Tag Archive | "Rwanda nutrition"

m_Kudahabwa akazi bitwaza ngo ntibazi gukora bituma abana babo barangwa n’imirire mibi

Huye: Kudahabwa akazi bitwaza ngo ntibazi gukora bituma abana babo barangwa n’imirire mibi

Tags: , , , , , , ,


m_Kudahabwa akazi bitwaza ngo ntibazi gukora bituma abana babo barangwa n’imirire mibi

Abanyarwanda birukanywe muri Tanzaniya ubu bacumbikiwe mu murenge wa Mbazi, bavuga ko gutungwa n’imfashanyo gusa baterwa no kutabona akazi ngo baronke amafaranga yo kugurira abana ibikenewe, ari byo bituma abana babo barangwa n’imirire mibi.

Mu murenge wa Mbazi, iruhande rw’ikibuga cy’imikino giherereye ahitwa mu Byiza, mu mashuri atacyifashishwa mu myigire, ni ho ubuyobozi bw’uyu murenge bwacumbikiye Abanyarwanda birukanywe mu gihugu cya Tanzaniya.

Urebeye kure abana batoya bafite wagira ngo ni abana beza bafite ibiguru bibyibushye, ariko ubegereye si ko biri: amaguru yarabyimbye, bamwe imisatsi yanatangiye gucurama. Ababyeyi b’aba bana bavuga ko ikibatera kumera gutya ari ibyo kurya babaha.

Uwitwa Gashege yagize ati “: Leta yaduhaye ibyo kurya kandi n’abaturage kimwe n’abandi bagira neza nta ko batagira ngo badufashe. Ariko dufite ikibazo cy’abana b’inshuke n’abonka bagiye kwicwa n’amazi (kunywa amazi kuko batakibona amata )”

Yakomeje agira ati “abantu batuzanira ibigori, umwana ntashoboye kubirya. Nta mafaranga ufite ngo urajya kumugurira amata, wamujyana no kwa muganga bakakubwira ngo ntabwo bamuha amata kuko atarwaye cyane. Tukababaza tuti ese muzayamuha ari uko yarembye?”

Uwitwa Giraneza na we ati “kuva dushyitse ino aha, batwakiriye neeeza! Kabisa nyine ntako batagize. Gusa kuba umuntu atari mu bye ntago bitunganye k’uko umuntu yari asanzwe ameze. Nk’abana barava ku ishuri wamugaburira ibyo wabashije kubona ngo njyewe ndahaze. Wamubaza aho yariye ati ntaho. Wareba ariko ugasanga impamvu yo kutarya ari uko byamunaniye.”

Mukantwari afite umwana w’umwaka n’amezi 7. Umusatsi we watangiye gucurama. Ese we amugaburira iki? Ati “Iyo nabonye nka magana atanu njya mu isoko nkamugurira agatoki naba mfite udushyimbo nkashyiramo nkamugaburira. Njya muha n’igikoma cy’ibigori.”

Ibi byose ngo babiterwa n’amikoro make. Ese ntibabasha kubona akazi ngo babone amafaranga yo guhahira abana ibiribwa birimo intungamubiri? Mukantwari ati “uturaka twe nta n’utwo baduha twebwe. Baravuga ngo twe ntabwo tumenya gukora. Usibye ko ubu haje akazi ko mu muhanda bakakaduha ngo natwe tugerageze dukore.”

 Madamu Christine Niwemugeni, Visi Meya ushinzwe imibereho myiza mu karere ka Huye avuga ko urebye ikibazo cy’imirire mibi aba bana baje bagifite ahubwo ubu ngo cyaragabanutse. Ariko ngo banatangiye kwigisha ababyeyi uko bita ku bana.

Yagize ati « Ntabwo ababyeyi bavuye Tanzaniya baragira imyumvire nk’iyabo baje basanga. Usanga bikiri kure kumenya kubungabunga abana babagenera utwabo ku ruhande. Ubu ni byo turimo tubigisha kandi tubona bizaza.”

