Tag Archive | "Rwanda development"

Cyamezemo ibyatsi

Muhororo: Inyubako ntoya yatumye ububumbyi bwabo busubira inyuma

Tags: , , , , , , , , , ,


Bababajwe n’itanura rya kijyambere badakoresha uko bikwiye

Bababajwe n’itanura rya kijyambere badakoresha uko bikwiye

Abanyamuryango ba koperative ABISHYIZEHAMWE ikora ububumbyi mu murenge wa Muhororo mu karere ka Ngororero ngo yadindijwe no kutagira inyubako ihagije.

Musemakweli Evariste, perezida w’iyi koperative avuga ko nubwo bafite imbogamizi nyinshi mu kazi kabo, ikibadindije ari inyubako ntoya bakoreramo idahuye n’umubare wabo. Agira ati « ubu turi abanyamuryango 15, ntitubasha gukora twese kuko bidusaba kujya ibihe byo kubumba bitewe nuko inyubako dukoreramo ari ntoya ».

Inzu bakoreramo ngo ntibahagije

Inzu bakoreramo ngo ntibahagije

Musemakweli avuga ko iyi koperative imaze imyaka 45 ikora ububumbyi. Kubera abantu bamazemo imyaka nkiyo babumba bakaba bariteje imbere, ngo hari n’abandi bafite inyota yo gukorana nabo ngo bongere imbaraga ariko bikabananira kubera kutagira inyubako ihagije.

Ndayisaba Theophile, umunyamuryango w’iyi koperative avuga ko bababazwa no kuba barubakiwe itanura rya kijyambere rishobora gukora buri munsi ariko bakaba batarikoresha uko bikwiye. Ati « ubu dutwika rimwe mu byumweru bibiri kubera kutabona ibyo dutwikiramo. Dukora turi bakeya kubera inyubako abandi bakigira mu yindi mirimo ».

Kuba aba babumbyi badafite aho gukorera hisanzuye kandi ngo byatumye ubu batagikoresha ikigega bari barubatse kigenewe guhunika ibumba. « kiriya kigega ntigikora kuko ntitwabona umwanya wo kukibikamo ibumba. Umuntu azana ibumba ahita akoresha kuko tukiri bake ». bushayija Jean Claude umunyamuryango asobanura.

Ibindi bibazo iyi koperative ihura nabyo ngo harimo kugura ibitwikishwa bituruka kureno kuba baribwe ibyapa byarangaga aho bakorera.

Ikigega bahunikagamo ibumba

Ikigega bahunikagamo ibumba

Cyamezemo ibyatsi

Cyamezemo ibyatsi

Umunyamabanga nshingwabikorwa w’Umurenge wa Muhororo Harerimana Adrien, avuga ko iyi koperative ibafasha mu kurwanya nyakatsi, kandi ko ibibazo ifite bizwi bikaba bizakemurwa ba nyirubwite babigizemo uruhare.

Ati « mu kurwanya nyakatsi iyi koperative igurisha cyangwa igakopa amategura ku baturage. Ibibazo ifite birazwi ariko hari nibyakemutse. Ibindi tuzafatanya nabo kubikemura ikomeze idufashe mu kunoza imiturire nabo biteze imbere”. Iyi koperative igizwe n’abantu 15 barimo abagore 2.

 

Aba bakobwa 3 ntibavuga ntibumva ariko aya ni amaherena bikorera.

Nyagatare: Imwe mu miryango iracyaheza abafite ubumuga

Tags: , , , , , , , , ,


Mu myuga biga harimo no kuboha ibiseke.

Mu myuga biga harimo no kuboha ibiseke.

Abana bafite ubumuga bwo kutumva no kutavuga ngo  bamwe baracyafatwa nk’imburamumaro mu miryango bakomokamo nyamara nabo bashoboye.

Kamana elevanie ayobora ikigo cy’amashuri Gatunda Deaf School, cy’abana bafite ubumuga bwo kutumva no kutavuga kiri mu murenge wa Gatunda akarere ka Nyagatare.

Aba bakobwa 3 ntibavuga ntibumva ariko aya ni amaherena bikorera.

Aba bakobwa 3 ntibavuga ntibumva ariko aya ni amaherena bikorera.

