Tag Archive | "Rwanda Nyabihu"

m_Abaturage basanga kwibuka bikwiye kujyana no gufasha abasizwe iheruheru na Jenoside

Nyabihu: Abaturage basanga kwibuka bikwiye kujyana no gufasha abasizwe iheruheru na Jenoside

Tags: , , , , , , , ,


Inkunga abaturage batanga ku bushake  mu gihe cyo kwibuka, ifasha abacitse ku icumu rya Jenoside batishoboye muri byinshi bijyanye n’ubuzima bwabo bwa buri munsi hagamijwe ko barushaho kwiyubaka no kwigira.

Ibi bikaba bigarukwaho na Juru Anastase, uhagarariye IBUKA mu karere ka Nyabihu unashimira cyane abaturage, ku bwitange bagaragaje mu gihe cyo kwibuka umwaka ushize.

Juru avuga ko amafaranga miliyoni 21 n’imisago, ariyo yatanzwe mu gihe cyo kwibuka umwaka ushize. Aya mafaranga,akaba amwe muri yo agera kuri 40% ariyo ari gufasha mu gusana urwibutso ndetse andi akaba yaragiye afasha abacitse ku icumu muri gahunda zitandukanye nko kubagurira inka muri gahunda ya girinka, n’izindi gahunda zibafasha gutera imbere.

Uwamwiza Claudine, umunyamabanga nshingwabikorwa w’akagari ka Jaba, Avuga ko aya mafaranga yagiye atangwa ku bushake muri gahunda yo gufasha abacitse ku icumu rya Jenoside mu karere ka Nyabihu yagize akamaro gakomeye ku buryo byageze no mu kagari ayobora.

Uwamwiza avuga ko hari abacitse ku icumu bo mu kagari ke bakemuriwe bimwe mu bibazo bari bafite. Muri bo hari abaguriwe inka muri gahunda ya Girinka, hari abaguriwe amatungo amwe n’amwe ndetse anongeraho ko hari n’abasaniwe amazu, yongeraho ko bari banafite na gahunda yo kubakira ubwiherero bamwe.

Iyi nkunga itangwa a asanga ifite akamaro kanini  mu rwego rwo gufasha abacitse ku icumu rya Jenoside  kwiyubaka no kwigira.Iki gitekerezo akaba agisangira na Ingabire Alexandre,umwe mu baturage batuye mu karere ka Nyabihu.

Ingabire avuga ko igihe cyo kwibuka kimufasha kongera gutekereza kuri Jenoside yabaye mu Rwanda n’ingaruka zitandukanye yateje. Bikamufasha gutuma aharanira ko itazasubira ukundi.

Anongeraho ko kwibuka,binamutera gutekereza cyane ku basizwe iheruheru na Jenoside yakorewe Abatutsi,agaharanira kugira icyo yafasha abagifite ibibazo kugira ngo babe bazamuka. Ari nayo mpamvu asanga gufasha abacitse ku icumu rya Jenoside batishoboye bigira akamaro kanini mu mibereho yabo ya buri munsi kikaba na kimwe mu bibafasha kwigira.

m_Abaturage basanga kwibuka bikwiye kujyana no gufasha abasizwe iheruheru na Jenoside

Aha ni imbere mu Rwibutso rwa Mukamira,uhagarariye IBUKA muri aka karere Juru Anastase yanyerekaga imwe mu mirimo iri kurukorwaho kandi 40% y’amafaranga yatanzwe n’abaturage mu gihe cyo kwibuka umwaka ushize ari gufasha mu gusana uru rwibutso

Uretse uhagarariye  IBUKA mu karere ka Nyabihu Juru Anastase ushimira abaturage ku bwitange  n’ubwitabire bagaragaje mu gihe cyo kwibuka umwaka ushize, n’umuyobozi w’akarere ka Nyabihu wungirije ushinzwe imibereho myiza y’Abaturage Sahunkuye Alexandre ashimira cyane abaturage ku bwitange n’umutima w’ubushake bagaragaje mu gihe cyo kwibuka umwaka ushize.

Avuga ko inkunga batanze yagize akamaro kanini mu kuvugurura urwibutso no gufasha abacitse ku icumu rya Jenoside batishoboye mu kubasanira amazu, kubagurira inka n’ibindi. Aboneraho gusaba abaturage kwitabira cyane gahunda ziteganijwe muri ibi bihe byo kwibuka.

