Bahoneza – Kinyarwanda, Rwanda Welfare, Social Welfare, Rwanda People, Nutrition and Diet, Rwanda Habitat, Living in Kigali

The end of the month of April community work which will be on Saturday the 27^th.April.2013 in the whole country will be precisely on projects to renovate the houses for vulnerable 1994 genocide against the Tutsis survivors announced the ministry of Local Governments.

Most houses for genocide survivors need renovations

Dr. Alvera Mukabaramba the state minister for public development and social affairs in the message she passed out to the 30 districts in the country stated that the community work for Saturday the 27^th will specifically done in villages through renovating houses for the vulnerable genocide survivors.

The announcement also specified the categories of people whose houses will be renovated including vulnerable widows of genocide, old man and women who have no family members due to the 1994 genocide, needy orphans of genocide, poor and sickly genocide survivors and any genocide survivor who is worth the support.

Local leaders are to make lists of the people whose houses will be renovated and their houses and to solicit the help of engineers and people who are aware of construction in the villages and cells.

Concerning the tools they will use like soil, sand, stones and water they will be provided by the neighbouring families of the homes that will be reconstructed and in places where this will not be possible, these will be got from the FARG and MINALOC budgets in the districts.

For the houses beyond simple repair that will take more money to renovate them, Dr. Alvera Mukabaramba states that they should be left aside for they will be included in the 2013/2014 budget. In villages with no genocide survivors with houses to be renovated, they will have to renovate houses for other vulnerable people in the village.

Every district will have to select the site that need more enforcement than others and that is where the community work on the district level will be done. Actions to renovate the accommodation for the 1994 genocide survivors will be done once a week till the end of July 2013.

According to the research carried out by MINALOC in 2010, there are about 13000 houses for genocide survivors all over the country that need to be renovated.

Mu rwego rwo gufasha abacitse ku icumu no kubatera ingabo mu bitugu ngo bagane mu nzira yo kwigira, urubyiruko rw’umurenge wa Gasaka mu karere ka Nyamagabe rwasaniye inzu umwe muri rwo wacitse ku icumu mu muganda rwakoze tariki ya 12/04/2013.

Uru rubyiruko rwahomye igikoni, ubwiherero ndetse n’ubwogero by’uwitwa Nzabaregerimana Emmanuel ndetse banareshyeshya imbere y’inzu yo kubamo bakoresheje ibitaka n’ibyatsi kuko hari haratengutse kubera amazi yaturukaga ku gisenge, bikaba byashoboraga gutuma ihirima.

Nzabaregerimana ni umwana w’imfubyi utagira epfo na ruguru ndetse akaba atanazi aho avuka kuko yatoraguwe ahitwa i Murambi haguye abatutsi benshi akiri muto akaza kurerwa n’umubyeyi witwaga Gatima Madina ari nawe wamwise ririya zina.

Nyuma yo kubona ko nta bushobozi bwo kumurera afite yajyanywe mu kigo cy’imfubyi cya Village SOS Gikongoro ariho akiba n’ubu, akaba arangije amashuri yisumbuye. Uyu Gatima nawe ngo yaje kwitaba Imana bityo asigara umuryango we ari village SOS Gikongoro.

Iyo umwana warererwaga muri Village SOS Gikongoro arangije Amashuri yisumbuye agakomeza kwiga kaminuza irakomeza ikamufasha, gusa ngo iyo bidashobotse imufasha kujya mu buzima busanzwe ubundi agacuka.

Nzabaregerimana atangaza ko kuba akarere kamuhaye inzu ndetse urubyiruko rukanamufasha kuyisana ngo bimuhaye ikizere cy’uko atari wenyine ahubwo ko leta imuzirikana, ndetse ngo akaba abonye ko afite abandi bavandimwe n’ubwo hari abo yabuze.

