Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

About 24 families in Gahara sector in Kirehe District have been given iron sheets for roofing after their houses were recently destroyed by heavy rainfall with storms, leading to a disastrous situation. Red cross Rwanda donated this on 24^th.March.2013.

304 iron sheets were given to 24 families

 The heavy rainfall that fell on the 11^th of February 20134 destroyed about 87 houses including 2 cells offices, village offices and schools in Gahara district. The ministry of Disaster Management and Refugee Affairs (MIDIMAR) interfered on the 14^th.Feb.2013 and gave necessary materials to the displaced.

The Kirehe district administration with the support of Red Cross then decided to step in and give iron sheets to 24 families as well as help residents in the community work to build for those whose houses were destroyed by the rain.

The mayor of Kirehe district talking to the people

 Hirariya Nyirahabimana a recipient of iron sheets just like most others says she is grateful for being able to rebuild her house that was destroyed in the rain.

For Fustine Kayiranga who had tried everything to rebuild his house but failed due to financial constraints is grateful for the offer of the iron sheets and is hopeful at the prospects of having a home again.

The mayor of Kirehe district Protais Murayire reminded the displaced people who were given iron sheets to always make strong the roofs and to tie them tightly not to be taken away by strong winds.

The 24 families were given about 304 iron sheets out of 999 needed iron sheets to give all the displaced people homes. Red Cross and Kirehe district say the remaining will also be provided in time for all people to have roofs over their homes.

Umuyobozi w’akarere ka Nyamasheke, Habyarimana Jean Baptiste aratangaza ko imihigo y’ingo mu baturage ishobora gutuma aka karere kava mu bukene karimo mu gihe abaturage baba bakorera ku ntego z’ingo zabo kandi bagaharanira kubigeraho.

Habyarimana uyobora Akarere ka Nyamasheke akaba akangurira abaturage gukorera ku ntego kuko ari byo byabavana mu bukene ubwabo ndetse n’akarere ka Nyamasheke kakazamura igipimo cy’ubukungu kariho kuko kugeza ubu kari mu turere bikigaragara ko twugarijwe n’ubukene mu gihugu.

Akarere ka Nyamasheke gashyize imbaraga muri gahunda y’imihigo y’ingo ku buryo buri rugo ruba rufite imihigo y’umwaka igaragaza icyo umwaka uzarangira rugezeho.

Umuyobozi w’akarere ka Nyamasheke, Habyarimana Jean Baptiste atangaza ko iyi gahunda ari ingirakamaro cyane kuko iyo umuturage akorera ku ntego bituma ahora atekereza aho ava n’aho agana, bityo agatekereza icyo azageraho mu gihe yihaye.

Iyi mihigo y’ingo ikaba ishoboza umuturage kuva ku rwego rumwe agera ku rundi.

Habyarimana avuga ko kugira intego ku baturage ari byo bizashoboza abaturage b’akarere ka Nyamasheke gutera imbere kuko iyo umuntu afite icyerecyezo ari byo bimushoboza gutera imbere.

Habyarimanana agira ati “Ikigaragara rero kikaba ari uko mu by’ukuri, kugira ngo abantu batere imbere bisaba ko baba bafite icyerekezo. Bisaba mbere na mbere ko bijya mu mitwe yabo. (Umuntu) akumva yuko aho ari agomba gutera imbere, agomba kugira aho agera. Yabona akazi akavuga ati ‘aka kazi nzakoreramo amafaranga aya n’aya ku kwezi… mu gihembwe… mu mezi atandatu… nzagera ku itungo ntari mfite, nzagera ku nzu ntari mfite.’ Iyo mihigo ni yo igenda idufasha kugira ngo mu byo bagenda bakora bakorere ku ntego biteza imbere.”

Uretse imihigo ijyanye n’umwaka, akarere ka Nyamasheke karangamiye gushyiraho gahunda izatuma urugo rugira imihigo y’imyaka itatu, bityo bikaba bishobora gutuma umuturage areba kure kandi akagira icyerecyezo kirambuye cy’ibyo azageraho muri icyo gihe cy’imyaka 3. Ibi ngo bikaba bishobora gutuma umuturage ahora iteka atekereza ku cyo gukora kugira ngo agere kuri za ntego yiyemeje.

