Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

 Residents of the Southern district of Gisagara have been urged to improve their eating habits for a healthy life.

The call came after it was discovered that parents save nutritious foods such as fruits and vegetables.

Most people in this part of the country don’t see the use of these foods and say that there were some types of food which they could not spend money.

Vestine Bankundiye a resident of Kansi sector in the district said “she could not by things like fruits and vegetable unless she was buying them for the children,” adding that she saw no need for such at her age.

However, the district leadership called on the residents to reduce eating foods with much oil and also to always eat healthy food including fruits and vegetables for a healthy and good living”.

They were also advised to stop drinking alcohol a vice that is prominent in this area, she advised them against it due to the side effects related to much consumption of alcohol.

The vice mayor in charge of social welfare in the district Donatelli Uwingabire called upon especially the women to join the teachings on good feeding, so that they could be able to prepare nutritious food for their families.

She advised them to always keep homes clean especially with food stuffs in order to prevent diseases related to poor hygiene.

Gisagarahas been praised for fighting malnutrition among children though there are still a few cases of malnutrition.

Bamwe mu babyeyi bitabiriye gahunda y’akarima k’igikoni, baranenga bagenzi babo, bigaragara ko batitabira guhora bahinga imboga mu karima k’igikoni.

Aba bayeyi bavuga ko ngo hari abo usanga baheruka guteraho imboga bagakora, hanyuma ugasanga barekeye iyo, karamezemo ibyatsi nk’aho badakenera imboga .

Nyamara n’ubwo bamwe muri aba babyeyi batitabira guhora bahinga imboga muri ako karima k’igikoni ,ngo ntibaba bayobewe ko imboga zikenerwa mu mafunguro yabo ya buri munsi.

Aho babashije guhora bahinga imboga bavuga ko kuva aho iyi gahunda y’akarima k’igikoni iziye, ngo yabashije kurinda indwara zijyanye n’imirire mibi mu miryango yabo.

Uwurukundo Jeanne ni umubyeyi ufite umuryango ugizwe n’abantu umunani.avuga ko mu muryango we ubuzima bwahindutse aho ahingiye imboga ku karima k’igikoni.

Avuga ko agenda azisimburanya ,ngo iyo akuyemo amashu,ubutaha ateramo dodo gutyo gutyo,ku buryo imboga zitabura mu rugo we.

Yagize ati ”Akarima k’igikoni kankirije abana bari bugarijwe n’imirire mibi, none ubu byararangiye. Mbere sinabihaga agaciro numvaga guhinga imboga kuriya ari ukubura imikoro ,none ubu sinshobora no gutuma akarima k’igikoni kameraho ibyatsi.mpora zihinga njyenda nzisimburanya.”

Akomeza avuga ko imiryango idahinga imboga iba yikururiye ibibazo akenshi bigendanye no kutagira indyo yuzuye. Avuga ko iyo abagize umuryango batarya imboga nta buzima bwiza baba bafite , ngo kuko hari intungamubiri ziboneka mu mboga baba badashobora kubona.

Mu rwego rwo gukangurira abagize umuryango guharanira kubona indyo iboneye, umuyobozi wungirije ushinzwe imibereho myiza mu karere ka Rulindo, Niwemwiza Emilienne, avuga ko buri muryango ugomba kugira akarima k’ igikoni.

Aragira ati ”Buri muryango ugomba kugira nibura akarima k’igikoni. Imboga ni ingenzi mu buzima bw’umuryango. Ni byiza ko umuntu yarya imboga azikuriye mu murima we ,aho kuzirya aziguze kandi zinamuhenze.Ababyeyi cyane cyane nibo bagomba gufata iya mbere,kuko nibo ahanini barebana n’ imirire y’’abagize umuryango.”

Uyu muyobozi kandi avuga ko buri muryango ugomba kuba ufite nibura akarima k’igikoni kamwe mu rwego rwo kurwanya ingaruka ziterwa no kurya indyo ituzuye.

Abaturage b’akarere ka Gisagara bamaze igihe bigishwa ibijyanye n’imirire myiza ku bana kugirango babarinde indwara, babahe gukurana ubuzima bwiza, ariko nanone bakanibutswa ko, abana bato ataribo bonyine bagewe kurya neza, ahubwo ko n’abakuru bagomba kurya neza kuko indwara z’imirire mibi zidafata abana gusa nk’uko abantu benshi babitekereza.

