Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Residents of Rwabicuma sector in Nyanza district in Southern Province should make use of the projects done by and the money they make from Land Husbandry, Water Harvesting, and Hillside Irrigation (LWH) project and attain development even after its closure.

Farming is part of common activities in Rwabicuma sector

This was said by Francis Nkurunziza the vice mayor for finance of Nyanza district on Thursday the 28^th.Feb.2013 during the function to officially begin season 2013B of farming.  He reminded farmers that they should use well the money they get paid for making terraces in this sector and develop themselves.

“If you use your money for alcohol and for pleasure, you will always be poor instead use that money for profitable ventures and projects” said the vice mayor. LWH employs residents of this sector to make modern terraces for their own use among other many projects.

Apart from using profitably the money they are paid for making modern terraces in Rwabicuma sector, the vice mayor asked local residents to conserve the land where these terraces are made by using them well in their crop husbandry as well as growing reeds to feed their cattle.

“Making use of the modern terraces made for you and the manure you were given is what you should start with to get to development” says Francis Nkurunziza.

There is also an electricity dam that is being constructed by Chinese in this same sector that will be completed worth Rwf8billions of which Rwf1.5 billion will be used to pay workers. These developmental projects are to be used to develop people as Nkurunziza pointed out.

According to Vincent Nsabuwera who is in charge of crop husbandry in LWH project, [people should never misuse what they have but should develop and value them.

The season 2013B of farming in Nyanza sector was started by cultivating the 3 hectares where beans will be planted. It was attended by more than 400 people as Philbert Nkurunziza the coordinator of LWH in Southern Province of Rwanda explained.

Bamwe mu batuye akarere ka Muhanga kimwe n’ahandi mu Rwanda, batangaza ko iyi minsi mikuru y’impera z’umwaka, iri gusiga imifuka yabo ntakirimo.

Noheli yizihizwa n’abantu b’ingeri zose, haba abakirisitu ubwabo ndetse na bamwe mu batari abakirisitu nk’abayisiramu nabo bifatanya na bagenzi babo mu kuyizihiza.

Buri wese ku bushobozi bwe agerageza kuyizihiza uko yifite. Mugengangabo Nocenti (Innocent) ni umusaza w’imyaka 66, afite umugore n’abana babyaranye barindwi. Mu busanzwe ni umuhinzi ufite isambu ye ariko anahingira n’abandi nyakabyizi.

Avuga ko nawe yijihije noheri ku buryo budasanzwe kuko ngo yakoreye umuryango we ibyo atari asanzwe awukorera. Mu bana barindwi afite, yasohokanyemo batanu kuko babiri bakuru bubatse ingo zabo.

Avuga ko yabajyanye ahantu batarakandagira kandi baba bafite amatsiko yo kugera ngo bahicare barebe uko hameze none ngo kubw’ibyo yakoze byose byaba byamuteye gushirirwa n’utwo yari yizigamiye

Agira ati: “kuri noheli nasokanye umuryango wanjye wose mbana nawo yaba umugore n’abana . nabajyanye mu kabari ko muri etaji kuko abenshi bari bataratondagira mu itaji ngo ngo bicare barebe televiziyo none ariko nahavuye nta n’urumiya”.

Ku bwa mugengangabo ngo kuba yarijihije noheri ku buryo burenze ubushobozi bwe ngo byaramuhungabanije ariko ngo ntacyo bimubwiye cyane kuko umuryango we wishimye.

Ibi ariko bitandukanye n’umwe mu bo twaganiriye nawe wo muri aka karere witwa Akimana uvuga ko hari imiryango azi kuri ubu ibanye nabi nyuma ya noheri kuko nyuma yo gushirirwa babuze ikibatunga.

Yagize ati: “kuri noheli abantu barishimishije birenze urugero ariko ikibabaje ni uko nyuma yayo bashiriwe kuburyo nta n’icyo kurya basigaranye none ubu baracyagagurana mu ngo zabo”.

Akimana akomeza avuga ko ku miryango nk’iyi itarabashije kurya utwo bafite neza ngo ishobora kuzagira ikibazo no kuri bonane kuko ngo bazashaka konengera kwishimisha bakaburya uko babigenza hakaba hari abahitamo kujya mu bujura kugirango babone uko bishimisha.

Kubwe akaba abona kwishimisha ku minsi mikuru nk’iyi ari byiza ariko ngo buri wese akamenya uko yakitwaye mu rugero rwe.

