Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

About 24 families in Gahara sector in Kirehe District have been given iron sheets for roofing after their houses were recently destroyed by heavy rainfall with storms, leading to a disastrous situation. Red cross Rwanda donated this on 24^th.March.2013.

304 iron sheets were given to 24 families

 The heavy rainfall that fell on the 11^th of February 20134 destroyed about 87 houses including 2 cells offices, village offices and schools in Gahara district. The ministry of Disaster Management and Refugee Affairs (MIDIMAR) interfered on the 14^th.Feb.2013 and gave necessary materials to the displaced.

The Kirehe district administration with the support of Red Cross then decided to step in and give iron sheets to 24 families as well as help residents in the community work to build for those whose houses were destroyed by the rain.

The mayor of Kirehe district talking to the people

 Hirariya Nyirahabimana a recipient of iron sheets just like most others says she is grateful for being able to rebuild her house that was destroyed in the rain.

For Fustine Kayiranga who had tried everything to rebuild his house but failed due to financial constraints is grateful for the offer of the iron sheets and is hopeful at the prospects of having a home again.

The mayor of Kirehe district Protais Murayire reminded the displaced people who were given iron sheets to always make strong the roofs and to tie them tightly not to be taken away by strong winds.

The 24 families were given about 304 iron sheets out of 999 needed iron sheets to give all the displaced people homes. Red Cross and Kirehe district say the remaining will also be provided in time for all people to have roofs over their homes.

Ubuyobozi bw’akarere ka Rubavu bufatanyije n’umuryango wa Croix Rouge hamwe n’abavuga rikumvikana bari gukusanya inkunga yo kubakira imiryango 124 yimuwe k’umusozi wa rubavu ikajya gutuzwa mu mudugudu wa kanembwe, aho abatarashoboye kwiyubakira batuye mu mazu mabi.

Mu nkunga imaze gukusanywa igera kuri 1.422.000  z’amafaranga y’u Rwanda ariko igikorwa kikaba gikomeje kugira ngo iyi miryango ivanwe muri burende ituyemo, cyane ko abayituyemo ari imiryango itishoboye igizwe n’abakuze.

Ikibazo cy’imiturire mibi y’abaturage batishoye bimuwe ku musozi wa Rubavu bagatuzwa Kanembwe na Karukogo kimaze iminsi nubwo kitari cyagashakiwe ibisubizo.

Ubuyobozi bw’umuryango wa croix rouge y’u Rwanda butangaza ko uretse no kuba abaturage bafite ikibazo cyo kutagira aho baba, ubu noneho bugarijwe bikomeye n’ikibazo cy’ikiza cy’imvura, kuko muri aka karere ngo bigaragara ko mu mezi arimbere imvura izarushaho kwiyongera.

Umuryango wa Croix Rouge ukaba uvuga ko mu cyumweru cyahariwe ubutabazi, abakorerabushake bazatangira kuzenguruka mu baturage bashaka imfashanyo zo gufasha aba baturage bari mu kaga.

Minisitiri w’intebe asura akarere ka Rubavu taliki ya 15/09/2012 yasuye aba baturage nyuma y’uko abonye amashusho y’imibereho yabo kuri television y’u Rwanda. Asura abaturage akaba yarasabye minisiteri y’ubutegetsi bw’igihugu na MIDIMAR gushaka amabati m’uburyo bwihuse hanyuma akarere kagashaka uburyo kazamurira amazu aba baturage bakabona aho bikinga.

Ubuyobozi bw’akarere ka Rubavu bushinja television y’u Rwanda gukora montage y’amashusho berekanye kuko ngo ababa muri burende ari abapagasi, nubwo batemeranya n’abaturage bayatuyemo bavuga ko babana n’imiryango kandi bahamaze igihe.

Nubwo Kanembwe habarurwa imiryango igera 120 itarashoboye kwiyubakira, habarurwa indi miryango igera ku 170 itarashoboye kujya kuhatura, cyane ko bimurwa bijejwe guhabwa amati ntibayahabwe, ndetse n’imiryango 62 yashoboye kuzamura amazu yabuze isakaro.

Abakorera bushake ba Croix-Rouge, bagaragara mu bikorwa bitandukanye byo gufasha abaturage

Nyuma yo kwigishwa ubutabazi bw’ibanze, abakorerabushake ba Croix-Rouge y’u Rwanda bigishije abaturage uko bajya bitabara igihe bagwiririwe n’impanuka, abaturage baravuga ko bizatuma nta muntu uhura n’ikibazo ngo ni uko habuze muganga.

Abanyamuryango ba Croix-Rouge ibi babikoze igihe bakoranaga umuganda n’abaturage, tariki ya 25/08/2012, basiza aho bazubaka ibyumba bitatu by’amashuri mu murenge wa Kinihira.

