Tag Archive | "Rwanda aid"

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania2

Ruhango: Urubyiruko rwa RPF rwakoze umuganda wo gutunganya amazu y’abirukanywe muri Tanzania

Tags: , , , , , , , , ,


m_Urubyiruko rwa RPF rwakoze umuganda wo gutunganya amazu y’abirukanywe muri Tanzania

Urubyiruko ruzajya rukora imirimo nk’iyi buri gihembwe

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania1

Urubyiruko rwa RPF rurimo gusubiriza amazu y’abirukanywe Tanzania

Urubyiruko rugize urugaga rw’umuryango wa RPF-Inkotonyi mu karere ka Ruhango, kuri uyu wa Gatatu tariki ya 17/09/2014, rwifatanyije n’abaturage b’umurenge wa Mwendo mu kagari ka Kebero mu muganda wo gutunganya amazu y’Abanyarwanda birikanywe mu gihugu cya Tanzaniya.

Uyu muganda waranzwe na morale nyinshi wabonaga abawitabiriye bakorana umurava, bakavuga bishimishije kubona amaboko y’urubyiruko aza mu bikorwa nk’ibi bitakunze kuranga urubyiruko rwa mbere ya Jenoside.

Uhagarariye urubyiruko rwa RPF mu karere ka Ruhango, Bashima Hussein, avuga ko umuganda nk’uyu uzajya ukorwa buri gihembwe, mu rwego rwo gukomeza kwishakamo ibisubizo nk’urubyiruko hadategerejwe impano z’ahandi.

Rubanda Alex umwe mu birukanywe muri Tanzania, ari mu bubakirwa inzu muri uyu murenge wa Ntongwe, yavuze ko yishimye cyane kubana ukuntu iby’iciro by’abantu byose bikomeje kubitaho cyane.

Ati “twageze hano ababyeyi, abana, abayobozi, n’abandi batwereka urukundo koko. Ariko noneho ubu biraturenze kubona abasore n’inkumi zifata zikaza kutwubakira, rwose twishimiye uko u Rwanda rwacu rurimo gutera imbere”.

m_Urubyiruko rwa RPF rwakoze umuganda wo gutunganya amazu y’abirukanywe muri Tanzania2

Nyuma y’umuganda urubyiruko rwicaye ruganira ku ndangagaciro

Mbarushimana Jean Claude ushinzwe imibereho myiza mu kagari ka Kebero, ari naho uru rubyiruko rwakoze uyu muganda, yavuze ko urubyiruko rwa RPF ari imbaraga z’igihugu, bityo kuba rwitabira ibikorwa by’iterambere ry’igihugu aribyo kwishimira.

Agasaba urundi rubyiruko kurebera kuri uru, ruharanira icyateza imbere igihugu cyabo. Mu mirimo yakozwe n’uru rubyiruko harimo gusubiriza amazu yubatswe n’ubuyobozi, kubaka imisarane, ibikoni n’ibindi.

 

m_Abirukanywe muri Tanzaniya bashima leta y’u Rwanda uburyo yubaha abanyamahanga

Rwinkwavu: Abirukanywe muri Tanzaniya bashima leta y’u Rwanda uburyo yubaha abanyamahanga

Tags: , , , , , , , , , ,


m_Abirukanywe muri Tanzaniya bashima leta y’u Rwanda uburyo yubaha abanyamahanga

Sagatwa, umunyarwanda wirukanywe muri tanzaniya

Abanyarwanda birukanywe muri Tanzaniya bagatuzwa mu murenge wa Rwinkwavu mu karere ka Kayonza ngo bishimira uburyo bakiriwe kuva bageze mu Rwanda, by’umwihariko bagashima leta y’u Rwanda ko itihimuye ku ya Tanzaniya ngo na yo yirukane Abanyatanzaniya mu Rwanda.

Abo twavuganye bavuga ko batunguwe n’uburyo bakiriwe bakanitabwaho mu buryo bunyuranye kandi bari bamaze igihe kinini bataba mu Rwanda, ndetse banirukanwa bagataha imbokoboko nyuma yo kwamburwa imitungo ya bo yose nk’uko Sagatwa Firipo watujwe mu murenge wa Rwinkwavu abivuga.

