Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

tariki 19/4/2013, abagize Inama Njyanama y’akarere ka Kamonyi, basuye imiryango 7 y’abapfakazi ba jenoside batuye umudugudu wa Ruseke, akagari ka Kambyeyi, mu murenge wa Nyarubaka, babaha inkunga y’ibiribwa na matola.

Buri mwaka, mu gihe cyo kwibuka, abagize Inama Njyanama bahitamo umudugudu w’abarokotse jenoside basura, bakanawufata mu mugongo bawutera inkunga.

Uwera Marie Alice, umujyanama uri komisiyo y’imibereho myiza, atangaza ko nk’abantu bazi amateka y’ibyabaye mu gihugu, Inama Njyanama yahisemo kwegera iyi miryango y’abapfakazi ba jenoside, ngo ibahumurize, inabafate mu mugongo.

Buri muryango mu yasuwe, yashyikirijwe matola, umufuka w’umuceri n’uwa Kawunga, ibiro 10 by’isukari, litiro 5 z’amavuta yo guteka n’ibahasha irimo amafaranga ibihumbi 10 (10.000 frw), yo kugura ibindi bakeneye.

Abapfakazi basuwe bishimiye icyo gikorwa, kuko ngo biberetse ko batari bonyine muri ibi bihe bikomeye bibukamo amahano bahuye na yo muri jenoside. Bavuga ko leta y’ubumwe itahwemye kubitaho kuva batuzwa mu mudugudu, kuri ubu buri wese akaba afite ubushobozi bwo kwibonera icyo akeneye.

Kayirere Odette, wavuze mu izina ry’abapfakazi basuwe, avuga ko bafashijwe kubona amacumbi, bagahabwa inka, bagafashwa kuvuzwa ndetse n’abana ba bo bakajya mu mashuri.

Mu buryo bwo kwiteza imbere abatuye uwo mudugudu bakorera mu bimina byo kugurizanya no kwizigamira amafaranga, bityo buri wese akabasha kugura icyo akeneye. Kayirere arashima insanganyamatsiko yo kwibuka y’uyu mwaka isaba abacitse ku icumu “guharanira kwigira”.

Perezida wa Ibuka ku rwego rw’akarere ka Kamonyi, Murenzi Pacifique, arashima abajyanama baje gufata mu mugongo abarokotse jenoside. Avuga ko kubegera no kubaganiriza bibafasha kudaheranwa n’agahinda no kubongera icyizere cyo kubaho.

Abitabira ibiganiro bitangwa mu cyumweru cyo kwibuka, barasabwa kunganira leta mu kwihanganisha abacitse ku icumu, babasura ndetse bakabatera inkunga y’ibitekerezo n’ibikorwa biganisha ku kwigira.

Hari ababajije impamvu, mu biganiro bitangwa, hadatambagizwa agaseke ko gushyiramo inkunga yo gufasha abacitse ku icumu rya jenoside. Mu bisubizo bahawe n’abayobozi batandukanye, basobanuriwe ko insanganyamatsiko y’uyu mwaka igamije gukangurira abacitse ku icumu kwigira.

Tariki 9/4/2013, mu kiganiro cyatanzwe na Guverineri w’Intara y’amajyepfo ku ruhare rw’imiyoborere myiza mu kwigira, umwe mu bacyitabiriye yasabye ko hatambagizwa agaseke ko gushyiramo inkunga y’abacitse ku icumu.

Umuyobozi w’akarere ka Kamonyi, Rutsinga Jacques, yasobanuye ko mu kwibuka ku nshuro ya 19, buri rwego rwateguye uburyo buzasura abacitse ku icumu, bakagira icyo babagenera cyabafasha gutera imbere no guharanira kwigira.

Uyu muyobozi yongeyeho ko gutungura abitabiriye ibiganiro ubatega agaseke atari byiza, kuko ubuze icyo ashyiramo asigarana ipfunwe, kandi wenda bitewe n’uko atari yabyiteguye.

Ikibazo cy’agaseke cyongeye kubanzwa mu kiganiro cya tariki 10/4/2013, mu nzu mberambyombi y’Ishuri ryisumbuye ISETAR, ahahurira imidugudu itatu yo mu kagari ka Ruyenzi, maze Umunyamabanga Nshingwabikorwa w’umurenge wa Runda, Nyirandayisabye Christine, yibutsa abitabiriye ibiganiro ko uyu mwaka ari ” ukwibuka jenoside yakorewe abatutsi, duharanira kwigira”.

