Tag Archive | "Rwanda BURERA"

Umwe mubasigajwe inyuma n’amateka wagabiwe inka aravuga icyo yamumariye1

Umwe mubasigajwe inyuma n’amateka wagabiwe inka aravuga icyo yamumariye

Tags: , , , , , , , , , ,


Umwe mubasigajwe inyuma n’amateka wagabiwe inka aravuga icyo yamumariye

Sebaraganda Tadeyo, umwe mu basigajwe inyuma n’amateka batuye mu murenge wa Cyanika, mu karere ka Burera, atangaza ko mu gihe kigera ku myaka ibiri gishize agabiwe inka, yabashije kwikura mu bukene kurusha mbere nta nka atunze.

Umuryango wa Tadeyo ni umwe mu miryango 34 y’abashigajwe inyuma n’amateka batuye mu murenge wa Cyanika, bakuwe mu ishyama ry’ikirunga cya Mubura, mu mwaka wa 2010, muri gahunda yo guca inzu za nyakatsi.

Umwe mubasigajwe inyuma n’amateka wagabiwe inka aravuga icyo yamumariye1

Mu rwego rwo kubatuza hamwe n’abandi banyarwanda ndetse no kubakura mu bukene, aba basigajwe inyuma n’amateka bubakiwe inzu zo kubamo ndetse bagenda banahabwa amatungo atandukanye.

Tadeyo ni umwe mu bagabiwe inka muri gahunda ya Gira Inka.  Akaba yarayigabiwe mu mwaka wa 2012 kuburyo ubu yabyaye ikimasa kikaba cyaranacutse.

Uyu musaza uvuga ko atazi imyaka ye neza, kubera ko ngo irangamuntu ye yayitaye, ahamya ko kuva yagabirwa iyo nka umuryango we ubasha kubona ibiwutunga.

Avuga ko iyo nka imuha amata abana bakayanywa ndetse ikamuha n’ifumbire akayigurisha. Ngo umufuka umwe w’iyo fumbire awugurisha amafaranga y’u Rwanda 1000.

Agira ati “Ifumbire yayo njya nyigurisha, nayigurisha nkabona akajerekani k’ubushera, nkabona uwo mushingiriro (ibishyimbo) wo kurya. Ndagenda nkaguramo ibijumba, nkagura ikilo cy’ibigori  (cy’amafaranga y’u Rwanda 500) nkavanga n’umushingiriro! Ubwo rero asagutse  nkajya kuyanywera. Amata ntabwo nayagurisha bayanywera ubuntu.”

Akomeza avuga ko ikimasa iyo nka ye yabyaye yakizituriye undi muturage utishoboye nk’uko amabwiriza ya Gira Inka abiteganya.

Tadeyo akomeza avuga ko nubwo ageze mu zabukuru abasha gukenura inka ye, ayishakira ubwatsi kugira ngo itananuka. Ngo ntabwo ashobora gusigana n’abana be dore ko ngo batajya banamufasha kuyiragira.

Agira ati “Irya imifumba, ngatsindagira mu mufuka, igasamura, yamara gusamura nkajyenda nkajya kuzana undi mufuka (w’ubwatsi), ubwo ikaba ibaye imifuka ibiri. Nabona irangije (kuyirya) nkajya gushaka indi (mifuka y’ubwatsi) ibiri.

Abashigajwe inyuma n’amateka bo mu karere ka Burera bakomeza kwitabwaho kugira ngo badasigara inyuma mu iterambere. Usibye kugabirwa inka ndetse no kubakirwa inzu hari abagiye bahabwa n’imirima yo guhingamo n’ibikoresho byo mu rugo.

Mu ntangiriro z’ukwezi kwa 10/2014, ubwo Dr. Mukabaramba Alvera, umunyamabanga wa Leta muri minisiteri y’ubutegetsi bw’igihugu (MINALOC), yasuraga abashigajwe inyuma n’amateka batuye mu murenge wa Gahunga, mu karere ka Burera, yasanze batuye ahantu haboneye.

