Tag Archive | "Rwanda people"

Umukuru w’umudugudu udashyira imbaraga mu kurwanya inzoga z’inkorano  akwiye kubisa ababishoboye-Meya Muzuka

Umukuru w’umudugudu udashyira imbaraga mu kurwanya inzoga z’inkorano  akwiye kubisa ababishoboye-Meya Muzuka

Tags: , , , , , , , , ,


Umukuru w’umudugudu udashyira imbaraga mu kurwanya inzoga z’inkorano  akwiye kubisa ababishoboye-Meya Muzuka

Hashize igihe inzego z’ubuyobozi ziyemeza guca burundu inzoga z’inkorano zituma abantu basinda bagakora ibyaha bihungabanya umutekano, nyamara ziranga zikagaragara mu bice bimwe na bimwe byo mu Karere ka Huye.

N’ikimenyimenyi, kuva mu kwezi gushize kwa Gashyantare, mu byaha polisi yo mu Karere ka Huye yakiriye ikabishyikiriza inkiko harimo 14 byo gukubita no gukomeretsa ndetse n’umunani byo gufata abana ku ngufu. Ibi byaha kandi ahanini ngo bikorwa n’ababa banyoye izo nzoga z’inkorano bamwe bita Nyirantare, abandi Muriture, Yewe Muntu, n’andi mazina bitewe n’agace zikorerwamo.

Icyagaragaye ni uko hari uduce usanga twaraciwemo bene izi nzoga, ahandi zikaba zimeze nk’izahabaye akarande. Ibi bituma hari abavuga ko abayobozi bo mu duce zikibonekamo baba babifitemo uruhare, haba mu buryo bwo gukingira ikibaba bene wabo bazenga cyangwa hari amafaranga abazikora babaha.

Umuyobozi w’Akarere ka Huye, Eugène Kayiranga Muzuka, rero avuga ko umuyobozi udashoboye kurwanya bene izi nzoga yakavuyeho agasimburwa n’ubifitiye ubushake.

Agira ati “Nk’umukuru w’umudugudu wagaragara ko mu mudugudu we ziriya nzoga zanze kuhacika,atagaragaza imbaraga zo kuzirwanya, yakabaye abisa abandi, abaturage bakitorera ushoboye, wumva ko abaturage bakwiye kugira umutekano. Kuko umuyobozi utuma ibyaha byiyongera mu mudugudu wabo ntiyakabaye ari we ubayobora.”

Ku bijyanye n’ingamba utugari tukirangwamo bene izi nzoga ngo dukwiye gufata, harimo gufatira urugero ku bashoboye kuzica iwabo. Nko mu Kagari ka Mpare ho mu Murenge wa Tumba, ngo Nyirantare zari nyinshi ariko zaragabanutse cyane.

Uhayobora avuga ko yasanze abazicuruzaga ari abari muri komite nyobozi z’imidugudu. Ngo icyo yakoze ni ukubakuraho. N’ubwo bamwandikiraga impapuro zimutera ubwoba zivuga ko bazamuroga, ngo ntibyamubujije gukora ibyo yagombaga gukora.

Uyobora Akagari Gatobotobo ho mu Murege wa Mbazi, we avuga ko mu gihe gitoya amaze yimuriwe muri aka kagari yarwanyije nyirantare abuza amahwemo abazikora n’abazicuruza. Ngo yifashishaga abo azi bazinywa, akemera akabaha ayo kugura icupa, hanyuma bakaba ari bo bamurangira ubwihisho bazinyweramo.

Indi ngamba yakoresheje, ni ukujya kuzimena atunguranye, ku buryo abazicuruza bajyaga kubona bakabona babaguyeho, batarigeze bagira abababurira. Ngo n’abari muri komite nyobozi y’umudugudu  yasanze bazinywa yabasabye kubireka, ababwira ko uwo bizongera kugaragaraho bazamugaya mu ruhame rw’abaturage kandi ngo byarabaye. Ngo hari n’abo yakuyeho.

Agira ati “twafashe n’icyemezo bamwe tubakuraho, kuko twabonaga ko umuyobozi wanyoye Nyirantare atashobora kuyobora abaturage na we ubwe atabashije kwirwanaho.”

Kudahana by’ukuri abacuruza nyirantare bituma zidacika

Mu mbogamizi abayobozi bakigira Nyirantare mu tugari bayobora bagaragaza, harimo kuba abazenga bafatwa, bagacibwa amande hanyuma bakarekurwa.

