Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

The historically marginalized people in Gakenke district on May 14^th 2013 received the promised radios and cell phones from the ministry of local government in Rwanda.

The fulfilled promise was made by the minister of Local government when the historically marginalized group was attending Itorero in Nkumba last year 2012.

This came as a result of showing their need to communicate with others and stay updated on what is happening in the country.

Handing them to the beneficiaries, MINALOC representative; Aulerie Sindikubwabo explained that the marginalized people showed lack of communication facilities and information on government programs during the minister’s visit to Itorero in Nkumba 2012.

Sindikubwabo highlights: “When the minister visited and got to know of their need, he promised radios and telephones as a way of promoting good governance.”

She added that whoever attended 2012 itorero in Nkumba received a telephone and radio as it was promised.

Ananie Munyemana, one of the beneficiaries denotes “This mobile telephone will help me in my daily work and communicating with my customers.”

Anastase Uwizeyimana added: “I had no radio but have got one. This telephone will assist me to report crimes and suspected criminals to the concerned authorities.”

Comparing to the time before 1994 Tutsi genocide, the lives of the historically marginalized have greatly improved due to government’s efforts to improve its residents’ social welfare.

Historically marginalized like other residents no longer live in grass thatched houses (Nyakatsi), have got cows through Girinka program and are sensitized to form cooperatives to access financial help and develop.

Kuri uyu wa kabiri tariki 14/05/2013, Minisiteri y’Ubutegetsi bw’Igihugu yashyikije abasigajwe inyuma n’amateka  bo mu Karere ka Gakenke  bitabiriye itorero terefone na radiyo basabye kugira ngo babashe kumenya amakuru y’igihugu no gutumanaho n’abandi.

Aulerie Sindikubwabo  watanze  ibyo bikoresho  ahagariye  MINALOC  asobanura ko abasigajwe inyuma n’amateka  bari mu itorero  i Nkumba  mu mwaka ushize bagejeje kuri Minisitiri w’Ubutegetsi bw’Igihugu ikibazo cyo kutamenya amakuru kubera kutagira radiyo na terefone maze abemerera kuzabibaha.

Sindikubwabo agira ati:“  abayobozi barazisuye  (intore)  zigaragaza ko zigira ikibazo cyo kumenya amakuru ndetse no gutumanaho n’abandi, Minisiteri y’Ubutegetsi bw’igihugu abemerera ko nk’intore zimaze kubona amakuru arambuye ku miyoborere myiza y’igihugu..

Ko agiye kuzabaha amaterefone  na radiyo bajye babasha kumva amakuru bamenye aho igihugu kigeze baharanire no gutera imbere nk’abandi Banyarwanda bose.”

Bahawe Radiyo na terefone ndetse n’ibikoresho byayo byose

Akomeza avuga ko abasigajwe inyuma n’amateka bose bitabiriye itorero babonye radiyo na terefone, bikaba muri mu rwego rwo kubava mu cyiciro cy’abatishoboye n’izina ry’abasigajwe inyuma n’amateka bakarivaho bakaba nk’abandi Banyarwanda.

Kubera umumaro wa terefone muri iki gihe, bahuraga n’imbogamizi z’itumanaho kugira ngo bavugane n’abantu batandukanye ariko ngo birwanagaho batira abafite terefone.

Abahawe terefone na radiyo  bashimangira ko uretse  ikibazo cyo kumenya amakuru no kuvugana n’abandi gikemutse, ngo izabafasha gukumira ibyaha bitaraba.

Munyemana Ananie  washyikirijwe terefone na radiyo  agira ati: “ Ubu rwose ndishimye nta karadiyo nagiraga  ngo numve amakuru, ako nari mfite kari kagashaje, nta terefone nagiraga kugira numvikane n’abandi byangoraga.

Abajijwe ku cyo terefone izamumarira asubiza ati: “ Ooo!!! (Terefone) izamfasha byinshi. Hari ubwo rimwe na rimwe nakeneraga nko kubona umuntu kugira ngo njye mu kazi ariko bikangora ngize amahirwe tuzaza tuvugana menye aho ari.

Undi wasijwe inyuma n’amateka witwa Uwizeyimana Anastase avuga atya: “ Nta radiyo nagiraga ariko ubu ngiye kumva amakuru…. Iyi terefone, umuntu ashobora gukora amanyanga nkahita mpamagara nk’ubuyobozi, nk’umuntu ashaka kugira undi nabi nkamutabariza, nkakumira icyaha kitaraba.”