Umwaka ushize ubwitabire bw’abaturage bukaba bwari buri kuri 98% mu karere ka Nyabihu. Bikaba byifuzwa ko uyu mubare warenga muri uyu mwaka,aho twibuka ku nshuro ya 20 Jenoside yakorewe abatutsi mu Rwanda. Insanganyamatsiko y’uyu mwaka ikaba igaruka ku kwibuka ariko twiyubaka.

m_Nyuma y’imyaka 20 Jenoside ihagaritswe, abacitse ku icumu ryayo bafite icyizere cyo kubaho1

Nyabihu: Nyuma y’imyaka 20 Jenoside ihagaritswe, abacitse ku icumu ryayo bafite icyizere cyo kubaho

Tags: , , , , , , , ,


Mu gihe urwanda n’isi hitegurwa kwibuka ku nshuro ya 20 Jenoside yakorewe Abatutsi mu Rwanda, bamwe mu bacitse ku icumu rya Jenoside basanga byari bigoye kumenya uko bazabaho Jenoside igihagarikwa kuko nta cyizere bari bafite cy’ejo hazaza.

Kuri ubu, bamwe mu bacitse ku icumu rya Jenoside bo mu karere ka Nyabihu babona ejo hazaza ari heza kandi bavuga ko bagenda batera intambwe mu kwiyubaka no kwigira babifashijwemo na Leta y’ubumwe bw’Abanyarwanda.

Kuba abana be babasha kwiga, bakabona amata,a kaba afite aho aba, kandi akaba akomeje gushakisha ubuzima bwatuma arushaho kwiyubaka, kwigira no kwihesha agaciro ni bimwe mu byo Esperance Uwamaho,umwe mu bacitse ku icumu rya Jenoside yishimira.

Yongeraho ko kubona amata iyo inka yabyaye, abikesha kuba yarahawe inka muri gahunda ya Girinka Munyarwanda,ikigeretse kuri ibyo yaranubakiwe ndetse abana be kuri ubu biga neza.

Ibi byose Uwamahoro avuga ko abikesha ubuyobozi bwiza bwa Leta y’ubumwe,aho idahwema gukora igishoboka cyose ngo Abacitse ku icumu rya Jenoside yakorewe Abatutsi,n’Abanyarwanda bose bave mu bwigunge kandi biteze imbere.

Kuri ubu,mu gihe Uwamahoro atabonaga icyerekezo cy’ubuzima bwe Jenoside igihagarikwa kuko nta kizere cy’ahazaza yari afite,kuri ubu ngo asanga ikizere gihari kandi ejo hazaza hazaba heza. Ibyo akaba abikesha amahoro igihugu gifite,uburyo kiyobowe n’uburyo hashyirwamo ingufu ngo Abaturarwanda bazamuke mu iterambere.

Juru Anastase,ni umuyobozi wa IBUKA mu karere ka Nyabihu. Avuga ko imibereho y’abacitse ku icumu muri rusange ari myiza rwose ugereranije na mbere Jenoside igihagarikwa.

Kuri ubu abacitse ku icumu barubakiwe,abana bararihirwa amashuri,abakecuru b’inshike bitabwaho kandi ngo abacitse ku icumu bamaze guhabwa inka zirenga 180 muri gahunda ya Girinka.

Juru Anastase asangira igitekerezo cyo kubona ko iterambere n’imibereho myiza y’Abacitse ku icumu biri kuzamuka, n’umuyobozi w’akarere ka Nyabihu wungirije ushinzwe imibereho myiza y’abaturage Sahunkuye Alexandre,uvuga ko kuri ubu imiryango igera kuri 331 y’abacitse ku icumu rya Jenoside mu karere ka Nyabihu yose yubakiwe amazu .

m_Nyuma y’imyaka 20 Jenoside ihagaritswe, abacitse ku icumu ryayo bafite icyizere cyo kubaho

Imiryango myinshi y’Abacitse ku icumu rya Jenoside yorojwe inka muri gahunda ya Girinka. Aha ni mu murenge wa Bigogwe,mu kiraro,aho bamwe mu bacitse ku icumu rya Jenoside bororera inka bahawe

Yongeraho ko imiryango myinshi yahawe inka,abana benshi barihirirwa za Kaminuza n’amashuri yisumbuye,inshike zitabwaho,hari abahabwa inkunga y’ingoboka,hari abishyurirwa mitiweli kandi abacitse ku icumu muri rusange kimwe n’abandi Banyarwanda barafashwa kugirango bagere ku iterambere rirambye, barusheho kwiyubaka no kwigira.

Nubwo byinshi mu bibazo abacitse ku icumu rya Jenoside bahura nabyo bigenda bikemurwa,hari na bamwe usanga baba mu mazu akwiriye gusanwa cyangwa kuvugururwa.