Yabasabye rero gufasha abacitse ku icumu batishoboye ariko babafasha kwigira. Ati” nimukore amatsinda mushake uwacitse ku icumu mutere inkunga yaba iy’ibitekerezo n’ibikorwa ku buryo umwaka utaha azaba atanga ubuhamya ko yabashije kugira icyo ageraho abikesha rya tsinda”.

Umwe mu bacitse ku icumu utuye i Gihinga mu murenge wa Gacurabwenge, yashimye insanganyamatsiko y’uyu mwaka yo kubafasha kwigira, kuko ngo wasangaga imfashanyo z’ibyo kurya zijya zihabwa abacitse ku icumu mu gihe cyo kwibuka ntacyo zibamarira ahubwo zishira bagasubira mu bukene. Ngo byaba byiza bafashijwe gukora imishinga ibateza imbere.

Mu kiganiro ku miyoborere myiza igamije kwigira, cyatangiwe ku Ruyenzi n’umunyamabanga Nshingwabikorwa w’umurenge wa Runda, tariki 11/4/2013, abaturage bashimye gahunda z’iterambere leta yashyizeho, ariko basaba ko abaheranywe n’ubukene barushaho kwitabwaho.

Mu kungurana ibitekerezo kuri gahunda Leta y’Ubumwe yashyizeho ngo zifashe abanyarwanda kwiteza imbere, abaturage bagaragaje ko hari ibigega byashyizweho ngo byunganire abaturage nk’ Ikigega cya Leta gitera inkunga abacitse ku icumu rya jenoside, ikigega cy’ingwate, ikigega gifasha abanyeshuri batishoboye, n’ibindi.

Hari na gahunda zo kwivana mu bukene zashyizweho, nka Gira inka Munyarwanda, Ubudehe, VUP (Vision 2020 Umurenge program), gahunda y’ivugurura buhinzi no kugeza ibikorwa remezo ku baturage.

Abaturage bitabiriye ibiganiro bahamya ko izo gahunda zafashije bamwe muri bo kugera ku iterambere. Ariko kandi ngo babona hakiriho icyuho gikabije hagati y’abakire n’abakene. Abakize bararushaho gukira cyane naho abakene ntibave aho bari.

Aha abaturage basabye ubuyobozi ko bwashyiraho politiki zihamye zo gufasha abakene, na bo bagatera imbere.

Bamwe mu baturage kandi bagarutse ku nyito y’ibyiciro by’ubudehe bashyirwamo; bakaba bavuga ko icyiciro cy’abatishoboye kurusha abandi bi ta “abahanya”, iryo zina ridahesha agaciro abakirimo.

Bimwe mu bibazo byugarije abarokotse jenoside, harimo icy’imiturire kuko amazu bubakiwe yatangiye kwangirika. Mu karere ka Kamonyi, hari amazu 2000 afite icyo kibazo, ku ikubitiro hakaba hagiye gusanywa 190.

Mu midugudu ituwemo n’abarokotse jenoside ya korewe abatutsi muri mata 1994, amwe mu mazu yatangiye kwangirika. Bamwe muri bene yo batangaza uko kwangirika biterwa n’uko ayo mazu yubatswe nabi, akubakishwa ibikoresho bidakomeye ndetse amwe muri yo bakayahabwa ataruzura.

Imwe mu midugudu igaragaramo ikibazo cy’amazu yubatse nabi, ni umudugudu wa Nyamugari mu murenge wa Gacurabwenge, ahari amazu yubatswe na TPIR (Urukiko mpanabyaha ku Rwanda) ndetse n’izubatswe na TIG (abakora imirimo Nsimburagifungo ifitiye igihugu akamaro).

Ayo mazu 36 ngo yubatswe mu mwaka wa 2000 no mu wa 2008, ariko uyarebye usanga ashaje cyane. Umucanga bashyizeho waromotse, isima yo hasi yavuyemo kuko bayishyize ku itaka, imvura iragwa igacengera mu musingi kuko ukozwe n’amatafari ya rukarakara.

Abandi bataka ikibazo cy’imiturire, ni abatuye mu mudugudu w’Icyizere wo mu murenge wa Musambira. Abo na bo bavuga ko amazu babamo bayubakiwe na Croix Rouge y’u Rwanda mu mwaka wa 1997, Banki Nkuru y’u Rwanda  (BNR), ikayabavugururira muri 2008; ariko amenshi muri yo ngo arava kuko bayacanamo kubera kutagira igikoni.

Bongeraho ko inkunga ya BNR yagarukiye ku kubasigira amarangi no kubaterera karabasasu ku mazu, ibyo bigatuma abayabona bibwira ko ari mazima kandi imbere yarashize.

