Tag Archive | "Rwanda children"

m_Ubukene ni kimwe mu bituma abana bava mu miryango yabo bakajya kuba inzererezi

Gicumbi – Ubukene ni kimwe mu bituma abana bava mu miryango yabo bakajya kuba inzererezi

Tags: , , , , , , , , ,


m_Ubukene ni kimwe mu bituma abana bava mu miryango yabo bakajya kuba inzererezi

Abana baba bashaka akazi ku muhanda

Abana b’inzererezi bo mu murenge wa Rutare mu karere ka Gicumbi bavuga ko impamvu bava mu miryango yabo bakajya kuba inzererezi ngo biterwa n’ubukene bwo mu miryango yabo bigatuma bajya kuba mu masantere y’ubucuruzi kugirango bishakire imibereho.

Bamwe muri abo bana b’inzererezi baba muri santere yo mu murenge wa Rutare mu karere ka Gicumbi  bavuga ko bafashe ikemezo cyo kujya mu muhanda kwishakira ibyo kurya kubera iminbereho mibi yo mungo iwabo.

 Zimwe mu mpamvu zitandukanye abo bana batanga zatumye bava iwabo bakajya kwibera muri iyo santere ngo n’ubukene bwo kutabona ibibatunga bihagije ndetse bamwe mu babyeyi babi baka ari abasinzi.

Impamvu nyinshi abo bana bahurizaho n’ukutabona ibyo kurya igihe bayuye ku ishuri.

Umwe muri abo bana twahaye izina rya Masabo avua ko yagiye muri iyo santere afite imyaka itatu ubu akaba agize imyaka cumi n’ine.

Gusa bagenzi be bavuga ko babonye amikoro ndetse n’ubatera inkunga ko basubira mu ishuri.

N’ubwo aba bana bavuga ko bata ababyeyi babo bagiye kwishakira imibereho myiza usanga aho baba bari muri iyo santere nabwo batabayeho neza kuko usanga badafite aho baba  ndetse bakabona n’ibyo kurya bibagoye nk’uko babitangaza.

Bamwe bavuga ko barara mu mazu atuzuye ndetse abandi bakiryamira kubikarito cyangwa bamwe bakarara ku mbaraza z’amazu bacururizamo.

Umuyobozi w’akarere ka Gicumbi wungirije ushinzwe imibereho myiza y’abaturage Mujawamariya Tereza agira ibyo asaba ababyeyi babo bana kugirango nabo babashe gukurikirana uburere bw’abana babo kuko kurera ari uguhozaho.

Avuga ko abo bana bajya mu mihanda usanga barafashe uburere bwo kwibera mu muhanda ku buryo n’uwo basubije mu ishuri yongera akarita akisubirira mu muhanda, ariko ngo ubuyobozi bw’akarere bwafashe ingamba z’uko abo bana bazahabwa ibikoresho bagasubizwa mu ishuri.

Kubufatanye bw’ubuyobozi n’ababyeyi ngo abana bo mu mihanda bashobora kwitabwaho bakagororwa abananiranye bakoherzwa mu bigo ngororamuco mu rwego rwo kubungabunga uburere bwabo hazamurwa ireme ry’uburezi bityo abo bana bakazasha kugira icyo bimarira mu mibereho yabo ndetse bakazabasha no kubaka igihugu cyabo dore ko aribo rwanda rw’ejo.

m_Kudahabwa akazi bitwaza ngo ntibazi gukora bituma abana babo barangwa n’imirire mibi

Huye: Kudahabwa akazi bitwaza ngo ntibazi gukora bituma abana babo barangwa n’imirire mibi

Tags: , , , , , , ,


m_Kudahabwa akazi bitwaza ngo ntibazi gukora bituma abana babo barangwa n’imirire mibi

Abanyarwanda birukanywe muri Tanzaniya ubu bacumbikiwe mu murenge wa Mbazi, bavuga ko gutungwa n’imfashanyo gusa baterwa no kutabona akazi ngo baronke amafaranga yo kugurira abana ibikenewe, ari byo bituma abana babo barangwa n’imirire mibi.

Mu murenge wa Mbazi, iruhande rw’ikibuga cy’imikino giherereye ahitwa mu Byiza, mu mashuri atacyifashishwa mu myigire, ni ho ubuyobozi bw’uyu murenge bwacumbikiye Abanyarwanda birukanywe mu gihugu cya Tanzaniya.

