Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

Umuyobozi w’akarere ka Rubavu Sheikh Bahame Hassan aganira n’aganira n’abaturage

Amafaranga yashyizwe mu gaseke ko gufasha abacitse ku icumu rya Jenoside yakorewe abatutsi mu1994, agera kuri miliyoni 39 atanzwe n’abaturage bitabiriye ibiganiro mu karere ka Rubavu.

Nkuko bigaragazwa n’umuyobozi w’akarere ka Rubavu Sheikh Bahame Hassan ngo abaturage bagize umuhate wo kwitanga kandi bashishikarizwa kumva ko gutanga inkunga bitarangiye kuko ibikorwa byo kwibuka bitarangirana n’icyumweru ahubwo bimara iminsi 100, abaturage bagahamagarirwa gufata mu mugongo abacitse ku icumu no kubaba hafi kubera ibikomere batewe na Jenoside.

Amafaranga yashyizwe mu gaseke yavuye mu mirenge itandukanye, umurenge wa Nyamyumba akaba ariwo washoboye kwesa umuhigo wo gutanga menshi kuko barengeje miliyoni 7 mu gihe iyindi mirenge itarenza miliyoni eshatu, umunyamabanga nshingwabikorwa w’umurenge wa Nyamyumba Habimana Martin akavuga ko impamvu abaturage bitabiriye kuyatanga ari uko banitabiriye  ibikorwa byo kwibuka muri rusange.

Habimana Martin avuga ko mu murenge wa Nyamyumba abaturage bitabiriye ibiganiro mu cyumweru cy’icyunamo kugera kuri 95% kuburyo n’abataraje babaga bagiye ahantu kure, kandi uko baje bakagira inkunga batanga kuko baziko ibyabaye kubaturanyi babo byabashubije inyuma kandi bakwiye gufashwa.

Kuba umurenge wa Nyamyumba uri mu mirenge icyennye, ukaba warashoboye gutanga inkunga nyinshi kurusha imirenge ikize nka Gisenyi ngo byatewe n’uko abaturage bitabira ibikorwa, hamwe mu murenge w’umujyi wa Gisenyi abaturage ntibitabiriye ibiganiro, naho abandi mu gihe cy’icyunamo bigiraga muri Congo bakaza birangiye mu gihe abandi aho kwitabira ibiganiro batahaga mungo zabo.

Iyi ikaba imwe mu mpamvu itangwa yo kuba bataratanze umusanze nk’imirenge ifite abaturage bitabiriye, naho amafaranga yakusanyijwe ngo hagomba kwigwa icyo akoreshwa n’ubwo abaturage bavuga ko yakagarutse mu mirenge agafasha abacitse ku icumu naho ubuyobozi bw’akarere bugashaka ko yakoreshwa mu kubaka urwibutso kuko aka karere gasa n’akadafite urwibutso.

Youths in the field

About 90 youths from Nyanza cell Busasamana sector, Nyanza district started making bricks that they will use to construct a house for an elderly vulnerable woman who has not been having any place to stay.

These youths said that they were going to raise this house to the roof point, and later will get help from the district leadership.

“We work for four days per week and no one misses or comes late yet it’s a volunteer thing”, said one of the youths in the field

All this activities are intended on help find solutions to existing problems that can be dealt with by area residents.

The house these youths are planning to build for the elderly woman called Evaliste Maniraguha will be worth Rwf3million, and she was selected for this because she did not have where to stay, and she does not even have any children.

Maniraguha who is to get the house appreciated  the work done by these youths saying that these are great activities that will help people like her get some place to stay.

“From the different sectors in Nyanza these youths have continued carrying out such activities which is very interesting”, said Florence Kubwimana in charge of such activities in the district.

They have been able to prevent soil erosion, educate people on how to read and write among others”, added on Kubwimana.

In this district there are about 1000 youths doing such activities in the different sectors of the district.

Ikibazo cy’amazi ava ku nzu mu karere ka Rubavu kiragenda cyiyongera mu gihe inzego z’ubuyobozi zishishikariza abaturage gufata ayo mazi mu kurwanya Ibiza no kwita kubidukikije ariko ngo biri no mu rwego rwo kwizigamira.

Mu nama Guverineri w’intara y’uburengerazuba yagiranye n’ubuyobozi bw’akarere ka Rubavu mu kwezi kwa nzeri 2012 yari yasabye ko ubuyobozi bugomba gushishikariza abaturage gufata amazi ava ku mazu kuko agira uruhare mukongera Ibiza kandi hari uburyo bwo kuyafata akaba yanakoreshwa.