Ahacururizwa imboga n’imbuto mu isoko rya Gisagara

Mu gihe abatuye aka karere ka Gisagara bamaze kumva agaciro ko kugaburira umwana indyo yuzuye, ndetse na bamwe bakaba baramenye ko ibi bireba buri muntu wese, hari abatarumva n’ubu ko imbuto n’imboga ari ibiryo bikenewe naburi muntu wese kugirango agire ubuzima bwiza. Bamwe bavuga ko ibyo ari ibiryo bigenewe abana, abandi bakavuga ko icyangombwa ri uko babona icyo bashira mu nda.

Bankundiye Vestine, utuye umurenge wa Kansi muri aka karere avuga ko rwose hari ibyo atarya ndetse byongeye ngo ntiyanabitangaho amafaranga ye kuko atari umwana. Atangara cyane ati “Ubuse jye najya kugura ikinyomoro cyangwa umuneke ngo ndye? Reka ibyo ni ibiryo by’abana bitagenewe abantu bakuru rwose, nakirya nkibonye aho ariko ubundi jye sinagitangaho amafaranga yanjye”, Bizimana mu genzi we bari kumwe we ati” Ibyo se by’imbuto n’imboga ni ngombwa? Reka jye mbona icyangombwa ari ibyo ndya nta byo gutoranya, iyo mpaze biba ari ibyo”.

Ubuyobozi bw’aka karere buracyakomeza ubukangurambaga, buhamagarira abaturage kwita ku mirire yabo, bakagabanya kurya ibiryo birimo amavuta menshi, bakihatira kurya cyane imboga n’imbuto. Ikindi bahamagarirwa ni ukureka inzoga z’inkorano zikunze kugaragara muri aka karere kuko usibye kubasindisha bagata umutwe bagatangira gukora ibidakorwa, baributswa ko izi nzoga zinabangiriza ubuzima kuko ngo usanga hari izo bavanze n’amafumbire mva ruganda byumvikana ko hari byinshi zangiza mu mubiri w’umuntu.

Umuyobozi w’akarere wungirije ushinzwe imibereho myiza madamu Donatille Uwingabiye, ahamagarira cyane abategarugori kuko ari nabo barebwa n’ibijyanye no gutegura amafunguro mu ngo, ko bakomeza kujya bitabira guhurira mu gikoni cy’umudugudu ndetse no mu tugoroba tw’ababyeyi, aho bahurira bakiga guteka indyo yuzuye, bakungurana ibitekerezo. Arabasaba kwita ku isuku muri byose cyane ibiribwa kugirango birinde indwara ziterwa n’umwanda.

Kuri ubu akarere ka Gisagara gatangaza ko imirire mibi ku bana itakiri ikibazo kuko n’aho itaracika burundu iri ku kigereranyo cyo hasi bakaba bizeye ko izacika burundu ku bw’imbaraga babishyizemo, ariko kandi bagashishikariza abaturage ko byaba muri rusange nti bibe kubana gusa, maze aka karere kakarangwamo n’abaturage bafite ubuzima bwiza muri rusange.

Karoti n’imboga nziza zirinda indwara z’amaso ndetse zikagira ubudahangarwa mu gutuma uzirya mu buryo bwiza atapfa gufatwa n’indwara ya Kanseri

Karoti,ni bumwe mu bwoko bw’imboga bukunze kuboneka mu duce dutandukanye no ku masoko yo hirya no hino mu Rwanda. Izi mboga zikunze no kwera mu Rwanda mu duce dutandukanye.

Kuba izi mboga ziboneka mu Rwanda ni amahirwe ku bazihinga kandi bakazikoresha ku mafunguro yabo kuko zifite akamaro kanini cyane. Nk’uko tubikesha imfashanyigisho ku buhinzi bwa karoti ya RHODA ishami ry’ikigo cy’igihugu gishinzwe ibikomoka ku buhinzi byoherezwa mu mahanga NAEB, Karoti ni ubwoko bw’imboga bukungahaye ku mavitamine atandukanye arimo vitamin A,B,C na E zikaba ari vitamine zikenerwa cyane mu mubiri w’umuntu.