“Bigiye kumpa ikizere binyereke ko ntari ngenyine, ko n’ubuyobozi bunyitayeho, ko mfite inshuti n’abavandimwe n’ubwo hari abo nabuze. Mbese birandenze nge”, Nzabaregerimana.

Umuhuzabikorwa w’inama y’igihugu y’urubyiruko mu murenge wa Gasaka, Kavoma Patrick atangaza ko nk’urubyiruko bafashe ingamba zo gufasha abacitse ku icumu mu buryo butandukanye, mu rwego rwo kubafata mu mugongo no kubereka icyizere cyo kubaho, bakareka kwigunga.

Aragira ati: “Urubyiruko rw’umurenge wa Gasaka twiyemeje gufasha abacitse ku icumu hirya no hino tubahingira, tubafasha gusana amazu mu rwego rwo kubafata mu mugongo turushaho kubereka icyizere. Kuba tumuhaye umuganda ni ukumwereka icyizere cy’igihugu cyacu ngo areke kwigunga muri ibi bihe tumuba hafi”.

Umuyobozi w’akarere ka Nyamagabe akaba n’umuhuzabikorwa w’urubyiruko mu karere, Mugisha Philbert yashimiye urubyiruko ko rutekereza ku barokotse jenoside yakorewe abatutsi batishoboye, bakaba bari mu murongo wo kwiyubakira igihugu, bafasha bagenzi babo batishoboye ngo babashe kwigira.

Imbaraga z’urubyiruko zifashishijwe mu gushyira mu bikorwa jenoside yakorewe abatutsi ndetse zinitabazwa mu kuyigarika no kubohora igihugu, zikaba zigomba no kwitabwazwa mu kucyubaka no guharanira kwigira, bityo inzego zitandukanye zireberera urubyiruko zikaba zigomba kuruba hafi.

Mu nama n’abaturage  yabaye nyuma y’umuganda mu mirenge ya Cyungo na Rukozo,kuri uyu wa kabiri, tariki ya 26/2,abayobozi mu nzego zitandukanye basabye abaturage batuye muri iyi mirenge kwegera  intore zo ku rugerero, bagafatanya mu rugamba rwo kubaka igihugu.

Intore zo ku rugerero muri iyi mirenge zagaragaje ko hakiri abaturage batarumva neza gahunda y’ibikorwa by’intore ziri ku rugerero. Aho usanga hari aho bajya kubafasha cyangwa kubigisha ibintu bimwe na bimwe bijyanye no kwiteza imbere, ariko ngo ugasanga batabyunva neza.

Ibi ngo bigaragaza ko abayobozi bamwe mu nzego zo hasi badafata umwanya ngo begere abaturage babasobanurire ibijyanye n’imirimo y’intore ziri ku rugerero.

Izi ntore ziri ku rugerero mu mirenge itandukanye zikaba zisaba abayobozi b’ibanze ko bajya begera abaturage bakabasobanurira ibijyanye na gahunda za Leta cyane cyane ibirebana n’intore ziri ku rugerero.

Kuba abaturage basabwa kurushaho kwegera intore ku rugerero kandi birasabwa n’abayobozi mu nzego zose ,Colonel Habyarimana Andre,uhagarariye ingabo mu karere ka Rulindo,avuga ko izo ntore ari ubwenge n’ubukungu bw’igihugu .

Yagize ati”Abaturage mwegere intore ziri ku rugerero, zibigishe zibafashe kumva neza ibyo gahunda za Leta zisaba .Ibyo kandi ni byo bizatuma mugera ku iterambere n’umutekano birambye.Uru rubyiruko ni bwo bwenge ,imbaraga,hamwe n’ubukungu bw’igihugu .”

Akomeza avuga ko ibikorwa by’uru rubyiruko bishimishije kandi bifite agaciro kanini ,bityo ngo utazabasha gusigasira ibyo bikorwa azaba anyuranije n’ibyo bashaka. bikorwa.