Iyi mihigo kandi izajya isuzumirwa ku rwego rw’umudugudu, bikozwe n’abayobozi mu nzego z’utugari. Iri suzuma ry’ingo rikaba rikorwa buri gihembwe, umuturage akagaragaza intambwe yateye akurikije ibyo yari yariyemeje.

Akarere ka Nyamasheke karatangaza ko ubu gashaka gutera intambwe yo gufasha abaturage gutegura gahunda y’imihigo y’ingo mu gihe cy’imyaka 3, ku buryo buri mwaka umuturage azajya asuzumwa aho ageze muri iyo gahunda ngari yihaye.

Izi gahunda zijyanye no guhiga kw’ingo bikaba byitezwe ko nta kabuza zizagira impinduka nziza mu iterambere ry’abaturage b’akarere ka Nyamasheke, by’umwihariko urwego rw’ubukungu n’imibereho yabo.

Akarere ka Nyamasheke kari mu turere bigaragara ko tugifite abaturage benshi bugarijwe n’ubukene mu gihugu.

Mu bushakashatsi bwo mu mwaka wa 2010-2011, byagaragaye ko abaturage bagera kuri 63% b’aka karere bari munsi y’umurongo w’ubukene. Ibi bituma aka karere kaza mu turere two ku isonga twugarijwe n’ubukene mu Ntara y’Iburengerazuba ndetse no mu gihugu cyose muri rusange.

Ubukene bwa Nyamasheke bushingiye ku mateka akarere kanyuzemo

Nk’uko ubuyobozi bubigaragaza, ubukene bukabije bwo mu karere ka Nyamasheke ahanini bushingira ku mateka aka karere kanyuzemo kuko mu gihe cya jenoside yakorewe Abatutsi muri Mata 1994 habereye ubwicanyi bukabije; abantu benshi barapfa, ndetse imitungo bari bafite irasahurwa.

Abandi baturage b’aka karere ka Nyamasheke gaturanye na Repubulika iharanira Demokarasi ya Congo barahunze ku bwinshi kandi bahungana imitungo bari bafite ubwabo ndetse n’iyo bamwe muri bo bari basahuye, bakabyambukana muri Congo (banyuze mu Kiyaga cya Kivu) kandi  “Muri abo bantu bose bahunze, nta wagize icyo agarukana”.

Nubwo byagenze gutyo ariko, nyuma y’uko jenoside yakorewe Abatutsi muri Mata 1994 ihagaritswe, bigaragara ko hagenda haterwa intambwe igaragara mu bikorwa bihindura ubuzima bw’abaturage b’aka karere ku buryo uko imyaka itashye abacyugarijwe n’ubukene muri aka karere bagenda bagabanuka.

Iyi mihigo y’ingo ikaba igiye kunganira gahunda zitandukanye za leta zashyizweho muri aka karere kugira ngo zifashe abaturage kwivana mu bukene, ariko na bo babigizemo uruhare.

The administration of Hope and Homes for Children (HHC) says the process of transferring children from centres to families is going smoothly except for some limitations especially children who feel they are more comfortable staying in orphanage instead of families.

During the gathering with local leaders, security councils and justice councils, the director of HHC Claudine Nyinawagaga said their main limitation is preparing children to go into families when they prefer children centres more.

The director of HHC explaining about the program

 Nyinawagaga explains the concept of many people saying children in centres live a comfortable life. Though children in centres eat well and attain education, they need to learn love and family values and working experience in families.

According to the research conducted by HHC, 60% of the children in orphanages have both parents and close relatives which do not want them. Transferring children from orphanage centres back to their families is one of the solutions agreed upon by the ministers’ meeting as per 16^th.March.2012 and this program is set to last for 2 years.

Hope and Homes for Children and National Children Council (NCC) say they have already involved experts to prepare children and the families that will receive them on this transfer program.

