Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Claire JoyeuseNyinawintwari Donatienne ahumuriza abakecuru bagizwe inshike na jenoside, mu muvugo yabahimbiye ugarukamo ibango rivuga ko bagomba kubarera, bakabafasha mu busaza bwabo kuko ngo nabo babareze. Uyu muvugo yawuvugiye abakecuru b’inshike bo mu Murenge wa Mukura ho mu Karere ka Huye, mu gikorwa cyo kubaremera cyabaye kuwa 21/5/2013.
Mu muvugo we, Nyinawintwari yateruye agira ati “tubashimiye indero nziza mwaduhaye. Kuva kera mwahoranye urukundo, mwahoraga muduhanze amaso ngo hato mudahuga tugahutazwa. Mwatureze neza, nimureke natwe tubarere.”
Nyinawintwari kandi abwira aba babyeyi ko babacaniye bagaca ukubiri n’imbeho. Na bo rero ngo bazabacanira babamare imbeho yo mu zabukuru.
Na none kandi yibutsa ko bamwe muri aba bakecuru bafashwe ku ngufu bakanashinyagurirwa bikabaviramo indwara zikomeye. Ngo hari abasigaranye ubumuga ndetse n’ihungabana rikomeye, bakaba bakwiye guhabwa ubwishingizi mu kwivuza. Agira rero ati “nimureke tubarere, natwe baratureze.”
Ubutumwa bwa Nyinawintwari kandi bushishikariza abantu bose kwita kuri aba bakecuru babakura ahantu habi batuye agira ati “tubakure mu bibaya no mu bikombe, tubakikize maze basusuruke, tubamare irungu tubahumurize, tubarere neza, natwe baratureze.”
Abashyitsi bari baje kuremera aba bakecuru na bo Nyinawintwari yabageneye ubutumwa bugira buti “aba babyeyi bacu ni ba nyampundu, batureze neza twese twarakuze. Na n’ubu baracyadufatiye iry’iburyo. Nimureke dufatanye kubarera, na bo batureze neza.”
Aba bakecuru na bo kandi ngo bazi gushima. Ngo ni yo mpamvu batumye Nyinawintwari kubabwirira Ibuka na AVEGA ubutumwa bw’ishimwe ry’uko iyi miryango ihora ibafasha.
Nyinawintwari rero ati “bageze mu zabukuru ariko bazi gushima no gushimira, ni na yo mpamvu bantumye ngo mbibavugire muri iki gisigo ngo ‘mwababereye urumuri rumurikira imitima yabo.’”

Umuryango w’abapfakazi ba jenoside ari wo AVEGA, ufatanyije na Minisiteri y’Uburinganire n’iterambere ry’umuryango, batangije gahunda yo kuremera abapfakazi ba jenoside b’inshike, kuri uyu wa 21/5/2013. Iki gikorwa cyabereye mu Murenge wa Mukura ho mu Karere ka Huye.
Abakecuru baremewe ni 27, barengeje imyaka 70, bababaye cyane kurusha abandi. Buri wese muri bo yahawe matela, igitenge cyo kwambara, amavuta yo kwisiga, ikiringiti cyo kwiyorosa, n’isabune yo gukaraba.
Abenshi mu bakecuru baremewe barashaje cyane ku buryo batakigira imbaraga zo kujya ahateraniye abantu benshi. Kubera ko ubusanzwe batabasha kwitabira gahunda yo kwibuka, bityo ntibanabashe kunamira ababo aho bashyinguye, uyu munsi basindagijwe maze na bo bagera ku rwibutso rwa jenoside rwo mu Murenge wa Mukura, Akagari ka Bukomeye, maze babasha gushyira indabyo ahashyinguye abazize jenoside.
Ibikorwa aba bakecuru bakorewe byabashimishije cyane. Kuko ngo byarushijeho kubereka ko bafite ababatekerezaho. Uwitwa Nyirabukeye Donatilla ufite imyaka 73, yagize ati “sinabona uko mbivuga … nishimiye cyane abashyitsi baje kudusura. Ndara mu nzu njyenyine, ndi inshike, nta n’uruhinja napfushije kuko nari mfite abasore n’inkumi.”
Nyirabukeye kandi yagaragaje ko bakeneye ubufasha agira ati “Urabona ahongaho ndi, ndi njyenyine, n’inka ikananira kuyahirira keretse iyo mfite nk’udufaranga, cyangwa nkakura nk’amateke nkaha ujya kunyahirira cyangwa akanzanira n’isaso.”
Nk’uko byavuzwe n’umuyobozi mukuru wa AVEGA, Kabasinga Chantal, mu gihugu habaruwe abakecuru b’inshike barengeje imyaka 70 bagera ku 1462, harimo 248 bababaye cyane. Abo bababaye cyane rero ni bo bazafashwa muri iki gihe, ariko ngo uko bazagenda babona ubushobozi n’abandi bazafashwa.
Tugarutse ku butumwa bwatanzwe n’abantu batandukanye bafashe ijambo muri iki gikorwa, bihanganishije abakecuru basizwe iheruheru na jenoside, ndetse banasaba abaturanyi babo kuzajya babitaho, bakabasura, ndetse bakanabamenyera ko bashonje.
Minisitiri w’uburinganire n’iterambere ry’umuryango, abwira abaturanyi b’aba bakecuru yagize ati “nagira ngo dufate igihango: abayobozi, inshuti, abayoboye amadini, … tiyemeze kuzajya tubasura, tubamenye, tumenye uko baramutse. Barereye igihugu, natwe ni igihe cyacu cyo kubegera.”