Ugereranyije na mbere ya Jenoside yakorewe Abatutsi,  abasigajwe inyuma n’amateka, imibereho yabo yateye imbere kubera imbaraga zashyizwemo n’ubuyobozi. Bubakiwe amazu bava muri nyakatsi, borozwa inka muri gahunda ya Girinka ndetse banakangurirwa kwiteza imbere bibumbira mu makoperative.

About 184 poor and vulnerable residents of Kigembe sector in Gisagara district have been given mattresses as a way to help them eradicate grass made beds; one of many plans of Vision Umurenge Program (VUP).

Improving people’s lifestyles through sleeping well will entice people to work harder to get to development and better social lives.

The affected residents of Kigembe sector in Gisagara district are grateful for the mattresses they were given slightly after getting into new and better houses.

According to Donatille Uwingabiye, the vice mayor for social affairs in Gisagara district, giving mattresses to the poor local people is one of the ways to make them realize that they need to work hard and develop as well as having better social welfare.

“We have already eradicated grass thatched houses in this sector and grasses made beds are also being eradicated. People will sleep well in good houses, this will encourage them to live well and think well about what will develop them” says the vice mayor.

People are not only being given mattresses only, but after getting good houses and good beds, they have to develop explained Franҫois Hakizimana the coordinator of VUP. This is why the money that remained after buying mattresses will be used to buy livestock for each family to own one.

All the people in Kigembe sector that were supposed to get mattresses have so far been provided for. This is one more performance contract realized.

Abatuye Kigembe ho mu karere ka Gisagara batishoboye bagera ku ijana na mirongo inani na bane barishimira matola bahawe ngo zibafashe kuryama heza. Ibi bikaba byarabaye mu rwego rwo guca nyakatsi ku buriri, imwe muri  gahunda za VUP. Kubona aho barara heza bikaba bigiye gufasha aba baturage gutekereza ku byabateza imbere mu rwego rwo gukomeza kugira imibereho myiza.

 Abatuye umurenge wa Kigembe ho mu karere ka Gisagara, nyuma yo gutuzwa neza ubu barishimira gahunda ya dusasirane itumye babona matola, aho imiryango yabaruwe itishoboye igera ku 184 yashyikirijwe matola ikaba igiye kujya iryama heza kandi mu mazu meza.

Nkuko twabitangarijwe n’umuyobozi w’akarere ka GISAGARA wungirije ushinzwe imibereho myiza y’abaturage, UWINGABIYE DONATILLE, guha matela aba baturage bizababera imwe mu nzira zizabafasha gutekereza neza ku byabateza imbere. Ngo ibyo kandi bizatuma bagera ku iterambere rirambye rijyanye n’imibereho myiza yabo.

Ati “Ubu tumaze guca nyakatsi hose kuko iyo ku mazu yo yarangiye kera ntikivugwa ku buririri naho iraciwe muri uyu murenge, abaturage baryamye heza kandi mu mazu meza, ibi bikaba bizajya bibafasha gutekereza neza ibyabateza imbere kuko umuntu uri heza anatakereza neza”

Si izi matola gusa bahabwa rero nk’uko Hakizimana Franҫois uhagarariye ibikorwa bya VUP muri Kigembe abivuga, kuko nyuma yo gutuza hezwa no kuryama heza aba baturage bagomba no kwikenura ariyo mpamvu amafaranga yasigaye bagurirwa matola azavamo amatungo buri rugo rukabona itungo.

Abaturage bahawe izi matela nabo bishimiye cyane iki gikorwa kuko bagiye gukomeza kugira imibereho myiza. Mukamana Mariya aravuga ko mbere yajyaga aryama nabi akabyukana amavunane ariko ubu ngo ntibizongera.

Umurenge wa kigembe kuri ubu uratangaza ko abo wari warabaruye bose ngo bahabwe isaso, bamaze guhabwa matola ntawacikanywe.

Umuyobozi w’akarere ka Burera arahamagarira abanyaburera bose kujya bubaha no guha agaciro inkeragutabara nk’urwego rubafasha kubungabunga umutekano bumva ko ari abantu nk’abandi.