Iyi miryango nayo yamweretse ko yishimira uburyo yakuwe mu mashyamba y’ibirunga, aho yabaga mbere, ikaza gutuzwa hamwe n’abandi banyarwanda. Aho ihamya ko bitabwaho ku buryo bushoboka.

Gusa ariko ikavuga ko munzu ituyemo nta sima irimo ndetse ngo nta n’amashanyarazi bafite. Aho basaba ko ibyo nabyo byabagezwaho.

Dr. Mukabaramba yabwiye abo bashigajwe inyuma n’amateka ko ibyo bibazo bafite nabyo bizakemuka. Gusa yabasabye kwishakamo ibisubizo bakikuramo guhora bategereje inkunga gusa.

Aba banyarwanda ariko basabwa kwishakamo ibisubizo bakikuramo guhora bategereje inkunga gusa.

 

Burera reintegrates Tanzania returnees

Burera reintegrates Tanzania returnees

Tags: , , , , , , ,


It is all joy and smiles as twenty nine families of Rwandans expelled from Tanzania received houses built by the Burera district.

According to Samuel Sembagare, the mayor of Burera district, the District has provided shelter for the returnees for them to start new lives in Rwanda.

Burera reintegrates Tanzania returnees

Burera district commits to support Rwandan returnees attain of self reliance through reintegration

The twenty nine families of TZ returnees recently relocated in Burera district are fully integrated in community.

She also added those returnees are being supported with food donations and primary materials supplied.

At the beginning of the year 2014, the government of Rwanda came up with long-term solutions to shelter and relocate the returnees around the Rwanda territory.

“All the families were supplied with over twenty tons of food stuffs to survive on. The district also paid for their medical insurance cover and their children are now in schools,” says mayor.

The mayor added that for the youth who dropped out of schools they are being enrolled in Vocational and Technical Schools.

For the case of women, they are being initiated in women cooperatives, learning entrepreneur skills.

 

m_Kugana ishuri ngo niwo muti ku bibazo bitandukanye by’abasigajwe inyuma n’amateka

Kugana ishuri ngo niwo muti ku bibazo bitandukanye by’abasigajwe inyuma n’amateka

Tags: , , , , , , , ,


m_Kugana ishuri ngo niwo muti ku bibazo bitandukanye by’abasigajwe inyuma n’amateka

Dr. Mukabaramba Alvera, umunyamabanga wa Leta muri minisiteri y’ubutegetsi bw’igihugu (MINALOC), arasaba ubuyobozi bw’akarere ka Burera guhwitura abashigajwe inyuma n’amateka bakagana ishuri ngo kuko ibibazo byabo bitandukanye bizakemuka ari uko urubyiruko rwabo rwize.

Dr. Mukabaramba abwira ubwo buyobozi ko abashigajwe inyuma n’amateka bagomba kuzamuka kimwe n’abandi banyarwanda nta numwe usigaye inyuma. Bakajya hamwe n’abandi kandi nabo bakagana ishuri bakagera no muri za kaminuza.

Agira ati “Mubarebe uko mushoboye. Murebe! Ari uvuyemo (mu ishuri) afite ikihe kibazo? Abuze iki kugira ngo akomeze kwiga? Mugomba kubasubiza ku ishuri. Mugakomeza n’iriya gahunda y’imyuga. Kandi n’uwo muri kaminuza baramurihira, MINALOC itanga amafaranga.”

Akomeza avuga ko abashigajwe inyuma n’amateka bafite ibibazo bitandukanye bituma badindira ntibatere imbere nk’abandi banyarwanda. Ngo ibyo bibazo bizakemuka ari uko urubyiruko rwabo rugannye ishuri.

Agira ati “Ibi bibazo byose dufite byabo tuzashobora kubikemura ari uko urubyiruko rwabo rwize. Rugahindura imyumvire…”

Urubyiruko rw’abashigajwe inyuma n’amateka rwo mu karere ka Burera rugana ishuri ariko nyuma rukarivamo rutaragera no mu mashuri yisumbuye, rukajya kwibera iwabo aho rumwe ruhita rushinga ingo.

