Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

The association for medical students in the University of Rwanda (MEDSAR) gave two cows of Frisian type to the former sex workers that are now in Abiyemejeguhinduka cooperative at Tumba sector offices on Friday the 17^th.Nov.2012.

This act was done after many other things that MEDSAR students did to this cooperative of ex-sex workers including basket weaving and hairdressing and pedicure and manicure.

Antoine Habiyambere the President MEDSAR says that supporting this cooperative has been their goal since they got them out of prostitution near the university. This comes hand in hand with the mission of MEDSAR which teaches people about reproductive health, effects and prevention of HIV/AIDS and family planning.

Since most women say they are in prostitution due to poverty, MEDSAR taught them to work by training them in technical skills which provides income to them and also advices them on the agriculture this cooperative does.

They were given cows to provide them with manure to boost their farming and they will keep distributing the offspring of these cows among the cooperative members till each one of them owns a cow and there no member will go back to prostitution due to poverty.

The president of the cooperative of ex-sex workers says that all members are 28 women. They stopped prostitution completely and now they are sensitizing other young girls in prostitution to join their cooperative. Their aim is to reduce the number of people getting AIDS from prostitution and never to regret the path they chose later on in life.

Ishyirahamwe ry’abanyeshuri ba Kaminuza y’u Rwanda biga mu ishami ry’ubuvuzi, bagabiye inka abahoze bakora umwuga w’uburaya bakawuvamo, ubu bibumbiye muri Koperative Abiyemejeguhinduka. Igikorwa cyo kubashyikiriza izi nka cyabereye ku biro by’Umurenge wa Tumba, kuwa gatandatu tariki ya 17 Ugushyingo.

Inka ebyiri zo mu bwoko bwa frizone ku rugero rwa 75% ni zo MEDSAR yashyikirije Abiyemejeguhinduka. Iki gikorwa kije cyiyongera ku bindi byinshi aba banyeshuri ba Kaminuza bagiriye iri shyirahamwe harimo kubigisha kuboha uduseke, no gutunganya imisatsi y’abagore ndetse n’inzara, n’ubu bakaba bakibyiga.

Perezida wa MEDSAR, Habiyambere Antoine, avuga ko gufasha Abiyemejeguhinduka atari ibya none gusa. Ngo byatangiye ibafasha kuva mu mwuga w’uburaya. Icyo gihe yari igamije gukuraho ikibazo cy’uburaya hafi ya Kaminuza, cyane ko hari abanyeshuri indaya zicaga.

Ibi byanahuje ko n’ubundi mu bikorwa bya MEDSAR harimo kwigisha abantu iby’ubuzima bw’imyororokere, ububi bwa Sida no kuyireka ndetse no kuboneza urubyaro.

Kubera ko aba bagore bavugaga ko uburaya babuterwa n’ubukene, MEDSAR yabafashije kwiga kuboha uduseke, nyamara baje kutuburira isoko nuko bamwe batangira gusubira mu buraya. Ibi rero byatumye MEDSAR yiga umushinga mushyashya wo kubafasha kwiga imyuga itabura isoko (gutunganya imisatsi n’inzara), ndetse bakanabagira inama mu bijyanye n’ubuhinzi n’ubworozi koperative yabo ikora.

Izi nka rero babahaye ni izo kubafasha kubona ifumbire yo gushyira mu mirima yabo. Buke buke kandi bazagenda borozanya, ku buryo hari icyizere ko nta wuzongera gutekereza gusubira mu buraya abitewe n’ubukene.

Umuyobozi wa Koperative Abiyemeje guhinduka, avuga ko bose hamwe ari 28. Ngo baretse umwuga w’uburaya burundu, ku buryo batangiye no kwiyegereza abakiri batoya bari babaye indaya, bakabakira muri koperative yabo. Intego yabo ngo ni ukubarinda kuzandura Sida ndetse no kuzabaho bicuza inzira banyuzemo bakiri bato nk’uko na bo ubwabo batabyishimiye.