Ati “Kuva tugeze ino twakiriwe neza uhereye mu nkambi aho twari turi. Tugeze muri uyu murenge na wo udufata neza, abaterankunga hari ubwo batugemurira ibyo kurya, leta iradutangira mitiweri, twumva dushima leta y’u Rwanda. Twari tuzi ngo tuzapfa kuko twaje tutagira namba none tugenda tubona abaterankunga bakatugaburira bakadufata neza cyane”

Mu batanze ubufasha ku Banyarwanda birukanywe muri TZ bagatuzwa mu mu murenge wa Rwinkwavu harimo n’abanyeshuri biga mu mashuri makuru na za kaminuza bo mu karere ka Kayonza. Abo banyeshuri babumbye amatafari yo kubakisha amazu azatuzwamo iyo miryango igera ku munani, kikaba ngo ari igikorwa batekereje gukora mu rwego rwo gutanga umusanzu wa bo mu kubaka igihugu.

Gusa abo banyeshuri banenga bagenzi ba bo bamara kugera muri kaminuza bakumva ko babaye abantu bakomeye ntibongere kwikoza abo basize mu cyaro, bakavuga ko abakora bene ibyo bafite ikibazo cy’imyumvire nk’uko Jean Claude Niyonzima abivuga.

Ati “Kwiga ntabwo bisobanuye kwikora mu mifuka cyangwa kumva ko ukomeye, ahubwo gukomera nyir’izina ni ukugira igikorwa ugaragaza cyo gufasha abakomeye n’abari mu kaga. Naho kuvuga ko ukomeye mu magambo gusa nta cyo byaba bimaze”

Abanyarwanda birukanywe muri Tanzaniya bashima leta y’u Rwanda kuko itihimuye ku ya Tanzaniya ngo yirukane Abanyatanzaniya baba mu Rwanda, ari na byo bigaragaza itandukaniro hagati y’izo leta zombi nk’uko Sagatwa akomeza abivuga.

Mu banyarwanda birukanywe muri Tanzaniya harimo abari bamazeyo imyaka isaga 30, ku buryo bamwe bari baratuye banahafite imiryango yagutse, ariko ubwo leta y’icyo gihugu yafataga icyemezo cyo kubirukana benshi birukanywe shishi itabona ntibemererwa no gutahana imitungo ya bo cyangwa ngo bayigurishe.

 

m_Ishuli rya ESPANYA ryoroje inka umunyeshuli wagizwe imfubyi na Jenoside3

Nyanza: Ishuli rya ESPANYA ryoroje inka umunyeshuli wagizwe imfubyi na Jenoside

Tags: , , , , , , , , ,


m_Ishuli rya ESPANYA ryoroje inka umunyeshuli wagizwe imfubyi na Jenoside

Inka yorojwe umunyeshuli Mujawimana Eugenie

Ku gicamunsi cyo kuri uyu wa 02/07/2014 ishuli ryisumbuye rya ESPANYA riri mu karere ka Nyanza ryoroje inka umunyeshuli w’iki kigo wagizwe imfubyi na Jenoside yakorewe abatutsi muri Mata 1994 akaba na nyina umubyara bari basigaranye nawe aherutse kwitaba Imana mu minsi ishize.  

Uyu Mujawimana Eugenie wagabiwe iyi nka atuye mu mudugudu wa Rwesero mu kagali ka Rwesero mu murenge wa Busasamana mu karere ka Nyanza.

m_Ishuli rya ESPANYA ryoroje inka umunyeshuli wagizwe imfubyi na Jenoside1

Mujawamariya yishimira inka yorojwe

Igikorwa cyo guhitamo koroza inka uyu munyeshuli wiga mu mwaka wa gatandatu mu ishami ry’ibaruramali n’icungamutungo mu ishuli ryisumbuye rya ESPANYA cyagizwe n’abarimu b’iki kigo biyemeza kugira icyo bigomwa ku mushahara wabo kugira ngo bagire ubufasha baha umwe mu bana bigisha ubabaye kurusha abandi.

Uyu Mujawimana Eugenie niwe bose bahurijeho nyuma y’uko yari asanzwe yaragizwe imfubyi na Jenoside yakorewe abatutsi muri Mata 1994 ndetse na nyina bari basigaranye akaba aherutse kwitaba Imana agasigara ari imfubyi ku babyeyi bombi.

m_Ishuli rya ESPANYA ryoroje inka umunyeshuli wagizwe imfubyi na Jenoside2

Abarimu n’abanyeshuli ba ESPANYA ubwo bari bamaze kumusura iwe mu rugo

Umuyobozi w’ikigo cy’ishuli ryisumbuye rya ESPANYA Bwana Mudahinyuka Narcisse yavuze ko iki gikorwa cyo gufata mu mugongo imwe mu miryango y’abarokotse jenoside yakorewe abatutsi muri Mata basanzwe bagikora buri mwaka.