Uku kurekurwa ngo gutuma n’abandi bumva ko nta kibazo bazazenga, bagatanga amafaranga baciwe ariko bakikomereza bizinesi, dore ko ngo byagaragaye ko abenga bene izi nzoga zibaha amafaranga menshi :bacibwa amande y’ibihumbi 100 bakabitanga batazuyaje.

Indi mbogamizi ngo ni ukuba hari abazicururiza mu ngo zabo, bamenya ko bagiye kuza gusakwa bagafunga bakigendera, abayobozi bakabura uko babigenza kuko baba batemerewe kwinjira mu nzu z’abaturage ku mbaraga.

 

 

,Rwanda  

Mukamira: Kutagira irimbi rusange ni kimwe mu bibazo bihangayikishije abaturage

Mukamira: Kutagira irimbi rusange ni kimwe mu bibazo bihangayikishije abaturage

Tags: , , , , , , , ,


Mukamira: Kutagira irimbi rusange ni kimwe mu bibazo bihangayikishije abaturage 

Umurenge wa Mukamira ni umurenge urimo igice cy’umujyi cy’akarere ka Nyabihu. Muri uyu murenge,abaturage bakaba binubira ko nta rimbi rusange bafite, bakaba bashyingura mu ngo ku muntu ugize ibyago byo kubura uwe.

Munyakazi Kamana Fidèle, umwe mu baturage avuga ko iyo umuntu apfushije umuntu nta hantu hahari hagenwe hashyingurwa,ahubwo buri wese yishakira aho kumushyingura,aho asanga ari ikibazo gikomeye.

Iki kibazo kandi kinagarukwaho n’ubuyobozi bw’umurenge wa Mukamira nabwo buvuga ko bukizi.

Gahima Kabera Gerard ushinzwe imibereho myiza y’abaturage mu murenge wa Mukamira avuga ko mu murenge wa Mukamira nta rimbi rusange bafite,iki kibazo bakaba bakizi. Kuri ubu avuga ko abaturage bashyingura mu ngo.

Mukamira: Kutagira irimbi rusange ni kimwe mu bibazo bihangayikishije abaturage

Agira ati “mu murenge wa Mukamira nta rimbi rusange tugira,ibyo bikaba byaratewe n’ikibazo cyo kubura ubutaka rusange bwa Leta,ikibazo tukaba twarakigejeje ku karere,mu gihe cya vuba,batubwiye ko bari gushakisha uburyo bagikemura”.

Umuyobozi w’akarere ka Nyabihu wungirije ushinzwe imibereho myiza y’abaturage Sahunkuye Alexandre,avuga ko icyo kibazo kizwi kandi gihari koko kandi uretse ubuyobozi bukibona n’abaturage basaba irimbi cyane.

Yakomeje atangaza ko ari igikorwa remezo kandi cyateganijwe mu gishushanyo mbonera cy’umujyi wa Mukamira.

Agira ati “irimbi rizashyirwa hariya inyuma y’umurenge wa Mukamira. Urahabona kuri ka gasozi k’inyuma,hatari mu makoro.Igisigaye rero bakoze inyigo,barabaze n’amafaranga tugomba kuhishyura,ati ubanza agera muri miliyoni 11”.

Yongeraho ko ibi bikorwa biteganijwe mu ngengo y’imari y’umwaka utaha kuva muri Nyakanga kandi aya mafaranga bazagura ahazashyirwa irimbi akaba ari akarere kazayatanga. Ubutaka rizashyirwaho ni ubwa SOPYRWA,akarere kagomba gutanga ingurane y’amafaranga kuri ubu butaka bwa ha 2.

Ati “ni ahantu hari ikigega cy’amazi,niho hari ubutaka bugera hasi hatari amakoro”. Yongeraho ko bari baratinze kuryubaka kuko nta gishushanyo mbonera cyari cyarabonetse. Kuva cyarabonetse rero rikazubakwa. Avuga ko bazashaka na koperetive izajya irikoreramo nk’uko ahandi bigenda,turashaka ko rizatangira twarayibonye.

Akomeza avuga ko uko ubushobozi buzagenda buboneka, ubuso bw’irimbi buzongerwa.

