yakorewe abatutsi ku nshuro 20 byajyanye no gukusanya inkunga yo gufasha abacitse ku icumu batishoboye.

Mu murenge wa Nyakiriba ahari hahuriye baturage barenga ibihumbi 3, abaturage basabye ko batangira gukusanya inkunga yo gufata mu mugongo abacitse ku icumu nubwo basanganywe igikorwa cy’agaseke kandi nako gakusanya inkunga yo gufata mu mugongo abacitse ku icumu rya Jenoside batishoboye.

Inkunga yakusanyijwe mu murenge wa Nyakiriba taliki ya 7/4/2014 mu gutangiza icyunamo ingana na 167 300frw kandi, abaturage bavuga ko bazakomeza gukusanya iyindi.

Umuyobozi w’akarere ka Rubavu ahamagarira abaturage gukomeza guharanira gahunda ya Ndi umunyarwanda, gukomeza kwirinda ingengabitekerezo ya jenoside, kandi ngo nkuko mu myaka ishize hatabonetse abantu bagaragaraho ingengabitekerezo ya Jenoside nubu bagomba kubikoza.

Kubirebana n’agaseke ko gufasha ngo bikorerwa mu mirenge n’imidugudu ariko uyu mwaka mu karere ka Rubavu bizaba ari umwihariko kuko hagomba gukusanywa amafaranga arenga miliyoni 100 zo kurangiza urwibutso rwa Komini Rouge kugira imibiri yahajugunywe ishyingurwe mu cyubahiro.

Nkuko byemejwe n’inama njyanama y’akarere ka Rubavu ngo buri muturage asabwa gutanga amafaranga atari munsi ya 500frw kugira ngo ibi bikorwa bishoboke, gusa gutanga iyi nkunga yo kubaka urwibutso ntizakuraho inkunga abaturage bashyira mu gaseke.

Umuyobozi w’akarere ka Rubavu akavuga ko kwibuka bijyana no kuba hafi abacitse ku icumu babuze ababo, abanyarubavu ngo bakaba bagomba gushyira hamwe.

m_Abarokotse jenoside barashima leta y’u Rwanda kuri gahunda ya ndi umunyarwanda n’urumuri rutazima yashyizeho

Ngoma: Abarokotse jenoside barashima leta y’u Rwanda kuri gahunda ya ndi umunyarwanda n’urumuri rutazima yashyizeho

Tags: , , , , , , , , , , ,


m_Abarokotse jenoside barashima leta y’u Rwanda kuri gahunda ya ndi umunyarwanda n’urumuri rutazima yashyizeho

Bamwe mubarokotse Jenoside yakorewe abatutsi batuye umurenge wa Remera barashima gahunda leta y’u Rwanda ibashyiriraho zibafasha kwiyubakamo icyizere cy’ejo hazaza ndetse no gukira ibikomere basigiwe na Jenoside.

 Bimwe mu bikorwa bashima leta ni gahunda ya ndi umunyarwanda, urumuri rw’icyizere ndetse na gahunda zo kuvura abasigiwe ibikomere na Jenoside yakorewe abatutsi mu 1994.

 Mu buhamya bwatanzwe na Uwantege Donatha,warokotse jenoside yakorewe abatutsi, yavuze ko afite ibikomere byinshi kumubili yatewe na Jenoside,ariko ngo ashima leta y’ubumwe bw’abanyarwanda, kuri gahunda zituma bakira ibikomere, bahabwa ubuvuzi ndetse na gahunda zibafasha zibahumuriza harimo urumuri rw’icyizere n’ibindi.

 Yagize ati” Ndashima leta y’ubumwe bw’abanyarwanda  yo yatuvanye ibuzimu ubu tukaba turi ibuntu, twumvaga bitashoboka ko twakongera kugira aho duhurira n’abatwiciye, ariko ubu turafatanya kuko twamenye ko icyo dupfana kiruta icyo dupfa.”

Akomeza ashima inkunga y’ubuvuzi n’uburezi bahabwa na leta y’ u Rwanda aho  abamaze kurangiza kwiga bamaze kugira aho bigejeje biteza imbere, ndetse n’uburyo abafite ibikomere byo kumubili bivuza hose.