Ibindi bibazo bamwe bavuga,ni uko hari abahawe inka barimo abakecuru,ugasanga bahise bakurwa ku nkunga y’ingoboka kandi batishoboye. Aho usanga bamwe bavuga ko ari ikibazo gikomeye kuko inka idahita itanga umusaruro aka kanya.

m_Nyuma y’imyaka 20 Jenoside ihagaritswe, abacitse ku icumu ryayo bafite icyizere cyo kubaho1

Nubwo bimwe mu bibazo byinshi abacitse ku icumu rya Jenoside bagenda bahura nabyo bigenda bikemuka, haracyari ikibazo cya bamwe muri bo basanirwa amazu babamo cyangwa bakavugururirwa

Nubwo mu Rwanda habaye Jenoside yakorewe abatutsi  igasiga ingaruka nyinshi ku gihugu, kubo yakorewe no ku Banyarwanda muri rusange,kuri ubu intambwe yo guharanira ko buri Munyarwanda wese yakwiyubaka irakomeje.

Mu gihe icyunamo kiri hafi gutangira mu Rwanda,aho twibuka abacu b’inzirakarengane  bazize Jenoside yakorewe Abatutsi,buri wese akaba ashishikarizwa kwibuka ariko kandi anaharanira kwigira no kwiyubaka mu rwego rwo kugera ku iterambere rirambye no kwihesha agaciro.

m_Zimwe mu mpamvu zituma abasore bakunze gushaka banyuze iy’ubusamo3

Nyabihu: Zimwe mu mpamvu zituma abasore bakunze gushaka banyuze iy’ubusamo

Tags: , , , , ,


Mukiganiro twagiranye na bamwe mu baturage b’ingeri zitandukanye, badutangarije impamvu bamwe mu basore, rimwe na rimwe bahitamo kwibanira badasezeranye yaba mu nsengero(kiliziya) cyangwa se wenda batanyuze no mu rukiko.

 m_Zimwe mu mpamvu zituma abasore bakunze gushaka banyuze iy’ubusamo

Ibitekerezo nk’ubukene,guta umuco, ubukwe n’inkwano bihenze,kunywa inzoga nyinshi bigatuma bata ubwenge ni bimwe mu byagarutseho na benshi,bituma bamwe bishyingira.

Harerimana Jean de Dieu ni umugabo utuye mu murenge wa Mukamira mu karere ka Nyabihu,avuga ko inkwano ihenze cyane,kuko ushobora kuba ukundana n’umukobwa bakaguca inkwano nini utabona,bikiyongeraho n’ubukwe muba muzakora byose bisaba ubushozi. Bamwe mu basore rero iyo basanze batazabibona kandi bakundana hari abahitamo kwibanira badasezeranye.

 m_Zimwe mu mpamvu zituma abasore bakunze gushaka banyuze iy’ubusamo1

Gusa yongeraho ko muri iki gihe,bitewe  n’ubuyobozi bwiza,ababanye badasezeranye bashishikarizwa gusezerana byemewe n’amategeko ndetse n’abatarasezerana b’abasore bagashishikarizwa kuzabikora mu buryo bwemewe aho kwishyingira.

Kuri Harerimana,ngo iyo umusore n’inkumi basezeranye,buri wese aba ahaye agaciro undi cyane cyane umukobwa. Kuko nk’iyo umugabo agiye gupagasa kure batarasezeranye n’umukobwa,usanga imiryango isigara imutesha agaciro,imwita indaya,nta burenganzira busesuye afite ku by’umugabo we. Ariko iyo basezeranye,buri wese aba abifiteho uburenganzira bungana n’ubw’undi,kandi n’abana bafite uburenganzira ku by’ababyeyi babo.

Mudasunikwa Theoneste wo mu murenge wa Karago mu kagari ka Kadahenda,avuga ko abasore n’abakobwa bakunze kwishyingira ninjoro kubera imyumvire mibi kandi benshi mu babikora bakitwaza impamvu ipfuye y’ubukene,nyamara hari abakene benshi bakora ubukwe buciye mu mucyo.

 m_Zimwe mu mpamvu zituma abasore bakunze gushaka banyuze iy’ubusamo2

Nyamara umukecuru Madeleine Nyirantubure wo mu murenge wa Jenda,we avuga ko nk’umukuru,asanga abana b’iki gihe batagishaka kugendera ku nama n’amabwiriza y’ababyeyi babo. Yewe ko batakinumva n’impanuro zabo. Ibi bikaba bikurura ingaruka nyinshi zirimo no kwishyingira.