Abayobozi mu nzego z’ibanze baba bari hafi y’izi ntore ku rugerero kandi ,basabwa guhora batanga raporo y’ibikorwa by’intore ku rugerero nk’uko umukozi mu itorero ku rwego rw’igihugu Niwemukobwa Aline yabisabye abayobozi ubwo yasuraga intore ziri ku rugerero mu karere ka Rulindo.

Yabasabye kandi ko bakurikirana ubuzima bwabo aho bari buri munsi.

Intore ziri ku rugerero mu karere ka Rulindo,zikaba zivuga ko zishimishijwe n’uko nazo zibasha kwiyubakira igihugu zikoresheje imbaraga zabo.

Kuri iki cyumweru tariki ya 30/09/2012, mu murenge wa Bushenge wo mu karere ka Nyamasheke habereye umuhango wo kwizihiza umunsi mpuzamahanga ngarukamwaka wahariwe kuzirikana abageze mu zabukuru, uyu munsi ku rwego rw’igihugu ukaba wari ufite insanganyamatsiko igira iti: “Duheshe agaciro abageze mu zabukuru, baba mu muryango”.

Umuyobozi w’akarere ka Nyamasheke wungirije ushinzwe imari, ubukungu n’iterambere, Bahizi Charles, wari umushyitsi mukuru muri uyu muhango, yasabye abageze mu zabukuru kumva ko bakwiye gukora batekereza kuri ejo hazaza habo, ngo kuko iyo umuntu ashaje bitavuga ko agomba gusabiriza, ahubwo ngo agomba gukora abandi bakamwunganira aho ananiriwe.

Abasheshe akanguhe basabwe kuba abajyanama muri gahunda zitandukanye no mu gihe hagiye gufatwa umwanzuro runaka bashingiye ku bunararibonye bafite, ngo kuko inama zabo zikenewe mu kubaka igihugu.

Abasheshe akanguhe bitabiriye uyu muhango kandi basabwe guhuriza hamwe imbaraga zabo muri koperative ngo bakore bagane mu iterambere ry’igihugu.

Ku ruhande rw’abasheshe akanguhe, Pasiteri Rukirumurame Joseph ubahagarariye mu murenge wa Bushenge yashimiye leta ibyo yabagejejeho, anavuga ko uruhare basabwa mu guteza imbere igihugu bazarutanga binyuze muri gahunda zitandukanye za leta zo kwikura mu bukene n’izindi.

Banaboneyeho n’umwanya wo gusaba ubuyobozi bw’akarere kurushaho kubaba hafi maze inzego zihagarariye abageze mu zabukuru zigashakirwa amahugurwa ngo zibashe guhagararira abandi zifite ubumenyi buhagije kandi zigahabwa ingufu ku nzego zose, abasaza badafite ingufu zo gukora kandi batarabashije kugira akazi ngo bahabwe amafaranga ya pansiyo bakitabwaho byumwihariko.

Abaturage bataragera mu zabukuru basabwe kwita kuri aba bageze mu zabukuru ngo babashajishe neza, kandi bakirinda amagambo abasesereza.

Kuva mu ntangiriro z’icyumeru gitaha, abari batuye mu gishanga cya Bugarama bashobora noneho gutangira kwimukira ahitwa Kibangira mu murenge wa Bugarama kuko iyo site nshya yo guturamo yamaze gutunganywa mu buryo bw’ibanze. Ibyo akaba ari ibyatangajwe n’Umuyobozi w’Akarere ka Rusizi Bwana Nzeyimana Oscar, ku wa 29/09/2012 mu muganda rusange usoza ukwezi kwa Nzeri 2012, ukaba wibanze ku guca imihanda muri iyo site ya Kibangira.