 

m_Hakozwe igenzura ku bikorwa byo kurwanya imirire mibi2

Gisagara: Hakozwe igenzura ku bikorwa byo kurwanya imirire mibi

Tags: , , , , , , , , , , ,


Abasenateri bagize komisiyo y’imibereho myiza y’abaturage, uburenganzira bwa muntu n’ibibazo by’abaturage ubwo basuraga akarere ka Gisagara kuri uyu wa 11/06/2014, bagamije kureba ibikorwa byo kurwanya imirire mibi ku bana, basanze ibi bikorwa byarahagurukiwe.

 m_Hakozwe igenzura ku bikorwa byo kurwanya imirire mibi

Umuyobozi w’Akarere ka Gisagara Léandre Karekezi yagaragaje ibikorwa akarere kashyizemo imbaraga bigamije kurwanya imirire mibi birimo gahunda y’inkongoro y’umwana aho abana bahuye n’ikibazo cy’imirire mibi bahabwa amata byibura kabiri mu cyumweru na gahunda y’igikoni cy’umudugudu aho ababyeyi bigishwa guteka ibirimo intungamubiri.

Si ibi gusa kuko hanashyizweho ibikumba aho abaturage borora mu kiraro rusange ariko buri wese akamenya inka ye, ibi bigafasha  kubona umukamo uhagije n’ifumbire yo kongera umusaruro hagamijwe ko bihaza mu biribwa, hakaniyongeraho uturima tw’igikoni duhingwaho imboga.

Kuri ibi bikorwa kandi hiyongeraho ibikorwa byo kwita ku buzima bw’umubyeyi n’umwana kuko ngo bakurikiranwa mu gihe cy’iminsi 1000 kuva umugore asamye, bikaba bifashwamo n’abajyanama b’ubuzima.

Ibi byose kandi binashimwa n’abaturage b’aka karere aho benshi batanga ubuhamya bw’aho bavuye ku bijyanye n’imirire mu ngo zabo ndetse no kuba abana babo bari bafite ibibazo by’imirire mibi barakize.

Nyiramana Jeanne utuye mu murenge wa Kibirizi akaba yararwaje indwara zituruka ku mirire mibi ati “Kwigishwa uburyo bwo gutegura amafunguro afite intungamubiri mu gikoni cy’umudugudu byaramfashije kuko abana babiri nari ndwaje bakize, mbifashwamo kandi no guhorana akarima k’igikoni, izi gahunda zaje ari igisubizo rwose”

Aba basenateri bagize n’umwanya wo gusura abaturage mu mirenge ya Kibirizi na Ndora, baganira n’abaturage bazi neza akamaro k’imboga ndetse no kuba baziteka n’ubwo ari mu gihe cy’izuba.

 m_Hakozwe igenzura ku bikorwa byo kurwanya imirire mibi1

Basura abaturage batunguraga urugo bakabaza abana ibyo bariye, banyuzwe no gusanga abaturage berekana ko bafite uturima tw’igikoni, no gusanga abana bo muri iyo miryango bavuga ko bagaburirwa  imboga mu mafunguro bahabwa.

 m_Hakozwe igenzura ku bikorwa byo kurwanya imirire mibi2

Ubwo yaganiraga n’umwana muto utarageramu ishuri mu kagari ka Muyira, Senateri Niyongana Gallican, yabajije umwana icyo yagaburiwe uyu munsi, umwana ahita amusubiza  agira ati “nariye umuceri n’imboga z’imbwija mama yatetse.”

Iri tsinda ry’abasenateri ryashimye akarere ka Gisagara ku bikorwa bimaze kugerwaho mu kurwanya imirire mibi kandi babashishikariza gukomeza maze imirire mibi igacika burundu dore ko bigaragara ko abasigaranye ikibazo cy’imirire mibi bangana 0,3% mu gihe bari batangiye umwaka bafite abagera kuri 0,6%.

m_Kurwanya imirire mibi bigomba kubamo ubufatanye bw’inzego nyinshi1

Gakenke: Kurwanya imirire mibi bigomba kubamo ubufatanye bw’inzego nyinshi

Tags: , , , , , , , , , , ,


Mu rwego rwo kumenya no kugenzura ibikorwa n’imikorere bya Guverinoma mu bijyanye no kurwanya imirire mibi mu Rwanda, komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage yatangije gahunda yo kureba uko bishyirwa mu bikorwa n’abo bireba.