Kabasinga Chantal, umuyobozi mukuru wa AVEGA, avuga ko gufasha inshike bidasaba ibya mirenge, yabwiraga abari bitabiriye igikorwa cyo gutangiza gahunda yo kuremera inshike cyabereye mu Murenge wa Mukura ho mu Karere ka Huye, kuwa 21/5/2013.
Uyu muyobozi yabanje kubwira abamwumvaga impano bari bazaniye abagizwe inshike na jenoside bo mu Murenge wa Mukura ho mu Karere ka Huye, hagamijwe kubaremera, ari zo ibitenge byo kwambara, amavuta yo kwisiga, isabume yo gukaraba, ibiringiti byo kwiyorosa na matera.
Yakomeje rero agira ati “N’abandi babishobora mujye mukomeza mubegere, mubashyire utwo mushoboye, mubafashe guteka , mubagaburire, ntabwo ari ngombwa kuba ufite amafaranga menshi kugira ngo ufashe. “
Yunzemo ati “Ushobora no gukura dukeya ku byo watetse ukabashyira barya ibihe se? Ntabyo murabibona. Mugasangira, mukaboherereza abana bakajya kubazanira amazi. “
Na none kandi uyu muyobozi yagize ati “Kuba bababaye si uko twabuze icyo tubafashisha, ahubwo turabura urukundo. Tugerageze twihingemo urukundo, tugerageze twihingemo gufashanya. Dukunde bagenzi bacu nk’uko twikunda…”

The 1994 genocide survivors in Karambi village in Nyamata sector are grateful to the consideration of people towards supporting them and lending a hand to those in need.

This was said during the appreciation of the presents including foodstuffs and livestock they were given by Hotel Gorillas Groups.

Supporting genocide survivors is the best way to make them self reliant. Hotel Gorillas Groups will always support genocide survivors, according to Ines Gikundiro in financial services in this hotel.

“We have always wanted to support genocide survivors for some time now. This is not about just supporting them with things, we are going to be with them always in their everyday troubles and lives” says Gikundiro.

Sixteen goats, food stuffs including rice, maize flour and cooking oil were distributed in 8 poorest families in Karambi village.

Hilariya Nsonera an old lady that was given food stuffs and a goat to rear says she is grateful to the president of the republic of Rwanda who made people realize the importance of helping out those in need.

Jacques Gashumba the executive secretary of Nyamata sector appreciated the support by Hotel Gorillas Group to the genocide survivors in his sector. He appealed people who were given the livestock to take good care of them so that they reproduce and give to their neighbours.

The workers of Hotel Gorilla also visited the Nyamata genocide memorial site in Bugesera district, they were explained about the history of Rwanda, the preparation and execution of the 1994 genocide against the Tutsis and how Tutsis that had sought refuge in Nyamata church were massacred.