Yagize ati: “Uyu mwaka wa 2014 twasanze tugomba kuremera umwe mu banyeshuli bacu wari usanzwe ari imfubyi ya jenoside turera ariko mu minsi mike ishize akaba na nyina yari asigaranye aherutse kwitaba Imana ubu akaba ari nyakamwe”

“Ntabwo twigisha gusa ahubwo turanareba mu barimi bacu cyangwa mu bana turera ufite ikibazo tukimufashamo tukamufata mu mugongo tumugaragariza urukundo”- Mudahinyuka Narcisse

Umuyobozi wungirije uhagarariye ishuli rya ESPANYA imbere y’amategeko Bwana Murekezi Olivier yavuze ko uyu muco wo gutanga inka bawukura ku mukuru w’Igihugu Paul Kagame ngo cyane cyane kuri gahunda ye yatangije yiswe “ Gira inka munyarwanda”

Yakomeje avuga ko ishuli rya ESPANYA ahagarariye ryashinzwe n’ababyeyi ngo niyo mpamvu aho batari bafite  inshingano zo kuhababera bakita kubo basize nk’abana b’imfubyi baba bahuye n’ibibazo bitandukanye byo mu buzima busanzwe.

m_Ishuli rya ESPANYA ryoroje inka umunyeshuli wagizwe imfubyi na Jenoside3

Umwe mu bana bigana na Mujawimana Eugenie niwe wamufashije gucanira iyo nka

Uyu Mujawimana Eugenie warojwe iyi nka ndetse akanubakirwa n’ikiraro cyayo cya Kijyambere yishimiye abagize komite nyobozi w’iri shuli rya ESPANYA yigaho avuga ko bagerageje kumuba hafi bamwihanganisha mu gihe yari amaze kubura umubyeyi we yari asigaranye nyuma ya jenoside.

Yagize ati: “Nanywaga amata ariko nyaguze nkabona ifumbire y’akarima k’igikoni ariko nyiguze ku baturanyi ariko iyi nka mpawe  n’abarimu banjye b’ishuli nigaho imbereye igisubizo cy’ibibazo byose nari mfite muri uru rugo”

Nk’uko uyu mwana w’umunyeshuli yakomeje abisobanura ngo iyi nka yorojwe kuri we ni ikimenyetso cy’imiyoborere myiza ndetse kikaba n’igihango gikomeye yagiranye n’ubuyobozi bw’ishuli rya ESPANYA.

 

m_Ibitaro bya kibogora byashyikirije utishoboye inzu byamwubakiye1

Nyamasheke: Ibitaro bya kibogora byashyikirije utishoboye inzu byamwubakiye

Tags: , , , , , , ,


m_Ibitaro bya kibogora byashyikirije utishoboye inzu byamwubakiye

Gatoya Antoine n’umuryango we babaga hafi y’umugezi wa karundura,mu mudugudu wa kirambo, akagari ka kigoya mu murenge wa kanjongo ahantu hahanamye ku buryo mu gihe cy’imvura amazi yinjiraga mu nzu, ndetse imvura yaba itaguye bikaba byitezwe ko inzu babagamo ishobora kubahirimiraho umunsi ku munsi.

m_Ibitaro bya kibogora byashyikirije utishoboye inzu byamwubakiye1

Gatoya Antoine ni umugabo ubana n’ubumuga bwo kutumva ndetse n’akaba nta gatege akifitiye bitewe n’izabukuru abana n’umugore we witwa Mariya Nyirabagema.

Nyirabagema avuga ko babagaho babara iminsi, iyo umunsi wirirwaga ntibari bazi ko uri bwirirwe kuko babaga bizeye ko umuvu ushobora kubatwara, avuga ko we n’umugabo we bari baramaze kwiragiza Imana bayisaba gupfa neza kuko bumvaga habura isaha yo gupfa gusa.

Yagize ati “nashatse guhunga ngo mve hano ariko umugabo aranga ngo n’ubundi arashaje arabura izuba rimwe, nanjye nanga kumuta turaguma, gusa twabaga twiteze ko isaha n’isaha umuvu udutwara tugaheruka ubwo, ariko Imana yumvise amasengesho yacu turishimye”.