Urebeye kure abana batoya bafite wagira ngo ni abana beza bafite ibiguru bibyibushye, ariko ubegereye si ko biri: amaguru yarabyimbye, bamwe imisatsi yanatangiye gucurama. Ababyeyi b’aba bana bavuga ko ikibatera kumera gutya ari ibyo kurya babaha.

Uwitwa Gashege yagize ati “: Leta yaduhaye ibyo kurya kandi n’abaturage kimwe n’abandi bagira neza nta ko batagira ngo badufashe. Ariko dufite ikibazo cy’abana b’inshuke n’abonka bagiye kwicwa n’amazi (kunywa amazi kuko batakibona amata )”

Yakomeje agira ati “abantu batuzanira ibigori, umwana ntashoboye kubirya. Nta mafaranga ufite ngo urajya kumugurira amata, wamujyana no kwa muganga bakakubwira ngo ntabwo bamuha amata kuko atarwaye cyane. Tukababaza tuti ese muzayamuha ari uko yarembye?”

Uwitwa Giraneza na we ati “kuva dushyitse ino aha, batwakiriye neeeza! Kabisa nyine ntako batagize. Gusa kuba umuntu atari mu bye ntago bitunganye k’uko umuntu yari asanzwe ameze. Nk’abana barava ku ishuri wamugaburira ibyo wabashije kubona ngo njyewe ndahaze. Wamubaza aho yariye ati ntaho. Wareba ariko ugasanga impamvu yo kutarya ari uko byamunaniye.”

Mukantwari afite umwana w’umwaka n’amezi 7. Umusatsi we watangiye gucurama. Ese we amugaburira iki? Ati “Iyo nabonye nka magana atanu njya mu isoko nkamugurira agatoki naba mfite udushyimbo nkashyiramo nkamugaburira. Njya muha n’igikoma cy’ibigori.”

Ibi byose ngo babiterwa n’amikoro make. Ese ntibabasha kubona akazi ngo babone amafaranga yo guhahira abana ibiribwa birimo intungamubiri? Mukantwari ati “uturaka twe nta n’utwo baduha twebwe. Baravuga ngo twe ntabwo tumenya gukora. Usibye ko ubu haje akazi ko mu muhanda bakakaduha ngo natwe tugerageze dukore.”

 Madamu Christine Niwemugeni, Visi Meya ushinzwe imibereho myiza mu karere ka Huye avuga ko urebye ikibazo cy’imirire mibi aba bana baje bagifite ahubwo ubu ngo cyaragabanutse. Ariko ngo banatangiye kwigisha ababyeyi uko bita ku bana.

Yagize ati « Ntabwo ababyeyi bavuye Tanzaniya baragira imyumvire nk’iyabo baje basanga. Usanga bikiri kure kumenya kubungabunga abana babagenera utwabo ku ruhande. Ubu ni byo turimo tubigisha kandi tubona bizaza.”

 

m_Hakozwe igenzura ku bikorwa byo kurwanya imirire mibi2

Gisagara: Hakozwe igenzura ku bikorwa byo kurwanya imirire mibi

Tags: , , , , , , , , , , ,


Abasenateri bagize komisiyo y’imibereho myiza y’abaturage, uburenganzira bwa muntu n’ibibazo by’abaturage ubwo basuraga akarere ka Gisagara kuri uyu wa 11/06/2014, bagamije kureba ibikorwa byo kurwanya imirire mibi ku bana, basanze ibi bikorwa byarahagurukiwe.

 m_Hakozwe igenzura ku bikorwa byo kurwanya imirire mibi

Umuyobozi w’Akarere ka Gisagara Léandre Karekezi yagaragaje ibikorwa akarere kashyizemo imbaraga bigamije kurwanya imirire mibi birimo gahunda y’inkongoro y’umwana aho abana bahuye n’ikibazo cy’imirire mibi bahabwa amata byibura kabiri mu cyumweru na gahunda y’igikoni cy’umudugudu aho ababyeyi bigishwa guteka ibirimo intungamubiri.

Si ibi gusa kuko hanashyizweho ibikumba aho abaturage borora mu kiraro rusange ariko buri wese akamenya inka ye, ibi bigafasha  kubona umukamo uhagije n’ifumbire yo kongera umusaruro hagamijwe ko bihaza mu biribwa, hakaniyongeraho uturima tw’igikoni duhingwaho imboga.

Kuri ibi bikorwa kandi hiyongeraho ibikorwa byo kwita ku buzima bw’umubyeyi n’umwana kuko ngo bakurikiranwa mu gihe cy’iminsi 1000 kuva umugore asamye, bikaba bifashwamo n’abajyanama b’ubuzima.