Umunyamabanga Nshingwabikorwa w’umurenge wa Kinihira Bwana Uwimana Ernest wari witabiriye uwo muganda yashimye cyane Croix-Rouge y’u Rwanda kubera ibikorwa ikomeje kugaragaza mu karere ka Ruhango, yasabye abaturage ko bajya bakurikiza inama bagirwa kuko zibafitiye akamaro.

Muvara Charles, uhuza ibikorwa by’ ubutabazi bw’ibanze muri Croix-Rouge y’u Rwanda yatangaje ko gahunda yo kwigisha abakorerabushake irimo gukorwa hirya no hino mu gihugu bikaba bigamije gukangurira abaturage kumenya nibura iby’ibanze kugirango bashobore kwitabara igihe bahuye n’impanuka.

Mu kwigisha abari aho yagarutse ku buryo budakwiye abantu bakunze gukoresha bitabara, Aha yagiye atanga ingero nk’aho bakoresha isukari bapfubya uwahiye kandi ituma ahatutumbye haturika.

Aha kandi Muvara yibukije ko umutabazi adasimbura muganga kuko buri gihe aba agamije koroshya ububabare bw’umurwayi kugira ngo bamwihutane bamujyana kwa muganga.

Mu nyigisho zatanzwe nyuma y’umuganda, abaturage bakanguriwe kumenya bimwe by’ibanze mu butabazi bakareka uburyo bajyaga bitabaza bukwiye gucika, kubera ko nta mumaro.

Hari nk’aho uwahiye bamutabaraga bakoresheje ubwoya bw’urukwavu, ibyo bakaba barabyamaganiye kure.

Twagirimana Alexis ni umwe mu baturage bari bitabiriye umuganda yagize ati “inyigisho nk’izi turazikeneye kubera ko impanuka duhura nazo buri munsi. Ibi batweretse tugiye kujya tubyubahiriza”.

Nk’uko Muvara Charles abitangaza, ibi biri no muri gahunda ya Croix-Rouge y’u Rwanda yo gukorera mu dusozi ndatwa aho abaturage bigishwa kwikemurira ibibazo bibabangamiye bo ubwabo babigizemo uruhare.

Nyuma y’uko bari barubakiwe ubwiherero bugasenyuka kubera kudakomera, abaturage bo mu mudugudu wa mbeho mu murenge wa Kibirizi akarere ka Gisagara, bafatanyije n’abagenerwabikorwa n’abanyamuryango ba Croix Rouge Rwanda muri aka karere, kuri uyu wakabiri tariki 31 Nyakanga bakoze umuganda wo kubumba amatafari azubakira ubwiherero abatuye uwo mudugudu.

Abaturage bo muri uyu mudugudu bavuga ko mu myaka 2 ishize bari barubakiwe ubwiherero n’abafatanyabikorwa batandukanye, ariko nyuma bugasenyuka bivuga ko nta gukomera bwari bufite, uyu munsi rero Croix Rouge ikaba yemeye kubafasha hagakorwa umuganda wo kubumba amatafari azabubakira.

Kuba aba baturage batari bagifite ubwiherero buzima, baravuga ko ari ikibazo cyari kibakomereye aho umuntu ngo yajyaga kubujyamo agakingirizaho umwenda cyangwa akabwira umubera hafi, none ngo ni inkunga ikomeye bahawe, nabo ubwo babonye amatafari ngo bazagerageza gushaka uburyo bagenda bisanira.

MUKARUZIGA umwe mu batuye uyu mudugudu wa Mbeho, aratangaza ko n’ubundi hagiye haboneka ibikorwa nk’ibi by’ubufatanye abantu ntacyajya kibananira kuko hakoreshwa igihe gito kandi hagakorwa byinshi. Yavuze ko ashima cyane Croix Rouge yazanye abagenerwabikorwa bayo bavuye mu mirenge itandukanye maze bakabafasha kubumba ndetse anasaba abaturage bagenzi be bo muri uyu mudugudu ko bazanashyirahamwe bagafatanya kwiyubakira ubwiherero buzaramba.

