Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Forming and meeting in cooperatives is the only way to keep their lives with hope and to attain development together says the 1994 genocide survivors against the Tutsis in Burera district.

Fabien Niyonsenga the coordinator of IBUKA in Burera district says the genocide survivors in different sectors in the district are in different cooperatives depending on the zone they are identified in, they make their living through these cooperatives.

Fabien Niyonsenga the coordinator of IBUKA in Burera district

“They work through cooperatives and apparently, they have achieved many things through working together like positively impacting their daily lives.”

The IBUKA coordinator cited an example of genocide survivors in Rugengabari zone who built a boat with an engine that operates in Lake Ruhondo carrying passengers. They rent it out to a private contractor who pays Rwf50.000 monthly.

For genocide survivors in Cyanika, Rugarama, Gahunga, Kinoni and Kagogo sectors are in cooperative that makes and sells Irish potatoes seeds and seeds of sorghum. There is also another cooperative for genocide survivors in Nemba sector that trades beans and sorghum and other produce.

The genocide survivors in Burera district precisely in Butaro zone in Butaro sector have a cooperative for farmers, they rent a swamp where they are farming different crops and sell their harvest and share the profits made.

More to these cooperatives, there is a cooperative for genocide survivors in Kirambo zone precisely in Kirambo trading center that deals in the trade of beans.

Niyonsenga says the genocide survivors in these cooperatives are content with the work they do together and the courage they derive from working in the cooperatives.

Abacitse ku icumu rya Jenoside yakorewe abatutsi, mu mwaka wa 1994, bo mu karere ka Burera, bavuga ko kwibumbira mu makoperative aribyo bituma ubuzima bwabo bukomeza gutera imbere, bakiyubaka muri byinshi.

Niyonsenga Fabien, Perezida wa IBUKA mu karere ka Burera, avuga ko abacitse ku icumu rya Jenoside bari mu mirenge itandukanye muri ako karere, bibumbiye mu makoperative bitewe na zone batuye mo. Ngo ayo makoperative atuma babona amafaranga yo kubatunga.

Agira ati “Koperative barakora kandi iyo ureba usanga hari inyungu zimaze kwigaragaza n’impinduka mu buzima bwabo bwa buri munsi”.

Akomeza avuga ko muri zone yitwa Rugengabari, ikorera mu murenge wa Rugengabari, mu karere ka Burera, hari koperative y’abacitse ku icumu rya Jenoside yaguze ubwato bwa moteri bukora mu kiyaga cya Ruhondo butwara abagenzi.

Babukodesha rwiyemezamirimo akabaha amafaranga y’u Rwanda ibihumbi 50 buri kwezi; nk’uko Niyonsenga abihamya.

Akomeza avuga ko abacitse ku icumu rya Jenoside batuye muri zone irimo imirenge igana ku kirunga cya Muhabura (imirenge ya Cyanika, Rugarama, Gahunga, Kinoni na Kagogo) bibumbiye muri koperative icuruza, ikanatubura imbuto z’ibirayi. Ngo banatangiye gucuruza imbuto y’amasaka.

Niyonsenga avuga ko kandi hari koperative ikorera mu murenge wa Nemba, mu karere ka Burera, yibumbiye mo abacitse ku icumu rya Jenoside yakorewe abatutsi batuye muri ako gace. Iyo koperative icuruza imyaka: ibishyimbo ndetse n’amasaka.

Abacitse ku icumu rya Jenoside, bo mu karere ka Burera, bakorera muri zone ya Butaro, mu murenge wa Butaro, bafite ishyirahamwe ry’ubuhinzi aho bakodesheje igishanga bahinga mo imyaka itandukanye ndetse bakanayicuruza; nk’uko Niyonsenga abihamya.

Kuri ayo makoperative hiyongera ho koperative ikorera muri zone ya Kirambo, muri santere ya Kirambo. Abacitse ku icumu rya Jenoside yakorewe abatutsi baryibumbiye mo, bacuruza ibishyimbo.

Niyonsenga avuga ko abibumbiye muri ayo makoperative bagaragaza ko imirimo bakora igenda neza kandi ko bamaze kwiteza imbere.

The administration of Nyanza District have initiated a program of making people with disabilities become independent and be able to support themselves without relying on the alms given to them through begging  as what has been the matter.

People with disabilities in training

This program will bring together people with disabilities by forming cooperatives and advocate for them as Emmanuel Karabayinga the official in charge of issues of people with disabilities in Nyanza district explained.