Ibi byose kandi binashimwa n’abaturage b’aka karere aho benshi batanga ubuhamya bw’aho bavuye ku bijyanye n’imirire mu ngo zabo ndetse no kuba abana babo bari bafite ibibazo by’imirire mibi barakize.

Nyiramana Jeanne utuye mu murenge wa Kibirizi akaba yararwaje indwara zituruka ku mirire mibi ati “Kwigishwa uburyo bwo gutegura amafunguro afite intungamubiri mu gikoni cy’umudugudu byaramfashije kuko abana babiri nari ndwaje bakize, mbifashwamo kandi no guhorana akarima k’igikoni, izi gahunda zaje ari igisubizo rwose”

Aba basenateri bagize n’umwanya wo gusura abaturage mu mirenge ya Kibirizi na Ndora, baganira n’abaturage bazi neza akamaro k’imboga ndetse no kuba baziteka n’ubwo ari mu gihe cy’izuba.

 m_Hakozwe igenzura ku bikorwa byo kurwanya imirire mibi1

Basura abaturage batunguraga urugo bakabaza abana ibyo bariye, banyuzwe no gusanga abaturage berekana ko bafite uturima tw’igikoni, no gusanga abana bo muri iyo miryango bavuga ko bagaburirwa  imboga mu mafunguro bahabwa.

 m_Hakozwe igenzura ku bikorwa byo kurwanya imirire mibi2

Ubwo yaganiraga n’umwana muto utarageramu ishuri mu kagari ka Muyira, Senateri Niyongana Gallican, yabajije umwana icyo yagaburiwe uyu munsi, umwana ahita amusubiza  agira ati “nariye umuceri n’imboga z’imbwija mama yatetse.”

Iri tsinda ry’abasenateri ryashimye akarere ka Gisagara ku bikorwa bimaze kugerwaho mu kurwanya imirire mibi kandi babashishikariza gukomeza maze imirire mibi igacika burundu dore ko bigaragara ko abasigaranye ikibazo cy’imirire mibi bangana 0,3% mu gihe bari batangiye umwaka bafite abagera kuri 0,6%.

m_Kurwanya imirire mibi bigomba kubamo ubufatanye bw’inzego nyinshi1

Gakenke: Kurwanya imirire mibi bigomba kubamo ubufatanye bw’inzego nyinshi

Tags: , , , , , , , , , , ,


Mu rwego rwo kumenya no kugenzura ibikorwa n’imikorere bya Guverinoma mu bijyanye no kurwanya imirire mibi mu Rwanda, komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage yatangije gahunda yo kureba uko bishyirwa mu bikorwa n’abo bireba.

 m_Kurwanya imirire mibi bigomba kubamo ubufatanye bw’inzego nyinshi

Kuri uyu wa 03 Kamena 2014, itsinda rigizwe n’aba Senateri batatu bo muri komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage yahuye n’abagize komite ishinzwe ishyirwa mu bikorwa ry’ingamba zo kurwanya imirire mibi ku rwego rw’Akarere.

 m_Kurwanya imirire mibi bigomba kubamo ubufatanye bw’inzego nyinshi1

Umuyobozi wungirijwe wa komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage Hon Gallican Niyongana avuga ko Sena ibinyujije muri komisiyo yayo yatangiye igikorwa cyo kumenya uko ingamba zafashwe nuko zirimo gushirwa mubikorwa hamwe n’ibisubizo birimo bigerwaho mu rwego rwo gushyira mubikorwa gahunda zo kurwanya imirire mibi.

Hon Niyongana akomeza avuga ko nubwo hari ibyo bari batarareba ariko hakurikijwe ibiganiro bagiranye  n’abagize komite ishinzwe ishyirwa mubikorwa ry’ingamba zo kurwanya imirire mibi ku rwego rw’Akarere ka Gakenke bitanga icyizere.

Ati “ hari byinshi badusobanuriye ariko hari nibindi byinshi dukeneye kwirebera, gusa dukurikije ikiganiro twagiranye hari ibyo twarangije kubona ndetse binatanga icyizere cyiza mubijyanye n’imikoranire kuko kurwanya ikibazo cy’imirire mibi kugirango ubigereho ni uko habaho inzego nyinshi  zigomba kugira ubufatanye”

Hon Niyongana yongeraho ko imibare baheruka bafite yo mu mwaka wa 2010 yagaragazaga ko imirire mibi ari ikibazo kigihangayikishije mu Rwanda

Ati “ imibare iheruka dufite yo muri 2010 yagaragazaga ko ari ikibazo kigihangayikishije nubwo bwose tumaze igihe inzego zose zarahagurutse kugirango iki kibazo kirwanywe ariko iyo ankete yari yarakozwe muri 2010 yari ikigaragaza ko abo bana bariho”.