Izi vitamine zifite akamaro ko kurinda umubiri indwara y’ubuhumyi bw’amaso n’izindi ndwara,karoti kandi zituma uruhu rusa neza zikagira n’akandi kamaro gatandukanye ku mubiri w’umuntu nk’uko tubikesha ikigo cy’igihugu gishinzwe guteza imbere ibihingwa byoherezwa mu mahanga ishami ryacyo rya  RHODA  riteza imbere ubuhinzi  bw’imboga n’imbuto ndetse n’indabyo.

Imfashanyigisho y’iki kigo ku buhinzi bwa karoti,ikomeza yerekana ko abahanga mu by’imirire bavuga ko karoti ari umuti. Ibi bigaterwa n’uko zifitemo ibirinda indwara y’ubuhumyi. Kurya karoti kandi bituma umuntu agira uruhu rwiza. Byongeye kandi ngo kurya karoti ngo bifasha amara bikayarinda n’indwara. Kubera ko karoti zikungahaye kuri vitamine A n’izindi ntungamubiri biziha ububasha bwo kugabanyiriza uzirya ibyago byo gufatwa na kanseri.

Karoti zitegurwa mu buryo bwinshi. Zishobora gutekwa zikavangwa n’izindi mboga. Imboga bishobora kuvangwa zikaba zirimo amashaza,imiteja,amashu,imboga za dodo,intoryi n’ibindi. Gusa karoti zishobora kuribwa ari mbisi,zitetse cyangwa zigakorwamo umutobe. Karoti ziriwe ari mbisi zikaba ari zo zigira akamaro cyane kuko hari vitamine zimwe zishongera mu mazi umuntu abona ku buryo bw’umwimerere,iyo ayiriye ari mbisi.

Ku muntu ushaka kurya karoti mbisi arazironga, akaziharura cyangwa akaziharagata agakuraho agashishwa k’inyuma,akazunyuguza mu mazi meza yabize. Ashobora kuzihekenya uko zakabaye cyangwa akazicamo uduce duto cyangwa akaziharagata ku cyuma cyabugenewe”rape carotte”. Ushobora kuminjiramo akunyu gake cyangwa ukaminjiramo umutobe w’indimu.

Karoti kandi iyo zikozwemo umutobe zigira akamaro gakomeye cyane mu kuvura indwara zimwe na zimwe nk’uko Munsimwiza Valentin umwe mu bavuzi gakondo yabidutangarije.Uyu mutobe ukaba ushobora gutegurwa ufata karoti ukoresheje icyuma cyabugenewe ,cyangwa ugaharagata karoti ku twenge duto tw’icyuma cyabugenewe”rape”maze warangiza ugakamura umutobe wawe.

Umutobe wa Karoti ushobora kuwufata wonyine cyangwa ukawuvanga n’indi mitobe nk’uwa pome,uw’inanasi,uw’indimu n’indi. Uwo mutobe ushobora kongerwamo agasukari cyangwa ubuki kandi ugira akamaro kanini ku mubiri no mu buvuzi. Ni byiza ko buri wese ubishoboye yakoresha imboga za karoti kugira ngo zigire akamaro ku mubiri we.Ni ahanyu gukoresha iki gihingwa cyiza ku buzima bw’umuntu. Kwirinda biruta kwivuza.

Imboga n’ingenzi ku mubiri wa buri wese ari nayo mpamvu ari ngombwa kuzirya ngo ziwurinde indwara zinawuhe ibivumbikisho byo kuzikumira bityo umuntu akure neza

Mu Rwanda haboneka ubwoko bwinshi bw’imboga kandi zigirira akamaro umubiri w’umuntu wese wibanda mu kuzirya. Amoko y’imboga aboneka mu Rwanda ni mensi,aha dusangamo nk’imbwija, imboga za dodo, isogi, ibisusa,nyiramusagimbehe, ibihaza, inyanya, karoti, radi,cocombre, amashu, amashu y’indabo “choux Fleur”, beterave, ibitunguru,cereli,pavuro, ,imiteja n’izindi.

Imboga nyinshi zigira umwihariko wo kuryoshya igaburo nk’ibirungo ariko kandi zikanaritubura. Hejuru y’ako kamaro,haza undi mumaro w’ingenzi imboga zigirira umubiri w’umuntu cyane mu gufasha umubiri kuwuha ibivumbikisho by’ibirinda indwara nk’uko Rutaganda Theoneste,impuguke mu by’imirire yabidutangarije.Uyu mumaro ukomeye wazo utuma ndetse umuntu ukunda kuzirya adakunze guhora arwaragurika nk’uko yakomeje abidutangariza.