Umuyobozi w’ibitaro bya Kibogora, Dr Nsabimana Damien  yavuze ko Gatoya yabaga mu nzu igayitse idakomeye kandi ituye ku ruzi,kandi akaba nta bandi bantu bashoboraga kumufasha cyane ko afite abana batishoboye harimo n’ufite ubumuga, uko imvura yagwaga umuryango warimukaga, kumugumisha aho hantu byari  gutuma atakaza ubuzima bituma biyemeza ku mufasha muri gahunda yabo yo gufasha abakene cyane cyane muri gahunda iba ku bitaro yo kwita ku basaza n’abakecuru batakigira kivurira.

Yagize ati “iyi ni gahunda yacu yo gufasha abakene n’abasaza tukagira abantu babasanga mu ngo bakabafasha, twasanze uyu muryango ukennye kandi utagira aho uba tuzashiduka amazi yawutwaye turabafasha kandi turishimira ko babonye ubuzima”.

Umunyamabanga nshingwabikorwa w’umurenge wa Kanjongo, Kamali Aime Fabien, yavuze ko mu gihe u Rwanda rwitegura umunsi mukuru wo kwibihora, avuga ko kwibohora atari ukwibohora ingoma y’igitugu n’amasasu gusa, ko ahubwo ari n’ igihe cyo kwibohora ubukene,kutagira ubumuntu no kutagira urukundo abannyagihugu bagaharinira igihugu kikagana aheza.

Yagize ati “nyuma y’imyaka u Rwanda rwibohoye igitugu n’urwango, ni igihe cyo kwibohora ubukene abari ahantu habi bakahava tukaganisha igihugu cyacu ahantu heza, intambwe twigejejeho ni ndende ariko turacyakeneye gutera imbere , imyumvire myiza iganisha ku majyambere y’igihugu cyacu niko kwibohora”.

 Gatoya n’umuryango we bubakiwe inzu , ubwiherero n’ibikoni byayo bifite agaciro gasaga miriyoni 2 n’ibihumbi bisaga 600 by’amafaranga y’u Rwanda.

m_Gahunda ya girinka munyarwanda  yafashije abakene kwibohora ingoyi y’ubukene

Ngoma: Gahunda ya girinka munyarwanda yafashije abakene kwibohora ingoyi y’ubukene

Tags: , , , , , , , , , ,


m_Gahunda ya girinka munyarwanda  yafashije abakene kwibohora ingoyi y’ubukene

Abatuye akarere ka Ngoma bashima leta y’ubumwe bw’abanyarwanda ko yita cyane  kubaturage bayo ndetse  ikanashyiraho gahunda zizamura ababa bakiri mu bukene,nkuko byagenze perezida w’u Rwanda Paul Kagame , atangiza gahunda ya “girinka munyarwanda.”

Bamwe mu bavuganye n’itangazamakuru bavuga ko inka zatanzwe na Perezida wa Republika zafashije abazihawe bakennye mu kubona ifumbire umusaruro w’ubuhinzi bwabo uratubuka ndetse n’amata basagurira isoko bituma biteza imbere bava mu bukene.

Ngirababo Jean Baptiste, umuturage utuye mu  murenge wa Kazo avuga ko we icyo yishimira mu myaka 20 u Rwanda rumaze rwibohoye, ari uko yabonye leta nziza ifite imiyoborere myiza kandi ikunda abaturage bose n’abakene ibateza imbere ,bitandukanye na mbere.

Yagize ati” Ubu kubera gahunda ya Girinka munyarwanda abakene bari kwiteza imbere ,bitandukanye na  mbere yo kwibohora,ubu hari imiyoborere myiza yita ku baturage. Abakecuru batishoboye  bahabwa amafaranga, ni byinshi.”

Umwe mu bahawe izi nka muri gahunda ya girinka munyarwanda, utuye  mu kagali ka Gahurire ahitwa Rugenge mu murenge wa Kazo, ubwo yasurwaga n’inzego z’umurenge nyuma y’umwaka umwe ahawe inka, basanze ubuzima bwe bwarahindutse kuko basanze iyo nka yarabyaye anywa amata kandi  aneza cyane imyaka kuko akoresha ifumbire.