Umunsi mukuru wa Noheli ni umwe mu yizihizwa cyane mu Rwanda nk’igihugu gituwe ahanini n’abaturage b’abakirisitu.

Uyu munsi mukuru ukaba ukaba wizihizwa n’abakirisitu kuko baba bibika ivuka ry’umucunguzi wabo Yezu/Yesu Kirisitu.

Imiryango iherutse gutakaza ababo bakubiswe n’inkuba mu karere ka Rutsiro yashyikirijwe ubutumwa bw’umukuru w’igihugu bwo kubafata mu mugongo bahabwa n’ubufasha bw’amafaranga n’inka byo kubunganira mu mibereho yabo. Iyo miryango yashimiye ubuyobozi bw’igihugu kubera uruhare bugira mu gushyigikira no gutabara abaturage.

Umunyamabanga wa leta muri minisiteri y’ubutegetsi bw’igihugu, Dr Alvera Mukabaramba ku tariki ya 09/11/2012 yashyikirije iyo miryango ibiri sheki y’amafaranga ibihumbi magana atatu kuri buri muryango. Ni amafaranga yahawe umuryango w’umugabo witwa Ngendabanyukwa Felicien waburiye umugore we muri icyo kiza cy’inkuba akamusigira abana babiri. Indi sheki y’amafaranga ibihumbi magana atatu yahawe umukecuru witwa Mukandoli Athanasiya wabuze abakobwa batatu harimo umwe wari utwite. Uwo mukecuru yasigaranye n’abuzukuru be babiri, umwe muri bo akaba afite imyaka ibiri y’amavuko undi akaba yari amaze amezi arindwi avutse.

Abahawe ubwo bufasha bashimiye ubuyobozi bw’igihugu budahwema kugoboka abaturage. Ngendabanyukwa Felicien yagize ati : “Nabyishimiye kuko nyine nta kundi byagenda, aya mafaranga nzayakuramo inzu n’ikibanza kuko nabaga mu nzu itari iyanjye”.

Mukandoli avuga ko kuba ubuyobozi cyane cyane ubw’inzego z’ibanze bwaramubaye hafi bimwongerera imbaraga. Ati : “ Mwarakoze cyane, aho muzajya mugenda hose Imana izajye ibaha umugisha. Inka mwampaye ningira amahirwe ikabyara ubwo abana nzabona ikibatunga”.

Mukandoli yahawe inka izamufasha mu mibereho ye, ariko ahabwa n’amafaranga kugira ngo amwunganire mu gihe iyo nka itaratangira gutanga umusaruro.

Ku itariki 27/10/2012 mu masaha ya saa kumi ni bwo inkuba yakubise mu mudugudu wa Rusororo mu kagari ka Remera mu murenge wa Boneza, ikubita abantu icumi, batanu muri bo bahita bitaba Imana harimo umwe wari utwite.

Igikorwa cyo gufata mu mugongo abafite ababo bakubiswe n’inkuba cyabanjirijwe n’umuganda wo kurwanya isuri, ukaba witabiriwe n’abayobozi ku nzego zitandukanye zo mu karere ka Rutsiro, abo mu ntara y’Iburengerazuba ndetse, abayobozi ku rwego rw’igihugu hamwe n’abaturage bo mu murenge wa Boneza.

Mu mujyi wa Butare hakunze kuboneka abagore babunza imbuto ku dutaro, “bashakisha imibereho”. N’ubwo abacunga umutekano bababuza, rimwe na rimwe babashyikira bakabambura ibicuruzwa bari bafite, aba bagore bananiwe kubireka. Bamwe muri bo baravuga impamvu basa n’abavuniye ibiti mu matwi.

Umwe muri aba bagore yagize ati “ntuye muri uyu mugi. Umugabo wanjye akora akazi kadafashije cyane. Ntabwo nakwirirwa mu rugo nkora ubusa. Inzira nabonye yanyorohera ni ubucuruzi. Nyamara nta gishoro gifatika mfite kugira ngo nanjye njye mu isoko mfate ikibanza. Ni yo mpamvu nemera nkirirwa ncungana n’abashinzwe umutekano, nagira Imana nkatahana 500 cyangwa 1000, amarariro akaba ayo”.

N’ubwo abenshi mu bacururiza ku dutaro ari abagore ariko, harimo n’abakobwa. Bamwe muri bo bari no mu matsinda yo kugurizanya y’intambwe ku buryo bafite intego yo kuzareka kubungana udutaro, ahubwo bakagira aho gucururiza hazwi.