Umuyobozi wungirije w’akarere ushinzwe imibereho myiza y’abaturage, Uwera Marie Alice, atangaza ko ibibazo byo gusana amazu y’abarokotse jenoside biri mu maboko ya FARG (Ikigega cya Leta gitera inkunga abacitse ku icumu batishoboye), ikaba yarabaruye amazu agera ku 2000 agomba gusanwa mu karere kose.

Ayo mazu akaba azasanwa mu byiciro, mu cya mbere FARG ikaba yarohereje amafaranga yo gusana amazu 190. Amazina y’abagomba gusanirwa akaba agenwa na FARG.

As Rwanda commemorates for the 19^th time the 1994 genocide against Tutsis, local people are supposed to support the government in giving the hope to the genocide survivor through visiting, sharing with them ideas and projects all towards self reliance.

With the theme of this year commemoration calling upon the genocide survivors to be self reliant, people do not have to support genocide survivors financially only but with ideas to make them stronger.

Kamonyi people commemorating striving for self reliance

In the presentation by the governor of the Northern Province of Rwanda on Tuesday the 9^th.April.2013 about the role of good governance in making people self reliant. It was desired that a basket be passed around for people to contribute for the genocide survivors’ welfare.

Jacques Rutsinga The mayor of Kamonyi district explained that every level of administration prepared a way to support the genocide survivors in making them self reliant. “it is not good to surprise people with a basket of contributions and to make those who have nothing to contribute feel guilty.”

This was said again in presentations on Wednesday the 10^th.April.2013 in ISETAR main hall with residents of Ruyenzi cell where Christine Nyirandayisabye the executive secretary of Runda sector reminded people that people should strive to be self reliant and avoid living on alms.

“Form a team, find and help genocide survivors through ideas and projects and help them get self reliant to testify to that next year what that team helped them achieve” says Christine Nyirandayisabye.

One of the genocide survivors in Gihinga cell in Gacurabwenge sector appreciates the commemorating theme for this year which calls upon genocide survivors to strive for self reliance. For food they were usually given gets finished and they go back to the lives they were living before. It would if they get supported to support themselves.

Some of the many problems and issues affecting the 1994 genocide survivors include poor or lack of accommodation. For genocide survivors in Kamonyi district, about 2000 houses need to be reconstructed with 190 houses of them to be started on as soon as possible.

One of the genocide survivors’ accommodations

In the villages where genocide survivors were settled, some of the houses are in deplorable state especially because they were built poorly without good equipment and some were given out without being completed.

Nyamugari village in Gacurabwenge sector is one of the villages with such houses in ramshackle state with houses that were built by TPIR (the International Tribunal Court) as well TIG Program.

The 36 houses were built in 2000 and others in 2008 but they are so old with eroded sand on the houses, the cement on the floor worn off, with rain shaking off the foundation of the houses.

Houses in deplorable conditions

Genocide survivors in Icyizere village in Musambira sector with the houses that were built by the Red Cross organization in 1997 are calling out for help to renovate these houses that are in a sorry state. Bank of Rwanda had renovated them in 2008 but some are in that state because they use them for cooking for lack of the kitchens.

Marie Alice Uwera the vice mayor for social affairs in Kamonyi district says the issues of renovating and reconstructing the houses for genocide survivors is the concern of FARG. About 2000 houses n the whole district need to be reconstructed by FARG and this has to be done as soon as possible.

These houses will be reconstructed in intervals and 190 houses will be reconstructed at the beginning and FARG has already sent the money for this project.

Mu isoko rya Nkoto, riherereye mu murenge wa Rugarika, rirema buri wa gatatu, ryitabirwa n’abaza gukoresha tombola z’ibikoresho hakoreshejwe akaziga kagurwa amafaranga 50. Bamwe mu babyeyi batangaza ko baterwa impungenge n’aho uwo mukino ukorerwa kuko witabirwa n’abana.

Abitabiriye isoko, bavuga ko uyu mukino  ari mushya. Ku wa gatatu tariki 27/3/2013, ni inshuro ya gatatu wari uje kuhakinirwa. Bamwe mu babyeyi bawita “urusimbi rushya”, bavuga ko bafite impungenge z’uko ushobora kubararurira abana, kuko hari abahirirwa batombola cyangwa bareba uko abandi babikora.

Umwe muri bo, aragira ati ”iyo umwana aje akahirirwa akahamara amasaha atatu, atagiye kwiga, nta n’icyo yakoreye iwabo; akurikizaho kwiba ibiceri na we akaza kubisheta”.

Kalisa Callixte ukoresha uwo mukino, avuga ko batemerera umuntu ufite munsi y’imyaka 18 gutombola, ariko nta Ndangamuntu cyangwa ikindi cyangombwa babaza, ahubwo bareba igikuriro. Aho bakinira, ntibabuza n’abana bato kuza kuhashungera.