Abaturage benshi batuye akarere ka Ngoma batunzwe n’ubuhinzi, aho usanga bakenera cyane ifumbire kugirango umusaruro wabo ube mwiza. Ku bakene ntibabashaga kuyibona kuko utoroye inka ayigura bo babura amafaranga bagahingiraho ntibyere bigatuma ubukene bukomeza. Ubu barashima Perezida Kagame waboroje muri girinka.

Mu karere  ka Ngoma kose hamaze gutangwa inka 5,448 muri gahunda ya girinka mu nyarwanda yatangijwe na Perezida wa republika y’u Rwanda Paul Kagame mu  mwaka wa 2006.

Uretse gahunda ya girinka abaturage bishimira, ngo  mu myaka 20 ishize u Rwanda rwibohoye ,bishimira ko buri muntu wese afite ijambo yaba abagabo ndetse n’abagore kuko ubu nabo bagize uruhare runini mu buyobozi mugihe mbere yo kwibohora wasangaga  batarahabwaga iyo myanya nk’ubu.

m_Barishimira uburyo gahunda ya girinka yababohoye ubukene

Gakenke: Barishimira uburyo gahunda ya girinka yababohoye ubukene

Tags: , , , , , , ,


Bamwe mubaturage bo mu Karere ka Gakenke bagabiwe inka muri gahunda ya girinka bemeza ko inka bagabiwe zabafashije kwibohora ubukene bwari bubugarije kandi bakaba hari byinshi bamaze kwigezaho babikesha inka bagabiwe.

 m_Barishimira uburyo gahunda ya girinka yababohoye ubukene

Uretse kuba babona umukamo ushimishije banemeza ko nta muntu ukibura agafumbire nkuko byabagendekeraga mbere yo kworozwa kandi bakaba batanakirembera mu ngo zabo kubera ko babuze ayo kwishyura mituweri.

Josephine Nyirakadori wo mu Kagari ka Rusagara mu Murenge wa Gakenke, avuga ko inka yagabiwe yamukuye mubukene kuko asigaye ashobora kwikorera ibyo atashoboraga gukora.

Ati “ bamaze kungabira iyi nka narayoroye irabyara mbona amata, ndahinga nkeza neza ntakibazo kuburyo nashoboye no kwisakarira inzu yanjye n’ibindi bijyanye na mituweri ntibikiri ikibazo kuri njye”.

Gusa ariko nubwo Nyirakadori yibohoye ubukene, yemeza ko mbere yo kugabirwa yari abayeho nabi cyane kuburyo yarwaraga akabura nuko yivuza kubera kubura amikoro

Ati “ twari tubayeho nabi rwose cyane kuburyo twarwaraga tukabura n’uburyo twivuza, tugahinga ntitweze kuberako twahinze tudafumbiye gusa byose byarakemutse kuko ubu twambara tukaberwa natwe tukajya mubandi”.

Nyirakadori yongeraho ko barimo kwibohora ubukene bwari bwarabokamye kuko nuwo yagabiye asigaye ameze neza mugihe mbere yo kumugabira yarafite abana bashobora no kurwara bwaki gusa byose bikaba byaracemutse.

Augustine Havugimana wo mu Kagari ka Kagoma mu murenge wa Gakenke nawe yemeza ko gahunda ya girinka yajye ije kubavana mubwigunge bari baratewe n’ubucene kandi ikaba ifite naho imaze kugeza abagabiwe nawe arimo

Ati “ gahunda ya girinka yajye ije kurwanaho abantu bafite ubucene kuburyo abagabiwe bose bamaze kwitezimbere muri byose, aho babasha kubona umusaruro bigatuma bakorana n’amabanki”.

Havugimana avuga ko ntawabura gushimira umukuru w’igihugu uburyo abazirikanamo kugeza naho yabahaye inka zikaba zirimo kubakamirwa hamwe n’imiryango yabo ntakibazo.

Ferdinand Mwumvaneza n’umukozi w’akarere ka Gakenke ufite ubworozi munshingano ze avuga ko iyigahunda yatangiye muri 2007 muri kano karere kandi inka abaturage bagabiwe zikaba zaratumye bava kurwego ruri hasi bakaba bageze kurwego rushimishije.

Ati “ hari abatarabashaga kwishurira amashuri abana babo ariko nanone hari n’abatarabashaga kurya neza byongereye imirire kuburyo abana bari bafite ibibazo by’imirire mibi ubungubu byacemutse babikesha iyi gahunda”.