 

Kamonyi: Abadepite barasaba abayobozi guhagurukira ikibazo cy’isuku nke igaragara mu baturage

Kamonyi: Abadepite barasaba abayobozi guhagurukira ikibazo cy’isuku nke igaragara mu baturage

Tags: , , , , , , , , , ,


Kamonyi: Abadepite barasaba abayobozi guhagurukira ikibazo cy’isuku nke igaragara mu baturage 

Mu ruzinduko intumwa za rubanda zimazemo iminsi 10 ruzenguruka uturere, muri gahunda yo kureba uko gahunda za Leta zishyirwa mu bikorwa; abadepite basuye akarere ka Kamonyi basanze hari ahagaragara ikibazo cy’isuku nke mu baturage.

Tariki 03/2/2014, Ubwo ba depite Mukarugema Alphonsine na Mukakarangwa Clotilde  bagezaga ku bayobozi ibyo babonye mu ruzinduko bakoreye mu mirenge 7 muri 12 igize akarere ka Kamonyi, bagaragaje ko muri rusange ingo basuye zigaragaramo isuku nke.

Ngo hari aho basanze abaturage badafite ibyangombwa bikenewe ku kugira isuku, bigaragaza ko nta muco w’isuku bafite.

Mukarugema aragira ati ”Twagiye tubigaragaza, abayobozi bagomba kugira umwete wo kureba mu ngo z’abaturage niba bafite umusarani, agatanda k’amasahani , inzitiramubu n’ibindi. Kandi bigasaba guhozaho kugira ngo abaturage batirara”.

Kamonyi: Abadepite barasaba abayobozi guhagurukira ikibazo cy’isuku nke igaragara mu baturage

Nyuma yo kugararagarizwa uko iki kibazo cy’isuku nke cyifashe mu mirenge yasuwe, Umuyobozi w’akarere ka Kamonyi, Rutsinga Jacques nawe wemera ko umuco wo kugira isuku utarakwira mu ngo zose zigize akarere, aratangaza ko hagiye gufatwa ingamba zo gukaza ubukangurambaga ku isuku, hifashishwa komite z’isuku n’abajyanama b’iterambere bari muri buri nyumbakumi.

Ubu bukanguraambaga ngo buzajyana no kugenzura uko isuku yifashe mu ngo harebwa urugo ku rundi. Hakarebwa niba buri wese afite ibisabwa mu kubahiriza isuku. Ngo bafite gahunda yo gukora igenzura rya buri munsi kandi rigakorerwa raporo ya cyumweru ku buryo ubuyobozi bw’akarere buzajya bukurikirana uko ikibazo cyifashe ku buryo bwihuse.

Uretse ikibazo cy’isuku abadepite basanze kibangamiye imibereho myiza, hari n’ikibazo cy’abana bake byagaragaye ko  bafite imirire mibi bagaragaye ku bigo nderabuzima. Depite Mukarugema avuga ko hari ababyeyi badafite ubumenyi buhagije ku gutegura indyo yuzuye. Yasabye ko hashyirwa ingufu mu gukora igikoni cy’umudugudu, bagafasha abafite abana kubereka uko bagomba kubagaburira.

 

Karangazi: Gufasha ntibikwiye kuba itegeko ahubwo bibe umuco

Karangazi: Gufasha ntibikwiye kuba itegeko ahubwo bibe umuco

Tags: , , , , , ,


Karangazi: Gufasha ntibikwiye kuba itegeko ahubwo bibe umuco

Umuyobozi wa Airtel n’umuyobozi w’akarere ka Nyagatare bacukura igitaka cy’urwondo.

Gufasha bikwiye kuba umuco aho kuba itegeko. Ibi ni ibyagarutsweho kuri uyu wa 29 Ugushyingo, 2014 mu muganda usoza ukwezi k’ugushyingo ku rwego rw’akarere ka Nyagatare wakorewe mu mudugudu wa Rwabiharamba akagali ka Ndama umurenge wa Karangazi.

Umuganda wakozwe habumbwa amatafari ndetse no kubaka amazu yagenewe imiryango y’abanyarwanda birukanywe Tanzaniya bari mu murenge wa Karangazi. Muri rusange amazu amaze kuzura ni 6 kuri 64 agomba kubakwa.

Karangazi: Gufasha ntibikwiye kuba itegeko ahubwo bibe umuco

Aha abaturage bakataga icyondo cyo kubumba amatafari.