“(inkeragutabara) Bazi uburyo uburyo bwo kurinda umutekano. Ni abantu rero tugomba kumva, ni Aabanyarwanda, ni abana bacu, ni abavandimwe bacu, aho kugira ngo babatererane…” nk’uko Sembagare Samuel umuyobozi w’akarere ka Burera abisobanura.

Uyu muyobozi avuga ko usanga rimwe na rimwe abanyaburera basuzugura urwego rw’inkeragutabara maze inkeragutabara imwe yakora ikosa bakaryititra urwego rwose nyamara ari umuntu umwe warikoze.

Niba inkeragutabara imwe yakoze ikosa ntabwo abantu bakwiriye gufata urwego rwose ngo rwakoze amakosa. Ahubwo ni abantu badufata mu bikorwa by’iterambere nk’uko Sembagare abihamya.

Mu karere ka Burera inkeragutabara zirwanya ibyaha bitandukanye birimo kurwanya “Abarembetsi” bazwiho kwinjiza ikiyobyagwenge cya kanyanga muri ako karere bagikuye muri Uganda.

Abarembetsi ni itsinda ry’abagabo bakwirakwiza iyo kanyanga. Bazwiho kwitwaza intwaro za gakondo zirimo ibisongo, ibyuma, imipanga z’ibindi, mu gihe bagiye kuzana kanyanga muri Uganda.

Nta muturage usanzwe ushobora kubakoma imbere kuko bashobora kumugirira nabi. Inkeragutabara nizo zihangana nabo zikabambura kanyanga ababa bikoreye.

Abarembetsi bijundika izo nkeragutabara, bazitera ubwoba kuburyo bagera naho bazitera mu ngo bagakomeretsa amatungo yazo: ugasanga inka inkeragutabara itunze bayiciye nk’umurizo cyangwa ugutwi.

Umuyobozi w’akarere ka Burera avuga ko ibyo badashobora kubyihanganira kuko byaba ari ukurengera.

Agira ati “Niba hari itungo ryangirijwe mu kagari, mu mudugudu, abo baturiye aho kuba batatabaye bagomba kurigura. Bagashyira amafaranga hamwe bakarigura kandi bakarinda na wa mururage.”

NYAGATARE- Gutanga amakuru ku biyobyabwenge mu nzego zibakuriye ni kimwe mu bikangurirwa abayobozi b’inzego z’utugari n’imidugudu by’umwihariko mu mirenge ihana imbibe n’igihugu cya Uganda.

Ibi byahuriweho n’ubuyobozi bwa Police n’akarere ka Nyagatare kuri uyu wa 8/5/2013 mu gikorwa cyo kumena ibiyobyabwenge byafatiwe mu mirenge itandukanye y’aka karere.

Nk’uko bitangazwa n’ubuyobozi bw’akarere ka Nyagatare ngo ibiyobyabwenge ni byo biza imbere mu mpamvu z’uguhungabana k’umutekano.

Gusa ariko ngo uruhare rwa buri rwego kugeza ku muturage ni rwo rukenewe kugira ngo iki kibazo gicyemuke. Ibi ni ibitangwazwa na Atuhe Sabiti Fred umuyobozi w’aka karere, anashingiye ku ngaruka bigira haba ku mutekano, ubukungu n’ubuzima bw’abaturage.

Icyakora hagamijwe gucyemura iki kibazo ku buryo burambye hatangiye ibiganiro hagati y’u Rwanda na Uganda, kuko kugeza ubu imwe mu mbogamizi ziri ku rugamba rwo kurwanya ibiyobyabwenge ari uko muri iki gihugu hari inzoga zitabarwa mu ibiyobyabwenge kandi ari ho byinhsi bituruka.

Ubuyobozi bwa Police mu karere ka Nyagatare butangaza ko mu gukumira ukwinjira kw’ibiyobyabwenge mu karere ka Nyagatare ingamba zikaze zikwiye gufatwa mu mirenge ihana imbibi n’igihugu cya Uganda by’umwihariko ahantu bigaragara ko bigoye kugenzura ibyinjira mu Rwanda.

Ni byo byasobanuwe na Superitendant Eric Mutsinzi umuyobozi wa police mu karere ka Nyagatare.

Ibiyobyabwenge byamenwe ni litiro 180 za kanyanga y’insukano na toni 2 n’ibiro 900 za Chief warage n’izindi nzoga zo mu masachet kimwe n’ibiro bibiri by’urumogi.