Mwumvaneza akomeza avuga ko bitemerewe ko umuntu wagabiwe inka yagira igihe ugasanga nta nka afite murugo rwe

Ati “ niba uhawe inka ikaba yabyara igakomokaho izindi nyinshi wemerewe wenda kuba wayigurisha ariko kuburyo murugo iwawe hasigara inka”.

Kuva iyi gahunda ya girinka yatangira mu karere ka Gakenke imiryango igera kuri 8552niyo imaze kugabirwa kandi iyi gahunda ikaba igikomeza nokuyindi miryango itaragabirwa kugirango nabo zizabafashe kwitezimbere.

m_Nyabihu thrives in Girinka Program2

Nyabihu thrives in Girinka Program

Tags: , , , , , , , , , , ,


It has been 8 years since the initiation of Girinka Program in Rwanda and it has changed the lives of many people. In Nyabihu district, this program has seen about 4, 000 cows distributed to the people, with whom they social welfare have changed for the better and poverty has been eradicated.

m_Nyabihu thrives in Girinka Program

Laurence Nyiramuhire says her lifestyles testifies to the change Girinka brought

With Girinka Program, local people have managed to fight malnutrition in their families, boosted their farming with manure and developed them economically and socially.

For Laurence Nyiramuhire, receiving a cow in Girinka Program three years ago was the blessing she was waiting for to break through her poverty and lead a normal, healthy and financially free life.

m_Nyabihu thrives in Girinka Program1

Girinka program has helped in poverty reduction and socio-economic improvement in the people

Laurence Nyiramuhire a Genocide survivor who resides in Mukamira Sector received a cow 3 years ago. Her cow is milked 7 liters daily, the family drinks some and she sells the remaining. Just like many of other Nyabihu residents, she will always be grateful to Girinka program.

m_Nyabihu thrives in Girinka Program2

Nyabihu district has distributed almost 4000 cows in its people

Since 2006 when the president of Rwanda H.E Paul Kagame initiated it as a poverty strategy, 3, 520 cows have been distributed in Nyabihu district specifically in Girinka program.

According to Eugene Shingiro the veterinary officer of Nyabihu district, 540 cows were distributed in fiscal year 2013/2014. 400 cows of the distributed cows in 2013/2014 are from people who are giving back to the community that gave them in the first time.

Nyabihu district has registered development, poverty reduction and socio-economic improvement in its people for the last 8 years after the initiation of Girinka program.

m_VUP Program to benefit Kagano sector’s poor residents

Nyamasheke: VUP Program to benefit Kagano sector’s poor residents

Tags: , , , , , , , ,


The vulnerable and poor especially the elderly residents of Kagano sector of Nyamasheke district are in the weekly registration program to benefit in the VUP (Vision Umurenge Program).

m_VUP Program to benefit Kagano sector’s poor residents

VUP program employs local people in social works projects that develop the country

The VUP Program is part of Poverty reduction strategies set by the government of Rwanda. It gives employment to poor but strong people in social works and provides beneficiary funds to the weary towards improving their social-economical situations.

The local residents of Kagina sector in the 1st and 2nd classes of extreme poverty in Ubudehe Social Stratification classes will be receiving the funds.

Verena Mukaruhamya is one the VUP Program beneficiaries and she hopes to improve her eating habits with the money. “I will be eating better and I will be strong and not sickly as I have been in the past, I will renovate my house and even buy livestock to rear.”

According to David Hatangimana the coordinator of VUP program in Rangiro and Bushenge sectors, the beneficiary funds given to the vulnerable people improves their health and takes them out of poverty.

“VUP programs provide employment to the strong but poor people in projects that develop the country and for the weak, they receive the beneficiary’s funds to ensure they get out of poverty any way possible,” he explains.

A family receives Rwf7, 500 that increases depending on the number of family members. A family of 5 members receive Rwf21 000 monthly.

m_Inka zikabakaba ibihumbi 4 zimaze gutangwa kuva Girinka yatangira, zazanye impinduka ikomeye mu mibereho y’abazihawe2

Nyabihu: Inka zikabakaba ibihumbi 4 zimaze gutangwa kuva Girinka yatangira, zazanye impinduka ikomeye mu mibereho y’abazihawe