By’umwihariko uyu muganda wari witabiriwe n’abakozi b’ikigo cy’itumanaho Airtel. Umuyobozi wayo ku rwego rw’igihugu Teddy Bullah, yavuze ko impamvu baje kwifatanya n’abaturage ba Karangazi ariko bazi ikibazo gihari kandi nk’abacururiza mu Rwanda bagomba gutanga umusanzu wabo mu gufasha ababaye. Uretse kwifatanya nabo mu muganda, Airtel yanatanze ibikoresho bizifashishwa mu kubumba amatafari ndetse yemera n’inkunga y’amafaranga y’u Rwanda miliyoni 3.

Karangazi: Gufasha ntibikwiye kuba itegeko ahubwo bibe umuco

Airtel yatanze n’ibikoresho byo kubumba amatafari.

Mu butumwa yabagejejeho nyuma y’umuganda, Atuhe Sabiti Fred umuyobozi w’akarere ka Nyagatare yasabye buri wese kumva ko gufasha atari itegeko ahubwo bikwiye kuba umuco. Ngo uyu munsi abafashwa ejo bashobora kuba aribo bafasha ababafashaga.

Karangazi: Gufasha ntibikwiye kuba itegeko ahubwo bibe umuco

Mayor yasabye ko gufasha bikwiye kuba umuco.

Senateri Kalimba Zephilin wari witabiriye uyu muganda yashimye ubwitabire yabonye ndetse avuga ko ibi bigaragaza ko aya mazu ashobora kuzura vuba. Ariko nanone yagarutse ku ihohoterwa ndetse n’icuruzwa ry’abantu birimo kugaragara muri iyi minsi. By’umwihariko yibukije urubyiruko ko rugomba kugira uruhare mu kwamagana iri curuzwa cyane iry’abana b’abakobwa ngo batwarwa mu bihugu byo hanze babeshywa akazi.

Karangazi: Gufasha ntibikwiye kuba itegeko ahubwo bibe umuco

Senateri Zephilin yasabye ko icuruzwa ry’abantu ryagirwamo uruhare n’urubyiruko.

Uyu muganda kandi witabiriye n’urubyiruko rukomoka mu murenge wa Karangazi ariko rutuye I Kigali. Uruhagarariye   nawe yijeje ubuyobozi bw’umurenge ko bagiye gushaka inkunga yo kwishyurira ubwisungane mu kwivuza abantu 100 batishoboye. Ngo bazahera kuri aba banyarwanda birukanywe Tanzaniya. Muri rusange akarere ka Nyagatare kakiriye imiryango 389 igizwe n’abantu basaga 1000. Kuri ubu amazu amaze kuzura ni 84 mu karere kose.

Umwe mubasigajwe inyuma n’amateka wagabiwe inka aravuga icyo yamumariye1

Umwe mubasigajwe inyuma n’amateka wagabiwe inka aravuga icyo yamumariye

Tags: , , , , , , , , , ,


Umwe mubasigajwe inyuma n’amateka wagabiwe inka aravuga icyo yamumariye

Sebaraganda Tadeyo, umwe mu basigajwe inyuma n’amateka batuye mu murenge wa Cyanika, mu karere ka Burera, atangaza ko mu gihe kigera ku myaka ibiri gishize agabiwe inka, yabashije kwikura mu bukene kurusha mbere nta nka atunze.

Umuryango wa Tadeyo ni umwe mu miryango 34 y’abashigajwe inyuma n’amateka batuye mu murenge wa Cyanika, bakuwe mu ishyama ry’ikirunga cya Mubura, mu mwaka wa 2010, muri gahunda yo guca inzu za nyakatsi.

Umwe mubasigajwe inyuma n’amateka wagabiwe inka aravuga icyo yamumariye1

Mu rwego rwo kubatuza hamwe n’abandi banyarwanda ndetse no kubakura mu bukene, aba basigajwe inyuma n’amateka bubakiwe inzu zo kubamo ndetse bagenda banahabwa amatungo atandukanye.

Tadeyo ni umwe mu bagabiwe inka muri gahunda ya Gira Inka.  Akaba yarayigabiwe mu mwaka wa 2012 kuburyo ubu yabyaye ikimasa kikaba cyaranacutse.

Uyu musaza uvuga ko atazi imyaka ye neza, kubera ko ngo irangamuntu ye yayitaye, ahamya ko kuva yagabirwa iyo nka umuryango we ubasha kubona ibiwutunga.

Avuga ko iyo nka imuha amata abana bakayanywa ndetse ikamuha n’ifumbire akayigurisha. Ngo umufuka umwe w’iyo fumbire awugurisha amafaranga y’u Rwanda 1000.

