Poor genocide survivors in Kagano sector in Nyamasheke district were on Thursday the 25^th.April.2013 given livestock and other contributions by residents.

Six cows, 30 goats and pigs, hoes, medical insurance (Mutuelle de santé) for the economic year 2013/2013, construction materials and scholastic materials to students are the items that were given to them.

Genocide survivors receiving construction materials

 Jean Damascène Nshimiyimana, the executive secretary of Kagano sector said the livestock as well as all the materials given were collected during the commemoration week.

Nzayituriki , one of the beneficiaries hailed this activity.

“With this cow, I will be able to improve the diet of my 5 children and wife,” He said.

 Jean Ndera the coordinator of IBUKA in Kagano sector appreciated the act.

“This is a great step towards self reliance. Survivors should use sparingly all they have been given,” said Ndera.

Michel Nshimiyumukiza the coordinator of CNLG in Nyamasheke and Rusizi districts said that these presents should be held as a symbol of unity and reconciliation amongst Rwandans.

Abacitse ku icumu rya jenoside bacyugarijwe n’ubukene bo mu murenge wa Kagano mu karere ka Nyamasheke baremewe mu gihe cyo kwibuka ku nshuro ya 19 jenoside yakorewe Abatutsi, kuri uyu wa kane, tariki ya 25/04/2013 bashyikirijwe inkunga baremewe n’abaturanyi babo.

Aba baturage bashimira babivanye ku mutima abaturanyi babatekerejeho bakabagenera amatungo n’ubundi bufasha kuko bavuga ko bizabagirira umumaro kandi bikabafasha kwigira.

Inkunga yashyikirijwe abacitse ku icumu rya jenoside bo muri uyu murenge wa Kagano ni  inka 6 n’andi matungo magufi arimo ihene zigera kuri 30 ndetse n’ingurube, amasuka yo guhinga, ubwishingizi bw’ubwisungane mu buvuzi (Mutuelle de Santé) bw’umwaka wa 2013-2014, ibikoresho by’ubwubatsi ndetse n’iby’ishuri ku banyeshuri.

Umunyamabanga Nshingwabikorwa w’umurenge wa Kagano Nshimiyimana Jean Damascène, yavuze ko aya matungo ndetse n’ubu bufasha bundi byavuye mu mafaranga yakusanyijwe n’abaturage bose mu cyumweru cy’icyunamo, buri muntu agatanga uko yifite kandi bimuvuye ku mutima.

Nzayituriki Patrice wo mu mudugudu wa Ninzi mu kagari ka Ninzi ko muri uyu murenge wa Kagano, wagabiwe inka muri iyi gahunda yo kuremera abacitse ku icumu bacyugarijwe n’ubukene yashimiye abaturage bamutekerejeho bakabona ko atishoboye bakamugenera inka kandi avuga ko na we azakora ibishoboka kugira ngo iyi nka izamufashe gutera imbere bityo ashobore kwigira.

Nzayituriki ufite umugore n’abana batanu avuga ko iyi nka igiye gutuma abona ifumbire ku buryo azajya ahinga akeza mu gihe byari ingorane kugira ngo abone umusaruro kuko nta fumbire yajyaga abona mu mihingire ye.

Ndera Jean ukuriye IBUKA mu murenge wa Kagano wo mu karere ka Nyamasheke yashimiye abaturage batekereje kuremera abacitse ku icumu bacyugarijwe n’ubukene kandi asaba abacitse ku icumu baremewe kuzafata neza aya matungo bahawe kimwe n’ubundi bufasha butandukanye.

Ndera yavuze ko ubu bufasha bwo kuremera abacitse ku icumu bacyugarijwe n’ubukene bwavuye ku mutima w’abaturanyi  kandi bakabikora nta gahato maze asobanura ko ibyo ari impano ikomeye abaturanyi bageneye bagenzi babo bacitse ku icumu batishoboye. Ku bw’ibyo akaba yasabye abacitse ku icumu ko bagomba guhesha agaciro izo mpano uwaremewe agaharanira ko mu bihe bitaha na we yazaremera mugenzi we.