Tags: , , , , , , , , , ,


Mu gihe hashize imyaka igera ku 8, gahunda ya Girinka itangiye mu Rwanda, abaturage batari bake bamaze kwikura mu bukene no guhindura imibereho yabo, bitewe n’iyi gahunda. Mu karere ka Nyabihu, inka zikabakaba ibihumbi 4000 zimaze gutangwa kandi bamwe mu bazihawe mbere, batangaza ko zimaze kubageza ku buzima bwiza no kurwanya imirire mibi, zibafasha gukemura utubazo two mu ngo, ndetse ngo ubu baraneza kurushaho kubera ifumbiren’ibindi.

m_Inka zikabakaba ibihumbi 4 zimaze gutangwa kuva Girinka yatangira, zazanye impinduka ikomeye mu mibereho y’abazihawe

Inka zikabakaba ibihumbi 4 zimaze guhabwa abakene mu karere ka Nyabihu kandi zahinduye byinshi mu mibereho yabo

Umukecuru Nyiramuhire Laurence atuye mu murenge wa Mukamira, mu kagari ka Rugeshi mu karere ka Nyabihu. Ni umupfakazi wacitse ku icumu rya Jenoside yakorewe Abatutsi. Hashize imyaka 3 ahawe inka muri gahunda ya Girinka.

Iyi nka ,avuga ko yamugiriye akamaro kanini cyane,bituma ayita ingabe kuko yayigabiwe na Perezida wa Repubulika. Kuri we asanga amata imuha amata akabakaba Litiro 7 ku munsi,ku buryo amata amwe bayanywa mu rugo,andi akayagurisha akabasha kumufasha mu tubazo two mu rugo ndetse agahaho n’abaturanyi.

m_Inka zikabakaba ibihumbi 4 zimaze gutangwa kuva Girinka yatangira, zazanye impinduka ikomeye mu mibereho y’abazihawe1

Inka y’umukecuru Nyiramuhire,amaze imyaka itatu ahawe binyuze mu mata n’ifumbire imuha imaze kumugeza kuri byinshi birimo no guhindura imibereho ye

Kuri ubu,inka yahawe yatumye ava mu bwigunge. Yadutangarije ko mu gasambu gato afite abona agafumbire yaba utuboga n’indi myaka ateye ikabasha gutanga umusaruro mwiza.

Yongeraho ko binyuze mu kubona amafaranga yo gukemura ibibazo ahura nabyo,yishimira cyane uburyo abayeho,agashima uwazanye gahunda ya Girinka. Kuba abayeho neza,avuga ko byamweretse ko afite abavandimwe bamwitaho kuburyo bimufasha kudaheranwa n’ubwigunge nubwo yabuze benshi muri Jenoside yakorewe Abatutsi.

Uwamahoro Esperance,nawe n’umwe mu bahawe inka muri gahunda ya Girinka. Nawe yacitse ku icumu rya Jenoside. Yishimira cyane imibereho ye. Nyuma yo kubakirwa inzu,yahawe inka. Ibi byombi byatumye ubuzima bwe butari bufite umurongo n’icyerekezo cy’ahazaza,bubona icyerekezo.

Inka yahawe yadutangarije ko yamufashije muri byinshi haba mu kuvugurura imirire banywa amata n’abana be ndetse no kubona ifumbire. Avuga ko ashima Leta y’ubumwe  kuko ibafasha byinshi mu kuvugurura imibereho yabo no kugira ejo hazaza heza. Akaba yishimira gahunda ya Girinka kuko ikomeje gukura mu bukene Abanyarwanda batari bake.

m_Inka zikabakaba ibihumbi 4 zimaze gutangwa kuva Girinka yatangira, zazanye impinduka ikomeye mu mibereho y’abazihawe2

Inka zikomeje gutangwa mu rwego rwo guharanira ko abakene bikura mu bukene bagahindura imibereho ikarushaho kuba myiza

Uhereye gahunda ya Girinka yatangira, mu karere ka Nyabihu hakaba hamaze gutangwa inka zirenga 3520 muri gahunda ya Girinka kandi zikomeje kwiyongera kuko gahunda yo kuzitanga igikomeje nk’uko Shingiro Eugene ushinzwe ubworozi mu karere ka Nyabihu abivuga.

Muri uyu mwaka w’imihigo,inka 540 zikaba arizo zimaze gutangwa mu karere ka Nyabihu muri 500 zari ziteganijwe gutangwa. Inyinshi muri izi nka zikaba ari iz’abaturage bazihawe mbere bazituriye bagenzi babo kuko izituwe zisaga 400.