Agira ati “Ifumbire yayo njya nyigurisha, nayigurisha nkabona akajerekani k’ubushera, nkabona uwo mushingiriro (ibishyimbo) wo kurya. Ndagenda nkaguramo ibijumba, nkagura ikilo cy’ibigori  (cy’amafaranga y’u Rwanda 500) nkavanga n’umushingiriro! Ubwo rero asagutse  nkajya kuyanywera. Amata ntabwo nayagurisha bayanywera ubuntu.”

Akomeza avuga ko ikimasa iyo nka ye yabyaye yakizituriye undi muturage utishoboye nk’uko amabwiriza ya Gira Inka abiteganya.

Tadeyo akomeza avuga ko nubwo ageze mu zabukuru abasha gukenura inka ye, ayishakira ubwatsi kugira ngo itananuka. Ngo ntabwo ashobora gusigana n’abana be dore ko ngo batajya banamufasha kuyiragira.

Agira ati “Irya imifumba, ngatsindagira mu mufuka, igasamura, yamara gusamura nkajyenda nkajya kuzana undi mufuka (w’ubwatsi), ubwo ikaba ibaye imifuka ibiri. Nabona irangije (kuyirya) nkajya gushaka indi (mifuka y’ubwatsi) ibiri.

Abashigajwe inyuma n’amateka bo mu karere ka Burera bakomeza kwitabwaho kugira ngo badasigara inyuma mu iterambere. Usibye kugabirwa inka ndetse no kubakirwa inzu hari abagiye bahabwa n’imirima yo guhingamo n’ibikoresho byo mu rugo.

Mu ntangiriro z’ukwezi kwa 10/2014, ubwo Dr. Mukabaramba Alvera, umunyamabanga wa Leta muri minisiteri y’ubutegetsi bw’igihugu (MINALOC), yasuraga abashigajwe inyuma n’amateka batuye mu murenge wa Gahunga, mu karere ka Burera, yasanze batuye ahantu haboneye.

Iyi miryango nayo yamweretse ko yishimira uburyo yakuwe mu mashyamba y’ibirunga, aho yabaga mbere, ikaza gutuzwa hamwe n’abandi banyarwanda. Aho ihamya ko bitabwaho ku buryo bushoboka.

Gusa ariko ikavuga ko munzu ituyemo nta sima irimo ndetse ngo nta n’amashanyarazi bafite. Aho basaba ko ibyo nabyo byabagezwaho.

Dr. Mukabaramba yabwiye abo bashigajwe inyuma n’amateka ko ibyo bibazo bafite nabyo bizakemuka. Gusa yabasabye kwishakamo ibisubizo bakikuramo guhora bategereje inkunga gusa.

Aba banyarwanda ariko basabwa kwishakamo ibisubizo bakikuramo guhora bategereje inkunga gusa.

 

Barasaba gusobanurirwa icyashingiweho mu gutanga rondereza n’utwuma tuyungurura amazi

Nyamasheke: Barasaba gusobanurirwa icyashingiweho mu gutanga rondereza n’utwuma tuyungurura amazi

Tags: , , , , , , , , , , ,


Barasaba gusobanurirwa icyashingiweho mu gutanga rondereza n’utwuma tuyungurura amazi

Bamwe mu baturage batuye mu murenge wa Nyabitekeri barasaba ubuyobozi kubasobanurira icyashingiweho mu gutanga rondereza ndetse n’ibikoresho biyungurura amazi  kuko bavuga ko byahawe abantu  mu buryo budasobanutse kandi budaciye mu mucyo.

abaturage bavuga ko bagerageje kubaza ubuyobozi ariko ntibabashe kubona ibisobanuro by’uburyo ibyo bikoresho byatanzwe.

Bashimande Vincent avuga ko  bajya gutanga ibyo bikoresho babikoze bababwira ko bashingiye ku byiciro by’ubudehe nyamara bakaba baragiye babona bitangwa ndetse bikanahabwa abandi bigaragara ko bishoboye.

Bashimande avuga ko n’ubwo ibyiciro by’ubudehe bidasobanutse hakwiye gukorwa gahunda yatuma buri muturage wese abasha kubona amazi meza  kandi akayanywa ku buryo busukuye , bityo bakaba bakwiye no gusobanurirwa uko ibyakozwe mu gutanga ibyo bikoresho byagenze.