Hon Niyongana asoza avuga ko nubwo ikibazo cy’indwara ziterwa n’imirire mibi kirimo kurandurwa ariko hakiri ikibazo kandi gihangayikishije kijyanye no kugwingira kuburyo kigaragaramo imibare iri hejuru.

Umuyobozi w”Akarere ka Gakenke Deogratias Nzamwita avuga ko imibare yo mu mwaka wa 2010 yagaragazaga ko mu Karere ka Gakenke hari abana  bangana 64% bari munsi y’imyaka itanu bagwingiye.

Ati “ ariko iyo tuvuze kugwingira ntabwo ari ukuvuga ko abana bagaragaraho bwaki, ahubwo biba bigaragarira mu mikurire”.

Nzamwita akomeza avuga ko nyuma y’aho iyi mibare ibonekeye bagiye bafata ingamba zikomeye kuburyo abana barwaye bwaki bari mu mutuku ari 14 mugihe abari mu muhondo ari 172 wabateranya ubundi ugashyira kwijyanisha bakaba 0.49% .

Umukozi ufite ubuzima mu nshingano ze mu Karere ka Gakenke Janviere Uwamahoro avuga ko zimwe mu mbogamizi zituma imirire mibi itaranduka burundu harimo imyumvire y’abaturage.

Ati “ ahanini usanga ari kibazo cy’imyumvire y’abaturage aho umuturage yumva ko umwana uri munsi y’imyaka itanu agomba kurya kubiryo bimwe n’iby’ umuntu mukuru yariyeho, ntiyumve ko hari indyo yihariye agomba kugaburira umwana we”.

Gusa ariko Uwamahoro akomeza avuga ko bafashe ingamba zo gukomeza gukora ubujyanama hifashishijwe abajyanama b’ubuzima kurwego rw’umudugudu kuburyo byibura rimwe mu kwezi ababyeyi bafite abana bari munsi y’imyaka itanu bapimwa kugirango barebe uko ubuzima bwabo buhagaze.

komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage ikaba ifite amatsinda abiri agomba kuzenguruka muturere 14 hamwe n’imirenge 14 yo muburi karere kasuwe. Bikaba biteganyijwe ko iyi gahunda izarangira kuwa 27 Kamena 2014.

NgomaDist

Ngoma: Ababyeyi barasabwa kwirinda indwara z’imirire mibi mu bana

Tags: , , , , , , ,


NgomaDist

Ababyeyi bo mu murenenge wa Kazo ho mukarere ka Ngoma, barakanurirwa konsa abana neza no kwita ku buzima bwabo, babaha indyo yuzuye by’umwihariko mu minsi igihumbi kuva bagisamwa.

Abakozi b’ikigo cy’igihugu cy’ubuzima(RBC) bavuga ko ahanini ikibazo cy’imirire mibi ku bana ikigaragara  muri aka karere gishingiye ku myumvire mibi n’ubumenyi buke kugutegura ifunguro ryuzuye.

Mu gikorwa cyo gukangurira ababyeyi kwita byumwihariko ku buzima bw’abana mu minsi igihumbi kuva bagisamwa, kuri uyu wa 5/5/2014,ababyeyi barimo n’abafite abana bafite ikibazo cy’imirire mibi bo mu murenge wa Kazo bahuye n’abakozi ba RBC n’abafatanyabikorwa babo maze bongera kwerekwa uko bategura ifunguro ryuzuye.

Ibiribwa birimo, ibirayi, ibijumba, ibishyimbo ibitoki imboga, indagara,amagi n’imbuto zitandukanye ni byo byifashishijwe mu kweraka abaturage uburyo hategurwa ifunguro ryuzuye.

Nk’uko byatangarijwe mu biganiro byahawe aba baturage b’umurenge wa Kazo ngo ibi byose umuturage uciriritse abasha kubyibonera gusa ngo ikibazo ni ubumenyi bucye bwa bamwe mu kubitegura cyane cyane ku mafunguro bagenera abana babo.