 m_Kurwanya imirire mibi bigomba kubamo ubufatanye bw’inzego nyinshi

Kuri uyu wa 03 Kamena 2014, itsinda rigizwe n’aba Senateri batatu bo muri komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage yahuye n’abagize komite ishinzwe ishyirwa mu bikorwa ry’ingamba zo kurwanya imirire mibi ku rwego rw’Akarere.

 m_Kurwanya imirire mibi bigomba kubamo ubufatanye bw’inzego nyinshi1

Umuyobozi wungirijwe wa komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage Hon Gallican Niyongana avuga ko Sena ibinyujije muri komisiyo yayo yatangiye igikorwa cyo kumenya uko ingamba zafashwe nuko zirimo gushirwa mubikorwa hamwe n’ibisubizo birimo bigerwaho mu rwego rwo gushyira mubikorwa gahunda zo kurwanya imirire mibi.

Hon Niyongana akomeza avuga ko nubwo hari ibyo bari batarareba ariko hakurikijwe ibiganiro bagiranye  n’abagize komite ishinzwe ishyirwa mubikorwa ry’ingamba zo kurwanya imirire mibi ku rwego rw’Akarere ka Gakenke bitanga icyizere.

Ati “ hari byinshi badusobanuriye ariko hari nibindi byinshi dukeneye kwirebera, gusa dukurikije ikiganiro twagiranye hari ibyo twarangije kubona ndetse binatanga icyizere cyiza mubijyanye n’imikoranire kuko kurwanya ikibazo cy’imirire mibi kugirango ubigereho ni uko habaho inzego nyinshi  zigomba kugira ubufatanye”

Hon Niyongana yongeraho ko imibare baheruka bafite yo mu mwaka wa 2010 yagaragazaga ko imirire mibi ari ikibazo kigihangayikishije mu Rwanda

Ati “ imibare iheruka dufite yo muri 2010 yagaragazaga ko ari ikibazo kigihangayikishije nubwo bwose tumaze igihe inzego zose zarahagurutse kugirango iki kibazo kirwanywe ariko iyo ankete yari yarakozwe muri 2010 yari ikigaragaza ko abo bana bariho”.

Hon Niyongana asoza avuga ko nubwo ikibazo cy’indwara ziterwa n’imirire mibi kirimo kurandurwa ariko hakiri ikibazo kandi gihangayikishije kijyanye no kugwingira kuburyo kigaragaramo imibare iri hejuru.

Umuyobozi w”Akarere ka Gakenke Deogratias Nzamwita avuga ko imibare yo mu mwaka wa 2010 yagaragazaga ko mu Karere ka Gakenke hari abana  bangana 64% bari munsi y’imyaka itanu bagwingiye.

Ati “ ariko iyo tuvuze kugwingira ntabwo ari ukuvuga ko abana bagaragaraho bwaki, ahubwo biba bigaragarira mu mikurire”.

Nzamwita akomeza avuga ko nyuma y’aho iyi mibare ibonekeye bagiye bafata ingamba zikomeye kuburyo abana barwaye bwaki bari mu mutuku ari 14 mugihe abari mu muhondo ari 172 wabateranya ubundi ugashyira kwijyanisha bakaba 0.49% .

Umukozi ufite ubuzima mu nshingano ze mu Karere ka Gakenke Janviere Uwamahoro avuga ko zimwe mu mbogamizi zituma imirire mibi itaranduka burundu harimo imyumvire y’abaturage.

Ati “ ahanini usanga ari kibazo cy’imyumvire y’abaturage aho umuturage yumva ko umwana uri munsi y’imyaka itanu agomba kurya kubiryo bimwe n’iby’ umuntu mukuru yariyeho, ntiyumve ko hari indyo yihariye agomba kugaburira umwana we”.