Agira ati “twumvise bavuga ko ibyakozwe byashingiye ku byiciro by’ubudehe, n’ubwo ibyo byiciro twavuze ko bikoze nabi simbona impamvu abandi banyarwanda tudashakirwa natwe uko twabona amazi meza kandi tukayanywa asukuye, ibi birasaba ko dusobanurirwa n’impamvu hari ababa mu cyiciro kimwe bahawe abandi bagasigara nta tombola yabaye”.

Umuyobozi w’akarere wungirije ushinzwe imibereho myiza y’abaturage mu karere ka Nyamasheke, Gatete Catherine, avuga ko bashishikariza abaturage gukoresha amazi meza kandi afite isuku, byatumye gutanga udukoresho dusukura amazi bahera ku bantu batishoboye kuko abishoboye bashobora guteka amazi mu bikoresho byiza .

Kubera ko akarere gafite abatishoboye benshi kandi ibikoresho bikiri bike, byatumye babiha abaturage babikeneye nta kindi bashingiyeho ariko ko n’abasigaye bashobora kuzagerwaho.

Agira ati “twabonye ibikoresho bidakwiye abari mu cyiciro cya mbere n’icya kabiri tubihawe n’umushinga w’abanyamerika, ni umushinga ugikomeza uzagera no ku bandi basigaye, twatanze ibikoresho bisaga ibihumbi 13 mu gihe abagombaga kubihabwa basaga ibihumbi 18, abatagezweho bakwiye kwihangana bagakomeza gukoresha uburyo busanzwe mu gusukura amazi no kuyateka neza babungabunga ubuzima bwabo”.

Gatete ashishikariza abaturage kwibuka guteka amazi kandi bakayabika mu bikoresho bisukuye  cyangwa bagakoresha imiti isukura amazi kugira ngo birinde indwara zituruka ku mwanda, kandi bakitabira gukoresha amshyiga ya kijyambere azatuma barushaho kubungabunga ibidukikije.

 

Imiterere y’akarere ibanagamira gahunda yo kuvana abantu mu manegeka

Rutsiro: Imiterere y’akarere ibanagamira gahunda yo kuvana abantu mu manegeka.

Tags: , , , , , , ,


Imiterere y’akarere ibanagamira gahunda yo kuvana abantu mu manegeka

Kuba akarere ka Rutsiro ari akarere k’imisozi miremire kandi ihanamye ngo bituma abantu batuye ahantu habi habatera kugira impanuka, batabona aho bimurirwa kubera kubura amahitamo.

Ibi ni ibitangazwa n’ushinzwe imicungire y’ibiza mu karere ka rutsiro Aimable Rutagisha, aho avuga ko n’ubwo kuvana abantu mu manegeka cyangwa ahantu hameze nabi bigenda neza ngo hari aho babura amahitamo bitewe n’imiterere y’akarere.

Aimable yagize ati” kwimura abantu ahantu hameze nabi twarabikoze kandi bigenda neza ariko kubera imiterere y’akarere hari aho usanga haragenewe imidugudu n’abantu bahatuye ukabona birabangamye ariko ukabura amahitamo y’aho wabimurira”

Cyokora n’ubwo avuga ibi ngo iyo babonye hameze nabi cyane bafata abaturage bakabacumbikishiriza mu yindi miryango n’ubwo ngo bidakunze kubaho cyane muri aka karerere.

Umwe mu baturage batuye ahantu habi, mu mudugudu wa Nduba akagari ka Congo -Nil mu murenge wa Gihango inzu ye iri mu nsi y’umukingo munini umaze iminsi utengutse ariko Imana igakinga akaboko, yavuze ko igihe amaze ahatuye nta kibazo yari afite ariko aho uwo mukingo utengukiye ngo yatangiye kumva afite ikibazo kuko ngo hari igihe wazagwira inzu cyangwa abana.

Yagize ati” mbere nta kibazo nari mfite ariko ubu bitewe n’uko umukingo watengutse natangiye kumva mfite ikibazo kuko umukingo ushobora kugwira inzu cyangwa abana”

Ushinzwe imicungire y’ibiza abajijwe niba uyu mugabo kimwe n’abandi bakwimurwa yavuze ko bigoye kuko kubona aho babimurira bikunze kuba ingorabahizi kuko ngo ushobora kumwimura aho asanzwe atuye ugasanga aho umujyanye ariho habi kurushaho.

Ubu muri rutsiro abantu bimuwe mu manegeka bamaze kugera ku kigero cya 96 ku ijana ndetse ngo 4 ku ijana gasigaye ngo ni hahantu habangamiwe n’imiterere y’akarere aho babauze ahandi ababashyira.