Imiryango ibiri y’abapfakazi batishoboye bacitse ku icumu rya jenoside yakorewe abatutsi mu 1994 ni yo yatoranyijwe ku rwego rw’umurenge wa Gihango mu karere ka Rutsiro kugira ngo yubakirwe muri iki gihe cy’iminsi ijana y’icyunamo, nyuma y’aho iyo miryango yasenyewe n’ibiza birimo inkangu n’umuyaga.

Umwe mu bagomba kwimurwa, akavanwa aho atuye ndetse akubakirwa ni umukecuru witwa Ancile Icyimanizanye w’ imyaka 63 y’amavuko.

Umugabo we yishwe muri jenoside yakorewe abatutsi mu 1994, bakaba bari barabyaranye umwana umwe gusa,  ariko na we aza kwitaba Imana. Icyimanizanye abana mu nzu n’umwana yasigiwe na mukuru we na we witabye Imana.

Inzu ye yugarijwe n’inkangu itwara ubutaka bwo hepfo y’inzu, indi nkangu igasenya umukingo uri haruguru y’inzu, rimwe na rimwe bikitura kuri ya nzu isanzwe ifite ikibazo cyo gusaza.

Mu myaka y’1998 umukingo wo haruguru y’inzu wigeze gucika, witura hejuru y’inzu, urukuta rwo haruguru rurasenyuka biba ngombwa ko hitabwazwa umuganda inzu irongera irasanwa.

Icyimanizanye avuga ko muri iyi minsi ahamuteye impungenge ari hepfo y’inzu kuko hacitse inkangu ikomeye, ubutaka bwamaze kugenda, inzu ikaba isigaye hejuru y’imanga ku buryo afite ubwoba ko inzu ari yo igiye gukurikiraho, dore ko zimwe mu nkuta zayo zatangiye kwiyasa.

Ati : “Iyo hagiye gucika, wumva inzu inyeganyeze, ikazungazunga noneho mu gitondo ngasanga haraye hacitse.”

Inzu y’uwo mukecuru n’ubusanzwe irashaje kuko yubatswe kera kandi n’ibiti by’inkingi imiswa yarabiriye kubera ko harimo umugina w’imegeri. Harimo n’imyobo minini ibamo inzoka kuko rimwe na rimwe azibona zisohokamo.

N’ubwo iyi nzu ifite ikibazo cyo kwibasirwa n’inkangu hamwe no kuba ishaje, uwo mukecuru ntibimubuza kuyijyamo nijoro akaryama.

Ati : “Kubera ko kuba ndiho ari inyongezo Imana yampaye, numva ntacyo bimbwiye njya mu nzu nkaryama.”

Icyakora ngo agize amahirwe akabona abashaka kumuha ubufasha yabasaba kumwubakira bakamukura aho hantu hateye impungenge.

Umunyamabanga nshingwabikorwa w’umurenge wa Gihango, Niyodusenga Jules avuga ko ikibazo cy’uwo mukecuru ubuyobozi bw’umurenge bukizi, akaba ari umwe mu bapfakazi babiri batishoboye bacitse ku icumu rya jenoside bashyizwe kuri gahunda yo kubakirwa.

Umurenge wa Gihango urateganya gusakarira undi muturage witwa Mukankusi Veronese utuye mu kagari ka Murambi wubakiwe inzu n’ikigega gitera inkunga abacitse ku icumu rya Jenoside batishoboye (FARG).

Umuyaga uvanze n’imvura yaguye tariki 25/01/2013 byagurukanye igisenge cy’inzu yubakiwe isakaje amabati, ikaba ari inshuro ya kabiri iguruka kuko ubwa mbere igisenge cyayo cyagurutse ataratangira kuyibamo.

Umurenge ngo uzabubakira uhereye ku nkunga yakusanyijwe mu gihe cy’icyunamo muri gahunda yo kuremera abacitse ku icumu batishobye, hamwe n’imiganda y’abaturage.

Barateganya gusakara inzu ya Mukankusi bakoresheje amategura kubera ko amabati amaze kuguruka inshuro ebyiri. Kumusakarira ngo bigomba gukorwa vuba ku buryo bitarenze tariki 15/05/2013 bizaba byarangiye .