Tariki 03/10/2014, ubwo Dr. Mukabaramba yasuraga imiryango 12 y’abashigajwe inyuma n’amateka ituye mu murenge wa Gahunga, mu karere ka Burera, yasanze yarubakiwe amazu, ifite ibigega bifata amazi ndetse yaranagabiwe inka.

Iyi mirayngo nayo yamweretse ko yishimira uburyo yakuwe mu mashyamba y’ibirunga, aho yabaga mbere, ikaza gutuzwa hamwe n’abandi banyarwanda. Aho ihamya ko bitabwaho ku buryo bushoboka.

Gusa ariko ikavuga ko munzu ituyemo nta sima irimo ndetse ngo nta n’amashanyarazi bafite. Aho basaba ko ibyo nabyo byabagezwaho.

Dr. Mukabaramba yabwiye abo bashigajwe inyuma n’amateka ko ibyo bibazo bafite nabyo bizakemuka. Gusa yabasabye kwishakamo ibisubizo bakikuramo guhora bategereje inkunga gusa.

 

m_Abaturage baracyasabwa kuryama ku mifariso ndetse no kurya imboga n’imbuto

Burera: Abaturage baracyasabwa kuryama ku mifariso ndetse no kurya imboga n’imbuto

Tags: , , , , , , , ,


m_Abaturage baracyasabwa kuryama ku mifariso ndetse no kurya imboga n’imbuto

Umuyobozi w’akarere ka Burera, Sembagare Samuel, arasaba ababyeyi bo muri ako karere kugaburira imiryango yabo indyo yuzuye kandi bakanagira isuku ahantu hose kuko aribwo bazagira umuzima bwiza bityo bagakomeza gukora bakiteza imbere.

Sembagare yibutsa ibi abanyaburera kuko hari bamwe batabikurikiza bakarya indyo itagizwe n’imboga ndetse n’imbuto abandi bo ugasanga bafite isuku nke ku mubiri no ku myambaro ndetse no mu ngo zabo.

Umuyobozi w’akarere ka Burera avuga ko indwara ziterwa n’imirire mibi ziterwa no kuba abana cyangwa se n’abantu bakuru batarya indyo yuzuye.

Akomeza abwira abanyaburera korora kugira ngo bajye banywa amata kandi bakanatera ibiti by’imbuto ndetse bakanahinga akarimo k’igikoni bateraho imboga.

Agira ati “Abari n’abategarugori n’abagabo mugomba kumenya kugaburira abana banyu, imiryango yanyu indyo yuzuye. Indyo yuzuye ni ibyo byose: ibyo kurya birimo imboga, abana bakanywa amata, bakarya amagi, namwe ariko kugira ngo ubuzima bwanyu bube bwiza mushobore gukora.”

Sembagare akomeza abwira abaturage bo mu karere ayoboye ko kurya indyo yuzuye bigomba kujyana no kugira isuku.

Aho abasaba kugira isuku ahantu hose atari ukuyigira gusa ku myambaro ndetse no ku mubiri gusa. Abibutsa kugira imisarani myiza ifite isuku, bakarara ahantu hafite isuku ndetse n’aho bakarabira naho hakagira isuku.

Ikindi kandi bakanibuka kuryama ku mifariso ariko atari abakuru gusa bayiryamaho ahubwo n’abana nabo bakaryama ku mifariso kuko bafite uburenganzira nk’ubw’abakuru.

Agira ati “…ntimuryame mwembi n’umugore wawe ku mufariso ngo abana barare ku rutara cyangwa mwabasasiye ibikori (ibishangari) n’ibisinde.”

Umuyobozi w’akarere ka Burera akomeza abwira abanyaburera ko kugira isuku ndetse no kurya indyo yuzuye aribyo bizatuma bakomeza gukora bakiteza imbere.

Uyu muyobozi avuga ibi kandi mu gihe abaturage bo mu karere ka Burera bahinga ibihingwa bitandukanye birimo ibishyimbo, ibirayi ndetse n’ibigori bakabyeza cyane ariko ugasanga hamwe na hamwe hagaragara indwara zikomoka ku mirire mibi.

Gusa bamwe mu baturage bavuga ko ikibitera ari uko bamwe mubahinzi iyo bejeje bagurisha ibyo bejeje byose cyangwa baba banabifite ntibamenye kubiteka uko bikwiye.

