Tag Archive | "Rwanda Kamonyi"

Gicumbi - Abarokotse jenoside barishimira intambwe bamaze gutera mukwiyubaka

Gicumbi – Abarokotse jenoside barishimira intambwe bamaze gutera mukwiyubaka

Tags: , , , , , ,


Abarokotse jenoside yakorewe abatutsi muri mata 1994 bo mu karere ka Gicumbi barashimira Leta y’ubumwe yabafashije kwiyubaka ndetse bakabasha kuva mu bwigunge ubu bakaba barabashije gutera imbere haba mu mibereho yabo ndetse no mubukungu kuko guharanira kwigira no kwiyubaka aribyo nkingi y’iterambere ya buri munyarwanda.

Gicumbi - Abarokotse jenoside barishimira intambwe bamaze gutera mukwiyubaka

Urwibutso rw’ahashyinguye inzirakarengane zo mu murenge wa Nyamiyaga

Ibi n’ibyatangajwe n’ umwe mubarokokeye mu murenge wa nyamiyaga, Mushimiyimana Marie Beatrice mu muhango wo gutangiza icyunamo cyo kwibuka ku nshuro ya 20 jenoside yakorewe abatutsi.

Gicumbi - Abarokotse jenoside barishimira intambwe bamaze gutera mukwiyubaka

Mushimiyimana Marie Beatrice atanga ubuhamya bw’ibaymubayeho muri jenoside

 Mubuhamya bwe yagarutse ku ishimwe rikomeye afite ry’uko ingabo zari iza RPf zabarokoye kandi ubu nyuma y’imyaka 20 bakaba bamaze kugera kuri byinshi birimo n’iterambere rikubiyemo imibereho myiza no kunguka ubumenyi kuko ubu babashije kwitabira kwiga muburezi budaheza.

Gicumbi - Abarokotse jenoside barishimira intambwe bamaze gutera mukwiyubaka

Umuybozi w’akarere ka Gicumbi Yunamira ahashyinguye inzirakarengane

Kamizikunze Anastase wari uhagarariye ibuka asanga ubu nyuma y’imyaka 20 jenosode irangiye abarokotse hari intambwe ishimishije bamaze kugeraho kandi ko bazakomeza kwibuka banubaka ejo hazaza.

Gicumbi - Abarokotse jenoside barishimira intambwe bamaze gutera mukwiyubaka

Kamizikunze Anastase wari uhagarariye ibuka

Gusa avuga ko urugendo rukiri rwose kuko abarokotse bo mu karere ka Gicumbi ubu bafite ibibazo birimo kutishyurwa imitungo yangijwe mu gihe cya jenoside.

Gicumbi - Abarokotse jenoside barishimira intambwe bamaze gutera mukwiyubaka

Uhagarariye ingabo mu karere ka Gicumbi na Burera yunamira inzirakarengane

Umuyobozi w’akarere ka Gicumbi Mvuyekure Alexandre yashimiye Perezida wa Repuburika y’u Rwada Paul Kagame  mugutangiza urugamba rwo kubohoza u Rwanda ndetse no kurokora abahigwaga mu gihe cya jenoside.

Yasabye abanyarwanda kumurikirwa n’urumuri rutazima bityo amahano yagwiriye u rwanda ntazongere ukundi.

Yavuze ko muri iki gihe cy’icyunamo ubuyobozi bw’akarere ka Gicumbi bwihaye kuzarangiza kubaka amazu y’abarokotse jenoside yakorewe abatutsi agera kuri 36 ari muri uyu murenge wa Nyamiyaga no gukomeza kubafasha mubikorwa byo kwiteza imbere.