Kubakira Ancile Icyimanizanye byo ngo ntibyoroshye kuko bisaba kumwimura akajyanwa gutura ahandi. Umurenge wabanje gufatanya na we gushakisha ikibanza. Ikigiye gukurikiraho ngo ni ukureba ko imvura igabanuka, noneho umurenge ufatanyije n’abaturage bagatangira kubumba amatafari n’amategura.

Niyodusenga ati : “ Twihaye gahunda ko nibura mu kwa karidwi tuzaba twamaze kumwimura.”

Inkangu n’ibiza bikunze kwibasira akarere ka Nyabihu,mu kubikumira abaturage bakaba basabwa gufata iya mbere no kubigira ibyabo

Akarere ka Nyabihu ni akarere k’imisozi miremire kakaba kagizwe n’imirenge 12, harimo imirenge 8 igizwe n’imisozi ihanamye kandi  irangwa n’ubutaka  bworoshye.

Ibi bituma mu gihe cy’imvura nyinshi,byoroshye ko iyi mirenge ibamo isuri n’inkangu ku buryo byibasira ibikorwa by’abaturage birimo amazu, imyaka, amatungo ndetse na bamwe mu  baturage ubwabo bakaba bahasiga ubuzima . Ingaruka z’ibiza kandi zikaba zigera no ku bikorwa remezo nk’imihanda.

Uretse imirenge 8 igizwe n’ubutaka bworoshye,aka karere karacyafite n’imirenge 4,yo mu gice cy’amakoro, nayo ikunze kuba yakwibasirwa n’ibiza, kuko amazi amanuka muri iyo misozi ashobora kwangiza ibyo ahura nabyo.

Bitewe n’imiterere y’akarere ka Nyabihu,biroroshye ko kakwibasirwa n’ibiza. Umuyobozi w’akarere ka Nyabihu Twahirwa Abdoulatif,tumubajije ingamba bafata ngo bakumire ibi biza,yadutangarije ko hafashwe ingamba nyinshi kandi buri muturage akaba asabwa kubigira ibye ku buryo ingaruka ziterwa n’ibi biza zagabanuka nabyo bikagabanuka.

 Zimwe mu ngamba zafashwe n’akarere,abaturage nabo basabwa kugira izabo ni ibikorwa byokurengera ibidukikije no kurwanya isuri hirya no hino mu mirenge igize aka karere. Gutera ibiti,gucukura ibyobo bifata amazi,gufata amazi ku mazu yabo,gucukura imirwanyasuri no kurwanya isuri mu mirima yabo,kubungabunga ibiti n’ibindi bidukikije by’umwihariko zikaba ari zimwe mu ngamba zafashwe.

Uretse izo ngamba,abaturage bakaba basabwa kwirinda gutura mu duce dukunze kwibasirwa n’ibiza”high risk zone”ndetse n’abatuye ahakunze kwibasirwa bakimuka. Kugeza ubu abagera kuri 300 bakaba bamaze kwimurwa,ariko hakaba hakiri abasaga 680 bakeneye kwimurwa nk’uko Twahirwa Abdoulatif,mayor w’aka karere  yabidutangarije.

Buri muturage w’akarere ka Nyabihu,akaba ashishikarizwa kugira ingamba zafashwe ize no guharanira gufata iya mbere mu guhangana n’ingaruka ziterwa n’ibiza no kugabanya ubukana bwabyo nk’uko umuyobozi w’akarere ka Nyabihu yabigarutseho.

Kuri uyu wa 27/04/2007 mu karere ka Kirehe hakozwe umuganda usoza ukwezi ukaba wakorewe mu kagari ka Kazizi mu murenge wa Nyamugari aho abaturage bafatanyije n’abayobozi b’akarere ka Kirehe, basaniye amazu abaturage bane bacitse ku icumu muri uyu murenge.

Ibyakozwe bikaba birimo guhoma no gusubiriza amazu, gukinga inzu n’amadirishya kurinda inzu amazi, bakaba banacukuye ubwiherero ku batabufite, gahunda ikaba yari ugufasha abarokotse Jenoside yakorewe abatutsi mu mwaka wa 1994.