 m_Zimwe mu mpamvu zituma abasore bakunze gushaka banyuze iy’ubusamo3

Umukecuru Madalina asanga abana b’iki gihe bumviye ababyeyi babo,bakagendera ku muco kandi bakumvira ubuyobozi byarushaho kuba byiza,kwishyingira byanacika burundu

Yongeraho ko hari igihe abana (umukobwa n’umuhungu)bahurira mu kabari,umuhungu akagurira umukobwa inzoga n’umugati bagasinda,bakabyumvikanaho bakajyana batyo. Ku kirebana n’impamvu y’ubukene, umukecuru Nyirantubure avuga ko iyo mpamvu ipfuye rwose.

Icyo ashingiraho ngo ni uko ubusanzwe mu muco Nyarwanda umuntu adacyuza ubukwe wenyine,abavandimwe n’inshuti n’abaturanyi baramutwerera,ibintu bikagenda neza ntabyifahe wenyine.

Ku nama atanga,ngo igikwiriye urubyiruko rwa none,ni ukurushaho kumvira ababyeyi,bagakurikiza inama n’impanuro zabo n’iz’ubuyobozi,aho guta umuco. Yongeraho ko iyo umukobwa asezeranye n’umusore,bombi baba bihesheje agaciro kandi bakuzuzanya. Bituma n’ababakomokaho bagira uburenganzira ku mutungo w’ababyeyi babo,bityo ntihaboneke ibibazo.

Kuri ubu mu nkiko n’ubujyanama mu by’amategeko,imanza nyinshi usanga zishingira ku mitungo,ubutaka n’izungura. Impamvu zibitera akaba ari uko bamwe bashaka abagore benshi cyangwa bagashakana mu buryo butemewe n’amategeko,bityo bigakurura ibibazo bijyanye n’uburenganzira bw’abana ku mitungo y’ababyeyi babo,abana bihakanwa n’ababyeyi n’ibindi bikunze kubaho.

Mu kubyirinda,gusezerana byemewe n’amategeko bikaba ari inzira nziza ituma bitabaho kandi n’ubwo byabaho,bikaba bikemurwa byoroshye cyane.

m_Bamwe mu baturage basanga umuganda ari isoko y’iterambere rirambye no kwigira3

Nyabihu: Bamwe mu baturage basanga umuganda ari isoko y’iterambere rirambye no kwigira

Tags: , , , , , , ,


Bamwe mu baturage b’akarere ka Nyabihu, basanga umuganda ari isoko y’iterambere rirambye, imiyoborere myiza no kwigira.

m_Bamwe mu baturage basanga umuganda ari isoko y’iterambere rirambye no kwigira

Mudasunikwa Theoneste umwe mu baturage bo mu murenge wa Karago asanga umuganda ari isoko y’iterambere ry’abaturage n’akarere muri rusange kuko ubageza kuri byinshi

Ibi bakaba babitangaje kuri uyu wa 18 Gashyantare 2014, ubwo mu karere ka Nyabihu haberaga igikorwa cy’amarushanwa ku rwego rw’akarere cyateguwe mu rwego rwo kurushaho guteza imbere igikorwa cy’umuganda mu gihugu, gukomeza gushimangira umuco w’abaturage n’ubuyobozi mu kwikemurira ibibazo hadategerejwe ak’imuhana binyuze mu gikorwa cy’umuganda no kwishimira ibikorwa by’iterambere byagezweho binyuze mu gikorwa cy’umuganda   ryabo  n’akarere muri rusange.

Ibi bikaba byagarutsweho na Rudaseswa Eugene, ushinzwe imiyoborera myiza mu karere ka Nyabihu. Aya marushanwa yateguwe ku rwego rw’igihugu akorwa binyuze mu mbyino, mu ndirimbo no mu mivugo, akaba agamije kurushaho gutanga ubutumwa ku baturage mu kwimakaza igikorwa cy’umuganda no kugiha agaciro.

Bamwe mu baturage bo mu mirenge itandukanye mu karere ka Nyabihu bakaba bavuga ko basanga umuganda warabafashije kugera kuri byinshi birimo imihanda, kurwanya isuri mu duce tumwe na tumwe, guca nyakatsi, kwimura abantu bari mu manegeka n’ibindi. Ibi byose bakaba babyishimira kandi bikaba bibatera guha agaciro kurushaho umuganda nk’uko Hakiza Evariste wo mu murenge wa Rugera yabidutangarije.