Uwo mukino w’amahirwe, ukinishwa akaziga kameze nk’agakomo, kagurwa amafaranga y’u Rwanda 50. Ukaguze ahagarara mu ntambwe 10 uvuye aho baba bashyize ibikoresho birimo amavuta, amasuka, primus, isuka, isafuriya, terimusi, isahani n’ibindi; maze akanaga ka kaziga igikoresho kaguyeho akagitwara.

Kalisa avuga ko kugira ngo umukino we wunguke, aba agomba kuwukorera mu isoko ahahurira abantu benshi, akaba yarabanje kubimenyesha ubuyobozi bw’umurenge wa Rugarika kandi akaba abisorera.

Mu kwezi ku Ukwakira 2011, ni bwo Inteko ishingamategeko y’u Rwanda yatoye Itegeko ryemera kandi rikagena imikino y’amahirwe. Iri tegeko rikaba riteganya ko Umuntu utaragera ku myaka 18 y’amavuko atagomba kwinjira, gukoresha cyangwa gukora ibikorwa bijyanye n’imikino y’amahirwe.

Bamwe mu baturage b’umurenge wa Karama  babonye imirimo ibinjiriza amafaranga, hari n’abahawe inguzanyo ndetse n’abahawe inkunga y’ingoboka. Bahamya ko ibikorwa remezo bakoze  muri VUP, bituma badasigara inyuma mu majyambere.

Kuva gahunda y’icyitegererezo 2020 Umurenge (VUP), itangijwe mu murenge wa Karama mu mwaka wa 2009, abaturage bihatiye kuva mu bukene, babikesha inkunga bahawe muri iyo gahunda. Cyurinyana Julienne utuye mu mudugudu wa Ryagashaza, Akagari ka Bunyonga wahawe inguzanyo yo gukora umushinga, atangaza ko ku bw’inguzanyo yahawe abasha kuriha umusanzu w’ubwisungane mu kwivuza, kugaburira abana neza no kubambika.

Uyu mugore na bagenzi be 30 batse inguzanyo ya Miliyoni 3 z’amafaranga y’u Rwanda, bazayishyura bashyizeho inyungu ya 3% mu kwezi kwa Mata 2013. Amafaranganga bagujije bayakozemo umushinga wo korora inka no guhinga inanasi, kandi ngo babona iyo mishinga yombi irimo kubaha umusaruro ushimishije kuko batangiriye ku nka 6 none zabyaye inyana ebyiri, bakaba baraguze n’umurima wa hegitari 11.

Gahunda ya VUP yatanze akazi ku baturage bagera ku bihumbi bitatu, haba mu gukora imihanda, kubaka ishuri ry’inshuke n’ivuriro. Nyinawabasinga Odette, utuye muri Bunyonga, atangaza ko ibyo bikorwa bakoze byabafashije kubona amafaranga yo gukemura ibibazo by’ingo za bo; bikaba kandi byarabafashije gutera imbere.

 Aha aratanga urugero rw’ishuri ry’inshuke ryubatswe mu mudugudu wa Ryagashaza, ryafashije abana ba bo kubona aho biga hafi ; mu gihe mbere byabasabaga kujya ku bigo biri kure. Ibyo ngo bikaba byaratumaga benshi mu bana b’inshuke batitabira ishuri.

Uwineza Claudine, umuyobozi w’akarere ka Kamonyi wungirije, ushinzwe ubukungu n’imari n’iterambere, na we ahamya ko vup yakuye abatuye karama mu bukene, kuko mbere bari bafite ubukene bukabije ku buryo bamwe bari baratangiye gusuhuka bakajya gushaka imibereho ahandi.

Ngo ku bwa VUP, uyu murenge wari uwa 2 mu bukene muri 12 igize akarere, abaturage babonye inkunga bubaka imibereho ya bo.

Bamwe mu baturage b’akarere ka Kamonyi, batangaza ko imiryango irimo abantu bakoresha ibiyobyabwenge ihoramo ibibazo , kuko usanga ibyo biyobyabwenge bihindura imitekerereze y’ababikoresha, maze na bo bakabangamira abo babana.

Muri santeri ya Kamonyi iherereye mu murenge wa Gacurabwenge, twaganiriye n’urubyiruko ndetse n’umubyeyi bacyekwaho gufata ku biyobyabwenge. N’ubwo bamwe muri bo batemera ko bakoresha ibiyobyabwenge, bose bemeza ko ibiyobyabwenge ari bibi kandi bigira ingaruka ku mibereho y’umuryango.