Nshimiyumukiza Michel uhagarariye Komisiyo y’Igihugu yo Kurwanya Jenoside (CNLG) mu turere twa Nyamasheke na Rusizi, na we yashimangiye ko izi mpano zigomba gufatwa nk’ikimenyetso cy’intambwe imaze guterwa mu bumwe n’ubwiyunge bw’Abanyarwanda, anibutsa ko kuremerana ari umuco w’ubupfura kandi wahozeho aho Abanyarwanda batabaranaga mu byago, bakaremamo umuntu icyizere na we agakomera.

Nubwo iyi gahunda yakozwe ku mugaragaro, ntibivuze ko ibikorwa byo kuremera abacitse ku icumu batishoboye bihagaze kuko abantu bose bashishikarizwa gukomeza kubaba hafi, by’umwihariko muri iyi minsi ijana yo kwibuka.

Minisitiri w’impunzi n’ibiza ashyikiriza Inyeragutabara inka 

Binyuze muri koperative y’inkeragutabara ikorera mu karere ka Ruhango yitwa Imbere heza, tariki ya 23/04/2013 yagabiye abanyamuryango bayo inka zigera kuri 20

Iki gitekerezo cyo kugabira izi Nyeragutabara ngo ni gahunda yo gutera ikirenge mu cya Nyakubahwa Perezida wa Repuburika Paul Kagame yagize cy’uko buri mu Nyarwanda yagira inka; nk’uko byatangajwe na Briged General Dan Gapfizi ukuriye inkeragutabara mu ntara Y’amajyepfo.

Umuyobozi w’Inkeragutabara mu ntara y’Amajyepfo

Yagize ati “niba Perezida avuga ko buri munyarwanda agomba kugira inka ndetse no kwiteza imbere, nta mpamvu yatuma Inkeragutabara zo zitagira inka zaziteza imbere mu gihe bavuye mu mirimo ya gisirikare basubiye mu buzima busanzwe”

Dan Gapfizi yasabye abahawe izinka kuzorora neza kugirango nabo bagire uruhare muguteza imbere aho batuye. Yakomeje avuga ko ibikorwa byo kuremera Inyeragutabara bigomba gukomeza.

Abahawe izi nka, ngo bishimiye kuba baratekerejweho nyuma y’uko bageze mu buzima busanzwe, ngo bakaba bagiye korora neza izi nka kugirango bashobore kubona ifumbire ndetse n’amata.

Ndabavunnye Athanase ni umwe mu nkeragutabara zahawe inka, yavuze ko inka ahawe igiye kumukura mu bukene kuko ngo azayitaho bishoboka akajya ayikama litiro zitari munsi 10 z’amata amwe akayanywa andi akayajyana ku isoko.

Minisitiri w’ibiza no gucyura impunzi, Mukantabana Seraphine wari umushyitsi mukuru mu muhango wo kuremera izi Nkeregutabara, yashimye inzego zose zagize uruhare muri iki gikorwa.

Akaba yanashimiye cyane uruhare rw’inkeragutabara zikunze kugaragara mu bikorwa bitandukanye cyane cyane igihe cy’ibiza ngo kuko arizo ziba izambere mu gutabara ndetse no gutanga amakuru.

Koperative Imbere heza, igizwe n’abanyamuryango 108 ikaba imaze umwaka n’amezi atandatu itangiye imirimo yayo yo gucunga umutekano gusa ngo ubu ikaba igiye gutangira ibindi bikorwa birimo no kubungabunga ibidukikije.

Abagize amakoperative 12 y’ababana n’ubwandu bwa SIDA, abatishoboye n’abandi bakozweho na SIDA, kuri uyu wa mbere tariki 25/03/2013 bashyikirijwe inka 36 mu murenge wa Rwaza akarere ka Musanze, mu rwego rwa gahunda yo koroza buri munyarwanda.

