Hashize igihe kitari gito abantu barokotse jenoside yakorewe abatutsi muri Mata 1994 bubakiwe amazu n’ikigega gifasha abacitse ku icumu batishoboye FARG bafite ikibazo cyo kuba badahabwa amazu n’ubutaka batuyeho ngo babyifashishe mubikorwa byabafasha gutera imbere.
Kimwe mubyo bagaragaza nk’ikibazo ni uko batabasha gukoresha ayo mazu cyangwa ubutaka nk’ingwate ngo banki zibahe inguzanyo bityo nabo babe bakora ibindi bikorwa nk’ubucuruzi n’ibindi.
Amwe mu mazu azegurirwa abayatuye mo (gatumba Sector)
Kuri ubu, amakuru dukesha ubuyobozi bw’akarere ndetse n’abakorana na FARG ku rwego rw’akarere ni uko minisiteri y’ubutegetsi bw’Igihugu noneho yemereye akarere ko kakwegurira iyo mitungo abayifite maze bakayikoresha bisanzuye.
Umuyobozi w’akarere bwana gedeon Ruboneza akaba avuga ko iyo gahunda bagiye gutangira kuyishyira mu bikorwa kuko ari icyifuzo cy’abaturage kandi na Leta ikaba yarabibemereye.
Bamwe mu baturege bubakiwe na FARG mu murenge wa gatumba badutangarije ko bategerezanyije igishyika ishyirwa mubikorwa ry’icyo cyemezo maze, bakaba babitezeho kuba abantu bashobora gufata icyemezo kubirebena n’ubukungu bwabo badategereje inkunga.