Kamonyi: Abacitse ku icumu barishimira ko batagikora icyunamo bonyine

Kamonyi: Abacitse ku icumu barishimira ko batagikora icyunamo bonyine

Tags: , , , , , ,


Kamonyi: Abacitse ku icumu barishimira ko batagikora icyunamo bonyine

Umuhango wo gutangiza icyunamo cyo kwibuka ku nshuro ya 20 jenoside yakorewe abatutsi, witabiriwe n’abantu benshi harimo n’abatarakorewe jenoside. Ubwo bufatanye burashimwa n’abacitse ku icumu kuko mbere wasangaga ari bo bonyine bita ku muhango wo guha agaciro abahitanywe na jenoside.

Kamonyi: Abacitse ku icumu barishimira ko batagikora icyunamo bonyine

Ku rwego rw’akarere,  icyunamo cyo kwibuka ku nshuro ya 20 jenoside yakorewe abatutsi mu 1994 cyatangirijwe ku rwibutso rwa Kamonyi, ruherere ahitwa mu kibuza mu kagari ka Nkingo, mu murenge wa Gacurabwenge. Insanganyamatsiko y’uyu mwaka, iragira iti « twibuke twiyubaka ».

Uyu muhango witabiriwe n’abaturage b’umurenge wa Gacurabwenge, baje kwifatanya n’abacitse ku icumu kunamira imibiri isaga ibihumbi 35 ishyinguye muri urwo rwibutso. Abacitse ku icumu ngo bakaba basanga ubu bwitabire ari intambwe ikomeye abaturanyi babo bateye kuko mbere wasangaga iki gikorwa cy’itabirwa n’ababuze ababo gusa.

Mu buhamya bwe, Bikoramuki Frodouald  utuye mu kagari ka Kigembe, umurenge wa Gacurabwenge, aravuga ko nyuma y’akarengane gakomeye abatutsi bakorewe mbere ya jenoside, aho babuzwaga ubureganzira ku mashuri no ku mirimo; kahagaritswe n’Ingabo za RPF Inkotanyi.

Imibereho mibi y’abatutsi yakomeje kugaragara na nyuma ya jenoside kuko abayirokotse basaanze imitungo ya bo yarasahuwe, inzu zarasanywe; haariho imfubyi, abacakazi n’inshike zitagira epfo na ruguru, ariko kubera ubufasha bwa Leta y’Ubumwe bukaba bwarabafashije kwiyubaka haba mu kurenganurwa no mu iterambere.

Perezida wa Ibuka mu karere ka Kamonyi, Murenzi Pacifique, ahamya ko inkunga idahwema guha abacitse ku icumu , ibafasha mu isana mitima kuko uko imibereho igenda iba myiza n’ibibazo by’ihungabana bigabanuka. Ngo abacitse ku icumu bafashijwe korora, bafashwa kwiga, no kwibumbira mu makoperative y’iterambere.

Murenzi ariko arasaba ko hari abagikeneye ubufasha ngo barusheho kuba neza. Arasaba abaturage gutanga amakuru y’aho bamwe mu bazize jenoside baguye kuko hari imiryango ikebana n’intamba yo kutamenya aho ababo baguye. Arasaba kandi ko n’imiryango itarabona aho itura yakubakirwa n’uko Leta yabafasha kwishyuza imitungo yasahuwe muri jenoside itarishyurwa kugeza ubu.

N’ubwo Leta idahwema kureberera abacitse ku icumu no gukemura ibibazo byabo, umuyobozi w’akarere ka Kamonyi Rutsinga Jacques arashima abaturage ko baje kwifatanya na bo mu kwibuka abazize jenoside, ariko kandi akabasaba gukomeza kuba hafi abakecuru b’inshike babuze ababo kuri ubu bakaba nta mwana bafite wo kubafasha.

m_Kujya mu matsinda n’abandi, byafashije imiryango y’abafite ubumuga kwiteza imbere1

Kamonyi: Kujya mu matsinda n’abandi, byafashije imiryango y’abafite ubumuga kwiteza imbere

Tags: , , , , , , , ,


m_Kujya mu matsinda n’abandi, byafashije imiryango y’abafite ubumuga kwiteza imbere

m_Kujya mu matsinda n’abandi, byafashije imiryango y’abafite ubumuga kwiteza imbere1

Mu kwizihiza umunsi w’abafite ubumuga, wabereye mu murenge wa Nyamiyaga, akagari ka Kidahwe, tariki 14 Mutarama 2014, abafite ubumuga n’ababyeyi babo batangaje ko kubana n’abandi mu matsinda byabakijije ubwigunge ndetse bateye imbere kubera ibikorwa bakorana n’abandi.