Abarokotse Jenoside yakorewe abatutsi bo mu mudugudu wa Karambi mu kagari ka Kayumba mu murenge wa Nyamata mu karere ka Bugesera, barashima ubuyobozi bukuru bw’igihugu bukomeza kubazirikana bubafasha kwigira, buboherereza inkunga zitandukanye.

Ibyo babitangaje ubwo bashyikirizwaga impano y’amatungo n’ibiribwa bagenewe n’abakozi ba Hotel Gorillas Groups, aho baateye inkunga y’ihene n’ibiribwa, abarokotse Jenoside yakorewe abatutsi batishoboye bo mu uwo mudugudu.

Guhitamo iki gikorwa cyo kunganira abo baturage ni uburyo bwo kubafasha kwigira, kandi ngo icyo gikorwa kikazakomeza nk’uko bitangazwa na Ines Gikundiro umuyobozi w’ishami ry’ubucuruzi muri Hoteli Gorillas Groups.

Yagize ati “ ni igikorwa twari dufitiye inyota kuva kera ariko kandi si ukubafasha gusa kuko ubu hagiye no kubaho kuzajya tubaganiriza tubaba hafi umunsi ku munsi”.

Bamwe mu bahawe ihene

Ihene 16 n’ibiribwa bigizwe n’umuceri, ifu y’ibigori n’amavuta yo guteka nibyo byasaranganyijwe  imiryango 8 ibabaye kurusha iyindi muri uwo mudugudu wa Karambi.

Umukecuru witwa Nsonera Hilariya ni umwe mu bahawe amatungo n’ibyo biribwa, yavuze ko ashimira umukuru w’igihugu n’abo yatoje umuco mwiza wo kunganira abafite intege nkeya.

Ati “ nari umutibukwa nta hepfo no haruguru mfite ariko ubu leta irimo kunyibuka kandi ndabishima. Ubu aho ndi ndacumbitse ndizera ko bidatinze bazanshakira naho kuba”.

Umunyamabanga nshingwabikorwa w’umurenge wa Nyamata Gashumba Jacques yashimye inkunga abakozi ba Hotel Gorillas Group bateye abo baturage batishoboye, asaba abahawe ayo matungo kuiyafata nze akazororokera n’abandi.

Bimwe mubiribwa bahawe ndetse n’amavuta yo guteka

Abo bakozi ba Hotel Gorilla banasuye urwibutso rwa Jenoside rwa Nyamata mu karere ka Bugesera, basobanurirwa amateka ya Jenoside yakorewe abatutsi bari barahungiye kuri kiriziya ya Nyamata, hanyuma bunamira inzirakarengane zihashyinguye.

Inzu yatewe igishahuro

Mu rwego rwo gufata mu mugongo abarokotse Jenoside batishoboye, abakorerabushake ba komisiyo y’amatora mu murenge wa Ngeruka mu karere ka Bugesera basannye inzu y’umusaza warokotse Jenoside utishoboye, banaha matora abarokotse Jenoside batishoboye bo muri uwo murenge.

Inzu y’uwitwa Nkikana Tasiyani niyo abakorerabushake ba komisiyo y’igihugu y’amatora bo mu murenge wa Ngeruka bazindukiyeho, bayitera igishahuro.

Ni umusaza w’incike, utishoboye, ndetse akaba akunze guhura n’ibibazo by’ihungabana. Abo bakorerabushake ba komisiyo y’igihugu y’amatora mu murenge wa Ngeruka, bakaba bariyemeje kuyubaka, bakagenda begeranya ubushobozi kugeza irangiye kuko uwo musaza kuri ubu asembereye, mu nzu nayo ishaje nk’uko bisobanurwa  na Mupenzi Pauline ushinzwe ibikorwa by’amatora mu murenge wa Ngeruka

Yagize ati “ twihaye intego y’uko hari icyo tuzajya dukora kugirango dufashe abarokotse Jenoside batishoboye, ni muri uru rwego twaje hano gukora ibikorwa nk’ibi byo kubafasha kwiteza imbere”.