Ubuyobozi bw’akarere ka Rubavu bwari bwatangaje ko hari umushinga buri gukorana na Fina banki uzatuma abaturage bashobora kubona ibigega by’amazi bityo kuyafata bikihuta, ariko henshi mu baturage bavuga ko kubona imireko ikomeye hamwe n’ibigega bihenda ndetse na gahunda yo kubona inguzanyo kugira ngo babigure batayimenyeshejwe.

Umwe mubo twaganiriye bavuga ko ahereye kumvura igwa mu karere ka Rubavu ikigega gishoboka kitajya munsi y’ibihumbi 120 kandi ngo kugira ngo azashobore kuyabona biragoye mu gihe afite izindi nshingano zo gukora mu rugo.

Umukozi wa REMA mu karere ka Rubavu Mfitumukiza jean de Dieu avuga ko hakwiye gukorwa ubuvugizi hagakorwa ibigega abaturage bashobora kugira ubushobozi bwo kugura, nkuko abaturage bakwiye gushishikarizwa gufata amazi kuko bitanga ingaruka nziza.

Umuyobozi w’akarere ushinzwe ubukungu n’iterambere mu karere ka Rubavu Buntu Ezechiel avuga ko abaturage bakwiye kumva ko gutega amazi ari inyungu kuribo kuko bigabanya gusenya ndetse ngo biri  no mu kwizigamira kuko abagura amazi ntibongera kuyagura uko bisanzwe, uretse ko avuga ko byafasha ubuyobozi guhangana n’ibiza biterwa n’amazi cyane cyane mu mujyi kuko yangiza n’ibikorwa remezo nk’imihanda.

Bitagenyijwe ko taliki ya 7/3/2013 mu karere ka Rubavu hazatangizwa igikorwa cyo kubungabunga ibidukikije hagamijwe guhangana n’ibiza, gufata amazi ava ku nzu bikaba imwe mubizitabwaho.

Mu karere ka Nyanza abanyeshuli barangije amashuli yisumbuye ubu bari mu mirimo yo ku rugerero mu mirenge itandukanye igize ako karere barayigerereye.

Ibikorwa byo ku rugerero babikora bazi neza ko bifitiye igihugu akamaro

Urubyiruko rugera kuri 90 rukorera mu kagali ka Nyanza ko mu murenge wa Busasamana mu karere ka Nyanza batangiye kubumba amatafari agenewe kubaka inzu y’umwe mu bantu batishoboye bo muri ako gace.

Abo banyeshuli bavuga ko iyo nzu bageneye umuntu utishoboye bazayubaka kugeza mu isakaro hanyuma ubuyobozi bw’umurenge bukaza mu gikorwa cyo kubunganira mu byo badashoboye.

Umwe muri abo bakanyeshuli avuga ko bakora iminsi 4 mu cyumweru kandi muri bo nta muntu ukunze kubura cyangwa ngo aze yakererewe nta mpamvu kuko isaha biyemeje igera bose bahageze. Ati: “ Ibi bitandukanye n’ibyo bamwe bavuga ko tuba twaje badushyizeho agahato”

Ibyo bikorwa bakora bigamije kwigira ndetse no kwishakira ibisubizo by’ibibazo basanga nabo  ubwabo bashobora kubyikemurira nk’uko bakomeza babivuga.

Inzu bateganya kubakira umusaza witwa Maniraguha Evaliste utuye mu kagali ka Nyanza izaba ifite agaciro ka Miliyoni 3 z’amafaranga y’u Rwanda.

Impamvu yatumwe uwo musaza atoranwa mu bandi ngo yubakirwe ngo n’uko yahoze atagira aho aba byongeye nta mwana n’umugore agira ahubwo yarasigaye ari nyakamwe aho araye uyu munsi ejo wagaruka ntuhamubone nk’uko Maniragaba Elysé umunyamabanga Nshingwabikorwa w’ako kagali abivuga.