Yagize ati “Ntabwo ari uko biruhije kwisanira ubwiherero ku buryo harinda guhurura abantu baturutse imihanda yakure, ahubwo ni uko tudashyira hamwe ngo twikorere ibyo dukeneye. Urabona ko aba bantu baje none mu masaha abiri hakaba habumbwe amatafari menshi, ni ukuri ni ibyo gushimwa barakoze cyane, abandi rero dusigaye nitureke dushyire hamwe twiyubakire tutarinze kuzongera gutumiza abakure ngo badufashe”

Ku mpungenge zari zihari z’uko hashobora kuzongera hakubakwa ubwiherero budakomeye bityo mu gihe gito bukaba bwakongera bugasenyuka, umuyobozi w’akarere wungirije ushinzwe imibereho myiza mu karere akaba n’umuyobozi wungirije muri Croix Rouge Rwanda ku rwego rw’igihugu wari witabiriye uyu muganda madamu Donatille UWINGABIYE, yavuze ko nta mpungenge zigomba kubaho kuko ubushize hubatse abafatanyabikorwa gusa none ubu ni ba nyir’ubwite bazaba biyubakira ngo bakaba kandi badashobora kwiyubakira nabi.

Madamu Donalle kandi yasabye aba baturage bo muri uyu mudugudu kuzubaka neza bifite isuku kandi bizaramba kugirango nabo bagire ubwiherero busa neza, ndetse abibutsa ko nta mibereho myiza itagira isuku ibaho.

Yagize ati “Ni igikorwa cy’isuku, cy’ingirakamaro kandi cy’imibereho myiza, byaba bibabaje rero hari abantu babayeho nta bwiherero”

Madamu Donatille yashimye abaturage bo muri uyu mudugudu wa Mbeho n’umurenge wa Kibirizi muri rusange ko bafite isuku ku mubiri wabo, abasaba ko mu ngo byaba bityo.

Kuri uyu wa 26 Gicurasi 2012, abanyeshuri b’abakorerabushake ba Croix-Rouge y’u Rwanda muri Kaminuza y’Umutara Polytechnic bahaye abatishoboye bo mu Karere ka Nyagatare mu Murenge wa Nyagatare iyi kaminuza iherereyemo imfashanyo igizwe n’imyambaro, ihene n’amafaranga bifite agaciro k’amafaranga y’u Rwanda ibihumbi magana ane na bitanu.

Abaturage bahawe iyi mfashanyo bashimiye Croix-Rouge kuba idahwema kubaba hafi mu buzima bugoye babamo. Rugangura Fidèle, umwe mubahawe imfashanyo, yakira ihene yashyikirijwe n’umuyobozi wa Croix-Rouge y’u Rwanda ku rwego rw’igihugu, Nzigiye Bernard, n’ubwuzu bwinshi n’ibyivugo yagize ati “Croix-Rouge itwitaho cyane. Aba bana baherutse kunyubakira inzu none dore barananyoroje. Haragahoraho Croix-Rouge.”

Abakorerabushake ba Croix-Rouge bavuga ko imfashanyo bahaye abatishoboye ari iyo bakusanyije mu baturage batuye mu Mujyi wa Nyagatare ibindi bigaturuka ku ruhare rwabo dore ko buri mukorerabushake yatanze amafaranga magana atanu. Nsabimana Olivier, uyobora abakorerabushake ba Croix-Rouge muri Kaminuza y’Umutara Polytechnic yashimiye abaturage bose bitanze bakabafasha gufasha abatishoboye. Yagize ati “ Iyi nkunga ni uku ingana murayihabwa uko imeze ariko ndagirango nshimire mbikuye ku mutima abantu bose badufashije kuyibona.”

Nzigiye Bernard, umuyobozi wa Croix-Rouge y’u Rwanda ku rwego rw’igihugu akaba yashimye iki gikorwa cy’aba bakorerabushake dore ko kaminuza yabo ikiri nshya bityo n’itsinda rya Croix-Rouge riyikoreramo rikaba rikiri rishya. Yagize ati “Iki ni igikorwa cy’indashyikirwa kandi ndabasaba gukomereza aho mukabera abandi urumuri mu guteza imbere umuryango nyarwanda.” Nzigiye Bernard yemereye aba bakorerabushake ba Croix-Rouge kubashakira amahugurwa menshi abongerera ubumenyi n’ubushobozi noneho akabashinga guhugura no gukurikirana amatsinda ya Croix-Rouge y’u Rwanda mu mashuri no mu biturage mu Ntara y’Uburasirazuba.

Naho Nzigiye Egide, umukozi mu nzego bwite za Leta, wari muri uwo muhango ahagararariye umuyobozi w’Akarere ka Nyagatare, yashimiye Croix-Rouge y’u Rwanda ubufasha idahwema guha abaturage b’ako karere aho yagarutse cyane cyane ku mazu bubakira abatishoboye, mu koroza abaturage, kurinda ibidukikije no kurwanya ibiza.

Imfashanyo batanze uyu munsi ikaba yari igizwe n’imyambaro, amafaranga ibihumbi mirongo itatu n’ ihene eshatu. Byose hamwe ngo bikaba byari bifite agaciro k’amafaranga y’u Rwanda ibihumbi magana ane na bitanu.