The transfer process involves a lot and cannot be rushed like learning about a child, finding his/her family, learning about the family, deciding on transferring the child, preparing the child as well as the family, transferring the children and following hi/her up.

The transferred child is given some money at least Rwf3000 and they keep visiting him to find out if the child is interacting well with the family and if his life is worth being in that family.

Umuyobozi wa hope and Homes for Children agaragaza aho gahunda yo gukura abana mu bigo igeze

ubuyobozi bwa HHC (Hope and Homes for Chirdren) butangaza ko igikorwa cyo gukura abana mu bigo bagasubizwa mu miryango kigenda neza, uretse zimwe mu mbogamizi abakora aka kazi bahura nazo zirimo kuba abafite abana mu bigo by’imfubyi biyumvisha ko abana bagombye kuba mu bigo kurusha kuba mu miryango.

Umuyobozi wa HHC Nyinawagaga Claudine aganira n’inzego z’ibanze, inzego z’umutekano hamwe n’ubutabera mu karere ka Rubavu yagaragaje ko zimwe mu mbogamizi uyu muryango uhura nazo mu gutegura gahunda yo gusubiza abana mu miryango ari imyumvire y’abanyarwanda bavuga ko abana mu bigo babayeho neza kuruta kuba mu miryango.

Nyinawagaga akaba avuga ko nubwo mu bigo abana barya bakaryama ndetse bakiga, ngo bacyeneye gutozwa urukundo mu miryango, n’indangagaciro z’ubunyarwanda atorezwa mu muryango birimo no gukora.

Ubushakashatsi bwakozwe bugaragaza ko abana bangana na 60% baba mu bigo by’imfubyi bafite ababyeyi n’imiryango ya hafi ariko benshi badashaka kubakira. Gahunda yo gukura abana mu bigo by’imfubyi bakarererwa mu miryango iri mumyanzuro yafashwe n’inama y’abaminisitiri  yo kuwa 16/3/2012, aho basaba ko iyi gahunda yo gukura abana mu bigo by’imfubyi bagashyirwa mu miryango yamara imyaka ibiri.

Nkuko ubuyobozi bwa HHC hamwe na NCC komisiyo ishinzwe abana babitangaza ngo hamaze gushyirwaho inzobere zizabanza gutegura abana n’imiryango bazajyamo. Iyi gahunda yo gushyira abana mu miryango ikaba itazirukankishwa nkuko bamwe babyibwira ahubwo hazabanza gutegura imiryango n’abana bakabahuza bakabanza bakishimana kuko nta kibazo bizatera mu mibanire.

Nkuko bigaragara kuri gahunda yo gukura umwana mu kigo kugeza agiye kuba mu muryango habanza gusesengura umwana, gushaka umuryango akomokamo, gusesengura imibereho y’umuryango akomokamo, gufata icyemezo cyo gushyira umwana mu muryango, gutegura umwana n’umuryango kugira bisanzuraneho, gushyira umwana mu muryango hakabaho no gukurikirana umwana washyizwe mu muryango.

Abayobozi bareba icyakorwa kugira iyi gahunda ishyirwe mu bikorwa nta nkomyi

Hari ibyiciro birebana no kohereza umwana mumuryango kandi ngo byose bigomba kubahirizwa kugirango hatazagira ikibazo kivuka nyuma y’uko umwana yagiye mu muryango kandi ngo uburenganzira bw’abana nibwo buzashobora kubahirizwa.

Nyinawagaga avuga ko buri munsi umwana urererwa mu kigo atwara amafaranga ibihumbi 3 kandi ugasanga ubuzima bwe butameze neza kuko atisanzura cyangwa ngo ahabwe uburere uko bikwiye.

Mu karere ka Rubavu gahunda yo gushyira abana mu miryango ibangamirwa n’uko ubwo abari mu bigo bashaka kubakuramo hari abandi bakijyanwa mu bigo bivuye kumpamvu z’ababajugunya, ariko inama yahuje inzego zibanze ikaba iyo kurebwa icyakorwa kugira ngo abafite abana mu bigo bagire ubushake bwo kubakira ndetse n’abana bakomeza kujyanwa mu bigo bakirwe naba Malayika Murinzi.