Burera: Abacitse ku icumu barasaba kugira uruhare rugaragara mu bibakorerwa

Burera: Abacitse ku icumu barasaba kugira uruhare rugaragara mu bibakorerwa

Tags: , , , , , , ,


Burera: Abacitse ku icumu barasaba kugira uruhare rugaragara mu bibakorerwa

Burera: Abacitse ku icumu barasaba kugira uruhare rugaragara mu bibakorerwa

Abacitse ku icumu rya Jenoside yakorewe abatutsi bo mu karere ka Burera barasaba ubuyobozi bw’ako karere ko bajya bagira uruhare rugaragara mu bibakorerwa ndetse n’ibibagenerwa ngo kuko nibwo ibibazo bafite byakemuka neza kurushaho.

Niyonsenga Fabien, uhagarariye Ibuka mu karere kia Burera, yatangaje ibi tariki 13/04/2014, ubwo mu karere ka Burera basozaga icyumweru cyahariwe kwibuka ku nshuro ya 20 Jenoside yakorewe abatutsi mu Rwanda, mu mwaka wa 1994.

Abacitse ku icumu rya Jenoside yakorewe abatutsi bo mu karere ka Burera bafashwa n’ubuyobozi bw’ako karere mu buryo butandukanye. Aho babubakiye amazu yo kubamo ndetse bakanabafasha mu buzima busanzwe banababumbira mu makoperative kugirango bave mu bukene ndetse no mu bwigunge.

Nyuma y’imyaka 20 Jenoside yakorewe abatutsi ihagaritswe mu Rwanda, abacitse ku icumu rya Jenoside bo mu karere ka Burera bavuga ko bamaze kwikura mu bukene aho bahamya ko bafite ikizere cyo kubaho.

Gusa ariko Niyonsenga Fabien, uhagarariye Ibuka mu karere ka Burera, avuga ko abacitse ku icumu rya Jenoside bo muri ako karere hari ibindi bagikeneye.

Agira ati “Abacitse ku icumu bo mu karere ka Burera barabasaba ikintu kimwe: cy’uko bajya bagira uruhare rutaziguye, mu buryo bwimbitse kandi bunoze mu bibakorerwa cyangwa se mu bibagenerwa.

“Muri uyu murongo niho twizera ko ibibazo abacitse ku icumu bagira byakemuka neza kurushaho kandi mu buryo burambye.”

Sembagare Samuel, umuyobozi w’akarere ka Burera, amara impungenge abacitse ku icumu rya Jenoside yakorewe abatutsi bo muri ako karere ababwira ko ari uburenganzira bwabo kugira uruhare mu bibakorerwa.

Agira ati “Iyo umuntu afite uburenganzira nta nubwo abusaba…ibyo ni ihame ndagira ngo mbamare impungenge niba bitakorwaga 100% kuva uyu munsi bikorwe 100%. Ni nayo miyoborere myiza. Muri iki gihugu cyacu ntushobora kugenera umuntu utamubajije icyo ashaka.”

Akomeza asaba abo bishinzwe kujya bafatanya n’abacitse ku icumu rya Jenoside bo mu karere ka Burera mu kugena ibibakorerwa.

Icyumweru cyo kwibuka abazize Jenoside yakorewe abatutsi mu karere ka Burera cyashojwe hagaragazwa ko abanyaburera batanze inkunga igenewe abacitse ku icumu ingana na miliyoni 27 z’amafaranga y’u Rwanda n’ibihumbi 643 n’amafaranga 562, n’amashilingi yo muri Uganda ibihumbi 10. Kuri ibyo hiyongeraho inka eshatu ndetse n’ibiro 727 ibigori.

Uhagarariye Ibuka mu karere ka Burera asaba abanyaburera kujya begera abacitse ku icumu rya Jenoside bakabafasha mu buryo buhoraho atari ukubafasha gusa mu gihe cy’icyumweru cyo kwibuka.

m_Iyo umuntu yibuka arazirikana – Sembagare

Iyo umuntu yibuka arazirikana – Sembagare

Tags: , , , , , , , ,


m_Iyo umuntu yibuka arazirikana – Sembagare

Ubuyobozi w’akarere ka Burera, Sembagare Samuel, aributsa abaturage bo mu karere ka Burera ko iyo umuntu yibuka aba azirikikana bityo akarushaho gushaka ibisubizo by’ibibazo bikomeye aba afite kandi akabigeraho.