Ibi kandi bigarukwaho na Nyiracuma Colette wo mu murenge wa Shyira,uvuga ko umuganda wazamuye benshi,harimo abari barasenyewe n’inkangu n’ibiza muri uwo murenge,ku buryo ubu bimuwe,barubakirwa binyuze mu gikorwa cy’umuganda. Gukora imihanda kurwanya isuri haterwa ibiti, hacukurwa imirwanyasuri,n’ibindi bikaba ari ibikorwa by’iterambere abaturage bagiye bageraho binyuze mu muganda.

Mudasunikwa Theoneste utuye mu murenge wa karago mu mudugudu, wa Nkomane akaba avuga ko iri terambere barikesha imiyoborere myiza, aho ubuyobozi bwatekereje umuganda  none ubu ukaba ukorerwamo ibikorwa byinshi by’iterambere ry’abaturage, mu duce tumwe na tumwe abaturage batuyemo.

Mu gukomeza guteza imbere umuganda, kuri uyu wa 18 Gashyantare 2014,hakaba habaye amarushanwa ku rwego rw’akarere avuga ku muganda n’akamaro kawo.

 m_Bamwe mu baturage basanga umuganda ari isoko y’iterambere rirambye no kwigira1

m_Bamwe mu baturage basanga umuganda ari isoko y’iterambere rirambye no kwigira2

m_Bamwe mu baturage basanga umuganda ari isoko y’iterambere rirambye no kwigira3

Binyuze mu marushanwa y’ indirimbo,imbyino n’imivugo abaturage bashishikarijwe kurushaho kumenya agaciro k’umuganda,banasabwa kurushaho kuwitabira no kubishishikariza abigira ntibindeba

Abaje ku mwanya wa mbere kuri buri cyiciro mu byiciro 3 byahatanirwaga birimo imbyino ,indirimbo n’imivugo,bazerekeza I Karongi mu marushanwa ku rwego rw’Intara azaba kuri uyu wa 20 Gashyantare 2013. Abazatsinda muri iri rushwanwa ku rwego rw’intara,bakazarushanwa ku rwego rw’igihugu. Insanganyamatsiko y’aya marushanwa ikaba igira iti “dukore umuganda duharanira kwigira”.

m_Bamwe mu batishoboye bahamirijwe ko bayobowe neza bagabirwa inka zizabafasha kwikura mu bukene

Mukamira-Kintobo: Bamwe mu batishoboye bahamirijwe ko bayobowe neza bagabirwa inka zizabafasha kwikura mu bukene

Tags: , , , , , , , ,


m_Bamwe mu batishoboye bahamirijwe ko bayobowe neza bagabirwa inka zizabafasha kwikura mu bukene

Hagumimana Alphonse umwe mu bahawe inka yavuze ko igiye gutuma abasha kuvugurura imibereho ye n’umuryango we

Mu mirenge ya Mukamira na Kintobo, bamwe mu baturage  bongeye kwerekwa ko bayobowe neza bagabirwa inka zizabafasha kwikura mu bukene. Imiryango 20 ikaba ariyo yagabiwe inka, ku munsi wa kabiri nyuma yo gutangira ukwezi kw’imiyoborere myiza kandi imyinshi mu miryango yagabiwe ni  iyari ituye mu manegeka ikanahimuka.

\Ku munsi wa 2 w’ukwezi kw’imiyoborere myiza, ni ukuvuga mu gicamunsi cyo kuri uyu wa 22 Mutarama 2014, bamwe mu baturage batishoboye barimo nabagiye bava mu manegeka, bongeye guhamirizwa ko Leta y’ubumwe irangajwe imbere na Perezida Paul Kagame ibitayeho.

Ni nyuma y’uko imiryango 20 yorojwe inka muri gahunda ya Girinka, kugira ngo zizayifashe kwizamura no kwikura mu bwigunge, barusheho kwiteza imbere no kwigira babikesha imiyoborere myiza. Mukantwari Aime Chantal utuye mu kagari ka Jaba,avuga ko yari yarahuye n’ibiza bikamutera guhangayika no kwiheba,bitewe n’ubuzima bubi byamusizemo.

Kuba yahawe inka, akaba avuga ko byamuhaye agaciro gakomeye,kandi ko bizatuma abasha kwikura mu bukene.Yongeyeho ko ashima Leta y’ubumwe kubera imyoborere irangwa no kwita ku baturage.

Ibi kandi bishimangirwa na Hagumimana Alphonse,uvuga ko yari yarimutse aho bahinze icyayi hari habi,akaba yari atunzwe no gukorera abandi. Kuba yahawe inka akaba yabifashe nk’iby’agaciro gakomeye cyane.