Mu rwego rwo gusobanura no gushyira mu bikorwa gahunday’igihugu yo kurerera abana mu miryango bakava mu ibigo bibarera, Kuri uyuwa Gatatu tariki ya 23/01/2013, umunyamabanga mukuru w’inama y’igihugu y’abana, Madame Nyiramatama Zaina  yasuye ikigo kirera imfubyi cya Rusayo giherereye mu Karere ka Rusizi mu rwego  rwo gusobanurira  abana n’ababarera, uburyo iyi gahunda izakorwa.

Ni nyuma y’aho leta  ifashe umwanzuro wo gukuraho ibigo  birera imfubyi ndetse n’abana b’inzererezi ahubwo abo bana bagashakirwa  imiryango barererwamo ndetse nibyo  bigo byabareraga bigashyirwamo izindi gahunda zigamije guteza umuryango imbere , kuri uyu wa munsi umunyamabanga mukuru w’inama y’igihugu y’abana Madame Nyiramatama Zaina akaba yasuye ikigo kirera imfubyi kizwi ku izina ry’umurwa w’impuhwe cya rusayo kiri mu karere ka Rusizi mu rwego rwo gusobanurarira abana na banyir’ ikigo uburyo iyi  gahunda  izakorwa ndetse n’ uburyo bakwiriye gufatanya kugira ngo iyi gahunda izagerweho neza nkuko Madame Nyiramatama Zaina yabitangaje.

Kuruhande rwa banyiri ikigo cyasuwe nabo badutangarije ko iyi gahunda yo gusubiza abana mu miryango nabo bayishyigikiye, mu murwa w’impuhwe bo bakaba bafite n’akarusho kuko bayitangiye kuva kera nkuko bitangazwa na Adriana nyiri iki kigo cy’umurwa w’impuhwe.

Iyi gahunda yo gukura abana mu bigo bagashyikirizwa imiryango biteganyijwe ko igomba kuba yagezweho mu mpera z’umwaka wa 2014 nkuko byagarutswe ho na Madame Nyiramatama zaina.

Iki kigo cyasuwe  cy’umurwa w’impuhwe kiri mu murenge wa gashonga mu karereka Rusizi cyashinzwe mu mwaka wi 1973 kikaba cyaratangiye cyita kubarwayi b’ibibembe nyuma kiza kujya cyakira abana bipfubyi ndetse nabandi babaga batawe nababyeyi babo, kimaze gucamo abana basaga 40.000, kugeza uyumunsi kirererwamo abagera kuri 215, b’ingeri zitandukanye kuko twahasanze n’impinja z’amezi 6 abo bose bakaba bazanwa baburiwe ababyeyi.

Abayobozi bo mu karere ka Rulindo batangiye umwaka bahanga udushya tutaraboneka ahandi mu tundi turere.

Aho buri mukozi w’akarere afite intego yo kuzamura nibura umuryango umwe mu miryango ikennye kurusha iyindi mu batuye aka karere.

Iki gikorwa abaturage ba Rulindo bise ngo ni ukubyarwa muri batisimu,buri muyobozi yagiye atombora umuryango umwe mu miryago yatoranijwe, bakabonana ,bakamenyana,ubwo ngo hakazakurikiraho gahunda yo gusurana mu ngo zabo,bityo izindi gahunda zikazakurikiraho.

umuyobozi w’akarere ka  Rulindo Kangwagye Justus nawe watomboye umukecuru w’umukene witwa Mukakabano Sophia, yavuze ko ari igikorwa kigamije kuzamura imiryango ikennye muri aka karere.

Yagize ati”ni igikorwa twatekerejeho nk’abanyarulindo kugira ngo turebere hamwe icyafasha imiryango ikennye kurusha iyindi kuva muri icyo kiciro cy’ubukene bukabije.Iyi gahunda tuyifitiye ikizere ku buryo duteganya ko mu mezi atandatu gusa aba baturage bazaba bavuye munsi y’umurongo w’ubukene.”

Ku ruhande rw’abaturage bishimiye cyane iki gikorwa banavuga ko ari ubwa mbere babonye ibintu nk’ibi mu gihugu.