Mu mboga kandi habonekamo imyunyu ngugu yihariye igirira akamaro kanini umubiri kandi nta ngaruka. Zoroshya igogora,cyane inzira y’ urwungano ngogozi rwose kugeza igihe ibiribwa bigiriye umuntu akamaro. Zituma kandi umuntu yituma neza ntagire imbogamizi.

Ni byiza ko imboga zitekwa zitaranamba,iziribwa ari mbisi zikaribwa kuko aribwo ziba zifite intungamubiri nyinshi

Imboga ahanini zikize kuri vitamine C ,iyi vitamine itinya cyane ubushyuhe ari nayo mpamvu ari byiza kurya imboga zimwe na zimwe ari mbisi kugira ngo iribwe yose kandi ari umwimerere uko yakabaye. Imboga zigomba gutekwa zigifite ibara ryazo ry’icyatsi,mbese zitaranambye. Igihe zitaratekwa,zishyirwa ahantu habugenewe ku buryo zitanamba,zigakamukamo amavitamine agirira umubiri akamaro.

Imboga kandi zikize kuri Vitamine A na C, nk’uko igitabo  “guide des aliments et leurs pouvoirs curatifs” kibisobanura. Imboga zirinda indwara zikunze kwibasira abantu nk’iz’amaso,amenyo,kubura amaraso kubera kubura umunyu ngugu wa Fer,bwaki, n’ibindi. Imboga n’uburyo bwiza cyane bwatuma imiryango n’idafite amikoro ahagije irya indyo yuzuye ku igaburo ryayo dore ko ahanini zidahenda kandi usanga imiryango myinshi yazibona ariko ikivutsa ubwo butunzi butagira uko busa.

Kurya imboga ni iby’igiciro cyinshi ku mubiri w’umuntu uwariwe wese kuko zifite akamaro ntagereranywa kandi nta ngaruka zitera. Gusa zigomba guteguranwa isuku,ikitabwaho na buri wese. By’umwihariko,ababyeyi basabwa kugaburira abana babo imboga n’imbuto,ku igaburo baha abana babo, kugira ngo bakure neza kandi babone ibivumbikisho bizabafasha kwirinda indwara mu buzima bwabo no mu mikurire yabo.

Kubera agaciro ntagereranywa k’imboga n’imbuto,usanga abantu bashishikarizwa kuzihoza iruhande rwabo mu turima tw’igikoni no kuzihinga by’umwihariko. Ibyo ntibirangirire aho gusa ariko,ahubwo bakanazitegura ku meza yabo kuko ari isoko ntagereranywa y’ubuzima bwiza. Si byiza guterera imboga n’imbuto kuzijyana mu masoko gusa,ahubwo menya ko n’umuryango wawe uzikeneye. N’ahanyu kwita ku nama z’ubuzima kuko kwirinda biruta kwivuza.

Mu kwezi kwa 3, ukwa 4 n’ukwa 5 imboga zarahendaga cyane mu mugi wa Butare ku buryo abantu bose bibazaga ikibitera bikabayobera. Kuri ubu, izo mboga ntizigihenda, ahubwo ibiciro by’ibirayi ni byo bigenda bizamuka buri munsi.

Mu bice bimwe na bimwe by’umujyi wa Butare, hari aho ujya kugura ibirayi bakaguca amafaranga 280 ku kilo. Aho ni aho babicuruza babiranguye mu isoko ryo mu mujyi, kuko muri iri soko nyir’izina ho bigura 250.

Ibi biciro by’ibirayi na byo bigenda bizamuka buri munsi, kuko aho ibirayi biri kugura 280 byaguraga 250 mu cyumweru gishize, naho mu kwezi kwa gatandatu ho byaguraga 180. Icyo gihe na bwo abantu bavugaga ko ari menshi kuko hari igihe byigeze kujya bigura 150, bakibwira ko hari igihe kizagera igiciro kikongera kumanuka. Nyamara aho kumanuka kirazamuka.

Twifuje kumenya igitera iki kibazo, maze Viateur Safari, umunyamakuru wa kigalitoday ukorera i Nyabihu, kamwe mu Turere twera ibirayi biribwa hirya no hino mu Rwanda, atubwira ko iri zamuka ry’ibiciro rishingiye ku mpamvu ebyiri: imvura mbi yaguye muri kariya gace mu itumba rishize ndetse no kuba ibirayi byo mu Rwanda bisigaye bigurwa n’abacuruzi bo mu bihugu duturanye.