Kamukama Anatalie umujyanama w’ubuzima mu mudugudu  wa Mpandu mu kagari ka Karama, Ahamya ko ikibazo cy’imirire mibi mu bana bo mu gace atuyemo bagihagurukiye, imwe mu nzira gicyemurirwamo akaba ari umugogoba w’ababyeyi ahatangirwa ubutumwa bukangurira abaturage kwita ku mirire y’abana.

Yagize ati ”Kuva aho dutangirije gahunda y’isafuriya y’umwana mugihe cy’umwaka umwe tumaze, iki kibazo kiragenda gikemuka.”

Amakuru atangazwa n’ubuyobozi bw’akarere ka Ngoma agaragaza ko 0,2% by’abana basuzumwe mu karere ari bo bagaragaweho ibibazo by’imirire mibi, gusa bukaba buvuga ko ishingiro ry’iki kibazo ari imyuvire ikiri hasi kuri bamwe, hakiyongeraho abaturage bimukira muri aka karere bagatangira ubuzima batishoboye.

Ubushakashatsi bwakozwe bwagaragaje ko mu gihe umwana yitaweho mu minsi igihumbi kuva agisamwa bimwogerera ubudahangarwa mu mubiri bikamurinda kugwingira, ibi bikanagira umusaruro mu ishuri atangiye kwiga.

Mu butumwa bushimangirwa muri ubu bukangurambaga bw’ikigo nyarwanda cy’ubuzima RBC n’abafatanyabikorwa bacyo barimo Inama y’igihugu y’abagore, harimo ko ababyeyi bakwiye konsa abana nibura mu mezi atandatu ntacyo babavangiye, bakabona kubaha imfashabere, igikuri nanone akaba ari isuku muri byose.

m_Ikigo cyakira inzererezi cyabaye igisubizo ku bagabo bahohotera abagore

Kabaya: Ikigo cyakira inzererezi cyabaye igisubizo ku bagabo bahohotera abagore

Tags: , , , , , , , ,


Kuva ikigo cyakira inzererezi n’abantu bafite imyitwarire mibi cyo mu karere ka Ngororero kiri mu murenge wa Kabaya cyatangira kwakira Abo bantu, ubu bamwe mu bagore bo muri aka karere bari basanzwe bahohoterwa n’abagabo babo bavuga ko cyabaye umuti wo kugorora abo bagabo.

Nkuko Mukantaganzwe Domitille, uyoboye Itorero ry’Igihugu mu karere ka Ngororero akaba anashinzwe gutanga inyigisho kuri abo bantu bananiranye abivuga, hari benshi bava muri icyo kigo boherejwe by’agateganyo ngo basubire mu miryango yabo ariko bagakomeza gukurikiranwa, nyuma bikagaragara ko bahindutse.

Uyu muyobozi avuga ko abagize imiryango y’abo baba basubiye mungo aribo baza kubatangira ubuhamya bw’imyitwarire baretse, kimwe n’uko aribo baba baratanze ubuhamya ku bibi bakoraga mbere yo kujyanwa muri icyo kigo.

m_Ikigo cyakira inzererezi cyabaye igisubizo ku bagabo bahohotera abagore

Inyubako y’ikigo cyakira Inzererezi cyo ku Kabaya

Ntibyari bisanzwe kugaragara cyane aho abantu bubatse bafatirwa ubuzererezi no kunanirana kugeza aho bajyanwa mu bigo nkibi, ariko mu karere ka Ngororero usanga mubaba bacumbikiwe muri icyo kigo harimo n’umubare uteri muto w’abagabo bubatse.

Iki kigo ubusanzwe gifite ubushobozi bwo kwakira abantu 100, ndetse ngo uyu mubare ujya ugeraho bitewe n’abantu bakizanywe mo, ariko muri rusange gihorana abari hagati ya 40  na 60.

Nkuko ubuyobozi bubivuga, akarere gafite gahunda yo kwagura icyo kigo ndetse kigashyirwa mo n’ibindi byajya bifasha abakizanywe mo nk’ibibuga by’imikino n’ibindi byabafasha kwiga no kwidagadura kugira ngo kizarusheho gutanga umusaruro nk’uko bikorwa ku kigo kiri I WAWA mu karere ka Rutsiro.

Akarere ka Ngororero kandi gahangayikishijwe no kuba nta bushobozi gafite bwo gushyira hamwe no kwigisha abakobwa n’abagore nabo bafite imyitwarire mibi, kuko bagaragara muri aka karere ariko ubu hakaba hakifashishwa gahunda y’ubukangurambaga rusange n’ubukorewe mu matsinda.

