Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Inzu yatewe igishahuro

Mu rwego rwo gufata mu mugongo abarokotse Jenoside batishoboye, abakorerabushake ba komisiyo y’amatora mu murenge wa Ngeruka mu karere ka Bugesera basannye inzu y’umusaza warokotse Jenoside utishoboye, banaha matora abarokotse Jenoside batishoboye bo muri uwo murenge.

Inzu y’uwitwa Nkikana Tasiyani niyo abakorerabushake ba komisiyo y’igihugu y’amatora bo mu murenge wa Ngeruka bazindukiyeho, bayitera igishahuro.

Ni umusaza w’incike, utishoboye, ndetse akaba akunze guhura n’ibibazo by’ihungabana. Abo bakorerabushake ba komisiyo y’igihugu y’amatora mu murenge wa Ngeruka, bakaba bariyemeje kuyubaka, bakagenda begeranya ubushobozi kugeza irangiye kuko uwo musaza kuri ubu asembereye, mu nzu nayo ishaje nk’uko bisobanurwa  na Mupenzi Pauline ushinzwe ibikorwa by’amatora mu murenge wa Ngeruka

Yagize ati “ twihaye intego y’uko hari icyo tuzajya dukora kugirango dufashe abarokotse Jenoside batishoboye, ni muri uru rwego twaje hano gukora ibikorwa nk’ibi byo kubafasha kwiteza imbere”.

Nkikana Tatiyani yavuze ko mbere ya Jenoside yakorewe abatutsi yari yishoboye, none ubu ngo ntacyo akibashije ari nayo mpamvu ashimira ubu bwunganizi bwo kumwubakira inzu.

“ mbere narimfite ingufu kandi nzi gukora ariko ubu sinkibishoboye nk’uko mubibona , ariko kubera ubumuga natewe sinkibasha kugira icyo nikorera kuko umubiri wose ntukora”.

Umunyamabanga nshingwabikorwa w’umurenge wa Ngeruka Sebarundi Ephrem yashimye iki gikorwa cy’ubwitange kuko ngo kigaragaza ko abakorerabushake ba komisiyo y’igihugu y’amatora barangwa n’indangagaciro zo gufasha Abanyarwanda kwigira.

“ ubu ni uburyo bwiza batekereje bwo kubafasha kwigira kandi tukaba tubibashimira”.

Iyo nzu ariko ntirangiye kuko itarakingwa, umuhuzabikorwa wo komisiyo y’igihugu y’amatora mu turere twa Bugesera na Rwamagana Umutoni Eliane yavuze ko hagiye gukomeza gukorwa ubuvugizi hakazaboneka inzugi n’amadirishya byo kuyikinga, hanyuma imiganda y’abo bakorerabushake nayo ikazakomeza.

Umukecuru witwa Musasanzobe Suzana w’imyaka 61 y’amavuko wari utuye  mu mudugudu wa Bweramana mu kagali ka Masangano mu murenge wa Busoro mu karere ka Nyanza amaze imyaka 19 adafite aho kuba kubera ingaruka jenoside yakorewe abatutsi muri Mata 1994 mu Rwanda  yamugizeho  agasenyerwa,  tariki 08/05/2013 yubakiwe inzu n’urubyiruko mu rwego rwo kumufasha kwigira.

Iyo nzu yubatswe muri gahunda yo gutangiza ukwezi kw’ibikorwa byahariwe urubyiruko yabereye ku rwego rw’akarere ka Nyanza mu murenge wa Busoro aho uwo mukecuru warokotse jenoside yakorewe abatutsi muri Mata 1994 yabarizwaga.

Urubyiruko rw’abasore n’inkumi rugera ku 130  nirwo rwitabiriye icyo gikorwa rukata urwondo rwo guhomesha iyo nzu ndetse birangira runayisakaje amabati kugira ngo yihutishwe imirimo yayo dore ko uwo mukecuru yabagaho mu buzima bumukomereye agenda acumbika mu myaka 19 yose ishize jenoside yakorewe abatutsi imaze ibayeho mu Rwanda.