Mariya ni umwe muri aba bagore. Yagize ati « mfite gahunda y’uko umwaka utaha wa 2013 uzarangira maze kugira igishoro gifatika, ku buryo nzareka gucururiza mu muhanda, ahubwo nkagira ameza nanjye nkoreraho mu isoko, ahatwikiriye ».

Ubundi ngo igituma bemera bakirirwa bacungana n’abacunga umutekano ni ukubera amikoro make. Mariya ati « nk’ubu hano nza nitwaje ibihumbi bitatu cyangwa bine. Ni byo nzunguza nkabasha gutahana icyo 1000 cyangwa magana atanu. Ntabwo icyo gishoro cyanjye cyambashisha gufata ameza mu isoko ».

N’ubwo bavuga ko babunza ibicuruzwa kubera kubura amikoro yo gufata ibibanza mu isoko, ubuyobozi bw’Akarere bwari bwabashakiye aho gukorera batariha, nyamara banga kujyayo. Kubera iki ?

Mariya ati « hariya mu Rwabayanga baduhaye nta bakiriya bahazaga. Icya mbere ni kure, ikindi hasa nabi, ni mu ndiri y’ibirara, kandi ni no munsi y’ibiti ku buryo ibisiga byanera abakiriya. Kandi abatugurira imbuto ni abasirimu ».

Mu matsinda, abanyamuryango bagena amabwiriza yo gutanga amafaranga, uko azakoreshwa ndetse n’uko inguzanyo zizajya zitangwa. Abenshi mu baturage  bahitamo kwitabira amatsinda kuko aba agengwa n’amategeko bishyiriyeho kandi bagira ikibazo bakabona inguzanyo bitagoranye.

Ayo matsinda usanga afite amazina atandukanye bitewe n’ibikorwa by’ingenzi byahuje abanyamuryango. Hari Ibimina cyangwa Mutuwalite  ku bahana amafaranga, Dutabarane, Dusasirane, Twubakirane, Intambwe n’ayandi.

Nk’uko Niyirera Perpetue wo mu kagari ka Kidahwe, umurenge wa Nyamiyaga, abitangaza, ngo mu matsinda yo kuzigama no kugurizanya abaturage bayiyumvamo kurusha ibigo by’imari iciriritse. Kuko usanga abayibumbiyemo ari abaturanyi cyangwa se abandi bantu bafite igikorwa bahuriyeho.

Ngo mu murenge wa bo usanga abagore benshi bibumbiye mu matsinda ya Dusasirane, afite intego yo kugurirana matora, ariko ku mugabane batanga barenzaho n’ayo kuzigama ku buryo ukeneye kwaka inguzanyo ayihabwa.

Kubera ko abahuriye mu itsinda rimwe baba baziranye neza, imitangirwe y’inguzanyo zaho ntigorana nk’iyo mu bigo by’imari cyangwa mu mabanki. Kubwa  Nishimwe Jeanne wo mu itsinda “Twisungane babyeyi” ryo mu  murenge wa Rukoma, ngo iyo uhuye n’ikibazo bagenzi bawe bahita bakumva vuba kuko baba bazi uko ubayeho.

Akomeza avuga ko ibyo bitandukanye ni uko wajya gutegereza kuvugana n’ushinzwe inguzanyo mu murenge SACCO, akagira igihe cyo kwiga umushinga, kuza gusura ingwate no kukwemerera inguzanyo. Ati “ubwo se ari umwana ukeneye amafaranga y’ishuri yaba atirukanwe?”.

Nyamara ariko, nubwo aba baturage bemeza ko amatsinda abafasha kubitsa no kubona inguzanyo ku buryo bwihuse, ntibirengagiza uruhare ibigo by’imari bigira mu gufasha amatsinda yabo gukora neza.

Nko mu gihe cyo gutanga imigabane mu bwisungane mu kwivuza, amenshi mu matsinda yiyambaje Umurenge SACCO ubaha inguzanyo z’imisanzu y’abanyamuryango ba yo. Ndetse n’amatsinda ya Dusasirane akunze kwitabira Umurenge Sacco ukabaha inguzanyo za matora, abanyamuryango b’amatsinda bakishyura  uko batanze umugabane mu matsinda.

Abantu 483 biganjemo abasaza n’abakecuru bo mu karere ka Ngororero bamaze iminsi basiragira ku biro by’ako karere basaba gufashwa kwishyurwa amafaranga yabo y’imishahara ndetse n’imperekeza batahawe na sosiyete yitwaga SOMERWA (Societe Miniere du Rwanda), yacukuraga amabuye y’agaciro muri aka karere mbere y’uko isimburwa n’andi ma sosiyete na nubu akihakorera.