Nkikana Tatiyani yavuze ko mbere ya Jenoside yakorewe abatutsi yari yishoboye, none ubu ngo ntacyo akibashije ari nayo mpamvu ashimira ubu bwunganizi bwo kumwubakira inzu.

“ mbere narimfite ingufu kandi nzi gukora ariko ubu sinkibishoboye nk’uko mubibona , ariko kubera ubumuga natewe sinkibasha kugira icyo nikorera kuko umubiri wose ntukora”.

Umunyamabanga nshingwabikorwa w’umurenge wa Ngeruka Sebarundi Ephrem yashimye iki gikorwa cy’ubwitange kuko ngo kigaragaza ko abakorerabushake ba komisiyo y’igihugu y’amatora barangwa n’indangagaciro zo gufasha Abanyarwanda kwigira.

“ ubu ni uburyo bwiza batekereje bwo kubafasha kwigira kandi tukaba tubibashimira”.

Iyo nzu ariko ntirangiye kuko itarakingwa, umuhuzabikorwa wo komisiyo y’igihugu y’amatora mu turere twa Bugesera na Rwamagana Umutoni Eliane yavuze ko hagiye gukomeza gukorwa ubuvugizi hakazaboneka inzugi n’amadirishya byo kuyikinga, hanyuma imiganda y’abo bakorerabushake nayo ikazakomeza.

Umukecuru witwa Musasanzobe Suzana w’imyaka 61 y’amavuko wari utuye  mu mudugudu wa Bweramana mu kagali ka Masangano mu murenge wa Busoro mu karere ka Nyanza amaze imyaka 19 adafite aho kuba kubera ingaruka jenoside yakorewe abatutsi muri Mata 1994 mu Rwanda  yamugizeho  agasenyerwa,  tariki 08/05/2013 yubakiwe inzu n’urubyiruko mu rwego rwo kumufasha kwigira.

Iyo nzu yubatswe muri gahunda yo gutangiza ukwezi kw’ibikorwa byahariwe urubyiruko yabereye ku rwego rw’akarere ka Nyanza mu murenge wa Busoro aho uwo mukecuru warokotse jenoside yakorewe abatutsi muri Mata 1994 yabarizwaga.

Urubyiruko rw’abasore n’inkumi rugera ku 130  nirwo rwitabiriye icyo gikorwa rukata urwondo rwo guhomesha iyo nzu ndetse birangira runayisakaje amabati kugira ngo yihutishwe imirimo yayo dore ko uwo mukecuru yabagaho mu buzima bumukomereye agenda acumbika mu myaka 19 yose ishize jenoside yakorewe abatutsi imaze ibayeho mu Rwanda.

Inzu y’uwo mukecuru bayisize isakaye

Musasanzobe Suzana w’imyaka 61 y’amavuko wubakiwe iyo nzu yatangaje ko icyo gikorwa cyamukorewe kidasanzwe ngo kuko kubura aho kuba byari bimwe mu bimukomereye mu mibereho ye ya buri munsi.

Yagize ati: “Ndashimira urubyiruko rwahisemo kuza kumfasha kubona icumbi nkaba ngiye kwicara mu nzu yanjye bwite ndyamamo simvirwe n’imvura ndetse n’izuba riva nkaryugamamo”

Nyuma y’uwo muganda urubyiruko rwahimbawe rurabyina

Avuga ko iyo nzu yubakiwe ariyo izaba amasaziro ye ibyo akaba aribyo aheraho asobanura ko ingufu z’urubyiruko zikoreshejwe neza zakemura ibibazo byinshi biri mu gihugu.

Imvugo y’uyu mukecuru kandi yagarutsweho n’abafashe amagambo bose bemeza ko kwishakira ibisubizo nk’abanyarwanda bizatuma igihugu gitera imbere mu buryo bwihuse kurusha gutega amaboko abitwa ko ari abagiraneza baguha none ejo bakakwima.

Mbarubukeye Vedaste umunyamabanga Nshingwabikorwa w’umurenge wa Busoro yashimangiye ko mu kwezi k’umwe iyo nzu izaba ituwemo n’uwo mukecuru kandi ifite ibyangombwa byayo kugira ngo ikibazo cy’icumbi amaranye imyaka 19 gikemuke.