 Mu ijambo ryavuzwe n’uhagarariye Ibuka mu murenge wa Remera nawe yashimye ibimaze kugerwaho n’abacitse ku icumu mu kwiyubaka no kwirwanaho ariko anavuga ko hakiri inshike za Jenoside  zigikeneye gufashwa ngo nazo zikomeze kwiyubaka.

 Ashima gahunda leta y’u Rwanda ishyiraho zigamije kurushaho kuzana ubumwe n’ubwiyunge, yavuze ko  ashima gahunda ya “ndi umunyarwanda” kuko yagize akamaro  ndetse na gahunda y’urumuri rutazima yabubatsemo icyizere cy’ejo hazaza habo hazira icuraburindi.

 Umuyobozi w’akarere ka Ngoma Nambaje Aphrodise, yavuze ko gahunda zirimo urumuri rutazima ndetse na gahunda ya “ndi umunyarwanda” zatumye abanyarwanda babasha  gutekereza no kuzirikana ku ngaruka za Jenoside ndetse no gufata ingamba mu guhangana n’ingaruka zayo bafite icyizere ko ntacuraburindi rizongera.

 Muri uyu murenge mu rwego rwo gushimangira ubumwe n’ubwiyunge hubatswe umudugudu wiswe uw’ubumwe n’ubwiyunge aho utuwe n’abacitse ku icumu rya Jenoside yakorewe abatutsi mu 1994 ndetse na bamwe mu bireze bakemera icyaha kandi bakaba bemeza ko babanye neza.

m_Abaturage basanga kwibuka bikwiye kujyana no gufasha abasizwe iheruheru na Jenoside

Nyabihu: Abaturage basanga kwibuka bikwiye kujyana no gufasha abasizwe iheruheru na Jenoside

Tags: , , , , , , , ,


Inkunga abaturage batanga ku bushake  mu gihe cyo kwibuka, ifasha abacitse ku icumu rya Jenoside batishoboye muri byinshi bijyanye n’ubuzima bwabo bwa buri munsi hagamijwe ko barushaho kwiyubaka no kwigira.

Ibi bikaba bigarukwaho na Juru Anastase, uhagarariye IBUKA mu karere ka Nyabihu unashimira cyane abaturage, ku bwitange bagaragaje mu gihe cyo kwibuka umwaka ushize.

Juru avuga ko amafaranga miliyoni 21 n’imisago, ariyo yatanzwe mu gihe cyo kwibuka umwaka ushize. Aya mafaranga,akaba amwe muri yo agera kuri 40% ariyo ari gufasha mu gusana urwibutso ndetse andi akaba yaragiye afasha abacitse ku icumu muri gahunda zitandukanye nko kubagurira inka muri gahunda ya girinka, n’izindi gahunda zibafasha gutera imbere.

Uwamwiza Claudine, umunyamabanga nshingwabikorwa w’akagari ka Jaba, Avuga ko aya mafaranga yagiye atangwa ku bushake muri gahunda yo gufasha abacitse ku icumu rya Jenoside mu karere ka Nyabihu yagize akamaro gakomeye ku buryo byageze no mu kagari ayobora.

Uwamwiza avuga ko hari abacitse ku icumu bo mu kagari ke bakemuriwe bimwe mu bibazo bari bafite. Muri bo hari abaguriwe inka muri gahunda ya Girinka, hari abaguriwe amatungo amwe n’amwe ndetse anongeraho ko hari n’abasaniwe amazu, yongeraho ko bari banafite na gahunda yo kubakira ubwiherero bamwe.

Iyi nkunga itangwa a asanga ifite akamaro kanini  mu rwego rwo gufasha abacitse ku icumu rya Jenoside  kwiyubaka no kwigira.Iki gitekerezo akaba agisangira na Ingabire Alexandre,umwe mu baturage batuye mu karere ka Nyabihu.

Ingabire avuga ko igihe cyo kwibuka kimufasha kongera gutekereza kuri Jenoside yabaye mu Rwanda n’ingaruka zitandukanye yateje. Bikamufasha gutuma aharanira ko itazasubira ukundi.