Mu bo twaganiriye harimo abasore bahamagara abagenzi bajya mu modoka zitwara abagenzi kuri Parikingi ya Kamonyi. Abo basore bavuga ko n’ubwo ubukene butuma abantu babakekaho kunywa ibiyobyabwenge, ntabyo bajya bakoza ku munwa, ngo ahubwo binywera itabi n’inzoga.

Uwitwa Dusabamahoro Theophile, avuga ko ajya abona abayobozi bafata ibiyobyabwenge. Ngo arashima leta iharanira ko byacika kuko nta cyiza cya bo. Avuga ko mu rungano rwe hari abateza umutekano muke mu miryango ya bo babitewe n’ibiyobyabwenge.

Kimwe n’abandi basore bafatanya gukora akazi ko guhamagara abagenzi, bahamya ko abana banyweye ku biyobyabwenge, bibatera impinduka ku buryo nta ujya mu ishuri cyangwa ngo ahame hamwe yumvire ababyeyi be, ahubwo ngo yigira inzererezi yo mu muhanda.

Kakuze Monique, umubyeyi w’abana batatu, umeze nk’uwataye umutwe kubera ibiyobyabwenge, yemera ko yigeze gufata ku biyobyabwenge. Ngo iyo yabinyweye, abana be barahangayika kuko aba yabaye nk’umusazi; abajya kwiga bigatuma basiba ishuri ngo bamwiteho.

Ngo yajyaga anywa  inzoga yitwa Imbutabuta n’urumogi,  ariko amaze ibyumweru bike abiretse. Ahora asaba Imana ko yamufasha akabireka burundu kuko byatumye ahohoterwa, mu bana be hakaba hari n’abo ba se banze kwemera ko bababyaranye.

Mu gutangiza icyumweru Polisi y’Igihugu yahariye ibikorwa ifatanyamo n’abaturage, Umuyobozi wungirije w’akarere ka Kamonyi, ushinzwe imibereho myiza y’abaturage, Uwera Marie Alice, yibukije urubyiruko rw’abanyeshuri ko ibiyobyabwenge ari inzitizi ku iterambere kuko byangiza umubiri w’umuntu n’ibitekerezo bye, ntabashe kugira icyo yigezaho.

Akaba asaba ababyeyi guhoza ijisho ku bana ba bo, bakabagira inama ndetse bakabakangurira kwirinda ibiyobyabwenge n’ibisindisha.

Kuva ibikorwa by’urugerero bitangiye mu matariki 22/1/2013, intore z’urubyiruko rurangije amashuri yisumbuye; zatangiye gukorana n’abaturage babafasha muri gahunda zitandukanye, cyane cyane izirebana n’imibereho myiza n’iterambere. Ibyo byatumye zirushaho kwinjira mu buzima busanzwe no kumenyana n’abaturanyi.

kuri uyu wa kane tariki 7 gashyantare 2013 habaye umuganda wo kubaka ibiro by’akagari ka Masaka, ho mu murenge wa Rugarika. Uyu muganda witabiriwe  n’intore ziri ku rugerero , maze abaturage batungurwa no kubona urubyiruko rwize rwitabira umuganda kandi ruwukorana ubushake.

Nk’uko abaturage babivuga, ngo ubusanzwe  urubyiruko rwize ntirukunze kwitabira ibikorwa by’inyungu rusange nko mu nama cyangwa umuganda. Kuri ubu ngo babonye ibyo abarangije amashuri barimo gukora ari agashya kuko babasura no mu ngo za bo bakabaganiriza.

Ku ruhande rw’intore, nazo zihamya ko ibikorwa by’urugerero byabafashije kurushaho kwinjira mu buzima busanzwe, bamenyana n’abaturanyi ndetse bakabafasha gukemura ibibazo byugarije uduce batuyemo.

Kanyamibwa Jean de Dieu na  Murangwayire Clenia ni intore ziri ku rugerero. Zitangaza ko mu bikorwa bamaze gukora bungukiyemo byinshi ; birimo gushyikirana n’abaturage bagafatanya gukemura ibibazo biri mu duce batuyemo. Bitandukanye na mbere aho abaturage babonaga umuntu wize bakibwira ko abasumbye.

Kuva zitangiye urugerero, izi ntore zimaze gukora ibarura ry’ingo zigize utugari zituyemo, gukora ubukangurambaga ku kurwanya Sida n’ibiyobyabwenge, zifatanya n’abaturage mu nama rusange no mu muganda; kandi ziyemeje gukomeza kuba hafi ya bo na nyuma y’urugerero zizamaramo amezi atatu.