Imiryango iherutse gutakaza ababo bakubiswe n’inkuba mu karere ka Rutsiro yashyikirijwe ubutumwa bw’umukuru w’igihugu bwo kubafata mu mugongo bahabwa n’ubufasha bw’amafaranga n’inka byo kubunganira mu mibereho yabo. Iyo miryango yashimiye ubuyobozi bw’igihugu kubera uruhare bugira mu gushyigikira no gutabara abaturage.

Umunyamabanga wa leta muri minisiteri y’ubutegetsi bw’igihugu, Dr Alvera Mukabaramba ku tariki ya 09/11/2012 yashyikirije iyo miryango ibiri sheki y’amafaranga ibihumbi magana atatu kuri buri muryango. Ni amafaranga yahawe umuryango w’umugabo witwa Ngendabanyukwa Felicien waburiye umugore we muri icyo kiza cy’inkuba akamusigira abana babiri. Indi sheki y’amafaranga ibihumbi magana atatu yahawe umukecuru witwa Mukandoli Athanasiya wabuze abakobwa batatu harimo umwe wari utwite. Uwo mukecuru yasigaranye n’abuzukuru be babiri, umwe muri bo akaba afite imyaka ibiri y’amavuko undi akaba yari amaze amezi arindwi avutse.

Abahawe ubwo bufasha bashimiye ubuyobozi bw’igihugu budahwema kugoboka abaturage. Ngendabanyukwa Felicien yagize ati : “Nabyishimiye kuko nyine nta kundi byagenda, aya mafaranga nzayakuramo inzu n’ikibanza kuko nabaga mu nzu itari iyanjye”.

Mukandoli avuga ko kuba ubuyobozi cyane cyane ubw’inzego z’ibanze bwaramubaye hafi bimwongerera imbaraga. Ati : “ Mwarakoze cyane, aho muzajya mugenda hose Imana izajye ibaha umugisha. Inka mwampaye ningira amahirwe ikabyara ubwo abana nzabona ikibatunga”.

Mukandoli yahawe inka izamufasha mu mibereho ye, ariko ahabwa n’amafaranga kugira ngo amwunganire mu gihe iyo nka itaratangira gutanga umusaruro.

Ku itariki 27/10/2012 mu masaha ya saa kumi ni bwo inkuba yakubise mu mudugudu wa Rusororo mu kagari ka Remera mu murenge wa Boneza, ikubita abantu icumi, batanu muri bo bahita bitaba Imana harimo umwe wari utwite.

Igikorwa cyo gufata mu mugongo abafite ababo bakubiswe n’inkuba cyabanjirijwe n’umuganda wo kurwanya isuri, ukaba witabiriwe n’abayobozi ku nzego zitandukanye zo mu karere ka Rutsiro, abo mu ntara y’Iburengerazuba ndetse, abayobozi ku rwego rw’igihugu hamwe n’abaturage bo mu murenge wa Boneza.

Mu rwego rwo kuzamura imiryamgo ikennye kurusha indi mu karere ka Rulindo,hazamurwa imibereho yayo ngo ibe myiza,hakomeje igikorwa cyo gushaka uburyo iyo miryango nayo yatera imbere,iterwa inkunga mu bintu bitandukanye byo kwiteza imbere .

Bimwe mu bikorwa byo kuyifasha kwikura mu bukene birimo kuba iyo miryango ijyenda ihabwa inka  muri gahunda ya Girinka munyarwanda.

Ni muri urwo rwego kuri uyu wa kane tariki ya 8/11/2012,imiryango yagaragaye nk’ikennye kurusha indi mu murenge wa Kinihira, yahawe inka zo kugira ngo babashe kuzibyaza umusaruro bivane mu bukene bubugarije.

Bamwe mu baturage bahawe izo nka bakaba bavuga ko bazazifata neza ku buryo izo nka zije kubakura mu bukene .