Mukakabano Sofia,watowe n’umuyobozi w’akarere yavuze ko bimushimishije cyane ku buryo ngo yunva azahita ava mu mubare w’abakene.

Yagize ati”ibi bintu byatubereye ibitangaza ku buryo jyewe ku giti cyange nunva namaze kuva mu mubare w’abakene,kuko natowe na Meya.Kuva navuka ntaho nabonye ibintu nk’ibi ,aho umuyobozi yiyemeza gufasha umuntu atazi ngo ni uko ari umukene.Abayobozi bacu ni infura barabitweretse.”

Ndererimana Francois,utuye mu murenge wa Bushoki,akagari ka Mukoto,nawe ni umwe mu babyawe muri batisimu,avuga ko yari afite ubukene ,ngo nta n’inzu agira yo kubamo.Ibi ngo bikaba bimuhaye ikizere cy’uko agiye kubona ibyo yari akennye byose.

Abakozi bakora mu karere ka Rulindo ,bavuga ko iki gikorwa kizabafasha kurushaho kumenya neza imibereho y’abo bayobora, ari nabo batoye kuzafasha.

Ikindi kandi mu byo bazabafasha ngo ni ukubafasha guhindura imyunvire, mu gihe abenshi muri bo  bakifitemo ubujiji bwo kutabasha kwishakira icyo bakora ngo biteze imbere.

Imibanire mibi y’abagize umuryango ishobora gutuma abagize uwo muryango bahungabana, bakaba bakwigendera bakawuhunga kabone n’iyo baba batagira iyo bajya.

Urugero ni urw’uyu mwana  w’umuhungu witwa Ugirimbabazi Baptiste,watoraguwe n’abaturage  mu karere ka Rulindo kuri uyu wa mbere tariki 2/1/2013. Iminsi ikaba itatu nta n’itangazo ababyeyi be batanze rimurangisha

Uyu mwana w’umuhungu ufite imyaka 12,yatoraguwe mu isantre ya Kinini mu murenge wa Mbogo,ho mu karere ka Rulindo,avuga ko akomoka mu karere ka Gakenke

Avuga ko yigaga mu mwaka wa kane w’amashuri abanza ku kigo cy’amashuri cya Mwumba mu karere ka Gakenke, umwarimu we ngo akaba yitwa Clautilde.

Uyu mwana avuga ko mu rugo iwabo batamukunda,ngo kuko yabanaga na mukase na se ,mu gihe nyina umubyara witwa Hirariya Mukasheli yigendeye ,akabata ari babiri we na murumuna we w’imyaka icumi.

Avuga ko mama we yigendeye ngo yunva bavuga ko yagiye i Bugande,nibwo rero uyu mwana  yafashe icyemezo cyo kwigendera ,ngo akaba yagombaga kugarukira aho umuhanda nawo ugarukira,nk’uko abyivugira.

Yagize ati”papa wanjye yazanye undi mugore utari mama ubwo baradukubita bakatwicisha inzara bavuga ngo ntibadushobora. Jye nahisemo kwigendera ngo batazankubita bakanyica,murumuna wanjye yasigaye mu rugo hamwe nabo. Nunva ntasahaka gusubira mu rugo ahubwo keretse mbonye umuntu unyitwarira iwe nkajye muvomera amazi.”

Kalisa Bernardin,Umuyobozi w’umudugudu wa Bukoro,mu murenge wa Mbogo,watoye uyu mwana, avuga ko yamutoye mu isantre ya Kinini,abantu bamushungereye, umwana yishwe n’inzara.

Yagize ati”Abaturage barampamagaye ngo babonye umwana inzara yenda kwicira ku muhanda, ubwo ndamufata ndamugumana, nibwo nashatse kumushyikiriza ubuyobozi ngo bukurikirane ibye ,nibiba ngombwa abe yasubizwa mu muryango we. Avuga ko iwabo bamwanga,ngo ntashaka gusubirayo.”