Yemeza ko n’ubwo kuva mu mwaka wa 2006 ikigo gitangira, batangiranye abana 5, ubu bakaba bageze ku 145 bidahagije.

Ngo mu miryango myinshi baracyahari ariko babujijwe uburenganzira buhabwa abo bavandimwe nko kugana ishuri.

Ngo hari bamwe mu babyeyi bumva ko kutavuga ntunumve ntacyo wakwimarira mu buzima bigatuma abana nk’abo bahezwa mu miryango ntibigishwe. “ Abana bafite ubwo bumuga ni benshi mu miryango ariko bafatwa nk’aho ntacyo bamaze. Nta burenganzira bahabwa nk’abo bavandimwe cyane ubwo kwiga.”

Gusa yizera ko hamwe n’ubukangurambaga byose bizagerwaho.

Rusagara Thadeo umukozi w’akarere ka Nyagatare ushinzwe abafite ubumuga yemeza ko ugereranije na mbere, abafite ubumuga bagenda bahabwa uburenganzira.

Ngo mbere bafatwaga nk’abantu batagira icyo bakwimarira ariko ngo nyuma yo guhabwa uburenganzira mu miyoborere y’igihugu hagashyirwaho n’amashuri yabo, imyumvire iragenda ihinduka.

Ati “ Haba ubuyobozi ndetse n’abaturage muri rusange ntawahaga agaciro ufite ubumuga. Ariko ubu baba muri njyanama bakora imishinga igaterwa inkunga, imyumvire yarahindutse urebye.”

Ishuri ry’abana batavuga ntibanumve riri mu murenge wa Gatunda naryo ngo rifite icyo rifasha mu guhindura imyumvire y’abantu kuko uretse kuba nabo batangiye kujya bigana n’abadafite ubumuga mu ishuri rimwe ngo n’ibizamini bya Leta bahuriramo benshi barushwa n’abafite ubumuga bikabagaragarira ko nabo bashoboye.

Kuri ubu bamwe mu bana bagannye iri shuri bakuze abasoje amashuri abanza bashyiriweho imyuga irimo ubudozi, kuboha uduseke, gufuma no gukora imitako itandukanye kimwe n’ububaji n’ubusuderi.

Matimba: Abakuze baribaza impamvu batabona amafaranga y’ingoboka

Matimba: Abakuze baribaza impamvu batabona amafaranga y’ingoboka

Tags: , , , , , , , , , , ,


Matimba: Abakuze baribaza impamvu batabona amafaranga y’ingoboka

Abageze mu zabukuru mu murenge wa Matimba akarere ka Nyagatare baribaza impamvu badahabwa amafaranga y’ingoboka nyamara bumva ahandi bayahabwa.

Mudenge Bernard w’imyaka 75 y’amavuko, atuye mu mudugudu wa Kabeza akagari ka Cyembogo. Avuga ko abana be bose bitabye Imana asigaranye abuzukuru.

Avuga ko nta mikoro afite akeneye ingoboka. Yibaza impamvu abageze mu zabukuru bo mu murenge wabo batayihabwa nyamara ngo ajya yumva ahandi bayihabwa. “ Abasaza n’abakecuru ahandi muri iki gihugu, Leta irabahemba kandi ni umuco mwiza. N’ubwo ariko ntarayabona nshima leta ko ikora ibyo ntigeze mbona no ku ngoma ya cyami.” Mudenge Bernard.

Mushimiyimana Evode umukozi w’umurenge wa Matimba ushinzwe imibereho myiza yizeza abasaza n’abakecuru ko bashonje bahishiwe.

Ngo VUP yageze mu murenge wabo muri Nyakanga uyu mwaka ndetse ngo inkunga y’ingoboka ku bakuze akaba ariyo yahereweho. Kuba batarabona amafaranga yabo kugeza ubu, ngo habanjwe gutunganya ibisabwa byose ariko ngo mu byumweru 2 bazaba batangiye kubona iyo nkunga. Agira ati “ Twatinze kuyabaha kuko nibwo tugitangira. Ariko ubu turimo gukora lisiti izahemberwaho mu byumweru 2 bazabona amafaranga yo kuva muri Nyakanga kugeza mu Kuboza.”

Mushimiyimana Evode akomeza yibutsa ko abakuze bose badahembwa nk’uko bivugwa, ahubwo abahabwa inkunga ari abo umurenge wabo ukorana na VUP.