Safari yagize ati “mu kwezi kwa 3 n’ukwa 4 mu Karere ka Nyabihu haguye imvura nyinshi ku buryo isuri yangije imirima iri kuri hegitari 611,4. Muri iyo mirima kandi harimo n’iy’ibirayi. Ibirayi rero ntibyeze cyane kandi bishakwa na benshi, ku buryo usanga abahinzi basarura amakamyo abahagaze iruhande ahita abitwara. Aya makamyo, harimo n’abijyana i Burundi no muri Uganda.”

Ibi ni na byo umucuruzikazi w’ibirayi wo mu isoko ryo mu mugi wa Butare avuga. Yagize ati “ibirayi byo mu Ruhengeri abantu barabikunda cyane kuko ngo bigira ifiriti iryoha cyane. Ni na byo biribwa za Bujumbura, binavugwa ko n’i Bugande bijyayo”.

Tugarutse ku biciro by’imboga, zo ubu ziragurika. Ibitunguru byari byaravuye kuri 300 ku kilo bikagera kuri 900, ubu biri kugura 400. Inyanya n’intoryi na byo byongeye kugurika kuko akadobo kaguraga 250 cyangwa 300 kakaza kugera kuri 700 ubu kasubiye kuri 300.

Kwitabira uturima tw’igikoni no gutera ibiti by’imbuto ziribwa ni bumwe mu buryo bwashyizweho buzajya bufasha abantu kubitegura ku meza yabo mu buryo butabagoye

Umubiri w’umuntu ukenera indyo yuzuye kugira ngo ukomeze kumererwa neza uzira umuze. Umuntu ufata indyo yuzuye akunda kugira umubiri uzira indwara za hato na hato kandi uguwe neza nk’uko Mukambungo Esperance,umujyanama w’ubuzima yabidutangarije.

Imbuto n’imboga ni bimwe mu by’ingenzi buri muntu wese agomba gufata mu rwego rwo kurinda umubiri we kuba wafatwa n’indwara uko wiboneye. Ibi biribwa bikaba binabarirwa mu birinda indwara. Nk’uko tubikesha igitabo “guide des aliments et leurs pouvoirs curatifs” cyanditswe na Georges Pamplona,imboga n’imbuto ni bimwe mu by’ingenzi ndetse by’ibanze umubiri ukenera.

Iyo umuntu ariye imboga n’imbuto kenshi ngo bimurinda indwara  z’amaso n’amenyo ziterwa no kubura vitamine A na C. Byongeye kandi imboga zirwanya indwara yo kubura amaraso ahagije, iterwa no kubura umunyu witwa Fer (anémie nutritionnelle) mu biribwa bya buri munsi, cyane cyane mu bantu badakoresha kenshi ibiribwa bikomoka ku nyamaswa kubera amikoro macye. Kubera ko vitamin C ishonga mu mazi, itinya ubushyuhe kandi ikononekara mu mwuka usanzwe, ni byiza kuronga imboga mbere yo kuziteka, kuzibika ahakonje, kuziteka igihe gito kandi mu mazi aringaniye kugira ngo zidatakaza vitamini C nyinshi igihe bazitegura.

Imboga  zigitoshye nizo ahanini ngo ziba zikenewe cyane mu mubiri kandi zikawugirira akamaro kanini.  Ni ukuvuga izitaruma cyangwa ngo zirabe muri make zigifite itoto n’ibara ryazo mwimereri. Izo mboga zikaba zituma indwara nk’umutima,Kanseri n’izindi zidapfa kwibasira umubiri w’umuntu zitamugeraho byoroshye. Imboga ziboneka cyane mu Rwanda zakwifashishwa ni nka Karoti,inyanya,pavuro,imboga za dodo,epinari,n’izindi.

Nk’uko bigaragazwa n’ubushakashatsi bwakorewe mu gihugu cy’Ubufaransa mu mwaka wa 2000, umuntu ukunda gukoresha imbuto n’imboga cyane ngo bituma agira ubwirinzi bw’indwara ya Kanseri kuri 25%. Ni ukuvuga ko kurya imbuto n’imboga bituma umubiri w’uziriye ubasha kugira ubudahangarwa bwo guhangana n’indwara zitandukanye. Imboga n’imbuto kandi zituma Acide Desoxyribo Nucleique”ADN” yikora mu mubiri nta mbogamizi bigatuma umubiri udasaza imburagihe.Imboga kandi zigirira akamaro imyakura,imyanya y’ubuhumekero ndetse n’urwungano rw’amaraso.