UBuyobozi bw’akarere ka Rulindo bwagerageje gushakisha uko bwamuhuza n’umuryango we ngo abe yasubizwa mu rugo, ariko byageze mu ma saa kumi uyu mwana akiri ku karere kugeza n’ubwo yahasinziririrye aryamye hasi.

bamwe mu bantu babonye uyu mwana, aho yari aryamye ku karere ka Rulindo, ngo basanga hakagombye kubaho ibihano byihariye ku babyeyi bigize ba ntibindeba ku bijyanye n’ubuzima bw’abana babo.

Imiryango iherutse gutakaza ababo bakubiswe n’inkuba mu karere ka Rutsiro yashyikirijwe ubutumwa bw’umukuru w’igihugu bwo kubafata mu mugongo bahabwa n’ubufasha bw’amafaranga n’inka byo kubunganira mu mibereho yabo. Iyo miryango yashimiye ubuyobozi bw’igihugu kubera uruhare bugira mu gushyigikira no gutabara abaturage.

Umunyamabanga wa leta muri minisiteri y’ubutegetsi bw’igihugu, Dr Alvera Mukabaramba ku tariki ya 09/11/2012 yashyikirije iyo miryango ibiri sheki y’amafaranga ibihumbi magana atatu kuri buri muryango. Ni amafaranga yahawe umuryango w’umugabo witwa Ngendabanyukwa Felicien waburiye umugore we muri icyo kiza cy’inkuba akamusigira abana babiri. Indi sheki y’amafaranga ibihumbi magana atatu yahawe umukecuru witwa Mukandoli Athanasiya wabuze abakobwa batatu harimo umwe wari utwite. Uwo mukecuru yasigaranye n’abuzukuru be babiri, umwe muri bo akaba afite imyaka ibiri y’amavuko undi akaba yari amaze amezi arindwi avutse.

Abahawe ubwo bufasha bashimiye ubuyobozi bw’igihugu budahwema kugoboka abaturage. Ngendabanyukwa Felicien yagize ati : “Nabyishimiye kuko nyine nta kundi byagenda, aya mafaranga nzayakuramo inzu n’ikibanza kuko nabaga mu nzu itari iyanjye”.

Mukandoli avuga ko kuba ubuyobozi cyane cyane ubw’inzego z’ibanze bwaramubaye hafi bimwongerera imbaraga. Ati : “ Mwarakoze cyane, aho muzajya mugenda hose Imana izajye ibaha umugisha. Inka mwampaye ningira amahirwe ikabyara ubwo abana nzabona ikibatunga”.

Mukandoli yahawe inka izamufasha mu mibereho ye, ariko ahabwa n’amafaranga kugira ngo amwunganire mu gihe iyo nka itaratangira gutanga umusaruro.

Ku itariki 27/10/2012 mu masaha ya saa kumi ni bwo inkuba yakubise mu mudugudu wa Rusororo mu kagari ka Remera mu murenge wa Boneza, ikubita abantu icumi, batanu muri bo bahita bitaba Imana harimo umwe wari utwite.

Igikorwa cyo gufata mu mugongo abafite ababo bakubiswe n’inkuba cyabanjirijwe n’umuganda wo kurwanya isuri, ukaba witabiriwe n’abayobozi ku nzego zitandukanye zo mu karere ka Rutsiro, abo mu ntara y’Iburengerazuba ndetse, abayobozi ku rwego rw’igihugu hamwe n’abaturage bo mu murenge wa Boneza.

Hashize amezi hafi atandatu hatangijwe gahunda yo gukura abana mu bigo barererwamo bakajya kurererwa mu miryango. Ingengo y’imari y’umwaka utaha izatangirana n’ukwezi gutaha kwa Nyakanga, izatangirana n’ibikorwa byo gufasha aba bana gushyirwa mu miryango. Ni muri urwo rwego abashinzwe imibereho myiza mu mirenge hamwe n’abashinzwe irangamimerere ndetse n’abayobora ibigo by’imfubyi bo mu Ntara y’amajyepfo bahawe amahugurwa abategura gufasha muri iki gikorwa kuva tariki ya 26 kugeza kuya 27 Kamena.