Sembagare yatangaje ibi ku wa gatatu tariki ya 09/04/2014 ubwo yahaga ikiganiro abaturage bo mu murenge wa Cyanika, muri gahunda y’ibiganiro biteganyijwe mu cyumweru cyahariwe kwibuka abazize Jenoside yakorewe abatutsi mu Rwanda, mu mwaka wa 1994.

Uyu muyobozi yabwiye abo baturage ko kwibuka ari ngombwa kuko iyo umuntu atibutse ashobora kuzima.

Agira ati “Iyo umuntu yibuka arazirikana kuko iyo utazirikanye ukibagirwa, ushobora no kuzima burundu….ikidutandukanya n’inyamaswa ni uburyo ubwonko butekereza cyane bukanibuka n’ibyabaye, bukanabizirikana. Ugashaka ibisubizo by’ibibazo biremereye kandi ibyo bisubizo ukabibona.”

Sembagare kandi akomeza yibutsa abaturage bo mu murenge wa Cyanika ko mu cyumweru cyahariwe kwibuka abazize Jenoside yakorewe abatutsi hari imyitwarire bagomba kuba bafite ijyane n’igihe abanyarwanda baba barimo.

Agira ati “Mu muco wacu wa Kinyarwanda indangagaciro ya mbere iyo abantu bari mu cyunamo hari ibyo bigomwa. Nta kuvuza imizika kandi mugenzi wawe wagomye ahubwo kumusura ukamufata mu mugongo.

“Nta bukwe buhari, nta midabagiro. Ni ukuvuga ngo turi mu kababaro ariko ka kababaro kadatuma twiheba. Tugomba kwibuka ariko twiyubaka.”

Akomeza asaba abanyacyanika gukora imirimo yabo ya buri munsi ariko bakibuka ko nyuma ya saa sita bagomba kujya mu biganiro.

Agira ati “…mukore imirimo yanyu ya buri munsi, nimugeza saa sita mugende mukarabe, mujye ku meza, muze hano (mu biganiro) mukeye.”

Burera: Imyaka 20 nyuma ya Jenoside abacitse ku icumu ngo baharaniye iterambere

Burera: Imyaka 20 nyuma ya Jenoside abacitse ku icumu ngo baharaniye iterambere

Tags: , , , , , ,


Burera: Imyaka 20 nyuma ya Jenoside abacitse ku icumu ngo baharaniye iterambere

Abacitse ku icumu rya Jenoside yakorewe abatutsi mu Rwanda mu mwaka wa 1994, abo mu murenge wa Rugengabari, mu karere ka Burera, batangaza ko nyuma y’imyaka 20 Jenoside yakorewe abatutsi ihagaritswe bamaze kwiteza imbere kandi ngo baharanira kubikomeza.

Abacitse ku icumu bibumbiye muri koperative Twiyubake, Bavuga ko bayitangije nyuma y’imyaka mike Jenoside yakorewe abatutsi ihagaritswe mu Rwanda.

Biziyaremye Jean Paul uhagarariye abacitse ku icumu mu murenge wa Rugengabari avuga ko batangije iyo koperative mu rwego rwo gufashanya kuva mu bukene ndetse no mu bwigunge dore ko ngo muri icyo gihe bari bakiri mu bwigunge bamwe banatinya kujya aho abandi bari.

Agira ati “Nyuma y’aho abantu bagumye kuba mu bwigunge kurinda kugera muri 1997 nta cyizere twari tugifite cyo kubaho! Nyuma yaho twatangiye gushaka ubundi buryo twabaho, dushaka uburyo twakibumbira hamwe n’abacitse ku icumu, dukora koperative.