Anongeraho ko kwibuka,binamutera gutekereza cyane ku basizwe iheruheru na Jenoside yakorewe Abatutsi,agaharanira kugira icyo yafasha abagifite ibibazo kugira ngo babe bazamuka. Ari nayo mpamvu asanga gufasha abacitse ku icumu rya Jenoside batishoboye bigira akamaro kanini mu mibereho yabo ya buri munsi kikaba na kimwe mu bibafasha kwigira.

m_Abaturage basanga kwibuka bikwiye kujyana no gufasha abasizwe iheruheru na Jenoside

Aha ni imbere mu Rwibutso rwa Mukamira,uhagarariye IBUKA muri aka karere Juru Anastase yanyerekaga imwe mu mirimo iri kurukorwaho kandi 40% y’amafaranga yatanzwe n’abaturage mu gihe cyo kwibuka umwaka ushize ari gufasha mu gusana uru rwibutso

Uretse uhagarariye  IBUKA mu karere ka Nyabihu Juru Anastase ushimira abaturage ku bwitange  n’ubwitabire bagaragaje mu gihe cyo kwibuka umwaka ushize, n’umuyobozi w’akarere ka Nyabihu wungirije ushinzwe imibereho myiza y’Abaturage Sahunkuye Alexandre ashimira cyane abaturage ku bwitange n’umutima w’ubushake bagaragaje mu gihe cyo kwibuka umwaka ushize.

Avuga ko inkunga batanze yagize akamaro kanini mu kuvugurura urwibutso no gufasha abacitse ku icumu rya Jenoside batishoboye mu kubasanira amazu, kubagurira inka n’ibindi. Aboneraho gusaba abaturage kwitabira cyane gahunda ziteganijwe muri ibi bihe byo kwibuka.

Umwaka ushize ubwitabire bw’abaturage bukaba bwari buri kuri 98% mu karere ka Nyabihu. Bikaba byifuzwa ko uyu mubare warenga muri uyu mwaka,aho twibuka ku nshuro ya 20 Jenoside yakorewe abatutsi mu Rwanda. Insanganyamatsiko y’uyu mwaka ikaba igaruka ku kwibuka ariko twiyubaka.

Gakenke: Hatanzwe inka kuri imwe mu miryango itishoboye

Gakenke: Hatanzwe inka kuri imwe mu miryango itishoboye

Tags: , , , , , , ,


 Gakenke: Hatanzwe inka  kuri imwe mu miryango itishoboye

Kuri uyu wa 04 mata 2014, nibwo inka 53 zahawe abaturage batishoboye baturuka mu mirenge 10 yose yo mu karere ka Gakenke, muri gahunda ya Girinka munyarwanda.

Mu murenge wa Nemba hatangiwe inka 22 zigabirwa abaturage baturutse mu mirenge ine yiyongera kuwa Nemba ikaba itanu.

Focus Uwimana, umunyamabanga nshingabikorwa  w’umurenge wa Nemba avuga ko mu murenge wabo bahawe inka enye, eshatu muri zo zikaba zagabiwe imiryango y’abatishoboye barokotse Jenoside yakorewe abatutsi.

Ati “ kubera ibyabayeho byahise bibashira mucyiciro cy’abatishoboye , kuburyo kubafasha tuba dushaka kugirango bagere ku kigero abandi bariho”.

Uwimana akomeza avuga ko abantu barokotse bakunda kugira imbogamizi zishamikiye kubukene.

Ati “ kimwe mu bibazo bagira ni ihungabana, ariko imbogamizi bakunda kugira ni iz’ubukene kuko benshi batishoboye bakaba bakeneye ubufasha bwacu”.

Deogratias Mutimutuje, umwe mubarokotse Jenoside yakorewe abatutsi wagabiwe inka, avuga ko yari yarabuze ikintu kimuha ifumbire none akaba ashimishijwe n’inka agabiwe kuko izatuma abasha kwibonera ifumbire yongere umusaruro.

Ati “ iyo tugabiwe inka bitwereka ko igihe cyose tuzirikanwa n’ubuyobozi kuko byerekana ko batuba hafi mubibazo byacyu”.