Gusa ariko Uwamahoro akomeza avuga ko bafashe ingamba zo gukomeza gukora ubujyanama hifashishijwe abajyanama b’ubuzima kurwego rw’umudugudu kuburyo byibura rimwe mu kwezi ababyeyi bafite abana bari munsi y’imyaka itanu bapimwa kugirango barebe uko ubuzima bwabo buhagaze.

komisiyo ya Sena ishinzwe imibereho myiza y’abaturage, uburenganzira bwa muntu n’ibibazo by’abaturage ikaba ifite amatsinda abiri agomba kuzenguruka muturere 14 hamwe n’imirenge 14 yo muburi karere kasuwe. Bikaba biteganyijwe ko iyi gahunda izarangira kuwa 27 Kamena 2014.

NgomaDist

Ngoma: Ababyeyi barasabwa kwirinda indwara z’imirire mibi mu bana

Tags: , , , , , , ,


NgomaDist

Ababyeyi bo mu murenenge wa Kazo ho mukarere ka Ngoma, barakanurirwa konsa abana neza no kwita ku buzima bwabo, babaha indyo yuzuye by’umwihariko mu minsi igihumbi kuva bagisamwa.

Abakozi b’ikigo cy’igihugu cy’ubuzima(RBC) bavuga ko ahanini ikibazo cy’imirire mibi ku bana ikigaragara  muri aka karere gishingiye ku myumvire mibi n’ubumenyi buke kugutegura ifunguro ryuzuye.

Mu gikorwa cyo gukangurira ababyeyi kwita byumwihariko ku buzima bw’abana mu minsi igihumbi kuva bagisamwa, kuri uyu wa 5/5/2014,ababyeyi barimo n’abafite abana bafite ikibazo cy’imirire mibi bo mu murenge wa Kazo bahuye n’abakozi ba RBC n’abafatanyabikorwa babo maze bongera kwerekwa uko bategura ifunguro ryuzuye.

Ibiribwa birimo, ibirayi, ibijumba, ibishyimbo ibitoki imboga, indagara,amagi n’imbuto zitandukanye ni byo byifashishijwe mu kweraka abaturage uburyo hategurwa ifunguro ryuzuye.

Nk’uko byatangarijwe mu biganiro byahawe aba baturage b’umurenge wa Kazo ngo ibi byose umuturage uciriritse abasha kubyibonera gusa ngo ikibazo ni ubumenyi bucye bwa bamwe mu kubitegura cyane cyane ku mafunguro bagenera abana babo.

Kamukama Anatalie umujyanama w’ubuzima mu mudugudu  wa Mpandu mu kagari ka Karama, Ahamya ko ikibazo cy’imirire mibi mu bana bo mu gace atuyemo bagihagurukiye, imwe mu nzira gicyemurirwamo akaba ari umugogoba w’ababyeyi ahatangirwa ubutumwa bukangurira abaturage kwita ku mirire y’abana.

Yagize ati ”Kuva aho dutangirije gahunda y’isafuriya y’umwana mugihe cy’umwaka umwe tumaze, iki kibazo kiragenda gikemuka.”

Amakuru atangazwa n’ubuyobozi bw’akarere ka Ngoma agaragaza ko 0,2% by’abana basuzumwe mu karere ari bo bagaragaweho ibibazo by’imirire mibi, gusa bukaba buvuga ko ishingiro ry’iki kibazo ari imyuvire ikiri hasi kuri bamwe, hakiyongeraho abaturage bimukira muri aka karere bagatangira ubuzima batishoboye.

Ubushakashatsi bwakozwe bwagaragaje ko mu gihe umwana yitaweho mu minsi igihumbi kuva agisamwa bimwogerera ubudahangarwa mu mubiri bikamurinda kugwingira, ibi bikanagira umusaruro mu ishuri atangiye kwiga.

Mu butumwa bushimangirwa muri ubu bukangurambaga bw’ikigo nyarwanda cy’ubuzima RBC n’abafatanyabikorwa bacyo barimo Inama y’igihugu y’abagore, harimo ko ababyeyi bakwiye konsa abana nibura mu mezi atandatu ntacyo babavangiye, bakabona kubaha imfashabere, igikuri nanone akaba ari isuku muri byose.