Urubyiruko rwakoze icyo gikorwa cyo kumwubakira iyo nzu kimwe n’ubuyobozi bw’inzego z’ibanze zo muri ako gace bahuriza  ku mvuyo y’uko bazakomeza kumuba hafi agafashwa kwigira no gumuhumurizwa ahabwa  icyizere cyiza cy’ejo hazaza.

Bitewe nuko amazu y’abacitse ku icumu rya jenoside yakorewe abatutsi amaze gusaza mu karere ka Rusizi, basanga igikorwa cyo kububakiara andi kigomba kwihutishwa kuko aho bari hatabakwiriye, ngo kuba abacitse ku icumu bagicumbitse muri ayo mazu adasobanutse ntibivuga ko akarere katazi ikibazo cyabo, gusa ngo bitewe n’uko ari benshi bahuriweho n’icyo kibazo nibyo byatindije iyubakwa ry’amazu yabo ariko nanone ngo ntibagomba kwiheba kuko akarere kazi ingorane bafite kuko bari gushakirwa uburyo bwose bwo kububakira amacumbi meza ajyanye n’igihe

Nirere Francoise Umuyobozi wungirije ushinzwe ubukungu imari n’iterambere muri aka karere yatangaje ko hazashyirwaho amatsinda y’Imirenge agomba  gusura inzu ku yindi kugira ngo bamenye abakwiye kubakirwa vuba kuko bose batababaye kimwe, hari abari mu mazu ashaje cyane kuburyo bukabije ku ikubitiro akaba yavuze ko aribo babanza gusanirwa, kandi batangaje ko Iryo tsinda  rizaba rigizwe na Affaire Sociale w’Umurenge, Uhagarariye Ibuka, Uhagarariye AVEGA ndetse n’Inkeragutabara mu rwego rwo kugirango icyo gikorwa kizarusheho kugenda neza  bitewe nuko abacitse ku icumu bacumbitse ahantu habi mu mazu ashaje nkuko byakomeje kuvugwa muri aka karere, hafashwe umwanzuro wo kwihutisha isuzuma ry’amazu agomba kubakwa vuba kuburyo igikorwa cyo gusuzuma kitagomba kurenza  icyumweru kimwe.

Umunyamabanga nshingwabikorwa w’Akarere Ndemeye Arbert yavuze izi nzu zigomba gukurikiranywa muburyo bwo kuzubaka kuko ngo zizatwara amafaranga menshi barasaba inkeragutabara kuko ari nabo bazubaka aya mazu kutazayasondeka,  akaba yanasabye buriwese kubigira inshingano ze ,yasobanuriye abitabiriye inama uko amasezerano y’abazubaka ayo mazu azaba ateye ndetse n’uko azashyirwa mu bikorwa n’inshingano za buri ruhande. bemeje kandi ko Komite Nshingwabikorwa  ( zigizwe n’Inkeragutabara 7) zizaba ku rwego rw’Akagari  kugira ngo inzu zizabashe kwihutishwa. Komite Ngenzuzi ( igizwe n’Abantu 5 baturuka ku Buyobozi bw’Umurenge, Inzego za IBUKA na AVEGA) nayo ikaba ku rwego rw’Umurenge. Hemejwe kandi ko Inkeragutabara zizatanga ibigomba gukorwa kugira ngo babashe guhabwa amafaranga akenewe ukurikije ibizakorwa kugirango aya mazu azabe yujuje ibisabwa.

Nk’uko byifujwe na Gereza ko bakubakira bamwe mu bacitse ku icumu  inzu, abitabiriye inama bemeje ko Abagororwa bazubaka inzu 5 mu Murenge wa Mururu, gusa abagororwa barasaba Akarere cyangwa Umurenge kubabonera ibikoresho hanyuma nabo bakagaragaza umusanzu wabo mu rwego rwo gufata mu mugongo abacitse ku icumu doreko bagize uruhare muri izo ngaruka zose ziri kubacitse ku icumu.