Inzu y’uwo mukecuru bayisize isakaye

Musasanzobe Suzana w’imyaka 61 y’amavuko wubakiwe iyo nzu yatangaje ko icyo gikorwa cyamukorewe kidasanzwe ngo kuko kubura aho kuba byari bimwe mu bimukomereye mu mibereho ye ya buri munsi.

Yagize ati: “Ndashimira urubyiruko rwahisemo kuza kumfasha kubona icumbi nkaba ngiye kwicara mu nzu yanjye bwite ndyamamo simvirwe n’imvura ndetse n’izuba riva nkaryugamamo”

Nyuma y’uwo muganda urubyiruko rwahimbawe rurabyina

Avuga ko iyo nzu yubakiwe ariyo izaba amasaziro ye ibyo akaba aribyo aheraho asobanura ko ingufu z’urubyiruko zikoreshejwe neza zakemura ibibazo byinshi biri mu gihugu.

Imvugo y’uyu mukecuru kandi yagarutsweho n’abafashe amagambo bose bemeza ko kwishakira ibisubizo nk’abanyarwanda bizatuma igihugu gitera imbere mu buryo bwihuse kurusha gutega amaboko abitwa ko ari abagiraneza baguha none ejo bakakwima.

Mbarubukeye Vedaste umunyamabanga Nshingwabikorwa w’umurenge wa Busoro yashimangiye ko mu kwezi k’umwe iyo nzu izaba ituwemo n’uwo mukecuru kandi ifite ibyangombwa byayo kugira ngo ikibazo cy’icumbi amaranye imyaka 19 gikemuke.

Urubyiruko rwakoze icyo gikorwa cyo kumwubakira iyo nzu kimwe n’ubuyobozi bw’inzego z’ibanze zo muri ako gace bahuriza  ku mvuyo y’uko bazakomeza kumuba hafi agafashwa kwigira no gumuhumurizwa ahabwa  icyizere cyiza cy’ejo hazaza.

Kuri uyu wa kane tariki ya 02/05/2013, abakozi b’ikigo nderabuzima cya Nyamagabe n’abajyanama b’ubuzima bakorana nacyo bakoreye umuganda umusore wacitse ku icumu utishoboye mu murenge wa Gasaka mu kagari ka Ngiryi mu mudugudu wa Munyege, aho bamufashije kubaka igikoni, ubwiherero ndetse n’ubwogero.

Uyu musore witwa Nzabaregerimana Emmanuel ni imfubyi yacitse ku icumu ikiri umwana muto ku buryo atazi agace akomokamo ndetse atanazi niba hari na mwene wabo n’umwe agira, akaba arangije amashuri yisumbuye.

Nzabaregerimana atangaza ko inzu yahawe n’akarere itari ifite igikoni maze kuyicanamo bigatuma amabati yangirika, ubufasha yahabwaga na village d’enfants SOS Gikongoro bwo kwifashisha no kwambara agahitamo kubyigomwa akubakamo igikoni ngo inzu ye izabashe kuramba.

Ati: “Nararebye nsanga umuntu wabaga muri iyi nzu yayicanagamo amabati akangirika. Njya gusaba ubufasha kuri village SOS Gikongoro mbona bitinda kandi hari amafaranga batugenera yo kwifashisha mu tubazo tumwe na tumwe. Ndavuga nti ibyo kwambara reka mbyihoreye ntangira kuyabika neza kuri banki, ageze mu bihumbi ijana ntangira kubaka igikoni ngera aho ubushobozi buba buke”.

Si ubwa mbere uyu musore ahawe umuganda wo kubaka iki gikoni cye kuko ubushize urubyiruko rwamufashije kugihoma n’ibyondo, uyu munsi abakozi b’ikigo nderabuzima cya Nyamagabe ndetse n’abajyanama b’ubuzima bakaba bamufashije kukinogereza n’ibyondo ku buryo yanashyiraho sima abashije kuyibona, ndetse akaba yanakinga.