Umuyobozi w’akarere ka Nyabihu wungirije ushizwe iterambere ry’ubukungu n’Imari mu karere ka Nyabihu yabwiye abaturage bahawe inka kandi ko inka ari ubukungu,bityo rero gufata neza ubwo bukungu bukabyara umusaruro ko ari inshingano zabo.

Yongeyeho ko aho inka igeze hiranga,abasaba gukora uko bashoboye bagakoresha ifumbire bakarushaho kweza ndetse zanabyara bakazanywa amata bakanaziturira bagenzi babo nko kwitura uwabagabiye.Ikindi gikomeye yabasabye ni ugucunga umutekano w’inka bahawe kuko avuga ko hari abasigaye barateye biba inka bakazica ari nayo mpamvu bagomba kuba maso.

Kugeza ubu,izi nka 20 zahawe imiryango 20 itishoboye ndetse imyinshi yanavuye muri High risk zone,zikaba ziyongera kun ka 229 zimaze gutangwa mu karere ka Nyabihu muri uyu mwaka.

Gahunda ya Girinka ikaba yaragiyeho ngo ifashe Abanyarwanda batishoboye kwikura mu bukene no kuvugurura imirire yabo. Impinduka zikaba zigenda zigaragara kubo yagezeho mbere kuko usanga indwara ziterwa n’imirire mibi zitakiharangwa kandi n’ubutaka bwabo bukagira uburumbuke nk’uko bamwe babidutangarije.

m_17, 000 adults are back in class

Nyabihu: 17, 000 adults are back in class

Tags: , , , , , , , , ,


m_17, 000 adults are back in class

Most of the adults have graduated in reading and writing lessons while others are still learning

Eradicating illiteracy among Rwandans is one of the programs that are being emphasized by the Rwandan government. The Western district of Nyabihu has now embarked on putting more efforts to promoting literacy which has resulted into enrollment of more than 17, 000 adults in schools.

The District is also working with Christian churches such as the 7th Day Adventist, the Rwandan Pentecostal Church (ADEPR) and the Catholic Church to find solutions of eradicating illiteracy in the area.

According to Alexandre Sahunkuye the vice mayor for Social affairs in Nyabihu district, the district’s program to eradicate illiteracy is part of the Millennium Developmental Goals (MDGs). The district expects to have accomplished the goal in a period of 2015-2020

In the 12 sectors that make up Nyabihu District, there are about 37 adult schools which offer reading, writing and numeracy trainings.

Rwanda is putting much emphasis on education sector all in the bid to eradicate illiteracy and has initiated programs like: The adult education, Education for all for Children with special needs, Nine years and Twelve years basic education programs

m_Ubutaka ni kimwe mu bidukikije n’umutungo kamere ukomeye buri muturage asabwa kubungabunga

Ubutaka ni kimwe mu bidukikije n’umutungo kamere ukomeye buri muturage asabwa kubungabunga

Tags: , , , , , ,


Ibidukikije ni kimwe mu bigize ubuzima bwa muntu. Iyi akaba ariyo mpamvu, kubungabunga ibidukikije ku muntu ubikoze, ari ukwita ku buzima bw’ubikoze n’ubw’abandi bamukikije.

Ibi ni  ibitangazwa n’ushinzwe ibidukikije mu karere ka Nyabihu Karambizi Benjamin, unasaba abaturage kubungabunga ibidukikije mu buryo bwose kuko bigirira akamaro buri wese,uhereye mu mudugudu atuyemo,mu murenge,mu kagari,ku gihugu no ku isi muri rusange.

Benjamin akomeza avuga ko ubutaka bwo ari umutungo kamere na kimwe mu bidukikije abaturage bakwiye kwitaho bikomeye  kuko ari umutungo kamere benshi bashingiraho ubukungu bwabo mu Rwanda.

Bitewe n’agaciro ubutaka bugaragaza ku Banyarwanda benshi, bugashingirwaho  ubukungu n’imibereho ya benshi, ushinzwe ibidukikije mu karere ka Nyabihu arasaba abaturage bose muri ako karere kubufata neza.

Kubufata neza nta kundi,ni ukububungabunga baburinda isuri,bacukura imirwanyasuri aho ikenewe, batera ibiti bivangwa n’imyaka,bakora uko bashoboye ngo bafate amazi akomoka ku mazu yabo n’ibindi bibubungabunga nk’uko Benjamin abigarukaho.