“Ubwo twatangiye tujya duhura rimwe mu kwezi noneho tukabwira umunyamuryango akazana amafaranga 350  kugira ngo tugire ikintu gifatika mbese twatangiriraho. Tukajya tugurizanya: ufite akabazo tukamuguriza muri ayo mafaranga twateranyije.”

Akomeza avuga ko nyuma yo gutangiza iyo koperarive bakomeje gukora batangira kwikura mu bukene ndetse no kuva mu bwigunge.

Yongeraho ko nyuma bahise bageza ku buyobozi bw’akarere ka Burera iby’iyo koperative maze ubwo buyobozi bubatera inkunga ingana na miliyoni eshatu n’ibihumbi 800, bagura ubwato bwo gutwara abantu mu kiyaga cya Ruhondo.

Biziyaremye avuga ko ubwo bwato bahise babuha rwiyemezamirimo aho abaha amafaranga y’u  Rwanda ibihumbi 50 y’inyungu buri kwezi. Gusa ariko ngo bwatangiye gukora neza mu ntangiriro z’umwaka wa 2013.

Akomeza avuga ko ayo mafaranga babona kubera ubwo bwato afasha cyane abanyamuryango kuburyo bamaze kwikura mu bukene.

Agira ati “Mu rwego rwo gukomeza kwiyubaka no guteza abanyamuryango imbere, buri munyamuryango tujya tumugurira ingurube iyo twabonye ayo mafaranga.

Ikizere cyo kubaho

Abahawe izo ngurube bavuga ko zibafasha kubona ifumbire bityo bakabona umusaruro w’ubuhinzi mwinshi. Ikindi ngo ni uko zibaha n’amafaranga kuko zibyara ibyana bitari munsi y’umunani kandi icyana kimwe kigura amagaranga y’u Rwanda ibihumbi 10.

Mukansigaye Margaritta, umwe mu bagize koperative Twiyubake, avuga ko usibye kuba iyo koperative ibafasha kuva mu bukene ngo yanabafashije gukomeza kugira ikizere cyo kubaho.

Agira ati “Twamaze guhura n’abandi tugira ikizere cyo kubaho. Tubona ko ntacyo tukibaye, tugira imbaraga zo gukora kandi mbere wabonaga intege zaracitse, wabonaga icyo wakora cyose ari ukuvuga ngo bazaza bakijyane, bazagaruka batwice, ariko ubungubu twamaze kwiyizera ko tuzabaho.

“Ubu turakora, tugirana inama icyo umuntu atazi undi akakimwigisha, ubu twamaze kumenya kujya muri banki kubitsa, kwaka inguzanyo, kandi mbere twarabitinyaga.”

Akomeza avuga ko kandi muri iyo koperative bakora n’ibindi bitandukanye bibateza imbere birimo no kuboha uduseke bakatugurisha.

Abagize koperative Twiyubake igizwe n’abacitse ku icumu rya Jenoside yakorewe abatutsi bo mu murenge wa Rugengabiri, mu karere ka Burera, bavuga ko bagiye kongera ibikorwa by’iyo koperative ngo kuburyo bafite gahunda yo gutangira ubworozi bw’ingurube, bakabukorera hamwe, bukaba ikitegererezo.

Aha bakaba basaba ubufasha kugira ngo uwo mushinga wabo uzashyirwe mu bikorwa uko byifuzwa.

m_Batangiye kubakira Abanyarwanda birukanwe muri Tanzaniya1

Burera: Batangiye kubakira Abanyarwanda birukanwe muri Tanzaniya

Tags: , , , , , , , , , ,


Abaturage bo murenge wa Gatebe, mu karere ka Burera, bafatanyije n’ubuyobozi bw’ako karere batangiye kubakira Abanyarwanda birukanwe Tanzaniya igikorwa biteganyijwe ko kizarangira muri Werurwe 2014.

m_Batangiye kubakira Abanyarwanda birukanwe muri Tanzaniya

Guhera saa mbiri zo ku itariki ya 05/02/2014 nibwo abaturage bo mu murenge wa Gatebe batangiye uwo muganda.

Abo baturage bagabanye imirimo bamwe bajya kuvoma amazi yo kubumba amatafari, abandi bakata icyondo, abandi bapima ibibanza by’inzu n’aho abandi bacukura imisingi banegerenya amatafari n’amabuye kugira batangire kuzamura inzu.