Akomeza atangaza ko kuba inzego zitandukanye ziri kumufasha bimwereka ko afite inshuti ndetse n’umuryango kandi ko nta kibazo yagira ari kumwe n’abandi.

Jean de Dieu Mwizerwa, umuyobozi w’ikigo nderabuzima cya Nyamagabe atangaza ko uyu muganda bawuteguye mu rwego rwo gutera ingabo mu bitugu abarokotse jenoside yakorewe abatutsi batishoboye.

Akomeza avuga ko mu rwego rwo kubungabunga ubuzima bagomba kuba hafi y’abafite imitima ibabaye bakabereka ko bari kumwe.

Mwizerwa ati: “Turi abantu bashinzwe gukurikirana ubuzima. Rero iyo tubona ko hari abantu baba ahantu hatameze neza ntibidushimisha kandi mu rwego rwo kubungabunga ubuzima haba harimo abantu bafite imitima itentebutse, ni byiza ko tubegera tukabaganiriza hanyuma tukanabafasha mu buryo bw’amaboko kugira ngo tubereke ko turi kumwe. Ibyo rero bifasha umuntu kwiyubaka ndetse no gutera imbere”.

Umuyobozi w’ikigo nderabuzima cya Nyamagabe asaba itsinda ayoboye kumva ko gufasha abafite ibibazo ari inshingano zabo za buri munsi kandi ko bazakomeza kubikora. Aba bakozi cyane cyane abajyanama b’ubuzima begereye abaturage basabwe kubaba hafi umunsi ku wundi  kugira ngo batumva ko ari bonyine, bityo abanyarwanda muri rusange bagire imibereho myiza.

Umunyamabanga nshingwabikorwa w’akagari ka Ngiryi wifatanije n’iri tsinda muri uyu muganda, Uwingabire Josephine, yashimiye ikigo nderabuzima cya Nyamagabe kuba cyaratekereje guha umuganda uwacitse ku icumu utishoboye ndetse bakanatanga umusaruro ushimishije.

Ikigo nderabuzima cya Nyamagabe kandi cyanemereye uyu Nzabaregerimana kumworoza ihene ebyiri hagamijwe gukomeza kumuremera ngo abashe kugana mu nzira yo kwigira.

Kuri uyu wa gatanu tariki ya 03/05/2013, ikigo nderabuzima cya Nyamagabe kizibuka abari abakozi bacyo, abarwayi n’abarwaza bakiguyemo muri jenoside yakorewe abatutsi mu mwaka 1994.

The Rwanda Utilities Regulatory Authority [RURA] promised to construct a house for a 61 year old man Alexis Rwakarema, a 1994 genocide survivor in Rukumberi who has been staying in other people’s home with his 6 children for the past 19years.

 RURA took on this discussion as one way of helping vulnerable people in this area who suffered the 1994 genocide against the Tutsi since this place was badly affected.

 As said by Beathee Mukangabo from RURA they decided to help this area, because it’s one area with very bad history of the genocide.

“We were helped by IBUKA and the National Commission Against the Genocide [CNLG] to select this area because it has very many people suffering all because of the bad incident that happened to them”, said Mukangabo.

 In his words, Rwakarema thanked RURA for the help saying that he was so happy that at last he was going to leave his children somewhere.

 It was however noted that the genocide survivor’s social wellbeing was improving a lot in this area compared to the past years by Callixte Kabandana from ARGR an association for genocide survivors in Rukumberi.

 RURA did not only help this elderly man but also other 5 families of genocide survivors which they promised to continue helping in any way possible.

 These people were encouraged to always strive for self-reliance which will help them gain self-respect.

Rwakarema Alexis  umusaza w’imyaka 61 y’amavuko utishoboye warokotse Jenocide yakorewe abatutsi mu Rwanda mu 1994,akaba yari amaze imyaka  19 acumbitse atarubakirwa, agiye kubakirwa inzu n’ikigo cy’igihugu gishinwe kugenzura inzego zimwe z’imirimo ifitiye igihugu akamaro (RURA).