Ubundi VUP ikorana n’abaturage mu byiciro 3. Hari abakuze bahabwa inkunga y’ingoboka, abahembwa bitewe n’imirimo bakoze ndetse n’abahabwa inguzanyo z’ubucuruzi. Abarebwa n’iyi gahunda ahanini akaba ari abari mu kiciro cya mbere cy’ubudehe.

Ku ikubitiro gahunda y’ingoboka ku bakuze izatangirana n’abantu 221 bazahabwa miliyoni zisaga gato 19. Umusaza cyangwa umukecuru uhabwa iyi nkunga akaba agomba kuba arengeje imyaka 65, yaba munsi yayo akaba afite ubumuga n’uburwayi budakira kandi akaba ntawundi muntu wakwita kuri uwo muryango.

Gisagara: Kuba mu mashyirahamwe byatumye ava muri nyakatsi

Gisagara: Kuba mu mashyirahamwe byatumye ava muri nyakatsi

Tags: , , , , , , ,


Gisagara: Kuba mu mashyirahamwe byatumye ava muri nyakatsi

Nyiransabimana Petronille utuye mu kagali ka Muyira, umurenge wa Kibirizi, akarere ka Gisagara, aravuga ko kubana n’abandi mu mashyirahamwe byamufashije gutera imbere ubu akaba aterwa ishema no kuba atuye mu nzu yiyubakiye avuye muri nyakatsi.

Nyiransabimana kimwe n’abandi bagore batandukanye batuye mu bice by’icyaro bahamya ko ubuzima bwabo bwahindutse ugereranije no mu bihe byashize. Abo mu murenge wa Kibirizi mu karere ka Gisagara nabo bavuga ko bamaze kuzamuka.

Nyiransabimana Petronille yabaye umugore w’indashyikirwa muri 2013.Nk’uko abitangaza, avuga ko bitari byoroshye ugereranije n’ubuzima yari abayemo mbere kuko yari mu bwigunge n’ubukene bukabije.

Ati “Nari mbayeho mu buzima bwa gikene cyane, n’inzu nabagamo nayigereranya na nyakatsi rwose kuko yari mbi bitangaje, nyuma nza kujya mu ishyirahamwe rihinga imboga, mu minsi mike tubona umuterankunga  Action Aid twiga guhinga neza ubu tureza tukagurisha”

Ibi rero ngo byamufashije kuzamuka, imibereho ye irahinduka ku buryo bugaragara, abana be bariga nta kibazo, ntabure mituelle nk’uko mbere byamugendekeraga.

Nyiransabimana, avuga ko mu rugo iwe nta kibazo kuko nyuma yo kwiyubakira inzu akava muri nyakatsi, yoroye inka ndetse akabona n’indyo yuzuye.

Ati “Ubu inzu yanjye iteye umucanga irimo n’isima, imeze neza, naroroye niguriye inka ubu iwanjye abana banywa amata na zamboga mpinga rero ubu indyo yuzuye nayigezeho nta kibazo”

Umunyamabanga nshingwabikorwa w’umurenge wa Kibirizi, Jacques Kabogora, avuga ko iterambere ry’abagore barifashwamo no kuba mu nzego z’ibanze higanjemo bagenzi babo b’abagore, bityo no gukora ubukangurambaga ku iterambere bikaborohera.

Ati “Mu nzego z’ibanze buri rwego rurimo umugore ku buryo hose bisangamo bityo ubukangurambaga bukoroha, iterambere bararyumvise ubu bose bahagurukiye kuzamura imibereho yabo”

Ku bufatanye bwa Leta n’abaterankunga batandukanye, abagore bo muri Gisagara bakomeza gufashwa kwizamura binyuze mu kubabumbira mu mashyirahamwe ndetse no kuboroza muri gahunda ya girinka.

m_Abatuye mu kajagari barashishikarizwa kuvugurura bagana mu miturire iboneye

Muhanga : Abatuye mu kajagari barashishikarizwa kuvugurura bagana mu miturire iboneye.

Tags: , , , , , , , , , ,


m_Abatuye mu kajagari barashishikarizwa kuvugurura bagana mu miturire iboneye m_Abatuye mu kajagari barashishikarizwa kuvugurura bagana mu miturire iboneye

taliki ya 27 Nzeri nibwo hatangijwe icyumweru cy’imiturire muri muhanga, aho bimwe mu bikorwa by’umuganda i Muhanga byibanze ku guhanga imihanda nka bumwe mu buryo bugaragaza imiturire iboneye.