Agira ati: “ Uyu musaza yari ifite imibereho mibi itamworoheye nicyo cyatumye tumushyira ku rutonde rw’abagomba kubakirwa mu bikorwa by’urugerero none dore imirimo barayigerereye”

Ku ruhande rw’uyu musaza we avuga ko iyo abonye urwo rubyiruko rwahuye rurimo kumwubakira biba ari ibintu bimushishije agira ati: “ Hari ubwo nanjye nyuzamo nkaza nkabicara iruhande tugakora tuganira nkumva ntandukanye n’irungu”

Hirya no hino mu mirenge itandukanye igize akarere ka Nyanza ibikorwa byo ku rugerero birakorwa kandi ibyo bimaze kugeraho birashimishije nk’uko Kubwimana Florence umukozi w’akarere ka Nyanza ushinzwe guhuza ibyo bikorwa nawe abivuga.

Agira ati: “ Hari abiyemeje kurwanya isuri abandi biyemeza kwigisha abantu bakuze gusoma no kwandika byose birimo kugenda neza ku buryo mu mezi atatu ari imbere hari ibizaba bimaze kugerwaho bifatika”

Mu karere ka Nyanza abanyeshuli bari mu mirimo yo ku rugerero bagera ku 1000 bakaba bakora imirimo itandukanye mu mirenge igize ako karere ifite aho ihuriye n’ibikorwa byo gufasha abatishoboye babubakirwa amacumbi, gukangurira abantu kwirinda ubwandu bushya bwa virusi itera SIDA n’ibindi bikorwa by’amajyambere.

Bamwe mubafite ubumuga bw’ingingo bakorera mu karere ka Rubavu binubira inyubako sitabasigira inzira

Abafite ubumuga butuma bagendera mu tugare mu karere ka Rubavu banenga uburyo abubatsi b’amazu y’amagorofa batabazirikana babasigira inzira yo kunyuraho ahubwo bagakora inzira y’ingazi kandi badashobora kuhanyuza utugare rwabo.

Nubwo abafite ubumuga bagendera mu tugare banenga inzu z’amagorofa kubera ko arizo ziri kubakwa cyane mu mujyi wa Gisenyi, bavuga ko n’inzu zisanzwe zitaborohera kuzinjiramo ariko kubera ko zo ziciye bugufi ngo babona ababarenza inganzi kuruta uko kuzamuka ingazi z’amagorofa bitaborohera.

Si inyubako z’abikorera gusa zinengwa kuko hari inyubako za leta zinengwa nk’inyubako z’akarere n’insengero ngo ntizizirikana abafite ubumuga bw’ingigo harimo abagendera mutugare hamwe n’abakambakamba kuko n’ubwiherero bukorwa butaborohera.

Abafite ubumuga mu karere ka Rubavu bavuga ko kudateganyirizwa inzira banyuramo bituma hari ubufasha bacyenera ariko ntibabuhabwe.

Uhagarariye ikigo cy’abafite ubumuga mu Karere ka Rubavu Dusingizimana Zacharie avuga ko iki kibazo cyo gushyiraho inzira z’abafite ubumuga bw’ingingo kitagombye kujyana n’inyubako nshya zubakwa gusa ahubwo n’inyubako za cyera zagombye gushyirwaho.

Bamwe mubafite ubumuga bw’ingingo bavuga ko kugera muri banki bagiye gushaka ubufasha ku mabanki adafite inzira bitaborohera kimwe n’insengero kandi bafite uburenganzira nk’abandi bose.

Nubwo hari itegeko ryasohotse risaba ko ku nyubako rusange nk’amashuri, amavuriro ndetse n’ahandi hatangirwa ubufasha izi nzira zigomba gushyirwaho ngo hari abatangiye kuzishyiraho nko kumashuri yubakwa.

Residents of Mudende sector in Rubavu district have been advised to embrace unity as they join forces against poverty, according to a security meeting on 11^tJanuary 2013 with local authorities.

Residents of Mudende in security meeting

 In the meeting that was attended by Hon. Françoise Mukayisenga a member of parliament, she asked people to avoid and don’t pay attention to rumours meant to destabilize them by discouraging their hard work or their goal but to always look for facts from their leaders.

Rubavu district is one of the leading districts in the county to illegally bring drugs into Rwanda especially Marijuana from the Democratic Republic of Congo. Residents were called upon to avoid using such drugs and to report people who sell and abuse drugs especially because drug abuse discourages hard work which is their goal.

Mudende sector is very fertile in production of Irish potatoes where a hectare produces more than 15 tons of Irish potatoes and is one of the sectors that has soil productive for maize and vegetables.

Mr. Bénoit Rukabu the executive secretary of Mudende secretary advised farmers to protect their livestock form diseases and to stop working with con artists instead to go to financial institutions for financial services.