Izi nka z’inzungu ku kigero cya 50%, ngo zije gufasha abaturage kwivana mu bukene zibaha ifumbire ndetse n’amata, cyakora abahawe inka basabwe gusaranganya na bagenzi babo bataragerwaho, nk’uko byavuzwe n’umuyobozi w’akarere ka Musanze Mpembyemungu Winifrida.

Ati: “Kugirango izi nka zizabageze ku iterambere, murasabwa kuzifata neza, kandi ntimuzabure guha bagenzi banyu batarahabwa inka agafumbire, kuko umuntu muhuriye muri koperative muba muhuriye kuri byinshi”.

Ruhanamirindi Samir,umuyobozi w’ umuryango uharanira iterambere mu bwuzuzanye, watanze izi nka ku nkunga ya Global Fund, yagargaje ko abahawe izi nka babonye ubushobozi bwo gusezerera ubukene, bakarushaho kandi kuzifata neza kugirango zikomeze kwiyongera.

Inka  36 zatanzwe mu kiciro cya gatatu zitumye zose hamwe zimaze gutangwa n’uyu mushinga ziba inka 127, mu makoperative 12, aho buri yose if ite abanyamuryango 20.

Umukumbi w’inka zari zigiye guhabwa abaturage

Umukumbi w’inka zari zigiye guhabwa abaturage

Muri gahunda yatangijwe na Perezida wa Repubulika y’u Rwanda mu mwaka wa 2006 ya Girinka Munyarwanda aho abaturage bagenda borozanya ndetse n’abandi bagahabwa inka n’abaterankunga mu rwego rwo gushyigikira iki gikorwa kuri uyu wa 11/2/2013 Gicumbi hatanzwe inka 70 ku miryango ikennye.

Ruzinda Augustin wari usanzwe akora akazi ko gukubura imbere y’amaduka mu mujyi wa Byumba bigaragarako atifashije ashimira iyi gahunda kuko asanga iyo nka izamuvana mubukene bukabije yabagamo.

Kuyorora nibyo bizamufasha bigatuma abasha kubona amata n’ifumbiri agashaka n’umurima agafumbira maze nawe akihaza mubiribwa umusaruro ukiyongera.

Izi nka zatanzwe zikaba ari amashashi yaguzwe n’akarere ka Gicumbi muri gahunda ya “Girinka Munyarwanda” mu rwego rwo gufasha abaturage kwivana mu bukene.

Nk’uko abaturage babyivugira bakaba bashimira Perezida wa Repubulika Paul Kagame  kuba abagabiye inka zikaba zigiye kubafasha mu kuzamura imibereho yabo, bakaba bazabona ifumbire izatuma barushaho kubona umusaruro mu buhinzi bwabo ndetse n’abana babo bakaba babona amata nk’uko byatangajwe na Bwana Ngirumpatse Francois.

Gashirabake Isdore Ushinzwe ubworozi mu karere ka Gicumbi

 Gashirabake Esidore ushinzwe ubworozi mu karere ka Gicumbi wari uhagarariye ubuyobozi bw’akarere akaba yasabye  abaturage bahawe inka ko bagomba kuzifata neza ndetse bakazikunda kuko ari zo bazazamukiraho bivana mu bukene.

Bityo bakaba bagomba kuzitaho bazubakira ibiraro kubatabifite, bagatera ubwatsi ndetse bakazivuza ku gihe batibagiwe kuziha inkingo dore ko hari abashinzwe ubworozi ku mirenge n’utugari babegereye nabo bakaba bagomba kubagira inama.