“In Nyanza district, we have already formed 12 cooperatives for people with disabilities, some of them have been advocated for and they already got funds to help them support themselves” says Emmanuel Karabayinga.

‘COCUNYA’, ‘Abakundana Rwabicuma’ and ‘Abadahemukirana ba Mukingo’ cooperatives among the 12 cooperatives for people with disabilities have already been sponsored. Since the beginning of 2013, these 3 cooperatives have been given Rwf6.1million as a supporting fund.

Apart from finding these cooperatives financial support to be able to support them, people with disabilities are trained to increase their capabilities especially in management of cooperatives and in other different skills depending on each individual’s capacities.

Ubuyobozi bw’akarere ka Nyanza bwatangiye uburyo bwo kwegera abafite ubumuga kugira ngo bafashwe kwifasha bityo bibarinde umuco wo gusabiriza nk’uko byagiye biranga bamwe muri bo mu gihe cyo ha mbere.

Bumwe muri ubwo buryo bwo kubafasha bwakoreshejwe ni ukubabumbira mu makoperative bakabegeranya kugira ngo byorohe kubakorera ubuvugizi ariko bari ahantu hamwe hazwi babarizwa nk’uko Karabayinga Emmanuel umukozi w’akarere ka Nyanza ushinzwe gukurikirana ibibazo byabo abitangaza.

Amwe mu mahugurwa bahawe yo kubafasha kwifasha

Mu kiganiro yasobanuye  ko hamaze gukorwa byinshi bigamije kuzamura imibereho myiza n’ubukungu bw’abafite ubumuga. Abivuga atya: “ Ubu mu karere ka Nyanza twatangiye amakoperative 12 yibumbiwemo abafite ubumuga ndetse amwe muri yo yakorewe ubuvugizi abona inkunga yo kubafasha kwifasha”

Nk’uko akomeza  abitangaza amwe mu makoperative yamaze kubona ubufasha mu karere ka Nyanza harimo iyitwa COCUNYA, Abakundana Rwabicuma n’Abadahemukirana ba Mukingo.

Karabayinga Emmanuel avuga ko ayo makoperative amaze guhabwa miliyoni 6 n’ibihumbi 100 kuva mu ntangiriro z’umwaka wa 2013.

Uretse kubashakira iyo nkunga yo kubafasha kwifasha, banahabwa amahugurwa yo kubongerera ubushobozi mu birebana n’imicungire y’amakoperative.

Ibi kandi bijyana no kubaha amahugurwa yo kubaka ubushobozi bwa komite zabo bibumbiyemo hakurikijwe ibyo bafitiye  ubushobozi bwo kwishoboza.

Abakozi b’imirenge n’abajyanama b’ubuzima

Nyuma y’umwaka  w’i 1994,  urugamba rwo kubohoza u Rwanda rurangiye, Leta y’u Rwanda yatangiye gahunda yo gusezerera abasirikare bagasubizwa mu buzima busanzwe. Abo basezerewe babonye ubufasha bw’ibanze ariko bamwe muri bo baracyari inyuma mu iterambere. 

Bitewe n’aho bavuka, bamwe bagize ikibazo cyo kubona icyo baheraho ngo biteze imbere, bityo bakaba bagikeneye gufashwa mu buryo butandukanye kugira ngo bivane mu bukene.

Ibyo ni na byo dusobanurirwa n’Uwamungu Jean de la Croix umwe mu basirikare basezerewe mu gisirikare, akaba n’umuyobozi w’inkeragutabara mu Karere ka Gakenke.

Agira ati: “…inkeragutabara zo mu karere ka Gakenke ziri mu byiciro bitandukanye, harimo abameze neza mu buryo bw’imibereho zitabira umurimo, zifite gahunda zo guteza imbere imiryango yabo; hakaba n’izindi usanga zifite ibibazo by’ubukene ….hari abatashye basanga imiryango yabo ikennye, kubona aho bahera ugasanga n’ikibazo gikomeye.”

Nizeyimana Wellars, Umuyobozi w’Inkeragutabara zo mu Karere ka Rulindo,  avuga ko bamwe mu basezerwe ku rugamba  ikibazo cy’ubukene  kibatera ihungabana ugasanga ribashoboye mu bikorwa bibi.

Ubwo yaganiraga n’abajyanama b’ubuzima n’abakozi bashinzwe imibereho myiza  bo mu mirenge bakomoka mu turere twa Rulindo na  Gakenke,  yabasabye kubaba hafi, ntibabonemo nk’abantu bataye umutwe kandi baragiriye igihugu akamaro.