Gicumbi – Inkongoro y’umwana yabaye igisubizo ku mirire mibi

Gicumbi – Inkongoro y’umwana yabaye igisubizo ku mirire mibi

Tags: , , , , , , , ,


Gicumbi  – Inkongoro y’umwana yabaye igisubizo ku mirire mibi

Inkogoro y’umwana

Nyuma y’aho hatangirijwe gahunda y’ inkongoro y’umwana mu karere ka Gicumbi ababyeyi benshi bemeza ko yabaye igisubizo mu kugabanya indwara zikomoka ku mirire mibi ku bana.

Nshutiyimana Augustin  avuga ko impinduka nyinshi kandi nziza zagaragaye kubana kuko iyi gahunda y’inkongoro y’umwana yaciye indwara zakomokaga kumirire mibi ikanashimangira ubusabane hagati y’imiryango ndetse ngo yatumye benshi mubaturage bamenya akamaro ko korora amatungo arimo n’ inka.

Akomeza  avuga ko gahunda y’inkongoro y’umwana nayo izazamura imibereho myiza y’abaturage mu rwego rwo kongera imirire myiza mubana no kurwanya indwara zikomoka kumirire mibi.

Ati “ umwana wanjye yari yaragwingiye ariko abaturanyi banjye barankamiye mbasha kubona amata yo guha umwana ubu ameze neza nta kibazo.”

Uhagarariye ubworozi mu Karere ka Gicumbi Gashirabake Isidore yashimiye abaturage babashije kumeyera abaturanyi babo inkongoro y’umwana kuko byari mubyo babasabye ubwo bahabwaga inka zo korora.

Yibukije abafite inka ko bakomeza bakajya baha abatoroye amata ndetse ukamirwa na mugenzi we akamufasha kuyitaho  kuko inka kuyorora bisaba kuyitaho kandi  ikenera ibyo kurya byinshi.

Yashimiye abaturage bazirikanye inshingano bahawe yo gufashanya muri gahunda y’inkongoro y’umwana ubu nabo bakaba boroje bagenzi babo asaba n’abazihawe ko bazubahiriza inshingano zo koroza abandi kandi bakita no ku matungo bahawe ariko cyane cyane kuri gahunda y’inkongoro y’umwan bityo bwaki igacika burundu.

m_Imegeri zigereranywa n’inyama kuko nazo zifite intungamubiri1

Imegeri zigereranywa n’inyama kuko nazo zifite intungamubiri

Tags: , , , , , , ,


m_Imegeri zigereranywa n’inyama kuko nazo zifite intungamubiri

Abaturage basoromaga imegeri

N’ubwo imboga zera ku migina zitwa imegeri ziboneka gake abazirya bazigereranya n’inyama z’imboneka rimwe.

Izi mboga iyo zeze usanga akenshi abaturage biganjemo abana bajya kuzica ( Kuzisoroma). Ibi bikaba bikorwa cyane mu masaha ya mugitondo na ni mugoroba. Bamwe mu baturage bo mu mudugudu wa Mirama bagereranya izi mboga nk’inyama. Umukecuru Mukandekezi Donatille atuye mu mudugudu wa Mirama ya 2 twasanze azisoroma. Avuga ko izi mboga z’imboneka rimwe yaziriye kuva kera akiri muto. Kubera uburyohe bwazo uyu mukecuru azigereranya n’inyama.

Mu kuzitegura ngo bifashisha n’ibirungo kimwe n’amavuta bisanzwe byifashishwa mu gutegura inyama. Ibi kandi bishimangirwa na Siboniyo wemeza ko bajya banazigura mu masoko atandukanye mu gihugu. Siboniyo yemeza ko atagura inyama abona imegeri. Aba baturage kandi bavuga ko izi mboga zikungahaye ku ntungamubiri kuko ngo umwana waziriye adashobora kurwara bwaki. Gusa ngo imbogamizi ntiziboneka uretse igihe cy’imvura. Gusa ngo babuze umurama wazo kugira ngo bajye bazihinga dore ko bemeza bazihinga bakazikuramo amafaranga atubutse kuko zikunzwe cyane. Ibi ngo bigaragarira mu kuzica ( Kuzisoroma) aho baba bazitanguranwa.