Gicumbi – Inkongoro y’umwana yabaye igisubizo ku mirire mibi

Gicumbi – Inkongoro y’umwana yabaye igisubizo ku mirire mibi

Tags: , , , , , , , ,


Gicumbi  – Inkongoro y’umwana yabaye igisubizo ku mirire mibi

Inkogoro y’umwana

Nyuma y’aho hatangirijwe gahunda y’ inkongoro y’umwana mu karere ka Gicumbi ababyeyi benshi bemeza ko yabaye igisubizo mu kugabanya indwara zikomoka ku mirire mibi ku bana.

Nshutiyimana Augustin  avuga ko impinduka nyinshi kandi nziza zagaragaye kubana kuko iyi gahunda y’inkongoro y’umwana yaciye indwara zakomokaga kumirire mibi ikanashimangira ubusabane hagati y’imiryango ndetse ngo yatumye benshi mubaturage bamenya akamaro ko korora amatungo arimo n’ inka.

Akomeza  avuga ko gahunda y’inkongoro y’umwana nayo izazamura imibereho myiza y’abaturage mu rwego rwo kongera imirire myiza mubana no kurwanya indwara zikomoka kumirire mibi.

Ati “ umwana wanjye yari yaragwingiye ariko abaturanyi banjye barankamiye mbasha kubona amata yo guha umwana ubu ameze neza nta kibazo.”

Uhagarariye ubworozi mu Karere ka Gicumbi Gashirabake Isidore yashimiye abaturage babashije kumeyera abaturanyi babo inkongoro y’umwana kuko byari mubyo babasabye ubwo bahabwaga inka zo korora.

Yibukije abafite inka ko bakomeza bakajya baha abatoroye amata ndetse ukamirwa na mugenzi we akamufasha kuyitaho  kuko inka kuyorora bisaba kuyitaho kandi  ikenera ibyo kurya byinshi.

Yashimiye abaturage bazirikanye inshingano bahawe yo gufashanya muri gahunda y’inkongoro y’umwana ubu nabo bakaba boroje bagenzi babo asaba n’abazihawe ko bazubahiriza inshingano zo koroza abandi kandi bakita no ku matungo bahawe ariko cyane cyane kuri gahunda y’inkongoro y’umwan bityo bwaki igacika burundu.

m_Kubarura abana bugarijwe n’ibibazo kurusha abandi bizafasha mu kubishakira umuti

Kubarura abana bugarijwe n’ibibazo kurusha abandi bizafasha mu kubishakira umuti

Tags: , , , , , , , , , ,


m_Kubarura abana bugarijwe n’ibibazo kurusha abandi bizafasha mu kubishakira umuti

Mu karere ka Rutsiro kimwe no mu tundi turere tw’igihugu hari kubera igikorwa cyo kubarura abana bugarijwe n’ibibazo kurusha abandi kugira ngo babashe gukurikiranwa no kwitabwaho by’umwihariko.

Igikorwa cyo kubarura abana bugarijwe n’ibibazo kurusha abandi cyateguwe na Minisiteri y’uburinganire n’iterambere ry’umuryango (MIGEPROF) ifatanyije n’inama y’igihugu y’abana hamwe n’abafatanyabikorwa batandukanye harimo Handicap International.

Elie Mugabowishema uyobora umushinga UBUNTU CARE urwanya ihohoterwa rishingiye ku gitsina mu bana ukorera muri Handicap International yavuze ko bafite gahunda yo kubarura abana bose mu gihugu bugarijwe n’ibibazo kurusha abandi.

Nyuma yo gutegura icyo gikorwa ku rwego rw’igihugu, hakurikiyeho guhamagara abashinzwe imibereho myiza y’abaturage mu mirenge na za komite zihagarariye abana b’imfubyi n’abandi bugarijwe n’ibibazo (OVCs)ku rwego rw’akarere kugira ngo babihugurirwe, babisobanukirwe, hanyuma na bo bajye kubisobanurira no kubihugurira abanyamabanga nshingwabikorwa b’utugari ndetse na za komite z’imidugudu kuko ari bo bagomba kubishyira mu bikorwa.

Abana bazibandwaho cyane muri iryo barura ni abari mu cyiciro cya mbere n’icya kabiri cy’ubudehe, harebwa imibereho y’umwana, imibereho y’umuryango arimo cyangwa se n’abamurera, kugira ngo mu gihe Leta igomba gukora igenamigambi ry’igihe kirekire cyangwa se no gukora ubuvugizi, bikorwe bishingiye ku mibare isobanutse neza y’abana bari muri ibyo byiciro bugarijwe n’ibibazo kurusha abandi.