Babanzaga gutombora numero bakabona kubona inka

Iki gikorwa kandi cyakozwe mubushishozi  kuko kugirango umuturage abone inka ye hakaba hakoreshwaga tombora za nimero ziri ku maherena ya buri nka. Bityo nimero umuturage atomboye akaba ariyo nka atahana bakaba bemeza ko nta kimenyane cyakoreshwejwe kugirango umuntu abone inka dore ko banashingiye kubaturage batishoboye baba bagaragajwe na komite z’ubudehe ku midugudu.

Iyi miryango yose uko ari 70 ikaba yahuriye mu murenge wa Rukomo ndetse n’abandi bahurira mu murenge wa Rutare. Aho inka 10 zatanzwe mu murenge wa  Byumba, 10 Manyagiro, 10 Nyamiyaga,15 Bwisige , 15 Rwamiko n’inka 10 yo mu murenge wa Rutare.

 Abaturage bo mu Karere ka Gakenke boroje abacitse ku icumu inka 125 zavuye mu mafaranga arenga miliyoni 21 bakusanyije mu myaka ya 2011 na 2012 mu gihe cy’icyunamo cyo kwibuka Jenoside yakorewe Abatutsi.

Gakenke: Abaturage boroje abacitse ku icumu inka 125

Mu muhango wo kuzibashyikiriza ku mugarago kuri uyu wa kane tariki 07/02/2013 wabereye mu Murenge wa Ruli, Minisitiri muri Prezidansi, Tugireyezu Venantie unashinzwe by’umwihariko Akarere ka Gakenke yavuze ko umuco wo korozanya  inka ari umuco nyarwanda ufasha abaturage kurusha  kubana neza.

Yagize ati: “Uwo muco ukaba unagira ingaruka nziza mu gutuma Abanyarwanda barushaho kubana, barushaho kunywana no kubanishanya neza.”

Abaturage bashimye kubera igikorwa cyo koroza bagenzi babo.

Yashimye abaturage bigombye ibyabo bagashyira hamwe imbaraga zabo kugira ngo bafate mu mugongo abacitse ku icumu, baboroza inka zizabagirira akamaro mu mibereho yabo bakabona  amata yo kunywa arwanya imirire mibi ndetse n’ifumbire izatuma bahinga bakeza.

Minisitiri Tugireyezu yabijeje ko Leta y’u Rwanda itazahwema kubafasha muri gahunda zayo zitandukanye kugira ngo biyubake banagire icyizere cyo kongera kubaho.

Imiryango itishoboye 229 y’abacitse ku icumu yororojwe inka bigizweho uruhare n’abafatanyabikorwa batandukanye, hakaba hasigaye imiryango 89. Umuyobozi w’Akarere, Nzamwita Deogratias ashimangira ko iyo miryango isigaye nayo izorozwa muri uyu mwaka.

Ati: “ Turumva ko iyi miryango 89 isigaye, uyu mwaka uzarangiye nayo twayoroje.  Rwose ni cyo twiyemeje kandi Abanyagakenke iyo biyemeje igikorwa bakigeraho.”

Uyu muyobozi  yasabye abahawe inka kuzitaho neza kandi ngo akarere kazababa hafi kugira ngo izo nka zizabahe umusaruro mwiza. Yemeza ko akarere kazakomeza kongera ingufu muri gahunda ya Girinka yatangijwe na Prezida wa Repubulika mu mwaka wa 2006.

Muri uwo muhango wabereye hanatanzwe inka 13 zagabiwe imiryango itishoboye muri gahunda ya Girinka.  Mu mwaka w’ingengo y’imari wa 2012-2013, akarere kamaze gutanga inka zisaga gato 700 mu gihe gateganya gutanga inka 1000.

Uwitonze Jean Baptiste  worojwe inka,  avuga ko inka yahawe mu mwaka wa 2012 yahinduye imibereho ye aho abana babona amata yo kunywa, agasaba ko n’abatarahabwa inka na bo bakorozwa.

Undi worojwe witwa Ndayambaje Felecien ashima abaturage baboroje, akavuga ko ari ikimenyetso cy’urukundo n’imibanire myiza ibaranga.