Doctor Azarias Ruberwa umuganga mu bitaro bya Nyagatare avuga ko imigeri ziri mu bwoko 2. Hari ubwoko bw’imigeri buribwa n’ubutaribwa kuko buba bwifitemo uburozi. Izitaribwa ngo zigaragazwa n’amabara yazo aba atari umweru kimwe n’umutwe wazo uba umeze nk’umutaka ufunze. Naho ngo iziribwa ziba ari umweru kandi umutwe wazo umeze nk’umutaka ufunguye.

m_Imegeri zigereranywa n’inyama kuko nazo zifite intungamubiri1

Iz’umweru zifunguye ku mutwe zibamo intungamubi

Izi ngo zikize ku myunyu ngugu umubiri ukeneye yo mu bwoko bwa Fer na Iode. Doctor Ruberwa akangurira abaturage kurya izi mboga kuko intungamubiri zazo zihuye n’iziboneka mu bihumyo n’amafi. Abaturage bafite ikibazo cy’imirire itari myiza ngo byaba byiza bariye izi mboga z’imegeri. Ubundi ngo imegeri ni ibiryo by’inkende.

m_Abamurika ibyabo mu Burasirazuba barakangurira abaturage kwitabira imirire myiza

Abamurika ibyabo mu Burasirazuba barakangurira abaturage kwitabira imirire myiza

Tags: , , , , , , ,


m_Abamurika ibyabo mu Burasirazuba barakangurira abaturage kwitabira imirire myiza

Nyagatare: Gufata neza amazi ava ku mazu yabo agakoreshwa mu buhinzi kimwe no kutangiza imyanda ahubwo bakayihindura ifumbire, ni bimwe mu nama zikomeye ziri kugirwa abaturage muri rusange mu imurikagurisha riri kubera mu ntara y’Iburasirazuba.

Ni nyuma y’uko bamwe mu bamurika ibikorwa byabo batagarukira mu kugurisha gusa, ahubwo banigisha n’abaturage hagamijwe imirire myiza. Nanone ariko bigaragara ko iri murikagurisha rititabiriwe cyane ugereranije n’iry’umwaka ushize.

Ku munsi wa gatatu w’imurikagurisha, abamurika bararushanwa kwigarurira abakiriya. Hamwe mu hamurikirwa ibintu binyuranye (stands)  hashinzwe indangururamajwi bigamba ibikorwa byabo. Abatazifite nabo bagerageza kuvuga cyane basobanurira abaturage ubwiza bw’ibikorwa byabo.

Umwihariko ni aho abavuzi gakondo banigisha abaturage kurya neza. Uku kurya neza bigisha abaturage ahanini bishingiye ku buhinzi bw’imboga n’ubw’ibihumyo. Imwe muri stands z’abavuzi gakondo yateguye akarima k’igikoni kitwa « byose » aho amazi ava ku nzu akanyura munsi w’uwo murima ifumbire ikaba umwanda ushyirwa muri uwo mwobo. Aha abaturage bakaba bagirwa inama yo gufata neza amazi ava ku mazu yabo kuko yakwifashishwa mu buhinzi cyane ubw’imboga.

Bamwe mu bamurika baturutse ahatari mu ntara y’uburasirazuba bavuga ko baje muri iri murikagurisha kugira ngo bereke abaturage bo muri iyi ntara ibyo bakura mu byo baba babagurishije.

Ucururiza uruganda rukora ifu rwa Minimex yemeza ko bazanye ifu iva mu bigori bakura mu burasirazuba kugira ngo abaturage baho bumve uburyohe bwayo bityo barusheho kongera umusaruro wabyo n’uruganda rubibone ku bwinshi.