Abatishoboye ba Karukogo bashyikirizwa inkoko na REMA

Abaturage bimuwe k’umusozi wa Rubavu batishoboye batujwe mu mudgudu wa Karukogo bashyikirijwe inkoko 1000 zo kubafasha kwihangira imirimo no gufasha abana kugira imirire myiza nyuma yo kubona ko aho batujwe nta bundi bufasha bafite bwabaha imibereho.

Imiryango irenga 800 niyo yatujwe mu mudugudu wa Karukogo ivanywe k’umusozi wa Rubavu aho bari babangamiwe n’ibiza, nubwo icyemezo cyo kubimura benshi batakishimiye, umuyobozi w’akarere wunginje ushinzwe ubukungu avuga ko leta ari nk’umubyeyi wifuriza umwana ibyiza nubwo umwana atabyumva ngo babimukorera ku ngufu akazabibona nyuma.

Abaturage bamwe batishoboye bimuwe bashoboye kubakirwa ndetse aho bajyanywe hashyirwa amashanyarazi n’isoko, abaturage bashobora kubona imirimo, abakuze batishoboye bibumbiye muri Cooperative Ejoheza Karukogo bakorewe umushinga na REMA wo korora inkoko, bashyikirijwe inkoko 1000 zisobora gutanga amagi 600 k’umunsi bikaba byabafasha kwibeshaho no kubeshaho imiryango yabo barwanya imirire mibi.

Ushinzwe ubworozi mu kigo cy’igihugu gishinzwe ubuhinzi n’ubworozi RAB, Dr Nshimiyimana  Alphonse  avuga ko iri shyirahamwe rigize umwuga ubworozi bw’inkoko byababeshaho n’imiryango yabo aho bashobora kubona amagi 600, izi nkoko zatanzwe ngo zitanga amagi umwaka wose zigasimbuzwa izindi kandi ngo amafaranga azava mu magi ashobora kwigurira izindi nkoko hamwe n’inyungu.

Inzu y’inkoko yubatse k’umuhanda, Dr Nshimiyimana yasabye ko zarindwa gusurwa cyane kuko biri mubizikururira indwara, avuga ko kugira ngo zitange umusaruro zigomba guhabwa ibiribwa by’ingenzi kandi zikagirirwa isuku.

Musasangohe Venansiya uyoboye Ejoheza Karukogo ashima ubuyobozi bwatekereje kubakura k’umusozi wabatezaga Ibiza ndetse bakaba bakomeje kwitabwaho kuko ibyiza barimo babona batari barabibonye bari k’umusozi wa Rubavu.

Dr Mukankomeje Umuyobozi w’ikigo cy’igihugu gishinzwe kwita ku bidukikije REMA avuga ko ibikorwa by’umushinga wo kububakira  bitatwaye amafaranga menshi hagereranyijwe inyungu abaturage bazakuramo kuko muri miliyoni 13128000 nyuma y’umwaka izi nkoko zifashwe neza zatanga miliyoni zirenga 15.

Abaturage Mudende mu nama y’umutekano basabwa kubaka inzira y’ubumwe

Abaturage bo mu murenge wa Mudende akarere ka Rubavu bashishikarizwa kubaka ubumwe mu nzira y’iterambere kugirango bibafashe mu kuvana m’ubucyene.

Mu nama y’umutekano yabaye taliki 11/1/2013 mu murenge wa Mudende abaturage bagaragarije uburyo kubakira umugozi umwe bituma batera imbere icyarimwe ntawe usigaye inyuma ndetse ngo bigafasha n’umurenge wabo gutera imbere.

Inama yitabiriwe na Mukayisenga Françoise umudepite mu nteko ishingamategeko yasabye abaturage kwirinda ibihuha bibakura umutima bibabuza gukora no kugira icyerekezo bihaye, abasaba kutabiha umwanya ahubwo ugize icyo yifuza kumenya akegera umuyobozi we.

Akarere ka Rubavu ni akarere gakomeje kaza ku isonga mu kwinjiza ibiyobyabwenge nk’urumogi biva mu gihugu cya Congo, iki kiyobyabwenge kitemewe mu Rwanda abaturage bakaba bahamagarirwa kwirinda kukinywa no kugaragaza ababicuruza, umurenge wa Mudende abawutuye bongeye guhamagarirwa kurwanya abacuruza n’abakoresha ibiyobyabwenge bibaca intege bikababuza kwitabira umurimo.