Kureba aba baturage bari muri uwo muganda wabonaga bashishikaye kuburyo bigaragara ko ayo mazu azuzura vuba.

Uwo muganda wagejeje saa sita za kumanywa wasize hazamuwe inzu imwe, hacukurwa imisingi y’inzu ebyiri, habumbwa amatafari ya rukarakara 1348. Usibye ibyo kandi hanakusanyijwe ibiro 2873 by’ibishyimbo byo gufasha abo Banyarwanda birukanwe Tanzaniya.

Abo Banyarwanda birukanwe Tanzaniya bazubakirwa mu mirenge ya Rusarabuye, Bungwe, Gatebe ndetse na Rwerere.

Muri iyo mirenge yose igikorwa cyo kubakira abo Banyarwanda cyatangiriye rimwe; nk’uko Uwambajemariya Florence, umuyobozi wungirije w’akarere ka Burera ushinzwe imibereho myiza y’abaturage abisobanura.

m_Batangiye kubakira Abanyarwanda birukanwe muri Tanzaniya1

Avuga ko ayo mazu bayubaka mu kwezi kwa gatatu 2014 akarangira kuko ari bwo hava izuba dore ko n’igihe cy’itumba cyegereje.

Uwambajemariya avuga ko kandi babatuje muri iyo mirenge kubera ko ariho bafite ubutaka bwa leta buhagije kandi hakaba banegereye ibikorwa remezo bizafasha abo Banyarwanda mu mireho yabo ya buri munsi.

Mu karere ka Burera hatujwe imiryango 29 y’abirukanwe muri Tanzaniya. Mbere y’uko bubakirwa babanje gutuzwa ahantu hamwe: mu murenge wa Nemba ahari imiryango 12 igizwe n’abantu 42 ndetse no mu murenge wa Rwerere ahari imiryango 17 igizwe n’abantu 34. Kuri ubu ariko ngo hiyongereyeho abandi batatu.

Aba banyarwanda batujwe mu karere ka Burera ni bamwe mu babarirwa mu bihumbi 14 n’imisago birukanwe muri Tanzaniya muri Kanama 2013.

Ubwo abo Banyarwanda bakirirwaga mu ntara y’Uburasirazuba babanje gutuzwa mu nkombi ya Kiyanzi na Rukara ziri mu karere ka Kayonza na Kirehe.

Nyuma haje gufatwa ingamba ko bagomba kwimurwa bakajya hamwe n’abandi Banyarwanda mu turere dutandukanye tw’u Rwanda kugira ngo nabo biyumve ko ari Abanyarwanda kandi ko bari mu gihugu cyabo.

m_800px-BureraDist

Burera: Ingo 202 ziracyari mu manegeka kandi igihe cy’itumba cyegereje

Tags: , , , , , , ,


m_800px-BureraDist

Ubuyobozi bw’akarere ka Burera burakomeza gushishikariza abantu bose bagituye ahantu hashobora kubashyira mu kaga hazwi ku izina ry’Amanegeka (High Risk Zone) kugira bage gutura ahabugenewe mu midugudu.

Ubu buyobozi butangaza ibi mu gihe mu ngo 509 zagombaga kwimurwa ahantu h’amanegeka, hamaze kwimurwa gusa ingo 307. Ingo 202 ziracyari mu manegeka kandi igihe cy’itumba cyegereje.

Zaraduhaye Joseph, umuyobozi wungirije w’akarere ka Burera, ushinzwe ubukungu n’iterambere, avuga ko abagituye muri izo ngo usanga ari abantu banangiye, bumva batava ku masambu yabo kandi bahafite imitungo. Abenshi muri bo ngo ni abishoboye.

Zaraduhaye ahamagarira ubuyobozi bw’inzego z’ibanze, bw’aho izo ngo zituye, gukomeza gushishikariza abazituyemo kwimuka kuko batahimutse imvura y’itumba ishobora guteza ibiza bakahagirira ingonare.

Muri Nzeli 2013 nibwo mu karere ka Burera bategenyaga kuba baramaze kwimura abantu bose batuye ahantu h’amanegeka.