Nk’uko Insanganyamatsiko y’uyu munsi ibivuga, “Intango y’iterambere rirambye  ni ukudaheza”, abanyamuryango b’ikigo CEFAPEK gitanga amahugurwa ku bahinzi-borozi, bakorera mu matsinda bahuriramo n’ababyeyi b’abana bafite ubumuga, ibyo bigatuma abo batera imbere kandi ntibaterwe ipfunwe n’abana ba bo.

Mukeshimana Ernestine w’imyaka 19, ufite ubumuga bw’amaguru, avuga ko we n’umubyeyi we, bari mu itsinda ryo mu kagari ka Kigese, umurenge wa Rugarika. Ngo kujya mu itsinda byatumye umubyeyi we akorana n’abandi maze umuryango we uva mu bukene.

Ikindi uyu mwana yungukiye mu Itsinda, ni uko bakanguriye ababyeyi be kumuzana gukorerwa ubugororangingo, kuri ubu agendera ku mbago. Ngo nubwo atabashije kwiga mu mashuri asanzwe, ubuyobozi bwa CEFAPEK bwamufashije kwiga imyuga; yize gutunganya imisatsi.

Kanzayire Marie Rose, Uhagarariye abanyamuryango ba CEFAPEK, atangaza ko bafite amatsinda 98 yibumbiyemo abanyamuryango ibihumbi bibiri na Magana inani. Intego ya bo, ni uguharanira iterambere rirambye. Ngo umuco batojwe n’ababikira b’ababerinaridine bashinze ikigo CEFAPEK, ni uwo kudaheza abafite ubumuga.

Mu byo babakorera barabegera, bakabinjiza mu matsinda kugira ngo bave mu bwigunge. Ibyo bituma babona ko bafite agaciro. Ababyeyi ba bo, babaha amatungo ndetse bakanabakangurira kujyana abana ku ishuri no kuvurwa. Buri mwaka aya matsinda yizihiza umunsi w’abafite ubumuga, iyi akaba ari inshuro ya 12.

Muri aya matsinda, bakora ibikorwa bitandukanye nko korora, guhinga no kugurizanya amafaranga. Aya matsinda kandi afasha mu guhindura imyumvire y’abantu abigisha kudaha akato abafite ubumuga , aho abafasha guhindura inyito zibatesha agaciro nk’ikiragi, impumyi, ikimuga….

Soeur Donatille Mukarubayiza yasabye abanyamuryango b’amatsinda n’abayobozi gukomeza kwegera ababyeyi b’abana bafite ubumuga; kuko hakiri abagiterwa ipfunwe, bakaba barananiwe kwiyakira na n’ubu, bakaba bakibakingirana ahihishe ngo abantu batababona.

Umukozi ushinzwe imibereho myiza mu murenge wa Nyamiyaga, Gahongayire Clementine, ashimira Ikigo CEFAPEK n’ababikira b’ababernardine, uburyo bafasha abafite ubumuga n’imiryango ya bo. Ngo ibyo bakora, haba kwita ku bafite ubumuga n’ubufasha batanga mu mishinga y’iterambere, bifite agaciro gakomeye kandi biri muri gahunda z’iterambere ry’u Rwanda.