 Uyu musaza  abana n’abana batandatu akaba yari amaze imyaka 19 acumbitse atagira aho yakwita iwe yaba. Ikigo RURA kiyemeje kumwubakira inzu n’igikoni ndetse n’ubwiherero.

 Mbere yari yubakiwe n’abari muri TIG inzu y’amatafari y’ibyondo (inkarakara) iza guhita isamburwa n’umuyaga atarayitaha bityo gahunda yo kongera kubakirwa ngo yari itarongera kumugeraho.

 Mu gikorwa cyo gushyira ibuye fatizo ahazubakwa iyo nzu, Mukangabo Beathee, umuyobozi mukuru muri RURA ushinzwe abakozi yavuze ko bahisemo gufasha abanya-Rukumberi bacitse ku icumu batishoboye kuko ari ahantu hafite amateka yihariye kuri Jenocide.

 Yagize ati”Twahisemo Rukumberi kuko ari ahantu hafite amateka yihariye kuri Jenocide  tubifashijwemo na Ibuka na CNLG ku rwego rw’igihugu badufasha guhitamo hano kuko hari abantu bababaye cyane nkuko mubyibonera.”

 Mu ijambo rigufi cyane yagejeje kubari aho yavuze ko ashimiye abagize uruhare muri icyo gikorwa ndetse ko abasabiye umugisha kuma Mana.

Yagize ati ”Muri make icyi gikorwa kiranshimishije cyane kuko mbonye iwanjye. Ikinshimishije ni uko noneho ngize nicyo mba ntasiga abana banjye bandagaye nta bindi byinshi mvuga twese Yezu Christu aduhe umugihsa.”

 Uhagarariye  association y’abarokotse Jenoside b’ I Rukumberi (ARGR) Kabandana Callixte, yavuze ko imibereho y’abacitse ku icumu muri Rukumberi igenda ibamo myiza ugereranije n’ imyaka yashize kuko ngo byari bibi cyane.

 Umunyamabanga nshingwabikorwa w’umurenge wa Rukumberi, Nyamutera Emmanuel aherutse gutangaza ko hakiri amazu atari make y’abacitse ku icumu rya Jenocide iRukumberi  ameze nabi kuburyo bugaragara.

 Uretse kubakira uyu mugabo utishoboye, RURA yanatanze ibikoresho by’ibanze kumiryango itanu itishoboye yarokotse Jenocide ndetse iniyemeza kubaba hafi babafasha uko bizabashobokera. RURA yakanguriye abatishoboye bafashijwe guharanira kwigira.

 As Rwanda commemorates the victims of the 1994 genocide against Tutsis, Gatsibo district continues to promote the support of the 1994 genocide survivors through basket contribution which will go on till the end of 100 days of commemoration.

Ms. Esperance Uwimpuhwe 

Ms. Esperance Uwimpuhwe the vice mayor for social affairs said this kind of contribution will be used in solving the problems of genocide survivors and supporting them in either possible way especially renovating the houses of genocide survivors most of which are in deplorable states.

“This contribution will support us in solving the accommodation issues affecting most genocide survivors as well as other programs like education, health issues, forming and allocating genocide survivors in cooperatives among others” says Uwimpuhwe.

Uwimpuhwe went on to say the houses that will be dealt with first are the old houses especially those built in 1998.

The management of Gatsibo district says the 1994 genocide survivor’s general welfare is getting better by the day as they strive for self reliance and as years go by, they develop hope for the better.

Umuyobozi w’akarere wungirije ushinzwe imibereho myiza

Muri iki gihe cyo kwibuka ku nshuro ya 19 Jenoside yakorewe abatutsi, mu Karere ka Gatsibo hakomeje igikorwa cyo gukusanya inkunga yo gufasha abacitse ku icumu muri gahunda y’agaseke.

iki gikorwa ngo kikaba giteganyijwe gukomeza kugera mu gihe cy’iminsi 100 yateganyijwe.