Bitewe nuko amazu y’abacitse ku icumu rya jenoside yakorewe abatutsi amaze gusaza mu karere ka Rusizi, basanga igikorwa cyo kububakiara andi kigomba kwihutishwa kuko aho bari hatabakwiriye, ngo kuba abacitse ku icumu bagicumbitse muri ayo mazu adasobanutse ntibivuga ko akarere katazi ikibazo cyabo, gusa ngo bitewe n’uko ari benshi bahuriweho n’icyo kibazo nibyo byatindije iyubakwa ry’amazu yabo ariko nanone ngo ntibagomba kwiheba kuko akarere kazi ingorane bafite kuko bari gushakirwa uburyo bwose bwo kububakira amacumbi meza ajyanye n’igihe

Nirere Francoise Umuyobozi wungirije ushinzwe ubukungu imari n’iterambere muri aka karere yatangaje ko hazashyirwaho amatsinda y’Imirenge agomba  gusura inzu ku yindi kugira ngo bamenye abakwiye kubakirwa vuba kuko bose batababaye kimwe, hari abari mu mazu ashaje cyane kuburyo bukabije ku ikubitiro akaba yavuze ko aribo babanza gusanirwa, kandi batangaje ko Iryo tsinda  rizaba rigizwe na Affaire Sociale w’Umurenge, Uhagarariye Ibuka, Uhagarariye AVEGA ndetse n’Inkeragutabara mu rwego rwo kugirango icyo gikorwa kizarusheho kugenda neza  bitewe nuko abacitse ku icumu bacumbitse ahantu habi mu mazu ashaje nkuko byakomeje kuvugwa muri aka karere, hafashwe umwanzuro wo kwihutisha isuzuma ry’amazu agomba kubakwa vuba kuburyo igikorwa cyo gusuzuma kitagomba kurenza  icyumweru kimwe.

Umunyamabanga nshingwabikorwa w’Akarere Ndemeye Arbert yavuze izi nzu zigomba gukurikiranywa muburyo bwo kuzubaka kuko ngo zizatwara amafaranga menshi barasaba inkeragutabara kuko ari nabo bazubaka aya mazu kutazayasondeka,  akaba yanasabye buriwese kubigira inshingano ze ,yasobanuriye abitabiriye inama uko amasezerano y’abazubaka ayo mazu azaba ateye ndetse n’uko azashyirwa mu bikorwa n’inshingano za buri ruhande. bemeje kandi ko Komite Nshingwabikorwa  ( zigizwe n’Inkeragutabara 7) zizaba ku rwego rw’Akagari  kugira ngo inzu zizabashe kwihutishwa. Komite Ngenzuzi ( igizwe n’Abantu 5 baturuka ku Buyobozi bw’Umurenge, Inzego za IBUKA na AVEGA) nayo ikaba ku rwego rw’Umurenge. Hemejwe kandi ko Inkeragutabara zizatanga ibigomba gukorwa kugira ngo babashe guhabwa amafaranga akenewe ukurikije ibizakorwa kugirango aya mazu azabe yujuje ibisabwa.

Nk’uko byifujwe na Gereza ko bakubakira bamwe mu bacitse ku icumu  inzu, abitabiriye inama bemeje ko Abagororwa bazubaka inzu 5 mu Murenge wa Mururu, gusa abagororwa barasaba Akarere cyangwa Umurenge kubabonera ibikoresho hanyuma nabo bakagaragaza umusanzu wabo mu rwego rwo gufata mu mugongo abacitse ku icumu doreko bagize uruhare muri izo ngaruka zose ziri kubacitse ku icumu.

Imiryango ibiri y’abapfakazi batishoboye bacitse ku icumu rya jenoside yakorewe abatutsi mu 1994 ni yo yatoranyijwe ku rwego rw’umurenge wa Gihango mu karere ka Rutsiro kugira ngo yubakirwe muri iki gihe cy’iminsi ijana y’icyunamo, nyuma y’aho iyo miryango yasenyewe n’ibiza birimo inkangu n’umuyaga.

Umwe mu bagomba kwimurwa, akavanwa aho atuye ndetse akubakirwa ni umukecuru witwa Ancile Icyimanizanye w’ imyaka 63 y’amavuko.