Abayobozi begereye

Abayobozi begereye abaturage barasabwa kugira inama abagenerwabikorwa ba VUP

Tags: , , , , , , , ,


Abayobozi begereye

Mu mahugurwa yahawe  abayobozi b’inzego z’ibanze zegereye abaturage, kuri uyu wa kabiri tariki 1 Ukwakira 2013,  abakozi ba Gahunda ya vision 2020 Umurenge “VUP” mu karere ka Kamonyi babasabye kuba hafi no kugira inama zifasha abagenerwa bikorwa bayo kuva mu bukene.

Kuva mu mwaka wa 2008, gahunda ya Vision 2020 Umurenge itangijwe mu karere ka Kamonyi, abagenerwabikorwa b’iyo gahunda mbere bari mu bukene bukabije. Bitewe n’uko bamwe muri bo badakoresha neza inkunga bahabwa ngo babuvemo, abakozi ba VUP mu karere ka Kamonyi bahuguye abayobozi begereye abaturage, ngo babe hafi y’abo bagenerwabikorwa.

Kayijuka Diogene, umukozi wa VUP mu mirenge ya Nyarubaka na Nyamiyaga, atangaza ko hari bamwe mu bagenerwabikorwa badakoresha inkunga bahabwa ngo bivane mu bukene kandi ari yo ntego ya VUP. Ku bw’iyo mpamvu arasaba abayobozi babegereye kubegera no kubagira inama zo kudapfusha ubusa amafaranga bahabwa cyangwa bakorera.

Aya mahugurwa yitabiriwe n’abanyamabanga nshingwabikorwa b’utugari n’ababungirije, abashinzwe umutekano mu tugari , abashinzwe Ubudehe n’umwe mu bajyanama ba buri kagari. Abahuguwe bahamya ko VUP yahinduye imibereho ya bamwe mu bagenerwabikorwa , ariko ngo hari n’abatarabigeraho.

Ngo hari abafata amafaranga bakayatsinda mu tubari cyangwa bakayagura imyenda, aho kuguramo itungo cyangwa ngo bakoremo undi mushinga wo kwiteza imbere wabavana mu bukene. Abahuguwe rero ngo bagiye kubafasha guhindura imyumvire bakabasobanurira ko amafaranga babona atari ayo gupfusha ubusa.

Gahunga ya Vision 2020 ifasha abaturage bakennye bari mu cyiciro cya mbere n’icya kabiri by’Ubudehe, ikabafashiriza mu nkingi eshatu bitewe n’ubushobozi bw’abagize imiryango ya bo; harimo  abatishoboye bahabwa inkunga y’ingoboka, abashoboye gukora bahabwa akazi mu mirimo ifite inyungu rusange, n’abashoboye gukora imishinga bahabwa inguzanyo zo kwiteza imbere.

 

Kamonyi

Kamonyi: Gukorera mu matsinda yo kuzigama bibafasha gukemura ibibazo by’amafaranga

Tags: , , , , , , , ,


Kamonyi

Bamwe mu baturage bo mu karere ka Kamonyi bamaze kuyoboka amatsinda yo kuzigama no kugurizanya, barahamya ko abafasha  gukemura bimwe mu bibazo bahura na byo mu mibereho ya buri munsi.

Ku baturage bari mu matsinda ngo nta mbogamizi bahura nazo mu kwishyura umusanzu w’ubwisungane mu kwivuza, kuko baguzamo bakazishyura nyuma. Babasha kandi kugura amatungo cyangwa se ibindi bikoresho babikesheje inguzanyo bahabwa ku buryo bwihuse.

Abanyamuryango b’Itsinda cyitwa “Dutabarane” rikorera mu mudugudu wa Gahondo, Akagari ka Kivumu, murenge wa Musambira, bamaze imyaka isaga 10 barashyizeho itsinda ryo gutabarana.

Ngo batangiye bazigama amafaranga 50frw ku kwezi kuri buri rugo, ngo uzagira ibyago byo gupfusha umuntu, bazamufashe  kumubonera ibikenewe ngo ashyingurwe.