Umuyobozi w’akarere wungirije ushinzwe imibereho myiza Madame Uwimpuhwe Esperence, avuga ko amafranga azakusanywa muri iyi gahunda yateganyirijwe ku zakora ibikorwa bitandukanya byo kwita ku batishoboye basizwe iheruheru na Jenoside, hakemurwa ibibazo bitandukanye bahura nabyo harimo no gusana amacumbi agaragara ko ashaje.

Uwimpuhwe yagize ati:”iyi gahunda izadufasha ku kibazo cy’amacumbi y’abacitse ku icumu atameze neza, dufite kandi n’izindi gahunda zitandukanye tugenda tubafashamo zirimo izuburezi, ubuzima gahunda zo kubafasha kwibumbira hamwe mu makoperative n’izindi”.

Akomeza avuga ko mu mazu azibandwaho ari amazu ashaje cyane bitewe nuko yubatswe kera mu mwaka wa 1998, ubu ngo amenshi muriyo amaze gusaza.

Ku mibireho y’abacitse ku icumu, ubuyobozi bw’akarere ka Gatsibo buvuga ko ubuzima bwabo bugenda buba bwiza, kuko barushaho guharanira kwigira ndetse ngo uko imyaka igenda ishira niko bagenda barushaho no kwigirira icyizere cy’ejo hazaza ugereranyije no mu myaka yashize.

On the 11^th/04/2013, youths in Muranyundo cell, Nyamata sector, Bugesera District helped constructed a house for one of the women who were widowed in the 1994 genocide against the Tutsi.

The house that Widow Jeanette Nyirarukundo had was almost falling because of the constant rain, and therefore this is why the youths demolished it and constructed another one for her.

This act of helping the vulnerable genocide survivors in the district was organised by the National youth committee, as said by Jean Claude Gahigi the coordinator.

Gahigi said that youths should help reconstruct the country since they also participated in demolishing it during the 1994 genocide.

“This act again helps the vulnerable people become self- reliant”, added on Gahigi.

Nyirarukundo appreciated the help given by these youths, saying that she will continue with the good work start even when the youths are gone.

The youths promised to build this house and make it even stronger so they can help this elderly woman live a happy life.

These activities were organised in all the sectors of Bugesera district where vulnerable genocide survivors’ houses will all be renovated and also several other development activities carried out for them.

Kayitesi Françoise, wacitse ku icumu rya Jenoside yakorewe abatutsi, utuye mu murenge wa Butaro, mu karere ka Burera, yahawe inzu yo kubamo ndetse anagabirwa inka kugira ngo abashe kwibesha ho, dore ko nta hantu yagiraga aba.

Tariki ya 12/04/2013, nibwo Kayitesi, w’imyaka 30 y’amavuko, ufite abana batatu, yahawe inzu y’ibyumba bitatu na “salon”, ifite ubwiherero n’igikoni, bifite agaciro ka miliyoni zirenga eshatu z’amafaranga y’u Rwanda, ahabwa ibikoresho byo munzu, birimo ibitanda bitatu, imifariso itatu, intebe zo kwicaraho muri “salon” ndetse n’ibiribwa bitandukanye.

Ibyo bikoresho byo munzu byose yahawe bifite agaciro karenga ibihumbi 600 mu mafaranga y’u Rwanda. Kuri ibyo bikoresho kandi hiyongera ho inka nayo yagabiwe.

Kayitesi yishimiye cyane ibyo byose bamuhaye. N’ikiniga cyinshi, n’amarira mu maso yatangaje ko atatekerezaga ko ashobora kubona aho aba kubera ubuzima bubi yabaga mo. Ngo yabifashe nk’igitangaza.

Yagize ati “…ibi bitangaza Imana inkoreye, nabonaga bitashoboka kubona icumbi. Ndabona bindenze pee!…nabonaga ibi bintu leta y’ubumwe inkoreye, nabonaga bitashoboka rwose…nabashimira rwose, ibi bintu ndabona bindenze. Imana izabahe umugisha.” Akomeza avuga ko yari atunzwe n’akazi k’ubuyede.