Iyi Site  ya Kibangira yateganirijwe guturwamo , kuri ubu usanga isa naho yitaweho cyane bitewe n’uko itegerejweho gukemura ikibazo cy’imiturire idahwitse mu kibaya cya Bugarama. Ni muri urwo rwego umuganda rusange usoza ukwezi kwa Nzeri 2012, abaturage , ingabo z’igihugu zikorera mu gice cya Bugarama, abakozi  n’abayobozi b’akarere bazindukiye aho Kibangira, ahanini  umuganda bakoze ukaba waribanze  ku guca imihanda muri iyo site igiye gutuzwaho imiryango  2500.

Mu nama yabaye nyuma y’umuganda, Mayor Nzeyimana Oscar, yatangaje ko abari batuye mu gishanga cya bugarama bashobora gutangira kujya gutura  kuri site ya Kibangira kuko ibyagombaga kuhakorwa by’ibanze byamaze gutungana:

Nubwo abagomba kuhimukira bamaze  kubisobanurirwa, kugirango nanone ubuso bari batuyeho bubashe gutunganywa bityo bwongerwe kubusanzwe buhingwaho umuceli, hari abagaragaza bimwe mubigomba  kugezwa kuri iyo site,  birimo amazi, amashanyarazi, isoko, amashuri n’ivuriro:

Twashatse kumenya niba koko iyi site ya Kibangira ibereye guturwamo, maze tuvugana n’umwe mu ntumwa za rubanda  wari waje kwifatanya n’abaturage muri uwo muganda rusange, Hon. Depite   Mukama Abas, atangaza ko asanga bizakemura imiturire ndetse kuri we arashishikariza abaturage kwitabira kuhatura vuba na bwangu.

Tubamenyesheko, uyu muganda rusange witayabiriwe ku bwinshi mu murenge wa Bugarama, naho mu murenge wa Gitambi, ubwo bawusozaga hanahembwe  Koperative DUTEZIMBERE IWACU kubera uruhare yagize  rwo gucanira amabaturage 300, bo mu kagari ka gahungeri, biturutse ku kwikururira amashanyarazi ku birometoro 6, iki gikorwa kikaba cyaratwaye amafaranga agera kuri Miliyoni 16.

Mu muganda rusange ngarukakwezi wabaye tariki ya 28/07/2012, urubyiruko rukorera mu mahuriro atandukanye yo ku kigo cy’urubyiruko cya Nyamasheke (NYFC) ku bufatanye n’abakozi b’icyo kigo bafashije umukecuru utishoboye bamusanira inzu ye nyuma y’uko yari yarasenyutse.

Umukecuru wafashijwe muri uyu muganda ni uwitwa Kamagaju uzwi ku izina rya Karizabajeni, akaba afite uburwayi bw’igicuri bukunze kumufata ku buryo yahiye ahantu henshi ku mubiri we kubera igicuri kigenda kimutura mu muriro, ubu akaba atunzwe no gusabiriza.

Ubusanzwe Kamagaju yari afite inzu y’ibyumba bibiri n’uruganiriro rumwe ariko icyumba kimwe kikaba cyaraguye. Uru rubyiruko rukoresheje imbaraga zarwo rwakuyeho ayo matafari yari yarasenyutse maze rutunganya icyumba kimwe n’uruganiriro rwari rusigaye ngo asigare aribyo aba akoresha.

Gukora umuganda no gufasha abatishoboye ngo ni bimwe mu byo NYFC yigisha urubyiruko muri gahunda yo kurukundisha igihugu no kugira uruhare mu kucyubaka nk’uko umuhuzabikorwa wa NYFC, Ndanga Janvier abitangaza.

Akomeza avuga ko urubyiruko rwahisemo kuzajya rukora umuganda ukwarwo maze rugafasha umwe mu batishoboye mu mirimo y’amaboko. Uyu muganda wo gufasha abatishoboye ngo uzajya uba buri kwezi, gusa ngo urubyiruko rwifuza ko wajya uba kabiri mu kwezi kugira ngo batange umusanzu ugaragara mu kubaka igihugu, ubuyobozi bwa NYFC bukaba buri kwiga uburyo byazashyirwa mu bikorwa.