Aba ni bamwe mu baregera amafaranga yabo

Nkuko aba basaza babivuga, ngo bagiye bashyirwa ku kazi nyuma bukumva barasezerewe cyangwa ikigo kigahindura izina maze bakagenda badahawe imperekeza ndetse bamwe batanahawe imishahara babaga bafitiwe, bamwe bakaba baratangiye gutanga ibirego kuri ibi bibazo kuva mu myaka y’ 1986 ndetse bamwe bakaba baranaregeye inkiko bakaburana ndetse bagatsinda ariko ntibishyurwe.

Nyuma y’uko begereye umuyobozi w’abakozi n’umurimo mu karere ka Ngororero bwana Evariste Barigora maze bakamusaba kubafasha gukurikirana iki kibazo, nawe agasaba minisiteri y’abakozi ba Leta ko yakemura iki kibazo. Mu nama yahuje abo bavuga ko bambuwe ndetse n’iyo minisiteri hakaba habaye impaka zishingiye ku mafaranga abo bantu bishyuwe mu mwaka wa 1991, bo bavuga ko yari amafaranga y’ibirarane ariko minisiteri ikavuga ko hashobora kuba harimo n’amafaranga y’imperekeza kuri bamwe.

Nkuko ayo mafaranga yo mu 1991 bivugwa ko yishyuwe nyuma yo guca mu nkiko, hemejwe ko bagiye gushaha ama listes ayo mafaranga yatangiweho maze abatarishyuwe bagakorerwa urutonde rushya maze bakanatanga ama konti mashya bakoresha ubu kugirango ikibazo cyabo ngo kizakemurwe bitarenze ukwezi k’Ugushyingo uyu mwaka.

Zimwe mu nzego  zikorera mu karere ka Kayonza zirinubira uburyo abashinzwe gusinyira ko amafaranga avanwa kuri konti y’akarere agakoreshwa babidindinza bigatuma hari bimwe mu bikorwa bidakorwa neza uko byateganyijwe bitewe no gutinda kuboneka kw’amafaranga.

Abaherutse guhura n’icyo kibazo ni urwego rw’urubyiruko mu karere ka Kayonza. Umuhuzabikorwa w’inama nkuru y’igihugu y’urubyiruko muri ako karere, CNJR, Uwizeyimana Placide, avuga ko urwego ahagarariye rwasabye amafaranga yari agenewe urubyiruko mu ngengo y’imari kugira ngo akoreshwe ibikorwa by’urubyiruko, ariko amafaranga ntaboneke.

Avuga ko ababishinzwe bavugaga ko nta mafaranga ahari. N’ubwo ariko bakunze kuvuga ko nta mafaranga ahari, ku munota wa nyuma ubwo ingengo y’imari y’umwaka wa 2011/2012 yari iri gusozwa, abahagarariye urubyiruko bamenyeshejwe ko amafaranga yabonetse.

“Twagiye dusaba amafaranga kenshi bakatubwira ko adahari, ariko ingengo y’imari igiye kurangira baratubwira ngo amafaranga yabonetse (…) urumva ko amafaranga nk’ayo rero n’iyo wayabonye ntabwo akoreshwa neza ibyo yagombaga gukora kubera ukuntu aba yaje atunguranye” Uku niko Uwizeyimana yabisobanuriye inama njyanama y’akarere ka Kayonza.

Uwizeyimana avuga ko ayo mafaranga yakoreshejwe mu bikorwa by’amahugurwa y’urubyiruko na yo ataritabiriwe uko byari bikwiye kubera ko abagombaga kuyajyamo batunguwe bigatuma bamwe batayitabira.

Bamwe basanga ikibazo kiri ku bashinzwe gusinyira ko amafaranga yasohotse, kuko ngo “baba basiragiza abakeneye gukora ibikorwa amafaranga aba yaragenewe, bakanga gusinya mu gihe gikwiye”

Umuyobozi w’inama njyanama y’akarere ka Kayonza, Butera K. Jean Baptiste avuga ko inzego zimwe na zimwe zidakwiye kugenerwa amafaranga mu ngengo y’imari y’akarere ngo bibe mu nyandiko gusa, asaba ko amafaranga yajya ahabwa abo yagenewe mu gihe gikwiye kugira ngo akoreshwe ibyo yagenewe.