Ubufatanye bw’abaturage bo mu murenge wa Butaro ndetse n’ubuyobozi bw’akarere ka Burera, nibwo bwatumye haboneka ubufasha bwa Kayitesi; nk’uko Uwambajemariya Florence, umuyobozi wungirije w’akarere ka Burera ushinzwe imibereho myiza y’abaturage.

Akomeza avuga ko kandi ubwo bufatanye buzakomeza mu rwego rwo gukomeza gufasha Kayitezi mu buryo bushoboka kuko ari we wenyine mu bacitse ku icumu rya Jenoside yakorewe abatutsi bo mu karere ka Burera, batari barubakiwe inzu.

Ntiyari asanzwe aba muri Burera

Kayitesi avuga ko yagiye gutura mu karere ka Burera mu mwaka wa 2008, aturutse mu karere ka Kicukiro, mu mujyi wa Kigali. Yari ari kumwe n’umugabo we. Ngo ariko bageze muri Burera, uwo mugabo yatangiye kumujujubya, ntahahire abana batatu babyaranye.

Yongera ho ko ubuzima bwamubanye bubi, ngo kuburyo yashatse no kujya kwibera muri Uganda asize abana, ariko aza kubireka yanga kwisigira abana. Yiyambaje ubuyobozi bw’umurenge wa Butaro, asaba ko yafashwa nk’uwacitase ku icumu rya Jenoside yakorewe abatutsi.

Mukankusi Agnes, uhagarariye abacitse ku icumu rya Jenoside yakorewe abatutsi, mu murenge wa Butaro, avuga ko Kayitesi yageze muri uwo murenge agasanga abandi bacitse ku icumu baramaze kubakirwa ndetse banafashwa mu buryo bunyuranye.

Bamusabye icyemezo gihamya ko koko yacitse ku icumu rya Jenoside. Yarakizanye ubundi ubuyobozi bw’umurenge wa Butaro bumushakira aho aba acumbitse mbere yo kumwubakira inzu nk’uko Mukankusi abivuga.

Kayitesi nta babyeyi agira. Mu muryango we avuka mo, asigaranye nyirasenge gusa. Abandi bose bahitanywe na Jenoside yakorewe abatutsi mu Rwanda, mu mwaka wa 1994. Ngo uwo nyirasenge yamufataga nabi bituma ashaka umugabo akiri muto.

Umugabo witwa Namabajimana Alphred wo mudugudu wa Musagara mu kagali ka Cyome mu murenge wa Gatumba ho mu karere ka Ngororero arasaba Leta ubufasha mukubaka inzu yo gutura mo kuko iyo arimo ubu idatunganye kandi ikaba yarasenywe n’interahamwe mu 1992.

Nkuko Nambajimana abitangaza, ngo mu 1992 yahizwe n’interahamwe zari muri ako gace ziyobowe n’uwitwa Teganya Innocent wari umukozi muri sosiyete icukura amabuye y’agaciro atandukanye muri ako gace, akaba yari n’umujyanama wa komini Kibirira, ubu ni mu murenge wa Gatumba.

Nambajimana Alphred usaba gufashwa

Interahamwe zasenyeye Nambajimana ngo zari zoherejwe na Teganya kumusaba kujya muri MRND ngo kuko bavugaga ko ari mubarwanya Leta, maze basanze adahari kuko yari yamenye umugambi wabo agahunga bahitamo kumusenyera.

Kuva ubwo, uwo mugabo aracyatuye muri iyo nzu yagerageje gusana ariko akavuga ko akeneye ubufasha kugira ngo ayubake neza kuko ntamikoro afite, dore ko ntanakazi agira kandi akaba akuze kumyaka 65.

Nubwo Nambajimana avuga ko ugusaba kwe atigeze akugeza munzego zo hejuru, yemeza ko ubuyobozi bw’inzego zibanze mu murenge wa Gatumba buzi ikibazo cye ndetse bukaba bwaranamusabiye inka yo korora muri gahunda ya girinka, dore ko izo yari afite zariwe icyo gihe.