SAIDI Emmanuelle,utuye mu kagari ka Bwishya ni umwe mu bahawe inka. Yashimiye ubuyobozi bwamuhaye inka,abwizeza kuzayifata neza, akayibyaza umusaruro,kandi ngo akazoroza na bagenzi be.

ati”iyi nka nzayifata neza ku buryo ubu nahinze ubwatsi nta kibazo izagira cy’ubwatsi.iyi nka ije ari nk’igisubizo iwanjye, kuko ubu nibyara, abana n’umugore bazajya banywa amata,nzajya ngurisha amata mbashe kugura igitenge cy’umugore ikindi kandi nzajya mpa no ku baturanyi banjye”

Akomeza avuga ko ubu agiye kweza imyaka myinshi,ngo kuko abonye ifumbire,mbese muri make ngo kubwe arasubijwe.

Nemabizi Jean De Dieu,nawe ni umwe borozi borojwe ,akaba asanga iyi nka ije mu gihe yari ayikeneye.

Yagize ati”Turashimira umukuru w’igihugu cyacu ushaka ko tuva mu bukene.iyi nka mpawe nzayifata neza ku buryo izaba intangarugero mu nka zose zatanzwe ,nzayoroza n’abandi bagenzi banjye nabo bakennye ,maze twese hamwe turusheho kuzamuka tuve mu kiciro cyo kwitwa abakene”

Ati”Nahingiye ubwatsi ,nzajya nyahirira ku buryo izanteza imbere ku buryo budasanzwe”

Izi nka zatanzwe zikaba zatanzwe n’umuryango WORLD VISION,ukorera mu murenga wa Kinihira.

Iyo miryango yorojwe, ikaba ishima umukuru w’igihugu ,ngo kuko bazi neza ko ari we uba wazibahaye.Iyi miryango kandi ivuga ko izajyenda yoroza no ku bandi bagenzi babo ,ngo ku buryo nta muturage n’umwe uzasigara mu murenge wa Kinihira adafite inka.

The 1994 genocide against Tutsi in Rwanda left many orphans, widows and many helpless and vulnerable people of whom the government of Rwanda has been working hard to give them hope and a better future while healing the wounds inflicted in their souls by the atrocities of the genocide.

‘Girinka’ program which was initiated by the president of the republic of Rwanda to give  every Rwandan a cow for milk production and manure to boost agriculture production has helped many genocide survivors to gain hope in life. The genocide widows in Gisagara district say this program has given them new life and aspirations to live for.

Many sectors in Gisagara district have embraced this program where most families own cows, children are given milk be it in schools and in villages promoting social welfare of people and preventing poor eating related diseases.

The 1994 genocide widows in Kansi sector who were given cows say that because of this program they have taken a very big step in development as they can now get manure for their gardens and get enough food for their consumption and save some for the market. With the milk they get, them and their children are thriving and living a healthy life.

Agnes Mukakibibi a widow who was given excitedly says, “I am grateful for our president who initiated this program which found us in loneliness and too much poverty. Through this program, we developed home and started getting together and share some ideas. Our children can get milk and we get enough from our farms.”

Donatille Uwingabiye the vice mayor for social affairs in Gisagara district says that this program is meant to give milk to children and improve people’s social welfare and this is so far being achieved. Local people are supposed to take good care of the cows they are given for the desired production and distribute to their fellows without cows.

Mu ngaruka za Jenoside yakorewe abatutsi muri mata 1994 zirimo imfubyi, abapfakazi, inshike n’ubukene, abanyarwanda bazibamo bagerageza kongera kwiyubaka. Leta y’u Rwanda yagiye ishyiraho gahunda zigamije gufasha kurwanya ubwo bukene n’imibereho mibi, aribwo hanashyizweho gahunda ya Gira Inka no gutanga amata ku mwana. Abapfakazi ba Jenoside mu karere ka Gisagara bavuga ko iyi gahunda ikomeje kubafasha.

Gahunda yo korozanya irakorwa mu mirenge itandukanye y’akarere ka Gisagara

Imirenge itandukanye y’aka karere ka Gisagara yagezemo iyi gahunda, aho abaturage bagiye borozwa inka, ndetse n’abana bagahabwa amata, haba mu mashuli ndetse no mu bikoni by’imidugudu. Iki gikorwa ngo kikaba kigamije kuzamura imibereho y’abaturage kandi hirindwa indwara zikomoka ku mirire mibi.