Uyu nawe ashishikariza abaturage kongera umusaruro w’ibigori no kubihunika neza kugira ngo bizagere ku isoko bigifite ubuziranenge bwuzuye. Amasitande acuruza ibinyobwa ari nayo yitabirwa cyane kurusha ayandi, usanga baba bateguye ababyinnyi kugira ngo bashimishe abakiriya babo kimwe no gukurura abandi.

Iri murikagurisha ribera mu karere ka Nyagatare rizamara iminsi 10, gusa bigaragara ko rititabiriwe cyane kuko ku myanya 120 yari yateguriwe abamurika, igera ku 10 abo yagenewe ntibitabiriye.

m_Ngororero district celebrates World Food Day through nutrition classes

Ngororero district celebrates World Food Day through nutrition classes

Tags: , , , , , , , ,


istrict celebrates World Food Day through nutrition classes

Residents being taught how to prepare nutritious food

Residents of Ngororero district were taught how to prepare nutritious meals by officials from Rwandan Agricultural Board, Ministry of Health and Ministry of Agriculture.

The training coincided with the celebrations of the world Food Day which was marked on Friday the October 18, 2013.

World Food Day is celebrated every year around the world in October in honor of the date of the founding of the Food and Agriculture Organization of the United Nations in 1945.

The day is celebrated widely by many other organisations concerned with food security, including the World Food Programme. The World Food Day theme for 2013 was “Sustainable Food Systems for Food Security and Nutrition”

Ngororero district is among the most affected by malnutrition in the country so, the lessons were timely in order to raise awareness and teach the residents how to prepare a balanced diet.

The residents were taught how to prepare oil free vegetables, and were told of foods with more nutrients. The list includes cabbages, carrots, green beans and fruits among others.

“Teaching residents will help the efforts to fight malnutrition. It’s not that people can’t afford balanced meals, it’s the ignorance about what’s good for the body that results to malnutrition many times,” said Clotilde Nyiraneza, The Mayor of Ngororero District.

m_Ngororero district celebrates World Food D ay through nutrition classes

Children and other vulnerable group of people were fed with milk and food

Children, nurses, expectant mothers and the elderly were fed with milk and nutritious food at the function.

Rwandan districts are working on reducing malnutrition among children in a national campaign that will last 1000 days. The district has about 386 children mildly affected by malnutrition and 121 children gravely affected by malnutrition and kwashiorkor.

Abana bato baragaburiwe

Ngororero: Abaturage bigishijwe uko bategura amafunguro

Tags: , , , , , , , , ,


Abakozi batandukanye baturutse mukigo cy’Igihugu gishinzwe ubuhinzi n’ubworozi RAB hamwe n’abafatanyabikorwa ba minisiteri y’ubuhinzi n’ubworozi ndetse n’iy’Ubuzima bigishije abaturage bo mu karere ka Ngororero uburyo bukoreshwa mugutegura amafunguro afite intungamubiri.

Mu gihe bamwe mu baturage barwaza indwara ziterwa n’imirire mibi bavuga ko biterwa no kutagira ibiribwa bihagije, banagaragarijwe ko hari n’ababigira ariko ntibabashe kubitegura kuburyo bigirira akamaro ababirya.

Abana bato baragaburiwe

Abana bato baragaburiwe

Kimwe mubyagaragariye abaturage ni nko guteka imboga aho bamwe bigishijwe kuziteka hadakoreshejwe amavuta, mugihe bo bari bazi ko amavuta ari ngombwa burigihe muguteka. Banasobanuriwe ibiribwa bashobora kugabura ari bibisi cyangwa ibyo bateka bikaribwa bidahiye cyane kuko aribwo bigira akamaro nk’amashu, imiteja n’ibindi.

Umuyobozi wungirije ushinzwe imiberehomyiza y’abaturage mu karere ka Ngororero madamu Nyiraneza Clotilde nawe witabiriye icyo gikorwa akaba avuga ko amasomo babonye bazafasha ababyeyi kuyageza kuri bagenzi babo, bityo bagafatanya kurwanya imirire mibi.