Gusa ngo kubera ikibazo cy’amikoro, batangiriye ku baturage batuye hafi y’iki kigo hanyuma indi mirenge ikazagerwaho nyuma igihe hazaba harabonetse uburyo bwo kuhagera.

Ndanga atanga ubutumwa ku rubyiruko avuga ko rusabwa kureba aho igihugu kigana rukagira uruhare mu kucyubaka dore ko ari rwo rwinshi kandi rufite n’imbaraga zo gukora. Akomeza avuga ko urubyiruko rudakoze ngo ruteze iguhugu imbere ntaho cyagera.

Asaba kandi ababyeyi kureka abana nyuma yo gukora imirimo yo mu rugo bakagana ikigo cy’urubyiruko kuko aribo kigenewe kandi kikaba kinatanga inyigisho zirebana no kurinda ubuzima bwabo ku bana bose bitewe n’icyiciro barimo kandi kikanabatoza gukora.

Nyuma y’igikorwa cy’umuganda urubyiruko rwanahawe ibiganiro ku masomo agamije kubaha ubumenyi mu buryo bwo kwirinda indwara zandurira mu mibonano mpuzabitsina na Sida, gutwara inda zitateguwe, ibiyobyabwenge n’ibindi bishobora kubangiriza ubuzima.

Kuri uyu wa 30/06/2012, Isosiyete y’ubwishingiza ya COGEAR yifatanyije n’abaturage mu muganda rusange usoza ukwezi kwa Kanama 2012 inagabira inka 5 imiryango y’abacitse ku icumu rya jenoside batishoboye batuye mu murenge wa Busasamana mu karere ka Nyanza.

Ntukamazina Jean Baptiste, umuyobozi mukuru wa COGEAR atanga inka nyuma y’umuganda rusange

Uyu muganda witabiriwe n’abantu b’ingeri zinyuranye barimo abayobozi b’akarere ka Nyanza, abakozi b’isosiyete y’ubwishingizi ya COGEAR n’abaturage.

Ikindi ni uko uyu muganda wari wanitabiriwe n’inzego zishinzwe umutekano mu karere ka Nyanza by’umwihariko hari n’abanyeshuli bari baturutse mu ishuli ryisumbuye rya ESPANYA ryo muri ako karere.

Abari muri uyu muganda baharuye imihanda y’imigenderano ihuza utugali twa Kibinja na Gahondo twose two mu murenge wa Busasamana mu karere ka Nyanza.

Nyuma y’iki gikorwa cy’umuganda abaturage baganirijwe kuri gahunda zabafasha kwihuta mu iterambere ari naho isosiyete y’ubwishingiza ya COGEAR yahereye itanga inka 5 ku miryango y’abacitse ku icumu rya Jenoside batishoboye barimo imfubyi n’abapfakazi.

Inka zatanzwe harimo iziri hafi kubyara

Isosiyete y’ubwishingiza ya COGEAR usibye izo nka yanatanze ibiribwa bitandukanye bigizwe n’umuceli, ibishyimbo, ifu y’ibigori, isukali, ibisuguti hamwe n’amasabune byari bifite uburemere bwa toni 3.

NtakamazinaJean Baptiste, umuyobozi mukuru w’Isosiyete y’ubwishingiza ya COGEAR mu Rwanda yatangaje ko izo nka n’ibiribwa byatanzwe mu rwego rwo gufasha imiryango y’abacitse ku icumu rya Jenoside yakorewe abatutsi muri Mata 1994 batishoboye.