Ni muri urwo rwego mu mudugudu wa Ntenderi , akagari ka Mbiriri hahanzwe umuhanda hakanasizwa ibibanza bizubakwamo amazu y’abanyarwanda birukanwe Tanzaniya.

Nk’uko bitangazwa na Bimenyimana Eraste, umukozi mu kigo cy’igihugu cy’imiturire RHA, Rwanda Housing Athority, ngo insanganyamatsiko isi yose igenderaho uyu mwaka muri iki cyumweru cy’imiturire, ni ukurwanya akajagari mu miturire, aka kajagara kakaba karangwa no gutura mu manegeka, gutura mu buryo budakurikije igishushanyo mbonera, ndetse no gutura ahatagera ibikorwa remezo nk’amazi meza amashanyarazi n’imihanda.

m_Abatuye mu kajagari barashishikarizwa kuvugurura bagana mu miturire iboneye

Mu Rwanda hashyizweho gahunda yo gutuza abantu mu midugudu nka bumwe mu buryo bwo kunoza imiturire, ari nayo mpamvu, Bimenyimana asaba abaturage gutekereza uko batura neza ku midugudu kuko ariho hagerwa n’ibikorwa by’iterambere, « gutura hamwe bituma ubuzima bugenda neza yewe n’aborora bituma veterineri abageraho neza, hamwe akabasuzumira amatungo, n’abaturage rero iyo batuye hamwe byoroshya ubuzima kuko abantu bamenyana ».

Umuyobozi w’akarere ka Muhanga Yvone Mutakwasuku avuga ko muri Muhanga usanga hari abagituye mu kajagari yemwe no mu mujyi biragaragara muri bimwe mu bice byawo, akaba avuga ko iki ari cyo gihe cyo guhindura imiturire abantu bagatura neza.

Uyu muyobozi avuga ko nko muri karitsiye yya Ruvumera usanga batuye nabi kandi ari mu mujyi, agira ati, « nk’ubu turimo tugana mu gihe cy’imvura usanga tuba duhangayitse ngo imvura irabatembana, cyangwa ugasanga amazi ava ku mazu ya bamwe agasenyera abaturanyi ».

Uyu muyobozi avuga ko abubaka bagomba gukuikiza amabwiriza y’ahagenerwa kubaka n’aho gutura cyangwa ahakorerwa indi mirimo.

 

m_Abaturage barakangurirwa kwitabira umuganda

Ngoma: Abaturage barakangurirwa kwitabira umuganda

Tags: , , , , , ,


m_Abaturage barakangurirwa kwitabira umuganda

Abasenateri bifatanije n’abatuye akarere ka Ngoma umurenge wa Gashanda bishimiye ubwitabire bw’abaturage mu muganda banavuga ko uretse  agaciro k’umuganda mu bukungu ngo uba ari n’umwanya wo gusabana hagati y’abawitabira no guhabwa amakuru agezweho ku buzima rusange bw’igihugu.

Senateur Mushinzimana Appolinaire wari ukuriye istinda ry’abasenateurs 13 yabivuze  ubwo bifatanyaga  n’abaturage b’umurenge wa Gashanda mu karere ka Ngoma mu muganda usoza ukwezi kwa Nzeli.

Abaturage bavuga ko umuganda ubafitiye akamaro haba mu buhahirane no kugenderana hagati y’imirenge kuko nko gukora umuhanda mu muganda rusange byoroheje kugeza kawa ku ruganda ruri mu kagari ka  Mutsindo, ahatunganyirizwa kawa isarurwa mu mirenge itanu yo muri ngoma.

Ahobamuteze Ferdinand ukuriye koperative y’abahinzi ba kawa avuga ko umuhanda ujya ku ruganda batunganirizaho kawa wasibuwe, bituma uzabafasha kugeza umusaruro ku ruganda ku gihe kandi bituma kawa irushaho kuryoha iyo itunganijwe ku gihe.