Ababyeyi n’abasheshakanguhe nabo bahawe kumafunguro bateguye

Ababyeyi n’abasheshakanguhe nabo bahawe kumafunguro bateguye

Muri icyo gikorwa, hanagaburiwe abana bato, ababyeyi batwite kimwe n’abonsa ndetse n’abageze muzabukuru, bose basangiye amata hamwe n’amafunguro byateguriwe aho bose birebera.

Gahunda zo kurwanya imirire mibi zikomeje mu karere ka Ngororero, ubu kakigaragara mo abana bafite indwara ziterwa n’imirire mibi aho abagera kuri 386 bari mwibara ry’umuhondo naho 121bakaba babarirwa mwibara ry’umutu bivuga ko barembejwe n’izo ndwara.

 

Imirire mibi yafatiwe ingamba

Ngororero: Imirire mibi yafatiwe ingamba

Tags: , , , , ,


Imwe mu mihigo igihugu cy’ urwanda kigomba kwesa muri rusange no mu Karere ka Ngororero by’umwihariko ni ukurwanya imirire mibi. Uburyo iyo mirire mibi yaranduka burundu muri Ngororero ni ingingo nyamukuru yibanzweho mu nama yahuje inzego z’ubuhinzi, iz’imibereho myiza, iz’ubuzima kuri uyu wa kane tariki ya 10/10/2103.

“Twite ku mihigo tuyese ariko ntitwibagirwe n’izindi gahunda zifasha abaturage kuva mu bukene”. Ayo ni amagambo yavuzwe na Bwana MAZIMPAKA Emmanuel, Umuyobozi w’Akarere wungirije ushinzwe  iterambere ry’Ubukungu aho asaba ko imirire mibi yacika burundu mu karere ka Ngororero, igihe buri wese abishyizemo imbaraga.

 Bwana Mazimpaka avuga ko bagiye gushaka abafatanyabikorwa bahagije mukurandura burundu ikibazo cy’imirire mibi (Eradication of malnutrition) aho guhora bahanganye nacyo.

Imirire mibi yafatiwe ingamba

Kumenya gutegura amafunguro afite intungamubiri ni kimwe mubyigishwa ababyeyi

Zimwe mu ngamba zafashwe muri urwo rwego ni nko gushyiraho uturima tw’igikoni tw’ikitegererezo ku murenge ku kagari no ku mudugudu, kumenya ingo zifite ibibazo by’imirire mibi zigafashwa gukora akarima k’igikoni no korora amatungo magufi, gukumira cyangwa kubyara muri batisimu (hagamijwe kwerekera mumirire) abana bafite ibibazo by’imirire mibi.

 Mubindi Ubuyobozi bw’imirenge bwiyemeje gukoresha abajyanama b’ubuzima na komite zo kurwanya imirire mibi; gukora ubukangurambaga bw’abaturage no kubigisha gukora akarima k’igikoni; Buri rugo rugomba kugira akarima k’igikoni kamwe cyangwa twinshi bitewe n’ubutaka urwo rugo rufite; Gukoresha abajyanama b’ubuzima mu kwigisha abaturage gutegura indyo yuzuye, gutangiza gahunda y’agakono k’umwana bizakorwa kuwa 26/10/2013; buri rugo rugomba korora urukwavu nibura rumwe no guha ingufu komite zo kurwanya imirire mibi ku nzego zose.

Mu mahugurwa yahawe  abateganyijwe kugira uruhare rw hafi mu kurandura imirire mibi, haganiriwe uko ikibazo cy’imirire mibi gihaze mu Karere ka Ngororero, uruhare rw’ubuhinzi n’ubworozi mu kurwanya imirire mibi n’uko bategura indyo yuzuye.

Muri make, ubu mu karere ka Ngororero, kubana 44498 bapimwe ibirebana n’ubuzima bw’imirire, 43991 bari mu ibara ry’Icyatsi bivuga ko ntakibazo cy’imirire mibi bafite, 386 bari mu ibara ry’umuhondo bivuga ko bafite icyo kibazo ariko bidakabije naho 121 bari mwibara ry’Umutuku bivuga ko barembejwe n’imirire mibi.

Related sites

jaguar cars jaguar, jeep, kia