Umurenge wa Mudende ukungahaye k’ubuhinzi bw’ibirayi aho hegitare ivaho toni 15, ukaba kandi umwe mu mirenge ifite ubutaka bweraho cyane ibigori n’imboga aho abaturage bahamagarirwa kwitabira umurimo birinda abateka mutwe baza kubatuburira amafaranga, ahubwo basabwa gukora n’amabanki.

Umunyamabanga nshingwabikorwa w’umurenge wa Mudende Rukabu Bénoit asaba abaturage kurinda amatungo yabo nyuma y’uko havuzwe uburenge mu gihugu cya Congo.

Abavuga rikijyana bo mu murenge wa Nyamyumba bavuga ko bimwe mubikorwa

bishimira ari ukwegerwa n’abaturage mu kubashishikariza gahunda za

leta birimo no kubahumuriza.

Byiyongeraho kugirwa inama zabafasha gutera imbere birimo guharanira

iterambere ry’umurenge binyuze mu kwibumbira mu macooperative, kubaka

amashuri y’icyiciro cy’imyaka 12 ahubatswe ibyumba 3 hamwe no kurwanya

indwara zikomoka ku mirire mibi aho mu bana 86 bari bagaragayeho bwaki

bakize .

Habimana Martin umunyamabanga nshingwabikorwa w’umurenge wa Nyamyumba

avuga ko hari byinshi bishimira ariko bifuza kugira ibyo bageraho

birenze ibyakozwe birimo gufata amazi akomeje kubangiriza buri

muturage asabwa gufata amazi ava kunzu.

Habimana avuga ko nubwo abaturage babitabiriye kujya mubwisungane mu

kwivuza byatewe nuko batari bagasaruye kandi imyaka myinshi yarangijwe

n’imvura n’isuri.

Mukongera iterambere ry’umurenge hakaba hari ibikorwa byo gutunganya

imihanda no guteza imbere imiturire.

Abaturage bo mu kagali ka Busigali mu Murenge wa Cyanzarwe akarere ka Rubavu barasaba ko bagenerwa amazi meza bagashobora kurwanya umwanda n’indwara ziwukomokaho.

Abaturage bakaba babitangaza nyuma y’uko umushinga wari usanzwe ugezaho amazi meza Aquavirunga yari yaragiranye amasezerano n’akarere ka Rubavu  ibahakaniye kongera kubaha amazi kuva mu kwezi kwa munani 2012.

Bamwe mubatuye muri aka kagari babitangaza ni abantu bakuze bavuga ko badafite ubushobozi bwo gukorera amafaranga ngo bashobore kwigurira amazi, bakavuga ko ingaruka zo kubura amazi meza ari umwanda ubugariza.

Abaturage bo mu kagari ka Busigali banavuga ko kutagira irimbi bashyinuramo bibagora bagasaba ko bishobotse inzego z’ubuyobozi zababa hafi maze bakabona aho bashyingura.

Abaturage batuye akagari ka Busigali ni bamwe mubakuwe mu ishyamba rya Gishwati no mu nkengero zaryo batuzwa ahitwa Kanembwe, bamwe muri aba baturage ntibishoboye harimo n’ basigajwe inyuma n’amateka   badafite ubushobozi biganjemo  abasaza n’abakecuru batagishoboye no kwicira inshuro.

Nubwo abaturage bavuga ko babuze amazi meza, bacyeneye kwegerwa n’abajyanama b’ubuzima bakabereka uburyo bakwiye kugirira isuku ingo zabo no gutegura amazi no kugirira isuku aho batuye kuko usanga abenshi baba bagaragaraho umwanda.

Ikibazo cy’amazi n’abatishoboye mu kagari ka Busigali, umuyobozi w’akarere wungirije ushinzwe imibereho myiza y’abaturage Nyirasafari Rusine Rachel avuga ko kizwi ariko hategurwa ko uyu murenge washyirwa muri VUP ukaba wafasha abaturage guhindura imibereho mu iterambere no kubona amazi meza, avuga kandi ko ikibazo abaturage bavuga ko bacyeneye irimbi nacyo kizwi ariko hagishakishwa aho ryashyirwa.

Nyirasafari avuga ko abajyanama b’ubuzima bakwiye kwegera abaturage hamwe n’abayobozi b’inzego z’ibanze mu kubafasha kwigirira isuku hamwe no kugira imibereho myiza cyane ko benshi mubajyanama n’abayobozi b’ibinzego z’ibanze bafite ubumenyi bwo gufasha abaturage.