The Ruhango district administration has given cows to 53 families that reside in 4 sectors in the support of Girinka Program which was initiated by the president of the republic of Rwanda so that at least every Rwandan can own a cow.

Residents in the 4 sectors were given cows as those from Byimana sector were given 9 cows, Kabagali sector 15 cows, Kinihira sector 15 cows and Bweramana sector in 14cows. The other 5 sectors which were not given cows are yet to be given precisely early next week says Dieudonne Rugwizangoga the veterinary doctor in Ruhango district.

Residents who were given cows are the poor and vulnerable who were selected by their neighbours with the help of local authorities. The families which were given cows thanked the district administration especially the president of the Republic for initiating this program and made them farmers something which was just a dream to most of them.

They assured that now that they got cows to rear, they are going to work even harder to develop as they have been farming without manure, and their children will no longer be affected by kwashiorkor or malnutrition as they will be having milk.

Dieudonne Rugwizangoga the veterinary doctor in Nyabihu district said that every resident who was given a cow has a responsibility to give a cow to a neighbour once the cows reproduce. These 53 cows that were given by the district are additional to too many others which were given out by different partners in development, organizations and associations in Ruhango district.

Imiryano yahawe inka izajya iziturira abandi

Mu rwego rwo gushyigikira gahunda ya gira inka yatangijwe na perezida wa Repubuluka Paul Kagame, akarere ka Ruhango kagabiye inka imiryango igera kuri 53 ituye mu mirenge ine.

Iyi mirenge yorojwe inka harimo uwa Byimana wahawe inka 9, Kabagali yahawe 15, Kinihira yahawe 15, Bweramana yahawe 14.

Bikaba biteganyijwe ko n’indi mirenge 5 isigaye nayo izorozwa inka mu ntangiriro z’icyumweru gitaha; nk’uko bitangazwa na Rugwizangoga Dieu Donne ushinzwe ubworozi mu karere ka Ruhango.

Abaturage bahawe izi inka, akaba ari abaturage bafite amikoro make baba baratoranijwe n’abagenzi babo baturanye babifashijwe n’inzego zibanze.

Imiryango yabonye izi nka, ivuga ishimira cyane Nyakubahwa Perezida wa Repubulika Paul Kagame we watekereje kuri iyi gahunda ya gira nka aho buri mu nyarwanda agenda abona inka.

Bavuga ko ubu ubwo bamaze kubona izi nka, bagiye guterimbere kuko ubundi babagaho nta gafumbire bagira, nditse ibi bikazatuma nta mwana wongera kurwara bwaki kuko bazajya babona amata.

Rugwizangoga Dieu Donne ushinzwe ubworozi mu karere ka Ruhango, avuga ko umuturage wahawe inka azajya yoroza mugenzi igihe inka yahawe yabyaye.

Izi nka 53 za guhunda ya girinka munyarwanda zitanzwe n’akarere, zije ziyongera kuzindi nyinshi zagiye zitangwa n’abafatanyabikorwa b’akarere ka Ruhango.

Imiryango 60 yo mu kagari ka Kagina yahawe inka zo kubafasha guhangana n’ikibazo cy’imirire mibi. Iyo miryango ikaba isanzwe ifite abana bafashwa n’umuryango w’abanyakoreya Good Neighbors mu bijyanye n’imibereho myiza.

Kuri uyu wa kane tariki 29 Ugushyingo 2012, umuryango w’abanyakoreya  Good Neighbors, ukorera mu kagari Kagina, umurenge wa Runda, wahaye inka imiryango 60 itishoboye, ngo zibashe guhangana n’ikibazo cy’imirire mibi, kuko nibazitaho zizabaha amata n’ifumbire yo kurumbura imirima ya bo.

Nk’uko Ndizeya Jean Marie Vianney, uhagarariye Urwego rw’imishinga muri Good Neighbors, abivuga,  Mu miryango ifite abana basaga 2000 bagaragaweho n’imirire mibi, uyu munsi abahawe inka ni 60 bahawe inka 30 , babiri babiri bakazajya bafatanya inka imwe.