Ababyeyi bahabwa inyigisho zibashishikariza gutegura indyo yuzuye mu ngo zabo ndetse bakita no ku bana babo by’umwihariko,gukoresha imbuto n’imboga bikaba bigarukwaho ahanini n’abajyanama b’ubuzima bakunze gutanga ayo masomo

Ahanini mu Rwanda Abanyarwanda bakaba bararushijeho gukangurirwa gukoresha imbuto n’imboga mu mirire yabo,aho bakanguriwe kugira  uturima tw’igikoni no gutera ibiti by’imbuto ziribwa nibura buri rugo rukagira bene icyo giti. Ikindi kandi hashyizweho gahunda z’igikoni cy’umudugudu,aho abaturage bigisha bagenzi babo gutegura indyo yuzuye no kunoza imirire cyane cyane iy’abana.

Imboga rwatsi ni bimwe mu biribwa by’ingenzi umubiri w’umuntu ukenera. Zishobora gufasha umubiri mu birebana no kuwurinda indwara zitandukanye nk’uko bivugwaho n’inzobere zitandukanye.Umushakashatsi Wiley R.C,  mu gitabo yise “Minimally Processed Refrigerated Fruits and Vegetables”  New York, mu mwaka wa 1994, muri iki gitabo Wiley agaragaza ko akenshi usanga imboga rwatsi zikoreshwa mu mirire, zigatanga umusaruro mu buryo bubiri butandukanye:

 
Imboga rwatsi zishobora kumara inzara nk’ibindi biribwa  kandi zishobora kuba umuti

Hari bamwe na bamwe bajya kwa muganga bakababwira ko bagomba kurya neza, ni ukuvuga indyo yuzuye. Usanga mu byo bategeka umuntu kurya haba higanjemo imboga n’imbuto cyangwa se ikindi gikungahaye ku byo umubiri ukeneye abaganga babashije kubona ko ubura.Mu mafunguro hari atamerera neza umubiri ndetse hakaba hari n’abantu bamwe na bamwe bategekwa kureka bimwe bakarya ibindi.

Imboga rwatsi n’imbuto usanga arizo bakunze gushishikariza abantu kurya ahanini.  Uretse kuba ziribwa zikaryohera umuntu ngo haniyongeraho kuba ari umuti w’indwara zitandukanye mu gihe ziriwe igihe cyose.

Nk’uko Wiley yabivuze,zimwe mu ndwara zibasira urwungano nyamaraso zishobora gukira hifashishijwe kurya imboga rwatsi, kuko  zikungahaye kuri za vitamine zishobora kuvura byinshi mu ndwara zibasira urwungano nyamaraso.Bigaragara kandi ko usanga akenshi indwara y’umutima n’imiyoboro yawo bikomoka ku mirire mibi, akenshi iyo hibanzwe ku kurya ibikomoka ku matungo bikungahaye kuri cholesterol, imboga zikaba ziri mu bishobora kuyirwanya buhoro buhoro muri icyo gihe, bityo umubiri ugasubirana ubuzima bwawo.

Imboga zishobora kandi kurinda zimwe mu ndwara nk’ubuhumyi, kuribwa mu nda, koroshya igogorwa n’ibindi. Ibyo bikaba biterwa n’uko zikungahaye kuri vitamine zitandukanye, ngo ni na yo mpamvu zishobora kurinda zimwe mu ndwara.Ubushakashatsi bwerekanye ko abantu bakunda kurya imboga n’imbuto badakunda kugaragaza umunaniro cyane, kandi bagahorana ubuzima buzira umuze.

Pomme,imineke ndetse n’izindi mboga zirimo karoti bishobora gutuma umuntu ufite ikibazo cy’umubyibuho ukabije, cyane abakunze kugira ibinure byinshi mu nda ugasanga bafite inda nini,ngo ibi byabagabanyiriza iki kibazo.

Ni iki wafata kugira ngo ugabanye ikibazo cy’umubyibuho ukabije?