1024px-GisagaraDist

GISAGARA: Ingeso yo gusabiriza ikwiye gucika burundu mu bafite ubumuga

Tags: , , , , , , ,


1024px-GisagaraDist

Abafite ubumuga mu karere ka Gisagara barasabwa kureka umuco wo gusabiriza, bakagana amakoperative yabashyiriweho aho bashobora gukora imirimo itandukanye igendanye n’ubushobozi bafite.

Mu gihe hirya no hino mu gihugu hakigaragara abantu bafite ubumuga bafite ingeso yo gusabiriza, mu karere ka gisagara naho hari abakigaragara bafite iyi ngeso kandi abatuye aka karere bakemeza ko akenshi atari uko baba badafite imibereho, ahubwo ko ari ingeso n’imyumvire ikiri hasi.

Mukesharugo Asterie utuye mu murenge wa Ndora ati “Erega hari n’uwo usanga adafite ubumuga bwamubuza gukora, ariko ugasanga arasaba, jye rwose hari n’abo mbona baba bafite imiryango ibitaho, bataha bakarya bakaryamaariko ingeso ikanga”

Umuhuzabikorwa w’inama y’ igihugu y’abafite ubumuga mu karere ka Bakundukize Elysé yasobanuye ko uku gusabiriza ku bantu bafite ubumuga hari ahakirimo ikibazo cy’imyumvire, aho usanga kubera ubumuga bafite batakigirira icyizere, bakumva ko byarangiye ntacyo bashoboye kandi ngo hari byinshi byabafasha kubaho.

Akomeza avuga ko abafite ubumuga ubu babumbiwe mu makoperative bakaba bakora kandi bagaterwa inkunga, ariko kandi n’abagifite imyumvire ituma basabiriza bagakomeza kwigishwa.

Umuyobozi w’akarere ka Gisagara bwana Léandre Karekezi nawe avuga ko ibibazo byose by’abafite ubumuga akarere katabyirengagiza kandi ko kabafasha kugirango babashe kujya mu buzima busanzwe nk’abandi .

Ati “Akarere kita ku bako bafite ubumuga ntikazanarekeraho kubafasha, kugirango iyi ngeso yo gusabiriza icike, dukomeza kubahugura kandi tukanabafasha gukora imishinga ibateza imbere”

 

Barasabwa kwita ku nka bahawe kugirango zizagere no ku bandi1

Gisagara: Barasabwa kwita ku nka bahawe kugirango zizagere no ku bandi

Tags: , , , , , , ,


Barasabwa kwita ku nka bahawe kugirango zizagere no ku bandi Barasabwa kwita ku nka bahawe kugirango zizagere no ku bandi1

Abatuye akarere ka Gisagara bamaze korozwa inka barasabwa guha agaciro gahunda ya gira inka maze bose bakibuka ko iryo tungo rigomba kugera no kubandi, bakarifata neza kugirango ryororoke.

Korozanya hagati yabo ngo ntibabikora gusa kuko ari gahunda ya leta, abatuye Gisagara bahamya ko ari n’umuco mwiza umaze kuzamura imibanire yabo ikindi kandi iyi gahunda ikaba inabafasha gutera imbere.

Mushumba Matiyasi na Karori Rugina umuturanyi we yoroje inka mu mwaka ushize, baravuga ko byabyukije umubano uhamye hagati yabo ndetse ubu bose bakaba bamaze kuzamuka mu iterambere kubera iyi gahunda.

Karori ati “Uyu muvandimwe anyoroza nta tungo nagiraga, nta murima weraga kubera kutagira ifumbire mbega ntacyo nagiraga nari umwe utunzwe no guca inshuro no gufunguza ngo ndebe ko nagaburira abana ariko ubu ndahinga nkeza kandi ubu ni n’umuvandimwe tubana hafi tunafashanya n’ibindi kandi twahujwe no korozanya”

Ibi kandi ni ibyemezwa na Mukamana Constance utuye mu murenge wa kansi worojwe muri uku kwezi kwa 10 tuvuyemo, aho avuga ko n’imirire ye n’abana be yari mibi kubera ko nta mata babonaga ariko ubu akaba yizera ko bigiye guhinduka kandi akanatera imbere bivuye kuri iri tungo.