Abapfakazi ba Jenoside yakorewe abatutsi mu 1994 bo mu murenge wa Kansi borojwe inka, bavuga ko kubera iyi gahunda hari aho bavuye hari n’aho bageze, kuko basigaye babasha kwibonera ifumbire maze amasambu mato bafite akabaviramo ibibatunga, hanyuma kandi hakabasha kuboneka amata abana bakagira akabageraho nta ngorane ndetse n’abakuru bakarushaho kugira imibereho myiza.

MUKAKIBIBI Agnes umwe muri aba bapfakazi aragira ati “Jye rwose mbere na mbere ndashimira umukuru w’igihugu wazanye iyi gahunda, twari mu bwigunge burikumwe n’ubukene, ariko kubera iyi gahunda yo korozanya dusigaye tubasha kwegerana n’abandi kuko tutakiri mu bukene, dore ko ahanini bwanatumaga dutinya kwegera abandi ngo batatujora bagirango turagenzwa no gusaba. Ikindi kandi ubu abana baronka amata, aha iwacu ntawe ukirwaza bwaki, imirima nayo irera kuko tubona ifumbire”.

Gahunda yo guha abana amata mu gikoni cy’umudugudu

Mu rwego rwo gufasha abacitse ku icumu rya Jenoside yakorewe abatutsi mu mwaka 1994 kongera kwiyubaka, hagamijwe kubagarurira icyizere cyo kubaho, ngo niyo mpamvu inzego za Leta zitandukanye zitabira iyi gahunda ya Gira inka, byagiye binagaragara ko itanga umusaruro nk’uko abamaze kubona aya matungo babyivugira. Nabo ariko ubuyobozi bubasaba kwita kuri aya matungo kugirango abashe kubaha umusaruro uhagije.

Madamu Donatille UWINGABIYE umuyobozi w’akarere wungirije ushinzwe imibereho myiza aragira ati “Iyi gahunda ya Gira Inka n’iyo guha amata abana, bigamije koko gufasha abaturage kuzamura imibereho yabo kandi bigaragara ko bigenda bigarwaho. Icyo rero natwe dusaba abaturage ni ukwita ku matungo bahabwa kugirango abahe umusaruro koko ndetse yororoke agree no kubatarayabo bityo imibereho myiza igirwe na bose”.

Komisiyo y’igihugu y’amatora binyuze mu bakorerabushake bayo yagabiye inka imiryango y’ abacitse ku icumu rya jenoside batishoboye batuye mu murenge wa Mukingo mu karere ka Nyanza tariki 5/09/2012.

Zimwe mu nka bagabiwe n’abakorerabushake ba komisiyo y’igihugu y’amatora mu karere ka Nyanza

Nk’uko Jean Pierre Nkundiye, umunyamabanga Nshingwabikorwa w’umurenge wa Mukingo yabivuze imiryango y’abacitse ku icumu rya jenoside yakorewe abatutsi muri Mata 1994 yahawe izo nka yatoranyijwe mu tugali twa Nkomero na Gatagara two muri uwo murenge.

Umuhango wo kubagabira inka wasojwe no gucinya umudiho

Izo nka bahawe zijyanye na gahunda ya girinka munywaranda igamije kuroza imiryango ikennye kugira ngo nayo ishobore kurwanya indwara z’imirire mibi ndetse no kubona ifumbire y’imirima yabo.

Nduwimana Pacifique ushinzwe guhuza ibikorwa bya komisiyo y’igihugu y’amatora ku rwego rw’Intara y’amajyepfo wari muri uwo muhango yishimiye ko abakorera bushake b’iyo komisiyo y’ amatora mu karere ka Nyanza barangwa n’ibikorwa byo guteza imbere abaturage.

Yakomeje avuga ko ku bw’uwo muhati wabo komisiyo y’amatora nayo yiteguye kurushaho kubegera kugira ngo bakomeze kuba umusemburo w’uburere mbonerahihugu aho bari hose mu midugudu kugeza ku rwego rw’akarere. Kabutumwa Felecita umwe muri iyo miryango yahawe inka avuga ko yiteguye kuzayigaburira no kuyivuza.