Yagize ati”Ubundi hari ubwo wasangaga kubera uyu muhanda wari mubi, hari aho imodoka zageraga zikananirwa bigasaba ko abakozi bacu bajya kuzizana, bikaba byatinza umusaruro bigatuma udatunganywa ugisoromwa kandi Ibi bituma kawa itakaza uburyohe. Ariko ngo Kubera umuganda ukorwa ku mihanda bizeye ko bizatuma barushaho kuba indashyikirwa.”

Yasiko Yoshika, umuyapani kazi uba mu karere ka Ngoma ni umwe mu bitabiriye umuganda,  Avuga ko aha agaciro umuganda dore ko ngo no mu buyapani bawukora.

Senateur Appolinaire Mushinzimana watanze ikiganiro nyuma y’umuganda agaruka ku gaciro gahabwa umuganda mu Rwanda, akaba akangurira abanyarwanda kuwugira umuco dore ko ahamya ko abatawitabira bahomba.

Yagize ati ”Niba utaje mu muganda ntiwabonanye na bagenzi bawe ngo muganire. Ntiwanamenya ubutumwa abayobozi batandukanye batanga kugirango bamenye ese ni ayahe mahirwe ari mu gihugu cyacu ,ndavuga ku kuba bakwiteza imbere.”

Mu bindi byagarutsweho mu biganiro byatanzwe nyuma y’umuganda harimo ko abaturage bakwiye gushishikarira gahunda ya mutuelle de santé, kwimakaza isuku mu ngo zabo kuvugurura imiturire bitabira kubaka ku midugudu n’ibindi.

 

Gisagara Nyuma yo kuva muri ntuye nabi

Gisagara: Nyuma yo kuva muri ntuye nabi ibikorwa by’iterambere biri guhindura imibereho yabo

Tags: , , , , , , , , , ,


Abaturage bavuye muri ntuye nabi bagatuzwa mu mudugudu w’icyitegererezo wa Mbeho mu kagari ka Bwiza mu murenge wa Kansi ho mu karere ka Gisagara, baratangaza ko ubu bishimira ko begereye  ibikorwa remezo birimo umuriro w’amashanyarazi, amazi meza, amashuri n’amavuriro.

Gisagara Nyuma yo kuva muri ntuye nabi

Umuhigo wo gutuza abantu ku mudugudu ni umwe mu yo umurenge wa Kansi wesheje ku kigereranyo cya 77.8%.

Nubwo hakiri abaturage badatuye mu mudugudu,umubare munini w’abatuye uyu murenge batuye mu mudugudu.

Bamwe mu baturage bari batuye nabi ubu bakaba baratujwe mu mudugudu w’icyitegererezo wa Mbeho mu kagari ka Bwiza baravuga ko ubu ibikorwa remezo bakesha kwegerana n’abandi mu mudugudu  bimaze guhindura ubuzima bwabo.

Nyiraneza Agnès ati “Ubu twegereye iterambere abana bari hafi y’amashuri, twageze ku mashanyarazi babasha gusubira mu masomo neza, amazi meza aratwegereye ndetse n’ivuriro rituri hafi, ubu turasa neza ntaho bihuriye n’igihe twari mu mibande”

Aba baturage ariko bagaragaza ko uyu mudugudu utegereye cyane isoko bityo ko byaba byiza habonetse isoko cyangwa centre y’ubucuruzi bazajya bahahiramo batagiye kure.

Akimpaye Verena ati “Tubonye isoko hafi byadufasha ntiturinde gukora ingendo kandi twarasanze iterambere”

Umunyamabanga nshingwabikorwa w’umurenge wa Kansi,Rutaburingoga Jerome,avuga ko ibikorwa remezo bitasanga buri wese aho atuye yitaruye ari natyo mpamvu abantu bagomba kumva ibyiza byo gutura ku mudugudu.

Yongeraho kandi ko muri uyu mwaka,bafatanyije n’abikorera bafite bafite umuhigo wo kubaka inzu zisaga 40 z’ubucuruzi ngo bikazaba kimwe mu bisubizo by’ikibazo cyo kubura aho abaturage bahahira.