Ati “Inka norojwe n’ababikira ba hano i Kansi yarangobotse cyane kuko nari umuntu uri aho ntagira itungo, abana batajya babona amata, mbega nari umukene pe, ariko ubu ndabibona ko ubuzima bwanjye bugiye guhinduka rwose, nzatera imbere nta kabuza”

Umuyobozi w’akarere ka Gisagara wungirije ushinzwe imibereho myiza Uwingabiye Donatille, nawe ashimangira ko iyi gahunda ifite uruhare runini mu mihindukire y’ubuzima bw’abaturage burushaho kuba bwiza, ariko kandi akabibutsa ko kugirango iyi gahunda izagere kuri bose bagomba kubigiramo uruhare.

Ati “Kugirango ntihazagire ucikanwa n’iyi gahunda y’umukuru w’igihugu ya gira inka, buri muturage worojwe agomba gufata neza inka ahawe kugirango izatange indi maze nawe agire uwo yoroza utaragerwaho, ndetse no mu rwego rwo kurwanya imirire mibi, abafite inka zikamwa bagakamira abatarazibona”

Muri gahunda ya Gira inka mu karere ka Gisagara muri uyu mwaka w’imihigo biteganyijwe ko hazatangwa inka 410, kuri ubu hakaba hamaze gutangwa izigera kuri 237 mu karere hose.

 

m_Kugana ishuri ngo niwo muti ku bibazo bitandukanye by’abasigajwe inyuma n’amateka

Kugana ishuri ngo niwo muti ku bibazo bitandukanye by’abasigajwe inyuma n’amateka

Tags: , , , , , , , ,


m_Kugana ishuri ngo niwo muti ku bibazo bitandukanye by’abasigajwe inyuma n’amateka

Dr. Mukabaramba Alvera, umunyamabanga wa Leta muri minisiteri y’ubutegetsi bw’igihugu (MINALOC), arasaba ubuyobozi bw’akarere ka Burera guhwitura abashigajwe inyuma n’amateka bakagana ishuri ngo kuko ibibazo byabo bitandukanye bizakemuka ari uko urubyiruko rwabo rwize.

Dr. Mukabaramba abwira ubwo buyobozi ko abashigajwe inyuma n’amateka bagomba kuzamuka kimwe n’abandi banyarwanda nta numwe usigaye inyuma. Bakajya hamwe n’abandi kandi nabo bakagana ishuri bakagera no muri za kaminuza.

Agira ati “Mubarebe uko mushoboye. Murebe! Ari uvuyemo (mu ishuri) afite ikihe kibazo? Abuze iki kugira ngo akomeze kwiga? Mugomba kubasubiza ku ishuri. Mugakomeza n’iriya gahunda y’imyuga. Kandi n’uwo muri kaminuza baramurihira, MINALOC itanga amafaranga.”

Akomeza avuga ko abashigajwe inyuma n’amateka bafite ibibazo bitandukanye bituma badindira ntibatere imbere nk’abandi banyarwanda. Ngo ibyo bibazo bizakemuka ari uko urubyiruko rwabo rugannye ishuri.

Agira ati “Ibi bibazo byose dufite byabo tuzashobora kubikemura ari uko urubyiruko rwabo rwize. Rugahindura imyumvire…”

Urubyiruko rw’abashigajwe inyuma n’amateka rwo mu karere ka Burera rugana ishuri ariko nyuma rukarivamo rutaragera no mu mashuri yisumbuye, rukajya kwibera iwabo aho rumwe ruhita rushinga ingo.

Tariki 03/10/2014, ubwo Dr. Mukabaramba yasuraga imiryango 12 y’abashigajwe inyuma n’amateka ituye mu murenge wa Gahunga, mu karere ka Burera, yasanze yarubakiwe amazu, ifite ibigega bifata amazi ndetse yaranagabiwe inka.

Iyi mirayngo nayo yamweretse ko yishimira uburyo yakuwe mu mashyamba y’ibirunga, aho yabaga mbere, ikaza gutuzwa hamwe n’abandi banyarwanda. Aho ihamya ko bitabwaho ku buryo bushoboka.

Gusa ariko ikavuga ko munzu ituyemo nta sima irimo ndetse ngo nta n’amashanyarazi bafite. Aho basaba ko ibyo nabyo byabagezwaho.

Dr. Mukabaramba yabwiye abo bashigajwe inyuma n’amateka ko ibyo bibazo bafite nabyo bizakemuka. Gusa yabasabye kwishakamo ibisubizo bakikuramo guhora bategereje inkunga gusa.

 

Related sites

jaguar cars jaguar, jeep, kia