Ubuyobozi bw’akarere ka Burera bwavugaga ko abatishoboye batuye mu manegeka bazabaha umuganda. Ikindi ngo leta yanabemereye kubaha isakaro ry’amazu bazubaka. Abishoboye basabwa nabo gukora ibishoboka bakava ahashobora kubashyira mu byago.

Kuba akarere ka Burera kagizwe ahanini n’imisozi miremire usanga abaturage batandukanye batuye ahantu hahanamye. Hamwe na hamwe mu mirenge yo muri ako karere nta hantu hashashe hahari kuburyo hibazwa aho abaturuge bagomba kwimurwa bazatura.

Ikindi kandi ni uko mu karere ka Burera hakunze kwibasirwa n’ibiza biturutse ku mvura kubera imisozi miremire ihari ndetse no kubera ubutaka bwaho bworoshye. Hari igihe imisozi iriduka agatwara amazu, imihanda ikangirika bikomeye ndetse n’imyaka iri mu mirima igatwarwa.

m_Ahahurira abantu benshi hagomba kujya imirindankuba bitarenze Gashyantare 2014

Burera: Ahahurira abantu benshi hagomba kujya imirindankuba bitarenze Gashyantare 2014

Tags: , , , , , , , ,


m_Ahahurira abantu benshi hagomba kujya imirindankuba bitarenze Gashyantare 2014

Umuyobozi w’akarere ka Burera, Sembagare Samuel

Umuyobozi w’akarere ka Burera, Sembagare Samuel, arasaba abayobozi b’ibigo by’amashuri, abayobozi b’amatorero atandukanye ndetse n’abandi bafite amazu ahuriramo abantu benshi kuyashyiraho imirindankuba bidatinze mu rwego rwo kwirinda gukubitwa n’inkuba.

Sembagare abwira abayobozi b’ibigo by’amashuri byo muri ako karere gufata iya mbere mu kugura imirinda nkuba.

Agira ati “Byaba ari ishyano hari umuntu ubungubu uyobora ikigo kiriho abana igihumbi, bibiri, nta murindankuba yahashyize! Ibyago bizira igihe bishakiye! Gukumira…byaba ari ishyano inkuba ikubise abana ku ishuri!”

Uyu muyobozi akomeza avuga ko ariko abayobozi b’amatorero atandukanye mu karere ka Burera batangiye gushyira imirindankuba ku nsengero zabo ngo kuburyo abubaka insengero bahita banashyiraho imirindankuba.

Sembagare akomeza asaba n’abandi ko babareberaho. Aha akaba yibutsa cyane abayobozi b’imirenge gushyira imirindankuba ku mazu bakoreramo ndetse n’abayobozi b’amavuriro atandukanye nabo basabwa gushyira imirindankuba ku mavuriro kugira ngo inkuba itazakubita abarwayi.

Abo bose bahawe igihe ntarengwa kugira ngo bababe bashyize imirindankuba aho igomba kujya hose; nk’uko Sembagare abivuga.

Agira ati “Ukwezi kwa kabiri (2014) kukarangira bose, tuvuga ngo amashuri yacu ararinzwe, isengero! Ngira ngo no mu masoko bizaba ngombwa ahari kuko biri kugaragara ko inkuba ziri kwibasira ahantu hari imisozi miremire.”

Akarere ka Burera kagizwe n’imisozi miremire. Hakunze kugwa imvura nyinshi ivanze n’imirabyo myinshi kuburyo hari n’igihe inkuba zikubita abaturage.

Inkuba ni nk’umuriro w’amashanyarazi. Ituruka ku ngufu zo mu kirere nazo ziba zaturutse ku ihurirana ry’umwuka ukonje n’ushyushye. Izo ngufu hari igihe zishaka kumanuka mu butaka, zigashaka inzira nko mu giti kirekire.

Iyo izo ngufu zimanutse mu butaka zangiza aho zanyuze. Niyo mpamvu abahanga mu bijyanye n’inkuba baburira abantu kutugama imvura munsi y’igiti cyangwa munsi y’inzu ndende.