Asobanura uko icyo gitekerezo cyaje mu bakozi ba COGEAR yagize ati: “ Kimwe n’ibindi bigo kandi nk’abantu bagize umuryango nyarwanda twifuje kugira icyo dukorera imiryango y’abacitse ku  icumu rya jenoside yakorewe abatutsi muri Mata 1994 by’umwihariko muri iki gihe cy’iminsi ijana jenoside yamaze mu Rwanda”

Ibiribwa byatanzwe na COGEAR

Yakomeje avuga ko sosiyete zose zikorera mu Rwanda zigomba kugira icyo zikora gishimangira imibereho myiza y’abanyarwanda. Yabivuze atya: “ Tuza hano twari tuzi y’uko hari abantu  bacitse ku icumu rya jenoside batishoboye kugira ngo tubagaragarize urukundo tubafitiye”.

Umuyobozi mukuru w’Isosiyete y’ubwishungiza ya COGEAR, NtakamazinaJean Baptisteavuga ko ikintu bakoreye iyo miryango ari ikintu gito ariko gifite icyo gisobanuye mu nzira yo kwiteza imbere. Yasobanuye ko nibazifata neza zikabyara zizabagirira akamaro gusumba icyo umuntu yazana rimwe nk’ibiryo byaribwa bigahita bishira mu gihe gito.

Yifuje ko hagati y’akarere ka Nyanza na COGEAR bagirana umubano n’ubucuti byihariye mu rwego rwo kurushaho gufatana mu mugongo no guterana ingabo mu bitugu.

Mukamuyango Emeritha ni umwe mu bana b’imfubyi bibana wagabiwe inka na COGEAR nyuma yo kuyishyikirizwa yatangaje ko inka yamunejeje.

Yagize ati: “ Mu by’ukuri ndanezerewe kuko nta nka nagiraga nta babyeyi ngira ni ukuvuga ngo nari ndi njyenyine ariko kuba mbonye inka ngiye kuyibyaza umusaruro nywe amata mfubire isambu… huu!…mbese ni birebire”

Inka yahawe yasobanuye ko agiye kuyitunga akayiha ubwatsi anywa amata ndetse n’abaturanyi bakayabonaho.

Agifite ijambo yashimye Nyakubahwa perezida wa Repubulika Paul Kagame ko gahunda yatangije yo koroza inka imiryango ikennye igenda irushaho kuba igisubizo kuri benshi cyane cyane abasizwe iheruheru na jenoside yakorewe abatutsi mu Rwanda.

Murenzi Abdallah yishimiye icyo gikorwa cyakozwe na COGEAR avuga ko cyerekana ubumuntu bagifite muri bo. Ati: “ Ibyo mwakoze ni iby’agaciro gakomeye kandi aho mwakuye hazasubire byinshi cyane”

Yakomeje avuga ko bitamutangaje cyane kuko COGEAR isanzwe itera inkunga akarere ka Nyanza binyuze ku gutera inkunga ikipe y’aka karere mu mupira w’amaguru.

COGEAR isanzwe ifasha akarere ka Nyanza mu myidagaduro ariko nineho yabafashije mu guteza imbere abaturage nk’uko Murenzi Abdallah yabisobanuye.

Izo nka yaba izatanzwe n’intara y’amajyepfo 6 kimwe n’izatanzwe n’abafatanyabikorwa b’umurenge wa Busasamana mu karere ka Nyanza 3 hamwe n’izatanzwe na COGEAR 5 harimo izihaka.

Umuganda rusange usoza ukwezi kwa Kanama 2012 mu karere ka Nyanza wahawe agaciro gasaga miliyoni 4 z’amafaranga y’u Rwanda nk’uko Muganamfura Sylvestre, umunyamabanga Nshingwabikorwa w’umurenge wa Busasamana uwo muganda wakorewemo abitangaza.

Mbabazi Francois Xavier umuyobozi w’akarere ka Ruhango akangurira abaturage gukoresha Imirindankuba

Mu rwego rwo gukangurira abaturage kwirinda Ibiza, barashishikarizwa gukoresha uturinda nkuba hagamijwe kurwanya inkuba zimaze iminsi zibasiye uduce tumwe na tumwe tw’aka karere.