Mu rwego rwo kwiteza imbere, imikorere y’itsinda yaragutse, bashyiraho uburyo bwo kuzigama aho buri wese atanga 200frw buri cyumweru, bakayakamo inguzanyo, nyuma y’umwaka bakayagabana yarabaye menshi kuko ugujije yishyura yashyizeho n’inyungu ya 10% ku kwezi.

Izo nguzanyo baka ngo zibafasha mu bibazo byihuse baba bashaka gukemura. Uwimana Francine aragira ati “mu rugo turi abantu 7, biragoranye kubonera icyarimwe 21000frw ya Mutuweli, ubu mu itsinda barayangurije icyo nshigaje ni ugushaka uko naryishyura ariko nizeye ko hagize urwara yavuzwa”.

Uretse kumufasha mu gukemura ikibazo cya Mutuweli, uyu mubyeyi akomeza avuga ko yoroye inka abikesha amafaranga yakury muri iri tsinda, ubwo bagabanaga nyuma y’umwaka. Ngo bitewe n’inyungu z’abagujije bagera igihe cyo kugabana yarabaye menshi ku buryo buri wese afata hejuru y’ibihumbi 150 kandi yarazigamye ibihumbi104 gusa.

Ku bwa Habyarimana Germain we , ngo  mbere iyo umuntu yagiraga ibyago agapfusha umuntu byamusabaga kugurisha isambu kugira ngo abone amafaranga yo kumushyingura, none ubu itsinda riramutabara; ati“Uretse kuguza akazishyura yitonze hari nayo dukuramo tukamusura ”.

Iri tsinda rya Dutabarane, rigizwe n’abanyamuryango begera kuri 44, batangiye gukora  mu mwaka wa 2008. Buri munyamuryango atanga amafaranga 200 buri cyumweru. Nyuma y’umwaka, amafaranga yazigamwe n’inyungu yabyaye, abanyamuryango bose barayagabana.

 

01

Kamonyi: Mu mezi abiri abatuye muri “High risk zones” bazaba barangije kwimurwa

Tags: , , , , , , , , , ,


Kamonyi: Mu mezi abiri abatuye muri “High risk zones” bazaba barangije kwimurwa

Imiryango 15 ituye ahantu habi hashobora kugwirwa n’ibiza, irafashwa mu gutuzwa ku midugududu, ku buryo mu ntangiro za Nzeri 2013 bazaba batuye heza. Ibikorwa byo kububakira bikazakorwa mu muganda w’abaturage n’inkunga ya Leta.

Ibi biratangazwa n’Umukozi ushinzwe imiturire mu Karere ka Kamonyi Musengarurema Cyliaque, mu muganda udasanzwe wo gutangiza ku mugaragaro gahunda ya Minisiteri y’ubutegetsi bw’Igihugu yo gutuza ku Mudugudu ingo zibarirwa ahantu hashobora kugwirwa n’ibiza “high risk zones”.

Uyu muganda wabereye mu Mudugudu wa Karuri, mu kagari ka Taba, ho mu Murenge wa Rukoma, hakozwe ibikorwa byo gusiza ikibanza, kubumba amatafari no gucukura umusingi mu kibanza cyizatuzwamo umuryango w’uwitwa Manzi usanzwe utuye ahantu habi.

Musengarurema yavuze ko imiryango 15 mu karere kose ariyo isigaye gutuzwa mu mudugudu; akaba yizeye ko ku bufatanye n’abaturage kububakira bazabigeraho. Iyo miryango igatura heza hashobora  hashobora kugezwa ibikorwaremezo birimo amazi, amashanyarazi, imihanda, amashuri n’amavuriro.