Aya mahugurwa yateguwe n’Inama y’Igihugu y’abana hamwe na komisiyo y’igihugu yo gusezerera abasirikare no kubasubiza mu buzima basanzwe, yeretse abari batumiwe mu mahugurwa ibyavuye mu bushakashatsi bwakozwe ku bana barererwa mu bigo ndetse na gahunda n’ingamba Leta y’u Rwanda yafashe mu kubashyira mu miryango akaba ari ho barererwa.

Abashinzwe imibereho myiza ndetse n’irangamimerere mu mirenge barasabwa kuzafasha muri iki gikorwa cyo gusubiza abana mu miryango basobanurira abaturage akamaro k’iki gikorwa ndetse bakanagira uruhare mu kumenya imiryango iziyemeza kwakira aba bana, bareba niba koko bakwiye kubakira.

Aba bakozi b’imirenge kandi nibo bazamenya niba abakiriye abana biyemeje kubagira ababo (adoption), cyangwa niba biyemeje kubarera kugeza bakuze bakabasha kwirwanaho. Ibi bizagaragarira mu masezerano aba babyeyi bazakira abana bazagirana n’aba bayobozi, hanyuma inyandiko zigashyingurwa mu biro by’imirenge.

Abashinzwe imibereho myiza banasabwa kuzakurikiranira hafi abana igihe bageze mu miryango yabo cyangwa ibarera, bakareba ko impamvu zari zatumye bakurwa cyangwa bava muri iyi miryango zidasubira.

Mukantabana Seraphine, Komiseri muri komisiyo y’igihugu yo gusezerera abasirikare no kubasubiza mu buzima basanzwe ati “Kera umwana wese yarererwaga mu muryango. Mu kazi mushinzwe ka buri munsi muharanire ko nta bana barererwa mu bigo by’imfubyi bazongera kubaho. Abafite ababyeyi bazasubizweyo ababyeyi babo babiteho, ababuriwe inkomoko bakirwe n’ababyeyi b’impuhwe, abakuru baremerwe, bafashwe kwitunga.”

Imiryango yakiriye abana b’imfubyi za Jenoside irasabwa kutigwizaho imitungo abo bana basigiwe n’ababyeyi babo yitwaje ko ibarera. Imitungo y’abana b’imfubyi za Jenoside ikunze gukoreshwa nabi, ngo ni amasambu n’amazu.

Tariki 22/06/2012, akarere ka Kayonza kibutse abarwayi n’abakoraga mu nzego z’ubuzima bishwe mu gihe cya Jenoside. Kagimbura Ndeze Jean Baptiste uhagarariye imiryango ifite abayo biciwe i Rwinkwavu muri Jenoside yakorewe Abatutsi,  yavuze ko bimaze kugaragara ko hari imwe mu miryango yagiye yigwizaho imitungo y’abana b’imfubyi ikayikoresha nabi kandi ari yo igomba kuzabeshaho abo bana mu minsi iri imbere.

Yasabye ko imiryango yagiye ikora amakosa nk’ayo yakurikiranwa kugira ngo imitungo y’abo bana b’imfubyi igaruzwe mu maguru mashya, anashishikariza indi miryango ifite abana irera kwirinda gukora amakosa nk’ayo.

By’umwihariko icyo kibazo ngo gikomereye abana bagiye basigara badafite umubyeyi n’umwe, kuko ari bo bagomba kwiyubakira ubuzima bwabo bw’ahazaza. Imitungo bagiye basigirwa n’ababyeyi babo ngo ni yo igomba kubafasha, haba mu kurihira amashuri barumuna babo, no kwiteza imbere mu buryo busanzwe nk’uko Kagimbura akomeza abivuga.

Cyakora nubwo ngo hari aho icyo kibazo cyagaragaye, nta mibare ntakuka y’imiryango yaba yarakoze ayo makosa yari yamenyekana. Gusa abayobozi b’inzego z’ibanze barasabwa kujya bakurikirana neza imiryango yakiriye abana b’imfubyi za Jenoside kugira ngo hamenyekane niba iyo miryango itarabakiriye igamije kubarira imitungo.