Uyu muyobozi w’inkeragutabara zo mu Karere ka Rulindo yagaragaje ko nubwo inkeragutabara zifashwa kwiteza imbere zibumbira mu makoperative,  haracyari ikibazo cy’uko koperative y’inkeragutabara zicunga umutekano ku bigo cy’amashuri na za SACCO zihembwa amafaranga make kandi akaza atinze.

Abakozi bashinzwe imibereho myiza mu mirenge barasabwa kwita ku kibazo cy’iyo mishahara y’ “inticantikize” kugira ngo ibigo bizajye biyibaha ku gihe.

Ngo Leta ifite inshingano zo kubafasha kugira ngo bagere ku rwego nk’urw’abandi Banyarwanda ariko ibyo bigomba kugerwaho binyujijwe mu baturage baturanye nabo ndetse n’ubuyobozi bw’ibanze bubafasha kubabonera amacumbi n’amatungo yo korora.

Nyagatare: Kutiharira ubuyobozi, kwegera abanyamuryango no kuvumvikana nabo nibyo nkomoko y’iterambere rya koperative.

Iyi ni inama yagiriwe abayobozi b’amakoperative muri rusange akorera mu murenge wa Musheli ni nyuma y’inama yahuje ubuyobozi bw’uyu murenge n’ubwa koperative y’abatwara abantu n’ibintu kuri moto STMCM yasoje uwari umuyobozi wayo yegujwe by’agateganyo kugeza ku wa 30 uku kwezi ubwo hazaterana inama rusange y’abanyamuryango ari nabwo agomba kuba yamaze kwishyura abo abereyemo ideni.

Ideni Kwizera Adrien wari umuyobozi wa koperative Safe Taxi Moto Musheli nawe yiyemerera kwishyura abereyemo abanyamuryango bamutumaga kubagurira moto ni amafaranga y’urwanda 549,600. Mu nama yo kuwa 14 Mutarama,2013 yahuje ubuyobozi bw’iyi koperative n’ubwa STRAMORWA ku rwego rw’intara  yashoje nayo imweguje yari yijeje kwishyura abo abereyemo umwenda bitarenze kuwa 18 mutarama,2013  kuko yivugiraga ko ayo mafaranga ari kuri konti ye muri banki.

Ibi ariko ntiyabyubahirije kuko ngo hari abamwishyuje kenshi. Ruhumuriza Theogene wamuhaye avanse kuri moto y’ibihumbi 150 avuga ko yamwishyuje kenshi ariko agahora amubwira ko aribuyamuhe none ubu ngo nta n’icyizere cyo kuyabona agifite.

Uretse aya mafaranga yishyuzwa atari yishyura ngo na nyuma yo guhagarikwa by’agateganyo ntiyabyemeye kuko yaje guhamagaza inama rusange y’abanyamuryango yagombaga guterana kuri uyu wa 24 Mutarama yaje gusubikwa n’ubuyobozi bw’umurenge ahubwo buhamagaza komite bakoranaga kugira ngo baganire kuri icyo kibazo.

Nyuma y’ibiganiro byarimo n’abayobora STRAMORWA mu karere ka Nyagatare ndetse n’intara hafashwe umwanzuro nanone wo guhagarika by’agateganyo Kwizera Adrien ku buyobozi bwa koperative kugeza kuwa 30 Mutarama, aribwo hazaterana inama rusange y’abanyamuryango ikaba ariyo izafata icyemezo cyo kumusubiza ikizere agakomeza kuyobora cyangwa agasimbuzwa undi.

Gusa ariko nanone ngo agomba kugeza icyo gihe yamaze kwishyura abanyamuryango amafaranga yabo. Habumugisha Denis ushinzwe imibereho myiza mu murenge wa Musheli avuga ko ubundi umuyobozi wa koperative agomba gufatanya n’abo ayoborana naho ikindi akegera abanyamuryango kuko aribo ba nyiri koperative. Uyu muyobozi agira inama abayobora amakoperative kumva ko kugirwa umuyobozi bitabaha uburenganzira bwo kuyigira iyabo ku giti cyabo.

Uku kweguzwa kwe ariko hari abanyamuryango kutashimishije kuko ngo atariwe wariye koperative wenyine dore ko n’abo bafatanije kuyobora nabo hari amafaranga bishyuzwa na koperative.