Manzi wahawe umuganda, yashimiye abaturage bagenzi, na Leta y’u Rwanda kuko yita ku baturage bayo ikabashakira igikwiye nko kubatuza heza bityo bagatandukana n’ibiza bya hato na hato bishobora kubibasira igihe batuye ahantu habi. Yavuze ko ibi bigaragaza imiyoborere myiza y’iki gihugu.

Umunyamabanga Nshingwabikorwa w’Umurenge wa Rukoma Muvunyi Etienne, yibukije abaturage  ko gutura heza biri muri gahunda za Leta y’ubumwe bw’abanyarwanda, kugira ngo buri wese abashe kugira imibereho myiza ishingiye ku cyerekezo igihugu cyifuza.

Mu Karere ka Kamonyi imiryango igera kuri 56 imaze gufashwa kuva muri High risk zone, hakaba hasigaye ango 15 nayo ikazaba yamaze kugera ku Mudugudu mu mpera z’ukwezi kwa Kanama 2013 nk’uko umukozi ushinzwe imyubakire abitangaza.

Abajyanama b’akarere ka Kamonyi bafashe mu mugongo abapfakazi ba jenoside bo mu mudugudu wa Ruseke

Abajyanama b’akarere ka Kamonyi bafashe mu mugongo abapfakazi ba jenoside bo mu mudugudu wa Ruseke

Tags: , , , , , ,


Abajyanama b’akarere ka Kamonyi bafashe mu mugongo abapfakazi ba jenoside bo mu mudugudu wa Ruseke

tariki 19/4/2013, abagize Inama Njyanama y’akarere ka Kamonyi, basuye imiryango 7 y’abapfakazi ba jenoside batuye umudugudu wa Ruseke, akagari ka Kambyeyi, mu murenge wa Nyarubaka, babaha inkunga y’ibiribwa na matola.

Buri mwaka, mu gihe cyo kwibuka, abagize Inama Njyanama bahitamo umudugudu w’abarokotse jenoside basura, bakanawufata mu mugongo bawutera inkunga.

Uwera Marie Alice, umujyanama uri komisiyo y’imibereho myiza, atangaza ko nk’abantu bazi amateka y’ibyabaye mu gihugu, Inama Njyanama yahisemo kwegera iyi miryango y’abapfakazi ba jenoside, ngo ibahumurize, inabafate mu mugongo.

Buri muryango mu yasuwe, yashyikirijwe matola, umufuka w’umuceri n’uwa Kawunga, ibiro 10 by’isukari, litiro 5 z’amavuta yo guteka n’ibahasha irimo amafaranga ibihumbi 10 (10.000 frw), yo kugura ibindi bakeneye.

Abapfakazi basuwe bishimiye icyo gikorwa, kuko ngo biberetse ko batari bonyine muri ibi bihe bikomeye bibukamo amahano bahuye na yo muri jenoside. Bavuga ko leta y’ubumwe itahwemye kubitaho kuva batuzwa mu mudugudu, kuri ubu buri wese akaba afite ubushobozi bwo kwibonera icyo akeneye.

Kayirere Odette, wavuze mu izina ry’abapfakazi basuwe, avuga ko bafashijwe kubona amacumbi, bagahabwa inka, bagafashwa kuvuzwa ndetse n’abana ba bo bakajya mu mashuri.

Mu buryo bwo kwiteza imbere abatuye uwo mudugudu bakorera mu bimina byo kugurizanya no kwizigamira amafaranga, bityo buri wese akabasha kugura icyo akeneye. Kayirere arashima insanganyamatsiko yo kwibuka y’uyu mwaka isaba abacitse ku icumu “guharanira kwigira”.

Perezida wa Ibuka ku rwego rw’akarere ka Kamonyi, Murenzi Pacifique, arashima abajyanama baje gufata mu mugongo abarokotse jenoside. Avuga ko kubegera no kubaganiriza bibafasha kudaheranwa n’agahinda no kubongera icyizere cyo kubaho.