Yongeraho ko, iyo ubutaka bugiye ari ubutunzi buba butakaye kandi butazagaruka bukagenda bukazagirira akamaro abandi batabiruhiye. Ari nayo mpamvu bagomba kubukomeraho,bakabusegasira uko bishoboka kose.

 m_Ubutaka ni kimwe mu bidukikije n’umutungo kamere ukomeye buri muturage asabwa kubungabunga

Kurwanya isuri hasiburwa imirwanyasuri,hakorwa n’ibindi bikorwa byabungabunga ubutaka n’ibindi bidukikije ni kimwe mu byitabwaho Umunsi ku munsi mu karere ka Nyabihu

Mu bihe by’imvura, akarere ka Nyabihu ni kamwe mu dukunze kwibasirwa n’ibiza n’inkangu kandi bikaba byibasira ubutaka n’ibindi bidukikije.

Kubera iyo mpamvu, gushyira mu bikorwa ingamba zo kurwanya isuri, hacukurwa imirwanyasuri, hafatwa amazi ku mazu, haterwa ibiti bivangwa n’imyaka mu mirima,habungwabungwa ibiyaga,imigezi n’ibindi byashyizwemo ingufu.

Abaturage basanga hari amagambo atagombera ikiguzi kandi akomeye mu gutuma uhawe serivisi anyurwa kandi akishima

Nyabihu: Abaturage basanga hari amagambo atagombera ikiguzi kandi akomeye mu gutuma uhawe serivisi anyurwa kandi akishima

Tags: , , , , , , , ,


Bamwe mu baturage bo mu karere ka Nyabihu basanga amagambo nka murakaza neza, karibu, twabafasha iki, ni iki mudasobanukiwe ngo tubafashe , murakoze n’andi nk’ayo  hari icyo amaze kinini mu mitangire ya serivise nziza no gukomeza umushyikirano hagati y’uyihawe n’uyitanze,bigatuma azagaruka.

Abaturage basanga hari amagambo atagombera ikiguzi kandi akomeye mu gutuma uhawe serivisi anyurwa kandi akishima

Kwakirana yombi abakugana muri serivise utanga,ni bimwe mu bituma iterambere ryihuta

Ibi abaturage bakaba barabigarutseho ubwo twaganiraga tubabaza uko babona imitangire ya serivise mu Rwanda no mu karere batuyemo by’umwihariko.

Ibi bikaba bije mu gihe mu Rwanda, ikigo cy’igihugu gishinzwe iby’ iterambere RDB gisaba abantu batanga serivise zitandukanye hirya no hino mu gihugu,yaba abikorera mu nzego zitandukanye cyangwa abakozi ba Leta aho bakorera hanyuranye,kuzitanga neza,bakakirana yombi n’ ubwuzu ababagana. Iki kigo cyerekana ko gutanga service nziza ari kimwe mu byihutisha iterambere.

Ku kijyanye n’uko abaturage babona imitangire ya serivisi mu Rwanda no muri Nyabihu,bamwe mubo twaganiriye batifuje ko amazina yabo atangazwa badutangarije ko usanga imitangire ya serivise mu bigo bya Leta no ku bakozi babyo usanga igenda itera imbere,ku buryo igenda irushaho kujya ku rwego rwiza.

Gusa ngo nta byera ngo de kuko usanga no mu bakozi ba Leta hataburamo abadakora neza,ugasanga serivisi yari kuguha ntayiguhaye neza,cyangwa arakudindije,rimwe na rimwe ukaba wakwakirwa nabi. Ibyo ariko ngo biba gake mu bigo no mu nzego za  Leta.

Naho ku bijyanye n’uko bakirwa mu bikorera,batangarije ko ho hakiri ikibazo kuko ngo hari hamwe ugera ugasanga barakuringanye cyangwa bagatinda kukwakira,cyangwa se rimwe na rimwe ugasanga banavuga nabi.

Ahatunzwe urutoki na bamwe mu baturage ni hamwe na hamwe mu hahurira abantu benshi nko mu masoko,mu mavuriro,mu masosiyete atwara abagenzi,n’ahandi. Iyo bigeze ku batwara abagenzi bo,abo twaganiriye badutangarije ko hakirimo ikibazo kuko iyo komvuwayeli w’imodoka atagututse usanga barwanira umugenzi bamukurubana,nabyo ugasanga nta gaciro bihesheje utanga serivise ndetse n’uyihabwa.