Uretse amafaranga y’abanyamuryango Kwizera Adrien yemera ko yakoresheje ngo hari n’ikirarane mu kwishyura inguzanyo ya moto ya koperative kingana n’ibihumbi bisaga 200.

Rwabalinda Aloys uyobora sendika STRAMORWA mu ntara y’uburasirazuba, safe Taxi Moto ya Musheli ikoreramo avuga ko hari n’andi mafaranga asaga miliyoni 2 n’igice yabikijwe kuri konti itari iya koperative kandi akaba yaragombaga kwishyurwa banki ya KCB kuko ariyo yabahaye inguzanyo zaguzwe moto zigurizwa abanyamuryango.

Gushyiraho amakoperative y’urubyiruko byutaweho mu mwaka wa 2012 kugira ngo azarufashe kugera ku iterambere: Murwanashyaka Bosco,umuco na sport ushinzwe urubyiruko mu karere ka Nyabihu

Mu mwaka wa 2012,urwego rw’urubyiruko mu karere ka Nyabihu rwitaweho cyane kugira ngo rutezwe imbere nk’ejo hazaza h’u Rwanda. Kimwe mu byakozwe n’ugushinga amakoperative atandukanye mu tugari aharanira iterambere ry’urubyiruko nk’uko ushinzwe urubyiruko,umuco na sport Murwanashyaka Bosco abivuga,

Mu mirenge 12  igabanijemo utugari 73 mu karere ka Nyabihu,hiyemejwe gushyirwamo Koperative y’urubyiruko y’intangarugero muri buri kagari nk’uko Murwanshyaka abivuga. Gusa kugeza ubu ngo mu tugari tumwe hasanzwemo amakoperative.

Amakoperative 3 gusa akaba ariyo yahanzwe anafite ubuzima gatozi. Murwanashyaka avuga ko andi nayo yashyizweho,gusa ko bisaba inzira ndende yo kwigisha abaturage ibya koperative ndetse n’ibisabwa ngo abe yujuje ibyangombwa. Kugeza ubu, amakoperative 3 akaba yarabonye ibyangombwa byose naho andi muyashyizweho akaba agishakishakisha ibyangombwa ngo agire ubuzima gatozi. Gusa yongeraho ko mu kwezi kwa 6 umwaka utaha azaba yarabonye ibyangombwa.

Amakoperative nk’inzira y’iterambere ku Banyarwanda ndetse no ku rubyiruko by’umwihariko,yitabiriye gushyirwaho mu karere ka Nyabihu,kugira ngo binyuze muri yo urubyiruko rwungurane ibitekerezo byubaka,maze rugera ku iterambere rirambye. Iyi akaba ariyo mpamvu urubyiruko rw’akarere ka Nyabihu rusabwa kwitabira amakoperative nk’inzira izarufasha kwiteza imbere rugateza imbere n’igihugu.

Mugihe bamwe mubaturage bavuga ko iminsi mikuru ya Noheri n’Ubunani ibasanze mubukene butoroshye ndetse no kuyizihiza uko bisanzwe  bitoroshye, ababa mu bimina bitandukanye bo ikibazo cy’umunsi mukuru  baragikemuye.

Nkuko basanzwe bagurizanya amafaranga mubyo bita ikibina, mu rwego rwo kwizihiza umunsi mukurur neza barya ku kadahingwa (inyama), ababa mubimina bitandukanye bahisemo kugura ikimasa bakakigabana  mu nyungu bungutse uyu mwaka.

Ubusanzwe inyungu ziva mu buryo bo hagati yabo bagurizanya amafaranga maze bakungukirana.iz nyungu zibikwa mu isanduku akaba ari nazo zivamo inka y’umunsi mukuru.

Umusaza umwe uba mu kimina cyo mu karere ka Ngoma ,ubwo yavaga kugabana inyama ,yavuze ko  ikimina kimukuye ahakomeye kuko atari kubona ayo kugura inyama ngo yizihize umunsi mukuru.

Yagize ati”Mwana wa burya kuba nyakamwe biragatsindwa,ubuse iyo ntajya aho abandi bari ngo nanjye njye mubimina nari kuba uwande uyu munsi koko ,habe n’urupfusha ngo ndarufite rwo nari kugura akanyama.ariko ubu ngaka nshyiriye abana n’umukecuru wanjye.”

Uretse kuba bagabana inyama bakuye munyungu z’ikibina,baranasabana bakanwa bakanarya iyo basoza umwaka ibyo byose bikava mu nyungu z’abaguza bashaka kuyakoresha maze bakungukira ikimina.