 

m_Untitled

Kamonyi: Abaturage barasabwa gufasha abacitse ku icumu kwigira

Tags: , , , , , , , ,


m_Untitled Abitabira ibiganiro bitangwa mu cyumweru cyo kwibuka, barasabwa kunganira leta mu kwihanganisha abacitse ku icumu, babasura ndetse bakabatera inkunga y’ibitekerezo n’ibikorwa biganisha ku kwigira.

Hari ababajije impamvu, mu biganiro bitangwa, hadatambagizwa agaseke ko gushyiramo inkunga yo gufasha abacitse ku icumu rya jenoside. Mu bisubizo bahawe n’abayobozi batandukanye, basobanuriwe ko insanganyamatsiko y’uyu mwaka igamije gukangurira abacitse ku icumu kwigira.

Tariki 9/4/2013, mu kiganiro cyatanzwe na Guverineri w’Intara y’amajyepfo ku ruhare rw’imiyoborere myiza mu kwigira, umwe mu bacyitabiriye yasabye ko hatambagizwa agaseke ko gushyiramo inkunga y’abacitse ku icumu.

Umuyobozi w’akarere ka Kamonyi, Rutsinga Jacques, yasobanuye ko mu kwibuka ku nshuro ya 19, buri rwego rwateguye uburyo buzasura abacitse ku icumu, bakagira icyo babagenera cyabafasha gutera imbere no guharanira kwigira.

Uyu muyobozi yongeyeho ko gutungura abitabiriye ibiganiro ubatega agaseke atari byiza, kuko ubuze icyo ashyiramo asigarana ipfunwe, kandi wenda bitewe n’uko atari yabyiteguye.

Ikibazo cy’agaseke cyongeye kubanzwa mu kiganiro cya tariki 10/4/2013, mu nzu mberambyombi y’Ishuri ryisumbuye ISETAR, ahahurira imidugudu itatu yo mu kagari ka Ruyenzi, maze Umunyamabanga Nshingwabikorwa w’umurenge wa Runda, Nyirandayisabye Christine, yibutsa abitabiriye ibiganiro ko uyu mwaka ari ” ukwibuka jenoside yakorewe abatutsi, duharanira kwigira”.

Yabasabye rero gufasha abacitse ku icumu batishoboye ariko babafasha kwigira. Ati” nimukore amatsinda mushake uwacitse ku icumu mutere inkunga yaba iy’ibitekerezo n’ibikorwa ku buryo umwaka utaha azaba atanga ubuhamya ko yabashije kugira icyo ageraho abikesha rya tsinda”.

Umwe mu bacitse ku icumu utuye i Gihinga mu murenge wa Gacurabwenge, yashimye insanganyamatsiko y’uyu mwaka yo kubafasha kwigira, kuko ngo wasangaga imfashanyo z’ibyo kurya zijya zihabwa abacitse ku icumu mu gihe cyo kwibuka ntacyo zibamarira ahubwo zishira bagasubira mu bukene. Ngo byaba byiza bafashijwe gukora imishinga ibateza imbere.

Kamonyi: Barasaba ko abakene barushaho kongererwa ubushobozi ngo babashe kwigira

Tags: , , , , , , , , ,


Mu kiganiro ku miyoborere myiza igamije kwigira, cyatangiwe ku Ruyenzi n’umunyamabanga Nshingwabikorwa w’umurenge wa Runda, tariki 11/4/2013, abaturage bashimye gahunda z’iterambere leta yashyizeho, ariko basaba ko abaheranywe n’ubukene barushaho kwitabwaho.

Mu kungurana ibitekerezo kuri gahunda Leta y’Ubumwe yashyizeho ngo zifashe abanyarwanda kwiteza imbere, abaturage bagaragaje ko hari ibigega byashyizweho ngo byunganire abaturage nk’ Ikigega cya Leta gitera inkunga abacitse ku icumu rya jenoside, ikigega cy’ingwate, ikigega gifasha abanyeshuri batishoboye, n’ibindi.