Ku bijyanye n’icyakorwa ngo imitangire ya serivise ibe myiza kandi izamuke,bamwe mu baturage bavuze ko Leta yafasha abatanga serivice hamwe na hamwe cyane mu bikorera,bakaba bahabwa amahugurwa ku buryo bwo kwakira ababagana “customer care” n’uburyo bakwiye gufatwa.

Ikindi kandi bakerekwa ko isano y’umukiriya cyangwa ukugana itarangirira ku mafaranga aguha n’icyo umuha akeneye gusa, ahubwo yari ikwiye gukomeza ku buryo yanifuza kuzagaruka.

Bongeyeho ko kumwenyurira ukuganye,ukamwakirana yombi n’ubwuzu ndetse ukamubaza icyo akeneye neza ngo n’iby’ingenzi cyane mu gutanga serivise nziza. Imvugo nziza ndetse no gushimira ku mpande zombi yaba uhawe service n’uyitanze bikaba ari byiza.

Bamwe mu baturage batubwiye ko iyo babwiwe neza ,bakakiranwa ubwuzu bataha bishimye kandi bakumva bagize morale yo kuzanagaruka.

Jean Paul,umwe mu batanga serivise  ukorera mu karere ka Nyabihu kandi akaba nawe hari aho ajya ahabwa serivise,akaba yantangarije ko nawe asanga gutanga serivise nziza ari ingenzi cyane,kandi ko iyo akwakiriye ukumva unyuzwe nawe yumva bimushimishije mu kazi ke.

Yongeraho ko kwakira neza umuntu,ukamubwira neza ,nta kiguzi bisaba ari nayo mpamvu asanga buri mukozi yaba uwikorera cyangwa ukora mu nzego za Leta yakagombye kubikora kuko ari ingenzi.

Anastase Juru the coordinator of IBUKA in Nyabihu district

Nyabihu genocide survivors grateful of government support

Tags: , , , , , , , , , ,


The poor and vulnerable 1994 genocide against Tutsis survivors in Nyabihu district are grateful for the material support from the government, having given them accommodation, facilitated them with 24 productive projects involving animal husbandry, crop farming and trading among others for their development.

This was said by Anastase Juru the coordinator of IBUKA in Nyabihu district thanking the support by the government of Rwanda adding that all these projects are already up and operating and are financially supported by The Assistance Fund for Genocide Survivors   (FARG)

Anastase Juru the coordinator of IBUKA in Nyabihu district

Anastase Juru the coordinator of IBUKA in Nyabihu district

Another achievement worth to be commended as Juru said is the properties of the genocide orphans that were taken by other people as well as the properties destroyed during the genocide that are being paid back.

“The social welfare of the genocide survivors is improving by day considering the problems they passed through. Now the children, elderly, and everyone at that have hope and can dream of a better future in development” says Juru.

According to Anastase Juru, Apart from the renovation of old houses that are being worked on and the properties of genocide survivors that are not yet compensated; all other demands of genocide survivors have been met.

 

Nyabihu provides safe accommodation

Nyabihu provides safe accommodation for poor genocide survivors

Tags: , , , , , , , , ,


About 31 vulnerable survivors of Tutsi genocide in Nyabihu District have been given accommodation to ensure better social welfare, according to Jean Bosco Vumera the vice mayor for social affairs in the District.

Nyabihu provides safe accommodation

Jean Bosco Vumera (Vice Mayor)

The 31 houses were constructed in the recent completed economic year 2012/2013 to ensure the genocide survivors good accommodation helping them achieve self reliance.

These houses were constructed in different sectors with poor 1994 genocide survivors. “These houses were completed and in good conditions. They are occupied by the families they were intended for” says Jean Bosco Vumera.

Concerning the issue of the houses for the genocide survivors that need to be renovated, Vumera says the association for genocide survivors FARG has already made a 5 years contract with the reserved forces locally Inkeragutabara to renovate all the houses in poor situations in all the districts of the country.

Vumera says Nyabihu district is preparing to make the contract with the Inkeragutabara forces to renovate the houses in ramshackle state in the district.

According to Anastase Juru the coordinator of Ibuka in Nyabihu district says the well being of the 1994 genocide survivors especially the poor and vulnerable is getting better with time with the government support.

“Moving along with this year’s commemoration theme, the genocide survivors are becoming more and more self reliant and striving for a better future” says Juru.

Apart from supporting the poor and vulnerable genocide survivors, 28 families of the Historically Marginalized group of people were given accommodation.

This is part of the district’s as well as government’s program to develop all the people while eradicating poverty, ensuring self sustainability and good governance to all Rwandans in general.

Related sites

jaguar cars jaguar, jeep, kia