Ibi umuyobozi w’akarere ka Ruhango Mbabazi Francois Xavier yabisabye mu gikorwa cy’umuganda wahuje abaturage tariki ya 16/05/2012 hagamijwe kurwanya Ibiza bimaze iminsi byangiza ibikorwa  by’abaturage.

Uyu muganda abaturage bakaba barawukoreye mu kagari ka Munini mu murenge wa Ruhango, aho abaturage bifatanyije n’abayobozi b’akarere mu guca amaterasi y’indanganire hagamijwe kurwanya amazi y’imvura amanukana ubutaka akangiza imirima y’abaturage.

Aha umuyobozi w’akarere akaba yarishimiye igikorwa abaturage bakoze ariko anabakangurira kurwanya ikindi kiza cy’Inkuba kibasiye imirenge ya Kabagari, Kinihira na Ruhango.

Mbabazi akaba avuga ko nta bundi buryo bwakoreshwa mu kurwanya izi Nkuba uretse gukoresha uturinda nkuba tumanikwa hejuru y’amazu.

Mbabazi yasabye abaturage, ibigo by’amashuri, amavuriro, ndetse n’ahandi hose hashobora kuba hahurira abantu benshi gushaka uturinda nkuba.

Gusa nubwo abaturage bashishikarizwa gukoresha imirinda nkuba, abaturage bavuga ko iyi mirinda nkuba batayizi batazi naho bayikura, bakaba basaba inzego zibishinzwe kubanza kubasobanurira uko imirindankuba ikora n’uko ikoreshwa.

Mu minsi ishize mu murenge wa Kinihira Inkuba yakubise abanyeshuri bajyanwa kwa mugnga ku bw’amahirwe ntibitaba Imana, mu murenge wa Kabagari Inkuba yakubise umwarimu imwotsa ikibero n’umusatsi naho mu murenge wa Ruhango ho yakubise umukecuru ahita ashiramo umwuka.

Ubwo yifatanyaga mu gikorwa cy’umuganda  n’abaturage bo mu mudugudu wa Ryabitana, Akagari ka Gihinga, umurenge wa Gacurabwenge , akarere ka Kamonyi , Guverineri w’Intara y’Amajyepfo Munyentwari Alphonse yabashimiye ubwitabire n’ubushake bagaragaje muri icyo gikorwa.

Mu muganda wa nyuma w’ukwezi kwa Mata 2012, wabereye ku rwego rw’umudugudu, Ryabitana yahisemo kubakira igikoni umukecuru wacitse ku icumu no kubakira uturima tw’igikoni no gukora ubusitani imbere y’inzu z’imiryango ibiri , umwe w’imfubyi za jenoside n’undi w’umupfakazi wa jenoside.

Guverineri w’Intara y’amajyepfo Munyentwari Alphonse, nawe wari waje kwifatanya n’abo baturage, yashimiye abaturage , ingabo na Polisi kuko bitabiriye umuganda kandi bagakorana umurava.

Yabakanguriye gukomeza kugira umutima w’urukundo . Ati “ n’iyo igikorwa cyaba gito, icy’ingenzi ni umutima w’urukundo ugikoranye”.

Umukecuru Nyiraneza Pascasie w’imyaka 64 bubakiye igikoni, avuga ko mu kwibuka k’uyu mwaka yabonye ibitangaza kuko abaturage batahwemye kumufasha, dore ko no mu gihe cy’icyunamo bari bamwubakiye urugo. Aragira ati “ndishimye cyane kuko ibyo bankoreye byari byarananiye kubyikorera”.

Uretse uyu mukecuru hari n’indi miryango ibiri yubakiwe akarima k’igikoni, itunganyirizwa n’ubsitani bw’imbere y’inzu. Nyirakamana Pelagie  umwe muri bo akaba nawe yishimiye iki gikorwa kuko ngo bimweretse imibanire myiza afitanye n’abaturanyi be.