Hari na gahunda zo kwivana mu bukene zashyizweho, nka Gira inka Munyarwanda, Ubudehe, VUP (Vision 2020 Umurenge program), gahunda y’ivugurura buhinzi no kugeza ibikorwa remezo ku baturage.

Abaturage bitabiriye ibiganiro bahamya ko izo gahunda zafashije bamwe muri bo kugera ku iterambere. Ariko kandi ngo babona hakiriho icyuho gikabije hagati y’abakire n’abakene. Abakize bararushaho gukira cyane naho abakene ntibave aho bari.

Aha abaturage basabye ubuyobozi ko bwashyiraho politiki zihamye zo gufasha abakene, na bo bagatera imbere.

Bamwe mu baturage kandi bagarutse ku nyito y’ibyiciro by’ubudehe bashyirwamo; bakaba bavuga ko icyiciro cy’abatishoboye kurusha abandi bi ta “abahanya”, iryo zina ridahesha agaciro abakirimo.

m_Untitled

Kamonyi: Amazu 2000 yubakiwe abarokotse jenoside akeneye gusanwa

Tags: , , , , , , ,


m_Untitled Bimwe mu bibazo byugarije abarokotse jenoside, harimo icy’imiturire kuko amazu bubakiwe yatangiye kwangirika. Mu karere ka Kamonyi, hari amazu 2000 afite icyo kibazo, ku ikubitiro hakaba hagiye gusanywa 190.

Mu midugudu ituwemo n’abarokotse jenoside ya korewe abatutsi muri mata 1994, amwe mu mazu yatangiye kwangirika. Bamwe muri bene yo batangaza uko kwangirika biterwa n’uko ayo mazu yubatswe nabi, akubakishwa ibikoresho bidakomeye ndetse amwe muri yo bakayahabwa ataruzura.

Imwe mu midugudu igaragaramo ikibazo cy’amazu yubatse nabi, ni umudugudu wa Nyamugari mu murenge wa Gacurabwenge, ahari amazu yubatswe na TPIR (Urukiko mpanabyaha ku Rwanda) ndetse n’izubatswe na TIG (abakora imirimo Nsimburagifungo ifitiye igihugu akamaro).

Ayo mazu 36 ngo yubatswe mu mwaka wa 2000 no mu wa 2008, ariko uyarebye usanga ashaje cyane. Umucanga bashyizeho waromotse, isima yo hasi yavuyemo kuko bayishyize ku itaka, imvura iragwa igacengera mu musingi kuko ukozwe n’amatafari ya rukarakara.

Abandi bataka ikibazo cy’imiturire, ni abatuye mu mudugudu w’Icyizere wo mu murenge wa Musambira. Abo na bo bavuga ko amazu babamo bayubakiwe na Croix Rouge y’u Rwanda mu mwaka wa 1997, Banki Nkuru y’u Rwanda  (BNR), ikayabavugururira muri 2008; ariko amenshi muri yo ngo arava kuko bayacanamo kubera kutagira igikoni.

Bongeraho ko inkunga ya BNR yagarukiye ku kubasigira amarangi no kubaterera karabasasu ku mazu, ibyo bigatuma abayabona bibwira ko ari mazima kandi imbere yarashize.

Umuyobozi wungirije w’akarere ushinzwe imibereho myiza y’abaturage, Uwera Marie Alice, atangaza ko ibibazo byo gusana amazu y’abarokotse jenoside biri mu maboko ya FARG (Ikigega cya Leta gitera inkunga abacitse ku icumu batishoboye), ikaba yarabaruye amazu agera ku 2000 agomba gusanwa mu karere kose.

Ayo mazu akaba azasanwa mu byiciro, mu cya mbere FARG ikaba yarohereje amafaranga yo gusana amazu 190. Amazina y’abagomba gusanirwa akaba agenwa na FARG.