Ati « Mu mihigo twasinyanye n’abafatanyabikorwa, harimo kubaka amazu y’ubucuruzi azafasha gukemura iki kibazo cyo kubura aho abantu bahahira hafi kandi nyine ibikorwa by’iterambere ntibyahagaze ahubwo biri mu ntangiriro byegerezwa abaturage, nta mpungenge rero »

Nyuma yo gusanga imwe mu mpamvu yo kutegera abandi ku mudugudu ari amikoro make,Hategekimana Hesron,umuyobozi w’akarere ka Gisagara wungirije ushinzwe ubukungu n’iterambere, asanga abasigaye badatuye ku mudugudu baharanira  kuzamura ubushobozi bityo nabo bagashobora kwegera abandi.

Uretse gutuza umubare munini w’abaturage ku mudugudu ngo mu mwaka w’imihigo 2013-2014,muri uyu murenge wa Kansi nyuma y’igihe gito hageze amashanyarazi, ingo zigera kuri 314 zirawucana.

 

Nyagatare Imiturire y’akajagari ikwiye gucik

Nyagatare: Imiturire y’akajagari ikwiye gucika

Tags: , , , , , , , , ,


Nyagatare Imiturire y’akajagari ikwiye gucik

Kampayana yanasuye amwe mu mazu kugira ngo arebe ko harimo isuku.

Kampayana Augustin na Mayor wa Nyagatare Sabiti Fred

Kampayana Augustin na Mayor wa Nyagatare Sabiti Fred.

Kwirinda imiturire y’akajagali nibyo byasabwe abaturage b’akarere ka Nyagatare kuri uyu wa 27 Nzeli ubwo hatangizwaga icyumweru cy’imiturire.

Abaturage b’akarere ka Nyagatare bakaba bishimira ko batakiba muri Nyakatsi, batuye heza bakegerezwa n’ibikorwa remezo.

Akarere ka Nyagatare nk’akarere gashya kagitangira guturwa, gakunze kugaragaramo imyubakire y’akajagari.

Kampayana Augustin umuyobozi ushinzwe imiturire muri minisiteri y’ubutegetsi bw’igihugu avuga ko ahanini iyi miturire y’akajagari ituruka mu mutwe. Uyu muyobozi asaba abaturage kwirinda akajagari kuko kadindiza iterambere. Ngo ahantu hakwiye gukorerwa icyo hagenewe. Agira ati “ Ngo umuntu yarahagurutse yubaka ahagenewe ishuli, yubaka mu muhanda, yubatse ahazajya irimbi? Aho muteganya urwuri ni urwuri, ni ahateganywa umurima ni uko.” Ngo imitwe y’abantu iyo bashyizemo akajagari bagahoramo, Kuri we ngo ni inshingano ya buri wese guharanira gutura neza agategereza ibikorwa remezo bikamwegerezwa.

Iyi miturire mibi abaturage b’akarere ka Nyagatare bo bavuga ko atari iy’akajagari gusa.

Mundeke Emmanuel wo mu mudugudu wa Ryeru akagali ka Ryeru umurenge wa Rwempasha avuga ko mbere bari batuye nabi ariko ubu bitakiri uko, Yishimira ko batakiba muri nyakatsi aho bavirwaga ubu bakaba baba mu mazu asobanutse.

Kampayana Augustin umuyobozi ushinzwe imiturire, avuga ko uretse gutura neza hakwiye no kubaho gutura heza. Ngo n’ubwo umuntu yakena ku buryo utabona isima ushyira ku nzu ngo kuyikurungira ntibyamunanira.

yasuye inzu iri mu mudugudu wa Ryeru akagali ka Ryeru y’umwe mu banyarwanda birukanywe Tanzaniya. Yashimye ko igaragaramo isuku n’ubwo itari yamara icyumweru ituwemo. icyumweru cy’imiturire mu karere ka Nyagatare ngo kizibanda kukuganiriza abaturage ku ngaruka zo kubaka mu kajagari. Muri izi ngaruka ngo harimo gusabwa gukuraho inzu yubatswe mu buryo butemewe bitaba ibyo ubuyobozi bukayikuraho.

Abaturage kandi baributswa ko nta handi hemerewe kubakwa uretse mu mudugudu no muri centre z’ubucuruzi gusa.