Umugabo we yishwe muri jenoside yakorewe abatutsi mu 1994, bakaba bari barabyaranye umwana umwe gusa,  ariko na we aza kwitaba Imana. Icyimanizanye abana mu nzu n’umwana yasigiwe na mukuru we na we witabye Imana.

Inzu ye yugarijwe n’inkangu itwara ubutaka bwo hepfo y’inzu, indi nkangu igasenya umukingo uri haruguru y’inzu, rimwe na rimwe bikitura kuri ya nzu isanzwe ifite ikibazo cyo gusaza.

Mu myaka y’1998 umukingo wo haruguru y’inzu wigeze gucika, witura hejuru y’inzu, urukuta rwo haruguru rurasenyuka biba ngombwa ko hitabwazwa umuganda inzu irongera irasanwa.

Icyimanizanye avuga ko muri iyi minsi ahamuteye impungenge ari hepfo y’inzu kuko hacitse inkangu ikomeye, ubutaka bwamaze kugenda, inzu ikaba isigaye hejuru y’imanga ku buryo afite ubwoba ko inzu ari yo igiye gukurikiraho, dore ko zimwe mu nkuta zayo zatangiye kwiyasa.

Ati : “Iyo hagiye gucika, wumva inzu inyeganyeze, ikazungazunga noneho mu gitondo ngasanga haraye hacitse.”

Inzu y’uwo mukecuru n’ubusanzwe irashaje kuko yubatswe kera kandi n’ibiti by’inkingi imiswa yarabiriye kubera ko harimo umugina w’imegeri. Harimo n’imyobo minini ibamo inzoka kuko rimwe na rimwe azibona zisohokamo.

N’ubwo iyi nzu ifite ikibazo cyo kwibasirwa n’inkangu hamwe no kuba ishaje, uwo mukecuru ntibimubuza kuyijyamo nijoro akaryama.

Ati : “Kubera ko kuba ndiho ari inyongezo Imana yampaye, numva ntacyo bimbwiye njya mu nzu nkaryama.”

Icyakora ngo agize amahirwe akabona abashaka kumuha ubufasha yabasaba kumwubakira bakamukura aho hantu hateye impungenge.

Umunyamabanga nshingwabikorwa w’umurenge wa Gihango, Niyodusenga Jules avuga ko ikibazo cy’uwo mukecuru ubuyobozi bw’umurenge bukizi, akaba ari umwe mu bapfakazi babiri batishoboye bacitse ku icumu rya jenoside bashyizwe kuri gahunda yo kubakirwa.

Umurenge wa Gihango urateganya gusakarira undi muturage witwa Mukankusi Veronese utuye mu kagari ka Murambi wubakiwe inzu n’ikigega gitera inkunga abacitse ku icumu rya Jenoside batishoboye (FARG).

Umuyaga uvanze n’imvura yaguye tariki 25/01/2013 byagurukanye igisenge cy’inzu yubakiwe isakaje amabati, ikaba ari inshuro ya kabiri iguruka kuko ubwa mbere igisenge cyayo cyagurutse ataratangira kuyibamo.

Umurenge ngo uzabubakira uhereye ku nkunga yakusanyijwe mu gihe cy’icyunamo muri gahunda yo kuremera abacitse ku icumu batishobye, hamwe n’imiganda y’abaturage.

Barateganya gusakara inzu ya Mukankusi bakoresheje amategura kubera ko amabati amaze kuguruka inshuro ebyiri. Kumusakarira ngo bigomba gukorwa vuba ku buryo bitarenze tariki 15/05/2013 bizaba byarangiye .

Kubakira Ancile Icyimanizanye byo ngo ntibyoroshye kuko bisaba kumwimura akajyanwa gutura ahandi. Umurenge wabanje gufatanya na we gushakisha ikibanza. Ikigiye gukurikiraho ngo ni ukureba ko imvura igabanuka, noneho umurenge ufatanyije n’abaturage bagatangira kubumba amatafari n’amategura.

Niyodusenga ati : “ Twihaye gahunda ko nibura mu kwa karidwi tuzaba twamaze kumwimura.”