Mukamana Amiel Clemence ashinzwe ubuzima mu karere ka Rutsiro, akaba ari na we ushinzwe uburinganire n’iterambere ry’umuryango mu karere avuga ko kubarura abo bana bari mu cyiciro cya mbere n’icya kabiri cy’ubudehe ndetse n’abandi banyeshuri batishoboye bacikanywe ari igikorwa cy’ingirakamaro kuko mu gihe hazajya haboneka umufatanyabikorwa cyangwa ubundi bufasha abo batoranyijwe ari bo bazajya baheraho.

Mukamana ati “abana bafite ibibazo by’imibereho myiza barahari, nibigenda neza hagatoranywa ababikwiye, twizeye ko mu karere kacu nta kibazo tuzongera guhura na cyo kuko urutonde tuzaba turufite, tuzi ngo dufite abantu aba n’aba bakeneye ubufasha ubu n’ubu ku buryo hagize uboneka yabafasha.”

Biteganyijwe ko iryo barura rizaba tariki 30 na 31/01/2014 bikazakorwa na komite y’umudugudu, noneho abana batoranyijwe n’izo komite bemezwe binyuze mu nteko rusange z’abaturage.

m_Abana bafite ubumuga ni abana nk’abandi

Gisagara: Abana bafite ubumuga ni abana nk’abandi

Tags: , , , , , , , ,


m_Abana bafite ubumuga ni abana nk’abandi

Jerome Rugemintwaza umuyobozi w’imari n’ubutegetsi mu nama y’igihugu y’abafite ubumuga

Kuba umwana yaba afite ubumuga bwo mu mutwe ngo ntibivuze ko ntacyo ashoboye ahubwo ngo akwiye kwegerwa, agafashwa gukora ibyo ashoboye, kandi agahabwa agaciro nk’ak’abandi bana mu muryango, nk’uko bitangazwa n’inama y’igihugu y’abafite ubumuga.

N’ubwo hari ahakigaragara mu miryango imwe n’imwe mu gihugu abana bafite ubumuga bwo mu mutwe bagumishwa mu ngo ntibajyanwe mu mashuri bakirirwa biyicariye ndetse bagafatwa nk’aho ntacyo bamaze, hari ibigo bimwe na bimwe byiyemeje gufasha mu burezi bw’aba bana kandi bikagaragara ko habaho impinduka mu buzima bwabo.

Mu murenge wa Kibirizi ho mu karere Gisagara, naho hari bene iri shuri. Amizero y’ubuzima ni ishuri ryiganjemo abana abenshi bafite uburwayi bw’igicuri, hakiyongeraho n’abana bavukanye ubumuga bwo mu mutwe.

Uretse kuba wareba bamwe muri aba bana ukabona ko bafite ikibazo,n’iyo muganiriye uhita ubyumva kuko akenshi baba batabasha kugusubiza icyo ubabajije. Gusa bivugira ko muri iri shuri bamaze kuhamenyera byinshi birimo no kwiyitaho ubwabo.

Abigisha b’aba bana, bavuga ko kwigisha bene aba bana ari umurimo utoroshye, unasaba amahugurwa yihariye, gusa kuri ibi ngo hakaniyongeraho kwihangana. Ubu bwihangane rero ngo bukaba bukwiye no kuba isomo ku babyeyi b’aba bana, nabo bakabaha agaciro nk’abandi bana.

Ntihinyuka Francis umwe mu bigisha ati « Ababyeyi tubafasha guhindura imyumvire kuko iyo umubyeyi abonye dukunze aba bana kandi tutarababyaye, nawe ntiyareka kubakunda »

Ababyeyi b’aba bana nabo bavuga ko byaba byiza bene ibi bigo bibaye byinshi kuko bifasha abana bafite ubumuga bwo mu mutwe. Gusa aba babyeyi bavuga ko nabo ubwabo baramutse bahuguwe ku buryo bwihariye bwo kwita kuri bene aba bana byabafasha kubitaho.

Ku ruhande rw’inama y’igihugu y’abafite ubumuga, Jerome Rugemintwaza umuyobozi w’imari n’ubutegetsi,avuga ko umuryango nyarwanda ukwiye kwita kuri bene aba  bana, kuko ngo ubumuga bwabo buba bushobora gukira bagakorera igihugu.