Mukamana Rosette ni umwe mu basaniwe utuye mu kagari ka Kazizi ho mu murenge wa Nyamugari ni umupfakazi akaba afite imyaka 43, avuga ko byamufashije kuko bari baramwubakiye ariko atazi ko bazaza bakamufasha kuyubaka neza none akaba avuga ko kuba umuganda wamufashije kuyihoma bimushimishije, akomeza avuga ko nibakomeza bakamuha na sima yo gushyira kuri iyi nzu ye bizamufasha kurushaho.

Uyu muturage warokotse Jenoside yakorewe abatutsi mu rwanda akaba avuga ko mu bimufasha harimo no kubona abantu bamwitayeho ibi bikaba bigaragarira mu kuba baje kumusanira inzu,akaba asaba ubufasha mu kuba umuganda wazakomeza ukamufasha no kubaka igikoni hamwe no gutunganya inzu abamo mu buryo bufatika.

Dr.Mukabaramba Alvera Umunyamabanga wa Leta ushinzwe amajyamabere rusange n’imibereho myiza y’abaturage akaba yibukije abitabiriye umuganda wo gusanira abarokotse Jenoside ko bagombe gukomeza kubafasha mu yindi miganda mu rwego rwo kubafasha kugira ngo babeho mu buryo buboneye, anavuga ko ibi bizabafasha kutaba mumazu yabasenyukiyeho,akaba abasaba kuba bakomeza gukora uyu muganda buri cyumweru bafasha abarokotse Jenoside batishoboye.

Umuyobozi w’akarere ka Kirehe Murayire Pritais yibukije abaturage ko kuba bitabiriye ari benshi umuganda wo gufasha abarokotse Jenoside batishoboye ari igikorwa cyerekana ko baba babafashije mu buryo bugaragara, akaba abasaba gukomeza kubitaho babafasha kurangiza gusana amazu yabo anababwira ko akarere kabari hafi mu rwego rw’ubufatanye.

Igikorwa cy’umuganda mu karere ka Kirehe cyibanze ku gufasha abarokotse Jenoside babasanira amazu babukira n’ubwiherero bakaba basaniye abo mu murenge wa Nyamugari akagari ka Kazizi  amazu abarokotse Jenoside bane.

Nyirahabimana Sophie hagati ashimirwa uruhare umugabo yagize mu kurwana kubicwaga mu 1994

Abakozi b’ikigo Nderabuzima cya Mbuye bibukiye Jenoside yakorewe Abatutsi ku rwibutso rushyinguyemo imibiri igera ku bihumbi 16, muri uyu muhango bakaba bashimiye umupfakazi Nyirahabineza Sophie kubera ubutwari umugabo we yagize ashaka gutabara Abatutsi bahigwagwa.

Ngarukiyinka Frederic umugabo wa Nyirahabineza Sophie kubera ko atahigwaga, ubwo ubwicanyi ku batutsi bwatangiraga i Mbuye yarahagurutse agerageza kurengera no gutabara abicwaga kugeza ubwo Interahamwe zimwishe zimuziza kudafatanya nazo no kuzirwanya.

Umupfakazi yasize, nubwo asanzwe afashwa kimwe n’abandi, muri uyu muhango wo kwibuka wabaye tariki ya 26/04/2013 yahawe ihene yo kororana n’inka ze, nk’ikimenyetso cy’uko abarokotse i Mbuye bazirikana ubutwari bw’umugabo we wishwe.

Mukarukundo Jeanne d’Arc warokokeye i Mbuye akaba akora kuri icyo kigo Nderabuzima yatanze ubuhamya bw’inzira y’umusaraba yanyuzemo akagira amahirwe akarokoka, ubu akaba yubatse afite abana babiri kandi afite icyizere cy’ejo hazaza kiganisha mu kwigira.

Habimana Eugene umuyobozi w’agateganyo muri icyo kigo nderabuzima cya Mbuye we mu ijambo rye yavuze ko kwibuka gusa bidahagije ahubwo binakwiye ko abanyarwanda bibuka baremera abacitse ku icumu batishoboye banashimira ababikwiye nka Nyirahabineza.

Nsengiyumva Jean Bosco wari uhagarariye Ministeri y’Ubuzima muri uyu muhango yashimiye abakozi b’ikigo nderabuzima cya Mbuye kuri iki gikorwa bateguye, avuga ko intego yo kwigira igomba kugerwaho kuko iyo umuntu yishoboye ntawaza ngo amuyobye nkuko byakozwe mbere bikageza kuri Jenoside yakorewe Abatutsi.