Uyu mukecuru ashimira umukuru w’igihugu Paul Kagame akavuga ko ariwe ibyiza byose u Rwanda rumaze kugeraho ariwe rubikesha cyane cyane gahunda yatangije yo koroza inka imiryango ikennye  imenyerewe ku izina rya girinka munyarwanda.

Gahunda yo koroza inka iyo miryango y’abacitse ku icumu rya jenoside yaje yiyongera ku bindi bikorwa abakorerabushake ba komisiyo y’igihugu y’amatora ku rwego rw’akarere ka Nyanza bakoze birimo kubakira amazu abatishoboye, guca nyakatsi yo ku buriri no kwishyurira abatishoboye ubwisungane mu kwivuza.

Kuri uyu wa kane tariki ya 30/08/2012, abaturage bo mu murenge wa Rangiro n’abo mu murenge wa Mahembe yo mu karere ka Nyamasheke bagera kuri 95 bahawe inka mu rwego rwo kubafasha kubyaza umusaruro amaterasi bakorewe muri gahunda ya VUP (Vision 2020 umurenge program).

Ubwo twageraga aho abaturage b’umurenge wa Rangiro 50 bahererwaga izo nka, umunyamabanga nshingwabikorwa w’uwo murenge, Twagirayezu Zacharie, yavuze ko mu rwego rwo guhitamo abo baturage bagiye bareba ku bakorewe amaterasi ndinganire ku buso bunini badafite amatungo bakaba aribo baheraho.

Yongeyeho ko muri abo bahawe inka buri wese agiye afite mugenzi we azoroza kugira ngo n’abandi batabashije korozwa ku ikubitiro bazabashe kuzibonaho.

Twagirayezu yasobanuriye aba baturage ko leta yahisemo kubaha ifumbire ku buryo burambye ariko nabo bakaba basabwa kugaragaza umusaruro bayibyaje baha agaciro amaterasi ndinganire bakorewe. Yabasobanuriye ko ayo bakorewe ari ikitegererezo, bakaba nabo basabwa kugerageza kuyigana barwanya isuri aho batabashije gukorerwa.

Umuyobozi w’akarere wungirije ushinzwe imari, ubukungu n’iterambere mu karere, Bahizi Charles, yunze mu ry’umuyobozi w’umurenge wa Rangiro asaba aba baturage kuzafata neza izo nka ngo zizatange umusaruro zitegerejweho.

Yavuze ko ubusanzwe amaterasi yajyaga akorwa ariko ntatange umusaruro ukwiye ubuyobozi bukaba bushaka ko ibyo bicika burundu.

Bahizi yababwiye ko izi nka atari zo zonyine zizabyaza umusaruro amaterasi ahubwo zije kubunganira, bakaba bagomba gukora ibishoboka byose bagakorera imirima yabo bityo imyaka ihinzwemo ugasanga igaragara neza kandi igatanga umusaruro.

Yabasabye kandi gushigikira gahunda za leta zose muri rusange kuko ziba zigamije kubateza imbere.

Ku ruhande rw’abahawe inka, Nyiragaruka Cecile, yavuze ko iyi nka ahawe ije gukemura byinshi kuko ubusanzwe yajyaga abona ifumbire ari uko ayiguze, bikaba byamutwaraga amafaranga ibihumbi 10 ku gihembwe cy’ihinga.

Yavuze ko ashimira leta y’ubumwe ibashije kumuha ifumbire ku buryo burambye akaba atandukanye no kuyigura.

Ubusanzwe abakorerwaga amaterasi bahabwaga ifumbire ugasanga bayihawe nk’igihembwe kimwe cyangwa bibiri gusa, ubu hakaba harafashwe ingamba zo kujya babaha inka bikaba no mu rwego rwo gushyigikira gahunda ya girinka.

Abatishoboye bane bo mu murenge wa Cyanika, mu karere ka Burera, bazituriwe inka na bagenzi babo mu rwego rwa gahunda ya “Gira Inka” munyarwanda.

Uwo muhango wabaye ku wa gatanu tariki ya 24/08/2012, abagabiwe inka barimo abasigajwe inyuma n’amateka babiri, inkeragutabara imwe ndetse n’undi muturage umwe utishoboye.