Umunyamabanga Nshingwabikorwa w’umurenge wa Gacurabwenge Umugiraneza Marithe, avuga ko igikorwa cyo gufasha abacitse ku icumu rya jenoside yakorewe abatutsi, bagitangiye mu gihe cy’icyunamo kandi kikaba gikomeza no mu yindi midugudu. Babubakiye ingo, batera igishahuro ku mazu ndetse babubakira n’ubwiherero imiryango itishoboye yacitse ku icumu.

Ibikorwa nk’ibyo by’urukundo ngo  bituma abacitse ku icumu badaheranwa n’agahinda. Yasabye kandi abakorewe uturima tw’igikoni kwita ku mboga zatewemo kandi bakazajya bahaho n’abaturanyi babo mu rwego rwo kurwanya imirire mibi.

Minisitiri w’urubyiruko, isakazabumenyi n’ikoranabuhanga, Jean Philbert Nsengimana, avuga ko urubyiruko rutari rukwiye kwibutswa ko hari umuntu ukeneye ubufasha kandi ari rwo rufite imbaraga zakubaka igihugu.

Minisitiri Nsengimana yabivuze tariki 28/4/2012 ubwo yifatanyaga n’abaturage bo mu murenge wa Kabarondo mu karere ka Kayonza kubakira Jeannette Mukantasingwa wo mu mu dugudu wa Rwakigeri, akagari ka Kinzovu mu murenge wa Kabarondo.

Mukantasingwa ni umwe mu bacitse ku icumu batishoboye batoranyijwe bo muri uwo murenge bagombaga guhabwa ubufasha bwo kubakirwa. Inzu abamo yari itangiye kwangirika kubera amazi yari yaratangiye kuyicengera mu nsi. Cyakora ngo yahawe ubufasha bw’amabati n’umuryango AVEGA urengera inyungu z’abapfakazi ba Jenoside, anafashwa kuzamura inzu ye.

Uyu mubyeyi w’abana bane avuga ko ubuzima abayeho budashimishije na gato dore ko ngo abasha kubona icyo agaburira abana ari uko yagiye guca inshuro nk’uko abyivugira.

Muri uwo muganda yafashijwe gushyigikira inzu ye ishyirwaho igitebe (fondation) kugira ngo amazi atazongera kwinjira mu nkuta akaba yatuma inzu isenyuka, ndetse anubakirwa igikoni.

“Bamutwariye matora yabuze mafaranga yishyura”

Mukantasingwa avuga ko umuntu wamuhomeye inzu yamutwaye matora yaryamagaho kubera ko yari yabuze amafaranga yo kumwishyura. Avuga ko yagiranye amasezerano n’uwo muntu wamuhomeye inzu ko azamwishyura arangije kuyihoma, ariko aza kurangiza kuyihoma amafaranga yo kumwishyura ataraboneka bituma ahita amwambura iyo matora yararagaho.

Ati “urabona nk’iyi nzu yanjye ifite imiryango yo hanze gusa hagati nta miryango irimo. Kubera ubu njye n’abana dusigaye tunarara hasi imbeho iraza ikadukubita kuko iba idafite gitangira, kuburyo yanatuma umuntu arwara”

Nyuma y’umuganda minisitiri Nsengimana yasabye abaturage kugira umutima ufasha abari mu bibazo, maze bakusanya amafaranga arenga gato ibihumbi 40 kugira ngo iyo matora ye yongere ayigaruze dore ko uwari warayifatiriye ngo yamubwiraga ko agiye kuyigurisha.

Minisitiri Nsengimana ashinzwe akarere ka Kayonza by’umwihariko. Yasabye abaturage kugira umutima wo kuremera, ariko by’umwihariko asaba urubyiruko kugira ishyaka ryo gufasha abari mu kaga.