Uyu mushinga ugamije gukemura ikibazo cy’imirire mibi ukaba uzamara igihe cy’imyaka itatu, buri mwaka hakazajya hatangwa inka kandi n’abo bazihawe bakazoroza bagenzi ba bo.

Abahawe inka bakaba barabanje guhabwa amahugurwa ku bworozi bw’inka, bahinga n’ubwatsi bwo kuzitunga, zikazororerwa mu biraro rusange, aho muri buri mudugudu Good Neighbors yahubatse ikiraro cy’inka 6, ikabegereza amazi yo kuzitunga. Muri icyo gihe cy’imyaka itatu, uyu muryango ukaba uzakomeza kubafasha kuzitaho, ubafasha kubona imiti n’umuganga w’amatungo.

Ku ruhande rw’abahawe inka, barashima uyu muryango kuko uretse kubaha inka, wabafashije kubungabunga ubuzima bw’abana ba bo babagira inama y’uburyo bwo kubona no gutegura indyo yuzuye. Biteguye kwita ku nka bahawe , iby’ingenzi nk’ubwatsi n’ibiraro bikaba byarateguwe.

Umunyamabanga Nshingwabikorwa w’umurenge wa Runda, Nyirandayisabye Christine avuga ko aka kagari gafite umubare munini w’abatishoboye kuko abenshi mu bahatuye ari abashigajwe inyuma n’amateka, ariko kubwa Good Neighbors, imibereho ya bo irimo iragenda ihinduka.

Ahamya ko Good Neighbors yazamuye iterambere ry’abatuye akagari ka Kagina,ikaba ibafasha mu bikorwa bitandukanye birimo kubakira amacumbi abadafite aho baba, gukora uturima tw’igikoni, kurwanya nyakatsi ku buriri, bakaba bororojwe n’inkwavu  iyo miryango ngo zibafashe gukemura bimwe mu bibazo byihuse bikenera amafaranga.

Ushinzwe imibereho myiza muri nyamasheke

Abaturage batishoboye bo mu murenge wa Bushekeri mu karere ka Nyamasheke babashije gukora amaterasi y’indinganire, kuri uyu wa kabiri, tariki ya 20 Ugushyingo, 2012 bahawe inka zo kubunganira kubona ifumbire. Iki gikorwa kikaba cyabereye ku biro by’umurenge wa Bushekeri muri aka karere ka Nyamasheke.

Inka zatanzwe kuri aba baturage ni 34 bagenewe n’ubuyobozi bw’akarere ka Nyamasheke.

Igikorwa cyo gutanga izi nka cyayobowe n’Umunyamabanga Nshingwabikorwa w’Umurenge wa Bushekeri, Munyankindi Eloi wasabye aba baturage kuzafata neza izi nka bahawe kugira ngo zizabashe kubaho neza kandi zibahe umusaruro.

Uyu muyobozi akaba yabibukije ko izo nka zigomba kwitabwaho kandi bagaharanira ko na bo bazaziturira bagenzi babo batarabasha kubona inka.

Munyankindi yaboneyeho umwanya wo gusaba abaturage bo muri uyu murenge kurushaho kugira umuco wo korozanya kuko utuma abaturage batera imbere kandi ukongera ubusane. Ku bw’ibyo, buri wese akaba ahamagarirwa kugira iki gikorwa icye ku buryo abaturage bose bo mu murenge wa Bushekeri bazabasha korora itungo ribateza imbere, haba ku ifumbire ndetse n’undi musaruro warikomokaho.

Abaturage bahawe izi nka batangaje ko babyishimiye kandi bemeza ko zizabagirira umumaro kuko bagiye kubona ifumbire bazashyira mu materasi, bityo bakayabyaza umusaruro ushimishije.