 

m_Gisagara  Abasigajwe inyuma n’amateka barasabwa

Gisagara : Abasigajwe inyuma n’amateka barasabwa guhindura imyumvire

Tags: , , , , , , , , , ,


Abasigajwe inyuma n’amateka bo mu murenge wa Nyanza, mu kagari ka Higiro, mu karere ka Gisagara batujwe   mu mudugudu wa Kabakene barasabwa n’ubuyobozi gushyiraho akabo nabo kugirango bafashwe kubaka ibikoni kuko ubu batekera mu mazu bararamo.

m_Gisagara  Abasigajwe inyuma n’amateka barasabwa

Bamwe mu baturega batujwe mu mudugudu wa Kabacyene, uherereye  mu kagari ka Higiro  mu murenge wa Nyanza barimo imiryango y’abasigajwe inyuma n’amateka.

Aba baturage bemeza ko kuva bakwimurwa mu manegeka, bakaza gutura  mumudugudu hamwe n’abandi baturage, byahinduye imitekerereze n’imibereho yabo ubu bakaba bafite icyerekezo kiterambere.

Kamana Gerald umwe muri ab abaturage ati «Ubu rwose twahinduye imibereho ku buryo bugaragara, dutuye mu mazu meza kandi ntitukiba mu bwigunge nka mbere, ubu ndi umuhinzi kandi ndeza kuko imfite amatungo magufi ampa ifumbire»

Uku gutura ku mudugudu nk’abandi baturage bose kandi ngo byatumye aba bahejejwe inyuma n’amateka ntawe ukibabona nk’aho atari abanyarwanda nk’abandi nk’uko byari mbere, aho abana babo bigana n’abandi mu mashuri ndetse n’aho batuye mu midugudu bakabana neza n’abandi baturage bafashanya mu makoperative n’ibindi.

Nkurunziza Emmanuel umwe mu baturage b’uyu mudugudu ati « Ubu tubana neza nta kibazo, kuva aho baziye gutura ino dufatanya mu makoperative, mu kiraro rusange tugafatanya kwita ku matungo ndetse n’iminsi mikuru baratumirwa nk’abandi bose »

Umunyamabanga nshingwabikorwa w’umurenge wa Nyanza, Uwimana Jean Bosco avuga ko  icyo bishimira nkabayobozi ari uko  bababoneye aho gutura heza kandi hagali akaba abasaba  nabo  gushyiraho  akabo bakitunganyiriza aho batuye, bahereye kugushaka aho  batekera

Ati «Iyo uhaye umuntu inzu aturamo ifite n’ubwiherero, igikoni sicyo cyamunanira kukishakira, ibi tubikora kugirango tubatoze wa muco wo kudahora bategereje guhabwa gusa bo batagira icyo bikorera, ni ahabo rero kandi dukomeza kubigisha»

Kugeza ubu umurenge wa Nyanza ukaba umaze gutuza imiryango 16 y’abasigajwe inyuma n’amateka.

 

m_Vision Umurenge Program pushes for social-economic development

Nyamasheke: Vision Umurenge Program pushes for social-economic development

Tags: , , , , , , , ,


Residents of Jarama cell of Gihombo sector in Nyamasheke district have extolled Umurenge Vision Program (VUP) for being an answer to social and economic development.

Gihombo sector was one of the poorest sectors and that’s why it was given the first priority when VUP started. At that time, many residents were below poverty line but today many have achieved social development not to talk of accessing the loans, make profits and pay back in time.

“I am more optimistic and I am looking forward to more happy years that I did not get to enjoy due to the excruciating pain I lived in,” Chadrack Kajabo, 73, resident of Jarama cell of Gihombo explained

m_Vision Umurenge Program pushes for social-economic development

The beneficiaries of VUP direct support funds in a meeting with the district mayor

With the direct support money Kajabo receives monthly, he has built a house and owns a cow for daily milk and manure to boost his crops.

The many beneficiaries of VUP direct support formed groups and created projects that provide them income and today many residents are a decent lives.

Jean Baptiste Habyarimana, the mayor of Nyamasheke district argued beneficiaries of VUP to make use of the support they receive and develop themselves and never to go back the life of poverty they lived in before.

“Those of you who asked for loans, be trustworthy and pay back on the specified conditions so those who haven’t received could get the benefits you’re enjoying today,” explained the mayor.

The mayor noted that VUP programs operates in all sectors of Nyamasheke district.

Poor people with physical strength are employed in social works; the vulnerable receive a monthly allowance of direct support and those who form groups are given loans to invest in developmental projects.

 

 

Related sites

jaguar cars jaguar, jeep, kia