Abantu benshi bahitamo kuguza mubimina kuko ntangwate baba bafite zo gutanga ku mabanki,bityo bitewe nuko mu kimina baba baziranye kandi bizerana bakayamuha.

Ibimina bigenda biri mubifasha abaturage mu kwiteza imbere kuko bibafasha kwizigamira birinda gusesagura,aho bahura buri cyumweru cyangwa gihe runaka bumvikanyeho bakagenda batombora umuntu umwe baha amafaranga bose,bityo kugera igihe buri wese bamuhaye.

Muri iki gihe Abanyarwanda bashishikarizwa kwibumbira mu makoperative, byagaragaye ko hari  amakoperative y’i Huye atagira icyo ageraho. Nyamara, gahunda yo gushishikariza Abanyarwanda kwibumbira mu makoperative ifatwa nk’aho ari imwe mu nzira zo kubafasha kwiteza imbere.

Ibi byatumye komisiyo y’ubukungu yo muri njyanama y’Akarere ka Huye yiyemeza kujya kureba igituma amenshi muri aya makoperative atagera ku ntego yayo.

Iyi komisiyo yasanze impamvu nyamukuru ari uko abanyamuryango baba batazi uko amakoperative akora. N’ikimenyimenyi, amahugurwa ku mikorere y’amakoperative agenerwa ahanini komite nyobozi, ari na yo ahanini iba iri ku isonga ryo gutuma ahomba, dore ko aba ari yo ifite mu biganza inkunga zigenerwa aya makoperative.

N’ubwo abagize iyi komisiyo bagiriye inama abanyamuryango b’amakoperatvie kuzajya bakurikiranira hafi uko umutungo wabo ukoreshwa, abagize inama Njyanama y’Akarere ka Huye yateranye kuri uyu wa 27 Ukuboza, basanze byaba byiza n’abandi banyamuryango bagiye bahabwa amahugurwa ku mikorere y’amakoperative, bityo bakaba babasha kugenzura uko umutungo wabo ukoreshwa.

Iyi komisiyo kandi yasanze kutamenya uko amakoperative akora atari yo mpamvu yonyine ituma ahomba. Ngo hari igihe atanamenya kwishakira amasoko y’ibyo yagezeho. Inama Njyanama rero yifuje ko komite nyobozi y’Akarere ka Huye yagena uburyo aya makoperative yajya agirwa inama ku gushaka amasoko y’ibikorwa byayo.

Ingabire Diane,asanga kwibumbira muri koperative ari imwe mu nzira zigeza ku iterambere rirambye ari nayo mpamvu agira inama abaturage yo kuyagana

Bamwe mu baturage b’akarere ka Nyabihu,basanga kwibumbira mu makoperative ari inzira nziza yo kubageza kw’iterambere nk’uko bamwe muri bo babidutangarije, ari nako batubwira byinshi bamaze kugeraho.

Ingabire Diane,ni umuturage wo mu karere ka Nyabihu. Avuga ko muri koperative abamo,bitewe n’inyungu bagiye bageraho,baje kugura intama zibafasha mu ngo zabo. Avuga ko mbere yari umugore w’umukene cyane ntacyo yabasha kwigezaho. Yabonaga ikimutunga bimugoye kuburyo yacaga inshuro. Kuva yakwibumbira muri koperative yatangiye kugera ku iterambere.

Kugeza ubu,we ntiyabura icyo arya n’icyo yambara ndetse no gukemura ibibazo bye by’ibanze. Ikirenze kuri ibyo,ubu yifitiye aho ahinga abikesha kwibumbira mu makoperative kandi yatangiye no kubaka inzu ye bwite,ku buryo ayigeze kure. Akaba avuga ko binyuze muri koperative,azabasha no kwaka inguzanyo,ikazamufasha kurangiza inzu ye.

Hitayezu Ferdinand,nawe avuga ko kwibumbira muri koperative ari inzira nziza igeza ku iterambere kuko umuturage yungurana ibitekerezo n’abandi,bagafatana urunana,bagashyira mu bikorwa ibitekerezo byabo,bakagera ku iterambere rirambye.

Bitewe n’agaciro ko kwibumbira mu makoperative,abamaze kubisobanukirwa nka Ingabire Diane ndetse na Ferdinand twaganiriye,bakaba bagira inama bagenzi yo kuyagana,kugira ngo bagere ku iterambere rirambye kuko muri koperative abantu bungurana ibitekerezo,bakigira hamwe icyabateza imbere,buri wese abigizemo uruhare.