Impinduka  nziza izanwa na gahunda ya Girinka muri Nyabihu ikaba igenda igaragara mu mibereho y’abazihawe nk’uko bamwe babyitangiramo ubuhamya.

m_Abanyarwanda birukunywe muri Tanzaniya batujwe1

Nyamasheke: Abanyarwanda birukunywe muri Tanzaniya batujwe

Tags: , , , , , , , , , ,


m_Abanyarwanda birukunywe muri Tanzaniya batujwe

Kuri yu wa kane tariki ya 19 Kamena 2014, abanyarwanda  35 bari mu miryango isaga 12  birukanywe muri Tanzaniya batujwe mu murenge wa karambi aho bita mu Gatare, nyuma y’uko bari barazanywe  bacumbikirwa mu mu murenge wa karengera.

 m_Abanyarwanda birukunywe muri Tanzaniya batujwe1

 Abo banyarwanda batangaje ko bishimiye kuba begeze aho bazatura ndetse bakabona amasambu bakaba bemeza ko mu minsi ya vuba bazaba bageze ku muvuduko abandi baturage basanzwe bari mu Rwanda bagezeho mu kwiteza imbere.

Twagirayesu Daniel yirukanywe muri Tanzaniya umwaka ushize mu kwezi kwa Nzeri, yari amazeyo imyaka isaga 52, afite umuryango w’abantu 8, avuga ko ari ibintu bikomeye kandi byo kwishimira no gushimira leta y’abanyarwanda  yakoze ibishoboka bakongera kwishimira igihugu cyababyaye, akaba avuga ko mu minsi ya vuba aba atangiye kwiteza imbere  mu korora no mu buhinzi.

Yagize ati “ngiye gufata isuka mpinge,nimbona ifumbire nkabona inka nkorora, mu minsi mike ndaba ngeze ku ntera nk’iy’abandi baturage, nzabishobora kandi, kuko bampaye inzu yanjye ndetse bakampa n’isambu nzabyaza umusaruro”.

Nyirangiriye Antoinnette ni umuturage usanzwe atuye mu Gatare  yavuze ukuntu ashimishijwe no kuba abonye abaturanyi bazafatanya guteza imbere aho batuye.

Yagize ati “twishimiye ko tubonye abaturanyi tuzabafasha kumenyera inaha, tubigishe guhinga ibihingwa ngandurarugo, tubigishe guhinga icyayi nk’uko natwe cyaduteje imbere, ni amaboko tubonye”.

Machiavelli ni umucungamutungo wa Sacco  yo mu Gatare avuga ko bagiye kubafasha kwibumbira mu makoperative babyaze umusaruro udufaranga duke bazagenda babona ku buryo mu minsi mike bazaba babaye abaturage bafite icyo bigezaho, nk’uko abo basanze biteje imbere babikesha guteza imbere ibikorwa biciriritse mu myuga, mu buhinzi cyangwa ubworozi n’ibindi.

Umunyamabanga nshingwabikorwa w’umurenge wa Karambi yabahaye ikaze asaba abo basanze kubakira nk’uko mu muco nyarwanda bigenda bakabana nk’abavandimwe, abizeza ubufasha bwose bazakenera kugira ngo bagere aho abandi baturage bageze.

Yagize ati “dufite umutekano usesuye, aho tubatuje ni ahantu hari kugana amajyambere, mu myaka itatu cyangwa ibiri muraba mutangiye kwigira namwe nk’abandi baturage, dufatanye kubaka igihugu cyacu”

Mbere y’uko bagera mu murenge wa Karambi, aba batujwe bari babanje guhura n’umuyobozi w’akarere abasaba kuza gutura muri ako karere bisanga  bakazahinga icyayi, bakiteza imbere nk’abandi baturage kandi abizeza ko ikibazo bazahura nacyo bazafatanya kugishakira igisubizo.

Mu rwego ko kubitegura abaturage ba karambi bari bakusanyije ibiribwa birimo, ibigori, ibijumba,ibishyimbo imboga n’ibindi byo kubafasha gutangira kwiyubaka.

Buri muryango w’umugore, umugabo n’abana wahawe inzu yo kubamo mu gihe abatarashaka bagiye bahabwa inzu bagafatanya kuyibamo bakurikije ibyumba biyirimo. Gusa ubuyobozi bukaba buvuga bugikomeza kubaka amazu ahagije ku buryo nabo buri wese ashobora kuzabona aho atura.

Related sites

jaguar cars jaguar, jeep, kia