Ati « Umuryango nyarwamda ukwiriye kumva ko aba bana ari nk’abandi kandi ko bitaweho uko bikwiye nabo bashobora gukora bakigirira akamaro bakanakagirira igihugu »

Ishuri amizero y’ubuzima ubu rifite abana 48. Mu gihe kiri imbere ngo rirateganya kwakira abandi 12 bakaba 60 bose hamwe.

m_Ikibazo cy’abana bugarijwe n’imibereho mibi kigiye gukurikiranywa guhera mu mizi1

RUSIZI: Ikibazo cy’abana bugarijwe n’imibereho mibi kigiye gukurikiranywa guhera mu mizi

Tags: , , , , , , , ,


m_Ikibazo cy’abana bugarijwe n’imibereho mibi kigiye gukurikiranywa guhera mu mizi

Hashize imyaka myinshi abana batari bake bagaragarwaho n’ikibazo cy’imibereho mibi , biturutse kumpamvu zitandukanye zirimo , ubukene, kutita kuri abo bana bakiri bato n’ ibindi, ibyo ngo biteza ingaruka zikomeye zirimo kudakura kw’abana bigatuma bagwingira bakiri bato.

Ni muri urwo rwego komisiyo y’Igihugu ishinzwe abana ifatanyije n’abashizwe imibereho myiza mumirenge yose yo mu karere ka Rusizi batangiye kureba uburyo hakorwa ibarura ryimbitse kubana bugarijwe n’imibereho mibi kugirango barebe uko hakorwa ubuvugizi mu gihe bishoboka hagamijwe kurengera ubuzima  n’uburengazira bw’umwana

 m_Ikibazo cy’abana bugarijwe n’imibereho mibi kigiye gukurikiranywa guhera mu mizi1

Hagumimana Jean Claude waje ahagarariye komisiyo y’Igihugu ishinzwe abana  yatangaje ko kuva mu mwaka wa 2010 , hagiye hakorwa amabarura atandukanye kuri icyo kibazo ariko ugasanga ntacyo bigezeho kandi byatwaye akayabo k’amafaranga , akaba avuga ko byagiye biterwa n’impamvu zitandukanye harimo gukoresha amaranga mutima abenshi bagashyiramo abana babo kandi nyamara basize abatishoboye kandi aribo bakeneye ubufasha.

Ikindi kandi ngo wasangaga amakuru atangwa ku kibazo cy’abana bugarijwe n’imibereho mibi atavugwaho rumwe kubera ibyo bibazo by’amaranga mutima , ibyo bigatuma igikorwa kigamijwe kitagerwaho neza, Hagumimana Jean Claude yavuze ko mu rwego rwo gukemura iki kibazo ngo hagiye kubaho ibarura ryimbitse kuva kurwego rw’umudugudu kugera kurwego rw’umurenge , abayobozi b’imidugudu n’abashinzwe amakuru mu midugudu n’ baturage ngo nibo bazagira uruhare mu kugaragaza abo bana kuko aribo baba bazi abafite ikibazo cy’amikoro make.

Ibyo kugirango bigerweho abashinzwe imibereho myiza y’abaturage mu mirenge basabwe kutazarangwa n’amarangamutima dore ko ngo icyo gikorwa ntayindi nyungu irimo kuko ikigamijwe ari ukugirango hazakorwe igenamigambi nyaryo ryakwifashishwa mu gihe bibaye ngombwa.

Bimwe mubizagenderwaho kugirango imibare y’abana bari mu byiciro by’abatishoboye bamenyekane ni ukugera kuri buri rugo bakamenya ibibazo abana bafite bakabarurwa hagendewe ku ifishi yabigenewe , abana bazabarurwa ni abari munsi y’imyaka 18 , kandi hakabarurwa abari mungo ziri mu ibyiciro bya mbere n’ibyakabiri by’ubudehe kuko aribo bakunze kuba bugarijwe n’ibibazo by’imibereho mibi.

Yamini Niyitegeka, umukozi w’akarere ka Rusizi ushinzwe uburinganire n’iterambere ry’abagore yavuze ko muri aka karere hakiri abana bugarijwe n’ikibazo cy’imibereho y’abana, akaba yavuze ko muri iri barura bazarikorana ubushishozi kugirango bamenyekane neza.

Mu rwego rwo guteza imbere imibereho myiza y’umwana,  abakozi bashinzwe imibereho myiza mu mirenge y’aka karere ka Rusizi barimo Sebagabo Michel bavuze ko bagiye kuzakurikirana neza ishyirwa mubikorwa ry’iri barura kugirango rizatange umusaruro mwiza.

Related sites

jaguar cars jaguar, jeep, kia