Nk’uko tubikesha urubuga rwa interineti www.naturalnews.co

m,imbuto za pome ni bumwe mu bwoko bw’ibiribwa by’ingenzi ku bantu bafite ikibazo cy’umubyibuho ukabije n’ibinure bikabije. Mu isuzuma ryakorewe mu gihugu cya Brasil,ngo byagaragaye ko umuntu urya pome nibura 3 ku munsi atakaza ibiro byinshi byamuzanira ingorane y’umubyibuho ukabije ugereranije n’utazirya. Imbuto za pomme kandi ngo  zikungahanye ku ntungamubiri bise “pectin” ziakaba zifite akamaro kanini ko kurinda umuntu indwara ya kanseri y’amara. Ibi pome ikaba ibisangiye n’urubuto rw’umuneke narwo rukungahaye ku ntungamubiri ya”pectin”irinda umuntu kwandura kanseri y’amara. Izi mbuto zombie yaba pomme ndetse n’umuneke zikaba kandi zigira Vitamine ziri mu bwoko bwa C,A,B6 na E. Izi mbuto kandi zikaba zikungahaye ku myunyu ka Manyeziyumu,Potasiyumu n’izindi kandi nta binyamavuta byinshi bibamo zikaba zigira uruhare runini mu kurinda umubyibuho ukabije.

Ibiribwa kandi bitandukanye by’imboga, birimo carotte ndetse n’inyanya nabyo ngo bikize ku bituma umuntu ubifata abasha kugabanya umubyibuho ukabije. Karoti zirushaho kuba nziza iyo zihekenywe zikiri mbisi zakorewe isuku neza ndetse n’iyo ziriwe ari salade cyangwa zigakorwamo umutobe,inkeri nazo zikaba ari imbuto zifasha mu kugabanya umubyibuho ukabaije. Izindi mboga nka epinari,cocombre n’izindi nazo zigira uruhare mu kugabanya umubyibuho ukabije. Gukora imyitozo ngororamubiri nabyo bikaba bifite akamaro gakomeye ku muntu ufite ikibazo cy’umubyibuho ukabaije. Ikindi kandi ngo kwirinda ibyo kurya byiganjemo ibinure n’amavuta menshi nabyo si byiza kuko bishobora gutera ikibazo cy’umubyibuho ukabije.  Ni byiza kwirinda hakurikizwa inama zitandukanye abantu bagirwa n’impuguke aho kuko kwirinda biruta kwivuza.

Mu karima shuri k’akagari ka Kabagesera, ho mu murenge wa Runda, hateye imboga z’amoko yose ku buryo butandukanye, Abaturage bakeneye ingemwe zo gutera n’imboga zo guteka muri gahunda y’igikoni cy’umudugudu ni ho baza gusarura imboga.

Amashu, karoti, ibitunguru, imboga n’imiteja biteye mu karima k’ishuli

Umunyamabanga Nshingwabikorwa w’akagari ka Kabagesera, Muvunyi Eugene, atangaza ko uwo murima werekwa abaturage igihe cyose kugira ngo ubabere urugero rw’ubuhinzi bw’imboga. Izo mboga ziterwa n’abaturage kandi akaba ari na bo bazitaho.

Uyu muyobozi akomeza avuga ko imboga zo muri ako karima shuri ari zo zifashishwa mu gikoni cy’umudugudu aho ababyeyi bahuriza hamwe abana bo mu mudugudu bakabatekera indyo yuzuye bakabagaburira.

Mukarukwaya Annoncée, ni umujyanama w’ubuzima mu kagari ka kabagesera, atangaza ko kuba ku biro by’akagari hateye imboga, bibafasha mu bukangurambaga bwo gukangurira abaturage gutegura indyo yuzuye.

Ako karima shuri kandi ngo gafasha abaturage bo mu kagari kubona ingemwe z’imboga bakeneye kuko hafi ya bose bakenera guhinga imboga zo kwifashisha mu rugo. Kuri ubu abaturage barenga 70% batuye ako kagari ngo bafite akarima k’igikoni nk’uko byemezwa na Mukarukwaya.

Abaturage na bo babona akamaro ko gutera imboga dore ko nta n’isoko riri hafi ya bo baziguramo. Mukankubana Jeannine, amaze imyaka itandatu azirikana kwita ku buhinzi bw’akarima k’igikoni, bikaba byaratumye abana be bakura neza.

Marie Josee Uwiringira