Aba bazituriye nabo uko ari bane  barimo batatu batishoboye n’uwasigajwe inyuma n’amateka umwe. Abo nabo bakaba bari baragabiwe mbere. Bazituriye bagenzi babo kugira ngo gahunda ya Gira Inka munyarwanda izagere kuri bose.

Maniraguha Rudagari umwe mu basigajwe inyuma n’amateka wazituriwe inka yadutangarije ko ari ubwa mbere agiye gutunga inka. Ashimira guverinoma y’u Rwanda  k’ubwa gahunda ya Gira Inka munyarwanda.

Agira ati “ni amajyambere ya Perezida wa Repubulika uri kuza uradukorera ibyiza gutya…mushimira ibikorwa byiza tuzamuhorane cyane”.

Akomeza avuga ko inka yagabiwe izatuma abona ifumbire yo gufumbira imyaka ye ndetse ikazamuha amata azamurera abana ndetse n’abantu bakuru. Azayorora neza ayahirira, ayivomera amazi nk’uko akomeza abihamya.

Nyirarukundo Justine ushinzwe irangamimerere n’ibibazo by’abaturage mu murenge wa Cyanika yasabye abo bose bagabiwe kuzazorora neza kuko zizabafasha kwikura mu bukene. Inka ni ubutunzi bukomeye kuko itanga byinshi birimo amata, ifumbire ndetse n’amafaranga nk’uko yakomeje abibabwira.

Kuri uyu wa 01/08/2012 akarere ka Kirehe ku bufatanye n’umushinga ushinzwe guteza imbere ubuhinzi n’ubworozi mu karere ka Kirehe(KWAMP) batanze inka ku baturage batuye mu kagari ka Bukora mu murenge wa Nyamugari bavuye mu gihugu cya Tanzaniya mu gihe birukanwaga mu rwego rwo kubafasha muri gahunda ya Girinka.

Muri gahunda ya Girinka ubuyobozi bw’akarere ka Kirehe ku bufatanye n’umushinga KWAMP biyemeje guha inka abanyarwanda banyazwe ibyabo mu gihugu cya Tanzaniya kuri ubu bakaba batuye mu kagari ka Bukora mu murenge wa Nyamugari aho kuri ubu babahaye inka zigera kuri 60, umuyobozi w’akarere wungirije ushinzwe imibereho myiza y’abaturage akaba yabasabye gufata neza inka bahawe kuko yabibukije ko nibazorora neza arizo zizajya zibafasha kuriha ubwisungane mu kwivuza zikabafasha no kurihira abana amashuri batibagiwe ko zizabafasha mu mibereho yabo ya buri munsi aho bazajya banywa amata mu rwego rwo gukomeza kugira imibereho myiza.

Umuyobozi w’umunshinga KWAMP Gasasira Janvier akaba yababwiye ko basabwa kugaburira inka zabo neza kuko ngo iyo inka utayigaburiye neza itaguha umukamo uhagije abasaba kuziha ubwatsi bwina aho yabibukije ko inka bahamwe ari nyakubahwa perezida wa Repuburika wazibahaye, Mukagashugi Marie atuye mu mudugudu wa Bukinanyana akagari ka Bukora ho mu murenge wa Nyamugari avuga ko babirukanye mu gihugu cya Tanzaniya bakabambura inka zabo ariko ko kuri ubu nabo babonye inka zigiye gukomeza kubafasha mu mibereho yabo ya buri munsi.

Kagabo André umukozi ushinzwe igikorwa cya gahunda ya Girinka ku rwego rw’igihugu yavuze ko bamaze gutanga ku rwego rw’igihugu inka zisaga ibihumbi 133 mu karere ka Kirehe hakaba hamaze gutangwa muri gahunda ya Girinka inka ibihumbi 7.091.

Inka zatanzwe kuri uyu munsi zikaba arizo mu bwoko bwa Jersey zavuye muri Afurika y’epfo inka imwe ikaba ihagaze amafaranga miliyoni 1 n’ibihumbi 200, aho muri aka karere ka Kirehe kandi bahazanye n’ihene zigera kuri 300 zizajya zikamwa.