Mutimutuje avuga ko agiye kwita ku nka ahawe kugirango nawe azabashe kwiteza imbere .

Specioza  Dusabimana utuye mu kagari ka Mucaca umurenge wa Nemba, avuga ko mbere batahingaga mgo beze ariko ubu ngo ntakabuza bagiye guhinga beze kandi bikazabafasha mukwiteza imbere.

Ati “ iyi nka ngiye kuyorora neza kuburyo inteza imbere nkazamera neza nanjye”.

Ferdinand Mwumvaneza, umukozi w’akarere ka Gakenke ushinzwe ubworozi, avuga ko inka zahawe abaturage bari basigaye batarabona mubo akarere kari kateganyije kugabira.

Mwumvaneza avuga ko iyi gahunda ifasha abaturage kugirango bazamuke imiryango yabo irusheho kumererwa neza, agasaba abaturage kuzifata neza nkuko bikwiye kugirango zizabahe umusaruro.

Izi nka 53 zatangiwe mu mirenge ya Rushashi na Nemba nizo zari zisigaye kugabirwa abaturage muri gahunda ya girinka munyarwanda yateganyijwe n’akarere mu ngengo y’imari y’uyu mwaka. gahunda ya girinka yatangijwe na Nyakubahwa perezida wa repaburika y’ u Rwanda Paul Kagame ku rwego rw’igihugu mu mwaka wa 2006.

m_Bakusanyije umusaruro wabo ngo  bafashe bagenzi babo birukanwe muri Tanzania

Mugesera : Bakusanyije umusaruro wabo ngo bafashe bagenzi babo birukanwe muri Tanzania

Tags: , , , , , , , , ,


Abaturage batuye umurenge wa Mugesera ho mu karere ka Ngoma bakusanije toni irenga y’ibigori, ubunyobwa, ibishyimbo, amasaka n’ibindi,mu rwego rwo kubafasha no kubasangiza ku musaruro babonye

m_Bakusanyije umusaruro wabo ngo  bafashe bagenzi babo birukanwe muri Tanzania

Imiryango 20 yirukanwe muri Tanzania yatujwe mu murenge wa Mugesera muri gahunda yo kubaha amasambu no kubafasha gutangira ubuzima nyuma yo kwirukanwa.

Iyi miryango yirukanwe muri Tanzania ishima cyane uburyo yakiriwe n’abanyarwanda bene wabo babafasha, ndetse bakanakomeza kubazirikana.

Uwavuze mu izina ry’iyi miryango yafashijwe,Kayitare viateur ,yagize ati”Turashima abanyarwanda twasanze, urukundo bakomeje kutugaragariza badufasha muri ibi bihe bitatworoheye, turishimye cyane Imana ibongerere.”

Nkuko bakomeza babivuga ngo ibiryo bari bahawe kubatunga ngo babonaga bizashira mbere bityo bakaba ngo bageragezaga kwirwanaho bajya gukorera amafaranga abandi bakajya guhingira bagenzi babo bakabaha ibibatunga mu gihe bo bataratangira guhinga.

Kugeza ubu iyi miryango igiye icumbikiwe mu mazu atandukanye muri uyu murenge wa Mugesera, bivuze ko batarabona aho gutura, ariko ngo aho guhinga barahafite.

Ku kibazo cy’uburyo babona aho batura, umuyobozi w’akarere ka Ngoma wungirije ushinzwe ubukungu, Mupenzi George yatangaje ko iyi miryango nyuma yo gufashwa kugera mu mirenge no gushakirwa aho iba icumbitse,ubu bagiye kubakirwa kubufatanye bw’akarere n’imiganda y’abaturage ndetse na minisiteri ifite mu nshingano gucyura impunzi, izatanga inkunga y’amabati.

Si mu murenge wa Mugesera gusa habarizwa abanyarwanda birukanwe muri Tanzania kuko no mu murenge wa Rukumberi hakiri imiryango myinshi yabaye icumbikiwe muri uyu murenge mu gihe hagishakishwa ibibanza mu yindi mirenge ngo babe bajyanwayo bubakirwe banatuzwe .

Related sites

jaguar cars jaguar, jeep, kia